मंगलवार 3 फ़रवरी 2026 की दैनिक मुरली

03-02-2026 praatahmurli om shanti "baapdaada"' madhuban

“meethe bachche - tumhein yaad mein rahne ka purushaartha zaroor karna hai, kyonki yaad ke bal se hi tum vikarmaajeet banenge''

prashn:- kaun sa khyaal aaya to purushaartha mein gir padenge? khudaai khidmatgaar bachche kaun si seva karte rahenge?

uttar:- kai bachche samajhte hain abhi time pada hai, peechhe purushaartha kar lenge, parantu maut ka niyam thode hi hai। kal-kal karte mar jaayenge isliye aise mat samjho bahut varsha pade hain, pichhaadi mein gallop kar lenge। yeh khyaal aur hi gira dega। jitna ho sake yaad mein rahne ka purushaartha kar, shreemat par apna kalyaan karte raho। roohaani khudaai khidmatgaar bachche roohon ko salvage karne, patiton ko paavan banaane ki seva karte rahenge।

geet:- om namo shivaae…

om shanti। yeh to bachchon ko samjhaaya gaya hai niraakaar baap saakaar bigar koi bhi karma nahin kar sakte hain। part baja nahin sakte। roohaani baap aakar brahma dvaara roohaani bachchon ko samjhaate hain। yogbal se hi bachchon ko satopradhaan banna hai phir satopradhaan vishwa ka maalik banna hai। yeh bachchon ki buddhi mein hai। kalpa-kalpa baap aakarke raajayog sikhlaate hain। brahma dvaara aakar aadi sanaatan devi-devta dharma ki sthaapna karte hain। yaani manushya ko devta banaate hain। manushya jo devi-devta the so ab badalkar shoodra patit ban pade hain। bhaarat jab paaraspuri tha to pavitrata-sukh-shanti sab thi। yeh 5 hazaar varsha ki baat hai। accurate hisaab-kitaab baap baith samjhaate hain। unse oonch to koi hai nahin। srishti va jhaad, jisko kalpa vriksha kehte hain, uske aadi-madhya-ant ka raaz baap hi bata sakte hain। bhaarat ka jo devi-devta dharma tha woh ab praayahlop ho gaya hai। devi-devta dharma to abhi raha nahin hai। devtaaon ke chitra zaroor hain। yeh to bhaaratvaasi jaante hain। satayug mein lakshmi-naaraayan ka raajya tha। bhal shaastron mein yeh bhool kar di hai jo shreekrishna ko dvaapar mein le gaye hain। baap hi aakar bhoole hue ko poora raasta bataate hain। raasta batlaane vaala aata hai to sab aatmaayen muktidhaam mein chali jaati hain isliye unko kaha jaata hai sarva ka sadgati daata। rachta ek hi hota hai। ek hi srishti hai। world ki history-geography ek hi hai, woh repeat hoti rehti hai। satayug, treta, dvaapar, kaliyug phir hota hai sangamayug। kaliyug mein hain patit, satayug mein hain paavan। satayug hoga to zaroor kaliyug vinaash hoga। vinaash se pahle sthaapna hogi। satayug mein to sthaapna nahin hogi। bhagwan aayega hi tab jab patit duniya hai। satayug to hai hi paavan duniya। patit duniya ko paavan duniya banaane bhagwan ko aana padta hai। ab baap sahaj se sahaj yukti bataate hain। deh ke sab sambandh chhod dehi-abhimaani ban baap ko yaad karo। koi ek to patit-paavan hai na। bhakton ko phal dene vaala ek hi bhagwan hai। bhakton ko gyaan dete hain। patit duniya mein gyaan saagar hi aate hain paavan banaane liye। paavan bante ho yog se। baap bigar to koi paavan bana na sake। yeh sab baaten buddhi mein bithaai jaati hain auron ko samjhaane ke liye। ghar-ghar mein sandesh dena hai। aise nahin kehna hai ki bhagwan aaya hai। bada yukti se samjhaana hota hai। bolo, woh baap hai na। ek hai laukik baap, doosra paarlaukik baap। duhkh ke samay paarlaukik baap ko hi yaad karte hain। sukhdhaam mein koi bhi yaad nahin karte hain। satayug mein lakshmi-naaraayan ke raajya mein sukh hi sukh tha। purity, pees, prosperity thi। baap ka varsa mil gaya phir pukaarte kyon। aatma jaanti hai hamko sukh hai। yeh to koi bhi kahenge vahaan sukh hi sukh hai। baap ne duhkh ke liye to srishti nahin rachi hai। yeh bana-banaaya khel hai। jinka part pichhaadi mein hai, 2-4 janma lete hain woh zaroor baaki samay shanti mein rahenge। baaki drama ke khel se hi nikal jaaen, yeh ho nahin sakta। khel mein to sabko aana hoga। ek-do janma milte hain। to baaki samay jaise ki moksha mein hain। aatma paartadhaari hai na। koi aatma ko oonch part mila hua hai koi ko kam। yeh bhi abhi tum jaante ho, gaaya jaata hai eeshvar ka koi ant nahin pa sakte। baap hi aakar ant dete hain rachta aur rachna ke aadi-madhya-ant ka। jab tak rachta khud na aaye tab tak rachta aur rachna ko jaan nahin sakte। baap hi aakar batlaate hain। main saadhaaran tan mein pravesh karta hoon। main jismen pravesh karta hoon woh apne janmon ko nahin jaante। unko baith 84 janmon ki kahaani sunaata hoon। koi ke part mein change nahin ho sakti। yeh bana-banaaya khel hai। yeh bhi kiski buddhi mein nahin baithta hai। buddhi mein tab baithe jab pavitra hokar samjhen। achhi reeti samajhne ke liye hi 7 roz bhatthi hai। bhaagvat aadi bhi 7 din rakhte hain। yahaan bhi samajh mein aata hai - kam se kam 7 din ke sivaae koi samajh nahin sakenge। koi-koi to achha samajh lete hain। koi-koi to 7 roj samajhkar bhi kuchh nahin samajhte। buddhi mein baithta nahin। kah dete hain ham to 7 roz aaya। hamaari buddhi mein kuchh baithta nahin। oonch pad paana nahin hoga to buddhi mein baithega nahin। achha phir bhi unka kalyaan to hua na। praja to aise hi banti hai। baaki raajya-bhaagya lena usmein to gupta mehnat hai। baap ko yaad karne se hi vikarma vinaash hote hain। ab karo na karo parantu baap ka direction yeh hai। pyaari vastu ko to yaad kiya jaata hai na। bhakti maarga mein bhi gaate hain he patit-paavan aao। ab woh mila hai, kehte hain mujhe yaad karo to kat utar jaayegi। baadshaahi sahaj thode hi mil sakti। kuchh to mehnat hogi na। yaad mein hi mehnat hai। mukhya hai hi yaad ki yaatra। bahut yaad karne vaale karmaateet avastha ko pa lete hain। poora yaad na karne se vikarma vinaash nahin honge। yogbal se hi vikarmaajeet banna hai। aage bhi yogbal se hi vikarmon ko jeeta hai। lakshmi-naaraayan itne pavitra kaise banen jabki kaliyug ant mein koi bhi pavitra nahin hain। ismen to saaph hai, yeh geeta ke gyaan ka episode repeat ho raha hai। “shiv bhagvaanuvaach'' bhoolen to hoti rehti hain na। baap hi aakar abhul banaate hain। bhaarat ke jo bhi shaastra hain vo sab hain bhakti maarga ke। baap kehte hain mainne jo kaha tha woh kisko bhi pata nahin hai। jinhon ko kaha tha unhonne pad paaya। 21 janmon ki praalabdha paai phir gyaan praayahlop ho jaata hai। tum hi chakra lagaakar aaye ho। kalpa pahle jinhonne suna hai vahi aayenge। abhi tum jaante ho ham sapling laga rahe hain, manushya ko devta banaane ka। yeh hai daivi jhaad ka sapling। vo log phir un jhaadon ka sapling bahut lagaate rehte hain। baap aakar contrast bataate hain। baap daivi phoolon ka sapling lagaate hain। ve to jangal ka sapling lagaate rehte hain। tum dikhaate bhi ho - kaurav kya karat bhaye, paandav kya karat bhaye। unke kya plan hain aur tumhaare kya plans hain। vo apna plan banaate hain ki duniya badhe nahin। family planning karen jo manushya jaasti na badhen, uske liye mehnat karte rehte hain। baap to bahut achhi baat batlaate hain, anek dharma vinaash ho jaayenge aur ek hi devi-devta dharma ki family sthaapan karte hain। satayug mein ek hi aadi sanaatan devi-devta dharma ki family thi aur itni families thi nahin। bhaarat mein kitni family hain। gujraati family, mahaaraashtriyan family..... vaastav mein bhaaratvaasiyon ki ek family honi chaahiye। bahut families hongi to zaroor aapas mein khitpit hi rahegi। phir civil war ho jaati hai। family mein bhi civil war ho jaati hai। jaise Christian ki apni family hai। unhon ki bhi aapas mein lagti hai। aapas mein do-bhaai nahin milte, paani bhi baanta jaata hai। sikkha dharma vaale samjhenge ham apne sikkha dharma vaalon ko jaasti sukh den, rag jaati hai to maatha maarte rehte hain। jab ant hoti hai to phir civil war aadi sab aa jaati hain। aapas mein ladne lag padte hain। vinaash to hona hi hai। bombs dher banaate rehte hain। badi ladaai jab lagi thi jismen do bombs chhode the, abhi to dher banaaye hain। samajh ki baat hai na। tumko samjhaana hai yeh ladaai vahi mahaabhaarat ki hai। bade-bade log jo bhi hain, kehte hain agar is ladaai ko banda nahin kiya to saari duniya ko aag lag jaayegi। aag to lagni hi hai, yeh tum jaante ho। baap aadi sanaatan devi-devta dharma ki sthaapna kar rahe hain। raajayog hai hi satayug ka। woh devi-devta dharma ab praayahlop hai। chitra bhi bane hain। baap kehte hain kalpa pahle muaaphik jo vighna padne honge woh padenge। pahle thode hi pata padta hai। phir samjha jaata hai kalpa pahle aise hua hoga। yeh bana banaaya drama hai। drama mein ham baandhe hue hain। yaad ki yaatra ko bhool nahin jaana chaahiye, inko pareeksha kaha jaata hai। yaad ki yaatra mein thahar nahin sakte hain, thak jaate hain। geet hai na - raat ke raahi...... iska arth koi samajh na sake। yeh hai yaad ki yaatra, jisse raat poori ho din aa jaayega। aadhaakalpa poora ho phir sukh shuru hoga। baap ne hi manamnaabhav ka arth bhi samjhaaya hai। sirf geeta mein shreekrishna ka naam daalne se woh taakat nahin rahi hai। ab kalyaan to sabka hona hai। goya ham sab manushya maatra ka kalyaan kar rahe hain। bhaarat khaas aur duniya aam। sabka shreemat par ham kalyaan kar rahe hain। kalyaankaari jo banenge to varsa bhi unko milega। yaad ki yaatra ke sivaae kalyaan ho na sake।

abhi tumko samjhaaya jaata hai, woh to behad ka baap hai। baap se varsa mila tha। bhaaratvaasiyon ne hi 84 janma liye hain। punarjanma ka bhi hisaab hai। koi samajhte nahin ki 84 janma kaun lete hain। apne hi shlok aadi banaakar sunaate rehte hain। geeta vahi, teekaayen anek likh dete hain। geeta se to bhaagvat bada kar diya hai। geeta mein hai gyaan। bhaagvat mein hai jeevan kahaani। vaastav mein badi geeta honi chaahiye। gyaan ka saagar baap hai, unka gyaan to chalta hi rehta hai। woh geeta to aadha ghante mein padh lete hain। abhi tum yeh gyaan to sunte hi aate ho। din-pratidin tumhaare paas anek log aate rahenge। dheere-dheere aayenge। abhi hi agar bade-bade raajaayen aa jaaen phir to deri na lage। jhat aavaaz nikal jaae isliye yukti se dheere-dheere chalta rehta hai। yeh hai hi gupta gyaan। kisko pata nahin hai ki yeh kya kar rahe hain। raavan ke saath tumhaari yuddha kaise hai। yeh to tum hi jaano aur koi jaan na sake। bhagvaanuvaach - tum satopradhaan banne ke liye mujhe yaad karo to paap naash ho jaayenge। pavitra bano tab to saath le jaaoon। jeevanmukti sabko milni hai। raavan raajya se mukti ho jaayegi। tum likhte bhi ho ham shiv shakti brahmaakumaar-kumaariyaan, shreshthaachaari duniya sthaapan karenge। parampita paramatma ki shreemat par, 5 hazaar varsha pahle muaaphik। 5 hazaar varsha pahle shreshthaachaari duniya thi। yeh buddhi mein bithaana chaahiye। mukhya-mukhya points buddhi mein dhaaran hongi tab yaad ki yaatra mein rahenge। pattharbuddhi hain na। koi samajhte hain abhi time pada hai peechhe purushaartha kar lenge। parantu maut ka niyam thode hi hai। kal mar jaaen to kal-kal karte mar jaayenge। purushaartha to kiya nahin isliye aise mat samjho bahut varsha pade hain। pichhaadi mein gallop kar lenge। yeh khyaal aur hi gira denge। jitna ho sake purushaartha karte raho। shreemat par har ek ko apna kalyaan karna hai। apni jaanch karni hai। kitna baap ko yaad karta hoon aur kitna baap ki service karta hoon! roohaani khudaai khidmatgaar tum ho na। tum roohon ko salvage karte ho। rooh patit se paavan kaise bane, uski yuktiyaan batlaate hain। duniya mein achhe aur bure manushya to hote hi hain, har ek ka part apna-apna hai। yeh hai behad ki baat। mukhya taal taaliyaan hi gini jaati hain। baaki to patte anek hain। baap samjhaate rehte hain - bachche mehnat karo। sabko baap ka parichay do to baap se buddhiyog jut jaae। baap sab bachchon ko kehte hain, pavitra bano to muktidhaam mein chale jaayenge। duniya ko thode hi pata hai ki mahaabhaarat ladaai se kya hoga। yeh gyaan yagya racha gaya hai kyonki nai duniya chaahiye। hamaara yagya poora hoga to sab is yagya mein svaaha ho jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh bana banaaya drama hai isliye vighnon se ghabraana nahin hai। vighnon mein yaad ki yaatra ko bhool nahin jaana hai। dhyaan rahe - yaad ki yaatra kabhi thahar na jaae।

2) paarlaukik baap ka parichay sabko dete hue paavan banne ki yukti batlaani hai। daivi jhaad ka sapling lagaana hai।

vardaan:- “main pan'' ka tyaag kar seva mein sada khoye rahne vaale tyaagmoorta, sevaadhaari bhav

sevaadhaari seva mein saphalta ki anubhooti tabhi kar sakte hain jab “main pan'' ka tyaag ho। main seva kar rahi hoon, mainne seva ki - is seva bhaav ka tyaag। mainne nahin ki lekin main karanhaar hoon, karaavanhaar baap hai। “main pan'' baba ke lav mein leen ho jaae - isko kaha jaata hai seva mein sada khoye rahne vaale tyaagmoorta sachche sevaadhaari। karaane vaala kara raha hai, ham nimitta hain। seva mein “main pan'' mix hona arthaat mohtaaj banna। sachche sevaadhaari mein yeh sanskaar ho nahin sakte।

slogan:- vyartha ko samaapta kar do to seva ki offer saamne aayegi।

ye avyakt ishaare - ekta aur vishvaas ki visheshta dvaara saphalta sampanna bano

ekta ke liye svayan mein samaane ki shakti chaahiye, isse doosre ka sanskaar bhi avashya sheetal ho jaayega। sada ek do mein sneh ki, shreshthata ki bhaavna se samparka mein aao, gunagraahi bano to ekta kaayam rah sakti hai। aapke sangathan ki shubh bhaavna anek aatmaon ko bhaavna ka phal dilaane ke nimitta banegi। unhein nai raah milegi।