सोमवार 18 अगस्त 2025 की दैनिक मुरली

18-08-2025 praatahmurli om shanti "baapdaada"' madhuban

“meethe bachche - jaise baap guide hai, aise guide ban sabko ghar ka raasta bataana hai, andhon ki laathi banna hai''

prashn:- is bane-banaaye anaadi drama ka raaz kaun sa hai, jo tum bachche hi jaante ho?

uttar:- yeh bana banaaya anaadi drama hai ismen na to koi actor add ho sakta hai, na koi kam ho sakta hai। moksha kisi ko bhi milta nahin। koi kahe ki ham is aavaagman ke chakra mein aayen hi nahin। baba kehte haan kuchh samay ke liye। lekin part se koi bilkul chhoot nahin sakte। yeh drama ka raaz tum bachche hi jaante ho।

om shanti। meethe-meethe bachche yeh jaante hain ki bholaanaath kisko kaha jaata hai। tum sangamayugi bachche hi jaan sakte ho, kaliyugi manushya rinchak bhi nahin jaante। gyaan ka saagar ek baap hai, vahi srishti ke aadi-madhya-ant ka gyaan samjhaate hain। apni pahchaan dete hain। tum bachche abhi samajhte ho, aage kuchh nahin jaante the। baap kehte hain main hi aakar bhaarat ko svarga banaata hoon, behad ka varsa deta hoon। jo tum abhi le rahe ho। jaante hain ham behad ke baap se behad sukh ka varsa le rahe hain। yeh bana banaaya drama hai, ek bhi actor na add ho sakta, na kam ho sakta hai। sabhi ko apna-apna part mila hua hai। moksha ko pa nahin sakte। jo-jo jis dharma ka hai phir us dharma mein jaane vaale hain। bauddhi va Christian aadi ichchha karen ham svarga mein jaayen, parantu ja nahin sakte। jab unka dharma sthaapak aata hai tab hi unka part hai। yeh tum bachchon ki buddhi mein hai। saari duniya ke manushya maatra is samay naastik hain arthaat behad ke baap ko na jaanne vaale hain। manushya hi jaanenge na। yeh naatakshaala manushyon ki hai। har ek aatma nirvaandhaam se aati hai part bajaane। phir purushaartha karti hai nirvaandhaam mein jaane ke liye। kehte hain buddha nirvaan gaya। ab buddha ka shareer to nahin gaya, aatma gai। parantu baap samjhaate hain, jaata koi bhi nahin hai। naatak se nikal hi nahin sakte। moksha pa nahin sakte। bana-banaaya drama hai na। koi manushya samajhte hain moksha milta hai, isliye purushaartha karte rehte hain। jaise jaini log purushaartha karte rehte hain, unki apni rasma-rivaaj hai, unka apna guru hai, jisko maante hain। baaki moksha kisko bhi milta nahin hai। tum to jaante ho ham paartadhaari hain, is drama mein। ham kab aaye, phir kaise jaayenge, yeh kisko bhi pata nahin hai। jaanvar to nahin jaanenge na। manushya hi kehte hain ham actors paartadhaari hain। yeh karmakshetra hai, jahaan aatmaayen rehti hain। unko karmakshetra nahin kaha jaata। woh to niraakaari duniya hai। usmein koi khelpaal nahin hai, act nahin। niraakaari duniya se saakaari duniya mein aate hain part bajaane, jo phir repeat hota rehta hai। pralay kabhi hoti hi nahin। shaastron mein dikhaate hain - mahaabhaarat ladaai mein yaadav aur kaurav mar gaye, baaki 5 paandav bache, woh bhi pahaadon par gal mare। baaki kuchh raha nahin। isse samajhte hain pralay ho gai। yeh sab baaten baith banaai hain, phir dikhaate hain samudra mein peepal ke patte par ek bachcha angootha choosta aaya। ab inse phir duniya kaise paida hogi। manushya jo kuchh sunte hain woh sat-sat karte rehte hain। abhi tum bachche jaante ho ki shaastron mein bhi kya-kya likh diya hai। yeh sab hain bhakti maarga ke shaastra। bhakton ko phal dene vaala ek bhagwan baap hi hai। koi mukti mein, koi jeevanmukti mein chale jaayenge। har ek paartadhaari aatma ka jab part aayega tab phir aayegi। yeh drama ka raaz sivaae tum bachchon ke aur koi nahin jaante। kehte hain ham rachta aur rachna ko nahin jaante। drama ke actors hokar aur drama ke aadi-madhya-ant, duration aadi ko na jaanen to besmajh kahenge na। samjhaane se bhi samajhte nahin। 84 laakh samajhne kaaran duration bhi laakhon varsha de dete hain।

abhi tum samajhte ho baba ham aapse kalpa-kalpa aakar svarga ki baadshaahi lete hain। 5 hazaar varsha pahle bhi aapse mile the, behad ka varsa lene। yatha raaja-raani tatha praja sab vishwa ke maalik bante hain। praja bhi kahegi ham vishwa ke maalik hain। tum jab vishwa ke maalik bante ho, us samay chandravanshi raajya nahin hota hai। tum bachche drama ke saare aadi-madhya-ant ko jaante ho। manushya bhakti maarga mein jiski pooja karte hain unko bhi jaante nahin। jiski bhakti karni hoti hai to unki biography ko bhi jaanna chaahiye। tum bachche abhi sabki biography jaante ho baap ke dvaara। tum baap ke bane ho। baap ki biography ka pata hai। woh baap hai patit-paavan, liberator, guide। tumko kehte hain paandav। tum sabke guide bante ho, andhon ki laathi bante ho sabko raasta bataane ke liye। yatha baap guide tatha tum bachchon ko bhi banna hai। sabko raasta bataana hai। tum aatma, woh paramatma hai, unse behad ka varsa milta hai। bhaarat mein behad ka raajya tha, ab nahin hai। tum bachche jaante ho ham behad ke baap se behad sukh ka varsa lete hain arthaat manushya se devta bante hain। ham hi devtaayen the phir 84 janma lekar shoodra bane hain। baap aakar shoodra se brahman banaate hain। yagya mein brahman zaroor chaahiye। yeh hai gyaan yagya, bhaarat mein yagya bahut rachte hain। ismen khaas aarya samaaji bahut yagya karte hain। ab yeh to hai roodra gyaan yagya, jismen saari puraani duniya svaaha honi hai। ab buddhi se kaam lena padta hai। kaliyug mein to bahut manushya hain, itni saari puraani duniya khalaas ho jaayegi। koi bhi cheej kaam mein nahin aani hai। satayug mein to phir sab kuchh naya hoga। yahaan to kitna ganda hai। manushya kaise gande rehte hain। dhanvaan bade achhe mahlon mein rehte hain। gareeb to bichaare ganda mein, jhopdiyon mein pade hain। ab in jhopdiyon ko destroy karte rehte hain। unko doosri jagah de woh jameen phir bechte rehte hain। nahin uthte to jabardasti uthaate hain। gareeb duhkhi bahut hain, jo sukhi hain woh bhi sthaai sukhi nahin। agar sukh hota to kyon kehte ki yeh kaag vishta samaan sukh hai।

shiv bhagvaanuvaach, ham in maataaon ke dvaara svarga ke dvaar khol rahe hain। maataaon par kalash rakha hai। woh phir sabko gyaan amrit pilaati hain। parantu tumhaara hai pravritti maarga। tum ho sachche-sachche brahman, to sabko gyaan chita par bithaate ho। abhi tum bante ho daivi sampradaay। aasuri sampradaay arthaat raavan raajya। gaandhi bhi kehte the raam raajya ho। bulaate hain he patit-paavan aao parantu apne ko patit samajhte thode hi hain। baap bachchon ko sujaag karte hain, tum ghor andhiyaare se sojhre mein aaye ho। manushya to samajhte hain ganga snaan karne se paavan ban jaayenge। aise hi ganga mein haridvaar ka saara kichda padta hai। kahaan phir woh kichda saara kheti mein le jaate hain। satayug mein aise kaam hote nahin। vahaan to anaaj dher ke dher hota hai। paisa thode hi kharcha karna padta hai। baba anubhvi hai na। pahle kitna anaaj sasta tha। satayug mein bahut thode manushya hain har cheez sasti rehti hai। to baap kehte hain - meethe bachche, abhi tumko patit se paavan banna hai। yukti bahut sahaj bataate hain, apne ko aatma samajh baap ko yaad karo। aatma mein hi khaad padne se mulamme ki ban gai hai। jo paarasbuddhi the vahi ab pattharbuddhi bane hain। tum bachche abhi baap ke paas pattharnaath se paarasnaath banne aaye ho। behad ka baap tumko vishwa ka maalik banaate hain, so bhi golden aged vishwa ka। yeh hai iron aged vishwa। baap baith bachchon ko paaraspuri ka maalik banaate hain। tum jaante ho yahaan ke itne mahal maadiyaan aadi koi kaam mein nahin aayenge। sab khatma ho jaayenge। yahaan kya rakha hai! America ke paas kitna sona hai! yahaan to thoda bahut sona jo maataaon ke paas hai, woh bhi lete rehte hain kyonki unko to karz mein sona dena hai। tumhaare paas vahaan sona hi sona hota hai। yahaan kaudiyaan, vahaan heere honge। inko kaha jaata hai iron ej। bhaarat hi avinaashi khanda hai, kabhi vinaash nahin hota। bhaarat hai sabse oonch te oonch। tum maataayen saare vishwa ka uddhaar karti ho। tumhaare liye zaroor nai duniya chaahiye। puraani duniya ka vinaash chaahiye। kitni samajhne ki baaten hain। shareer nirvaah arth dhandha aadi bhi karna hai। chhodna kuchh bhi nahin hai। baba kehte hain sab kuchh karte hue mujhe yaad karte raho। bhakti maarga mein bhi tum mujh maashook ko yaad karte aaye ho ki hamko aakar saanvare se gora banaao। unko musaaphir kaha jaata hai। tum sab musaaphir ho na। tumhaara ghar woh hai, jahaan sab aatmaayen rehti hain।

tum sabko gyaan chita par bithaate ho। sab hisaab-kitaab chuktu kar jaane vaale hain। phir nayesir tum aayenge, jitna yaad mein rahenge utna pavitra banenge aur oonch pad paayenge। maataaon ko to phursat rehti hai। males ki buddhi dhandhe aadi taraph chakra lagaati rehti hai, isliye baap ne kalash bhi maataaon par rakha hai। yahaan to stri ko kehte hain ki pati hi tumhaara eeshvar guru sab kuchh hai। tum unki daasi ho। abhi phir baap tum maataaon ko kitna oonch banaate hain। tum naariyaan hi bhaarat ka uddhaar karti ho। koi-koi baba se poochhte hain - aavaagman se chhoot sakte hain? baba kehte hain - haan, kuchh samay ke liye। tum bachche to all-round aadi se ant tak part bajaate ho। doosre jo hain woh muktidhaam mein rehte hain। unka part hi thoda hai। woh svarga mein to jaane vaale hain nahin। aavaagman se moksha usko kahenge jo pichhaadi ko aaye aur yeh gaye। gyaan aadi to sun na saken। sunte vahi hain jo shuru se ant tak part bajaate hain। koi kehte hain - hamko to yahi pasanda hai। ham vahaan hi baithe rahen। aise thode hi ho sakta hai। drama mein noondha hua hai, jaakar pichhaadi mein aayenge zaroor। baaki saara samay shantidham mein rehte hain। yeh behad ka drama hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) sachcha-sachcha brahman ban sabko gyaan amrit pilaana hai। gyaan chita par bithaana hai।

2) shareer nirvaah arth dhandha aadi sab kuchh karte patit se paavan banne ke liye baap ki yaad mein rehna hai aur sabko baap ki yaad dilaana hai।

vardaan:- visheshtaaon ke daan dvaara mahaan banne vaale mahaadaani bhav

gyaan daan to sab karte hain lekin aap vishesh aatmaon ko apni visheshtaaon ka daan karna hai। jo bhi aapke saamne aaye use aap se baap ke sneh ka anubhav ho, aapke chehre se baap ka chitra aur chalan se baap ke charitra dikhaai den। aapki visheshtaayen dekhkar woh vishesh aatma banne ki prerna praapta kare, aise mahaadaani bano to aadi se ant tak, poojya pan mein bhi aur pujaari pan mein bhi mahaan rahenge।

slogan:- sada aatma abhimaani rahne vaala hi sabse bada gyaani hai।

avyakt ishaare - sahajyogi banna hai to parmaatma pyaar ke anubhvi bano

jo sada baap ki yaad mein lavleen rah main-pan ki tyaag-vritti mein rehte hain, unhon se hi baap dikhaai deta hai। aap bachche knowledge ke aadhaar se baap ki yaad mein sama jaate ho to yeh samaana hi lavleen sthiti hai, jab lav mein leen ho jaate ho arthaat lagan mein magna ho jaate ho tab baap ke samaan ban jaate ho।