शुक्रवार 13 जून 2025 की दैनिक मुरली

13-06-2025 praatahmurli om shanti "baapdaada"' madhuban

“meethe bachche - is behad ke khel mein tum aatma roopi actor paartadhaari ho, tumhaara nivaas sthaan hai - sweet silence hom, jahaan ab jaana hai''

prashn:- jo drama ke khel ko yathaartha reeti jaante hain, unke mukh se kaun se shabd nahin nikal sakte hain?

uttar:- yeh aisa nahin hota tha to aise hota… yeh hona nahin chaahiye - aise shabd drama ke khel ko jaanne vaale nahin kahenge। tum bachche jaante ho yeh drama ka khel joon misal phirta rehta hai, jo kuchh hota hai sab drama mein noondh hai, koi phikra ki baat nahin hai।

om shanti। baap jab apna parichay bachchon ko dete hain to bachchon ko apna parichay bhi mil jaata hai। sab bachche bahut samay deh-abhimaani hokar rehte hain। dehi-abhimaani hon to baap ka yathaartha parichay ho। parantu drama mein aise hai nahin। bhal kehte bhi hain bhagwan god father hai, rachta hai, parantu jaante nahin hain। shivling ka chitra bhi hai, parantu itna bada to woh hai nahin। yathaartha reeti na jaanne ke kaaran baap ko bhool jaate hain। baap hai bhi rachta, zaroor rachenge bhi nai duniya, to zaroor ham bachchon ko nai duniya ki raajdhaani ka varsa hona chaahiye। svarga ka naam bhi bhaarat mein mashhoor hai, parantu samajhte kuchh bhi nahin। kehte hain phalaana mara svarga padhaara। ab aise kabhi hota hai kya। abhi tum samajhte ho ham sab tuchchha buddhi the, nambarvaar to kahenge na। mukhya ke liye hi samjhaani hai ki main inmen aata hoon, bahut janmon vaale antim shareer mein। yeh hai number one। bachche samajhte hain abhi ham unke bachche brahman ban gaye। yeh sab hain samajh ki baaten। baap itne samay se samjhaate hi rehte hain। nahin to second ki baat hai baap ko pahchaanna। baap kehte hain mujhe yaad karenge to tumhaare vikarma vinaash honge। nishchay ho gaya phir koi bhi baat mein prashn aadi uth nahin sakta। baap ne samjhaaya hai - tum paavan the jab shantidham mein the। yeh baaten bhi tum hi baap dvaara sunte ho। doosra koi suna na sake। tum jaante ho ham aatmaayen kahaan ki rahvaasi hain। jaise naatak ke actors kahenge ham yahaan ke rahvaasi hain, kapda badalkar stage par aa jaayenge। abhi tum samajhte ho ham yahaan ke rahvaasi nahin hai। yeh ek naatakshaala hai। yeh abhi buddhi mein aaya hai ki ham mool vatan ke nivaasi hain, jisko sweet silence hom kaha jaata hai। iske liye hi sab chaahte hain kyonki aatma duhkhi hai na। to kehte hain ham kaise vaapis ghar jaayen। ghar ka pata na hone ke kaaran bhatakte hain। abhi tum bhatakne se chhoote। bachchon ko maaloom pad gaya hai, abhi tumko sachmuch ghar jaana hai। aham aatma kitni chhoti bindi hain। yeh bhi wonder hai jisko kudrat kaha jaata hai। itni chhoti bindi mein itna part bhara hua hai। parampita paramatma kaise part bajaate hain, yeh bhi tum jaan gaye ho। sabse mukhya paartadhaari woh hai, karan-karaavanhaar hai na। tum meethe-meethe bachchon ko yeh abhi samajh mein aaya hai ki ham aatmaayen shantidham se aati hain। aatmaayen koi nai thode hi nikalti hain, jo shareer mein pravesh karti hain। nahin। aatmaayen sabhi sweet hom mein rehti hain। vahaan se aati hain part bajaane। sabhi ko part bajaana hai। yeh khel hai। yeh soorya, chaand, stars aadi kya hain! yeh sab battiyaan hain, jismen raat aur din ka khel chalta hai। kai kehte hain soorya devtaae namah, chandrama devtaae namah... parantu vaastav mein yeh koi devtaayen hain nahin। is khel ka kisko maaloom nahin hai। soorya chaand ko bhi devta kah dete hain। vaastav mein yeh is saare vishwa naatak ke liye battiyaan hain। ham rahvaasi hain sweet silence hom ke। yahaan ham part baja rahe hain, yeh joon misal chakra phirta rehta hai, jo kuchh hota hai drama mein noondh hai। aise nahin kehna chaahiye ki aise nahin hota tha to aise hota। yeh to drama hai na। misla jaise tumhaari maa thi, khyaal mein to nahin tha na ki chali jaayegi। achha, shareer chhod diya - drama। ab apna naya part baja rahi hai। phikra ki koi baat nahin। yahaan tum sab bachchon ki buddhi mein hai ham actors hain, yeh haar aur jeet ka khel hai। yeh haar-jeet ka khel maaya par aadhaarit hai। maaya se haare haar hai aur maaya se jeete jeet। yeh gaate to sab hain parantu buddhi mein gyaan zara bhi nahin hai। tum jaante ho maaya kya cheez hai, yeh to raavan hai, jisko hi maaya kaha jaata hai। dhan ko sampatti kaha jaata। dhan ko maaya nahin kahenge। manushya samajhte hain inke paas bahut dhan hai। to kah dete maaya ka nasha hai। lekin maaya ka nasha hota hai kya! maaya ko to ham jeetne ki koshish karte hain। to ismen koi bhi baat mein sanshay nahin uthna chaahiye। kachchi avastha hone ke kaaran hi sanshay uthta hai। abhi bhagvaanuvaach hai - kiske prati? aatmaon ke prati। bhagwan to zaroor shiv hi chaahiye jo aatmaon prati kahe। shreekrishna to dehdhaari hai, woh aatmaon prati kaise kahenge। tumko koi dehdhaari gyaan nahin sunaate hain। baap ko to deh hai nahin। aur to sabko deh hai, jinki pooja karte hain unko yaad karna to sahaj hai। brahma, vishnu, shankar ko kahenge devta। shiv ko bhagwan kehte hain। oonch te oonch bhagwan, unko deh hai nahin। yeh bhi tum jaante ho jab mool vatan mein aatmaaen thi to tumko deh thi? nahin। tum aatmaayen thi। yeh baba bhi aatma hai। sirf woh param hai, inka part gaaya hua hai। part bajaakar gaye hain, tab hi pooja hoti hai। parantu ek bhi manushya nahin jisko yeh maaloom ho - 5 hazaar varsha pahle bhi parampita paramatma rachta aaya tha, woh hai hi heavenly god father। har 5 hazaar varsha baad kalpa ke sangam par woh aate hain, parantu kalpa ki aayu lambi-chaudi kar dene se sab bhool gaye hain। tum bachchon ko baap baith samjhaate hain, tum khud kehte ho baba ham aapse kalpa-kalpa milte hain aur aapse varsa lete hain, phir kaise ganvaate hain - yeh buddhi mein hai। gyaan to anek prakaar ke hain parantu gyaan ka saagar bhagwan ko hi kaha jaata hai। ab yeh bhi sab samajhte hain - vinaash hoga zaroor। aage bhi vinaash hua tha। kaise hua tha - yeh kisko bhi pata nahin hai। shaastron mein to vinaash ke baare mein kya-kya likh diya hai। paandav aur kaurvon ki yuddha kaise ho sakti!

abhi tum brahman ho sangamayug par। braahmanon ki to koi ladaai hai nahin। baap kehte hain tum hamaare bachche ho nonviolence, double ahinsak। abhi tum nirvikaari ban rahe ho। tum hi baap se kalpa-kalpa varsa lete ho। ismen kuchh bhi takleeph ki baat nahin। knowledge badi sahaj hai। 84 janmon ka chakra tumhaari buddhi mein hai। abhi naatak poora hota hai, baaki thoda time hai। tum jaante ho - abhi aisa samay aane vaala hai jo saahookaaron ko bhi anaaj nahin milega, paani nahin milega। isko kaha jaata hai duhkh ke pahaad, khoone naahek khel hai na। itne sab khatma ho jaayenge। koi bhool karte hain to unko danda milta hai, inhonne kya bhool ki hai? sirf ek hi bhool ki hai, jo baap ko bhoole hain। tum to baap se raajaai le rahe ho। baaki manushya to samajhte hain mare ki mare। mahaabhaarat ladaai thodi bhi shuru hui to mar jaayenge। tum to jeete ho na। tum transfer hokar amarlok mein jaate ho, is padhaai ki taakat se। padhaai ko source oph income kaha jaata hai। shaastron ki bhi padhaai hai, usse bhi income hoti hai, parantu woh padhaai hai bhakti ki। ab baap kehte hain main tumko in lakshmi-naaraayan jaisa banaata hoon। tum abhi svachchha buddhi bante ho। tum jaante ho ham oonch te oonch bante hain, phir punarjanma lete-lete neeche utarte hain। naye se puraana hota hai। seedhi zaroor utarni pade na। abhi srishti ki bhi utarti kala hai। chadhti kala thi to in devtaaon ka raajya tha, svarga tha। abhi narka hai। abhi tum phir se purushaartha kar rahe ho - svargavaasi banne ke liye। baba-baba karte rehte ho।

O god father kah pukaarte hain parantu yeh thode hi samajhte ki woh aatmaon ka baap oonch te oonch hai, ham unke bachche phir duhkhi kyon? abhi tum samajhte ho duhkhi bhi hona hi hai। yeh sukh aur duhkh ka khel hai na। jeet mein sukh hai, haar mein duhkh hai। baap ne raajya diya, raavan ne chheen liya। abhi tum bachchon ki buddhi mein hai - baap se hamko svarga ka varsa milta rehta hai। baap aaya hua hai, abhi sirf baap ko yaad karna hai to paap kat jaayen। janma-janmaantar ka sir par bojha hai na। yeh bhi tum jaante ho, tum koi bahut duhkhi nahin hote ho। kuchh sukh bhi hai - aate mein namak। jisko kaag vishta samaan sukh kaha jaata hai। tum jaante ho sarva ka sadgati daata ek hi baap hai। jagat ka guru bhi ek thahra। vaanaprastha mein guru kiya jaata hai। abhi to chhote ko bhi guru kara dete ki agar mar jaaye to sadgati ko paayenge। baap kehte hain vaastav mein kisko bhi guru nahin kah sakte। guru woh jo sadgati de। sadgati daata to ek hi hai। baaki Christ, buddha aadi koi bhi guru nahin। ve aate hain to sabko sadgati milti hai kya! Christ aaya, unke peechhe sab aane lage। jo bhi us dharma ke the। phir unko guru kaise kahenge, jabki le aane liye nimitta bane hain। patit-paavan ek hi baap ko kehte hain, woh sabko vaapis le jaane vaala hai। sthaapna bhi karte hain, sirf sabko le jaayen to pralay ho jaaye। pralay to hoti nahin। sarva shaastramai shiromni shreemad bhagvat geeta gaai hui hai। gaayan hai - yada yadaahi....। bhaarat mein hi baap aate hain। svarga ki baadshaahi dene vaala baap hai unko bhi sarvavyaapi kah dete hain। abhi tum bachchon ko khushi hai ki nai duniya mein saare vishwa par ek hamaara hi raajya hoga। us raajya ko koi chheen nahin sakta। yahaan to tukde-tukde par aapas mein kitna ladte rehte hain। tumko to maza hai। khaggiyaan maarni hai। kalpa-kalpa baba se ham varsa lete hain to kitni khushi honi chaahiye। baap kehte hain mujhe yaad karo phir bhi bhool jaate hain। kehte hain - baba yog toot jaata hai। baba ne kaha hai yog akshar nikaal do। woh to shaastron ka akshar hai। baap kehte hain - mujhe yaad karo। yog bhakti maarga ka akshar hai। baap se baadshaahi milti hai svarga ki, unko tum yaad nahin karenge to vikarma vinaash kaise honge। raajaai kaise milegi। yaad nahin karenge to pad bhi kam ho padega, saza bhi khaayenge। yeh bhi akla nahin hai। itne besmajh ban pade hain। main kalpa-kalpa tumko kehta hoon - maamekam yaad karo। jeete ji is duniya se mar jaao। baap ki yaad se tumhaare vikarma vinaash honge aur tum vijay maala ka daana ban jaayenge। kitna sahaj hai। oonch te oonch shivbaaba aur brahma donon highest hain। vo paarlaukik aur yeh alaukik। bilkul saadhaaran teacher hai। woh teachers phir bhi saza dete hain, yeh to puchkaar dete rehte hain। kehte hain - meethe bachche, baap ko yaad karo, satopradhaan banna hai। patit-paavan ek hi baap hai। guru bhi vahi thahra aur koi guru ho na sake। kehte hain buddha paar nirvaan gaya - yeh sab gapoda hai। ek bhi vaapis ja na sake। sabka drama mein part hai। kitni vishaal buddhi aur khushi rahni chaahiye। oopar se lekar saara gyaan buddhi mein hai। brahman hi gyaan uthaate hain। na shoodron mein, na devtaaon mein yeh gyaan hai। ab samajhne vaala samjhe। jo na samjhe unka maut hai। pad bhi kam ho jaayega। school mein bhi nahin padhte hain to pad kam ho jaata hai। alpha baba, be baadshaahi। ham phir se apni raajdhaani mein ja rahe hain। yeh puraani duniya khatma ho jaayegi। achha।

meethe-meethe sikeeldhe bachchon prati maat-pita, baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap humein aise naye vishwa ki raajaai dete hain jise koi bhi chheen nahin sakta - is khushi mein khaggiyaan maarni hain।

2) vijay maala ka daana banne ke liye jeete ji is puraani duniya se marna hai। baap ki yaad se vikarma vinaash karne hai।

vardaan:- apni powerful stage dvaara sarva ki shubh kaamnaaon ko poorn karne vaale mahaadaani bhav

peechhe aane vaali aatmaayen thode mein hi raazi hongi, kyonki unka part hi kana-daana lene ka hai। to aisi aatmaon ko unki bhaavna ka phal praapta ho, koi bhi vanchit na rahe, iske liye abhi se apne mein sarva shaktiyaan jama karo। jab aap apni sampoorn powerful, mahaadaani stage par sthit honge to kisi bhi aatma ko apne sahayog se, mahaadaan dene ke kartavya ke aadhaar se, shubh bhaavna ka switch on karte hi nazar se nihaal kar denge।

slogan:- sada eeshvareey maryaadaaon par chalte raho to maryaada purushottam ban jaayenge।

avyakt ishaare-aatmik sthiti mein rahne ka abhyaas karo, antarmukhi bano

jab seva ki stage par jaate ho to yeh anubhav hona chaahiye ki yeh aatmaayen bahut samay ke antarmukhta ki, roohaaniyat ki gupha se nikalkar seva ke liye aai hain। tapasvi roop dikhaai de। behad ke vairaagya ki rekhaayen soorat se dikhaai den। jitna hi ati roohaab utna hi ati raham। aisi service ka abhi samay hai।