बुधवार 10 सितंबर 2025 की दैनिक मुरली

10-09-2025 praatahmurli om shanti "baapdaada"' madhuban

“meethe bachche - baap jo tumhein heere jaisa banaate hain, unmein kabhi bhi sanshay nahin aana chaahiye, sanshaybuddhi banna maana apna nuksaan karna''

prashn:- manushya se devta banne ki padhaai mein paas hone ka mukhya aadhaar kya hai?

uttar:- nishchay। nishchaybuddhi banne ka saahas chaahiye। maaya is saahas ko todti hai। sanshaybuddhi bana deti hai। chalte-chalte agar padhaai mein va padhaane vaale supreme teacher mein sanshay aaya to apna aur doosron ka bahut nuksaan karte hain।

geet:- tu pyaar ka saagar hai…

om shanti। roohaani bachchon prati shivbaaba samjha rahe hain, tum bachche baap ki mahima karte ho tu pyaar ka saagar hai। unhein gyaan ka saagar bhi kaha jaata hai। jabki gyaan ka saagar ek hai to baaki ko kahenge agyaan kyonki gyaan aur agyaan ka khel hai। gyaan hai hi parampita paramatma ke paas। is gyaan se nai duniya sthaapan hoti hai। aise nahin ki koi nai duniya banaate hain। duniya to avinaashi hai hi। sirf puraani duniya ko badal naya banaate hain। aise nahin ki pralay ho jaati hai। saari duniya kabhi vinaash nahin hoti। puraani hai woh badalkar nai ban rahi hai। baap ne samjhaaya hai yeh puraana ghar hai, jismen tum baithe ho। jaante ho ham naye ghar mein jaayenge। jaise puraani dehli hai। ab puraani dehli mitni hai, uske badle ab nai banni hai। ab nai kaise banti hai? pahle to usmein rahne vaale laayak chaahiye। nai duniya mein to hote hain sarvagun sampanna....... tum bachchon ko yeh em object bhi hai। paathshaala mein em object to rehti hai na। padhne vaale jaante hain - main surgeon banoonga, barrister banoonga....। yahaan tum jaante ho ham aaye hain - manushya se devta banne। paathshaala mein em object bigar to koi baith na saken। parantu yeh aisi wonderful paathshaala hai jo em object samajhte hue, padhte hue phir bhi padhaai ko chhod dete। samajhte hain yeh wrong padhaai hai। yeh em object hai nahin, aise kabhi ho nahin sakta। padhaane vaale mein bhi sanshay aa jaata hai। us padhaai mein to padh nahin sakte hain athva paisa nahin hai, himmat nahin hai to padhna chhod dete hain। aise to nahin kahenge ki bairistari ki knowledge hi wrong hai, padhaane vaala wrong hai। yahaan to manushyon ki wonderful buddhi hai। padhaai mein sanshay pad jaata hai to kah dete yeh padhaai wrong hai। bhagwan padhaate hi nahin, baadshaahi aadi kuchh nahin milti.... yeh sab gapode hain। aise bhi bahut bachche padhte-padhte phir chhod dete hain। sab poochhenge tum to kehte the hamko bhagwan padhaate hain, jisse manushya se devta bante hain phir yeh kya hua? nahin, nahin woh sab gapode the। kehte yeh em object hamko samajh mein nahin aati। kai hain jo nishchay se padhte the, sanshay aane se padhaai chhod di। nishchay kaise hua phir sanshaybuddhi kisne banaaya? tum kahenge yeh agar padhte to bahut oonch pad pa sakte the। bahut padhte rehte hain। bairistari padhte-padhte aadha par chhod dete, doosre to padhkar barrister ban jaate hain। koi padhkar paas hote hain, koi naapaas ho jaate hain। phir kuchh na kuchh kam pad pa lete hain। yeh to bada imtahaan hai। ismen bahut saahas chaahiye। ek to nishchaybuddhi ka saahas chaahiye। maaya aisi hai abhi-abhi nishchay, abhi sanshay buddhi bana deti hai। aate bahut hain padhne ke liye parantu koi dull buddhi hote hain, nambarvaar paas hote hain na। akhbaar mein bhi list nikalti hai। yeh bhi aise hain, aate bahut hain padhne ke liye। koi achhi buddhi vaale hain, koi dull buddhi hain। dull buddhi hote-hote phir koi na koi sanshay mein aakar chhod jaate hain। phir auron ka bhi nuksaan kara dete hain। sanshaybuddhi vinshanti kaha jaata hai। woh oonch pad pa na saken। nishchay bhi hai parantu poora padhte nahin to thode hi paas honge kyonki buddhi koi kaam ki nahin hai। dhaarna nahin hoti hai। ham aatma hain yeh bhool jaate hain। baap kehte hain main tum aatmaon ka parampita hoon। tum bachche jaante ho baap aaye hain। koi ko bahut vighna padte hain to unko sanshay aa jaata hai, kah dete hamko phalaani braahmani se nishchay nahin baithta hai। are braahmani kaisi bhi ho tumko padhna to chaahiye na। teacher achha nahin padhaate hain to sochte hain inko padhaane se chhuda deven। lekin tumko to padhna hai na। yeh padhaai hai baap ki। padhaane vaala woh supreme teacher hai। braahmani bhi unki knowledge sunaati hai to attention padhaai par hona chaahiye na। padhaai bina imtahaan paas nahin kar sakenge। lekin baap se nishchay hi toot padta hai to phir padhaai chhod dete hain। padhte-padhte teacher mein sanshay aa jaata hai ki inse yeh pad milega ya nahin to phir chhod dete hain। doosron ko bhi kharaab kar dete, glaani karne se aur hi nuksaan kar dete hain। bahut ghaata pad jaata hai। baap kehte hain ki yahaan agar koi paap karte hain to unko sauguna danda ho jaata hai। ek nimitta banta hai, bahuton ko kharaab karne। to jo kuchh punya aatma bana phir paap aatma ban jaate। punya aatma bante hi hain is padhaai se aur punya aatma banaane vaala ek hi baap hai। agar koi nahin padh sakte hain to zaroor koi kharaabi hai। bas kah dete jo naseeb, ham kya karen। jaise ki heartfail ho jaate hain। to jo yahaan aakar marjeeva bante hain, woh phir raavan raajya mein jaakar marjeeva bante hain। heere jaisi jeevan bana nahin sakte। manushya heartfail hote hain to jaakar doosra janma lenge। yahaan heartfail hote to aasuri sampradaay mein chale jaate। yeh hai marjeeva janma। nai duniya mein chalne ke liye baap ka bante hain। aatmaayen jaayengi na। ham aatma yeh shareer ka bhaan chhod denge to samjhenge yeh dehi-abhimaani hain। ham aur cheez hain, shareer aur cheej hain। ek shareer chhod doosra lete hain to zaroor alag cheez hui na, tum samajhte ho ham aatmaayen shreemat par is bhaarat mein svarga ki sthaapna kar rahi hain। yeh manushya ko devta banaane ka hunar seekhna hota hai। yeh bhi bachchon ko samjhaaya hai, satsang koi bhi nahin hai। satya to ek hi paramatma ko kaha jaata hai। unka naam hai shiv, vahi satayug ki sthaapna karte hain। kaliyug ki aayu zaroor poori honi hai। saari duniya ka chakra kaise phirta hai, yeh gole ke chitra mein clear hai। devta banne ke liye sangamayug par baap ke bante hain। baap ko chhoda to phir kaliyug mein chale jaayenge। braahmanpan mein sanshay aa gaya to jaakar shoodra gharaane mein padenge। phir devta ban na saken।

baap yeh bhi samjhaate hain - kaise abhi svarga ki sthaapna ka foundation pad raha hai। foundation ki ceremony phir opening ki bhi ceremony hoti hai। yahaan to hai gupta। yeh tum jaante ho ham svarga ke liye taiyaar ho rahe hain। phir narka ka naam nahin rahega। ant tak jahaan jeena hai, padhna hai zaroor। patit-paavan ek hi baap hai jo paavan banaate hain।

abhi tum bachche samajhte ho yeh hai sangamayug, jab baap paavan banaane aate hain। likhna bhi hai purushottam sangamayug mein manushya nar se naaraayan bante hain। yeh bhi likha hua hai - yeh tumhaara eeshvareey janma siddha adhikaar hai। baap abhi tumko divya drishti dete hain। aatma jaanti hai hamaara 84 ka chakra ab poora hua hai। aatmaon ko baap baith samjhaate hain। aatma padhti hai bhal deh-abhimaan ghadi-ghadi aa jaayega kyonki aadhaakalpa ka deh-abhimaan hai na। to dehi-abhimaani banne mein time lagta hai। baap baitha hai, time mila hua hai। bhal brahma ki aayu 100 varsha kehte hain ya kam bhi ho। samjho brahma chala jaae, aise to nahin sthaapna nahin hogi। tum sena to baithi ho na। baap ne mantra de diya hai, padhna hai। srishti ka chakra kaise phirta hai, yeh bhi buddhi mein hai। yaad ki yaatra par rehna hai। yaad se hi vikarma vinaash honge। bhakti maarga mein sabse vikarma hue hain। puraani duniya aur nai duniya donon ke gole tumhaare saamne hain। to tum likh sakte ho puraani duniya raavan raajya murdaabaad, nai duniya gyaan maarga raamraajya jindaabaad। jo poojya the vahi pujaari bane hain। shreekrishna bhi poojya gora tha phir raavan raajya mein pujaari saanvara ban jaata hai। yeh samjhaana to sahaj hai। pahle-pahle jab pooja shuru hoti hai to bade-bade heere ka ling banaate hain, most valuable hota hai kyonki baap ne itna saahookaar banaaya hai na। woh khud hi heera hai, to aatmaon ko bhi heere jaisa banaate hain, to unko heera banaakar rakhna chaahiye na। heera hamesha beech mein rakhte hain। pukhraaj aadi ke saath to unki value nahin rahegi isliye heere ko beech mein rakha jaata hai। in dvaara 8 ratna vijay maala ke daane bante hain, sabse jaasti value hoti hai heere ki। baaki to nambarvaar bante hain। banaate shivbaaba hain, yeh sab baaten baap bigar to koi samjha na sake। padhte-padhte aashcharyavat baba-baba kahanti phir chale jaate hain। shivbaaba ko baba kehte hain, to unko kabhi nahin chhodna chaahiye। phir kaha jaata takdeer। kiski takdeer mein jaasti nahin hai to phir karma hi aise karte hain to sauguna danda chadh jaata hai। punya aatma banne ke liye purushaartha kar aur phir paap karne se sauguna paap ho jaata hai phir jaamde (baune) rah jaate hain, vriddhi ko pa nahin sakte। sauguna danda add hone se avastha jor nahin bharti। baap jisse tum heere jaisa bante ho unmein sanshay kyon aana chaahiye। koi bhi kaaran se baap ko chhoda to kambakhta kahenge। kahaan bhi rahkar baap ko yaad karna hai, to sazaaon se chhoot jaayen। yahaan tum aate hi ho patit se paavan banne। past ke bhi koi aise karma kiye hue hain to shareer ki bhi karma bhogna kitna chalti hai। abhi tum to aadhaakalpa ke liye inse chhootte ho। apne ko dekhna hai ham kahaan tak apni unnati karte hain, auron ki service karte hain? lakshmi-naaraayan ke chitra par bhi oopar mein likh sakte hain ki yeh hai vishwa mein shanti ki raajaai, jo ab sthaapan ho rahi hai। yeh hai em object। vahaan 100 percent pavitrata, sukh-shanti hai। inke raajya mein doosra koi dharma hota nahin। to abhi jo itne dharma hain unka zaroor vinaash hoga na। samjhaane mein badi buddhi chaahiye। nahin to apni avastha anusaar hi samjhaate hain। chitron ke aage baith khyaalaat chalaane chaahiye। samjhaani to mili hui hai। samajhte hain to samjhaana hai isliye baba museum khulvaate rehte hain। get ve tu heaven, yeh naam bhi achha hai। woh hai dehli get, India get। yeh phir hai svarga ka get। tum abhi svarga ka get khol rahe ho। bhakti maarga mein aisa moonjh jaate hain jaise bhool-bhulaiya mein moonjh jaate hain। raasta kisko milta nahin। sab andar phans jaate hain - maaya ke raajya mein। phir baap aakar nikaalte hain। koi ko nikalne ki dil nahin hoti to baap bhi kya karenge isliye baap kehte hain mahaan kambakhta bhi yahaan dekho, jo padhaai ko chhod dete। sanshay buddhi ban janma-janmaantar ke liye apna khoon kar dete hain। takdeer bigadti hai to phir aisa hota hai। grahchaari baithne se gora banne badle kaale ban jaate hain। gupta aatma padhti hai, aatma hi shareer se sab kuchh karti hai, aatma shareer bigar to kuchh kar nahin sakti। aatma samajhne ki hi mehnat hai। aatma nishchay nahin kar sakte to phir deh-abhimaan mein aa jaate hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) supreme teacher ki padhaai humein nar se naaraayan banaane vaali hai, isi nishchay se attention dekar padhaai padhni hai। padhaane vaali teacher ko nahin dekhna hai।

2) dehi-abhimaani banne ka purushaartha karna hai, marjeeva bane hain to is shareer ke bhaan ko chhod dena hai। punya aatma banna hai, koi bhi paap karma nahin karna hai।

vardaan:- svadarshan chakra ki smriti se sada sampanna sthiti ka anubhav karne vaale maalaamaal bhav

jo sada svadarshan chakradhaari hain woh maaya ke anek prakaar ke chakron se mukta rehte hain। ek svadarshan chakra anek vyartha chakron ko khatma karne vaala hai, maaya ko bhagaane vaala hai। unke aage maaya thahar nahin sakti। svadarshan chakradhaari bachche sada sampanna hone ke kaaran achal rehte hain। svayan ko maalaamaal anubhav karte hain। maaya khaali karne ki koshash karti hain lekin ve sada khabardaar, sujaag, jaagti jyot rehte hain isliye maaya kuchh bhi kar nahin paati। jiske paas attention roopi chaukeedaar sujaag hain vahi sada safe hain।

slogan:- aapke bol aise samartha hon jismen shubh va shreshtha bhaavna samaai hui ho।

avyakt ishaare - ab lagan ki agni ko prajvalit kar yog ko jvaala roop banaao

powerful yaad ke liye sachche dil ka pyaar chaahiye। sachchi dil vaale second mein bindu ban bindu swaroop baap ko yaad kar sakte hain। sachchi dil vaale sachche saaheb ko raazi karne ke kaaran, baap ki vishesh duaayen praapta karte hain, jisse sahaj hi ek sankalp mein sthit ho jvaala roop ki yaad ka anubhav kar sakte hain, powerful vibration phaila sakte hain।