सोमवार 8 सितंबर 2025 की दैनिक मुरली

08-09-2025 praatahmurli om shanti "baapdaada"' madhuban

“meethe bachche - punya aatma banne ke liye jitna ho sake achha karma karo, all-rounder bano, daiveegun dhaaran karo''

prashn:- kaun-si mehnat karne se tum bachche padmaapadma pati bante ho?

uttar:- sabse badi mehnat hai criminal aai ko civil aai banaana। aankhe hi bahut dhokha deti hain। aankhon ko civil banaane ke liye baap ne yukti batlaai hai ki bachche aatmik drishti se dekho। deh ko nahi dekho। main aatma hoon, yeh abhyaas pakka karo, isi mehnat se tum janma-janmaantar ke liye padmapti ban jaayenge।

geet:- dheeraj dhar manuva…

om shanti। yeh kisne kaha? shivbaaba ne shareer dvaara kaha। koi bhi aatma shareer bigar bol nahin sakti। baap bhi shareer mein pravesh kar aatmaon ko samjhaate hain - bachche abhi tumhaara jismaani connection nahin hai। yeh hai roohaani connection। aatma ko gyaan milta hai - parampita paramatma se। dehdhaari jo bhi hain, sab padh rahe hain। baap ko to apni deh hai nahin। to thode time ke liye inka aadhaar liya hai। ab baap kehte hain apne ko aatma nishchay kar baitho। behad ka baap ham aatmaon ko samjhaate hain। unke bigar aise koi samjha na sake। aatma, aatma ko kaise samjhaayegi। aatmaon ko samjhaane vaala paramatma chaahiye। unko koi bhi jaante nahin। trimoorti se bhi shiv ko uda diya hai। brahma dvaara sthaapna kaun karaayenge। brahma to nai duniya ka rachayita nahin hai। behad ka baap rachayita sabka ek hi shivbaaba hai। brahma bhi sirf abhi tumhaara baap hai phir nahin hoga। vahaan to laukik baap hi hota hai। kaliyug mein hota hai laukik aur paarlaukik। abhi sangam par laukik, alaukik aur paarlaukik teen baap hain। baap kehte hain sukhdhaam mein mujhe koi yaad hi nahin karta। vishwa ka maalik baap ne banaaya phir chillaayenge kyon? vahaan aur koi khanda nahin hote। sirf sooryavanshi hi hote hain। chandravanshi bhi baad mein aate hain। ab baap kehte hain bachche dheeraj dharo, baaki thode din hain। purushaartha achhi reeti karo। daiveegun dhaaran nahin karenge to pad bhi bhrashta ho jaayega। yeh bahut badi lottery hai। barrister, surgeon aadi banna bhi lottery hai na। bahut paisa kamaate hain। bahuton par hukm chalaate hain। jo achhi reeti padhte padhaate hain, woh oonch pad paayenge। baap ko yaad karne se vikarma vinaash honge। baap ko bhi ghadi-ghadi bhool jaate hain। maaya yaad bhula deti hai। gyaan nahin bhulaati hai। baap kehte bhi hain apni unnati karni hai to chart rakho - saare din mein koi paap karma to nahin kiya? nahin to sau guna paap ban jaayega। yagya ki sambhaal karne vaale baithe hain, unki raay se karo। kehte bhi hain jo khilaao, jahaan bithaao। to baaki aur aashaayen chhod deni hai। nahin to paap banta jaayega। aatma pavitra kaise banegi। yagya mein koi bhi paap ka kaam nahin karna hai। yahaan tum punya aatma bante ho। chori chakaari aadi karna paap hai na। maaya ki praveshta hai। na yog mein rah sakte, na gyaan ki dhaarna karte hain। apni dil se poochhna chaahiye - ham agar andhon ki laathi na banen to kya thahre! andhe hi kahenge na। is samay ke liye hi gaaya hua hai - dhritraashtra ke bachche। woh hai raavan raajya mein। tum ho sangam par। raamraajya mein phir sukh paane vaale ho। parampita paramatma kaise sukh dete hain, kiski buddhi mein nahin aata। kitna bhi achhi reeti samjhaao phir bhi buddhi mein nahin baithta। apne ko jab aatma samjhen tab paramatma ka gyaan bhi samajh saken। aatma hi jaisa purushaartha karti hai, aisa banti hai। gaayan bhi hai antakaal jo stri simre..... baap kehte hain jo mujhe yaad karenge to mere ko paayenge। nahin to bahut-bahut sazaayen khaakar aayenge। satayug mein bhi nahin, treta ke bhi pichhaadi mein aayenge। satayug-treta ko kaha jaata hai - brahma ka din। ek brahma to nahin hoga, brahma ke to bahut bachche hain na। braahmanon ka din phir braahmanon ki raat hogi। abhi baap aaye hain raat se din banaane। brahman hi din mein jaane ke liye taiyaari karte hain। baap kitna samjhaate hain, daivi dharma ki sthaapna to zaroor honi hi hai। kaliyug ka vinaash bhi zaroor hona hai। jinko kuchh bhi andar mein sanshay hoga to woh bhaag jaayenge। pahle nishchay phir sanshay ho jaata hai। yahaan se markar phir puraani duniya mein jaakar janma lete hain। vinshanti ho jaate hain। baap ki shreemat par to chalna pade na। point to bahut achhi-achhi bachchon ko dete rehte hain।

pahle-pahle to samjhaao - tum aatma ho, deh nahin। nahin to lottery saari gum ho jaayegi। bhal vahaan raaja athva praja sab sukhi rehte hain phir bhi purushaartha to oonch pad paane ka karna hai na। aise nahin, sukhdhaam mein to jaayenge na। nahin, oonch pad paana hai, raaja banne ke liye aaye ho। aise sayaane bhi chaahiye। baap ki service karni chaahiye। roohaani service nahin to sthool service bhi hai। kahaan males bhi aapas mein class chalaate rehte hain। ek behen beech-beech mein jaakar class karaati hai। jhaad dheere-dheere vriddhi ko paata hai na। centres par kitne aate hain phir chalte-chalte gum ho jaate hain। vikaar mein girne se phir centres par bhi aane mein lajja aati hai। dheele pad jaate hain। kahenge yeh beemaar ho gaya। baap sab baaten samjhaate rehte hain। apna potaamel roz rakho। jama aur na hoti hai। ghaata aur phaayda। aatma pavitra ban gai arthaat 21 janma ke liye jama hua। baap ki yaad se hi jama hoga। paap kat jaayenge। kehte bhi hain na - he patit-paavan baba aakar hamko paavan banaao। aise thode hi kehte ki vishwa ka maalik aakar banaao। nahin, yeh tum bachche hi jaante ho - mukti aur jeevanmukti donon hain paavandhaam। tum jaante ho ham mukti-jeevanmukti ka varsa paate hain। jo poori reeti nahin padhenge woh peechhe aayenge। svarga mein to aana hai, sab apne-apne samay par aayenge। sab baaten samjhaai jaati hain। phauran to koi nahin samajh jaayenge। yahaan tumko baap ko yaad karne ke liye kitna samay milta hai। jo bhi aaye unko yeh bataao ki pahle apne ko aatma samjho। yeh knowledge baap hi dete hain। jo sabhi aatmaon ka pita hai। aatma-abhimaani banna hai। aatma gyaan uthaati hai, paramatma baap ko yaad karne se hi vikarma vinaash honge phir srishti ke aadi-madhya-ant ka gyaan dete hain। rachayita ko yaad karne se hi paap bhasma honge। phir rachna ke aadi-madhya-ant ke gyaan ko samajhne se tum chakravarti raaja ban jaayenge। bas yeh phir auron ko bhi sunaana hai। chitra bhi tumhaare paas hain। yeh to saara din buddhi mein rehna chaahiye। tum student bhi ho na। bahut grihasthi bhi student hote hain। tumko bhi grihastha vyavhaar mein rehte kamal phool samaan banna hai। behen-bhaai ki kabhi criminal aai ho na sake। yeh to brahma ke mukh vanshaavli hain na। criminal ko civil banaane ke liye bahut mehnat karni hoti hai। aadhaakalpa ki aadat padi hui hai, unko nikaalne mein badi mehnat hai। sab likhte hain yeh point jo baba ne samjhaai hai, criminal aai ko nikaalne ki, yeh bahut kadi hai। ghadi-ghadi buddhi chali jaati hai। bahut sankalp aate hain। ab aankhon ko kya karen? soordaas ka drishtaanta dete hain। woh to ek kahaani bana di hai। dekha aankhen hamko dhokha deti hain to aankhen nikaal di। abhi to woh baat hai nahin। yeh aankhen to sabko hain parantu criminal hain, unko civil banaana hai। manushya samajhte hain ghar mein rehte, yeh nahin ho sakta। baap kehte hain ho sakta hai kyonki aamadni bahut-bahut hai। tum janma-janmaantar ke liye padmapti bante ho। vahaan ginti hoti hi nahin। aajkal baba naam hi padmapti, padmaavti de dete hain। tum anginat padmapti bante ho। vahaan ginti hoti hi nahin। ginti tab hoti hai jab roopaye-paise aadi nikalte hain। vahaan to sone-chaandi ki muhren kaam mein aati hain। aage raam-seeta ke raajya ki muhren aadi milti thi। baaki sooryavanshi raajaai ki kabhi nahin dekhi hai। chandravanshi ki dekhte hi aaye। pahle to sab sone ke sikke hi the phir chaandi ke। yeh taamba aadi to peechhe nikla hai। abhi tum bachche baap se phir varsa lete ho। satayug mein jo rasam-rivaaj chalni hogi woh to chalegi hi। tum apna purushaartha karo। svarga mein bahut thode hote hain, aayu bhi badi hoti hai। akaale mrityu nahin hoti। tum samajhte ho ham kaal par jeet paate hain। marne ka naam hi nahin। usko kehte hain amarlok, yeh hai mrityulok। amarlok mein haahaakaar hoti nahin। koi boodha marega to aur hi khushi hogi, jaakar chhota bachcha banenge। yahaan par to marne par rone lagte hain। tumko kitna achha gyaan milta hai, kitni dhaarna honi chaahiye। auron ko bhi samjhaana padta hai। baba ko koi kahe ham roohaani service karna chaahte hain, baba jhat kahenge bhal karo। baba koi ko mana nahin karte hain। gyaan nahin hai to baaki agyaan hi hai। agyaan se phir bahut disservice kar dete hain। service to achhi reeti karni chaahiye na tab hi lottery milegi। bahut bhaari lottery hai। yeh hai eeshvareey lottery। tum raaja-raani banenge to tumhaare potre-potriyaan sab khaate aayenge। yahaan to har ek apne karmon anusaar phal paate hain। koi bahut dhan daan karte hain to raaja bante hain, to baap bachchon ko sab kuchh samjhaate hain। achhi reeti samajhkar aur dhaarna karni hai। service bhi karni hai। saikdon ki service hoti hai। kahaan-kahaan bhakti bhaav vaale bahut achhe hote hain। bahut bhakti ki hogi tab hi gyaan bhi janchega। chehre se hi maaloom padta hai। sunne se khush hote rahenge। jo nahin samjhenge woh to idhar-udhar dekhte rahenge ya aankhen band kar baithenge। baba sab dekhte hain। kisko sikhlaate nahin hain to goya samajhte kuchh nahin। ek kaan se sun doosre se nikaal dete hain। abhi yeh samay hai behad ke baap se behad ka varsa lene ka। jitna lenge janma-janmaantar kalpa-kalpaantar milega। nahin to phir peechhe bahut pachhtaayenge phir sabko saakshaatkaar hoga। hamne poora padha nahin isliye pad bhi nahin pa sakenge। baaki kya jaakar banenge? naukar chaakar, saadhaaran praja। yeh raajdhaani sthaapan ho rahi hai। jaisa-jaisa karte hain us anusaar phal milta hai। nai duniya ke liye sirf tum hi purushaartha karte ho। manushya daan-punya karte hain, woh bhi is duniya ke liye, yeh to common baat hai। ham achha kaam karte hain to uska doosre janma mein achha phal milega। tumhaari to hai 21 janmon ki baat। jitna ho sake achha karma karo, all-rounder bano। number one pahle gyaani tu aatma aur yogi tu aatma chaahiye। gyaani bhi chaahiye, bhaashan ke liye mahaarthiyon ko bulaate hain na jo sab prakaar ki service karte hain to punya to hota hi hai। subjects hain na। yog mein rahkar koi bhi kaam karen to achhe marks mil sakte hain। apni dil se poochhna chaahiye ham service karte hain? ya sirf khaate hain, sote hain? yahaan to yeh padhaai hai aur koi baat nahin hai। tum manushya se devta, nar se naaraayan bante ho। amraktha, teejri ki katha hai yahi ek। manushya to sab jhoothi kathaayen jaakar sunte hain। teesra netra to sivaae baap ke koi de na sake। abhi tumko teesra netra mila hai jisse tum srishti ke aadi-madhya-ant ko jaante ho। is padhaai mein kumaar-kumaariyon ko bahut teekha jaana chaahiye। chitra bhi hain, koi se poochhna chaahiye geeta ka bhagwan kaun hai? mukhya baat hi yeh hai। bhagwan to ek hi hota hai, jisse varsa milta hai muktidhaam ka। ham vahaan rahne vaale hain, yahaan aaye hain part bajaane। ab paavan kaise banen। patit-paavan to ek hi baap hai। aage chalkar tum bachchon ki avastha bhi bahut achhi ho jaayegi। baap kisam-kisam se samjhaani dete rehte hain। ek to baap ko yaad karna hai to janma-janmaantar ke paap mit jaayenge। apni dil se poochhna hai - ham kitna yaad karte hain? chart rakhna achha hai, apni unnati karo। apne oopar raham kar apni chalan dekhte raho। agar ham bhoolen karte rahenge to register kharaab ho jaayega, ismen daivi chalan honi chaahiye। gaayan bhi hai na - jo khilaayenge, jahaan bithaayenge, jo direction denge woh karenge। direction to zaroor tan dvaara denge na। get ve tu svarga, yeh akshar achha hai। yeh dvaar hai svarga jaane ka। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) punya aatma banne ke liye aur sab aashaayen chhod yeh pakka karna hai ki baba jo khilaao, jahaan bithaao, koi bhi paap ka kaam nahin karna hai।

2) eeshvareey lottery praapta karne ke liye roohaani service mein lag jaana hai। gyaan ki dhaarna kar auron ko karaani hai। achhi marks lene ke liye koi bhi karma yaad mein rahkar karna hai।

vardaan:- maaya aur prakriti ko daasi banaane vaale sada snehi bhav

jo bachche sada snehi hain woh lavleen hone ke kaaran mehnat aur mushkil se sada bache rehte hain। unhon ke aage prakriti aur maaya donon abhi se daasi ban jaati arthaat sada snehi aatma maalik ban jaati to prakriti maaya ki himmat nahin jo sada snehi ka samay va sankalp apne taraph lagaave। unka har samay, har sankalp hai hi baap ki yaad aur seva ke prati। snehi aatmaon ki sthiti ka gaayan hai ek baap doosra na koi, baap hi sansaar hai। ve sankalp se bhi adheen nahin ho sakte।

slogan:- knowledgeful bano to samasyaayen bhi manoranjan ka khel anubhav hongi।

avyakt ishaare - ab lagan ki agni ko prajvalit kar yog ko jvaala roop banaao

is kaliyugi tamopradhaan jadajdeebhoot puraane vriksha ko bhasma karne ke liye sangathit roop mein fullforce se yog jvaala prajjavlit karo lekin aisi jvaala swaroop ki yaad tab rahegi jab yaad ka link sada juta rahega। agar baar-baar link tootta hai, to use jodne mein samay bhi lagta, mehnat bhi lagti aur shaktishaali ke bajaae kamjor ho jaate ho।