मंगलवार 6 जनवरी 2026 की दैनिक मुरली

06-01-2026 praatahmurli om shanti "baapdaada"' madhuban

“meethe bachche - brahma baba shivbaaba ka rath hai, donon ka ikattha part chalta hai, ismen jara bhi sanshay nahin aana chaahiye''

prashn:- manushya duhkhon se chhootne ke liye kaun si yukti rachte hain, jisko mahaapaap kaha jaata hai?

uttar:- manushya jab duhkhi hote hain to svayan ko maarne ke (khatma karne ke) anek upaay rachte hain। jeev ghaat karne ki sochte hain, samajhte hain isse ham duhkhon se chhoot jaayenge। parantu in jaisa mahaapaap aur koi nahin। woh aur hi duhkhon mein phans jaate hain kyonki yeh hai hi apaar duhkhon ki duniya।

om shanti। bachchon se baap poochhte hain, aatmaon se paramatma poochhte hain - yeh to jaante ho ham parampita paramatma ke saamne baithe hain। unko apna rath to hai nahin। yeh to nishchay hai na - is bhrikuti ke beech mein baap ka nivaas sthaan hai। baap khud kehte hain main inki bhrikuti ke beech mein baithta hoon, inka shareer loan par leta hoon। aatma bhrikuti ke beech hai to baap bhi wahin baithte hain। brahma hai to shivbaaba bhi hai। brahma nahin ho to shivbaaba bolenge kaise? oopar mein shivbaaba ko to sadaiv yaad karte aaye। ab tum bachchon ko pata hai ham baap ke paas yahaan baithe hain। aise nahin ki shivbaaba oopar mein hai, unki pratima yahaan pooji jaati hai। yeh baaten bahut samajhne ki hain। tum to jaante ho baap gyaan ka saagar hai। gyaan kahaan se sunaate hain? kya oopar se sunaate hain? yahaan neeche aaya hai। brahma tan se sunaate hain। kai kehte hain ham brahma ko nahin maante। parantu shivbaaba khud kehte hain brahma tan dvaara ki mujhe yaad karo। yeh samajh ki baat hai na। lekin maaya badi jabardasta hai। ekdam munh phiraakar pichhaadi kar deti hai। ab tumhaara kaandh shivbaaba ne saamne kiya hai। sammukh baithe ho phir jo aise samajhte hain brahma to kuchh nahin, unki kya gati hogi! durgati ko pa lete hain। kuchh bhi gyaan nahin। manushya pukaarte bhi hain O god father। phir woh god father sunta hai kya? unko kehte hain na liberator aao ya vahaan baithe liberate karenge? kalpa-kalpa purushottam sangamayug par hi baap aate hain, jismen aate hain unko hi agar uda den to kya kahenge! number one tamopradhaan। nishchay hote hue bhi maaya ekdam munh pher deti hai। itna usmein bal hai jo ekdam worth not A penny bana deti hai। aise bhi koi na koi centres par hain isliye baap kehte hain khabardaar rehna। bhal kisko sunaate bhi rahen suni hui baaten, parantu woh jaise pandit misal ho jaate। jaise baba pandit ki kahaani bataate hain na। usne kaha raam-raam kahne se nadi paar ho jaayenge। yeh bhi ek kahaani banaai hui hai। is samay tum baap ki yaad se vishay saagar se ksheer-saagar mein jaate ho na। unhonne bhaktimaarga mein dher kathaayen bana di hain। aisi baaten to hoti nahin। yeh ek kahaani bani hui hai। pandit auron ko kehta tha, khud bilkul chat khaate mein। khud vikaaron mein jaate rehna aur doosron ko kehna nirvikaari bano, unka kya asar hoga। aise bhi brahmaakumaar-kumaariyaan hain - khud nishchay mein nahin, doosron ko sunaate rehte hain isliye kahaan-kahaan sunaane vaale se bhi sunne vaale teekhe chale jaate hain। jo bahuton ki seva karte hain woh zaroor pyaare to lagte hain na। pandit jhootha nikal pade to unko kaun pyaar karenge! phir pyaar un par chala jaayega jo practical mein yaad karte hain। achhe-achhe mahaarthiyon ko bhi maaya hap kar leti hai। bahut hap ho gaye। baba bhi samjhaate hain abhi karmaateet avastha nahin hui hai। ek taraph ladaai hogi, doosre taraph karmaateet avastha hogi। poora connection hai। phir ladaai poori ho jaane se transfer ho jaayenge। pahle roodra maala banti hai। yeh baaten aur koi nahin jaante। tum samajhte ho vinaash saamne khada hai। ab tum ho minority, woh hai majority। to tumko kaun maanega। jab tumhaari vriddhi ho jaayegi phir tumhaare yogbal se bahut kheenchakar aayenge। jitna tumse kat (junk) nikalti jaayegi utna bal bharta jaayega। aise nahin baba jaani jaananhaar hai। yahaan aakar sabko dekhte hain, sabki avasthaaon ko jaante hain। baap bachchon ki avastha ko nahin jaanenge kya? sab kuchh maaloom padta hai। ismen antaryaami ki koi baat nahin। abhi to karmaateet avastha hui nahin hai। aasuri baatcheet, chalan aadi sab prasiddha ho jaate hain। tumhein to daivi chalan banaani hai। devtaayen sarvagun sampanna hain na। ab tumko aisa banna hai। kahaan woh asur, kahaan devtaayen! parantu maaya kisko bhi chhodti nahin hai, chhui-mui bana deti hai। ekdam maar daalti hai। 5 seedhi hain na। deh-abhimaan aane se hi oopar se ekdam neeche girte hain। gira aur mara। aajkal apne ko maarne liye kaise-kaise upaay rachte hain। 21 manzil se koodte hain, to ekdam khatma ho jaayen। aisa na ho phir hospital mein pade rahen। duhkh bhogte rahen। 5 manzil se gire aur na mare to kitna duhkh bhogte rahenge। koi apne ko aag lagaate hain। agar koi unko bacha lete hain to unko kitna duhkh sahan karna padta hai। jal jaae to aatma to bhaag jaayegi na! isliye jeevghaat karte hain, shareer ko khatma kar dete hain। samajhte hain shareer chhodne se duhkhon se chhoot jaayenge। parantu yeh bhi mahaapaap hai, aur bhi adhik duhkh bhogne padte hain kyonki yeh hai hi apaar duhkhon ki duniya, vahaan hain apaar sukh। tum bachche samajhte ho abhi ham return hote hain, duhkhadhaam se sukhdhaam mein jaate hain। ab baap jo sukhdhaam ka maalik banaate hain unko yaad karna hai। in dvaara baap samjhaate hain, chitra bhi hain na। brahma dvaara svarga ki sthaapna। tum kehte ho baba ham anek baar aapse svarga ka varsa lene aaye hain। baap bhi sangam par hi aate hain jabki duniya ko badalna hai। to baap kehte hain main aaya hoon tum bachchon ko duhkh se chhudaakar sukh ki paavan duniya mein le jaane। bulaate bhi hain - he patit-paavan… yeh thode hi samajhte hain ki ham mahaakaal ko bulaate hain ki hamko is chhi-chhi duniya se ghar le chalo। zaroor baba aayega। ham marenge tab to pees hogi na। shanti-shanti karte rehte hain। shanti to hai paramdham mein। parantu is duniya mein shanti kaise ho - jab tak itne dher manushya hain! satayug mein sukh-shanti thi। abhi kaliyug mein anek dharma hain। woh jab khatma hon tab ek dharma ki sthaapna ho, tab to sukh-shanti ho na! haahaakaar ke baad hi phir jay-jaykaar hogi। aage chal dekhna maut ka baajaar kitna garam hota hai! vinaash zaroor hona hai। ek dharma ki sthaapna baap aakar karaate hain। raajayog bhi sikhaate hain। baaki sab anek dharma khalaas ho jaayenge। geeta mein kuchh dikhaaya nahin hai। 5 paandav aur kutta himaalay par gal gaye। phir result kya? pralay dikha di hai। jalmai bhal hoti hai parantu saari duniya jalmai ho nahin sakti। bhaarat to avinaashi pavitra khanda hai। usmein bhi aabu sabse pavitra teertha sthaan hai, jahaan baap aakar tum bachchon ke dvaara sarva ki sadgati karte hain। dilvaala mandir mein kitna achha yaadgaar hai। kitna arth sahit hai। parantu jinhonne banaaya hai woh nahin jaante hain। phir bhi achhe samjhu to the na। dvaapar mein zaroor achhe samajhdaar honge। kaliyug mein hote hain tamopradhaan। dvaapar mein phir bhi tamo buddhi honge। sab mandiron se yeh oonch hai, jahaan tum baithe ho।

abhi tum dekhte rahenge vinaash mein wholesale maut hoga। wholesale mahaabhaari ladaai lagegi। sab khatma ho jaayenge। baaki ek khanda rahega। bhaarat bahut chhota hoga, baaki sab khalaas ho jaayenge। svarga kitna chhota hoga। abhi yeh gyaan tumhaari buddhi mein hai। koi ko samjhaane mein bhi deri lagti hai। yeh hai purushottam sangamayug। yahaan kitne dher manushya hain aur vahaan kitne thode manushya honge, yeh sab khatma ho jaayenge। world ki history-geography repeat hogi shuru se। zaroor svarga se repeat karenge। pichhaadi mein to nahin aayenge। yeh drama ka chakra anaadi hai, jo phirta hi rehta hai। is taraph kaliyug, us taraph hai satayug। ham sangam par hain। yeh bhi tum samajhte ho। baap aate hain, baap ko rath to zaroor chaahiye na। to baap samjhaate hain, abhi tum ghar jaate ho। phir yeh lakshmi-naaraayan banna hai, to daiveegun bhi dhaaran karne chaahiye।

yeh bhi tum bachchon ko samjhaaya jaata hai raavan raajya aur raam raajya kisko kaha jaata hai। patit se paavan, phir paavan se patit kaise bante hain! yeh khel ka raaz baap baith samjhaate hain। baap knowledgeful, beejroop hai na! chaitanya hai। vahi aakar samjhaate hain। baap hi kahenge saare kalpa vriksha ka raaz samjha? inmen kya-kya hota hai? tumne ismen kitna part bajaaya hai? aadhaakalpa hai daivi svaraajya। aadhaakalpa hai aasuri raajya। achhe-achhe jo bachche hain unhon ko buddhi mein knowledge rehti hai। baap aapasmaan banaate hain na! teachers mein bhi nambarvaar hote hain। kai to teacher hokar bhi phir bigad padte hain। bahuton ko sikhaakar phir khud khatma ho gaye। chhote-chhote bachchon mein bhinna-bhinna sanskaar vaale hote hain। koi to dekho number one shaitaan, koi phir paristaan mein jaane laayak। kai hain jo na gyaan uthaate, na apni chalan sudhaarte, sabko duhkh hi dete rehte hain। yeh bhi shaastron mein dikhaaya hai ki asur aakar chhipkar baithte the। asur ban kitni takleeph dete hain। yeh to sab hota rehta hai। oonch te oonch baap ko hi svarga ki sthaapna karne aana padta hai। maaya bhi badi jabardasta hai। daan dete hain phir bhi maaya buddhi phira deti hai। aadha ko zaroor maaya khaayegi, tab to kehte hain maaya badi dustar hai। aadhaakalpa maaya raajya karti hai to zaroor itni pahalvaan hogi na। maaya se haarne vaale ki kya haalat ho jaati hai! achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) kabhi bhi chhui-mui nahin banna hai। daiveegun dhaaran kar apni chalan sudhaarni hai।

2) baap ka pyaar paane ke liye seva karni hai, lekin jo doosron ko sunaate, woh svayan dhaaran karna hai। karmaateet avastha mein jaane ka poora-poora purushaartha karna hai।

vardaan:- saakaar roop mein baapdaada ko sammukh anubhav karne vaale combined roopdhaari bhav

jaise shivshakti combined hai, aise paandavapti aur paandav combined hain। jo aise combined roop mein rehte hain unke aage baapdaada saakaar mein sarva sambandhon se saamne hote hain। abhi dinapratidin aur bhi anubhav karenge ki jaise baapdaada saamne aaye, haath pakda, buddhi se nahin aankhon se dekhenge, anubhav hoga। lekin sirf ek baap doosra na koi, yeh paath pakka ho phir to jaise parchhaai ghoomti hai aise baapdaada aankhon se hat nahin sakte, sada sammukh ki anubhooti hogi।

slogan:- maayaajeet, prakritijeet banne vaali shreshtha aatma hi sva-kalyaani va vishwa kalyaani hai।

avyakt ishaare - is avyakti maas mein bandhanmukta rah jeevanmukta sthiti ka anubhav karo

jab aap abhi jeevanmukta bano to aapki jeevanmukta sthiti ka prabhaav jeevanbandh vaali aatmaon ka bandhan samaapta karega। to woh date kab hogi jab sab jeevanmukta honge? koi bandhan nahin। sab bandhanon mein pahla ek bandhan hai - deh bhaan ka bandhan, usse mukta bano। deh nahin to doosre bandhan svatah hi khatma ho jaayenge।