शनिवार 26 जुलाई 2025 की दैनिक मुरली

26-07-2025 praatahmurli om shanti "baapdaada"' madhuban

“meethe bachche - yeh sangamayug vikarma vinaash karne ka yug hai, is yug mein koi bhi vikarma tumhein nahin karna hai, paavan zaroor banna hai''

prashn:- ateendriy sukh ka anubhav kin bachchon ko ho sakta hai?

uttar:- jo avinaashi gyaan ratnon se bharpoor hain, unhein hi ateendriy sukh ka anubhav ho sakta hai। jo jitna gyaan ko jeevan mein dhaaran karte hain utna saahookaar bante hain। agar gyaan ratna dhaaran nahin to gareeb hain। baap tumhein past, present, future ka gyaan dekar trikaaldarshi bana rahe hain।

geet:- om namo shivaae…

om shanti। past so present chal raha hai phir yeh jo present hai, woh past ho jaayega। yeh gaayan karte hain past ka। abhi tum purushottam sangamayug par ho। purushottam akshar zaroor daalna chaahiye। tum present dekh rahe ho, jo past ka gaayan hai woh ab practical ho raha hai, ismen koi sanshay nahin laana chaahiye। bachche jaante hain sangamayug bhi hai, kaliyug ka ant bhi hai। barobar sangamayug 5 hazaar varsha pahle past ho gaya hai, ab phir present hai। ab baap aaye hain, future bhi vahi hoga jo past ho gaya। baap raajayog sikhla rahe hain phir satayug mein raajya paayenge। abhi hai sangamayug। yeh baat tum bachchon ke sivaae koi bhi nahin jaante। tum practical mein raajayog seekh rahe ho। yeh hai ati sahaj। jo bhi chhote athva bade bachche hain, sabko ek mukhya baat zaroor samjhaani hai ki baap ko yaad karo to vikarma vinaash honge। jabki vikarma vinaash hone ka samay hai to aisa kaun hoga jo phir vikarma karega। parantu maaya vikarma kara deti hai, samajhte hain chamaat lag gai। hamse yeh kadi bhool ho gai। jabki baap ko bulaate hain ki he patit-paavan aao। ab baap aaya hai paavan banaane to paavan banna chaahiye na। eeshvar ka bankar phir patit nahin banna chaahiye। satayug mein sab pavitra the। yeh bhaarat hi paavan tha। gaate bhi hain - viceless world aur vicious world। woh sampoorn nirvikaari, ham vikaari hain kyonki ham vikaar mein jaate hain। vikaar naam hi vicious ka hai। patit hi bulaate hain aakar paavan banaao। krodhi nahin bulaate। baap bhi phir drama plan anusaar aate hain। zara bhi pharka nahin pad sakta। jo past hua hai so present ho raha hai। past, present, future ko jaanna unko hi trikaaldarshi kaha jaata hai। yeh yaad rakhna pade। yeh badi mehnat ki baaten hain। ghadi-ghadi bhool jaate hain। nahin to tum bachchon ko kitna ateendriy sukh rehna chaahiye। tum yahaan avinaashi gyaan dhan se bahut-bahut saahookaar ban rahe ho। jitni jiski dhaarna hai, woh bahut saahookaar ban rahe hain, parantu nai duniya ke liye। tum jaante ho ham jo kuchh karte hain so for future nai duniya ke liye। baap aaye hi hain nai duniya ki sthaapna karne। puraani duniya ka vinaash karne। hoobhu kalpa pahle misal hi hoga। tum bachche bhi dekhenge। natural calamities bhi honi hai। earthquake hui aur khatma। bhaarat mein kitni earthquake hogi। ham to kehte hain - yeh to hona hi hai। kalpa pahle bhi hua hai tab to kehte hain soni dvaarika neeche chali gai hai। bachchon ko yeh achhi reeti buddhi mein bithaana chaahiye ki hamne 5 hazaar varsha pahle bhi yeh knowledge li thi। ismen zara bhi pharka nahin। baba 5 hazaar varsha pahle bhi hamne aapse varsa liya tha। hamne anek baar aapse varsa liya hai। unki ginti nahin ho sakti। kitne baar tum vishwa ke maalik bante ho, phir phakeer bante ho। is samay bhaarat poora phakeer hai। tum likhte bhi ho drama plan anusaar। woh drama akshar nahin kehte। unka plan hi apna hai।

tum kehte ho drama ke plan anusaar ham phir se sthaapna kar rahe hain 5 hazaar varsha pahle muaaphik। kalpa pahle jo kartavya kiya tha so ab bhi shreemat dvaara karte hain। shreemat dvaara hi shakti lete hain। shiv shakti naam bhi hai na। to tum shiv shaktiyaan deviyaan ho, jinka mandir mein bhi poojan hota hai। tum hi deviyaan ho jo phir vishwa ka raajya paati ho। jagat amba ko dekho kitni pooja hai। anek naam rakh diye hain। hai to ek hi। jaise baap bhi ek hi shiv hai। tum bhi vishwa ko svarga banaate ho to tumhaari pooja hoti hai। anek deviyaan hain, lakshmi ki kitni pooja karte hain। deepmaala ke din mahaalakshmi ki pooja karte hain। woh hui head, mahaaraaja-mahaaraani milaakar mahaalakshmi kah dete hain। usmein donon aa jaate hain। ham bhi mahaalakshmi ki pooja karte the, dhan vriddhi ko paaya to samjhenge mahaalakshmi ki kripa hui। bas har varsha pooja karte hain। achha, unse dhan maangate hain, devi se kya maange? tum sangamayugi deviyaan svarga ka vardaan dene vaali ho। manushyon ko yeh pata nahin hai ki deviyon se svarga ki sab kaamnaayen poori hoti hain। tum deviyaan ho na। manushyon ko gyaan daan karti ho jisse sab kaamnaayen poorn kar deti ho। beemaari aadi hogi to deviyon ko kahenge theek karo। raksha karo। anek prakaar ki deviyaan hain। tum ho sangamayug ki shiv shakti deviyaan। tum hi svarga ka vardaan deti ho। baap bhi dete hain, bachche bhi dete hain। mahaalakshmi dikhaate hain। naaraayan ko gupta kar dete hain। baap tum bachchon ka kitna prabhaav badhaata hai। deviyaan 21 janma ke liye sukh ki sab kaamnaayen poori karti hain। lakshmi se dhan maangate hain। dhan ke liye hi manushya achha dhandha aadi karte hain। tumko to baap aakar saare vishwa ka maalik banaate hain, athaah dhan dete hain। shri lakshmi-naaraayan vishwa ke maalik the। abhi kangaal hain। tum bachche jaante ho raajaai ki, phir kaise dheere-dheere utarti kala hoti hai। punarjanma lete-lete kala kam hote-hote abhi dekho kaisi haalat aakar hui hai! yeh bhi nai baat nahin। har 5 hazaar varsha baad chakra phirta rehta hai। abhi bhaarat kitna kangaal hai। raavan raajya hai। kitna oonch number one tha, abhi last number hai। last mein na aaye to number one mein kaise jaae। hisaab hai na। dheeraj se agar vichaar saagar manthan karen to sab baaten aapehi buddhi mein aa jaayengi। kitni meethi-meethi baaten hain। abhi to tum saare srishti chakra ko jaan gaye ho। padhaai sirf school mein nahin padhi jaati। teacher sabak (lesson) dete hain ghar mein padhne ke liye, jisko hom work kehte hain। baap bhi tumko ghar ke liye padhaai dete hain। din mein bhal dhandha aadi bhi karo, shareer nirvaah to karna hi hai। amritvele to sabko phursat rehti hai। savere-savere do teen baje ka time bahut achha hai। us samay uthkar baap ko pyaar se yaad karo। baaki in vikaaron ne hi tumhein aadi-madhya-ant duhkhi kiya hai। raavan ko jalaate hain parantu iska bhi arth kuchh nahin jaante। bas sirf parmapra se raavan ko jalaane ki rasam chali aai hai। drama anusaar yeh bhi noondh hai। raavan ko maarte aaye hain parantu raavan marta hi nahin। abhi tum bachche jaante ho yeh raavan ko jalaana banda kab hoga। tum abhi sachchi-sachchi satya naaraayan ki katha sunte ho। tum jaante ho ki hamko abhi baap se varsa milta hai। baap ko na jaanne kaaran hi sab nidhanke hain। baap jo bhaarat ko svarga banaate hain unko bhi nahin jaante hain। yeh bhi drama mein noondh hai। seedhi utarte tamopradhaan banen tab to phir baap aaye। parantu apne ko tamopradhaan samajhte thode hi hain। baap kehte hain is samay saara jhaad jadajdeebhoot avastha ko paaya hai। ek bhi satopradhaan nahin। satopradhaan hote hi hain shantidham aur sukhdhaam mein। abhi hain tamopradhaan। baap hi aakar tum bachchon ko agyaan neend se jagaate hain। tum phir auron ko jagaate ho। jagte rehte hain। jaise manushya marte hain to unka deeva jalaate hain ki roshni mein aa jaae। ab yeh hai ghor andhiyaara, aatmaayen vaapas apne ghar ja na saken। bhal dil hoti hai duhkh se chhooten। parantu ek bhi chhoot nahin sakte।

jin bachchon ko purushottam sangamayug ki smriti rehti hai woh gyaan ratnon ka daan karne bina rah nahin sakte। jaise manushya purushottam maas mein bahut daan-punya karte hain, aise is purushottam sangamayug mein tumhein gyaan ratnon ka daan karna hai। yeh bhi samajhte ho svayan parampita paramatma padha rahe hain, shreekrishna ki baat nahin। shreekrishna to hai satayug ka pahla prince, phir to woh punarjanma lete aate hain। baba ne past, present, future ka bhi raaz samjhaaya hai। tum trikaaldarshi bante ho, aur koi trikaaldarshi bana nahin sakte sivaae baap ke। srishti ke aadi-madhya-ant ka gyaan baap ko hi hai, unko hi gyaan ka saagar kaha jaata hai। oonch te oonch bhagwan hi gaaya hai, vahi rachta hai। heavenly god father akshar bada clear hai - heaven sthaapan karne vaala। shivjayanti bhi manaate hain parantu woh kab aaye, kya kiya - yeh kuchh bhi nahin jaante। jayanti ke arth ka hi pata nahin to phir manaakar kya karenge, yeh bhi drama mein sab hai। is samay hi tum bachche drama ke aadi-madhya-ant ko jaante ho phir kab nahin। phir jab baba aayega tab hi jaanenge। abhi tumko smriti aai hai - yeh 84 ka chakra kaise phirta hai। bhaktimaarga mein kya hai, unse to kuchh bhi milta nahin। kitne bhakta log bheed mein dhakka khaane jaate hain, baba ne tumko unse chhuda diya। ab tum jaante ho ham shreemat par phir se bhaarat ko shreshtha bana rahe hain। shreemat se hi shreshtha bante hain। shreemat sangam par hi milti hai। tum yathaartha reeti se jaante ho ham kaun the phir kaise yeh bane hain, ab phir purushaartha kar rahe hain। purushaartha karte-karte bachche agar kabhi fail ho pado to baap ko samaachaar do, baap saavdhaani denge phir se khade hone ki। kabhi bhi failure ho baith nahin jaana hai। phir se khade ho jaao, davaai kar lo। surgeon to baitha hai na। baba samjhaate hain paanch manzil se girne aur 2 maar (manzil) se girne ka pharka kitna hai। kaam vikaar hai 5 manzil, isliye baba ne kaha hai kaam mahaashatru hai, usne tumko patit banaaya hai, ab paavan bano। patit-paavan baap hi aakar paavan banaate hain। zaroor sangam par banaayenge। kaliyug ant aur satayug aadi ka yeh sangam hai।

bachche jaante hain - baap abhi kalam laga rahe hain phir poora jhaad yahaan badhega। braahmanon ka jhaad badhega phir sooryavanshi-chandravanshi mein jaakar sukh bhogenge। kitna sahaj samjhaaya jaata hai। achha, murli nahin milti hai, baap ko yaad karo। yeh buddhi mein pakka karo ki shivbaaba brahma tan se hamko kehte hain ki mujhe yaad karo to vishnu ke gharaane mein chale jaayenge। saara madaar purushaartha par hai। kalpa-kalpa jo purushaartha kiya hai, hoobhu vahi chalega। aadhaakalpa deh-abhimaani bane ho, ab dehi-abhimaani banne ka poora purushaartha karo, ismen hai mehnat। padhaai to sahaj hai, mukhya hai paavan banne ki baat। baap ko bhoolna yeh to badi bhool hai। deh-abhimaan mein aane se hi bhoolte ho। shareer nirvaah arth dhandha aadi bhal 8 ghanta karo, baaki 8 ghanta yaad mein rahne ke liye purushaartha karna hai। woh avastha jaldi nahin hogi। ant mein jab yeh avastha hogi tab vinaash hoga। karmaateet avastha hui to phir yeh shareer thahar nahin sakega, chhoot jaayega kyonki aatma pavitra ban gai na। jab nambarvaar karmaateet avastha ho jaayegi tab ladaai shuru hogi, tab tak rehearsal hoti rahegi। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is purushottam maas mein avinaashi gyaan ratnon ka daan karna hai। amritvele uth vichaar saagar manthan karna hai। shreemat par shareer nirvaah karte hue baap ne jo hom work diya hai, woh bhi zaroor karna hai।

2) purushaartha mein kabhi rookaavat aaye to baap ko samaachaar dekar shreemat leni hai। surgeon ko sab sunaana hai। vikarma vinaash karne ke samay koi bhi vikarma nahin karna hai।

vardaan:- akhanda yog ki vidhi dvaara akhanda poojya banne vaali shreshtha mahaan aatma bhav

aajkal jo mahaan aatmaayen kahlaati hain unhon ke naam akhandaanand aadi rakhte hain lekin sabmen akhanda swaroop to aap ho - aanand mein bhi akhanda, sukh mein bhi akhanda... sirf sangadosh mein na aao, doosre ke avgunon ko dekhte, sunte don't care karo to is visheshta se akhanda yogi ban jaayenge। jo akhanda yogi hain vahi akhanda poojya bante hain। to aap aisi mahaan aatmaayen ho jo aadhaakalpa svayan poojya swaroop mein rehti ho aur aadhaakalpa aapke jad chitron ka poojan hota hai।

slogan:- divya buddhi hi silence ki shakti ka aadhaar hai।

avyakt ishaare - sankalpon ki shakti jama kar shreshtha seva ke nimitta bano

jo apni sookshm shaktiyon (man-buddhi) ko handle kar sakta hai, woh doosron ko bhi handle kar sakta hai isliye sva ke oopar controlling power, ruling power ho to yahi yathaartha handling power ban jaati hai। chaahe agyaani aatmaon ko seva dvaara handle karo, chaahe brahman-parivaar mein sneh sampanna, santushtata sampanna vyavhaar karo - donon mein saphal ho jaayenge।