सोमवार 19 जनवरी 2026 की दैनिक मुरली

19-01-2026 praatahmurli om shanti "baapdaada"' madhuban

“meethe bachche - tumhein nasha rehna chaahiye ki ham brahman so devta bante hain, ham braahmanon ko hi baap ki shreshtha mat milti hai''

prashn:- jinka new blood hai unhein kaun sa shauk aur kaun si masti honi chaahiye?

uttar:- yeh duniya jo puraani iron aged ban gai hai, use nai golden aged banaane ka, puraane se naya banaane ka shauk hona chaahiye। kanyaaon ka new blood hai to apne hamjinsa ko uthaana chaahiye। nasha kaayam rakhna chaahiye। bhaashan karne mein bhi badi masti honi chaahiye।

geet:- raat ke raahi…

om shanti। bachchon ne is geet ka arth to samjha। abhi bhaktimaarga ki ghor andhiyaari raat to poori ho rahi hai। bachche sam-jhate hain hamaare oopar ab taaj aane ka hai। yahaan baithe hain, em object hai - manushya se devta banne ki। jaise sannyaasi samjhaate hain tum apne ko bhains samjho to woh roop ho jaayenge। woh hai bhaktimaarga ke drishtaanta। jaise yeh bhi drishtaanta hai ki raam ne bandaron ki sena li। tum yahaan baithe ho। jaante ho ham so devi-devta double sirtaaj banenge। jaise school mein padhte hain to kehte hain main yeh padh-kar doctor ban jaaoonga, engineer ban jaaoonga। tum samajhte ho is padhaai se ham so devi-devta ban rahe hain। yeh shareer chhodenge aur hamaare sir par taaj hoga। yeh to bahut gandi chhi-chhi duniya hai na। nai duniya hai first class duniya। puraani duniya hai bilkul third class duniya। yeh to khalaas hone ki hai। naye vishwa ka maalik banaane vaala zaroor vishwa ka rachayita hi hoga। doosra koi padha na sake। shivbaaba hi tumko padhaakar sikhlaate hain। baap ne samjhaaya hai - aatma-abhimaani poora ban jaaen to baaki aur kya chaahiye। tum brahman to ho hi। jaante ho ham devta ban rahe hain। devtaayen kitne pavitra the। yahaan kitne patit manushya hain। shakla bhal manushya ki hai parantu seerat dekho kaisi hai। jo devtaaon ke pujaari hain woh khud bhi unhon ke aage mahima gaate hain - aap sarvagun sampanna, 16 kala sampoorn hain..... ham vikaari paapi hain। soorat to unhon ki bhi manushya ki hai parantu unke paas jaakar mahima gaate hain, apne ko gande vikaari kehte hain। hamaare mein koi gun nahin। hain to manushya maana manushya। abhi tum samajhte ho ham to abhi change hokar jaae devta banenge। shreekrishna ki pooja karte hi isliye hain ki krishnapuri mein jaayen। parantu yeh pata nahin hai ki kab jaayenge। bhakti karte rehte hain ki bhagwan aakar bhakti ka phal denge। pahle to tumko yeh nishchay chaahiye ki hamko padhaate kaun hain। yeh hai shri shri shivbaaba ki mat। shivbaaba tumhein shreemat de rahe hain। jinko yeh pata nahin woh shreshtha ban kaise sakte। itne sab brahman shri shri shivbaaba ki mat par chalte hain। paramatma ki mat hi shreshtha banaati hai, jiski takdeer mein hoga, unki buddhi mein baithega। nahin to kuchh bhi samjhenge nahin। jab samjhenge tab khush ho madad karne lag padenge। kai to jaante nahin hain, unko kya pata, yeh kaun hain isliye baba koi se milte bhi nahin hain। woh to aur hi apni mat nikaalenge। shreemat ko na jaanne kaaran unko bhi apni mat dene lag padte hain। ab baap aaye hi hain tum bachchon ko shreshtha banaane ke liye। bachche jaante hain 5 hazaar varsha pahle muaaphik baba aapse aakar mile hain। jinko pata nahin hai, aise respond de nahin sakte। bachchon ko padhaai ka bahut nasha rehna chaahiye। yeh badi oonch padhaai hai parantu maaya bhi badi against hai। tum jaante ho ham woh padhaai padhte hain jisse hamaare sir par double sirtaaj aana hai। bhavishya janma-janmaantar double sirtaaj banenge। to iske liye phir aisa poora purushaartha karna chaahiye na। isko kaha jaata hai raajayog। kitna wonder hai। baba hamesha samjhaate hain - lakshmi-naaraayan ke mandir mein jaao। pujaariyon ko bhi tum samjha sakte ho। pujaari bhi kisko baith samjhaaye ki in lakshmi-naaraayan ko bhi yeh pad kaise mila, yeh vishwa ka maalik kaise banen? aise-aise baith sunaayen to pujaari ka bhi maan ho jaae। tum kah sakte ho ham aapko samjhaate hain in lakshmi-naaraayan ko yeh raajya kaise mila? geeta mein bhi bhagvaanuvaach hai na। main tumko raajayog sikhaakar raajaaon ka raaja banaata hoon। svargavaasi to tum bante ho na। to bachchon ko kitna nasha rehna chaahiye - ham yeh bante hain! bhal apna chitra aur raajaai ka chitra bhi yahaan saath mein nikaalo। neeche tumhaara chitra, oopar mein raajaai ka chitra ho। ismen kharcha to nahin hai na। raajaai poshaak to jhat ban sakti hai। to ghadi-ghadi yaad rahega - ham so devta ban rahe hain। oopar mein bhal shivbaaba bhi ho। yeh bhi chitra nikaalne honge। tum manushya se devta bante ho। yeh shareer chhod ham jaae devta banenge kyonki abhi ham yeh raajayog seekh rahe hain। to yeh photo bhi madad karenge। oopar mein shiv phir raajaai chitra। neeche tumhaara saadhaaran chitra। shivbaaba se raajayog seekh ham so devta double sirtaaj ban rahe hain। chitra rakha hoga, koi bhi poochhenge to ham batla sakenge - hamko sikhlaane vaala yeh shivbaaba hai। chitra dekhne se bachchon ko nasha chadhega। bhal dukaan mein bhi yeh chitra rakh do। bhakti maarga mein baba naaraayan ka chitra rakhta tha। pocket mein bhi rehta tha। tum bhi apna photo rakh do to yaad rahega - ham so devi-devta ban rahe hain। baap ko yaad karne ka upaay dhoondhana chaahiye। baap ko bhool jaane se hi girte hain। vikaar mein girega to phir sharma aayegi। abhi to ham ye devta ban nahin sakenge। heart fail ho jaayegi। abhi ham devta kaise banenge? baba kehte hain vikaar mein girne vaale ka photo nikaal do। bolo, tum svarga mein chalne laayak nahin ho, tumhaara passport khalaas। khud bhi feel karenge ham to gir gaye। ab ham svarga mein kaise jaayenge। jaise naarad ka misaal dete hain। unko kaha tum apni shakla to dekho। lakshmi ko varne laayak ho? to shakla bandar ki dikhaai padi। to manushya ko bhi sharma aayegi - hamaare mein to yeh vikaar hain, phir ham shri naaraayan ko va shri lakshmi ko kaise varenge। baba yuktiyaan to sab batlaate hain। parantu koi vishvaas bhi rakhe na। vikaar ka nasha aata hai to samajhte hain is hisaab se ham raajaaon ka raaja double sirtaaj kaise banenge। purushaartha to karna chaahiye na। baba samjhaate rehte hain - aisi-aisi yuktiyaan racho aur sabko samjhaate raho। yeh raajayog ki sthaapna ho rahi hai। ab vinaash saamne khada hai। din-pratidin toofaan jor hota jaata hai। bombs aadi bhi taiyaar ho rahe hain। tum yeh padhaai padhte hi ho bhavishya oonch pad paane ke liye। tum ek hi baar patit se paavan bante ho। manushya samajhte thode hi hain ki ham narkavaasi hain kyonki pattharbuddhi hain। abhi tum pattharbuddhi se paaras buddhi ban rahe ho। takdeer mein hoga to jhat samjhega। nahin to tum kitna bhi maatha maaro, buddhi mein baithega nahin। baap ko hi nahin jaante to naastik hain arthaat na dhani ke। to dhanka banaana chaahiye na। jabki shivbaaba ke bachche hain। yahaan jinko gyaan hai woh apne bachchon ko vikaaron se bachaate rahenge। agyaani log to apne muaaphik bachchon ko bhi phansaate rahenge। tum jaante ho yahaan vikaar se bachaaya jaata hai। kanyaaon ko to pahle bachaana chaahiye। maa-baap jaise ki bachche ko vikaar mein dhakka dete hain। tum jaante ho yeh bhrashtaachaari duniya hai। shreshthaachaari duniya chaahte hain। bhagvaanuvaach - main jab aata hoon shreshthaachaari banaane ke liye to sab bhrashtaachaari hain। main sabka uddhaar karta hoon। geeta mein bhi likha hua hai bhagwan ko hi saadhu-santon aadi sabka uddhaar karne aana hai। ek hi bhagwan baap aakar sabka uddhaar karte hain। abhi tum wonder khaate ho - manushya kitne pattharbuddhi ho jaate hain। is samay agar maaloom ho badon-badon ko ki geeta ka bhagwan shiv hai to pata nahin kya ho jaae। haahaakaar mach jaae। parantu abhi deri hai। nahin to sabke adde ekdam hilne lag jaaen। bahuton ke takhta hilte hain na। ladaai jab hoti hai to pata padta hai, inka takhta hilne laga hai, abhi gir padenge। abhi yeh hilen to bahut halchal mach jaae। aage chal hone ka hai। patit-paavan sarva ka sadgati daata khud kehte hain - barobar brahma tan se sthaapna kar rahe hain। sarva ki sadgati arthaat uddhaar kar rahe hain। bhagvaanuvaach - yeh patit duniya hai, in sabka uddhaar mujhe karna hai। abhi sab patit hain। patit phir kisko paavan kaise banaayenge? pahle to khud paavan banen phir followers ko banaayen। bhaashan karne mein badi masti chaahiye। kanyaaon ka new blood hai। tum puraane se naya bana rahe ho। tumhaari aatma jo puraani iron aged ban gai hai, ab nai golden aged banti hai। khaad nikalti jaati hai। to bachchon ko bada shauk chaahiye। nasha kaayam rakhna chaahiye। apne hamjinsa ko uthaana chaahiye। gaaya bhi jaata hai, guru maata। maata guru kab hoti hai so abhi tum jaante ho। jagat amba hi phir raaj-raajeshvari banti hai। phir vahaan koi guru rehta hi nahin। guru ka silsila abhi chalta hai। maataaon par baap aakar gyaan amrit ka kalash rakhte hain। shuru se aise hota hai। centres ke liye bhi kehte hain brahmaakumaari chaahiye। baba to kehte hain aape hi chalaao। himmat nahin hai? kehte nahin baba teacher chaahiye। yeh bhi theek hai, maan dete hain।

aajkal duniya mein ek-do ko maan bhi langada dete hain। aaj prime minister hai, kal unko uda dete hain। sthaai sukh kisko milta nahin। is samay tum bachchon ko sthaai raajya-bhaagya mil raha hai। tumko baba kitne prakaar se samjhaate hain। apne ko sadaiv harshit rakhne ke liye bahut achhi-achhi yuktiyaan batlaate hain। shubh bhaavna rakhni hai na। oho! ham yeh lakshmi-naaraayan bante hain phir agar kiski takdeer mein nahin hai to tadbeer kya karen। baba tadbeer to batlaate hain na। tadbeer vyartha nahin jaati hai। yeh to sada saphal hoti hai। raajdhaani sthaapan ho hi jaayegi। vinaash bhi mahaabhaarat ladaai dvaara hona hi hai। aage chal tum jor bharo to yeh sab aayenge। abhi nahin samjhenge phir to unhon ki raajaai hi ud jaae। kitne dher guru log hain, aisa koi manushya nahin jo kisi guru ka follower na ho। yahaan tumhein ek satguru mila hai sadgati dene vaala। chitra bade achhe hain। yeh hai sadgati arthaat sukhdhaam, yeh hai muktidhaam। buddhi bhi kehti hai ham sab aatmaayen nirvaandhaam mein rehti hain। jahaan se phir talkie mein aate hain। vahaan ke rahvaasi hain। yeh khel hi bhaarat par bana hua hai। shivjayanti bhi yahaan manaate hain। baap kehte hain main aaya hoon, kalpa ke baad phir aaoonga। har 5 hazaar varsha baad baap ke aate hi paradise ban jaata hai। kehte bhi hain Christ se itne varsha pahle paradise tha, svarga tha। abhi nahin hai phir hona hai। to zaroor narkavaasiyon ka vinaash, svarga-vaasi ki sthaapna chaahiye। so tum svargavaasi ban rahe ho। narkavaasi sab vinaash ho jaayenge। woh to samajhte hain ajun itne laakhon varsha pade hain। bachche bade ho shaadi karaayen... tum thode hi aisa kahenge। agar bachcha raay par nahin chalta hai to phir shreemat leni pade ki svargavaasi nahin bante hain to kya karen। baap kahenge agar aagyaakaari nahin hai to jaane do। ismen pakki nashtomoha avastha chaahiye। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) shri shri shivbaaba ki shreshtha mat par chalkar svayan ko shreshtha banaana hai। shreemat mein manmat mix nahin karni hai। eeshvareey padhaai ke nashe mein rehna hai।

2) apne hamjinsa ke kalyaan ki yuktiyaan rachni hain। sabke prati shubhbhaavna rakhte hue ek-do ko sachcha maan dena hai। langada maan nahin।

vardaan:- nirantar baap ke saath ki anubhooti dvaara har second, har sankalp mein sahayogi banne vaale sahajyogi bhav

jaise shareer aur aatma ka jab tak part hai tab tak alag nahin ho paati hai, aise baap ki yaad buddhi se alag na ho, sada baap ka saath ho, doosri koi bhi smriti apne taraph aakarshit na kare - isko hi sahaj aur svatah yogi kaha jaata hai। aisa yogi har second, har sankalp, har vachan, har karma mein sahayogi hota hai। sahayogi arthaat jiska ek sankalp bhi sahayog ke bina na ho। aise yogi aur sahayogi shaktishaali ban jaate hain।

slogan:- samasya svarup banne ke bajaae, samasya ko mitaane vaale samaadhaan svarup bano।

avyakt ishaare - is avyakti maas mein bandhanmukta rah jeevanmukta sthiti ka anubhav karo

apne sthool aur sookshm bandhanon ki list saamne rakho। lakshya rakho ki mujhe bandhanmukta banna hi hai। “ab nahin to kab nahin'' - sada yahi paath pakka karo। “svatantrata brahman janma ka adhikaar hai''- apna janma siddha adhikaar praapta kar jeevanmukta sthiti ka anubhav karo। jab apne ko grihasthi samajhte ho tab grihasthi ka jaal hota। grihasthi banna maana jaal mein phansana। trustee arthaat mukta।