शुक्रवार 20 मार्च 2026 की दैनिक मुरली

20-03-2026 praatahmurli om shanti "baapdaada"' madhuban

“meethe bachche - punya aatma banna hai to ek baap ko yaad karo, yaad se hi khaad niklegi, aatma paavan banegi''

prashn:- kaun si smriti rahe to kabhi bhi kisi baat mein moonjh nahin sakte?

uttar:- drama ki। bani banaai ban rahi, ab kuchh banni naahi… yeh anaadi drama chalta hi rehta hai। ismen kisi baat mein moonjhane ki darkaar nahin। kai bachche kehte hain pata nahin yeh hamaara antim 84 vaan janma hai ya nahin, moonjh jaate hain। baba kehte moonjho nahin, manushya se devta banne ka purushaartha karo।

om shanti। bachchon ko om shanti ke arth ka to pata hai ki main aatma hoon aur mujh aatma ka svadharma hai shanti। main aatma shant swaroop, shantidham ki rahne vaali hoon। yeh lesson pakka karte jaao। yeh kaun samjhaate hain? shivbaaba। yaad bhi karna hai shivbaaba ko। unko apna rath nahin hai isliye unko bail de dete hain। mandir mein bhi bail rakh diya hai। isko kaha jaata hai poora agyaan। baap samjhaate hain bachchon ko athva roohon ko। yeh hai roohon ka baap shiv, inke naam to bahut hain। parantu bahut naam se moonjh pade hain। vaastav mein inka naam hai shiv। shiv jayanti bhi bhaarat mein manaai jaati hai। woh niraakaar baba hai, aakar patiton ko paavan banaate hain। koi ne bhaageerath, koi ne nandeegan kah diya hai। baap hi bataate hain ki main kaun se bhaagyashaali rath mein aata hoon। main brahma ke tan mein pravesh karta hoon। brahma dvaara bhaarat ko svarga banaata hoon। tum sab bhaaratvaasi jaante ho na ki lakshmi-naaraayan ka raajya tha। tum sab bhaaratvaasi bachche aadi sanaatan devi-devta dharma vaale the। svargavaasi the। 5 hajaar varsha pahle jab main aaya tha to sabhi ko satopradhaan svarga ka maalik banaaya tha। phir punarjanma zaroor lena pade। baap kitna seedha bataate hain। ab jayanti manaate ho, (is 2026 mein likhenge 90 veen shivjayanti), baba ki padhraamni hue abhi 90 varsha hue। phir saath-saath brahma vishnu shankar ki bhi padhraamni hai। trimoorti brahma ki jayanti koi dikhaate nahin hain, dikhaana zaroori hai kyonki baba kehta hai main brahma dvaara sthaapna phir se karta hoon। brahman banaata jaata hoon। to brahma aur brahman vanshiyon ka bhi janma hua। phir dikhaata hoon ki tum so vishnupuri ke maalik banenge। baap ki yaad se hi tumhaari khaad niklegi। bhal bhaarat ka praacheen yog mashhoor hai parantu woh kisne sikhaaya tha, yeh koi nahin jaante। khud kehte hain he bachche tum apne baap ko yaad karo। varsa tumko mere se milta hai। main tumhaara baap hoon। main kalpa-kalpa aata hoon, aakar tumko manushya se devta banaata hoon kyonki tum devi-devta the phir 84 janma lete-lete aakar patit bane ho। raavan ki mat par chal rahe ho। eeshvareey mat se tum svarga ke maalik bante ho।

baap kehte hain main kalpa pahle bhi aaya tha। jo kuchh paas hota hai, woh kalpa-kalpa hota hi rahega। baap phir bhi aakar inmen pravesh karenge, is daada ko chhudaayenge। phir in sabki paravrish karaayenge। tum jaante ho ki ham hi satayug mein the। ham bhaaratvaasiyon ko hi 84 janma lena pade। pahle-pahle tum sarvagun sampanna 16 kala sampoorn the। yatha raaja raani tatha praja nambarvaar। sab to raaja nahin ban sakte। to baap samjhaate hain satayug mein tumhaare 8 janma, treta mein 12 janma... aise hi apne ko samjho ki hamne yeh part bajaaya hai। pahle sooryavanshi raajdhaani mein part bajaaya phir chandravanshi mein phir neeche utarte vaam maarga mein aaye। phir hamne 63 janma liye। bhaaratvaasiyon ne hi poore 84 janma liye hain aur koi dharma vaale itne janma nahin lete hain। guroonaanak ko 500 varsha hue, kareeb unke 12-14 janma honge। yeh hisaab nikaala jaata hai। Christian ne 2 hajaar varsha mein 60 punarjanma liye honge, vriddhi hoti jaati hai। punarjanma lete jaate hain। buddhi mein yeh vichaar karo to hamne hi 84 janma bhoge hain, phir satopradhaan banna hai। jo kuchh paas hua drama। jo drama bana hua hai woh phir repeat hoga। behad ki history mein tumko le jaate hain। tum punarjanma lete aaye ho। ab tumne 84 janma poore kiye hain। ab phir baap ne yaad dilaai ki tumhaara ghar hai shantidham। aatma ka roop kya hai? bindi। vahaan jaise bindiyon ka jhaad hai। aatmaon ka bhi nambarvaar jhaad hai। nambarvaar neeche aana hota hai। paramatma bhi bindi hai। aise nahin ki itna bada ling hai। baap kehte hain ki tum hamaare bachche bante ho to main tumko svarga ka maalik banaata hoon, pahle tum hamaare bane phir main tumko padhaata hoon। kehte ho baba ham tumhaare hain। saath-saath padhna bhi hai। hamaare bane aur tumhaari padhaai shuru ho gai।

baba kehte ki yeh tumhaara antim janma hai, kamal phool samaan pavitra bano। bachche vaayda karte hain baba ham aapse varsa lene liye kabhi patit nahin banenge। 63 janma to patit bane hain। yeh 84 janmon ki kahaani hai। baba aakar sahaj kar bataate hain। jaise laukik baap bataate hain na। to yeh hai behad ka baap। woh aakar roohon se bachche-bachche kah baat karte hain। shivraatri bhi manaate hain na। yeh hai aadhaakalpa ka din aur aadhaakalpa ki raat। abhi hai raat ka ant aur din ke aadi ka sangam। bhaarat satayug tha to din tha। satayug treta ko brahma ka din kaha jaata hai। tum brahman ho na। tum brahman jaante ho ki hamaari ab raatri hai। tamopradhaan bhakti hai। dar dar dhakke khaate rehte hain, sabki pooja karte rehte hain। tivaate ki bhi pooja karte hain। manushya ke shareer ki bhi pooja karte hain। sannyaasi log apne ko shivoham kah baith jaate hain phir maataayen jaakar unki pooja karti hain। baba bahut anubhvi hai। baba kehte hamne bhi bahut pooja ki hai। parantu us samay gyaan to tha nahin। phal chadhaate the, loti chadhaate the manushya par। yeh bhi thagi hui na। parantu yeh sab phir bhi hoga। bhakton ka rakshak hai bhagwan kyonki sabhi duhkhi hain na। baap samjhaate hain ki dvaapar se lekar tum guru karte aaye ho aur bhakti maarga mein utarte aaye ho। abhi tak bhi saadhu log to saadhna karte hain। baap kehte hain ki unhon ka bhi main uddhaar karta hoon। sangam par tumhaari sadgati ho jaati hai phir tum 84 janma lete ho। baap ko kaha jaata hai gyaan ka saagar, manushya srishti ka beejroop। sat chit aananda swaroop hai। vo kab vinaash nahin hota, unmein gyaan hai। gyaan ka saagar, pyaar ka saagar hai, zaroor unse varsa milna chaahiye। abhi tum bachchon ko varsa mil raha hai। shivbaaba hai na। woh bhi baba hai, yeh bhi tumhaara baap hai phir shivbaaba brahma dvaara tumko padhaate hain isliye prajaapita brahmaakumaar kumaariyaan kaha jaata hai। kitne dher bi.ke. hain। kehte hain ki hamko daade se varsa milta hai। bachche kehte hain baba hamko narkavaasi se svargavaasi banaate hain। kehte hain he bachche - maamekam yaad karo to tumhaare sir par jo paapon ka bojha hai woh bhasma ho jaayega। phir tum satopradhaan ban jaayenge। tum sachcha sona, sachche jevar the। aatma aur shareer donon satopradhaan the। aatma phir sato rajo tamo hoti hai to shareer bhi aisa tamoguni milta hai। baap tumko raay dete hain ki bachche mujhe yaad karo। mujhe bulaate ho na ki he patit-paavan aao। bhaarat ka praacheen raajayog mashhoor hai। woh ab tumko sikhla raha hoon ki mere saath yog rakho to isse tumhaari khaad jal jaayegi। jitna yaad karenge utni khaad nikalti jaayegi। yaad ki hi mukhya baat hai। knowledge to baap ne di hai - satayug mein yatha raaja raani tatha praja sab pavitra the, abhi sab patit hain। baap kehte hain ki inke bahut janmon ke ant ke janma mein main pravesh karta hoon। isko kaha jaata hai bhaagyashaali rath। yeh padhkar phir pahle number mein jaate hain। nambarvaar to bante hain na। mukhya ek naam hota hai। baap ne bachchon ko 84 janmon ka raaz achhi reeti samjhaaya hai। tum aadi sanaatan devi devta dharma ke ho, na ki hindu dharma ke। tum karma shreshtha, dharma shreshtha the। phir raavan ke pravesh hone se dharma-karma bhrashta ho gaye ho। apne ko devi-devta kahlaane mein lajja aati hai isliye hindu naam rakh diya hai। vaastav mein aadi sanaatan devi-devta dharma ke the। tumne 84 janma liye hain phir patit ban gaye ho। 84 ka chakra bhaaratvaasiyon ke liye hai। vaapis jaana to sabko hai। pahle tum jaayenge। jaise baaraat jaati hai na। shivbaaba ko saajan bhi kehte hain। tum sajniyaan is samay chhi-chhi tamopradhaan ho, unko gul-gul banaakar le jaayenge। aatmaon ko paavan banaakar le jaayenge। isko liberator, guide kaha gaya hai। behad ka baap le jaata hai। unka naam kya hai? shivbaaba। naam shareer par padta hai parantu paramatma ka shiv hi naam hai। brahma, vishnu, shankar ka to sookshm shareer hai। shivbaaba ka to koi shareer hai nahin। unko shivbaaba hi kehte hain। bachche kehte hain, he maat-pita ham aapke baalak bane hain। doosre to pukaarte rehte hain kyonki unhon ko pata nahin hai। agar sabko pata pad jaae to maaloom nahin kya ho jaae। daivi jhaad ka abhi sapling lagta hai। heere se kaudi banne mein 84 janma lagte hain। phir naye sire se shuru hoga। world ki history-geography repeat hogi। baap samjhaate hain ki tumne poore 84 janma liye hain। 84 laakh to ho na sake। yeh badi bhool hai। 84 laakh janma samajhne kaaran kalpa ki aayu laakhon varsha kah di hai। bhaarat abhi jhoothkhanda hai, sachkhanda mein tum sada sukhi the। is samay tum 21 janma ka varsa lete ho। saara tumhaare purushaartha par hai। raajdhaani mein jo chaaho woh pad lo, ismen jaadu aadi ki koi baat nahin hai। haan manushya se devta zaroor bante hain। yeh to achha jaadu hai na। tum second mein jaan lete ho ki ham baba ke bachche bane hain। kalpa-kalpa baba hamko svarga ka maalik banaate hain। aadhaakalpa bhatakte aaye ho, svargavaasi to koi bhi hua nahin। baap aakar tum bachchon ko laayak banaate hain। barobar yahaan mahaabhaarat ladaai lagi thi aur raajayog sikhaaya tha। shivbaaba kehte hain ki main hi aakar tumko sikhaata hoon, na ki Christ। abhi tumhaara bahut janmon ke ant ka janma hai, moonjho nahin। tum bhaaratvaasi ho। tumhaara dharma bahut sukh dene vaala hai aur dharma vaale to vaikuntha mein aa nahin sakte। yeh bhi drama anaadi chalta rehta hai। kab bana, yeh kah nahin sakte। iski no and। world ki history-geography repeat hoti hai। yeh hai sangamayug, chhota yug। choti hai braahmanon ki। baap tum braahmanon ko devta bana rahe hain। to brahma ke bachche zaroor banna pade। tumko varsa milta hai daade se। jab tak apne ko bi.ke. nahin samjhen tab tak varsa kaise mile। phir bhi koi kuchh na kuchh gyaan sunte hain to saadhaaran praja mein aa jaayenge। aana to zaroor hai। shivbaaba brahma dvaara brahman, devta, kshatriy dharma ki sthaapna karte hain। sivaae geeta ke doosra koi bhi shaastra hai nahin। geeta hai hi sarvottam daivi dharma ka shaastra jisse 3 dharma sthaapan hote hain। brahman bhi yahaan banna hai। devta bhi yahaan hi banenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) har ek ke nishchit part ko jaan sada nishchint rehna hai। bani banaai ban rahi... drama par adol rehna hai।

2) is chhote se sangamayug par baap se poora varsa lena hai। yaad ke bal se khaad nikaal svayan ko kaudi se heere jaisa banaana hai। meethe jhaad ke sapling mein chalne ke liye laayak banna hai।

vardaan:- ek baap ki yaad mein sada magan rah ekras avastha banaane vaale saakshi drishta bhav

abhi aise paper aane hain jo sankalp, svapna mein bhi nahin honge। parantu aapki practice aisi honi chaahiye jaise had ka drama saakshi hokar dekha jaata hai phir chaahe dardanaak ho ya hansi ka ho, antar nahin hota। aise chaahe koi ka ramneek part ho, chaahe snehi aatma ka gambheer part ho.....har part saakshi drishta hokar dekho, ekras avastha ho। parantu aisi avastha tab rahegi jab sada ek baap ki yaad mein magan honge।

slogan:- dridh nishchay se apne bhaagya ko nishchit kar do to sada nishchint rahenge।

ye avyakt ishaare- “nishchay ke foundation ko majboot kar sada nirbhay aur nishchint raho"

karma karne ke pahle yeh nishchay rakho ki vijay to hamaari hui padi hai। anek kalpa vijayi bane hain। jab anek kalpa, anek baar vijayi ban vijay maala mein pirone vaale, poojan hone vaale bane hain to ab vahi repeat karna hai। bana hua karma dubaara repeat karna hai isliye kaha jaata hai ki bana banaaya....। bana hua hai lekin ab phir se repeat kar ‘bana banaaya' jo kahaavat hai usko poora karna hai।