शुक्रवार 13 मार्च 2026 की दैनिक मुरली

13-03-2026 praatahmurli om shanti "baapdaada"' madhuban

“meethe bachche - tumhein shreemat par tatvon sahit saari duniya ko paavan banaane ki seva karni hai, sabko sukh aur shanti ka raasta bataana hai''

prashn:- tum bachche apni deh ko bhi bhoolne ka purushaartha karte ho isliye tumhein kis cheez ki darkaar nahin hain?

uttar:- chitron ki। jab yeh chitra (deh) hi bhoolna hai to un chitron ki kya darkaar hai। svayan ko aatma samajh videhi baap ko or sweet hom ko yaad karo। yeh chitra to hain chhote bachchon ke liye arthaat nayon ke liye। tumhein to yaad mein rehna hai aur sabko yaad karaana hai। dhandha aadi karte satopradhaan banne ke liye yaad mein hi rahne ka abhyaas karo।

geet:- takdeer jagaakar aai hoon…

om shanti। meethe-meethe bachchon ne yeh akshar sune aur phauran khushi mein romaanch khade ho gaye honge। bachche jaante hain yahaan aaye hain apne saubhaagya, svarga ki takdeer lene। aise aur kahin bhi nahin kahenge। tum jaante ho ham baap se svarga ka varsa le rahe hain arthaat svarga banaane ka purushaartha kar rahe hain। sirf svargavaasi banne ka nahin parantu svarga mein oonch te oonch pad paane ka purushaartha kar rahe hain। svarga ka saakshaatkaar karaane vaala baap hamko padha raha hai। yeh bhi bachchon ko nasha chadhna chaahiye। bhakti ab khatma honi hai। kaha jaata hai bhagwan bhakton ka uddhaar karne aate hain kyonki raavan ki janjeeron mein phanse hue hain। anek manushyon ki anek maten hain। tum to jaan gaye ho। srishti ka chakra yeh anaadi khel bana hua hai। yeh bhi bhaaratvaasi samajhte hain, barobar ham praacheen nai duniya ke vaasi the, ab puraani duniya ke vaasi bane hain। baap ne svarga nai duniya banaai, raavan ne phir narka banaaya hai। baapdaada ki mat par tum ab apne liye nai duniya bana rahe ho। nai duniya ke liye padh rahe ho। kaun padhaate hain? gyaan ka saagar, patit-paavan jiski mahima hai। ek ke sivaae aur kiski mahima nahin gaai jaati hai। vahi patit-paavan hai। ham sab patit hain। paavan duniya ki yaad koi ko nahin hai। abhi tum jaante ho barobar 5 hajaar varsha pahle paavan duniya thi। yeh bhaarat hi tha। baaki sab dharma shanti mein the। ham bhaaratvaasi sukhdhaam mein the। manushya shanti chaahte hain parantu yahaan to koi shant rah na sake। yeh koi shantidham nahin hai। shantidham hai niraakaari duniya, jahaan se ham aate hain। baaki satayug hai sukhdhaam, usko shantidham nahin kahenge। vahaan tum pavitrata-sukh-shanti mein rehte ho। koi hangaama nahin rehta। ghar mein bachche jhagda aadi karte hain to unko kaha jaata hai shant raho। to baap kehte hain tum aatmaayen us shanti desh ki thi। ab jhagdaalu desh mein aakar baithe ho। yeh baat tumhaari buddhi mein hai। tum baap dvaara phir se oonch te oonch pad paane ka purushaartha kar rahe ho। yeh school koi kam thode hi hai। god father ki university hai। saari duniya mein yeh bade te badi university hai। ismen sab baap se shanti aur sukh ka varsa paate hain। sivaae ek baap ke aur koi ki mahima nahin hai। brahma ki mahima thode hi hai। baap hi is samay aakar varsa dete hain। phir to sukh hi sukh hai। sukh-shanti dene vaala ek baap hai। unki hi mahima hai। satayug-treta mein koi ki mahima hoti nahin। vahaan to raajdhaani chalti rehti hai। tum varsa pa lete ho, baaki sab shantidham mein rehte hain। mahima koi ki nahin। bhal Christ dharma sthaapan karte hain, so to karna hi hai। dharma sthaapan karte hain phir bhi neeche utarte jaate hain। mahima kya hui? mahima sirf ek ki hi hai, jisko patit-paavan liberator kah bulaate hain। aise to nahin unko Christ buddha aadi yaad aata hoga। yaad phir bhi ek ko karte hain O god father। satayug mein to kiski mahima hoti nahin। peechhe yeh dharma shuru hota hai to baap ki mahima gaate hain aur bhakti shuru hoti hai। drama kaise bana hua hai। kaise chakra phirta hai to jo baap ke bachche bane hain, vahi jaante hain। baap hai rachta। nai srishti rachte hain svarga। parantu sab to svarga mein nahin aa sakte। drama ke raaz ko bhi samajhna hai। baap se sukh ka varsa milta hai। is samay sab duhkhi hain। sabko vaapis jaana hai phir aayenge sukh mein। tum bachchon ko bahut achha part mila hua hai। jis baap ki itni mahima hai woh ab aakar sammukh baithe hue hain aur bachchon ko samjhaate hain। sab bachche hain na। baap to ever happy hai। vaastav mein baap ke liye yeh nahin kah sakte। agar woh happy bane to an-happy bhi banna pade। baba to in sabse nyaara hai। jo baap ki mahima hai vahi is samay tumhaari mahima hai phir bhavishya mein tumhaari mahima alag hogi। jaise baap gyaan ka saagar hai, tum bhi ho। tumhaari buddhi mein srishti chakra ka gyaan hai। jaante ho baap sukh ka saagar hai, unse athaah sukh milte hain। is samay tum baap se varsa le rahe ho। baap bachchon ko abhi shreshtha karma sikhla rahe hain। jaise yeh lakshmi-naaraayan hain, inhonne zaroor aage janma mein achhe karma kiye hain jo yeh pad paaya hai। duniya mein yeh koi samajhte nahin ki inhonne raajya kaise paaya?

baap kehte hain tum bachche ab yeh ban rahe ho। tumhaari buddhi mein yeh aata hai ham yeh the phir yeh bante hain। baap baith karma-akarma-vikarma ki gati samjhaate hain jisse ham yeh bante hain। shreemat dete hain to shreemat jaanni chaahiye na। shreemat se saari duniya tatvon aadi sabko shreshtha banaate hain। satayug mein sab shreshtha the। vahaan kuchh hangaama va toofaan aadi hote nahin। na jaasti thandi, na garmi। sadaiv bahaari mausam rehta hai। vahaan tum kitna sukhi rehte ho। vo log gaate bhi hain khuda bahishta athva heaven sthaapan karte hain। to usmein oonch pad paane ka purushaartha karna chaahiye। hamesha gaaya jaata hai follow mother father। baap ko yaad karne se vikarma vinaash honge। aur phir father ke saath ham aatmaayen ikatthi jaayengi। shreemat par chalkar har ek ko raasta bataana hai।

behad ka baap hai svarga ka rachta। ab to hell hai। zaroor hell mein heaven ka varsa diya hoga। ab 84 janma poore hote hain phir hamko pahla janma svarga mein lena hai। tumhaari em object saamne khadi hai। yeh banne ka hai। ham so lakshmi-naaraayan bante hain, vaastav mein in chitron ki darkaar nahin hai। jo kachche hain, ghadi-ghadi bhool jaate hain, isliye chitra rakhe jaate hain। koi shreekrishna ka chitra rakhte hain। shreekrishna ko dekhne bigar yaad nahin kar sakte। sabki buddhi mein chitra to rehta hai। tumko koi chitra lagaane ki darkaar nahin hai। tum apne ko aatma samajhte ho, tumhein apna chitra bhi bhoolna hai। deh sahit sab sambandh bhool jaane hain। baap kehte hain tum ho aashik, ek maashook ke। maashook baap kehte hain mujhe yaad karte raho to vikarma vinaash ho jaaen। aisi avastha rahe jo shareer jis samay chhoote to samjhen ham is puraani duniya ko chhod ab baap ke paas jaate hain। 84 janma poore hue ab jaana hai। baba ne pharmaan kiya hai mujhe yaad karo। bas baap aur sweet hom ko yaad karo। buddhi mein hai ki main aatma bigar shareer thi phir yahaan part bajaane ke liye shareer dhaaran kiya hai। part bajaate-bajaate patit ban pade hain। yeh shareer to hai puraani jutti। aatma pavitra ho rahi hai। shareer pavitra to yahaan mil na sake। ab ham aatma jaayenge vaapis ghar। pahle prince-princess banenge phir svayanvar baad lakshmi-naaraayan banenge। manushyon ko yeh pata nahin hai ki raadhe-krishna kaun hain? donon alag-alag raajdhaani ke the phir unhon ka svayanvar hota hai। tum bachchon ne dhyaan mein svayanvar dekha hai। shuru mein bahut saakshaatkaar hote the kyonki paakistaan mein tumko khushi mein rakhne ke liye yeh sab part chalte the। pichhaadi mein to hai hi maaraamaari। earthquake aadi bahut hongi। tumko saakshaatkaar hote rahenge। har ek ko maaloom pad jaayega ham kaun sa pad paayenge। phir jo kam padhe hue honge woh bahut pachhtaayenge। baap kahenge tum nahin padhe, na auron ko padhaaya, na yaad mein rehte the। yaad se hi satopradhaan ban sakte ho। patit-paavan to baap hi hai। woh kehte hain maamekam yaad karo to tumhaari khaad nikal jaayegi। purushaartha karna hai - yaad ki yaatra ka। dhandha aadi bhal karo। karma to karna hi hai na। parantu buddhi ka yog vahaan rahe। tamopradhaan se satopradhaan yahaan banna hai। grihastha vyavhaar mein rehte hue tum mujhe yaad karo tab hi tum nai duniya ke maalik banenge। baap aur koi takleeph nahin dete hain। tumko bahut sahaj upaay bataate hain। sukhdhaam ka maalik banne maamekam yaad karo। abhi tum yaad karo - baba bhi star hai। manushya to samajhte hain woh sarvashaktimaan hai, bada tejvaan hai। baap kehte hain manushya srishti ka chaitanya beejroop hoon। beej hone ke kaaran srishti ke aadi-madhya-ant ko jaanta hoon। tum to beej nahin ho, main beej hoon isliye mujhe gyaan saagar kehte hain। manushya srishti ka chaitanya beej hai unko zaroor maaloom hoga ki yeh srishti chakra kaise phirta hai। rishi-muni koi rachta aur rachna ke aadi-madhya-ant ko nahin jaante। bachche agar jaante to unke paas jaane mein deri nahin lagti। parantu baap ke paas jaane ka raasta koi bhi nahin jaante। paavan duniya mein patit ja hi kaise sakte isliye baap kehte hain kaam mahaashatru par jeet pahno। yahi tumko aadi-madhya-ant duhkh dete hain। tum bachchon ko kitna achhi reeti samjhaate hain। koi takleeph nahin। sirf baap aur varse ko yaad karna hai। baap ki yaad arthaat yog se paap bhasma honge। second mein baap se hi baadshaahi milti hai। bachche bhal svarga mein to aayenge parantu svarga mein bhi oonch pad paana uska purushaartha karna hai। svarga mein to jaana hi hai। thoda bhi sunne se samajh jaayenge baap aaya hai। abhi bhi kehte hain yeh vahi mahaabhaarat ladaai hai। zaroor baap bhi hoga jo bachchon ko raajayog sikhlaate hain। tum sabko jagaate rehte ho। jo bahuton ko jagaayenge woh oonch pad paayenge। purushaartha karna hai। sab ek jaise purushaarthi ho na sake। school bada bhaari hai। yeh hai world ki university। saari world ko sukhdhaam aur shantidham banaana hai। aisa teacher kabhi hota hai kya? universe saari duniya ko kaha jaata hai। baap hi saari universe ke manushya maatra ko satopradhaan banaate hain arthaat svarga banaate hain।

bhakti maarga mein jo bhi tyohaar manaate hain woh sabhi ab sangamayug ke hain। satayug-treta mein koi tyohaar hota nahin hai। vahaan to praalabdha bhogte hain। tyohaar sab yahaan manaate hain। holi aur dhuriya yeh gyaan ki baaten hain। past jo hua uske sab tyohaar manaate aaye hain। hain sab is samay ke। holi bhi is samay ki hai। is 100 varsha ke andar sab kaam ho jaata hai। srishti bhi nai ban jaati hai। tum jaante ho hamne anek baar sukh ka varsa liya hai phir ganvaaya hai। khushi hoti hai ham phir se baap se varsa le rahe hain। auron ko bhi raasta bataana hai। drama anusaar svarga ki sthaapna honi hai zaroor। jaise din ke baad raat, raat ke baad din hota hai vaise kaliyug ke baad zaroor satayug hona hai। meethe-meethe bachchon ki buddhi mein khushi ka nagaada bajna chaahiye। ab samay poora hota hai, ham jaate hain shantidham। yeh antim janma hai। karmabhog ki bhogna bhi khushi mein halki ho jaati hai। kuchh bhogna se, kuchh yogbal se hisaab-kitaab chuktu hona hai। baap bachchon ko dhairya dete hain, tumhaare sada sukh ke din aa rahe hain। dhandha aadi bhi karna hai। shareer nirvaah arth paise to chaahiye na। baba ne samjhaaya hai dhandhe vaale log dharmaau nikaalte hain। samajhte hain jaasti dhan ikattha hoga to bahut daan karenge। yahaan bhi baap samjhaate hain koi do paisa bhi dete hain to unko return mein 21 janmon ke liye bahut mil jaata hai। aage jo tum daan-punya karte the uska return doosre janma mein milta tha। ab to 21 janmon ke liye evja milta hai। aage saadhu-santa aadi ko dete the। ab to tum jaante ho yeh sab khatma ho jaana hai। ab main sammukh aaya hoon to is kaarya mein lagaao। to tumko 21 janmon ke liye varsa mil jaayega। aage tum indirect dete the, yeh hai direct। baaki to tumhaara sab khatma ho jaayega। baba kehte rehte hain - paise hain to centre kholte jaao। akshar likh do - sachchi geeta paathshaala। bhagvaanuvaach maamekam yaad karo aur varse ko yaad karo। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan mahima yogya banne ke liye follow father karna hai।

2) yeh antim janma hai, ab ghar jaana hai isliye khushi mein andar hi andar nagaade bajte rahen। karmabhog ko karmayog se arthaat baap ki yaad se khushi-khushi chuktu karna hai।

vardaan:- baalak so maalikpan ki smriti se sarva khajaanon ke adhikaari, praapti sampanna bhav

ham baap ke sarva khajaanon ke baalak so maalik hain, natural yogi, natural svaraajya adhikaari hain। is smriti se sarva praapti sampanna bano। yahi geet sada gaate raho ki “paana tha so pa liya।'' khoya-paaya, khoya-paaya yeh khel nahin karo। pa raha hoon, pa raha hoon - yeh adhikaari ke bol nahin। jo sampanna baap ke baalak, saagar ke bachche hain woh naukar ke samaan mehnat kar nahin sakte।

slogan:- yogbal dvaara karmabhog par vijay praapta karna - yahi shreshtha purushaartha hai।

ye avyakt ishaare- “nishchay ke foundation ko majboot kar sada nirbhay aur nishchint raho"

sabse pahle svayan mein poora faith (vishvaas) chaahiye phir baap-daada aur sarva parivaar ki aatmaon mein faithful hona padta hai। jitna faithful bankar, nishchaybuddhi hokar koi kartavya karenge to faithful hone se successful ho hi jaayenge। faithful hone se har kartavya, har sankalp, har bol powerful hoga।