गुरुवार 25 दिसंबर 2025 की दैनिक मुरली

25-12-2025 praatahmurli om shanti "baapdaada"' madhuban

“ meethe bachche - tum bahut samay ke baad phir se baap se mile ho isliye tum bahut - bahut sikeeldhe ho ''

prashn:- apni sthiti ko ekras banaane ka saadhan kya hai?

uttar:- sada yaad rakho jo second paas hua, drama। kalpa pahle bhi aise hi hua tha। abhi to ninda-stuti, maan-apmaan sab saamne aana hai isliye apni sthiti ko ekras banaane ke liye past ka chintan mat karo।

om shanti। roohaani bachchon prati roohaani baap samjha rahe hain। roohaani baap ka naam kya hai? shivbaaba। woh sab roohon ka baap hai। sab roohaani bachchon ka naam kya hai? aatma। jeev ka naam padta hai, aatma ka naam vahi rehta hai। yeh bhi bachche jaante hain sat-sang dher hain। yeh hai sachcha-sachcha sat ka sang jo sat baap raajayog sikhaakar hamko satayug mein le jaate hain। aise aur koi bhi satsang va paathshaala nahin ho sakti hai। yeh bhi tum bachche jaante ho। saara srishti chakra tum bachchon ki buddhi mein hai। tum bachche hi svadarshan chakradhaari ho। baap baith samjhaate hain yeh srishti chakra kaise phirta hai। kisko bhi samjhaao to chakra ke saamne khada karo। ab tum is taraph jaayenge। baap jeev aatmaon ko kehte hain apne ko aatma samjho। yeh nai baat nahin, jaante ho kalpa-kalpa sunte hain, ab phir se sun rahe hain। tumhaari buddhi mein koi bhi dehdhaari baap, teacher, guru nahin hai। tum jaante ho videhi shivbaaba hamaara teacher, guru hai। aur koi bhi satsang aadi mein aisi baat nahin karte honge। madhuban to yeh ek hi hai। vo phir ek madhuban vrindaavan mein dikhaate hain। woh bhakti maarga mein manushyon ne baith banaaye hain। practical madhuban to yeh hai। tumhaari buddhi mein hai ki ham satayug treta se lekar punarjanma lete-lete abhi sangam par aakar khade hue hain - purushottam banne ke liye। hamko baap ne aakar smriti dilaai hai। 84 janma kaun aur kaise lete hain, woh bhi tum jaante ho। manushya to sirf kah dete hain, samajhte kuchh nahin। baap achhi reeti samjhaate hain। satayug mein satopradhaan aatmaayen thi, shareer bhi satopradhaan the। is samay to satayug nahin hai, yeh hai kaliyug। golden ej mein ham the। phir chakra lagaakar punarjanma lete-lete ham iron ej mein aa gaye phir se chakra zaroor lagaana hai। abhi jaana hai apne ghar। tum sikeeldhe bachche ho na। sikeeldhe unko kaha jaata hai jo gum ho jaate hain, phir bahut samay ke baad milte hain। tum 5 hazaar varsha ke baad aakar mile ho। tum bachche hi jaante ho - yeh vahi baba hai jisne 5 hazaar varsha pahle is srishti chakra ka hamko gyaan diya tha। svadarshan chakradhaari banaaya tha। abhi phir se baap aakar mile hain। janma siddha adhikaar dene ke liye। yahaan baap realise karaate hain। ismen aatma ke 84 janmon ki bhi realisation aa jaati hai। yeh sab baap baith samjhaate hain। jaise 5 hazaar varsha pahle bhi samjhaaya tha - manushya ko devta ya kangaal ko sirtaaj banaane ke liye। tum samajhte ho hamne 84 punarjanma liye hain, jinhonne nahin liye hain woh yahaan seekhne ke liye aayenge bhi nahin। koi thoda samjhenge। nambarvaar to hote hain na। apne-apne ghar grihastha mein rehna hai। sab to yahaan nahin aakar baithenge। refresh hone woh aayenge jinko bahut achha pad paana hoga। kam pad vaale jaasti purushaartha bhi nahin karenge। yeh gyaan aisa hai thoda bhi purushaartha kiya to woh vyartha nahin jaayega। saza khaakar aa jaayenge। purushaartha achha karte to saza bhi kam hoti। yaad ki yaatra bigar vikarma vinaash nahin honge। yeh to ghadi-ghadi apne ko yaad karaao। koi bhi manushya mile pahle to unko yeh samjhaana hai - apne ko aatma samjho। yeh naam to peechhe shareer par mile hain, kisko bulaayenge shareer ke naam par। is sangam par hi behad ka baap roohaani bachchon ko bulaate hain। tum kahenge roohaani baap aaya hai। baap kahenge roohaani bachche। pahle rooh phir bachchon ka naam lete hain। roohaani bachchon tum samajhte ho roohaani baap kya samjhaate hain। tumhaari buddhi jaanti hai - shivbaaba is bhaageerath par viraajmaan hain, hamko vahi sahaj raajayog sikha rahe hain। aur koi manushya maatra nahin jismen baap aakar raajayog sikhaaye। woh baap aate hi hain purushottam sangamayug par, aur koi bhi manushya kabhi aise kah na sake, samjha na sake। yeh bhi tum jaante ho yeh shiksha koi is baap ki nahin। inko to yeh maaloom nahin tha ki kaliyug khatma ho satayug aana hai। inka ab koi dehdhaari guru nahin hai aur to sab manushya maatra kahenge hamaara phalaana guru hai। phalaana jyoti jyot samaaya। sabke dehdhaari guru hain। dharma sthaapak bhi dehdhaari hain। yeh dharma kisne sthaapan kiya? parampita paramatma trimoorti shivbaaba ne brahma dvaara sthaapan kiya hai। inke shareer ka naam brahma hai। Christian log kahenge Christ ne yeh dharma sthaapan kiya। woh to dehdhaari hai। chitra bhi hain। is dharma ke sthaapak ka chitra kya dikhaayenge? shiv ka hi dikhaayenge। shiv ke chitra bhi koi bade, koi chhote banaate hain। hai to woh bindi hi। naam-roop bhi hai parantu avyakt hai। in aankhon se hi nahin dekh sakte। shiv-baba tum bachchon ko raajya-bhaagya dekar gaye hain tab to yaad karte hain na। shivbaaba kehte hain manamnaabhav। mujh ek baap ko yaad karo। kiski stuti nahin karni hai। aatma ki buddhi mein koi deh yaad na aaye, yeh achhi reeti samajhne ki baat hai। hamko shivbaaba padhaate hain। saara din yeh repeat karte raho। shiv bhagvaanuvaach pahle-pahle to alpha hi samajhna pade। yeh pakka nahin kiya aur be te bataai to kuchh bhi buddhi mein baithega nahin। koi kah dete yeh baat to right hai। koi kehte is samajhne mein to time chaahiye। koi kehte vichaar karenge। kisma-kisma ke aate hain। yeh hai nai baat। parampita paramatma shiv aatmaon ko baith padhaate hain। vichaar chalta hai, kya karen jo manushyon ko yeh samajh mein aa jaae। shiv hi gyaan ka saagar hai। aatma ko gyaan ka saagar kaise kehte hain, jisko shareer hi nahin hai। gyaan ka saagar hai to zaroor kabhi gyaan sunaaya hai tab to unko gyaan saagar kehte hain। aise hi kyon kahenge। koi bahut padhte hain to kaha jaata hai yeh to bahut ved-shaastra padhe hain, isliye shaastri athva vidvaan kaha jaata hai। baap ko gyaan ka saagar authority kaha jaata hai। zaroor hokar gaye hain। pahle to poochhna chaahiye abhi kaliyug hai ya satayug? nai duniya hai ya puraani duniya? em object to tumhaare saamne khada hai। yeh lakshmi-naaraayan agar hote to unhon ka raajya hota। yeh puraani duniya, kangaalapna hi nahin hota। abhi to sirf inhon ke chitra hain। mandir mein models dikhaate hain। nahin to unhon ke mahal bageeche aadi kitne bade-bade honge। sirf mandir mein thode hi rehte honge। president ka makaan kitna bada hai। devi-devta to bade-bade mahlon mein rehte honge। bahut jagah hogi। vahaan darne aadi ki baat hi nahin hoti। sadaiv phulvaadi rehti hai। kaante hote hi nahin। woh hai hi bageecha। vahaan to lakdiyaan aadi jalaate nahin honge। lakdiyon mein dhuaan hota hai to duhkh feel hota hai। vahaan ham bahut thode tukde mein rehte hain। peechhe vriddhi ko paate jaate hain। bahut achhe-achhe bageeche honge, khushbu aati rahegi। jangal hoga hi nahin। abhi feeling aati hai, dekhte to nahin hain। tum dhyaan mein bade-bade mahal aadi dekh aate ho, woh to yahaan bana nahin sakte। saakshaatkaar hua phir gum ho jaayega। saakshaatkaar kiya to hai na। raajaayen prince-princess honge। bahut ramneek svarga hoga। jaise yahaan maisoor aadi ramneek hain, aise vahaan bahut achhi havaayen lagti rehti hain। paani ke jharne bahte rehte hain। aatma samajhti hai ham achhi-achhi cheejen banaayen। aatma ko svarga to yaad aata hai na।

tum bachchon ko realise hota hai - kya-kya hoga, kahaan ham rehte honge। is samay yeh smriti rehti hai। chitron ko dekho tum kitne khushanseeb ho। vahaan duhkh ki koi baat nahin hogi। ham to svarga mein the phir neeche utre। ab phir svarga mein jaana hai। kaise jaayen? rassi mein latak kar jaayenge kya? ham aatmaayen to rahne vaali hain shantidham ki। baap ne smriti dilaai ab tum phir devta ban rahe ho aur doosron ko bana rahe ho। kitne ghar baithe bhi saakshaatkaar karte hain। baandheliyon ne kabhi dekha thode hi hai। kaise aatma ko uchhal aati hai। apna ghar najdeek aane se aatma ko khushi hoti hai। samajhte hain baba hamko gyaan dekar shrringaarne aaye hain। aakhreen ek din akhbaaron mein bhi padega। abhi to stuti-ninda, maan-apmaan sab saamne aata hai। jaante hain kalpa pahle bhi aise hua tha, jo second paas ho gaya, uska chintan nahin karna hota। akhbaaron mein kalpa pahle bhi aise pada tha। phir purushaartha kiya jaata hai। hangaama to jo hua tha so ho gaya। naam to ho gaya na। phir tum respond karte ho। koi padhte hain, koi nahin padhte hain। phursat nahin milti। aur kaamon mein lag jaate hain। abhi tumhaari buddhi mein hai - yeh behad ka bada drama hai। tik-tik chalti rehti hai, chakra phirta rehta hai। ek second mein jo paas hua phir 5 hazaar varsha baad repeat hoga। jo ho gaya second baad khyaal mein aata hai। yeh bhool ho gai, drama mein noondh gaya। kalpa pahle bhi aise hi bhool hui thi, past ho gai। ab phir aage ke liye nahin karenge। purushaartha karte rehte hain। tumko samjhaaya jaata hai ghadi-ghadi yeh bhool achhi nahin hai। yeh karma achha nahin hai। dil khaati hogi - hamse yeh kharaab kaam hua। baap samjhaani dete hain, aise nahin karo, kisko duhkh hoga। mana ki jaati hai। baap batla dete hain - yeh kaam nahin karna, bigar poochhe cheez uthaaya, usko chori kaha jaata hai। aise kaam mat karo। kaduva mat bolo। aajkal duniya dekho kaisi hai - koi naukar par gussa kiya to woh bhi dushmani karne lag padte hain। vahaan to sher-bakri aapas mein ksheerkhanda rehte hain। loonpaani aur ksheerkhanda। satayug mein sab manushya aatmaayen aapas mein ksheerkhanda rehti hain। aur is raavan ki duniya mein sab manushya loonpaani hain। baap bachcha bhi loonpaani। kaam mahaashatru hai na। kaam kataari chalaae ek do ko duhkh dete hain। yeh saari duniya loonpaani hai। satayugi duniya ksheerkhanda hai। in baaton se duniya kya jaanen। manushya to svarga ko laakhon varsha kah dete hain। to koi baat buddhi mein aa na sake। jo devtaayen the unhon ko hi smriti mein aata hai। tum jaante ho yeh devta satayug mein the। jisne 84 janma liye hain vahi phir se aakar padhenge aur kaanton se phool banenge। yeh baap ki ek hi university hai, inki branches nikalti rehti hain। khuda jab aayega tab unke khidmatgaar banenge, jinke dvaara khud khuda raajaai sthaapan karenge। tum samajhte ho ham khuda ke khidmatgaar hain। woh jismaani khidmat karte hain, yeh roohaani। baba ham aatmaon ko roohaani service sikhla rahe hain kyonki rooh hi tamopradhaan ban gai hai। phir baba satopradhaan bana rahe hain। baba kehte hain maamekam yaad karo to vikarma vinaash honge। yeh yog agni hai। bhaarat ka praacheen yog gaaya hua hai na। artificial yog to bahut ho gaye hain isliye baba kehte hain yaad ki yaatra kehna theek hai। shivbaaba ko yaad karte-karte tum shivpuri mein chale jaayenge। woh hai shivpuri। woh vishnupuri। yeh raavan puri। vishnupuri ke peechhe hai raam puri। sooryavanshi ke baad chandravanshi hain। yeh to common baat hai। aadhaakalpa satayug-treta, aadhaakalpa dvaapar-kaliyug। abhi tum sangam par ho। yeh bhi sirf tum jaante ho। jo achhi reeti dhaarna karte hain, woh doosre ko bhi samjhaate hain। ham purushottam sangamayug par hain। yeh kiski buddhi mein yaad rahe to bhi saara drama buddhi mein aa jaae। parantu kaliyugi deh ke sambandhi aadi yaad aate rehte hain। baap kehte hain - tumko yaad karna hai ek baap ko। sarva ka sadgati daata raajayog sikhlaane vaala ek hi hai isliye baba ne samjhaaya hai shivbaaba ki hi jayanti hai jo saari duniya ko paltaate hain। tum brahman hi jaante ho, abhi ham purushottam sangamayug par hain। jo brahman hain unko hi rachayita aur rachna ka gyaan buddhi mein hai। achha।

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) koi bhi aisa karma nahin karna hai jisse kisi ko duhkh ho। kaduve bol nahin bolne hain। bahut-bahut ksheerkhanda hokar rehna hai।

2) kisi bhi dehdhaari ki stuti nahin karni hai। buddhi mein rahe hamko shivbaaba padhaate hain, us ek ki hi mahima karni hai, roohaani khidmatgaar banna hai।

vardaan:- shuddh sankalp ke vrat ( dridhta ) dvaara vritti ka parivartan karne vaale diltakhtansheen bhav

baapdaada ka diltakhta itna pure hai jo is takhta par sada pure aatmaayen hi baith sakti hain। jinke sankalp mein bhi apvitrata ya amaryaada aa jaati hai vo takhtansheen ke bajaae girti kala mein neeche aa jaate hain isliye pahle shuddh sankalp ke vrat dvaara apni vritti ka parivartan karo। vritti parivartan se bhavishya jeevan roopi srishti badal jaayegi। shuddh sankalp va dridh sankalp ke vrat ka pratyakshaphal hai hi sadaakaal ke liye baapdaada ka diltakhta।

slogan:- jahaan sarvashaktiyaan saath hain vahaan nirvighna saphalta hai hi।

avyakt ishaare - ab sampanna va karmaateet banne ki dhun lagaao

antahvaahak sthiti arthaat karmabandhan mukta karmaateet sthiti ka vaahan arthaat antim vaahan, jis dvaara hi second mein saath mein udenge। iske liye sarva hadon se paar behad swaroop mein, behad ke sevaadhaari, sarva hadon ke oopar vijay praapta karne vaale vijayi ratna bano tab hi antim karmaateet swaroop ke anubhvi swaroop banenge।