सोमवार 17 नवंबर 2025 की दैनिक मुरली

17-11-2025 praatahmurli om shanti "baapdaada"' madhuban

“meethe bachche - yeh purushottam sangamayug hai, puraani duniya badal ab nai ban rahi hai, tumhein ab purushaartha kar uttam dev pad paana hai''

prashn:- serviceable bachchon ki buddhi mein kaun-si baat sadaiv yaad rehti hai?

uttar:- unhein yaad rehta ki dhan diye dhan na khute… isliye woh raat-din neend ka bhi tyaag kar gyaan dhan ka daan karte rehte hain, thakte nahin। lekin agar khud mein koi avgun hoga to service karne ka bhi umang nahin aa sakta hai।

om shanti। meethe-meethe roohaani bachchon prati baap baith samjhaate hain। bachche jaante hain parampita roz-roz samjhaate hain। jaise roz-roz teacher padhaate hain। baap sirf shiksha denge, sambhaalte rahenge kyonki baap ke to ghar mein hi bachche rehte hain। mo-baap saath rehte hain। yahaan to yeh wonderful baat hai। roohaani baap ke paas tum rehte ho। ek to roohaani baap ke paas mool vatan mein rehte ho। phir kalpa mein ek hi baar baap aate hain - bachchon ko varsa dene va paavan banaane, sukh va shanti dene। to zaroor neeche aakar rehte honge। ismen hi manushyon ka munjhaara hai। gaayan bhi hai - saadhaaran tan mein pravesh karte hain। ab saadhaaran tan kahaan se udkar to nahin aata। zaroor manushya ke tan mein hi aate hain। so bhi bataate hain - main is tan mein pravesh karta hoon। tum bachche bhi ab samajhte ho - baap hamko svarga ka varsa dene aaye hain। zaroor ham laayak nahin hain, patit ban gaye hain। sab kehte bhi hain he patit-paavan aao, aakar ham patiton ko paavan banaao। baap kehte hain mujhe kalpa-kalpa patiton ko paavan karne ki duty mili hui hai। he bachchon, ab is patit duniya ko paavan banaana hai। puraani duniya ko patit, nai duniya ko paavan kahenge। goya puraani duniya ko naya banaane baap aaye hain। kaliyug ko to koi bhi nai duniya nahin kahenge। yeh to samajh ki baat hai na। kaliyug hai puraani duniya। baap bhi aayenge zaroor - puraane aur naye ke sangam par। jab kahaan bhi tum yeh samjhaate ho to bolo yeh purushottam sangamayug hai, baap aaya hua hai। saari duniya mein aisa koi manushya nahin jisko yeh pata ho ki yeh purushottam sangamayug hai। zaroor tum sangamayug par ho tab to samjhaate ho। mukhya baat hai hi sangamayug ki। to points bhi bahut zaroori hain। jo baat koi nahin jaante woh samjhaani pade isliye baba ne kaha tha yeh zaroor likhna hai ki ab purushottam sangamayug hai। naye yug arthaat satayug ke chitra bhi hain। manushya kaise samjhen ki yeh lakshmi-naaraayan satayugi nai duniya ke maalik hain। unke oopar akshar zaroor chaahiye - purushottam sangamayug। yeh zaroor likhna hai kyonki yahi mukhya baat hai। manushya samajhte hain kaliyug mein abhi bahut varsha pade hain। bilkul hi ghor andhiyaare mein hain। to samjhaana pade nai duniya ke maalik yeh lakshmi-naaraayan hain। yeh hai poori nishaani। tum kehte ho is raajya ki sthaapna ho rahi hai। geet bhi hai navayug aaya, agyaan neend se jaago। yeh tum jaante ho ab sangam-yug hai, inko navayug nahin kahenge। sangam ko sangamayug hi kaha jaata hai। yeh hai purushottam sangamayug। jabki puraani duniya khatma ho aur nai duniya sthaapan hoti hai। manushya se devta ban rahe hain, raajayog seekh rahe hain। devtaaon mein bhi uttam pad hai hi in lakshmi-naaraayan ka। yeh bhi hain to manushya, inmen daiveegun hain isliye devi-devta kaha jaata hai। sabse uttam gun hai pavitrata ka tab to manushya devtaaon ke aage jaakar maatha tekte hain। yeh sab points buddhi mein dhaaran unko hogi jo service karte rehte hain। kaha jaata hai dhan diye dhan na khute। bahut samjhaani milti rehti hai। knowledge to bahut sahaj hai। parantu koi mein dhaarna achhi hoti, koi mein nahin hoti hai। jinmen avgun hain woh to centre sambhaal bhi nahin sakte hain। to baap bachchon ko samjhaate hain pradarshani mein bhi seedhe-seedhe akshar dene chaahiye। purushottam sangamayug to mukhya samjhaana chaahiye। is sangam par aadi sanaatan devi-devta dharma ki sthaapna ho rahi hai। jab yeh dharma tha to aur koi dharma nahin tha। yeh jo mahaabhaarat ladaai hai, unki bhi drama mein noondh hai। yeh bhi abhi nikle hain। aage thode hi the। 100 varsha ke andar sab khalaas ho jaate hain। sangamayug ko kam se kam 100 varsha to chaahiye na। saari nai duniya banni hai। new dehli banaane mein kitna varsha laga।

tum samajhte ho bhaarat mein hi nai duniya hoti hai, phir puraani khalaas ho jaayegi। kuchh to rehti hai na। pralay to hoti nahin। yeh sab baaten buddhi mein hain। abhi hai sangamayug। nai duniya mein zaroor yeh devi-devta the, phir yahi honge। yeh hai raajayog ki padhaai। agar koi detail mein nahin samjha sakte hain to sirf ek baat bolo - parampita paramatma jo sabka baap hai, unko to sab yaad karte hain। woh ham sab bachchon ko kehte hain - tum patit ban pade ho। pukaarte bhi ho he patit-paavan aao। barobar kaliyug mein hain patit, satayug mein paavan hote hain। ab parampita paramatma kehte hain deh sahit yeh sab patit sambandh chhod maamekam yaad karo to paavan ban jaayenge। yeh geeta ke hi akshar hain। hai bhi geeta ka yug। geeta sangamayug par hi gaai hui thi jabki vinaash hua tha। baap ne raajayog sikhaaya tha। raajaai sthaapan hui thi phir zaroor hogi। yeh sab roohaani baap samjhaate hain na। chalo is tan mein na aaye aur koi mein bhi aaye। samjhaani to baap ki hai na। ham inka to naam lete nahin hain। ham to sirf batlaate hain - baap kehte hain mujhe yaad karo to tum paavan ban aur mere paas chale aayenge। kitna sahaj hai। sirf mujhe yaad karo aur 84 ke chakra ka gyaan buddhi mein ho। jo dhaarna karega woh chakravarti raaja banega। yeh message to sab dharma vaalon ke liye hai। ghar to sabko jaana hai। ham bhi ghar ka hi raasta bataate hain। paadri aadi koi bhi ho tum unko baap ka sandesh de sakte ho। tumko khushi ka bahut paara chadhna chaahiye - parampita paramatma kehte hain maamekam yaad karo to tumhaare vikarma vinaash honge। sabko yahi yaad karaao। baap ka paigaam sunaana hi number one service hai। geeta ka yug bhi ab hai। baap aaye hain isliye vahi chitra shuru mein rakhna chaahiye। jo samajhte hain - ham baap ka paigaam de sakte hain to taiyaar rehna chaahiye। dil mein aana chaahiye ham bhi andhon ki laathi banen। yeh paigaam to koi ko bhi de sakte ho। bi.ke. ka naam sunkar hi darte hain। bolo ham sirf baap ka paigaam dete hain। parampita paramatma kehte hain - mujhe yaad karo, bas। ham kiski glaani nahin karte। baap kehte hain maamekam yaad karo। main oonch te oonch patit-paavan hoon। mujhe yaad karne se tumhaare vikarma vinaash honge। yeh note karo। yeh bahut kaam ki cheez hai। haath par va baanh par akshar likhaate hain na। yeh bhi likh do। itna sirf bataaya to bhi merciful, kalyaankaari banen। apne se pran karna chaahiye। service zaroor karni hai phir aadat pad jaayegi। yahaan bhi tum samjha sakte ho। chitra de sakte ho। yeh hai paigaam dene ki cheez। laakhon ban jaayenge। ghar-ghar mein jaakar paigaam dena hai। paisa koi de na de, bolo - baap to hai hi gareeb nivaaz। hamaara farja hai - ghar-ghar mein paigaam dena। yeh baapdaada, inse yeh varsa milta hai। 84 janma yeh lenge। inka yeh antim janma hai। ham brahman hain so phir devta banenge। brahma bhi brahman hai। prajaapita brahma akela to nahin hoga na। zaroor brahman vanshaavli bhi hogi na। brahma so vishnu devta, brahman hain choti। vahi devta, kshatriy, vaishya, shoodra bante hain। koi zaroor niklenge jo tumhaari baaton ko samjhenge। purush bhi service kar sakte hain। savere uthkar manushya jab dukaan kholte hain to kehte hain subah ka saani...... tum bhi savere-savere jaakar baap ka paigaam sunaao। bolo tumhaara dhandha bahut achha hoga। tum saani ko yaad karo to 21 janma ka varsa milega। amritvele ka time achha hota hai। aajkal kaarkhaanon mein maataayen bhi baith kaam karti hain। yeh badge bhi banaana bahut sahaj hai।

tum bachchon ko to raat-din service mein lag jaana chaahiye, neend haraam kar deni chaahiye। baap ka parichay milne se manushya dhanke ban jaate hain। tum kisko bhi paigaam de sakte ho। tumhaara gyaan to bahut ooncha hai। bolo, ham to ek ko yaad karte hain। Christ ki aatma bhi unka bachcha thi। aatmaayen to sab unke bachche hain। vahi god father kehte hain ki aur koi bhi dehdhaariyon ko mat yaad karo। tum apne ko aatma samajh maamekam yaad karo to vikarma vinaash ho jaayenge। mere paas aa jaayenge। manushya purushaartha karte hi hain ghar jaane ke liye। parantu jaata koi bhi nahin। dekha jaata hai bachche abhi bahut thande hain, itni mehnat pahunchti nahin, bahaana karte rehte hain, ismen bahut sahan bhi karna padta hain। dharma sthaapak ko kitna sahan karna padta hai। Christ ke liye bhi kehte hain unko cross par chadhaaya। tumhaara kaam hai sabko sandesh dena। uske liye yuktiyaan baba bataate rehte hain। koi service nahin karte hain to baba samajhte hain dhaarna nahin hai। baba raay dete hain kaise paigaam do। train mein bhi tum yeh paigaam dete raho। tum jaante ho ham svarga mein jaate hain। koi shantidham mein bhi jaayenge na। raasta to tum hi bata sakte ho। tum braahmanon ko hi jaana chaahiye। hain to bahut। braahmanon ko kahaan to rakhenge na। brahman, devta, kshatriy। prajaapita brahma ki aulaad to zaroor honge na। aadi mein hain hi brahman। tum brahman ho oonche te oonch। woh brahman hain kukh vanshaavli। brahman to zaroor chaahiye na। nahin to prajaapita brahma ke bachche brahman kahaan gaye। braahmanon ko tum baith samjhaao, to woh jhat samajh jaayenge। bolo, tum bhi brahman ho, ham bhi apne ko brahman kahlaate hain। ab bataao tumhaara dharma sthaapan karne vaala kaun? brahma ke sivaae koi naam hi nahin lenge। tum trial kar dekho। braahmanon ke bhi bahut bade-bade kul hote hain। pujaari brahman to dher hain। ajmer mein dher bachche jaate hain, kabhi koi ne samaachaar nahin diya ki ham braahmanon se mile, unse poochha - tumhaara dharma sthaapan karne vaala kaun? brahman dharma kisne sthaapan kiya? tumko to maaloom hai, sachche brahman kaun hain। tum bahuton ka kalyaan kar sakte ho। yaatraaon par bhakta hi jaate hain। yeh chitra to bahut achha hai - lakshmi-naaraayan ka। tumko maaloom hai jagat amba kaun hai? lakshmi kaun hai? aise-aise tum naukron, bheelniyon aadi ko bhi samjha sakte ho। tumhaare bigar to koi hai nahin jo unhon ko sunaaye। bahut merciful banna hai। bolo, tum bhi paavan ban paavan duniya mein ja sakte ho। apne ko aatma samjho, shivbaaba ko yaad karo। shauk bahut hona chaahiye, kisko bhi raasta bataane ka। jo khud yaad karte honge vahi doosron ko yaad karaane ka purushaartha karenge। baap to nahin jaakar baat karenge। yeh to tum bachchon ka kaam hai। gareebon ka bhi kalyaan karna hai। bichaare bahut sukhi ho jaayenge। thoda yaad karne se praja mein bhi aa jaaen, woh bhi achha hai। yeh dharma to bahut sukh dene vaala hai। din-pratidin tumhaara aavaaz jor se niklega। sabko yahi paigaam dete raho, apne ko aatma samajh baap ko yaad karo। tum meethe-meethe bachche padmaapdam bhaagyashaali ho। jabki mahima sunte ho to samajhte ho, phir bhi koi baat ki phikraat aadi kyon rakhni chaahiye। yeh hai gupta gyaan, gupta khushi। tum ho incognito warriors। tumko unknown warriors kahenge aur koi unknown warriors ho nahin sakta। tumhaara delvaada mandir poora yaadgaar hai। dil lene vaale ka parivaar hai na। mahaaveer, mahaaveerni aur unki aulaad yeh poora-poora teertha hai। kaashi se bhi oonchi jagah hui। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) ghar-ghar mein jaakar baap ka paigaam dena hai। service karne ka pran karo, service ke liye koi bhi bahaana mat do।

2) kisi bhi baat ki phikraat nahin karni hai, gupta khushi mein rehna hai। kisi bhi dehdhaari ko yaad nahin karna hai। ek baap ki yaad mein rehna hai।

vardaan:- kalyaankaari baap aur samay ka har second laabh uthaane vaale nishchaybuddhi, nishchitan bhav

jo bhi drishya chal raha hai use trikaaldarshi bankar dekho, himmat aur hullaas mein rah svayan bhi samartha aatma bano aur vishwa ko bhi samartha banaao। svayan ke toofaanon mein hilo mat, achal bano। jo samay mila hai, saath mila hai, anek prakaar ke khajaane mil rahe hain unse sampattivaan aur samartheevaan bano। saare kalpa mein aise din phir aane vaale nahin hain isliye apni sab chintaayen baap ko dekar nishchaybuddhi ban sada nishchitan raho, kalyaankaari baap aur samay ka har second laabh uthaao।

slogan:- baap ke sang ka rang lagaao to buraaeeyaan svatahsamaapta ho jaayengi।

avyakt ishaare - ashareeri va videhi sthiti ka abhyaas badhaao

videhi banne ki vidhi hai - bindi banna। ashareeri bante ho, karmaateet bante ho, sabki vidhi bindi hai isliye baapdaada kehte hain amritvele baapdaada se milan manaate, roohrihaan karte jab kaarya mein aate ho to pahle teen bindiyon ka tilak mastak par lagaao aur check karo - kisi bhi kaaran se yeh smriti ka tilak mit to nahin jaata hai? avinaashi, amit tilak rahe।