मंगलवार 16 सितंबर 2025 की दैनिक मुरली

16-09-2025 praatahmurli om shanti "baapdaada"' madhuban

“meethe bachche - tum ho roohaani pande, tumhein sabko shantidham arthaat amarpuri ka raasta bataana hai''

prashn:- tum bachchon ko kaun-sa nasha hai, us nashe ke aadhaar par kaun-se nishchay ke bol bolte ho?

uttar:- tum bachchon ko yeh nasha hai ki ham baap ko yaad kar janma-janmaantar ke liye pavitra bante hain। tum nishchay se kehte ho ki bhal kitne bhi vighna paden lekin svarga ki sthaapna to zaroor honi hi hai। nai duniya ki sthaapna aur puraani duniya ka vinaash hona hi hai। yeh bana-banaaya drama hai, ismen sanshay ki baat hi nahin।

om shanti। roohaani bachchon prati roohaani baap samjha rahe hain। tum jaante ho ham aatma hain। is samay ham roohaani pande bane hain। bante bhi hain, banaate bhi hain। yeh baaten achhi reeti dhaaran karo। maaya ka toofaan bhula deta hai। roz subah-shaam yeh vichaar karna chaahiye - yeh amoolya ratna amoolya jeevan ke liye roohaani baap se milte hain। to roohaani baap samjhaate hain - bachchon, tum abhi roohaani pande va guides ho - muktidhaam ka raasta bataane liye। yeh hai sachchi-sachchi amraktha, amarpuri mein jaane ki। amar-puri mein jaane ke liye tum pavitra ban rahe ho। apvitra bhrashtaachaari aatma amarpuri mein kaise jaayegi? manushya amarnaath ki yaatra par jaate hain, svarga ko bhi amarnaath puri kahenge। akela amarnaath thode hi hota hai। tum sab aatmaayen amarpuri ja rahi ho। woh hai aatmaon ki amarpuri paramdham phir amarpuri mein aate hain shareer ke saath। vahaan kaun le jaate hain? parampita paramatma sabhi aatmaon ko le jaate hain। usko amarpuri bhi kah sakte hain। parantu right naam shantidham hai। vahaan to sabko jaana hi hai। drama ki bhaavi taali naahi tale। yeh achhi reeti buddhi mein dhaaran karo। pahle-pahle to aatma samjho। parampita paramatma bhi aatma hi hai। sirf unko parampita paramatma kehte hain, woh hamko samjha rahe hain। vahi gyaan ka saagar hai, pavitrata ka saagar hai। ab bachchon ko pavitra banaane ke liye shreemat dete hain ki maamekam yaad karo to tumhaare janma-janmaantar ke paap kat jaayenge। yaad ko hi yog kaha jaata hai। tum to bachche ho na। baap ko yaad karna hai। yaad se hi beda paar hai। is vishay nagri se tum shiv nagri mein jaayenge phir vishnupuri mein aayenge। ham padhte hi hain vahaan ke liye, yahaan ke liye nahin। yahaan jo raajaayen bante hain, woh dhan daan karne se bante hain। kai hain jo gareebon ki bahut sambhaal karte hain, koi hospital, dharmashaalaayen aadi banaate hain, koi dhan daan karte hain। jaise sindha mein moolchanda tha, gareebon ke paas jaakar daan karte the। gareebon ki bahut sambhaal karte the। aise bahut daani hote hain। subah ko uthkar anna ki mutthi nikaalte hain, gareebon ko daan karte hain। aajkal to thagi bahut lagi hui hai। paatra ko daan dena chaahiye। woh akla to hai nahin। baahar mein jo bheekh maangane vaale baithe rehte hain unko dena, woh bhi koi daan nahin। unhon ka to yeh dhandha hai। gareebon ko daan karne vaala achha pad paate hain।

ab tum ho sab roohaani pande। tum pradarshani va museum kholte ho to aisa naam likho jo siddha ho jaae guide tu heaven va nai vishwa ki raajdhaani ke guides। parantu manushya kuchh bhi samajhte nahin hain। yeh hai hi kaanton ka jangal। svarga hai phoolon ka bageecha, jahaan devtaayen rehte hain। tum bachchon ko yeh nasha rehna chaahiye ki ham baap ko yaad kar janma-janmaantar ke liye pavitra bante hain। tum jaante ho bhal kitne bhi vighna paden svarga ki sthaapna to zaroor honi hai। nai duniya ki sthaapna aur puraani duniya ka vinaash hona hi hai। yeh bana-banaaya drama hai, ismen sanshay ki baat hi nahin। zara bhi sanshay nahin laana chaahiye। yeh to sab kehte hain patit-paavan। angreji mein bhi kehte hain aakar liberate karo duhkh se। duhkh hai hi 5 vikaaron se। woh hai hi viceless world, sukh-dhaam। abhi tum bachchon ko jaana hai svarga mein। manushya samajhte hain svarga oopar mein hai, unhon ko yeh pata nahin hai ki muktidhaam oopar mein hai। jeevanmukti mein to yahaan hi aana hai। yeh baap tumhein samjhaate hain, unko achhi reeti dhaaran kar knowledge ka hi manthan karna hai। student bhi ghar mein yahi khyaal karte rehte hain - yeh paper bharkar dena hai, aaj yeh karna hai। to tum bachchon ko apne kalyaan ke liye aatma ko satopradhaan banaana hai। pavitra ban muktidhaam mein jaana hai aur knowledge se phir devta bante hain। aatma kehti hai na ham manushya se barrister bante hain। ham aatma manushya se governor bante hain। aatma banti hai shareer ke saath। shareer khatma ho jaata hai to phir nayesir padhna padta hai। aatma hi purushaartha karti hai vishwa ka maalik banne। baap kehte hain yeh pakka yaad kar lo ki ham aatma hain, devtaaon ko aise nahin kehna padta, yaad nahin karna padta kyonki woh to hai hi paavan। praalabdha bhog rahe hain, patit thode hi hain jo baap ko yaad karen। tum aatma patit ho isliye baap ko yaad karna hai। unko to yaad karne ki darkaar nahin। yeh drama hai na। ek bhi din ek samaan nahin hota। yeh drama chalta rehta hai। saare din ka part second by second badalta rehta hai। shoot hota rehta hai। to baap bachchon ko samjhaate hain, koi bhi baat mein heartfail mat ho। yeh gyaan ki baaten hain। bhal apna dhandha aadi bhi karo, parantu bhavishya oonch pad paane ke liye poora purushaartha karo। grihastha vyavhaar mein bhi rehna hai। kumaariyaan to grihastha mein gai hi nahin hain। grihasthi unko kaha jaata jinko baal bachche hain। baap to adharkumaari aur kumaari sabko padhaate hain। adharkumaari ka bhi arth nahi samajhte। kya aadha shareer hai? abhi tum jaante ho kanya pavitra hai aur adhar kanya unko kaha jaata hai jo apvitra banne ke baad phir pavitra banti hai। tumhaara hi yaadgaar khada hai। baap hi tum bachchon ko samjhaate hain। baap tumko padha rahe hain। tum jaante ho ham aatmaayen mool vatan ko bhi jaante hain, phir sooryavanshi, chandravanshi kaise raajya karte hain, kshatriyapne ki nishaani baan kyon diya hai, woh bhi tum jaante ho। ladaai aadi ki to baat hai nahin। na asuron ki baat hai, na chori ki baat siddha hoti hai। aisa to koi raavan hota nahin jo seeta ko le jaae। to baap samjhaate hain meethe-meethe bachche, tum samajhte ho ham hain heaven ke, mukti-jeevanmukti ke pande। woh hain jismaani pande। ham hain roohaani pande। woh hain kaliyugi brahman। tum sangamayugi brahman abhi purushottam banne ke liye padh rahe ho। baba anek prakaar se samjhaate rehte hain। phir bhi deh-abhimaan mein aane se bhool jaate hain। main aatma hoon, baap ka bachcha hoon, woh nasha nahin rehta hai। jitna yaad karte rahenge utna deh-abhimaan tootta jaayega। apni sambhaal karte raho। dekho, hamaara deh-abhimaan toota hai? ham abhi ja rahe hain phir ham vishwa ke maalik banenge। hamaara part hi hero-heroine ka hai। hero-heroine naam tab padta hai jab koi vijay paate hain। tum vijay paate ho tab tumhaara hero-heroine ka naam padta hai is samay, inse pahle nahin tha। haarne vaale ko hero-heroine nahin kahenge। tum bachche jaante ho ham abhi jaakar hero-heroine bante hain। tumhaara part oonch te oonch hai। kaudi aur heere ka to bahut farka hai। bhal koi kitne bhi lakhapti va karodapti ho parantu tum jaante ho yeh sab vinaash ho jaayenge।

tum aatmaayen dhanvaan banti jaati ho। baaki sab devaale mein ja rahe hain। yeh sab baaten dhaaran karni hain। nishchay mein rehna hai। yahaan nasha chadhta hai, baahar jaane se nasha utar jaata hai। yahaan ki baaten yahaan rah jaati hain। baap kehte hain buddhi mein rahe - baap hamko padha rahe hain। jis padhaai se ham manushya se devta ban jaayenge। ismen takleeph ki koi baat nahin। dhandhe aadi se bhi kuchh time nikaal yaad kar sakte ho। yeh bhi apne liye dhandha hai na। chhutti lekar jaae baba ko yaad karo। yeh koi jhooth nahin bolte hain। saara din aise hi thode hi ganvaana hai। ham bhavishya ka to kuchh khyaal karen। yuktiyaan bahut hain, jitna ho sake time nikaal baap ko yaad karo। shareer nirvaah ke liye dhandha aadi bhi bhal karo। ham tumko vishwa ka maalik banne ki bahut achhi raay dete hain। tum bachche bhi sabko raay dene vaale thahre। vajeer raay ke liye hote hain na। tum edvaaijar ho। sabko mukti-jeevanmukti kaise milen, is janma mein woh raasta bataate ho। manushya slogan aadi banaate hain to deevaar mein oopar laga dete hain। jaise tum likhte ho ‘bi holi and raaj-yogi'। parantu inse samjhenge nahin। abhi tum samajhte ho hamko baap se yeh varsa mil raha hai, muktidhaam ka bhi varsa hai। mujhe tum patit-paavan kehte ho to main aakar raay deta hoon, paavan banne ki। tum bhi edvaaijar ho। muktidhaam mein koi bhi ja nahin sakte, jab tak baap advice na kare, shreemat na de। shri arthaat shreshtha mat hai hi shivbaaba ki। aatmaon ko shreemat milti hai shivbaaba ki। paap aatma, punya aatma kaha jaata hai। paap shareer nahin kahenge। aatma shareer se paap karti hai isliye paap aatma kaha jaata hai। shareer bigar aatma na paap, na punya kar sakti hai। to jitna ho sake vichaar saagar manthan karo। time to bahut hai। teacher va professor hai to unko bhi yukti se yeh roohaani padhaai padhaani chaahiye, jisse kalyaan ho। baaki is jismaani padhaai se kya hoga। ham yeh padhaate hain। baaki thode din hain, vinaash saamne khada hai। andar uchhal aati rahegi - kaise manushyon ko raasta bataayen।

ek bachchi ko paper mila tha jismen geeta ke bhagwan ki baat poochhi gai thi। to usne likh diya geeta ka bhagwan shiv hai, to unko naapaas kar diya। samajhti thi ham to baap ki mahima likhti hoon - geeta ka bhagwan shiv hai। woh gyaan ka saagar hai, prem ka saagar hai। shreekrishna ki aatma bhi gyaan pa rahi hai। yeh baith likha to fail ho gai। maa-baap ko kaha - ham yeh nahin padhengi। abhi is roohaani padhaai mein lag jaaoongi। bachchi bhi badi first class hai। pahle hi kehti thi ham aisa likhoongi, naapaas ho jaaoongi। parantu sach to likhna hai na। aage chalkar samjhenge barobar is bachchi ne jo likha tha woh satya hai। jab prabhaav niklega va pradarshani athva museum mein unko bulaayenge to pata chalega aur buddhi mein aayega yeh to right hai। dher ke dher manushya aate hain to vichaar karna hai aisa karen jo manushya jhat samajh jaayen ki yeh koi nai baat hai। koi na koi zaroor samjhenge, jo yahaan ke honge। tum sabko roohaani raasta bataate ho। bichaare kitne duhkhi hain, un sabke duhkh kaise door karen। khitpit to bahut hai na। ek-do ke dushman bante hain to kaise khalaas kar dete hain। ab baap bachchon ko achhi reeti samjhaate rehte hain। maataayen to bichaari abodh hoti hain। kehti hain ham padhi-likhi nahin hain। baap kehte hain nahin padhe to achha hai। ved-shaastra jo kuchh padhe hain woh sab yahaan bhool jaana hai। abhi main jo sunaata hoon, woh suno। samjhaana chaahiye - sadgati niraakaar parampita paramatma bigar koi kar na sake। manushyon mein gyaan hi nahin to woh phir sadgati kaise kar sakte। sadgati daata gyaan ka saagar hai hi ek। manushya aisa thode hi kahenge, jo yahaan ke honge vahi samajhne ki koshish karenge। ek bhi koi bada aadmi nikal pade to aavaaz hoga। gaayan hai tulseedaas gareeb ki koi na sunen baat। service ki yuktiyaan to baba bahut batlaate hain, bachchon ko amal mein laana chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) dhandha aadi karte bhavishya oonch pad paane ke liye yaad mein rahne ka poora-poora purushaartha karna hai। yeh drama second by second badalta rehta hai isliye kabhi koi scene dekhkar heartfail nahin hona hai।

2) yeh roohaani padhaai padhkar doosron ko padhaani hai, sabka kalyaan karna hai। andar yahi uchhal aati rahe ki ham kaise sabko paavan banne ki advice den। ghar ka raasta bataayen।

vardaan:- sarva sambandhon ke sahayog ki anubhooti dvaara nirantar yogi, sahajyogi bhav

har samay baap ke bhinna-bhinna sambandhon ka sahayog lena arthaat anubhav karna hi sahaj yog hai। baap kaise bhi samay par sambandh nibhaane ke liye bandhe hue hain। saare kalpa mein abhi hi sarva anubhvon ki khaan praapta hoti hai isliye sada sarva sambandhon ka sahayog lo aur nirantar yogi, sahajyogi bano kyonki jo sarva sambandhon ki anubhooti va praapti mein magna rehta hai woh puraani duniya ke vaataavran se sahaj hi upraam ho jaata hai।

slogan:- sarva shaktiyon se sampanna rehna, yahi brahman swaroop ki visheshta hai।

avyakt ishaare - ab lagan ki agni ko prajvalit kar yog ko jvaala roop banaao

tapasvi moorta ka arth hai - tapasya dvaara shanti ke shakti ki kirnen chaaron or phailti hui anubhav mein aayen। yeh tapasvi swaroop auron ko dene ka swaroop hai। jaise soorya vishwa ko roshni ki aur anek vinaashi praaptiyon ki anubhooti karaata hai। aise mahaan tapasvi aatmaayen jvaala roop shaktishaali yaad dvaara praapti ke kirnon ki anubhooti karaati hain।