सोमवार 30 मार्च 2026 की दैनिक मुरली

30-03-2026 praatahmurli om shanti "baapdaada"' madhuban

“meethe bachche - shivbaaba ke is rache hue roodra yagya ki tumhein bahut-bahut sambhaal karni hai, yeh hai behad ka yagya svaraajya paane ke liye''

prashn:- is roodra yagya ka respect kin bachchon ko rehta hai?

uttar:- jo iski visheshtaaon ko jaante hain। tumhein pata hai ki is roodra yagya se ham kaudi se heere jaisa bante hain, ismen saari puraani duniya svaaha hoti hai, is puraane shareer ko bhi svaaha karna hai। koi bhi aisa bekaayde karma na ho, jisse yagya mein vighna pade। jab aisa dhyaan rahe tabhi respect rakh sakte hain।

geet:- maata O maata…

om shanti। bachchon ne geet suna। jinhonne banaaya hai woh to bichaare maata ko jaante hi nahin hain। naam suna hai jagat amba। parantu woh kaun thi, kya karke gai, yeh kisko bhi pata nahin hai, sivaae tum bachchon ke। jagat amba hai to zaroor baap bhi hai। bachchiyaan bhi hain aur bachche bhi hain। jo jagat amba ke paas jaate hain, unki buddhi mein yeh samajh nahin hai, sirf but (moorti) pujaari hain। devi ke aage jaakar bheekh maangate hain। ab yeh raajasva ashvamedh avinaashi roodra gyaan yagya hai। iska creator hai maat pita, tatatvam। tum bhi yagya ke creator ho। tum sab bachchon ko is yagya ki badi sambhaal karni hai। yagya ke liye bahut respect rehna chaahiye। yagya ki poori sambhaal ki jaati hai। yeh hai head office, aur bhi branches hain। mama baba aur tum bachche apna bhavishya heere jaisa bana rahe ho - is yagya ke dvaara। to aise yagya ki kitni sambhaal aur ijjat rakhni chaahiye। kitna lav hona chaahiye। yeh hamaari mama, jagat amba ka yagya hai। mama baba ka yagya so hamaara yagya। yagya ki vriddhi karni hoti hai ki yagya mein aakar bahut bachche apne baap se varsa leven। bhal khud nahin le sakte, khud ko phursat nahin hai to achha auron ko nimantran dena chaahiye। iska naam hi hai raajasva ashvamedh gyaan yagya, jisse svaraajya milta hai। is yagya mein puraane shareer ko bhi svaaha karna hota hai। baap ka ban jaana hai। yagya koi makaan nahin hai, yeh hai behad ki baat। jis yagya mein saari vishwa svaaha honi hai। aage chal tum dekhna is yagya ka kitna regard rakhte hain। yahaan bahuton ko regard nahin hai। itne sab yagya ke bachche hain। bachche paida hote rehte hain to is yagya ki kitni ijjat rakhni chaahiye। parantu bahut hain jinko kadar hi nahin hai। yeh itna bada yagya hai jisse manushya kaudi se heere jaisa, bhrashtaachaari se shreshthaachaari bante hain isliye baba kehte hain bhal yagya rachte raho, ek bhi shreshthaachaari bana to aho saubhaagya। itne laakhon mandir aadi hain, vahaan koi shreshthaachaari nahin bante। yahaan to sirf 3 pair prithvi ke chaahiye। koi aaye to ekdam jeevan sudhar jaaye। kitni ijjat honi chaahiye yagya ki। baba ko bahut likhte hain baba ham apne ghar mein kholen। achha bachche, bhal yagya bhoomi banaao। koi na koi ka kalyaan hoga। is yagya ki bahut bhaari mahima hai। yagya ki bhoomi hai jahaan bachchiyaan auron ka kalyaan karti rehti hain। aise yagya ka bahut maan chaahiye। parantu gyaan poora na hone ke kaaran itna regard nahin hai। yagya mein vighna daalne vaale bahut hain। yeh shivbaaba ka yagya hai। to maat-pita ikatthe hain। in mama baba se to kuchh bhi nahin milta। behad ke baap se hi sab kuchh milta hai। woh ek hai। mama baba kaha jaata hai shareerdhaari ko। niraakaar ko to shareer hai nahin। to baap kehte hain ki saakaar ka bhi mureed mat bano। maamekam yaad karo। yeh baba bhi mujhe yaad karte hain। chitron mein dikhaate hain raam, krishna, brahma aadi sab unko yaad karte hain। aise hai nahin। vahaan to koi yaad karte nahin hain। unko praalabdha mil gai। unko yaad karne ki kya darkaar hai। ham patit bane hain, hamko hi paavan banne ke liye yaad karna hai। mahima ek ki hi hai। unke sadke inka maan hai। tumko koi bhi dehdhaari ko yaad nahin karna hai। dehdhaari se unka parichay milta hai lekin yaad unko karna hai। baba bhi dehdhaari hai, sab parichay dete hain। parantu bahut aise bhi besmajh bachche hain jo kehte hain ham to direct shivbaaba ki prerna se gyaan le sakte hain। agar aisa hota to phir is rath mein unko aane ki kya darkaar padi hai। aise bhi hain jo samajhte hain is saakaar se hamaara kya kaam। baap kehte hain manamnaabhav। unko yaad karo parantu through to inke kehte hain na। phir nambarvaar regard rakhna hota hai। regard vahi rakhenge jo nambarvaar gaddi par baithne vaale honge। mama baba pahle baithenge raajgaddi par। phir unko follow karna hai। bahut praja banaani pade। pad bhi bahut oonch hai। darne ki koi baat nahin hai। aeroplane mein koi naye chadhte hain to jaise ki darte hain। koi to dekho chandrama ke oopar jaate rehte hain। practice ki baat hai na। parantu unse phaayda kuchh bhi nahin hona hai, yeh tum jaante ho। woh samajhte hain ki moon ke oopar bhi raajdhaani banaayenge। parantu yeh kuchh bhi hona nahin hai। down fall hai na। down fall aur rise ko bhi bachche samajhte hain। chitra bhi hai, yeh lakshmi-naaraayan raajya karte the।

aaj to dekho bhaarat kitna gareeb hai। yeh to real baat hai। inhonne to khud hi likha hai to yahaan seedhi mein dikhaana chaahiye। vahaan heeron ke mahal chamakte hain, yahaan phir kaudiyaan dikhaani chaahiye। aage kaudiyaan chalti thi। guroodvaaron mein kaudiyaan rakhte the। ab to koi paisa bhi nahin rakhte honge। seedhi to bahut achhi hai, ismen bahut kuchh likh sakte ho। mama baba ke saath bachchon ka bhi chitra ho aur oopar mein aatmaon ka jhaad bhi। naye-naye chitra ready hote jaayenge। samjhaane mein bhi sahaj hoga। down fall kaise hota hai phir rise kaise hota hai। ham niraakaari duniya mein jaakar phir saakaari duniya mein aate hain, samjhaane mein bada sahaj hai। samajhte nahin hain to samjha jaata hai takdeer mein nahin hai। drama ko saakshi ho dekha jaata hai। bachchon ko yagya ki bahut respect honi chaahiye। yagya ka ek paisa bhi bigar poochhe uthaana va maat-pita ki chhutti bigar kisko dena, yeh mahaan paap hai। tum to bachche ho, koi samay bhi koi bhi cheez mil sakti hai। jaasti lekar kyon rakhna chaahiye। sochte hain pata nahin na mile, to andar rakhne se woh phir dil khaati hai kyonki bekaayde kaam hai na। cheez to tumhein kabhi bhi mil sakti hai। baap ne kaha hai antakaal achaanak koi bhi mar to sakte hain। to ant samay jo paap kiye honge woh kichadpatti sab saamne aayegi isliye baba hamesha samjhaate hain andar mein koi duvidha nahin rahni chaahiye। dil saaph hogi to ant ghadi kuchh bhi saamne nahin aayega। yagya se to sab kuchh milta rehta hai। dher bachche hain jinke paas paise dher hain। unko kehte hain jab darkaar hogi tab manga lenge। kehte hain baba kabhi bhi jaroorat ho to ham baithe hain। bhal pavitra nahin rehte। khaan-paan ki bhi parhej nahin rakhte। parantu yeh pran karte hain - baba hamaare paas bahut paise pade hain, aise hi gum ho jaayenge। beech mein koi kha jaayega isliye jab chaahiye manga lena। baba kehte hain ham bhi kya karenge। makaan banaana hota hai to aapehi aa jaata hai। to dher bachche baithe hain apne ghar mein। to aise bachche bhi oonch pad pa lete hain। praja mein bhi koi kam pad nahin hai। raajaaon se bhi kai saahookaar bahut dhanvaan hote hain isliye andar koi aisa khyaal nahin karna chaahiye। tumhaara anjaam hai baba aap jo khilaayenge... phir bhi us par nahin chalte hain to durgati ho jaati hai। baap aaye hain sadgati dene। agar oonch pad nahin paayenge to durgati kahenge na। vahaan bhi bahut saahookaar, koi kam pad, koi oonch pad vaale to hain na। bachchon ko shreemat par purushaartha karna hai। apni mat par chalne se apne ko dhokha dete hain। yeh shivbaaba ka racha hua gyaan yagya hai। iska naam hi hai raajasva ashvamedh avinaashi roodra gyaan yagya। shivbaaba aakar svaraajya dete hain। kiski takdeer mein nahin hai, naam baala nahin hona hai to mukh se achhi-achhi points nahin nikalti hain। kisko samjhaate nahin hain to kahenge - naam nikalne mein abhi deri hai, jis kaaran samjhaate samay mukhya-mukhya points bhool jaati hain। yeh bhi samjhaana chaahiye - yeh raajasva ashvamedh avinaashi roodra gyaan yagya hai, svaraajya paane ke liye। board par bhi likh sakte ho। is yagya mein puraani duniya sab svaaha ho jaati hai, jiske liye yeh mahaabhaarat ladaai khadi hui hai। vinaash ke pahle yeh svaraajya pad lena ho to aakar lo। board par to bahut kuchh likh sakte ho। em object bhi aa jaae। neeche likhna chaahiye - svaraajya pad milta hai। jitna ho sake clear likhat honi chaahiye jo koi bhi padhne se samajh jaae। baba direction dete hain aise-aise board banaao। yeh akshar zaroor likho। aage chal is yagya ka prabhaav bahut niklega। toofaan to bahut aayenge। kehte hain sach ki naanv hile dule lekin doobe nahin। ksheersaagar taraph jaana hai to vishay saagar taraph dil nahin rahni chaahiye। jo gyaan nahin lete unke pichhaadi padkar apna time vesta nahin karna chaahiye। samjhaani to bahut-bahut sahaj hai।

tum hi poojya devi-devta the, ab pujaari bane ho। phir baap kehte hain maamekam yaad karo to khaad nikal jaayegi। tumhaare paap bhasma ho jaayenge aur koi upaay nahin hai। yahi sachcha-sachcha upaay hai। parantu yog mein rehte nahin hain। deh-abhimaan bahut hai। deh-abhimaan jab mite tab yog mein rah sakte, phir karmaateet avastha ho। pichhaadi mein koi bhi cheez yaad nahin aani chaahiye। koi-koi bachchon ka koi cheez mein itna moh pad jaata hai jo baat mat poochho। shivbaaba ko kabhi yaad nahin karte hain। aise baap ko purposely (khaas) yaad karna hai। kaha jaata hai hath kaar de dil yaar de... aise bahut mushkil kisko yaad rehta hai। chalan se hi pata pad jaata hai। yagya ka regard nahin rehta। is yagya ki badi sambhaal rakhni chaahiye। sambhaal ki goya baba ko khush kiya। har baat mein sambhaal chaahiye। gareebon ki paai-paai is yagya mein aati hai jisse woh padmapti bante hain। maataayen jinke paas kuchh bhi nahin, ek do roopaya, aath aana yagya mein deti hain woh padmapti ban jaati hain kyonki badi bhaavna se khushi se laati hain। baap kehte hain main hoon hi gareeb nivaaz। tum bachchon ke liye hi aaya hoon। koi 8 aana le aate hain। baba makaan mein ek eet laga do। kabhi do mutthi anaaj bhi le aate hain। unka to bahut ho jaata hai। kana-kana muhar baraabar ho jaata hai। aise thode hi ki tumko gareebon ko baith daan dena hai। gareebon ko to woh log daan dete hain। aise to duniya mein dher gareeb hain। sab aakar yahaan baith jaaen to maatha hi kharaab kar deven। aise to bahut kehte hain ham yagya mein samarpan hon। parantu sambhaal kar lena hota hai। aisa na ho yagya mein aakar udham machaave। yagya mein to bahut punya aatma banna chaahiye। badi sambhaal karni chaahiye। regard rehna chaahiye yagya ke liye। jis eeshvareey yagya se ham apna shareer nirvaah karte hain। yagya ka paisa kisko dena bada paap hai। yeh paise hain hi unke liye jo kaudi se heere jaisa bante hain, eeshvareey service mein hain, baaki gareebon aadi ko dena yeh daan punya to janma-janmaantar karte aaye ho। utarte-utarte paap aatma hi bante gaye।

tum bachche sabko baap ka parichay dene ke liye chhote-chhote gaanv mein bhi pradarshani karte raho। ek gareeb bhi nikal aaye to woh bhi achha hai, ismen koi kharcha to hai nahin। lakshmi-naaraayan ne yeh raajaai paai, kya kharcha kiya। kuchh bhi nahin। vishwa ki baadshaahi paane ke liye kharcha to kuchh bhi nahin kiya। woh log aapas mein kitna ladte hain। baarood aadi par kitna kharcha karte hain। yahaan to kharche ki koi baat hi nahin। bigar kaudi kharcha, second mein vishwa ki baadshaahi lo। alpha ko yaad karo। be baadshaahi hai hi। baap kehte hain jitna ho sake sachchi dil se sachche saaheb ko raazi karo, to sachkhanda ke maalik banenge। jhooth yahaan nahin chalegi। yaad karna hai। aise nahin ki ham to bachche hain hi। yaad karne mein badi mehnat hai। koi vikarma kiya to bade ghotaale mein aa jaayenge। buddhi thahregi nahin। baba to anubhvi hai na। baba bataate rehte hain। kai bachche apne ko miya mitthu samajhte hain parantu baba kehte hain bahut mehnat hai। maaya bahut vighna daalti hai। achha!

meethe-meethe sikeeldhe bachchon prati maat pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apne is roodra yagya ka bahut-bahut respect rakhna hai। yagya ka vaataavran bahut shuddh powerful banaane mein sahayogi banna hai। iski pyaar se sambhaal karni hai।

2) apne paas kuchh bhi chhipaakar nahin rakhna hai। dil saaph to muraad haansil। is yagya ki kaudi-kaudi amoolya hai isliye ek kaudi bhi vyartha nahin ganvaani hai। iski vriddhi mein sahayog dena hai।

vardaan:- teenon kaalon ko saamne rakh har kaarya mein saphal hone vaale sada vijayi bhav

laukik reeti mein bhi jo samajhdaar hote hain woh aage peechhe soch-samajhkar phir kadam uthaate hain। aise yahaan bhi aap bachche jab koi kaarya karte ho to pahle teenon kaalon ko saamne rakhkar phir karo, sirf vartamaan ko nahin dekho, behad ki samajh dhaaran karo aur vijayeepan ke nishchay ke aadhaar par va trikaaldarshi pan ke aadhaar par har karma karo va har bol bolo tab kahenge alaukik va asaadhaaran।

slogan:- had ke kinaaron ko chhod ek baap ko sahaara bana lo to paar ho jaayenge।

ye avyakt ishaare- “nishchay ke foundation ko majboot kar sada nirbhay aur nishchint raho"

kai bachche samajhte hain main svayan ko jaanta hoon ki main theek hoon, doosre nahin jaante va doosre nahin pahchaante, aakhir pahchaan hi lenge va aage chalkar dekhna kya hota hai! yeh bhi gyaan swaroop, yaad swaroop aatma ke liye svayan ko dhokha dene vaali albelepan ki meethi nidra hai। jin bachchon ke nishchay ka foundation majboot hai woh kabhi chhip nahin sakte। ve sada nirbhay aur nishchint rehte hain।