शुक्रवार 2 जनवरी 2026 की दैनिक मुरली

02-01-2026 praatahmurli om shanti "baapdaada"' madhuban

“meethe bachche - tumhein aapas mein bahut-bahut roohaani sneh se rehna hai, kabhi bhi matbhed mein nahin aana hai''

prashn:- har ek brahman bachche ko apni dil se kaun si baat poochhni chaahiye?

uttar:- apni dil se poochho - 1. main eeshvar ki dil par chadha hua hoon! 2. mere mein daivi gunon ki dhaarna kahaan tak hai? 3. main brahman eeshvareey service mein baadha to nahin daalta! 4. sada ksheerkhanda rehta hoon! hamaari aapas mein ekmat hai? 5. main sada shreemat ka paalan karta hoon?

geet:- bholenaath se niraala…

om shanti। tum bachche ho eeshvareey sampradaay। aage the aasuri sampradaay। aasuri sampradaay ko yeh pata nahin hai ki bholaanaath kisko kaha jaata hai। yeh bhi nahin jaante ki shiv shankar alag-alag hain। woh shankar devta hai, shiv baap hai। kuchh bhi nahin jaante hain। ab tum ho eeshvareey sampradaay athva eeshvareey family। woh hai aasuri family raavan ki। kitna farka hai। abhi tum eeshvareey family mein eeshvar dvaara seekh rahe ho ki ek do mein roohaani pyaar kaisa hona chaahiye। ek do mein brahman kul mein yeh roohaani pyaar yahaan se bharna hai। jinka poora pyaar nahin hoga to poora pad bhi nahin paayenge। vahaan to hai hi ek dharma, ek raajya। aapas mein koi jhagda nahin hota। yahaan to raajaai hai nahin। braahmanon mein bhi deh-abhimaan hone kaaran matbhed mein aa jaate hain। aise matbhed mein aane vaale sajaayen khaakar phir paas honge। phir vahaan ek dharma mein rehte hain, to vahaan shanti rehti hai। ab us taraph hai aasuri sampradaay va aasuri family-type। yahaan hai eeshvareey family type। bhavishya ke liye daiveegun dhaaran kar rahe hain। baap sarvagun sampanna banaate hain। sab to nahin bante hain। jo shreemat par chalte hain vahi vijay maala ka daana bante hain। jo nahin banenge woh praja mein aa jaate hain। vahaan to deity government hai। 100 percent purity, pees, prosperity rehti hai। is brahman kul mein abhi daivi-gun dhaaran karne hain। koi to achhi reeti daiveegun dhaaran karte, doosron ko karaate rehte hain। eeshvareey kul ka aapas mein roohaani sneh bhi tab hoga jab dehi-abhimaani honge, isliye purushaartha karte rehte hain। ant mein bhi sabki avastha ekras, ek jaisi to nahin ho sakti hai। phir sajaayen khaakar pad bhrashta ho padenge। kam pad pa lenge। braahmanon mein bhi agar koi aapas mein ksheerkhanda hokar nahin rehte hain, aapas mein loonpaani ho rehte hain, daiveegun dhaaran nahin karte hain to oonch pad kaise pa sakenge। loon-paani hone ke kaaran kahaan eeshvareey service mein bhi baadha daalte rehte hain। jiska nateeja kya hota hai woh itna oonch pad nahin pa sakte। ek taraph purushaartha karte hain ksheerkhanda hone ka। doosri taraph maaya loonpaani bana deti hai, jis kaaran service badle disservice karte hain। baap baith samjhaate hain tum ho eeshvareey family। eeshvar ke saath rehte bhi ho। koi saath rehte hain, koi doosre-doosre gaanv mein rehte hain parantu ho to ikatthe na। baap bhi bhaarat mein aate hain। manushya yeh nahin jaante, shivbaaba kab aate hain, kya aakar karte hain? tumko baap dvaara abhi parichay mila hai। rachta aur rachna ke aadi-madhya-ant ko ab tum jaante ho। duniya ko pata nahin ki yeh chakra kaise phirta hai, abhi kaun sa samay hai, bilkul ghor andhiyaare mein hain।

tum bachchon ko rachta baap ne aakar saara samaachaar sunaaya hai। saath-saath samjhaate hain ki he saaligraamon mujhe yaad karo। yeh shivbaaba kehte hain apne bachchon ko। tum paavan banne chaahte ho na। pukaarte aaye ho। abhi main aaya hoon। shivbaaba aate hi hain - bhaarat ko phir se shivaalay banaane, raavan ne veshyaalay banaaya hai। khud hi gaate hain ki ham patit vicious hain। bhaarat satayug mein sampoorn nirvikaari tha। nirvikaari devtaaon ko vikaari manushya poojte hain। phir nirvikaari hi vikaari bante hain। yeh kisko pata nahin hai। poojya to nirvikaari the phir pujaari vikaari bane hain tab to bulaate hain he patit-paavan aao, aakar nirvikaari banaao। baap kehte hain yeh antim janma tum pavitra bano। maamekam yaad karo to tumhaare paap kat jaayenge aur tum tamopradhaan se satopradhaan devta ban jaayenge phir chandravanshi kshatriy family-type mein aayenge। is samay ho eeshvareey family-type phir daivi family mein 21 janma rahenge। is eeshvareey family mein tum antim janma paas karte ho। ismen tumko purushaartha kar phir sarvagun sampanna banna hai। tum poojya the - barobar raajya karte the phir pujaari bane ho। yeh samjhaana pade na। bhagwan hai baap। ham unke bachche hain to family hui na। gaate bhi hain tum maat pita ham baalak tere...to family thahre na। ab baap se sukh ghanere milte hain। baap kehte hain tum hamaari family beshak ho। parantu drama plan anusaar raavan raajya mein aane ke baad phir tum duhkh mein aate ho to pukaarte ho। is samay tum accurate family ho। phir tumko bhavishya 21 janma liye varsa deta hoon। yeh varsa phir daivi family mein 21 janma kaayam rahega। daivi family satayug treta tak chalti hai। phir raavan raajya hone se bhool jaate hain ki ham daivi family ke hain। vaam maarga mein jaane se aasuri family ho jaati hai। 63 janma seedhi girte aaye ho। yeh saari knowledge tumhaari buddhi mein hai। kisko bhi tum samjha sakte ho। asul tum devi devta dharma ke ho। satayug ke aage tha kaliyug। sangam par tumko manushya se devta banaaya jaata hai। beech mein hai yeh sangam। tumko brahman dharma se phir daivi dharma mein le aate hain। samjhaaya jaata hai lakshmi-naaraayan ne yeh raajya kaise liya। unse pahle aasuri raajya tha phir daivi raajya kab aur kaise hua। baap kehte hain kalpa-kalpa sangam par aakar tumko brahman devta kshatriy dharma mein le aate hain। yeh hai bhagwan ki family। sab kehte hain god father। parantu baap ko na jaanne ke kaaran nidhan ke ban gaye hain isliye baap aate hain ghor andhiyaare se sojhra karne। ab svarga sthaapan ho raha hai। tum bachche padh rahe ho, daiveegun dhaaran kar rahe ho। yeh bhi maaloom hona chaahiye - shiv jayanti manaate hain, shiv jayanti ke baad phir kya hoga? zaroor daivi raajya ki jayanti hui hogi na। heavenly god father heaven ki sthaapna karne heaven mein to nahin aayenge। kehte hain main hell aur heaven ke beech mein sangam par aata hoon। shivraatri kehte hain na। to raat mein main aata hoon। yeh tum bachche samajh sakte ho। jo samajhte hain woh auron ko bhi dhaaran karaate hain। dil par bhi woh chadhte hain jo mansa-vaacha-karmana service par tatpar rehte hain। jaisi-jaisi service utna dil par chadhte hain। koi all-round workers hote hain। sab kaam seekhna chaahiye। khaana pakaana, roti pakaana, bartan maanjana...yeh bhi service hai na। baap ki yaad hai first। unki yaad se hi vikarma vinaash hote hain। yahaan ka varsa mila hua hai। vahaan sarvagun sampanna rehte hain। yatha raaja raani tatha praja। duhkh ki baat nahin hoti। is samay sab narkavaasi hain। sabki utarti kala hai। phir abhi chadhti kala hogi। baap sabko duhkh se chhudaae sukh mein le jaate hain, isliye baap ko liberator kaha jaata hai। yahaan tumko nasha rehta hai ham baap se varsa le rahe hain, laayak ban rahe hain। laayak to unko kahenge jo auron ko raajaai pad paane laayak banaate hain। yeh bhi baba ne samjhaaya hai padhne vaale to bahut aayenge। aise nahin ki sab 84 janma lenge। jo thoda padhenge woh deri se aayenge, to janma bhi kam honge na। koi 80, koi 82, kaun jaldi aate, kaun peechhe aate...saara madaar padhaai par hai। saadhaaran praja peechhe aayegi। unhon ke 84 janma ho na sake। peechhe aate rehte hain। jo bilkul last mein hoga woh treta ant mein aakar janma lega। phir vaam-maarga mein jaate hain। utarna shuru ho jaata hai। bhaaratvaasiyon ne kaise 84 janma liye hain, unki yeh seedhi hai। yeh gola hai drama ke roop mein। jo paavan the vahi ab patit bane hain phir paavan devta bante hain। baap jab aate hain to sabka kalyaan hota hai, isliye isko auspicious yug kaha jaata hai। balihaari baap ki hai jo sabka kalyaan karte hain। satayug mein sabka kalyaan tha, koi duhkh nahin tha, yeh to samjhaana pade ki ham eeshvareey family-type ke hain। eeshvar sabka baap hai। yahaan hi tum maat-pita gaate ho। vahaan to sirf father kaha jaata hai। yahaan tum bachchon ko maa baap milte hain। yahaan tum bachchon ko adopt kiya jaata hai। father creator hai to mother bhi hogi। nahin to creation kaise hogi। heavenly god father kaise heaven sthaapan karte hain, yeh na bhaaratvaasi jaante hain, na vilaayat vaale hi jaante hain। abhi tum jaante ho nai duniya ki sthaapna aur puraani duniya ka vinaash, to zaroor sangam par hi hoga। abhi tum sangam par ho। abhi baap samjhaate hain maamekam yaad karo। aatma ko yaad karna hai - parampita paramatma ko। aatmaayen aur paramatma alag rahe bahukaal...sundar mela kahaan hoga! sundar mela zaroor yahaan hi hoga। paramatma baap yahaan aate hain, isko kaha jaata hai kalyaankaari sundar mela। jeevanmukti ka varsa sabko dete hain। jeevanbandha se chhoot jaate hain। shantidham to sab jaayenge - phir jab aate hain to satopradhaan rehte hain। dharma sthaapan arth aate hain। neeche jab unki jansankhya badhe tab raajaai ke liye purushaartha karen tab tak koi jhagda aadi nahin rehta। satopradhaan se rajo mein jab aate hain tab ladaai jhagda shuru karte hain। pahle sukh phir duhkh। ab bilkul hi durgati ko paaye hue hain। is kaliyugi duniya ka vinaash phir satayugi duniya ki sthaapna honi hai। vishnupuri ki sthaapna kar rahe hain brahma dvaara। jo jaisa purushaartha karte hain us anusaar vishnupuri mein aakar praalabdha paate hain। yeh samajhne ki bahut achhi-achhi baaten hain। is samay tum bachchon ko bahut khushi honi chaahiye ki ham eeshvar se bhavishya 21 janmon ka varsa pa rahe hain। jitna purushaartha kar apne ko accurate banaayenge...tumhein accurate banna hai। ghadi bhi lever aur cylinder hoti hai na। lever bahut accurate hoti hai। bachchon mein kai accurate ban jaate hain। kai anaekyooret ho jaate hain to kam pad ho jaata hai। purushaartha karke accurate banna chaahiye। abhi sab accurate nahin chalte। tadbeer karaane vaala to ek hi baap hai। takdeer banaane ke purushaartha mein kami hai isliye pad kam paate hain। shreemat par na chalne ke kaaran aasuri gun na chhodne kaaran, yog mein na rahne kaaran yeh sab hota hai। yog mein nahin hain to phir jaise pandit। yog kam hai isliye shivbaaba taraph lav nahin rehta। dhaarna bhi kam hoti hai, woh khushi nahin rehti। shakla hi jaise murdo misal rehti hai। tumhaare features to sadaiv harshit rahne chaahiye। jaise devtaaon ke hote hain। baap tumko kitna varsa dete hain। koi gareeb ka bachcha saahookaar ke paas jaaye to unko kitni khushi hogi। tum bahut gareeb the। ab baap ne adopt kiya hai to khushi honi chaahiye। ham eeshvareey sampradaay ke bane hain। parantu takdeer mein nahin hai to kya kiya ja sakta hai। pad bhrashta ho jaata hai। patraani bante nahin। baap aate hi hain patraani banaane। tum bachche kisko bhi samjha sakte ho ki brahma vishnu shankar teenon hain shiv ke bachche। bhaarat ko phir se svarga banaate hain brahma dvaara। shankar dvaara puraani duniya ka vinaash hota hai, bhaarat mein hi baaki thode bachte hain। pralay to hoti nahin, parantu bahut khalaas ho jaate hain to jaise ki pralay ho jaati hai। raat din ka farka pad jaata hai। woh sab muktidhaam mein chale jaayenge। yeh patit-paavan baap ka hi kaam hai। baap kehte hain dehi-abhimaani bano। nahin to puraane sambandhi yaad padte rehte hain। chhoda bhi hai phir bhi buddhi jaati rehti hai। nashtomoha hain nahin, isko vyabhichaari yaad kaha jaata hai। sadgati ko pa na saken kyonki durgati vaalon ko yaad karte rehte hain। achha!

meethe-meethe sikeeldhe bachchon prati maat pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baapdaada ki dil par chadhne ke liye mansa-vaacha-karmana seva karni hai। accurate aur all-rounder banna hai।

2) aisa dehi-abhimaani banna hai jo koi bhi puraane sambandhi yaad na aayen। aapas mein bahut-bahut roohaani pyaar se rehna hai, loonpaani nahin hona hai।

vardaan:- vishwa parivartan ke shreshtha kaarya mein apni anguli dene vaale mahaan so nirmaan bhav

jaise koi sthool cheez banaate hain to usmein sab cheejen daalte hain, koi saadhaaran meetha ya namak bhi kam ho to badhiya cheez bhi khaane yogya nahin ban sakti। aise hi vishwa parivartan ke is shreshtha kaarya ke liye har ek ratna ki aavashyakta hai। sabki anguli chaahiye। sab apni-apni reeti se bahut-bahut aavashyak, shreshtha mahaarthi hain isliye apne kaarya ki shreshthata ke moolya ko jaano, sab mahaan aatmaayen ho। lekin jitne mahaan ho utne nirmaan bhi bano।

slogan:- apni nature ko easy (saral) banaao to sab kaarya easy ho jaayenge।

avyakt ishaare - is avyakti maas mein bandhanmukta rah jeevanmukta sthiti ka anubhav karo

jeevan mein rehte, samay naazuk hote, paristhitiyaan, samasyaayen, vaayumandal double dooshit hote hue bhi uske prabhaav se mukta, jeevan mein rehte in sarva bhinna-bhinna bandhanon se mukta rehna hai। ek bhi sookshm bandhan nahin ho। aisa har ek brahman bachche ko bandhanmukta, jeevanmukta banna hai। sangamayug par hi is jeevanmukta sthiti ki praalabdha ka anubhav karna hai।