सोमवार 21 जुलाई 2025 की दैनिक मुरली

21-07-2025 praat:murli om shanti "baapdaada"' madhuban

“meethe bachche - purushaartha kar daivi gun achhi reeti dhaaran karne hain, kisi ko bhi du:kh nahin dena hai, tumhaari koi bhi aasuri activity nahin chaahiye''

prashnah- kaun se aasuri gun tumhaare shrringaar ko bigaad dete hain?

uttar:- aapas mein ladna-jhagadna, roothna, centre par dhamchakra machaana, du:kh dena - yeh aasuri gun hain, jo tumhaare shrringaar ko bigaad dete hain। jo bachche baap ka ban karke bhi in aasuri gunon ka tyaag nahin karte hain, ulte karma karte hain, unhein bahut ghaata pad jaata hai। hisaab hi hisaab hai। baap ke saath dharmaraaj bhi hai।

geet:- bholenaath se niraala......

om shanti। roohaani bachche yeh to jaan chuke hain ki oonch te oonch bhagwan hai। manushya gaate hain aur tum dekhte ho divya drishti se। tum buddhi se bhi jaante ho ki hamko woh padha rahe hain। aatma hi padhti hai shareer se। sab kuchh aatma hi karti hai shareer se। shareer vinaashi hai, jisko aatma dhaaran kar part bajaati hai। aatma mein hi saare part ki noondh hai। 84 janmon ki bhi aatma mein hi noondh hai। pahle-pahle to apne ko aatma samajhna hai। baap hai sarvashaktimaan। unse tum bachchon ko shakti milti hai। yog se shakti jaasti milti hai, jisse tum paavan bante ho। baap tumko shakti dete hain vishwa par raajya karne ki। itni mahaan shakti dete hain, woh science ghamandi aadi itna sab banaate hain vinaash ke liye। unki buddhi hai vinaash ke liye, tumhaari buddhi hai avinaashi pad paane ke liye। tumko bahut shakti milti hai jisse tum vishwa par raajya paate ho। vahaan praja ka praja par raajya nahin hota hai। vahaan hai hi raaja-raani ka raajya। oonch te oonch hai bhagwan। yaad bhi unko karte hain। lakshmi-naaraayan ka sirf mandir banaakar poojte hain। phir bhi oonch te oonch bhagwan gaaya jaata hai। abhi tum samajhte ho yeh lakshmi-naaraayan vishwa ke maalik the। oonch te oonch vishwa ki baadshaahi milti hai behad ke baap se। tumko kitna oonch pad milta hai। to bachchon ko kitni khushi honi chaahiye। jisse kuchh milta hai unko yaad kiya jaata hai na। kanya ka pati se kitna lav rehta hai, kitna pati ke pichhaadi praan deti hai। pati marta hai to ya-husain macha deti hai। yeh to patiyon ka pati hai, tumko kitna shrringaar rahe hain - yeh oonch te oonch pad praapta karaane ke liye। to tum bachchon mein kitna nasha hona chaahiye। daiveegun bhi tumko yahaan dhaaran karne hain। bahuton mein abhi tak aasuri avgun hain, ladna-jhagadna, roothna, centre par dhamchakra machaana....... baba jaante hain bahut reports aati hain। kaam mahaashatru hai to krodh bhi koi kam shatru nahin hai। phalaane ke oopar pyaar, mere oopar kyon nahin! phalaani baat inse poochhi, mere se kyon nahin poochha! aise-aise bolne vaale sanshay buddhi bahut hain। raajdhaani sthaapan hoti hai na। aise-aise kya pad paayenge। martabe mein to farka bahut rehta hai। mehtar (saphaai karmi) bhi dekho achhe-achhe mahlon mein rehte, koi kahaan rehte। har ek ko apna purushaartha kar daiveegun achhe dhaaran karne hain। deh-abhimaan mein aane se aasuri activity hoti hai। jab dehi-abhimaani ban achhi reeti dhaarna karte raho tab oonch pad paao। purushaartha aisa karna hai, daiveegun dhaaran karne ka, kisko du:kh nahin dena hai। tum bachche du:kh harta, sukh karta baap ke bachche ho। koi ko bhi du:kh nahin dena chaahiye। jo centre sambhaalte hain un par bahut responsibility hai। jaise baap kehte hain - bachche, agar koi bhool karta hai to sauguna danda pad jaata hai। deh-abhimaan hone se bada ghaata hota hai kyonki tum brahman sudhaarne ke liye nimitta bane hue ho। agar khud hi nahin sudhre to auron ko kya sudhaarenge। bahut nuksaan ho padta hai। paandav government hai na। oonch te oonch baap hai unke saath dharmaraaj bhi hai। dharmaraaj dvaara bahut badi saza khaate hain। aise kuchh karma karte hain to bahut ghaata pad jaata hai। hisaab hi hisaab hai, baba ke paas poora hisaab rehta hai। bhakti maarga mein bhi hisaab hi hisaab hai। kehte bhi hain bhagwan tumhaara hisaab lega। yahaan baap khud kehte hain dharmaraaj bahut hisaab lenge। phir us samay kya kar sakenge! saakshaatkaar hoga - hamne yeh-yeh kiya। vahaan to thodi maar padti hai, yahaan to bahut maar khaani padegi। tum bachchon ko satayug mein garbha jel mein nahin aana hai। vahaan to garbha mahal hai। koi paap aadi karte nahin। to aisa raajya-bhaagya paane ke liye bachchon ko bahut khabardaar hona hai। kai bachche braahmani (teacher) se bhi teekhe ho jaate hain। takdeer braahmani se bhi oonchi ho jaati hai। yeh bhi baap ne samjhaaya hai - achhi service nahin karenge to janma-janmaantar daas-daasiyaan banenge।

baap sammukh aate hi bachchon se poochhte hain - bachche, dehi-abhimaani hokar baithe ho? baap ke bachchon prati mahaavaakya hain - bachche, aatma-abhimaani banne ka bahut purushaartha karna hai। ghoomte phirte bhi vichaar saagar manthan karte rehna hai। bahut bachche hain jo samajhte hain ham jaldi-jaldi is narka ki chhi-chhi duniya se jaayen sukhdhaam। baap kehte hain achhe-achhe mahaarthi yog mein bahut fail hain। unhon ko bhi purushaartha karaaya jaata hai। yog nahin hoga to ekdam gir padenge। knowledge to bahut sahaj hai। history-geography saari buddhi mein aa jaati hai। bahut achhi-achhi bachchiyaan hain jo pradarshani samjhaane mein badi teekhi hain। parantu yog hai nahin, daiveegun bhi nahin hain। kabhi-kabhi khyaal hota hai, ajun kya-kya avasthaayen hain bachchon ki। duniya mein kitna du:kh hai। jaldi-jaldi yeh khatma ho jaae। intazaar mein baithe hain, jaldi chalen sukhdhaam। tadaphte rehte hain। jaise baap se milne liye tadaphte hain, kyonki baba hamko svarga ka raasta bataate hain। aise baap ko dekhne liye tadaphte hain। samajhte hain aise baap ke sammukh jaakar roz murli sunen। abhi to samajhte ho yahaan koi jhanjhat ki baat nahin rehti hai। baahar mein rahne se to sabse tod nibhaana padta hai। nahin to khitpit ho jaae isliye sabko dheeraj dete hain। ismen badi gupta mehnat hai। yaad ki mehnat koi se pahunchti nahin। gupta yaad mein rahen to baap ke direction par bhi chalen। deh-abhimaan ke kaaran baap ke direction par chalte hi nahin। kehta hoon chart banaao to bahut unnati hogi। yeh kisne kaha? shivbaaba ne। teacher kaam dete hain to karke aate hain na। yahaan achhe-achhe bachchon ko bhi maaya karne nahin deti। achhe-achhe bachchon ka chart baba ke paas aaye to baba bataayen dekho kaise yaad mein rehte ho। samajhte hain ham aatmaayen aashik, ek maashook ki hain। woh jismaani aashik-maashook to anek prakaar ke hote hain। tum bahut puraane aashik ho। abhi tumko dehi-abhimaani banna hai। kuchh na kuchh sahan karna hi padega। miya mitthu nahin banna hai। baba aise thode hi kehte haddi de do। baba to kehte hain tanduroosti achhi rakho to service bhi achhi reeti kar sakenge। beemaar honge to pade rahenge। koi-koi hospital mein bhi samjhaane ki service karte hain to doctor log kehte hain yeh to farishte hain। chitra saath mein le jaate hain। jo aisi-aisi service karte hain unko merciful kahenge। service karte hain to koi-koi nikal padte hain। jitna-jitna yaad bal mein rahenge utna manushyon ko tum kheechenge, ismen hi taakat hai। purity first। kaha bhi jaata hai pahle purity, pees, peechhe prosperity। yaad ke bal se hi tum pavitra hote ho। phir hai gyaan bal। yaad mein kamjor mat bano। yaad mein hi vighna padenge। yaad mein rahne se tum pavitra bhi banenge aur daiveegun bhi aayenge। baap ki mahima to jaante ho na। baap kitna sukh dete hain। 21 janmon ke liye tumko sukh ke laayak banaate hain। kabhi bhi kisko du:kh nahin dena chaahiye।

kai bachche disservice kar apne aapko jaise shraapit karte hain, doosron ko bahut tang karte hain। kapoot bachcha bante hain to apne aapko aapehi shraapit kar dete hain। disservice karne se ekdam pat pad jaate hain। bahut bachche hain jo vikaar mein gir padte hain ya krodh mein aakar padhaai chhod dete hain। anek prakaar ke bachche yahaan baithe hain। yahaan se refresh hokar jaate hain to bhool ka pashchaataap karte hain। phir bhi pashchaataap se koi maaph nahin ho sakta hai। baap kehte hain kshama apne par aapehi karo। yaad mein raho। baap kisko kshama nahin karte hain। yeh to padhaai hai। baap padhaate hain, bachchon ko apne par kripa kar padhna hai। manners achhe rakhne hain। baba braahmani ko kehte hain, register le aao। ek-ek ka samaachaar sunkar samjhaani di jaati hai। to samajhte hain braahmani ne report di hai aur hi jaasti disservice karne lag padte hain। badi mehnat lagti hai। maaya badi dushman hai। bandar se mandir banne nahin deti hai। oonch pad paane ke badle aur hi bilkul neeche gir padte hain। phir kabhi uth na saken, mar padte hain। baap bachchon ko baar-baar samjhaate hain yeh badi oonch manzil hai, vishwa ka maalik banna hai। bade aadmi ke bachche badi royalty se chalte hain। kahaan baap ki ijjat na jaaye। kahenge tumhaara baap kitna achha hai, tum kitne kapoot ho। tum apne baap ki ijjat ganva rahe ho! yahaan to har ek apni ijjat ganvaate hain। bahut sazaayen khaani padti hain। baba warning dete hain, bade khabardaar ho chalo। jel birds na bano। jel birds bhi yahaan hote hain, satayug mein to koi bhi jel nahin hota। phir bhi padhkar oonch pad paana chaahiye। gaphlat nahin karo। kisko bhi du:kh mat do। yaad ki yaatra par raho। yaad hi kaam mein aayegi। pradarshani mein bhi mukhya baat yahi bataao। baap ki yaad se hi paavan banenge। paavan banne to sab chaahte hain। yeh hai hi patit duniya। sarva ki sadgati karne to ek hi baap aate hain। Christ, buddha aadi koi ki sadgati nahin kar sakte। phir brahma ka bhi naam lete hain। brahma ko bhi sadgati daata nahin kah sakte। jo devi-devta dharma ka nimitta hai। bhal devi-devta dharma ki sthaapna to shivbaaba karte hain phir bhi naam to hai na - brahma-vishnu-shankar. . . .। trimoorti brahma kah dete। baap kehte hain yeh bhi guru nahin। guru to ek hi hai, unke dvaara tum roohaani guru bante ho। baaki woh hai dharma sthaapak। dharma sthaapak ko sadgati daata kaise kah sakte, yeh badi deep baaten hain samajhne ki। anya dharma sthaapak to sirf dharma sthaapan karte hain, jiske pichhaadi sab aa jaate hain, woh koi sabko vaapis nahin le ja sakte। unko to punarjanma mein aana hi hai, sabke liye yeh samjhaani hai। ek bhi guru sadgati ke liye nahin hai। baap samjhaate hain guru patit-paavan ek hi hai, vahi sarva ke sadgati daata, liberator hain, bataana chaahiye hamaara guru ek hi hai, jo sadgati dete hain, shantidham, sukhdhaam le jaate hain। satayug aadi mein bahut thode hote hain। vahaan kiska raajya tha, chitra to dikhaayenge na। bhaaratvaasi hi maanenge, devtaaon ke pujaari jhat maanenge ki barobar yeh to svarga ke maalik hain। svarga mein inka raajya tha। baaki sab aatmaayen kahaan thi? zaroor kahenge niraakaari duniya mein the। yeh bhi tum abhi samajhte ho। pahle kuchh bhi pata nahin tha। abhi tumhaari buddhi mein chakra phirta rehta hai। barobar 5 hazaar varsha pahle bhaarat mein inka raajya tha, jab gyaan ki praalabdha poori hoti hai to phir bhakti maarga shuru hota hai phir chaahiye puraani duniya se vairaagya। bas abhi ham nai duniya mein jaayenge। puraani duniya se dil uth jaata hai। vahaan pati bachche aadi sab aise milenge। behad ka baap to hamko vishwa ka maalik banaate hain।

jo vishwa ka maalik banne vaale bachche hain, unke khyaalaat bahut oonche aur chalan badi royal hogi। bhojan bhi bahut kam, jaasti habach nahin honi chaahiye। yaad mein rahne vaale ka bhojan bhi bahut sookshm hoga। bahuton ki khaane mein bhi buddhi chali jaati hai। tum bachchon ko to khushi hai vishwa ka maalik banne ki। kaha jaata hai khushi jaisi khuraak nahin। aisi khushi mein sadaiv raho to khaan-paan bhi bahut thoda ho jaae। bahut khaane se bhaari ho jaate hain phir jhutka aadi khaate hain। phir kehte baba neend aati hai। bhojan sadaiv ekras hona chaahiye, aise nahin ki achha bhojan hai to bahut khaana chaahiye! achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham du:kh harta sukh karta baap ke bachche hain, humein kisi ko du:kh nahin dena hai। disservice kar apne aapko shraapit nahin karna hai।

2) apne khyaalaat bade oonche aur royal rakhne hain। merciful ban service par tatpar rehna hai। khaane-peene ki habach (laalach) ko chhod dena hai।

vardaan:- honest ban svayan ko baap ke aage spashta karne vaale chadhti kala ke anubhvi bhav

svayan ko jo hain jaise hain - vaise hi baap ke aage pratyaksha karna - yahi sabse bade se bada chadhti kala ka saadhan hai। buddhi par jo anek prakaar ke bojh hain unhein samaapta karne ki yahi sahaj yukti hai। honest ban svayan ko baap ke aage spashta karna arthaat purushaartha ka maarga spashta banaana। kabhi bhi chaturaai se manmat aur parmat ke plan banaakar baap va nimitta bani hui aatmaon ke aage koi baat rakhte ho - to yeh honesty nahin। honesty arthaat jaise baap jo hai jaisa hai bachchon ke aage pratyaksha hai, vaise bachche baap ke aage pratyaksha hon।

slogan:- sachcha tapasvi woh hai jo sada sarvasva tyaagi ki position mein rehta hai।

avyakt ishaare - sankalpon ki shakti jama kar shreshtha seva ke nimitta bano

vartamaan, bhavishya ka darpan hai। vartamaan ki stage arthaat darpan dvaara apna bhavishya spashta dekh sakte ho। bhavishya raajya-adhikaari banne ke liye check karo ki vartamaan mere mein ruling power kahaan tak hai? pahle sookshm shaktiyaan, jo vishesh kaaryakarta hain - sankalp shakti ke oopar, buddhi ke oopar poora adhikaar ho tab apna bhavishya ujval bana sakenge।