गुरुवार 25 सितंबर 2025 की दैनिक मुरली

25-09-2025 praatahmurli om shanti "baapdaada"' madhuban

“meethe bachche - yeh drama ka khel accurate chal raha hai, jiska jo part jis ghadi hona chaahiye, vahi repeat ho raha hai, yeh baat yathaartha reeti samajhna hai''

prashn:- tum bachchon ka prabhaav kab niklega? abhi tak kis shakti ki kami hai?

uttar:- jab yog mein majboot honge tab prabhaav niklega। abhi woh jauhar nahin hai। yaad se hi shakti milti hai। gyaan talvaar mein yaad ka jauhar chaahiye, jo abhi tak kam hai। agar apne ko aatma samajh baap ko yaad karte raho to beda paar ho jaayega। yeh second ki hi baat hai।

om shanti। roohaani bachchon ko roohaani baap baith samjhaate hain। roohaani baap ek ko hi kaha jaata hai। baaki sab hain aatmaayen। unko param aatma kaha jaata hai। baap kehte hain main bhi hoon aatma। parantu main param supreme satya hoon। main hi patit-paavan, gyaan ka saagar hoon। baap kehte hain main aata hi hoon bhaarat mein, bachchon ko vishwa ka maalik banaane। tum hi maalik the na। ab smriti aai hai। bachchon ko smriti dilaate hain - tum pahle-pahle satayug mein aaye phir part bajaate, 84 janma bhog ab pichhaadi mein aa gaye ho। tum apne ko aatma samjho। aatma avinaashi hai, shareer vinaashi hai। aatma hi deh ke saath aatmaon se baat karti hai। aatma-abhimaani ho karke nahin rehte hain to zaroor deh-abhimaan hai। main aatma hoon, yeh sab bhool gaye hain। kehte bhi hain paap aatma, punya aatma, mahaan aatma। woh phir paramatma to ban nahin sakte। koi bhi apne ko shiv kah na sake। shareeron ke shiv naam to bahuton ke hain। aatma jab shareer mein pravesh karti hai to naam padta hai kyonki shareer se hi part bajaana hota hai। to manushya phir shareer ke bhaan mein aa jaate hain, main phalaana hoon। abhi samajhte - haan main aatma hoon। hamne 84 ka part bajaaya hai। abhi ham aatma ko jaan gaya hoon। ham aatma satopradhaan thi, phir abhi tamopradhaan bani hoon। baap aate hi tab hain jab sab aatmaon par kat lagi hui hai। jaise sone mein khaad padti hai na। tum pahle sachcha sona ho phir chaandi, taamba, loha padkar tum bilkul kaale ho gaye ho। yeh baat aur koi samjha na sake। sab kah dete hain aatma nirlep hai। khaad kaise padti hai, yeh bhi baap ne samjhaaya hai bachchon ko। baap kehte hain main aata hi bhaarat mein hoon। jab bilkul tamopradhaan ban jaate hain, tab aata hoon। accurate time par aate hain। jaise drama mein accurate khel chalta hai na। jo part jis ghadi hona hoga us samay phir repeat hoga, usmein zara bhi pharka pad nahin sakta। woh hai had ka drama, yeh hai behad ka drama। yeh sab bahut maheen samajhne ki baaten hain। baap kehte hain tumhaara jo part baja, woh drama anusaar। koi bhi manushya maatra na rachayita ko, na rachna ke aadi-madhya-ant ko jaante hain। rishi-muni bhi neti-neti karte gaye। ab tumse koi poochhe rachayita aur rachna ke aadi-madhya-ant ko jaante ho? to tum jhat kahenge haan, so bhi tum sirf abhi hi jaan sakte ho phir kabhi nahin। baba ne samjhaaya hai tum hi mujh rachayita aur rachna ke aadi-madhya-ant ko jaante ho। achha, yeh lakshmi-naaraayan ka raajya kab hoga, yeh jaante honge? nahin, inmen koi gyaan nahin। yeh to wonder hai। tum kehte ho hamaare mein gyaan hai, yeh bhi tum samajhte ho। baap ka part hi ek baar ka hai। tumhaari em object hi hai - yeh lakshmi-naaraayan banne ki। ban gaye phir to padhaai ki darkaar nahin rahegi। barrister ban gaya so ban gaya। baap jo padhaane vaala hai, unko yaad to karna chaahiye। tumko sab sahaj kar diya hai। baba baar-baar tumhein kehte hain pahle apne ko aatma samjho। main baba ka hoon। pahle tum naastik the, abhi aastik bane ho। in lakshmi-naaraayan ne bhi aastik bankar hi yeh varsa liya hai, jo abhi tum le rahe ho। abhi tum aastik ban rahe ho। aastik-naastik yeh akshar is samay ke hain। vahaan yeh akshar hi nahin। poochhne ki baat hi nahin rah sakti। yahaan prashn uthte hain tab to poochhte hain - rachta aur rachna ko jaante ho? to kah dete, nahin। baap hi aakar apna parichay dete hain aur rachna ke aadi-madhya-ant ka raaz samjhaate hain। baap hai behad ka maalik rachta। bachchon ko samjhaaya gaya hai aur dharma sthaapak bhi yahaan zaroor aate hain। tumko saakshaatkaar karaaya tha - ibraaham, Christ aadi kaise aate hain। woh to pichhaadi mein jab bahut aavaaz niklega tab aayenge। baap kehte hain - bachche, deh sahit deh ke sab dharmon ko tyaag mujhe yaad karo। abhi tum sammukh baithe ho। apne ko deh nahin samajhna hai, main aatma hoon। apne ko aatma samajh baap ko yaad karte raho to beda paar ho jaayega। second ki baat hai। mukti mein jaane ke liye hi bhakti aadhaakalpa karte hain। lekin koi bhi aatma vaapis ja nahin sakti।

5 hazaar varsha pahle bhi baap ne yeh samjhaaya tha abhi bhi samjhaate hain। shreekrishna yeh baaten samjha nahin sakte। unko baap bhi nahin kahenge। baap hai laukik, alaukik aur paarlaukik। had ka baap laukik, behad ka baap hai - paarlaukik, aatmaon ka। aur ek yeh hai sagammayugi wonderful baap, inko alaukik kaha jaata hai। prajaapita brahma ko koi yaad hi nahin karte। woh hamaara great-great grand father hai, yeh buddhi mein nahin aata hai। kehte bhi hain aadi dev, Adam… parantu kahne maatra। mandiron mein bhi aadi dev ka chitra hai na। tum vahaan jaayenge to samjhenge yeh to hamaara yaadgaar hai। baba bhi baithe hain, ham bhi baithe hain। yahaan baap chaitanya mein baithe hain, vahaan jad chitra rakhe hain। oopar mein svarga bhi theek hai, jinhonne mandir dekha hai woh jaante hain ki baba hamko ab chaitanya mein raajayog sikha rahe hain। phir baad mein mandir banaate hain। yeh smriti mein aana chaahiye ki yeh sab hamaare yaadgaar hain। yeh lakshmi-naaraayan ab ham ban rahe hain। the, phir seedhi utarte aaye hain, ab phir ham ghar jaakar raamraajya mein aayenge। peechhe hota hai raavanraajya phir ham vaam maarga mein chale jaate hain। baap kitna achhi reeti samjhaate hain - is samay sabhi manushya maatra patit hain isliye pukaarte hain - he patit-paavan aakar hamko paavan banaao। duhkh har kar sukh ka raasta bataao। kehte bhi hain bhagwan zaroor koi vesh mein aa jaayega। ab kutte-billi, thikkar-bhittar aadi mein to nahin aayenge। gaaya hua hai bhaagyashaali rath par aate hain। baap khud kehte hain main is saadhaaran rath mein pravesh karta hoon। yeh apne janmon ko nahin jaante hain, tum abhi jaante ho। inke bahut janmon ke ant mein jab vaanaprastha avastha hoti hai tab main pravesh karta hoon। bhakti maarga mein paandavon ke bahut bade-bade chitra banaaye hain, rangoon mein buddha ka bhi bahut bada chitra hai। itna bada koi manushya hota thode hi hai। bachchon ko to ab hansi aati hogi, raavan ka chitra kaisa banaaya hai। din-pratidin bada karte jaate hain। yeh kya cheez hain, jo har varsha jalaate hain। aisa koi dushman hoga! dushman ka hi chitra banaakar jalaate hain। achha, raavan kaun hai, kab dushman bana hai jo har varsha jalaate aate hain? is dushman ka kisko bhi pata nahin hai। unka arth koi bilkul nahin jaante। baap samjhaate hain woh hai hi raavan sampradaay, tum ho raam sampradaay। ab baap kehte hain - grihastha vyavhaar mein rehte kamal phool samaan bano aur mujhe yaad karte raho। kehte hain baba hans aur bagule ikatthe kaise rah sakte hain, khit-khit hoti hai। so to zaroor hoga, sahan karna padega। ismen badi yuktiyaan bhi hain। baap ko kaha jaata hai raanjhu ramazbaaj। sab unko yaad karte hain na - he bhagwan duhkh haro, raham karo, liberate karo। vo liberator baap sabka ek hi hai। tumhaare paas koi bhi aate hain to unko alag-alag samjhaao, karaachi mein ek-ek ko alag-alag baith samjhaate the।

tum bachche jab yog mein mazboot ho jaayenge to phir tumhaara prabhaav niklega। abhi ajun woh jauhar nahin hai। yaad se shakti milti hai। padhaai se shakti nahin milti hai। gyaan talvaar hai, usmein yaad ka jauhar bharna hai। woh shakti kam hai। baap roz kehte rehte hain - bachche, yaad ki yaatra mein rahne se tumko taakat milegi। padhaai mein itni taakat nahin hai। yaad se tum saare vishwa ke maalik bante ho। tum apne liye hi sab kuchh karte ho। bahut aaye phir gaye। maaya bhi dushtar hai। bahut nahin aate hain, kehte hain gyaan to bahut achha hai, khushi bhi hoti hai। baahar gaya khalaas। zara bhi thaharne nahin deti। koi-koi ko bahut khushi hoti hai। oho! ab baba aaye hain, ham to chale apne sukhdhaam। baap kehte hain - abhi poori raajdhaani sthaapan hi kahaan hui hai। tum is samay ho eeshvareey santaan phir honge devtaayen। degree kam ho gai na। meter mein point hoti hain, itni point kam। tum abhi ekdam oonch bante ho phir kam hote-hote neeche aa jaate ho। seedhi neeche utarna hi hai। ab tumhaari buddhi mein seedhi ka gyaan hai। chadhti kala, sarva ka bhala। phir dheere-dheere utarti kala hoti hai। shuru se lekar is chakra ko achhi reeti samajhna hai। is samay tumhaari chadhti kala hoti hai kyonki baap saath hai na। eeshvar jisko manushya sarvavyaapi kah dete hain, woh baba meethe-meethe bachche kehte rehte hain aur bachche phir baba-baba kehte rehte hain। baba hamko padhaane aaye hain, aatma padhti hai। aatma hi karma karti hai। ham aatma shant swaroop hoon। is shareer dvaara karma karti hoon। ashaanta akshar hi tab kaha jaata hai jab duhkh hota hai। baaki shanti to hamaara svadharma hai। bahut kehte hain man ki shanti ho। are aatma to svayan shant swaroop hai, unka ghar hi hai shantidham। tum apne ko bhool gaye ho। tum to shantidham ke rahne vaale the, shanti vahaan hi milegi। aajkal kehte hain ek raajya, ek dharma, ek bhaasha ho। one caste, one religion, one god। ab government likhti bhi hai one god hai, phir sarvavyaapi kyon kehte hain? one god to koi maanta hi nahin hai। to ab tumko phir yeh likhna hai। lakshmi-naaraayan ka chitra banaate ho, oopar mein likh do satayug mein jab inhon ka raajya tha to one god, one deity religion tha। parantu manushya kuchh samajhte nahin hain, attention nahin dete। attention unka jaayega jo hamaare brahman kul ka hoga। aur koi nahin samjhenge isliye baba kehte hain alag-alag bithaao phir samjhaao। form bharaao to maaloom padega kyonki koi kisko maanne vaala hoga, koi kisko। sabko ikattha kaise samjhaayenge। apni-apni baat sunaane lag padenge। pahle-pahle to poochhna chaahiye kahaan aaye ho? bi.ke. ka naam suna hai? prajaapita brahma tumhaara kya lagta hai? kabhi naam suna hai? tum prajaapita brahma ki santaan nahin ho, ham to practical mein hain। ho tum bhi parantu samajhte nahin ho। samjhaane ki badi yukti chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) mandiron aadi ko dekhte sada yeh smriti rahe ki yeh sab hamaare hi yaadgaar hain। ab ham aisa lakshmi-naaraayan ban rahe hain।

2) grihastha vyavhaar mein rehte kamal phool samaan rehna hai। hans aur bagule saath hain to bahut yukti se chalna hai। sahan bhi karna hai।

vardaan:- ekta aur santushtata ke certificate dvaara sevaaon mein sada saphaltaamoorta bhav

sevaaon mein saphaltaamoorta banne ke liye do baaten dhyaan mein rakhni hai ek - sanskaaron ko milaane ki unity aur doosra svayan bhi sada santushta raho tatha doosron ko bhi santushta karo। sada ek do mein sneh ki bhaavna se, shreshthata ki bhaavna se samparka mein aao to yeh donon certificate mil jaayenge। phir aapki practical jeevan baap ke soorat ka darpan ban jaayegi aur us darpan mein baap jo hai jaisa hai vaisa dikhaai dega।

slogan:- aatma sthiti mein sthit hokar anek aatmaon ko jeeydaan do to duaayen milengi।

avyakt ishaare - ab lagan ki agni ko prajvalit kar yog ko jvaala roop banaao

jaise agni mein koi bhi cheez daalo to naam, roop, gun sab badal jaata hai, aise jab baap ke yaad ke lagan ki agni mein padte ho to parivartan ho jaate ho। manushya se brahman ban jaate, phir brahman se pharishta so devta ban jaate। lagna ki agni se aisa parivartan hota hai jo apnaapan kuchh bhi nahin rehta, isliye yaad ko hi jvaala roop kaha hai।