मंगलवार 23 सितंबर 2025 की दैनिक मुरली

23-09-2025 praatahmurli om shanti "baapdaada"' madhuban

“meethe bachche - har baat mein yog bal se kaam lo, baap se kuchh bhi poochhne ki baat nahin hai, tum eeshvareey santaan ho isliye koi bhi aasuri kaam na karo''

prashn:- tumhaare is yogbal ki karaamaat kya hai?

uttar:- yahi yogbal hai jisse tumhaari sab karmendriyaan vash ho jaati hain। yog bal ke sivaae tum paavan ban nahin sakte। yogbal se hi saari srishti paavan banti hai isliye paavan banne ke liye va bhojan ko shuddh banaane ke liye yaad ki yaatra mein raho। yukti se chalo। namrata se vyavhaar karo।

om shanti। roohaani baap roohaani bachchon ko samjhaate hain। duniya mein kisko maaloom nahin hai ki roohaani baap aakar svarga ki va nai duniya ki sthaapna kaise karte hain। koi bhi nahin jaante hain। tum baap se koi bhi prakaar ki maangani nahin kar sakte ho। baap sab kuchh samjhaate hain। kuchh bhi poochhne ki darkaar nahin rehti, sab kuchh aapehi samjhaate rehte hain। baap kehte hain mujhe kalpa-kalpa is bhaarat khanda mein aakar kya karna hai, so main jaanta hoon, tum nahin jaante। roz-roz samjhaate rehte hain। koi bhal ek akshar bhi na poochhe to bhi sab kuchh samjhaate rehte hain। kabhi poochhte hain khaan-paan ki takleeph hoti hai। ab yeh to samajh ki baat hai। baba ne kah diya hai har baat mein yogbal se kaam lo, yaad ki yaatra se kaam lo aur kahaan bhi jaao to mukhya baat baap ko zaroor yaad karna hai। aur koi bhi aasuri kaam nahin karna hai। ham eeshvareey santaan hain woh hai sabka baap, sabke liye shiksha yeh ek hi denge। baap shiksha dete hain - bachche svarga ka maalik banna hai। raajaai mein bhi position to hoti hain na। har ek ke purushaartha anusaar martaba hota hai। purushaartha bachchon ko karna hai aur praarabdha bhi bachchon ko paani hai। purushaartha karaane liye baap aate hain। tumko kuchh bhi pata nahin tha ki baap kab aayenge, kya aakar karenge, kahaan le jaayenge। baap hi aakar samjhaate hain, drama ke plan anusaar tum kahaan se gire ho। ekdam oonch choti se। zara bhi buddhi mein nahin aata ki ham kaun hain। ab mahsoos karte ho na। tumko svapna mein bhi nahin tha ki baap aakar kya karenge। tum bhi kuchh nahin jaante the। ab baap mila hua hai to samajhte ho aise baap ke oopar to nyochhaavar hona pade। jaise pativrata stri hoti hai to pati par kitna nyochhaavar jaati hai। chita par chadhne mein bhi dar nahin hota hai। kitni bahaadur hoti hai। aage chita par bahut chadhti thi। yahaan baba to aisi koi takleeph nahin dete hain। bhal naam gyaan chita hai parantu jalne karne ki koi baat nahin। baap bilkul aise samjhaate hain jaise makkhan se baal। bachche samajhte hain barobar janma-janmaantar ka sir par bojha hai। koi ek ajaamil nahin। har ek manushya ek-do se jaasti ajaamil hain। manushyon ko kya pata past janma mein kya-kya kiya hai। abhi tum samajhte ho paap hi kiye hain, vaastav mein punya aatma ek bhi nahin hai। sab hain paap aatmaayen। punya karen to punya aatma ban jaayen। punya aatmaayen hoti hain satayug mein। koi ne hospital aadi banaai so kya hua। seedhi utarne se thode hi bach jaayega। chadhti kala to nahin hoti hai na। girte hi jaate hain। yeh baap to aisa beloved hai jis par kehte hain jeete ji nyochhaavar jaayen kyonki patiyon ka pati, baapon ka baap sabse oonch hai।

bachchon ko abhi baap jaga rahe hain। aisa baba jo svarga ka maalik banaate hain, kitna saadhaaran hai। shuru mein bachchiyaan jab beemaar padti thi to baba khud unhon ki seva karte the। ahankaar kuchh bhi nahin। baapdaada oonch te oonch hai। kehte hain jaise karma main inse karaaoonga, ya karoonga। donon jaise ek ho jaate hain। pata thode hi padta hai। baap kya karte hain, daada kya karte hain। karma-akarma-vikarma ki gati baap hi baithkar samjhaate hain। baap bahut oonch hai। maaya ka bhi kitna prabhaav hai। eeshvar baap kehte hain aisa mat karo to bhi nahin maante hain। bhagwan kehte hain - meethe bachche, yeh kaam nahin karna, phir bhi ulta kaam kar dete hain। ulte kaam ke liye hi mana karenge na। lekin maaya bhi badi jabardasta hai। bhoole-chooke bhi baap ko nahin bhoolna hai। kuchh bhi karen, maare athva koote। aisa kuchh baap karte nahin hain parantu yeh extreme mein kaha jaata hai। geet bhi hai tumhaare dar ko kabhi nahin chhodenge। chaahe kuchh bhi kaho। baahar mein rakha hi kya hai। buddhi bhi kehti hain jaayenge kahaan? baap baadshaahi dete hain phir thode hi kabhi milti hai। aise thode hi hai doosre janma mein kuchh mil sakta hai। nahin। yeh paarlaukik baap hai jo behad sukhdhaam ka tumko maalik banaate hain। bachchon ko daiveegun bhi dhaaran karne hain, so bhi baap raay dete hain। apna pulis aadi ka kaam bhi karo, nahin to dismiss kar denge। apna kaam to karna hi hai, aankh dikhaani padti hai। jitna ho sake prem se kaam lo। nahin to yukti se aankh dikhaao। haath nahin chalaana hai। baba ke kitne dher bachche hain। baba ko bhi bachchon ka ona (khyaal) rehta hai na। mool baat hai pavitra rehna। janma janmaantar tumne pukaara hai na - he patit-paavan aakar hamko paavan banaao। parantu arth kuchh bhi nahin samajhte। bulaate hain to zaroor patit hain। nahin to bulaane ki darkaar nahin। pooja ki bhi darkaar nahin। baap samjhaate hain tum ablaaon par kitne atyaachaar hote hain, sahan karna hi hai। yuktiyaan bhi batlaate rehte hain। bahut namrata se chalo। bolo, aap to bhagwan ho phir yeh kya maangate ho? hathiyaala baandhate samay kehte hain - main tumhaara pati eeshvar guru sab kuchh hoon, ab main pavitra rehna chaahti hoon, to tum rokte kyon ho। bhagwan ko to patit-paavan kaha jaata hai na। aap hi paavan banaane vaale ban jaao। aise pyaar se namrata se baat karni chaahiye। krodh kare to phoolon ki varsha karo। maarte hain phir aphsos bhi karte hain। jaise sharaab peete hain to bada nasha chadh jaata hai। apne ko baadshaah samajhte hain। to yeh vish bhi aisi cheez hai baat mat poochho। pachhtaate bhi hain parantu aadat padi hai to woh tootti nahin hai। ek-do baar vikaar mein gaya, bas nasha chadha phir girte rahenge। jaise nashe ki cheezen khushi mein laati hain, vikaar bhi aise hain। yahaan phir badi mehnat hai। sivaae yogbal ke koi bhi karmendriyon ko vash nahin kar sakte। yogbal ki hi karaamaat hai, tab to naam mashhoor hai, baahar se aate hain yahaan yog seekhne। shanti mein baithe rahenge। gharbaar se door ho jaate hain। woh to hai aadhaakalpa ke liye artificial shanti। kisko sachchi shanti ka maaloom hi nahin। baap kehte hain bachche, tumhaara svadharma hi hai shant, is shareer se tum karma karte ho। jab tak shareer dhaaran na kare tab tak aatma shant rehti hai। phir kahaan na kahaan jaakar pravesh karti hai। yahaan to phir koi-koi sookshm shareer se dhakke khaati rehti hai। woh chhaaya ke shareer hote hain, koi duhkh dene vaale hote hain, koi achhe hote hain, yahaan bhi koi bhale manushya hote hain jo kisko duhkh nahin dete hain। koi to bahut duhkh dete hain। koi jaise saadhu mahaatma hote hain।

baap samjhaate hain meethe-meethe sikeeldhe bachchon tum 5 hazaar varsha ke baad phir se aakar mile ho। kya lene liye? baap ne bataaya hai tumko kya milne ka hai। baba aapse kya milna hai, yeh to prashn hi nahin। aap to ho hi heavenly god father। nai duniya ke rachayita। to zaroor aapse baadshaahi hi milegi। baap kehte hain thoda bhi kuchh samajhkar jaate hain to svarga mein zaroor aa jaayenge। ham svarga ki sthaapna karne aaye hain। bade se bada aasaami hai bhagwan aur prajaapita brahma। tum jaante ho vishnu kaun hai? aur koi ko bhi pata nahin hai। tum to kahenge ham inke gharaane ke hain, yeh lakshmi-naaraayan to satayug mein raajya karte hain। yeh chakra aadi vaastav mein vishnu ko thode hi hai। yeh alankaar ham braahmanon ke hain। abhi yeh knowledge hai। satayug mein thode hi yeh samjhaayenge। aisi baaten bataane ki koi mein taakat nahin hai। tum is 84 ke chakra ko jaante ho। inka arth koi samajh na sake। bachchon ko baap ne samjhaaya hai। bachche samajh gaye hain, hamko to yeh alankaar shobhte nahin। ham abhi shiksha pa rahe hain। purushaartha kar rahe hain। phir aise ban jaayenge। svadarshan chakra phiraate-phiraate ham devta ban jaayenge। svadarshan chakra arthaat rachayita aur rachna ke aadi-madhya-ant ko jaanna hai। saari duniya mein koi bhi yeh samjha nahin sakte ki yeh srishti ka chakra kaise phirta hai। baap kitna sahaj kar samjhaate hain - is chakra ki aayu itni badi to ho nahin sakti। manushya srishti ka hi samaachaar sunaaya jaata hai ki itne manushya hain। aise thode hi bataaya jaata hai ki kuchhae kitne hain, machhliyaan aadi kitni hain, manushyon ki hi baat hai। tumse bhi prashn poochhte hain, baap sab kuchh batlaate rehte hain। sirf us par poora dhyaan dena hai।

baba ne samjhaaya hai - yogbal se tum srishti ko paavan banaate ho to kya yogbal se khaana shuddh nahin ho sakta hai? achha, tum to aise bane ho। phir koi ko aap samaan banaate ho? abhi tum bachche samajhte ho ki baap aaya hai svarga ki baadshaahi phir se dene। to inko refuse nahin karna hai। vishwa ki baadshaahi refuse ki to khatma। phir refuse (kichde ke dibbe) mein jaakar padenge। yeh saari duniya hai kichda। to inko refuse hi kahenge। duniya ka haal dekho kya hai। tum to jaante ho ham vishwa ke maalik bante hain। yeh kisko pata nahin hai ki satayug mein ek hi raajya tha, maanenge nahin। apna ghamanda rehta hai to phir zara bhi sunte nahin, kah dete yeh sab aapki kalpana hai। kalpana se hi yeh shareer aadi bana hua hai। arth kuchh nahin samajhte। bas yeh eeshvar ki kalpana hai, eeshvar jo chaahe so bante hain, unka yeh khel hai। aisi baaten karte hain, baat mat poochho। abhi tum bachche jaante ho baba aaya hua hai। budhiyaan bhi kehti hain - baba har 5 hazaar varsha ke baad ham aapse svarga ka varsa lete hain। ham abhi aaye hain svarga ki raajaai lene। tum jaante ho ki sabhi actors ka apna part hai। ek ka part na mile doosre se। tum phir isi hi naam roop mein aakar isi samay baap se varsa lene ka purushaartha karenge। kitni athaah kamaai hai। bhal baba kehte hain thoda bhi suna hai to svarga mein aa jaayenge। parantu har ek manushya purushaartha to oonch banne ka hi karte hain na। to purushaartha hai first। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) jaise baba bachchon ki seva karte hain, koi ahankaar nahin, aise follow karna hai। baap ki shreemat par chalkar vishwa ki baadshaahi leni hai, refuse nahin karni hai।

2) baapon ka baap, patiyon ka pati jo sabse oonch hai, beloved hai us par jeete ji nyochhaavar jaana hai। gyaan-chita par baithna hai। kabhi bhoole chooke bhi baap ko bhool ulta kaam nahin karna hai।

vardaan:- khushiyon ke akhut khajaane se bharpoor sada bephikar baadshaah bhav

khushiyon ke saagar dvaara roz khushi ka akhut khajaana milta hai isliye kisi bhi paristhiti mein khushi gaayab nahin ho sakti। kisi bhi baat ka phikar ho nahin sakta। aise nahin property ka kya hoga, parivaar ka kya hoga। parivartan hi hoga na। puraani duniya mein kitna bhi shreshtha ho lekin sab puraana hi hai isliye bephikar ban gaye। jo hoga achha hoga। braahmanon ke liye sab achha hai, kuchh bhi bura nahin। aapke paas yeh aisi baadshaahi hai jise koi bhi chheen nahin sakta।

slogan:- is sansaar ko ek alaukik khel aur paristhitiyon ko khilauna maankar chalo to kabhi niraash nahin honge।

avyakt ishaare - ab lagan ki agni ko prajvalit kar yog ko jvaala roop banaao

last so fast purushaartha jvaala-roop ka hi raha hua hai। paandavon ke kaaran yaadav rooke hue hain। paandavon ki shreshtha shaan, roohaani shaan ki sthiti yaadvon ke pareshaani vaali paristhiti ko samaapta karegi। to apni shaan se pareshaan aatmaon ko shanti aur chain ka vardaan do। jvaala swaroop arthaat light house aur might house sthiti ko samajhte hue isi purushaartha mein raho।