बुधवार 10 दिसंबर 2025 की दैनिक मुरली

10-12-2025 praatahmurli om shanti "baapdaada"' madhuban

“meethe bachche - charity begins at hom arthaat pahle khud aatma-abhimaani banne ki mehnat karo phir doosron ko kaho, aatma samajhkar aatma ko gyaan do to gyaan talvaar mein jauhar aa jaayega''

prashn:- sangamayug par kin do baaton ki mehnat karne se satayugi takhta ke maalik ban jaayenge?

uttar:- 1-duhkh-sukh, ninda-stuti mein samaan sthiti rahe - yeh mehnat karo। koi bhi kuchh ulta-sulta bole, krodh kare to tum chup ho jaao, kabhi bhi mukh ki taali nahin bajaao। 2. aankhon ko civil banaao, criminal aai bilkul samaapta ho jaae, ham aatma bhaai-bhaai hain, aatma samajhkar gyaan do, aatma-abhimaani banne ki mehnat karo to satayugi takhta ke maalik ban jaayenge। sampoorn pavitra banne vaale hi gaddi nasheen bante hain।

om shanti। roohaani baap roohaani bachchon se baat karte hain, tum aatmaon ko yeh teesra netra mila hai jisko gyaan ka netra bhi kaha jaata hai, unse tum dekhte ho apne bhaaiyon ko। to yeh buddhi se samajhte ho na ki jab ham bhaai-bhaai ko dekhenge to karme-ndriyaan chanchal nahin hongi। aur aise karte-karte aankhen jo criminal hain woh civil ho jaayengi। baap kehte hain vishwa ka maalik banne ke liye mehnat to karni padegi na। to abhi yeh mehnat karo। mehnat karne ke liye baba nai-nai guhya points sunaate hain na। to abhi apne ko bhaai-bhaai samajhkar gyaan dene ki aadat daalni hai। phir yeh jo gaaya jaata hai ki “vi aar all brothers'' - yeh practical ho jaayega। abhi tum sachche-sachche brothers ho kyonki baap ko jaante ho। baap tum bachchon ke saath service kar rahe hain। himmate bachche madde baap। to baap aakarke yeh himmat dete hain service karne ki। to yeh sahaj hua na। to roz yeh practice karni padegi, susta nahin hona chaahiye। yeh nai-nai points bachchon ko milti hain, bachche jaante hain ki ham bhaaiyon ko baba padha rahe hain। aatmaayen padhti hain, yeh roohaani knowledge hai, ise spiritual knowledge kaha jaata hai। sirf is samay roohaani knowledge, roohaani baap se milti hai kyonki baap aate hi hain sangamayug par jabki srishti badalti hai, yeh roohaani knowledge milti bhi tab hai jab srishti badalne vaali hai। baap aakar yahi to roohaani knowledge dete hain ki apne ko aatma samjho। aatma nangi (ashareeri) aai thi, yahaan phir shareer dhaaran karti hai। shuru se ab tak aatma ne 84 janma liye hain। parantu nambarvaar jo jaise aaye honge, woh vaise hi gyaan-yog ki mehnat karenge। phir dekhne mein bhi aata hai ki jaise jisne kalpa pahle jo purushaartha kiya, mehnat kiya woh abhi bhi aise hi mehnat karte rehte hain। apne liye mehnat karni hai। doosre koi ke liye to nahin karni hoti hai। to apne ko hi aatma samajh karke apne saath mehnat karni hai। doosra kya karta hai, usmein hamaara kya jaata hai। charity begins at hom maana pahle-pahle khud mehnat karni hai, peechhe doosron ko (bhaaiyon ko) kehna hai। jab tum apne ko aatma samajh karke aatma ko gyaan denge to tumhaari gyaan talvaar mein jauhar rahega। mehnat to hai na। to zaroor kuchh na kuchh sahan karna padta hai। is samay duhkh-sukh, ninda-stuti, maan-apmaan yeh sab thoda bahut sahan karna padta hai। to jab bhi koi ulta-sulta bolta hai to kehte hain chup। jab koi chup kar dete hain to peechhe koi gussa kya karenge। jab koi baat karte hain aur doosra bhi baat karte hain to mukh ki taali bajti hai। agar ek ne mukh ki taali bajaai aur doosre ne shant kiya to chup। bas yeh baap sikhlaate hain। kabhi bhi dekho koi krodh mein aate hain to chup ho jaao, aapehi uska krodh shant ho jaayega। doosri taali bajegi nahin। agar taali se taali baji to phir gadbad ho jaati hai isliye baap kehte hain bachche kabhi bhi in baaton mein taali nahin bajaao। na vikaar ki, na kaam ki, na krodh ki।

bachchon ko har ek ka kalyaan karna hi hai, itne jo centres bane hue hain kislie? kalpa pahle bhi to aise centres nikle honge। devon ka dev baap dekhte rehte hain ki bahut bachchon ko yeh shauk rehta hai ki baba centres kholoon। ham centre kholte hain, ham kharcha uthaayenge। to din-pratidin aise hote jaayenge kyonki jitna vinaash ke din nazdeek hote jaayenge utna phir is taraph bhi service ka shauk badhta jaayega। abhi baapdaada donon ikatthe hain to har ek ko dekhte hain ki kya purushaartha karte hain? kya pad paayenge? kiska purushaartha uttam, kiska madhyam, kiska kanishta hai? woh to dekh rahe hain। teacher bhi school mein dekhte hain ki student kis subject mein oopar-neeche hote hain। to yahaan bhi aise hi hai। koi bachche achhi tarah se attention dete hain to apne ko ooncha samajhte hain। koi samay phir bhool karte hain, yaad mein nahin rehte hain to apne ko kam samajhte hain। yeh school hai na। bachche kehte hain baba ham kabhi-kabhi bahut khushi mein rehte hain, kabhi-kabhi khushi kam ho jaati hai। to baba abhi samjhaate rehte hain ki agar khushi mein rehna chaahte ho to manamnaabhav, apne ko aatma samjho aur baap ko bhi yaad karo। saamne paramatma ko dekho to vo akaal takhta par baitha hua hai। aise bhaaiyon ki taraph bhi dekho, apne ko aatma samajh karke phir bhaai se baat karo। bhaai ko ham gyaan dete hain। behen nahin, bhaai-bhaai। aatmaon ko gyaan dete hain agar yeh aadat tumhaari pad jaayegi to tumhaari jo criminal aai hai, jo tumko dhokha deti hai woh aahiste-aahiste banda ho jaayegi। aatma-aatma mein kya karegi? jab deh-abhimaan aata hai tab girte hain। bahut kehte hain baba hamaari criminal aai hai। achha criminal aai ko abhi civil aai banaao। baap ne aatma ko diya hi hai teesra netra। teesre netra se dekhenge to phir tumhaari deh ko dekhne ki aadat mit jaayegi। baba bachchon ko direction to dete rehte hain, inko (brahma ko) bhi aise hi kehte hain। yeh baba bhi deh mein aatma ko dekhenge। to isko hi kaha jaata hai roohaani knowledge। dekho, pad kitna oonch paate ho। jabardasta pad hai। to purushaartha bhi aisa karna chaahiye। baba bhi samajhte hain kalpa pahle muaaphik sabka purushaartha chalega। koi raaja-raani banenge, koi praja mein chale jaayenge। to yahaan jab baithkar neshtha (yog) bhi karvaate ho to apne ko aatma samajh karke doosre ki bhi bhrakuti mein aatma ko dekhte rahenge to phir unki service achhi hogi। jo dehi-abhimaani hokar baithte hain vo aatmaon ko hi dekhte hain। iski khoob practice karo। are oonch pad paana hai to kuchh to mehnat karenge na। to abhi aatmaon ke liye yahi mehnat hai। yeh roohaani knowledge ek hi dapha milti hai aur kabhi bhi nahin milegi। na kaliyug mein, na satayug mein, sirf sangamayug mein so bhi braahmanon ko। yeh pakka yaad kar lo। jab brahman banenge tab devta banenge। brahman nahin bane to phir devta kaise banenge? is sangamayug mein hi yeh mehnat karte hain। aur koi samay mein yeh nahin kahenge ki apne ko aatma, doosre ko bhi aatma samajh unko gyaan do। baap jo samjhaate hain us par vichaar saagar manthan karo। judge karo ki kya yeh theek hai, hamaare phaayde ki baat hai? hamko aadat pad jaayegi ki baap ki jo shiksha hai so bhaaiyon ko dena hai, female ko bhi dena hai to mel ko bhi dena hai। dena to aatmaon ko hi hai। aatma hi mel, female bani hai। behen-bhaai bani hai।

baap kehte hain main tum bachchon ko gyaan deta hoon। main bachchon ki taraph, aatmaon ko dekhta hoon aur aatmaayen bhi samajhti hain ki hamaara paramatma jo baap hai woh gyaan dete hain to isko kahenge yeh roohaani abhimaani bane hain। isko hi kaha jaata spiritual gyaan ki len-den - aatma ki paramatma ke saath। to yeh baap shiksha dete hain ki jab bhi koi visitor aadi aate hain to bhi apne ko aatma samajh, aatma ko baap ka parichay dena hai। aatma mein gyaan hai, shareer mein nahin hai। to unko bhi aatma samajh karke hi gyaan dena hai। isse unko bhi achha lagega। jaise ki yeh jauhar hai tumhaare mukh mein। is gyaan ki talvaar mein jauhar bhar jaayega kyonki dehi-abhimaani hote ho na। to yeh bhi practice karke dekho। baba kehte hain judge karo - yeh theek hai? aur bachchon ke liye bhi yeh koi nai baat nahin hai kyonki baap samjhaate hi sahaj karke hain। chakra lagaaya, ab naatak poora hota hai, abhi baba ki yaad mein rehte hain। tamopradhaan se satopradhaan ban, satopradhaan duniya ka maalik bante hain phir aise hi seedhi utarte hain, dekho kitna sahaj bataate hain। har 5 hazaar varsha ke baad mere ko aana hota hai। drama ke plan anusaar main bandhaaymaan hoon। aakarke bachchon ko bahut sahaj yaad ki yaatra sikhlaata hoon। baap ki yaad mein ant mati so gati ho jaayegi, yeh is samay ke liye hai। yeh antakaal hai। abhi is samay baap baith karke yukti batlaate hain ki maamekam yaad karo to sadgati ho jaayegi। bachche bhi samajhte hain ki padhaai se yeh banoonga, phalaana banoonga। ismen bhi yahi hai ki main jaakarke nai duniya mein devi-devta banoonga। koi nai baat nahin hai, baap to ghadi-ghadi kehte hain nothing new। yeh to seedhi utarni-chadhni hai, jinna ki kahaani hai na। usko seedhi utarne aur chadhne ka kaam diya gaya। yeh naatak hi hai chadhna aur utarna। yaad ki yaatra se bahut majboot ho jaayenge isliye bhinna-bhinna prakaar se baap bachchon ko baith sikhlaate hain ki bachche abhi dehi-abhimaani bano। abhi sabko vaapis jaana hai। tum aatma poore 84 janma lekar tamopradhaan ban gai ho। bhaaratvaasi hi sato-rajo-tamo bante hain। doosri koi nationality ko nahin kahenge ki poore 84 janma liye hain। baap ne aakarke bataaya hai naatak mein har ek ka part apna-apna hota hai। aatma kitni chhoti hai। saainsadaanon ko yeh samajh mein hi nahin aayega ki itni chhoti aatma mein yeh avinaashi part bhara hua hai। yeh hai sabse wonderful baat। yeh chhoti si aatma aur part kitna bajaati hai! woh bhi avinaashi! yeh drama bhi avinaashi hai aur bana-banaaya hai। aise nahin koi kahenge ki kab bana? nahin। yeh kudrat hai। yeh gyaan bada wonderful hai, kabhi koi yeh gyaan bata hi nahin sakte hain। aise koi ki taakat nahin hai jo yeh gyaan bataaye।

to abhi bachchon ko baap din-pratidin samjhaate rehte hain। abhi practice karo ki ham apne bhaai aatma ko gyaan dete hain, aapasmaan banaane ke liye। baap se varsa lene ke liye kyonki sab aatmaon ka hak hai। baba aate hain sabhi aatmaon ko apna-apna shanti va sukh ka varsa dene। ham jab raajdhaani mein honge to baaki sab shantidham mein honge। peechhe jay jaykaar hogi, yahaan sukh hi sukh hoga isliye baap kehte hain paavan banna hai। jitna-jitna tum pavitra bante ho utna kashish hoti hai। jab tum bilkul pavitra ho jaate ho to gaddi nasheen ho jaate ho। to practice yeh karo। aise mat samajhna ki bas yeh suna aur kaan se nikaala। nahin, is practice bigar tum chal nahin sakenge। apne ko aatma samjho, woh bhi aatma bhaai-bhaai ko baithkar samjhaao। roohaani baap roohaani bachchon ko samjhaate hain isko kaha jaata hai roohaani spiritual knowledge। preechul father dene vaala hai। jab children poora spiritual ban jaate hain, ekdam pure ban jaate hain to jaakar satayugi takhta ke maalik bante hain। jo pure nahin banenge vo maala mein bhi nahin aayenge। maala ka bhi koi arth to hoga na। maala ka raaz doosra koi bhi nahin jaante hain। maala ko kyon simarte hain? kyonki baap ki bahut hi madad ki hai, to kyon nahin simre jaayenge। tum simre bhi jaate ho, tumhaari pooja bhi hoti hai aur tumhaare shareer ko bhi pooja jaata hai। aur meri to sirf aatma ko pooja jaata hai। dekho tum to double pooje jaate ho, mere se bhi jaasti। tum jab devta bante ho to devtaaon ki bhi pooja karte hain isliye pooja mein bhi tum teekhe, yaadgaar mein bhi tum teekhe aur baadshaahi mein bhi tum teekhe। dekho, tumko kitna ooncha banaata hoon। to jaise pyaare bachche hote hain, bahut lav hota hai to bachchon ko kulhe par, maathe par bhi rakhte hain। baba ekdam sir par rakh dete hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gaayan aur poojan yogya banne ke liye spiritual banna hai, aatma ko pure banaana hai। aatma-abhimaani banne ki mehnat karni hai।

2) manamnaabhav ke abhyaas dvaara apaar khushi mein rehna hai। svayan ko aatma samajhkar aatma se baat karni hai, aankhon ko civil banaana hai।

vardaan:- master rachayita ki stage dvaara aapdaaon mein bhi manoranjan ka anubhav karne vaale sampoorn yogi bhav

master rachayita ki stage par sthit rahne se bade se badi aapda ek manoranjan ka drishya anubhav hogi। jaise mahaavinaash ki aapda ko bhi svarga ke get khulne ka saadhan bataate ho, aise kisi bhi prakaar ki chhoti badi samasya va aapda manoranjan ka roop dikhaai de, haay-haay ke bajaae oho shabd nikle-dukh bhi sukh ke roop mein anubhav ho। duhkh-sukh ki knowledge hote hue bhi uske prabhaav mein na aayen, duhkh ko bhi balihaari sukh ke din aane ki samjhen - tab kahenge sampoorn yogi।

slogan:- diltakhta ko chhod saadhaaran sankalp karna arthaat dharni mein paanv rakhna।

avyakt ishaare - ab sampanna va karmaateet banne ki dhun lagaao

karma karte tan ka bhi halkaapan, man ki sthiti mein bhi halkaapan। karma ki result man ko kheench na le। jitna hi kaarya badhta jaaye utna hi halkaapan bhi badhta jaaye। karma apni taraph aakarshit nahin kare lekin maalik hokar karma karaane vaala kara raha hai aur karne vaale nimitta bankar kar rahe hain - yeh abhyaas badhaao to sampanna karmaateet sahaj hi ban jaayenge।