शुक्रवार 8 अगस्त 2025 की दैनिक मुरली

08-08-2025 praatahmurli om shanti "baapdaada"' madhuban

“meethe bachche - sada isi khushi mein raho ki hamne 84 ka chakra poora kiya, ab jaate hain apne ghar, baaki thode din yeh karmabhog hai''

prashn:- vikarmaajeet banne vaale bachchon ko vikarmon se bachne ke liye kis baat par bahut dhyaan dena hai?

uttar:- jo sarva vikarmon ki jad deh-abhimaan hai, us deh-abhimaan mein kabhi na aayen, yeh dhyaan rakhna hai। iske liye baar-baar dehi-abhimaani ban baap ko yaad karna hai। achhe aur bure ka phal zaroor milta hai, ant mein vivek khaata hai। lekin is janma ke paapon ke bojh ko halka karne ke liye baap ko sach-sach sunaana hai।

om shanti। bade te badi manzil hai yaad ki। bahuton ko sirf sunne ka shauk rehta hai। gyaan ko samajhna to bahut sahaj hai। 84 ke chakra ko samajhna hai, svadarshan chakradhaari banna hai। jaasti kuchh nahin hai। tum bachche samajhte ho ham sab svadarshan chakradhaari hain। svadarshan chakra se koi ka gala nahin kaatte hain। jaise shreekrishna ke liye dikhaaya hai। ab yeh lakshmi-naaraayan vishnu ke do roop hain। kya unko svadarshan chakra hai? phir shreekrishna ko chakra kyon dikhaate hain? ek magazine nikaalte hain, jismen shreekrishna ke aise bahut chitra dikhaate hain। baap to aakar tumhein raajayog sikhaate hain, na ki chakra se asuron ka ghaat karte hain। asur unko kaha jaata, jinka aasuri svabhaav hai। baaki manushya to manushya hain na। aise nahin svadarshan chakra se baith sabko maarte hain। bhakti maarga mein kya-kya chitra baith banaaye hain। raat-din ka farka hai। tum bachchon ko is srishti chakra aur saare drama ko jaanna hai kyonki sab actors hain। woh had ke actors to drama ko jaante hain। yeh hai behad ka drama। ismen detail mein nahin samajh sakenge। woh to 2 ghante ka drama hota hai। detail mein part jaante hain। yeh to 84 janmon ko jaanna hota hai।

baap ne samjhaaya hai - main brahma ke rath mein pravesh karta hoon। brahma ke bhi 84 janmon ki kahaani chaahiye। manushyon ki buddhi mein yeh baaten aa na saken। yeh bhi nahin samajhte ki 84 laakh janma hain ya 84 janma hain? baap kehte hain tumhaare 84 janmon ki kahaani sunaata hoon। 84 laakh janma hon to kitne varsha sunaane mein lag jaayen। tum to second mein jaan jaate ho - yeh 84 janmon ki kahaani hai। hamne 84 ka chakra kaise lagaaya hai, 84 laakh ho to second mein thode hi samajh sakte। 84 laakh janma hain hi nahin। tum bachchon ko bhi khushi honi chaahiye। hamaara 84 ka chakra poora hua। ab ham ghar jaate hain। baaki thode din yeh karmabhog hai। vikarma bhasma ho karmaateet avastha kaise ho jaae, iske liye yeh yukti bataai hai। baaki samjhaate hain is janma mein jo bhi vikarma kiye hue hain woh likhkar do to bojh halka ho jaae। janma-janmaantar ke vikarma to koi likh na sake। vikarma to hote aaye hain। jabse raavan raajya shuru hua hai to karma vikarma ho padte hain। satayug mein karma akarma hote hain। bhagvaanuvaach - tumko karma-akarma-vikarma ki gati ko samjhaata hoon। vikarmaajeet ka sanvat lakshmi-naaraayan se shuru hota hai। seedhi mein bada clear hai। shaastron mein koi yeh baaten nahin hain। sooryavanshi, chandravanshi ka raaz bhi tum bachchon ne samjha hai ki ham hi the। viraat roop ka chitra bhi bahut banaate hain parantu arth kuchh bhi nahin jaante। baap bigar koi samjha nahin sakte। is brahma ke oopar bhi koi hai na, jisne sikhaaya hoga। agar koi guru ne sikhaaya hota to us guru ka sirf ek shishya to nahin ho sakta। baap kehte hain - bachche, tumhein patit se paavan, paavan se patit banna hi hai। yeh bhi drama mein noondh hai। anek baar yeh chakra paas kiya hai। paas karte hi rahenge। tum ho all-round paartadhaari। aadi se ant tak part aur koi ka hai nahin। tumko hi baap samjhaate hain। phir tum yeh bhi samajhte ho ki doosre dharma vaale phalaane-phalaane samay par aate hain। tumhaara to all-round part hai। Christian ke liye to nahin kahenge ki satayug mein the। woh to dvaapar ke bhi beech mein aate hain। yeh knowledge tum bachchon ki hi buddhi mein hai। kisko samjha bhi sakte ho। doosra koi srishti ke aadi-madhya-ant ko nahin jaante। rachayita ko hi nahin jaante to rachna ko kaise jaanenge। baba ne samjhaaya hai jo righteous baaten hain woh chhapaakar aeroplane se sab jagah giraani hai। woh points athva topics baith likhni chaahiye। bachche kehte hain kaam nahin hai। baba kehte hain yeh service to bahut hai। yahaan ekaanta mein baith yeh kaam karo। jo bhi badi-badi sansthaayen hain, geeta paathshaalaayen aadi hain, un sabko jagaana hai। sabko sandesh dena hai। yeh purushottam sangamayug hai। jo samajhdaar honge woh jhat samjhenge, zaroor sangamayug par hi nai duniya ki sthaapna aur puraani duniya ka vinaash hota hai। satayug mein purushottam manushya hote hain। yahaan hai aasuri svabhaav vaale patit manushya। yeh bhi baba ne samjhaaya hai, kumbha ka mela aadi jo lagta hai। bahut manushya jaate hain snaan karne। kyon snaan karne jaate hain? paavan hona chaahte hain। to jahaan-jahaan manushya snaan karne jaate hain vahaan jaakar service karni chaahiye। manushyon ko samjhaana chaahiye, yeh paani koi patit-paavni nahin hai। tumhaare paas chitra bhi hain। geeta paathshaalaaon mein jaakar yeh parche baantane chaahiye। bachche service maangate hain। yeh baithkar likho - geeta ka bhagwan parampita paramatma shiv hai, na ki shreekrishna। phir unki biography ki mahima likho। shivbaaba ki biography likho। phir aapehi woh judge karenge। yeh points bhi likhni hai ki patit-paavan kaun? phir shiv aur shankar ka bhed bhi dikhaana hai। shiv alag hai, shankar alag hai। yeh bhi baba ne samjhaaya hai - kalpa 5 hazaar varsha ka hai। manushya 84 janma lete hain, na ki 84 laakh। yeh mukhya-mukhya baaten short mein likhni chaahiye। jo aeroplane se bhi gira sakte hain, samjha bhi sakte hain। yeh jaise gola hai, ismen clear hai phalaane-phalaane dharma phalaane-phalaane samay par sthaapan hote hain। to yeh gola bhi hona chaahiye isliye mukhya 12 chitron ke calendars bhi chhapva sakte ho jismen saara gyaan aa jaae aur service sahaj ho sake। yeh chitra bilkul zaroori hai। kaun-se chitra banaane hain, kya-kya point likhni chaahiye। woh baith likho।

tum guptavesh mein is puraani duniya ka parivartan kar rahe ho। unknown warriors ho। tumko koi nahin jaante। baba bhi gupta, knowledge bhi gupta। inka koi shaastra aadi banta nahin, aur dharma sthaapak ke Bible aadi chhapte hain jo padhte aate hain। har ek ke chhapte hain। tumhaara phir bhakti maarga mein chhapta hai। abhi nahin chhapna hai kyonki abhi to yeh shaastra aadi sab khatma ho jaane hain। abhi tumko buddhi mein sirf yaad karna hai। baap ke paas bhi buddhi mein gyaan hai। koi shaastra aadi thode hi padhte। woh to knowledgeful hai। knowledgeful ka arth phir manushya samajhte hain sabke dilon ko jaanne vaala hai। bhagwan dekhte hain tab to karmon ka phal dete hain। baap kehte hain yeh drama mein noondh hai। drama mein jo vikarma karte hain to unki saza hoti jaati hai। achhe va bure karmon ka phal milta hai। uski likhat to koi hai nahin। manushya samajh sakte hain zaroor karmon ka phal doosre janma mein milta hai। ant ghadi vivek phir bahut khaata hai। hamne yeh-yeh paap kiye hain। sab yaad aata hai। jaisa karma vaisa janma milega। abhi tum vikarma-jeet bante ho to koi bhi aisa vikarma nahin karna chaahiye। bade te bada vikarma hai deh-abhimaani banna। baba baar-baar kehte hain dehi-abhimaani ban baap ko yaad karo, pavitra to rehna hi hai। sabse bada paap hai kaam kataari chalaana। yahi aadi-madhya-ant duhkh dene vaala hai isliye sanyaasi bhi kehte yeh kaag vishta samaan sukh hai। vahaan duhkh ka naam nahin hota। yahaan duhkh hi duhkh hai, isliye sanyaasiyon ko vairaagya aata hai। parantu woh jangal mein chale jaate hain। unhon ka hai had ka vairaagya, tumhaara hai behad ka vairaagya। yeh duniya hi chhi-chhi hai। sab kehte hain baba aakar hamaare duhkh harkar sukh do। baap hi duhkh harta sukh karta hai। tum bachche hi samajhte ho ki nai duniya mein in devtaaon ka raajya tha। vahaan kisi bhi prakaar ka duhkh nahin tha। jab koi shareer chhodta hai to manushya kehte hain svargavaasi hua। parantu yeh thode hi samajhte ki ham narka mein hain। ham jab maren tab svarga mein jaayen। parantu woh bhi svarga mein gaya va yahaan narka mein aaya? kuchh bhi samajhte nahin। tum bachche 3 baap ka raaz bhi sabko samjha sakte ho। do baap to sab samajhte hain laukik aur paarlaukik aur yeh alaukik prajaapita brahma phir hai yahaan sangamayug par। brahman bhi chaahiye na। woh brahman koi brahma ke mukh vanshaavli thode hi hain। jaante hain brahma tha isliye brahman devi-devta namah kehte hain। yeh nahin jaante ki kisko kehte hain, kaun se brahman? tum ho purushottam sangamayugi brahman। woh hain kaliyugi। yeh hai purushottam sangamayug, jab tum manushya se devta bante ho। devi-devta dharma ki sthaapna ho rahi hai। to bachchon ko sab points dhaaran karni hai aur phir service karni hai। pooja karne va shraaddha khaane par brahman log aate hain। unse bhi tum chit-chat kar sakte ho। tumko sachcha brahman bana sakte hain। abhi bhaadon ka maas aata hai, sabhi pitron ko khilaate hain। woh bhi yukti se karna chaahiye, nahin to kahenge ki brahmaakumaariyon ke paas jaakar sab kuchh chhod diya hai। aisa kuchh nahin karna hai, jismen naaraaj hon। yukti se tum gyaan de sakte ho। zaroor brahman log aayenge, tab to gyaan denge na। is maas mein tum braahmanon ki bahut service kar sakte ho। tum brahman to prajaapita brahma ki aulaad ho। bataao brahman dharma kisne sthaapan kiya? tum unhon ka bhi kalyaan kar sakte ho ghar baithe। jaise amarnaath ki yaatra par jaate hain to ve sirf likhat se itna nahin samjhenge। vahaan baith samjhaana chaahiye। ham tumko sachchi amarnaath ki katha sunaayen। amarnaath to ek ko hi kaha jaata hai। amarnaath arthaat jo amarpuri sthaapan kare। woh hai satayug। aise service karni pade। vahaan paidal jaana padta hai। jo achhe-achhe bade-bade aadmi hon unko jaakar samjhaana chaahiye। sanyaasiyon ko bhi tum gyaan de sakte ho। tum saari srishti ke kalyaankaari ho। shreemat par ham vishwa ka kalyaan kar rahe hain - buddhi mein yeh nasha rehna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jab ekaanta va phursat milti hai to gyaan ki achhi-achhi points par vichaar saagar manthan kar likhna hai। sabko sandesh pahunchaane va sabka kalyaan karne ki yukti rachni hai।

2) vikarmo se bachne ke liye dehi-abhimaani ban baap ko yaad karna hai। abhi koi bhi vikarma nahin karna hai, is janma ke kiye hue vikarma baapdaada ko sach-sach sunaane hain।

vardaan:- atal bhaavi ko jaante hue bhi shreshtha kaarya ko pratyaksha roop dene vaale sada samartha bhav

naya shreshtha vishwa banne ki bhaavi atal hote hue bhi samartha bhav ke vardaani bachche sirf karma aur phal ke, purushaartha aur praalabdha ke, nimitta aur nirmaan ke karma philosophy anusaar nimitta ban kaarya karte hain। duniya vaalon ko ummeend nahin dikhaai deti। aur aap kehte ho yeh kaarya anek baar hua hai, abhi bhi hua hi pada hai kyonki sva parivartan ke pratyaksha pramaan ke aage aur koi pramaan ki aavashyakta hi nahin। saath-saath parmaatma kaarya sada saphal hai hi।

slogan:- kehna kam, karna jyaada - yeh shreshtha lakshya mahaan bana dega।

avyakt ishaare - sahajyogi banna hai to parmaatma pyaar ke anubhvi bano

seva mein va svany ki chadhti kala mein saphalta ka mukhya aadhaar hai - ek baap se atoot pyaar। baap ke sivaae aur kuchh dikhaai na de। sankalp mein bhi baba, bol mein bhi baba, karma mein bhi baap ka saath, aisi lavleen sthiti mein rah ek shabd bhi bolenge to woh sneh ke bol doosri aatma ko bhi sneh mein baandh denge। aisi lavleen aatma ka ek baba shabd hi jaadu mantra ka kaam karega।