बुधवार 20 अगस्त 2025 की दैनिक मुरली

20-08-2025 praatahmurli om shanti "baapdaada"' madhuban

“meethe bachche - shreemat par chal sabko mukti-jeevanmukti paane ka raasta bataao, saara din yahi dhandha karte raho''

prashn:- baap ne kaun-si sookshm baaten sunaai hain jo bahut samajhne ki hain?

uttar:- satayug amarlok hai, vahaan aatma ek chola badal doosra leti hai lekin mrityu ka naam nahin isliye use mrityulok nahin kaha jaata। 2. shivbaaba ki behad rachna hai, brahma ki rachna is samay sirf tum brahman ho। trimoorti shiv kahenge, trimoorti brahma nahin। yeh sab bahut sookshm baaten baap ne sunaai hain। aisi-aisi baaton par vichaar kar buddhi ke liye svayan hi bhojan taiyaar karna hai।

om shanti। trimoorti shiv bhagvaanuvaach। ab vo log trimoorti brahma kehte hain। baap kehte hain - trimoorti shiv bhagvaanuvaach। trimoorti brahma bhagvaanuvaach nahin kehte। tum trimoorti shiv bhagvaanuvaach kah sakte ho। vo log to shiv-shankar kah mila dete hain। yeh to seedha hai। trimoorti brahma ke badle trimoorti shiv bhagvaanuvaach। manushya to kah dete - shankar aankh kholte hain to vinaash ho jaata hai। yeh sab buddhi se kaam liya jaata hai। teen ka hi mukhya part hai। brahma aur vishnu ka to bada part hai 84 janmon ka। vishnu ka aur prajaapita brahma ka arth bhi samjha hai, part hai in teen ka। brahma ka to naam gaaya hua hai aadi dev, Adam। prajaapita ka mandir bhi hai। yeh hai vishnu ka athva krishna ka antim 84 vaan janma, jiska naam brahma rakha hai। siddha to karna hi hai - brahma aur vishnu। ab brahma ko to adopted kahenge। yeh donon bachche hain shiv ke। vaastav mein bachcha ek hai। hisaab karenge to brahma hai shiv ka bachcha। baap aur daada। vishnu ka naam hi nahin aata। prajaapita brahma dvaara shivbaaba sthaapna kar rahe hain। vishnu dvaara sthaapna nahin karaate। shiv ke bhi bachche hain, brahma ke bhi bachche hain। vishnu ke bachche nahin kah sakte। na lakshmi-naaraayan ko hi bahut bachche ho sakte hain। yeh hai buddhi ke liye bhojan। aapehi bhojan banaana chaahiye। sabse jaasti part kahenge vishnu ka। 84 janmon ka viraat roop bhi vishnu ka dikhaate hain, na ki brahma ka। viraat roop vishnu ka hi banaate hain kyonki pahle-pahle prajaapita brahma ka naam dharte hain। brahma ka to bahut thoda part hai isliye viraat roop vishnu ka dikhaate hain। chaturbhuj bhi vishnu ka bana dete। vaastav mein yeh alankaar to tumhaare hain। yeh bhi badi samajhne ki baaten hain। koi manushya samjha na sake। baap naye-naye tareeke se samjhaate rehte hain। baap kehte hain trimoorti shiv bhagvaanuvaach right hai na। vishnu, brahma aur shiv। ismen bhi prajaapita brahma hi bachcha hai। vishnu ko bachcha nahin kahenge। bhal creation kehte hain parantu rachna to brahma ki hogi na। jo phir bhinna naam roop leti hai। mukhya part to unka hai। brahma ka part bhi bahut thoda hai is samay ka। vishnu ka kitna samay raajya hai! saare jhaad ka beej roop hai shivbaaba। unki rachna ko saaligraam kahenge। brahma ki rachna ko brahman-braahmaniyaan kahenge। ab jitni shiv ki rachna hai utni brahma ki nahin। shiv ki rachna to bahut hai। sabhi aatmaayen unki aulaad hain। brahma ki rachna to sirf tum brahman hi bante ho। had mein aa gaye na। shivbaaba ki hai behad ki rachna - sabhi aatmaayen। behad ki aatmaon ka kalyaan karte hain। brahma dvaara svarga ki sthaapna karte hain। tum brahman hi jaakar svargavaasi banenge। aur to koi ko svargavaasi nahin kahenge, nirvaanvaasi athva shantidham vaasi to sab bante hain। sabse oonch service shivbaaba ki hoti hai। sabhi aatmaon ko le jaate hain। sabhi ka part alag-alag hai। shivbaaba bhi kehte hain mera part alag hai। sabka hisaab-kitaab chuktu karaae tumko patit se paavan banaae le jaata hoon। tum yahaan mehnat kar rahe ho paavan banne ke liye। doosre sab kayaamat ke samay hisaab-kitaab chuktu kar jaayenge। phir muktidhaam mein baithe rahenge। srishti ka chakra to phirna hai।

tum bachche brahma dvaara brahman ban phir devta ban jaate ho। tum brahman shreemat par seva karte ho। sirf manushyon ko raasta bataate ho - mukti aur jeevanmukti ko paana hai to aise pa sakte ho। donon chaabi haath mein hain। yeh bhi jaante ho kaun-kaun mukti mein, kaun-kaun jeevanmukti mein jaayenge। tumhaara saara din yahi dhandha hai। koi anaaj aadi ka dhandha karte hain to buddhi mein saara din vahi rehta hai। tumhaara dhandha hai rachna ke aadi-madhya-ant ko jaanna aur kisko mukti-jeevanmukti ka raasta bataana। jo is dharma ke honge woh nikal aayenge। aise bahut dharma ke hain jo badal nahin sakte। jaise ingalo Christian kaale hote hain। roop to nahin badalta hai। sirf aise badal denge। aise nahin ki features badal jaate hain। sirf dharma ko maan lete hain। kai bauddha dharma ko maante hain kyonki devi-devta dharma to praayah lop hai na। ek bhi aisa nahin jo kahe ham aadi sanaatan devi-devta dharma ke hain। devtaaon ke chitra kaam mein aate hain, aatma to avinaashi hai, woh kabhi marti nahin। ek shareer chhod phir doosra lekar part bajaati hai। unko mrityulok nahin kaha jaata। woh hai hi amarlok। chola sirf badalti hai। yeh baaten badi sookshm samajhne ki hain। mutta (thok) nahin hai। jaise shaadi hoti hai to kinko rezgaari, kinko mutta dete hain। koi sab dikhaakar dete hain, koi banda peti hi dete hain। kisma-kisma ke hote hain। tumko to varsa milta hai mutta, kyonki tum sab brides ho। baap hai bridegroom। tum bachchon ko shrringaar kar vishwa ki baadshaahi mutte mein dete hain। vishwa ka maalik tum bante ho।

mukhya baat hai yaad ki। gyaan to bahut sahaj hai। bhal hai to sirf alpha ko yaad karna। parantu vichaar kiya jaata hai yaad hi jhat khisak jaati hai। bahut karke kehte hain baba yaad bhool jaati hai। tum kisko bhi samjhaao to hamesha yaad akshar bolo। yog akshar wrong hai। teacher ko student ki yaad rehti hai। father hai supreme soul। tum aatma supreme nahin ho। tum ho patit। ab baap ko yaad karo। teacher ko, baap ko, guru ko yaad kiya jaata hai। guru log baith shaastra sunaayenge, mantra denge। baba ka mantra ek hi hai - manamnaabhav। phir kya hoga? madhyaaji bhav। tum vishnupuri mein chale jaayenge। tum sab to raaja-raani nahin banenge। raaja-raani aur praja hoti hai। to mukhya hai trimoorti। shivbaaba ke baad hai brahma jo phir manushya srishti arthaat brahman rachte hain। braahmanon ko baith phir padhaate hain। yeh nai baat hai na। tum brahman-braahmaniyaan behen-bhaai thahre। budhe bhi kahenge ham bhaai-behen hain। yeh andar mein samajhna hai। kisko phaaltu aise kehna nahin hai। bhagwan ne prajaapita brahma dvaara srishti rachi to bhaai-behen hue na। jabki ek prajaapita brahma ke bachche hain, yeh samajhne ki baaten hain। tum bachchon ko to badi khushi honi chaahiye - hamko padhaate kaun hain? shivbaaba। trimoorti shiv। brahma ka bhi bahut thoda samay part hai। vishnu ka satayugi raajdhaani mein 8 janma part chalta hai। (8gaddiyaan chalti hain) brahma ka to ek hi janma ka part hai। vishnu ka part bada kahenge। trimoorti shiv hai mukhya। phir aata hai brahma ka part jo tum bachchon ko vishnupuri ka maalik banaate hain। brahma se brahman so phir devta bante hain। to yeh ho gaya alaukik father। thoda samay yeh father hai jisko ab maante hain। aadi dev, Adam aur beebi। inke bigar srishti kaise rachenge। aadi dev aur aadi devi hai na। brahma ka part bhi sirf sangam samay ka hai। devtaaon ka part to phir bhi bahut chalta hai। devtaayen bhi sirf satayug mein kahenge। treta mein kshatriy kaha jaata। yeh badi guhya-guhya points milti hain। sab to ek hi samay varnan nahin kar sakte। woh trimoorti brahma kehte hain। shiv ko uda diya hai। ham phir trimoorti shiv kehte hain। yeh chitra aadi sab hain bhakti maarga ke। praja rachte hain brahma dvaara phir tum devta bante ho। vinaash ke samay natural calamities bhi aati hai। vinaash to hona hi hai, kaliyug ke baad phir satayug hoga। itne sab shareeron ka vinaash to hona hi hai। sab kuchh practical mein chaahiye na। sirf aankh kholne se thode hi ho sakta। jab svarga gum hota hai to us samay bhi earthquake aadi hoti hain। to kya us samay bhi shankar aankh aise meechte hain। gaate hain na dvaarika athva lanka paani ke neeche chali gai।

ab baap samjhaate hain - main aaya hoon pattharbuddhiyon ko paarasbuddhi banaane। manushya pukaarte hain - he patit-paavan aao, aakar paavan duniya banaao। parantu yeh nahin samajhte hain ki abhi kaliyug hai iske baad satayug aayega। tum bachchon ko khushi mein naachna chaahiye। barrister aadi imtahaan paas karte hain to andar mein khyaal karte hain na - ham paise kamaayenge, phir makaan banaayenge। yeh karenge। to tum abhi sachchi kamaai kar rahe ho। svarga mein tumko sab kuchh naya maal milega। khyaal karo somnaath ka mandir kya tha! ek mandir to nahin hoga। us mandir ko 2500 varsha hua। banaane mein time to laga hoga। pooja ki hogi uske baad phir woh lootkar le gaye। phauran to nahin aaye honge। bahut mandir honge। pooja ke liye baith mandir banaaye hain। abhi tum jaante ho baap ko yaad karte-karte ham golden ej mein chale jaayenge। aatma pavitra ban jaayegi। mehnat karni padti hai। mehnat bigar kaam nahin chalega। gaaya bhi jaata hai - second mein jeevanmukti। parantu aise thode hi mil jaati hai, yeh samjha jaata hai - bachche banenge to milegi zaroor। tum abhi mehnat kar rahe ho muktidhaam mein jaane ke liye। baap ki yaad mein rehna padta hai। din-pratidin baap tum bachchon ko refine buddhi banaate hain। baap kehte hain tumko bahut-bahut guhya baaten sunaata hoon। aage thode hi yeh sunaaya tha ki aatma bhi bindi hai, paramatma bhi bindi hai। kahenge pahle kyon nahin yeh bataaya। drama mein nahin tha। pahle hi tumko yeh sunaayen to tum samajh na sako। dheere-dheere samjhaate rehte hain। yeh hai raavan raajya। raavan raajya mein sab deh-abhimaani ban jaate hain। satayug mein hote hain aatma-abhimaani। apne ko aatma jaante hain। hamaara shareer bada hua hai, ab yeh chhodkar phir chhota lena hai। aatma ka shareer pahle chhota hota hai phir bada hota hai। yahaan to koi ki kitni aayu, koi ki kitni। koi ki akaale mrityu ho jaati hai। koi-koi ki 125 varsha ki bhi aayu hoti hai। to baap samjhaate hain tumko khushi bahut honi chaahiye - baap se varsa lene ki। gandharvi vivaah kiya yeh koi khushi ki baat nahin, yeh to kamzori hai। kumaari agar kahe ham pavitra rehna chaahte hain to koi maar thode hi sakte hain। gyaan kam hai to darte hain। chhoti kumaari ko bhi agar koi maare, khoon aadi nikle to pulis mein report kare to uski bhi saza mil sakti hai। jaanvar ko bhi agar koi maarte hain to un par case hota hai, danda padta hai। tum bachchon ko bhi maar nahin sakte। kumaar ko bhi maar nahin sakte। woh to apna kama sakte hain। shareer nirvaah kar sakte hain। pet koi jaasti nahin khaata hai - ek manushya ka pet 4-5 roopaya, ek manushya ka pet 400-500 roopaya। paisa bahut hai to habach ho jaati hai। gareebon ko paise hi nahin to habach bhi nahin। woh sookhi roti mein hi khush hote hain। bachchon ko jaasti khaan-paan ke hangaamen mein bhi nahin jaana chaahiye। khaane ka shauk nahin rehna chaahiye।

tum jaante ho vahaan humein kya nahin milega! behad ki baadshaahi, behad ka sukh milta hai। vahaan koi beemaari aadi hoti nahin। health wealth happiness sab rehta hai। budhaapa bhi vahaan bahut achha rehta। khushi rehti hai। koi prakaar ki takleeph nahin rehti hai। praja bhi aisi banti hai। parantu aise bhi nahin - achha, praja to praja hi sahi। phir to aise honge jaise yahaan ke bheel। sooryavanshi lakshmi-naaraayan banna hai to phir itna purushaartha karna chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ham brahma ki nai rachna aapas mein bhaai-behen hain, yeh andar samajhna hai kisi ko kahne ki darkaar nahin। sada isi khushi mein rehna hai ki humein shivbaaba padhaate hain।

2) khaan-paan ke hangaamen mein jaasti nahin jaana hai। habach (laalach) chhod behad baadshaahi ke sukhon ko yaad karna hai।

vardaan:- anek prakaar ki pravritti se nivritta hone vaale nashtomoha smriti swaroop bhav

sva ki pravritti, daivi parivaar ki pravritti, seva ki pravritti, had ke praaptiyon ki pravritti in sabhi se nashtomoha arthaat nyaara banne ke liye baapdaada ke sneh roop ko saamne rakh smriti swaroop bano। smriti swaroop banne se nashtomoha svatah ban jaayenge। pravritti se nivritta hona arthaat main pan ko samaapta kar nashtomoha banna। aise nashtomoha banne vaale bachche bahutkaal ke purushaartha se bahutkaal ke praalabdha ki praapti ke adhikaari banenge।

slogan:- kamal phool samaan nyaare raho to prabhu ka pyaar milta rahega।

avyakt ishaare - sahajyogi banna hai to parmaatma pyaar ke anubhvi bano

jo number one parvaane hain unko svayan ka arthaat is deh-bhaan ka, din-raat ka, bhookh aur pyaas ka, apne sukh ke saadhnon ka, aaraam ka, kisi bhi baat ka aadhaar nahin। ve sab prakaar ki deh ki smriti se khoye hue arthaat nirantar shama ke lav mein lavleen rehte hain। jaise shama jyoti-svarup hai, light might roop hai, vaise shama ke samaan svayan bhi light-might roop ban jaate hain।