गुरुवार 28 अगस्त 2025 की दैनिक मुरली

28-08-2025 praatahmurli om shanti "baapdaada"' madhuban

“meethe bachche - abhi tumhaari sunvaai hui hai, aakhir woh din aa gaya jab tum uttam se uttam purush is purushottam sangamayug par ban rahe ho''

prashn:- haar aur jeet se sambandhit kaun-sa ek aisa bhrashta karma hai jo manushya ko duhkhi karta hai?

uttar:- “jua''। bahut manushyon mein jua khelne ki aadat hoti hai, yeh bhrashta karma hai kyonki haarne se duhkh, jeetne se khushi hogi। tum bachchon ko baap ka pharmaan hai - bachche, daivi karma karo। aisa koi bhi karma nahin karna hai jismen time vesta ho। sada behad ki jeet paane ka purushaartha karo।

geet:- aakhir woh din aaya aaj…

om shanti। double om shanti। tum bachchon ko bhi kehna hoga om shanti। yahaan phir hai double om shanti। ek supreme aatma (shivbaaba) kehte hain om shanti, doosra yeh daada kehte hain om shanti। phir tum bachche bhi kehte ho ham aatma shant swaroop hain, rahne vaale bhi shanti desh ke hain। yahaan is sthool desh mein part bajaane aaye hain। yeh baaten aatmaayen bhool gai hain phir aakhir woh din to zaroor aaya hai, jab sunvaai hoti hai। kaun si sunvaai? kehte hain baba duhkh harkar sukh do। har ek manushya sukh-shanti hi pasanda karte hain। baap hai bhi gareeb nivaaz। is samay bhaarat bilkul gareeb hai। bachche jaante hain ham bilkul saahookaar the। yeh bhi tum brahman bachche jaante ho, baaki to sab jangal mein hain। tum bachchon ko bhi nambarvaar purushaartha anusaar nishchay hai। tum jaante ho yeh hai shri shri, unki mat bhi shreshtha te shreshtha hai। bhagvaanuvaach hai na। manushya to raam-raam ki aisi dhun lagaate hain jaise baaja bajta hai। ab raam to treta ka raaja tha, unki mahima badi thi। 14 kala tha। do kala kam, unke liye bhi gaate hain raam raaja, raam praja,...... tum saahookaar bante ho na। raam se jyaada saahookaar phir lakshmi-naaraayan honge। raaja ko annadaata kehte hain। baap bhi daata hai, woh sab kuchh dete hain, bachchon ko vishwa ka maalik banaate hain। vahaan koi apraapta vastu hoti nahin, jiske liye paap karna pade। vahaan paap ka naam nahin hota। aadhaakalpa hai daivi raajya phir aadhaakalpa hai aasuri raajya। asur arthaat jinmen deh-abhimaan hai, 5 vikaar hain।

abhi tum aaye ho khivaiya athva baagvaan ke paas। tum jaante ho ham direct unke paas baithe hain। tum bachche bhi baithe-baithe bhool jaate ho। bhagwan jo pharmaate hain woh maanna chaahiye na। pahle to woh shreemat dete hain shreshtha te shreshtha banaane ke liye। to mat par chalna chaahiye na। pahli-pahli mat dete hain - dehi-abhimaani bano। baba ham aatmaon ko padhaate hain। yeh pakka-pakka yaad karo। yeh akshar yaad kiya to beda paar hai। bachchon ko samjhaaya hai, tum hi 84 janma lete ho। tum hi tamopradhaan se sato-pradhaan bante ho। yeh duniya to patit duhkhi hai। svarga ko kaha jaata hai sukhdhaam। bachche jaante hain shivbaaba, bhagwan hamko padhaate hain। unke ham student hain। woh baap bhi hai, teacher bhi hai, to padhna bhi achhi reeti chaahiye। daivi karma bhi chaahiye। koi bhrashta karma nahin karna chaahiye। bhrashta karma mein jua bhi aa jaata hai। yeh bhi duhkh dete hain। haara to duhkh hoga, jeeta to khushi hogi। abhi tum bachchon ne maaya se behad ki haar khaai hai। yeh hai bhi behad ke haar aur jeet ka khel। 5 vikaaron roopi raavan se haare haar hai, un par jeet paani hai। maaya te haare haar hai। ab tum bachchon ki jeet honi hai। ab tumko bhi jua aadi sab chhod dena chaahiye। ab behad ki jeet paane par poora attention dena chaahiye। koi bhi aisa karma nahin karna hai, time vesta nahin karna hai। behad ki jeet paane ke liye purushaartha karna hai। karaane vaala baap samartha hai। woh hai sarvashaktimaan। yeh bhi samjhaaya hai sirf baap sarvashaktimaan nahin hai। raavan bhi sarvashaktimaan hai। aadhaakalpa raavan raajya, aadhaakalpa raam raajya chalta hai। abhi tum raavan par jeet paate ho। ab woh had ki baaten chhod behad mein lag jaana hai। khivaiya aaya hai। aakhir woh din aaya to hai na। pukaar ki sunvaai hoti hai oonch te oonch baap ke paas। baap kehte hain - bachche, tumne aadhaakalpa bahut dhakke khaaye hain। patit bane ho। paavan bhaarat shivaalay tha। tum shivaalay mein rehte the। abhi tum veshyaalay mein ho। tum shivaalay mein rahne vaalon ko poojte ho। yahaan in anek dharmon ka kitna ghamsaan hai। baap kehte hain in sabko main khalaas kar deta hoon। sabka vinaash hona hai aur dharma-sthaapak vinaash nahin karte hain। woh sadgati dene vaale guru bhi nahin hain। sadgati gyaan se hi hoti hai। sarva ka sadgati daata gyaan-saagar baap hi hai। yeh akshar achhi reeti note karo। bahut hain jo yahaan sunkar baahar gaye to yahaan ki yahaan rah jaati hai। jaise garbha jel mein kehte hain - ham paap nahin karenge। baahar nikle, bas vahaan ki vahaan rahi। thoda bada hua paap karne lag padte। kaam kataari chalaate hain। satayug mein to garbha bhi mahal rehta hai। to baap baith samjhaate hain - aakhir woh din aaya aaj। kaun-sa din? purushottam sangamayug ka। jiska koi ko pata nahin hai। bachche feel karte hain ham purushottam bante hain। uttam te uttam purush ham hi the, shreshtha te shreshtha dharma tha। karma bhi shreshtha te shreshtha the। raavan raajya hi nahin hota। aakhreen woh din aaya jo baap aaya hai padhaane। vahi patit-paavan hai। to aise baap ki shreemat par chalna chaahiye na। abhi hai kaliyug ka ant। thoda time bhi chaahiye na, paavan banne ke liye। 60 varsha ke baad vaanaprastha kehte hain। 60 to lagi laath। abhi to dekho 80 varsha vaale bhi vikaaron ko chhodte nahin। baap kehte hain main inki vaanaprastha avastha mein pravesh kar inko samjhaata hoon। aatma hi pavitra ban paar jaati hai। aatma hi udti hai। abhi aatma ke pankh kate hue hain। ud nahin sakti hai। raavan ne pankh kaat diye hain। patit ban gai hai। koi ek bhi vaapis ja na sake। pahle to supreme baap ko jaana chaahiye। shiv ki baraat kehte hain na। shankar ki baraat hoti nahin। baap ke pichhaadi ham sab bachche jaate hain। baba aaya hua hai lene ke liye। shareer sahit to nahin le jaayenge na। aatmaayen sab patit hain। jab tak pavitra na banen tab tak vaapis ja na saken। purity thi to pees aur prosperity thi। sirf tum aadi sanaatan devi-devta dharma vaale hi the। abhi aur sab dharma vaale hain। Deityism hai nahin। inko kalpa vriksha kaha jaata hai। bad ke jhaad se inki bhent ki jaati hai। thur hai nahin। baaki saara jhaad khada hai। vaise yeh bhi devi-devta dharma ka foundation hai nahin। baaki saara jhaad khada hai। tha zaroor parantu praayah lop ho gaya hai phir repeat hoga। baap kehte hain main phir aata hoon ek dharma ki sthaapna karne, baaki sab dharmon ka vinaash ho jaata hai। nahin to srishti chakra kaise phire? kaha bhi jaata hai world ki history-geography repeat। abhi puraani duniya hai phir nai duniya ko repeat hona hai। yeh puraani duniya badal nai duniya sthaapan hogi। yahi bhaarat naya so puraana banta hai। kehte hain jamuna ke kanthe par paristaan tha। baba kehte hain tum kaam chita par baith kabristaani ban pade ho। phir tumko paristaani banaate hain। shreekrishna ko shyaam-sundar kehte hain - kyon? kiski bhi buddhi mein nahin hoga। naam to achha hai na। raadhe aur krishna - yeh hain new world ke prince-princess। baap kehte hain kaam chita par baithne se iron ej mein hain। gaaya hua bhi hai, saagar ke bachche kaam chita par jal mare। ab baap sab par gyaan varsha karte hain। phir sab chale jaayenge golden ej mein। abhi hai sangamayug। tumko avinaashi gyaan ratnon ka daan milta hai, jisse tum saahookaar bante ho। yeh ek-ek ratna laakhon roopaye ka hai। vo log phir samajhte hain - shaastron ke versions laakhon roopaye ke hain। tum bachche is padhaai se padmapti bante ho। source oph income hai na। in gyaan ratnon ko tum dhaaran karte ho। jholi bharte ho। woh phir shankar ke liye kehte hain - he bam bam mahaadev, bhar do jholi। shankar par kitne ilzaam lagaaye hain। brahma aur vishnu ka part yahaan hai। yeh bhi tum jaante ho 84 janma vishnu ke liye bhi kahenge, lakshmi-naaraayan ke liye bhi। tum brahma ke liye bhi kahenge। baap baith samjhaate hain - right kya hai, wrong kya hai, brahma aur vishnu ka part kya hai। tum hi devta the, chakra lagaae brahman bane phir ab devta bante ho। part saara yahaan bajta hai। vaikuntha ke khel-paal dekhte hain। yahaan to vaikuntha nahin hai। meera dance karti thi। woh sab saakshaatkaar kahenge। kitna unka maan hai। saakshaatkaar kiya, shreekrishna se dance ki। so kya! svarga mein to nahin gai na। gati-sadgati to sangam par hi mil sakti hai। is purushottam sangamayug ko tum samajhte ho। ham baba dvaara ab manushya se devta ban rahe hain। viraat roop ki bhi knowledge chaahiye na। chitra rakhte hain, samajhte kuchh bhi nahin। akaasur-bakaasur yeh sab is sangam ke naam hain। bhasmaasur bhi naam hai। kaam chita par baith bhasma ho gaye hain। ab baap kehte hain - main sabko phir se gyaan chita par bithaae le jaata hoon। aatmaayen sab bhaai-bhaai hain। kehte bhi hain hindu-cheeni bhaai-bhaai, hindu-muslim bhaai-bhaai hain। ab bhaai-bhaai bhi aapas mein ladte rehte hain। karma to aatma karti hai na। shareer dvaara aatma ladti hai। paap bhi aatma par lagta hai, isliye paap aatma kaha jaata hai। baap kitna pyaar se baith samjhaate hain। shivbaaba aur brahma baba donon ko hak hai bachche-bachche kehna। baap, daada dvaara kehte hain - he bachchon! samajhte ho na, ham aatma yahaan aakar part bajaati hain। phir ant mein baap aakar sabko pavitra banaae saath le jaate hain। baap hi aakar knowledge dete hain। aate bhi yahaan hi hain। shiv jayanti bhi manaate hain। shiv jayanti ke baad phir hoti hai krishna jayanti। shreekrishna hi phir shreenaaraayan bante hain। phir chakkar lagaae ant mein saanvara (patit) bante hain। baap aakar phir gora banaate hain। tum brahman so devta banenge। phir seedhi utrenge। yeh 84 janmon ka hisaab aur koi ki buddhi mein nahin hoga। baap hi bachchon ko samjhaate hain। geet bhi suna - aakhreen bhakton ki sunvaai hoti hai। bulaate bhi hain - he bhagwan aakar hamko bhakti ka phal do। bhakti phal nahin deti। phal bhagwan deta hai। bhakton ko devta banaate hain। bahut bhakti tumne ki hai। pahle-pahle tumne hi shiv ki bhakti ki। jo achhi reeti in baaton ko samjhenge, tum feel karenge yeh hamaare kul ka hai। kiski buddhi mein thaharta nahin hai to samjho bhakti bahut nahin ki hai, peechhe aaya hai। yahaan bhi pahle nahin aayenge। yeh hisaab hai। jisne bahut bhakti ki hai unko bahut phal milega। thodi bhakti thoda phal। woh svarga ke sukh bhog nahin sakte kyonki shuru mein shiv ki bhakti thodi ki hai। tumhaari buddhi ab kaam karti hai। baba bhinna-bhinna yuktiyaan bahut samjhaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ek-ek avinaashi gyaan ratna jo padmon ke samaan hain, inse apni jholi bhar, buddhi mein dhaaran kar phir daan karna hai।

2) shri shri ki shreshtha mat par poora-poora chalna hai। aatma ko satopradhaan banaane ke liye dehi-abhimaani banne ka poora-poora purushaartha karna hai।

vardaan:- sarva ke prati shubh bhaav aur shreshtha bhaavna dhaaran karne vaale hans buddhi holeehans bhav

hans buddhi arthaat sada har aatma ke prati shreshtha aur shubh sochne vaale। pahle har aatma ke bhaav ko parakhne vaale aur phir dhaaran karne vaale। kabhi bhi buddhi mein kisi bhi aatma ke prati ashubh va saadhaaran bhaav dhaaran na ho। sada shubh bhaav aur shubh bhaavna rakhne vaale hi holeehans hain। ve kisi bhi aatma ke akalyaan ki baaten sunte, dekhte bhi akalyaan ko kalyaan ki vritti se badal denge। unki drishti har aatma ke prati shreshtha shuddh sneh ki hogi।

slogan:- prem se bharpoor aisi ganga bano jo aapse pyaar ka saagar baap dikhaai de।

avyakt ishaare - sahajyogi banna hai to parmaatma pyaar ke anubhvi bano

kai bhakta aatmaayen prabhu prem mein leen hona chaahti hain aur kai phir jyoti mein leen hona chaahti hain। aisi aatmaon ko second mein baap ka parichay, baap ki mahima aur praapti sunaae sambandh ki lavleen avastha ka anubhav karaao। lavleen honge to sahaj hi leen hone ke raaz ko bhi samajh jaayenge।