शुक्रवार 27 जून 2025 की दैनिक मुरली

27-06-2025 praatahmurli om shanti "baapdaada"' madhuban

“meethe bachche - tumhaara time bahut valuable hai, isliye phaaltu baaton mein apna time vesta mat karo''

prashn:- manushya se devta banne ke liye baap ki kaun-si shreemat mili hui hai?

uttar:- bachche, tum jabki manushya se devta bante ho to koi aasuri svabhaav nahin hona chaahiye, 2. koi par krodh nahin karna hai, 3. kisko bhi duhkh nahin dena hai, 4. koi bhi phaaltu baaten kaan se nahin sunni hain। baap ki shreemat hai hear no evil. . . .।

om shanti। tum bachchon ka baithna simple hai। kahaan bhi baith sakte ho। chaahe jangal mein baitho, pahaadi par baitho, ghar mein baitho ya kutiya mein baitho, kahaan bhi baith sakte ho। aise baithne se tum bachche transfer hote ho। tum bachche jaante ho abhi ham manushya, bhavishya ke liye devta ban rahe hain। ham kaanton se phool ban rahe hain। baba baagvaan bhi hai, maali bhi hai। ham baap ko yaad karne se aur 84 ka chakra phiraane se transfer ho rahe hain। yahaan baitho, chaahe kahaan bhi baitho tum transfer hote-hote manushya se devta bante jaate ho। buddhi mein em object hai, ham yeh ban rahe hain। kuchh bhi kaam-kaaj karo, roti pakaao, buddhi mein sirf baap ko yaad karo। bachchon ko yeh shreemat milti hai - chalte-phirte sab kuchh karte sirf yaad mein raho। baap ki yaad se varsa bhi yaad aata hai, 84 ka chakra bhi yaad aata hai। ismen aur kya takleeph hai, kuchh bhi nahin। jabki ham devta bante hain, to koi aasuri svabhaav bhi nahin hona chaahiye। koi par krodh nahin karna, kisko duhkh nahin dena, koi bhi phaaltu baaten kaan se sunni nahin hain। sirf baap ko yaad karo। baaki sansaar ki jharmui-jhagmui to bahut suni। aadhaakalpa se yeh sunte-sunte tum neeche gire ho। ab baap kehte hain yeh jharmui-jhagmui na karo। phalaana aisa hai, inmen yeh hai। koi bhi phaaltu baaten nahin karni hai। yeh jaise ki apna time vesta karna hai। tumhaara time bahut valuable hai। padhaai se hi apna kalyaan hai, inse hi pad paayenge। us padhaai mein bahut mehnat karni padti hai। imtahaan paas karne vilaayat mein jaate hain। tumko to koi takleeph nahin dete। baap aatmaon ko kehte hain mujh baap ko yaad karo, ek-do ko saamne bithaate hain, to bhi baap ki yaad mein raho। yaad mein baithte-baithte tum kaanton se phool bante ho। kitni achhi yukti hai, to baap ki shreemat par chalna chaahiye na। har ek ki alag-alag beemaari hoti hai। to har ek beemaari ke liye surgeon hai। bade-bade aadmiyon ke khaas surgeon hote hain na। tumhaara surgeon kaun bana hai? bhagwan। woh hai avinaashi surgeon। kehte hain ham tumko aadhaakalpa ke liye nirogi banaate hain। sirf mujhe yaad karo to vikarma vinaash honge। tum 21 janma ke liye nirogi ban jaayenge। yeh gaanth baandh deni chaahiye। yaad se hi tum nirogi ban jaayenge। phir 21 janma liye koi bhi rog nahin hoga। bhal aatma to avinaashi hai, shareer hi rogi banta hai। lekin bhogti to aatma hai na। vahaan aadhaakalpa tum kabhi bhi rogi nahin banenge। sirf yaad mein tatpar raho। service to bachchon ko karni hi hai। pradarshani mein service karte-karte bachchon ke gale ghut jaate hain। kai bachche phir samajhte hain ham service karte-karte chale jaayenge baba ke paas। yeh bhi bahut achha hai, service ka tareeka। pradarshani mein bhi bachchon ko samjhaana hai। pradarshani mein pahle-pahle yeh lakshmi-naaraayan ka chitra dikhaana chaahiye। yeh A one chitra hai। bhaarat mein aaj se 5 hazaar varsha pahle barobar inka raajya tha। athaah dhan tha। pavitrata-sukh-shanti sab thi। parantu bhakti maarga mein satayug ko laakhon varsha de diye hain to koi bhi baat yaad kaise aaye, yeh lakshmi-naaraayan ka first class chitra hai। satayug mein 1250 varsha is dynasty ne raajya kiya tha। aage tum bhi nahin jaante the। abhi baap ne tum bachchon ko smriti dilaai hai ki tumne saare vishwa par raajya kiya tha, kya tum bhool gaye ho। 84 janma bhi tumne liye hain। tum hi sooryavanshi the। punarjanma to lete hi hain। 84 janma tumne kaise liye hain, yeh badi simple baat hai samajhne ki। neeche utarte aaye, ab phir baap chadhti kala mein le jaate hain। gaate bhi hain chadhti kala tere bhaane sabka bhala। phir shankh aadi bajaate hain। ab tum bachche jaante ho haahaakaar hoga, paakistaan mein dekho kya ho gaya tha - sabke mukh se yahi nikalta tha he bhagwan, haay raam ab kya hoga। ab yeh vinaash to bahut bada hai, peechhe phir jay jaykaar honi hai। baap bachchon ko samjhaate hain - is behad ki duniya ka ab vinaash hona hai। behad ka baap behad ka gyaan tumko sunaate hain। had ki baaten history-geography to sunte aaye ho। yeh kisko bhi pata nahin tha ki lakshmi-naaraayan ne raajya kaise kiya। inhon ki history-geography koi bhi nahin jaante। tum achhi reeti jaante ho - itne janma raajya kiya phir yeh dharma hote hain, inko kaha jaata hai spiritual knowledge, jo spiritual father bachchon ko baith dete hain। vahaan to manushya, manushya ko padhaate hain, yahaan ham aatmaon ko paramatma aap samaan bana rahe hain। teacher zaroor aapasmaan banaayenge।

baap kehte hain main tumko apne se bhi oonch double sirtaaj banaata hoon। light ka taaj milta hai yaad se, aur 84 ke chakra ko jaanne se tum chakravarti bante ho, abhi tum bachchon ko karma-akarma-vikarma ki gati bhi samjhaai hai। satayug mein karma-akarma hota hai। raavan raajya mein hi karma vikarma hota hai। seedhi utarte aate hain, kala kam hote-hote utarna hi hai। kitna chhi-chhi ban jaate hain। phir baap aakar bhakton ko phal dete hain। duniya mein bhakta to sab hain। satayug mein bhakta koi hota nahin। bhakti cult yahaan hai। vahaan to gyaan ki praalabdha hoti hai। abhi tum jaante ho ham baap se behad ki praalabdha le rahe hain। koi ko bhi pahle-pahle is lakshmi-naaraayan ke chitra par samjhaao। aaj se 5 hazaar varsha pahle inka raajya tha, vishwa mein sukh-shanti-pavitrata sab thi, aur koi dharma nahin tha। is samay to anek dharma hain, woh pahle dharma hai nahin phir is dharma ko aana hai zaroor। ab baap kitna pyaar se padhaate hain। koi ladaai ki baat nahin, beggar life hai, paraaya raajya hai, apna sab kuchh gupta hai। baba bhi gupta aaya hua hai। aatmaon ko baith samjhaate hain। aatma hi sab kuchh karti hai। shareer dvaara part bajaati hai। woh abhi deh-abhimaan mein aai hai। ab baap kehte hain dehi-abhimaani bano। baap aur koi zara bhi takleeph nahin dete hain। baap jab gupta roop mein aate hain to tum bachchon ko gupta daan mein vishwa ki baadshaahi dete hain। tumhaara sab gupta hai isliye rasam ke roop mein kanya ko jab dahej dete hain to gupta hi dete hain। vaastav mein gaaya jaata hai - gupta daan mahaapunya। do-chaar ko maaloom pada to woh taakat kam ho jaati hai।

baap kehte hain bachche tum pradarshani mein pahle-pahle is lakshmi-naaraayan ke chitra par sabko samjhaao। tum chaahte ho na - vishwa mein shanti ho। parantu woh kab thi, yeh kiski buddhi mein nahin hai। abhi tum jaante ho - satayug mein pavitrata, sukh, shanti sab thi, yaad bhi karte hain phalaana svargavaasi hua, samajhte kuchh nahin। jisko jo aaya kah dete, arth kuchh nahin। yeh hai drama। meethe-meethe bachchon ko buddhi mein gyaan hai ki ham 84 ka chakra lagaate hain। abhi baap aaye hain - patit duniya se paavan duniya mein le jaane। baap ki yaad mein rehte transfer hote jaate hain। kaante se phool bante hain। phir ham chakravarti raaja banenge। banaane vaala baap hai। woh param aatma to sadaiv pure hai। vahi aate hain pure banaane। satayug mein tum khoobsoorat ban jaayenge। vahaan natural beauty rehti hai। aajkal to artificial shrringaar karte hain na। kya-kya fashion nikla hai। kaisi-kaisi dress pahante hain। aage females bahut parde mein rehti thi, ki koi ki nazar na pade। abhi to aur hi khula kar diya hai, to jahaan tahaan gand badh gaya hai। baap kehte hain - hear no evil।

raaja mein power rehti hai। eeshvar arth daan karte hain to usmein power rehti hai। yahaan to koi mein power hai nahin, jisko jo aaya karte rehte hain। bahut gande manushya hain। tum bahut saubhaagyashaali ho jo khivaiya ne haath pakda hai। tum hi kalpa-kalpa nimitta bante ho। tum jaante ho pahle mukhya hai deh-abhimaan, uske baad hi sab bhoot aate hain। mehnat karni hai apne ko aatma samajh baap ko yaad karo, yeh koi kaduvi davaai nahin hai। sirf kehte hain apne ko aatma samajh baap ko yaad karo। phir kitna bhi paidal baba ki yaad mein karte jaao, kabhi taange thakengi nahin। halke ho jaayenge। bahut madad milti hai। tum master sarvashaktimaan ban jaate ho। tum jaante ho ham vishwa ka maalik bante hain, baap ke paas aaye hain aur koi takleeph nahin dete hain। sirf bachchon ko kehte hain hear no evil। jo serviceable bachche hain unke mukh se to sadaiv gyaan ratna hi niklenge। gyaan ki baaton ke sivaae aur koi baat mukh se nahin nikal sakti। tumhein vaahyaat jharmui-jhagmui ki baaten kabhi nahin sunni hai। service karne vaalon ke mukh se sadaiv ratna hi nikalte hain। gyaan ki baaton ke sivaae baaki hai patthar maarna। patthar nahin maarte to zaroor gyaan ratna dete hain ya patthar maarenge ya avinaashi gyaan ratna denge, jiski value kathan nahin kar sakte। baap aakar abhi tumko gyaan ratna dete hain।

bachche jaante hain baba bahut-bahut meetha hai, aadhaakalpa gaate aate hain, tum maat-pita… parantu arth kuchh bhi nahin samajhte the। tote misal sirf gaate rehte the। tum bachchon ko kitni khushi honi chaahiye। baba hamko behad ka varsa vishwa ki baadshaahi dete hain। 5 hazaar varsha pahle ham vishwa ke maalik the। abhi nahin hain, phir banenge। shivbaaba brahma dvaara varsa dete hain। brahman kul chaahiye na। bhaageerath kahne se bhi samajh na saken isliye brahma aur unka phir brahman kul hai। brahma tan mein pravesh karte hain isliye unko bhaageerath kaha jaata hai। brahma ke bachche brahman hain। brahman hain choti। viraat roop bhi aisa hota hai, oopar mein baba phir sangamayugi brahman jo ki eeshvareey santaan bante hain। tum jaante ho abhi ham eeshvareey santaan hain phir daivi santaan banenge to degree kam ho jaayegi। yeh lakshmi-naaraayan bhi degree kam hai, kyonki inmen gyaan nahin hai। gyaan braahmanon mein hai। parantu lakshmi-naaraayan ko agyaani nahin kahenge। inhonne gyaan se yeh pad paaya hai। tum brahman kitne oonch ho phir devta bante ho to kuchh bhi gyaan nahin rehta, unmein gyaan hota to daivi vansh mein parampara se chala aata। meethe-meethe sikeeldhe bachchon ko sab raaz, sab yuktiyaan batlaate hain। train mein baithe bhi tum service kar sakte ho। ek chitra par hi aapas mein baith baat karenge to dher aakar ikatthe honge। jo is kul ka hoga woh achhi reeti dhaarna kar praja ban jaayega। chitra to bahut achhe-achhe hain service ke liye। ham bhaaratvaasi pahle devi-devta the, abhi to kuchh nahin hain। phir history repeat hoti hai। beech mein yeh hai sangamayug, jismen tum purushottam bante ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan ki baaton ke sivaae aur koi baat mukh se nahin nikaalni hai। jharmui-jhagmui ki baaten kabhi nahin sunni hai। mukh se sadaiv ratna nikalte rahen, patthar nahin।

2) service ke saath-saath yaad ki yaatra mein rah svayan ko nirogi banaana hai। avinaashi surgeon svayan bhagwan humein mila hai 21 janma ke liye nirogi banaane... isi nashe mein va khushi mein rehna hai।

vardaan:- har karma mein follow father kar sneh ka respond dene vaale teevra-purushaarthi bhav

jisse sneh hota hai usko automatically follow karna hota hai। sada yaad rahe ki yeh karma jo kar rahe hain yeh follow father hai? agar nahin hai to stop kar do। baap ko copy karte baap samaan bano। copy karne ke liye jaise kaarban paper daalte hain vaise attention ka paper daalo to copy ho jaayega kyonki abhi hi teevra purushaarthi ban svayan ko har shakti se sampanna banaane ka samay hai। agar svayan, svayan ko sampanna nahin kar sakte ho to sahayog lo। nahin to aage chal tu let ho jaayenge।

slogan:- santushtata ka phal prasannata hai, prasannachit banne se prashn samaapta ho jaate hain।

avyakt ishaare-aatmik sthiti mein rahne ka abhyaas karo, antarmukhi bano

kisi kamjor aatma ki kamjori ko na dekho। yeh smriti mein rahe ki variety aatmaayen hain। sabke prati aatmik drishti rahe। aatma ke roop mein unko smriti mein laane se power de sakenge। aatma bol rahi hai, aatma ke yeh sanskaar hain, yeh paath pakka karo to sabke prati svatah shubh bhaavna rahegi।