गुरुवार 23 अप्रैल 2026 की दैनिक मुरली

23-04-2026 praatahmurli om shanti "baapdaada"' madhuban

“meethe bachche - bholaanaath most beloved baap tumhaare sammukh baithe hain, tum pyaar se yaad karo to lagan badhti jaayegi, vighna khatma ho jaayenge''

prashn:- brahman bachchon ko kaun si baat sada yaad rahe to kabhi bhi vikarma na ho?

uttar:- jo karma ham karenge, humein dekh aur bhi karenge - yeh yaad rahe to vikarma nahin hoga। agar koi chhipaakar bhi paap karma karte to dharmaraaj se chhip nahin sakta, phauran uski saja milegi। aage chal aur bhi martial law ho jaayega। is indra sabha mein koi patit chhip kar baith nahin sakta।

geet:- bholenaath se niraala…

om shanti। meethe-meethe roohaani bachche jaante hain ki ab roohaani baap hamko yeh srishti ke aadi-madhya-ant ka gyaan suna rahe hain। unka naam hi hai bholaanaath। baap bahut bhole hote hain, kitni takleeph sahan karke bhi bachchon ko padhaate hain। sambhaalte hain। phir jab bade hote hain to sab kuchh unko de khud vaanaprastha avastha le lete hain। samajhte hain ki hamne farja-adaai poori ki, ab bachche jaanen। to baap bhole thahre na। yeh bhi abhi tumko baap samjhaate hain kyonki khud bholaanaath hai। to had ke baap ke liye bhi samjhaate hain ki woh kitne bhole hain। woh hue had ke bhole। yeh phir hai behad ka bholaanaath baap। paramdham se aate hain, puraani duniya, puraane shareer mein isliye manushya samajhte hain ki puraane patit shareer mein kaise aana hoga। na samajhne ke kaaran paavan shareer vaale shreekrishna ka naam daal diya hai। yahi geeta, ved, shaastra aadi phir bhi banenge। dekho, shivbaaba kitna bhola hai। aate hain to bhi bhaasna aisi dete hain - jaise ki baap yahaan hi baitha hai। yeh saakaar baba bhi bhola hai na। koi dupatta nahin, koi tilak aadi nahin। balki saadhaaran baba to baba hi hai। bachche jaante hain - kitni yeh saari knowledge shivbaaba hi dete hain aur koi ki taakat nahin jo de sake। din-pratidin bachchon ki lagan badhti jaati hai। jitna baap ko yaad karenge utna lav badhega। beloved most baap hai na। na sirf abhi parantu bhakti maarga mein bhi tum beloved most samajhte the। kehte the - baba jab aap aayenge to aur sabse lav chhod-kar ek baap ke saath lav rakhenge। tum abhi jaante bhi ho, parantu maaya itna lav karne nahin deti hai। maaya chaahti nahin ki yeh mujhe chhod baap ko yaad karen। woh chaahti hai ki deh-abhimaani ho mujhe lav karen। yahi maaya chaahti hai isliye kitna vighna daalti hai। tumko vighnon ko paar karna hai। bachchon ko kuchh to mehnat karni chaahiye na। purushaartha se hi tum apni praalabdha paate ho। bachche jaante hain, oonch pad paane ke liye kitna purushaartha karna hai। ek to vikaaron ka daan dena hai, doosra baap se jo avinaashi gyaan ratnon ka dhan milta hai, woh daan karna hai। jis avinaashi dhan se hi tum itne dhanvaan bante ho। knowledge hai source oph income। woh hai shaastron ki philosophy, yeh hai spiritual knowledge। shaastra aadi padhkar bhi bahut kamaate hain। ek kothri mein granth aadi rakh diya, thoda kuchh sunaaya bas income ho jaayegi। woh koi yathaartha gyaan nahin hai। yathaartha gyaan ek baap hi dete hain। jab tak kisko yeh roohaani knowledge nahin mili hai tab tak woh shaastron ki philosophy buddhi mein hai। tumhaari baat sunte nahin hain। tum ho bahut thode। yeh to 100 percent certain hai ki yeh roohaani knowledge bachchon ne roohaani baap se li hai। knowledge source oph income hai। bahut dhan milta hai। yog se source oph health arthaat nirogi kaaya milti hai। gyaan se wealth। yeh hain do mukhya subject। phir koi achhi tarah dhaaran karte hain, koi kam dhaaran karte hain। to wealth bhi kam nambarvaar milti hai। sajaayen aadi khaakar jaae pad paate hain। poora yaad nahin karte to vikarma vinaash nahin hote hain। phir sazaayen khaani paden। pad bhi bhrashta ho padta hai। jaise school mein hota hai। yeh hai behad ki knowledge, isse beda paar ho jaata hai। us knowledge mein bairistari, doktari, injeeniyri padhna padta hai। yeh to ek hi padhaai hai। yog aur gyaan se ever healthy, wealthy bante hain। prince ban jaate hain। vahaan svarga mein koi barrister, judge aadi nahin hote hain। vahaan dharmaraaj ki bhi darkaar nahin hoti hai। na garbha jel mein saja, na dharmaraajpuri ki saja milti hai। garbha mahal mein bahut sukhi rehte hain। yahaan to garbha jel mein sajaayen khaani padti hain। in sab baaton ko tum bachche hi ab samajhte ho। baaki shaastron mein, sanskrit mein shlok aadi manushyon ne banaaye hain। poochhte hain satayug mein bhaasha kaun-si hogi? baap samjhaate hain - jo devtaaon ki bhaasha hogi, vahi chalegi। vahaan ki jo bhaasha hogi woh kahin nahin ho sakti। aise ho nahin sakta ki vahaan sanskrit bhaasha ho। devtaaon aur patit manushyon ki ek bhaasha ho nahin sakti। vahaan ki jo bhaasha hogi vahi chalegi। yeh poochhne ka rehta nahin। pahle baap se varsa to le lo। jo kalpa pahle hua hoga vahi hoga। pahle varsa lo, doosri koi baat poochho hi nahin। achha, 84 janma nahin hain, 80 va 82 ho, in baaton ko tum chhod do। baap kehte hain, alpha ko yaad karo। svarga ki baadshaahi barobar milti hai na। anek baar tumne svarga ki baadshaahi li hai। chadhaai se utarna bhi to hai। abhi tum master gyaan saagar, master sukh ka saagar bante ho। tum purushaarthi ho। baba to complete hai। baap mein jo knowledge hai woh bachchon mein hai। parantu tumko saagar nahin kahenge। saagar to ek hota hai sirf anek naam rakh diye hain। baaki tum ho gyaan saagar se nikli hui nadiyaan। tum ho maanasrovar, nadiyaan। nadiyon par naam bhi hai। brahmaputra bahut badi nadi hai। kalkatte mein nadi aur saagar ka sangam hai। uska naam bhi hai, diamond harbour। tum brahma mukh vanshaavli, heere jaise bante ho। bada bhaari mela lagta hai। baba is brahma tan mein aakar bachchon se milte hain। yeh sab baaten samajhne ki hain। phir bhi baba kehte hain manamnaabhav। baba ko yaad karte raho। woh most beloved, sab sambandhon ki saccharin hai। woh sab sambandhi hain vikaari। unse duhkh milta hai। baba tumko sabka evja de dete hain। sab sambandhon ka lav dete hain, kitna sukh dete hain। aur koi itna sukh nahin de sakte। koi dete hain to alpakaal ke liye। jisko hi sannyaasi kaag-vishta ke samaan sukh kehte hain। duhkhadhaam mein to zaroor duhkh hi hoga। tum bachche jaante ho hamne yeh anek baar part bajaaya hai। parantu ham oonch pad kaise paayen, unka phikra rehna chaahiye। bahut purushaartha karna hai ki ham vahaan fail na ho jaayen। achhe number se paas honge to oonch pad paayenge aur unko khushi bhi hogi। sab ek samaan ho na sake, jitna yog hoga। bahut gopikaayen hain jo kabhi mili bhi nahin hain। baap se milne liye tadapti hain। saadhu-sannyaasiyon ke paas tadapne ki baat nahin rehti hai। yahaan to shivbaaba se milne ke liye aate hain। wonderful baat hai na। ghar mein baithkar yaad karte hain, shivbaaba ham aapke bachche hain। aatma ko smriti aati hai। tum bachche jaante ho ham shivbaaba se kalpa-kalpa varsa lete hain। vahi baap, kalpa ke baad aaya hua hai। to dekhne bigar rah na saken। aatma jaanti hai baba aaya hai। shiv jayanti bhi manaate hain, parantu jaante kuchh bhi nahin। shivbaaba aakar padhaate hain, yeh kuchh bhi nahin jaante। naam maatra shiv jayanti manaate hain। chhutti bhi nahin karte hain। varsa jisne diya, uska kuchh mahatva nahin। aur jisko varsa diya (shreekrishna ko) uska naam baala kar diya hai। khaas bhaarat ko aakar heaven banaaya hai। baaki sabko mukti dete hain। chaahte bhi sab hain। tum jaante ho mukti ke baad jeevan mukti milegi। baap aakar maaya ke bandhan se mukta karte hain। baap ko kaha jaata hai sarva ka sadgati daata। jeevanmukti to sabko milti hai। nambarvaar purushaartha anusaar। baap kehte hain, yeh hai patit duniya duhkhadhaam। satayug mein tumko kitna sukh milta hai। unko kehte hain bahishta। allaah ne bahishta kislie racha? kya sirf musalmaanon ke liye racha? apni-apni bhaasha mein koi svarga kehte hain, koi bahishta kehte hain। tum jaante ho heaven mein sirf bhaarat hi hota hai। yeh sab baaten tum bachchon ki buddhi mein nambarvaar purushaartha anusaar baithi hain। ek musalmaan bhi kehta tha ham allaah ke garden mein gaye। yeh sab saakshaatkaar hote hain। drama mein pahle se hi noondha hua hai। drama mein jo hota hai, second paas hua kahenge kalpa pahle bhi hua tha। kal kya hona hai, yeh pata nahin hai। drama par nishchay chaahiye, jismen koi phikra nahin rahega। hamko to baba ne hukm diya hai - maamekam yaad karo aur apne varse ko yaad karo। khatma to sabko hona hi hai। koi ek-do ke liye ro bhi nahin sakenge। maut aaya aur gaya, rone ki phursat nahin rahegi। aavaaz hi nahin niklega। aajkal to manushya raakh bhi lekar kitna parikrama karte hain। bhaav baitha hua hai। sab vesta oph time.... ismen rakha hi kya hai। mitti, mitti mein mil jaayegi। isse bhaarat pavitra ban jaayega kya? patit duniya mein jo kaam karte hain, patit hi karenge। daan-punya aadi bhi karte aaye hain। kya bhaarat paavan bana hai? seedhi utarni hi hai। satayug mein sooryavanshi bane। phir seedhi utarni pade, dheere-dheere girte hain। bhal kitna bhi yagya-tap aadi karen phir bhi doosre janma mein alpakaal ka phal milta hai। koi bura karma karta hai to uska bhi evja unko milta hai। behad ka baap jaante hain bachchon ko padhaane aaye hain। tan bhi saadhaaran liya hai। koi tilak aadi lagaane ki darkaar nahin। tilak to bhakta log bade-bade dete hain, parantu thagte kitna hain। baba ne kaha hai, main saadhaaran tan mein aata hoon, aakar bachchon ko padhaata hoon। vaanaprastha avastha thahri। shreekrishna ka naam kyon daala? yahaan judge karne ki bhi buddhi nahin hai। abhi baba ne right-wrong judge karne ki buddhi di hai।

baap kehte hain, tum yagya-tap, daan-punya karte, shaastra padhte aaye। kya un shaastron mein kuchh hai? hamne to tumko raajayog sikhla-kar vishwa ki baadshaahi di ki shreekrishna ne di? judge karo। kehte hain - baba aapne hi sunaaya tha। shreekrishna to chhota prince hai, woh kaise sunaayenge! baba aapke hi raajayog se ham yeh bante hain। baap kehte hain, shareer par bharosa nahin hai। bahut purushaartha karna hai। baba ko samaachaar sunaate hain phalaana bahut achha nishchaybuddhi hai। main kehta hoon bilkul nishchay nahin hai, jinko bahut pyaar kiya woh aaj nahin hai। baba to sabke saath pyaar se chalta hai। jaise karma main karunga, mujhe dekh aur karenge। kai to vikaar mein jaae, phir chhipkar aae baithte hain। baba to jhat sandeshi ko bata dete hain। aise karma karne vaale bahut naazuk hote jaayenge। aage chal nahin sakenge। pichhaadi ke naazuk samay koi kuchh karta hai to ekdam martial law chalaate hain। aage chal tum bahut dekhenge। baba kya-kya karte hain। baba thode hi saza denge, dharmaraaj dvaara dilvaate hain। gyaan mein prerna ki baat nahin hai। bhagwan ko to sab manushya kehte hain he patit-paavan aao, hamko aakar paavan banaao। sabhi aatmaayen organs dvaara pukaarti hain। baap hai gyaan ka saagar। unke paas bahut vakkhar (variety saamaan) hai। aisa vakkhar phir koi ke paas nahin hai। shreekrishna ki mahima bilkul alag hai। baap ki shiksha se yeh (lakshmi-naaraayan) kaise banen? banaane vaala to baap hi hai। baap aakar karma, akarma, vikarma ki gati samjhaate hain। ab tumhaara teesra netra khula hai। tum jaante ho 5 hazaar varsha ki baat hai। ab ghar jaana hai, part bajaana hai। yeh svadarshan chakra hai na। tumhaara naam hai svadarshan chakradhaari, brahman kul bhooshan, prajaapita brahmaakumaar-kumaariyaan। laakhon ki andaaz mein svadarshan chakradhaari banenge। tum kitni knowledge padhte ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) yeh samay bahut naazuk hai isliye koi bhi ulta karma nahin karna hai। karma-akarma-vikarma ki gati ko dhyaan mein rakh sada shreshtha karma karne hain।

2) yog se sada ke liye apni kaaya nirogi banaani hai। ek beloved most baap ko hi yaad karna hai। baap se jo avinaashi gyaan ka dhan milta hai, woh daan karna hai।

vardaan:- sahansheelta ke gun dvaara kathor sanskaar ko bhi sheetal banaane vaale santushtamni bhav

jismen sahansheelta ka gun hota hai woh soorat se sadaiv santushta dikhaai deta hai, jo svayan santushta moorta rehte hain woh auron ko bhi santushta bana dete hain। santushta hona maana saphalta paana। jo sahansheel hote hain woh apni sahansheelta ki shakti se kathor sanskaar va kathin kaarya ko sheetal aur sahaj bana dete hain। unka chehra hi gunmoorta dikhaai deta hai। vahi drama ki dhaal par thahar sakte hain।

slogan:- jo vaani dvaara nahin badalte unhein shubh vibration dvaara badal sakte ho।

ye avyakt ishaare - mahaan banne ke liye madhurta aur namrata ka gun dhaaran karo

jaise brahma baap ke bol pharishton ke bol, kam bol aur madhur bol the। aise yathaartha bol bolo। kaarobaar ke liye bolna padta hai lekin woh bhi lamba nahin karo। har sankalp, bol aur karma mein follow father karo। har bol mein madhurta, namrata ki mahaanta ho। iske liye svayan ko nimitta samajhkar har kaarya karo tab mahaanta ke saath namrata aayegi aur saphaltaamoorta banenge।