सोमवार 25 मई 2026 की दैनिक मुरली

25-05-2026 praatahmurli om shanti "baapdaada"' madhuban

“meethe bachche - apne aapse poochho ki main karmendriyjeet bana hoon, koi bhi karmendriy mujhe dhokha to nahin deti hain!''

prashn:- karmaateet banne ke liye tum bachchon ko apne aapse kaun sa vaayda karna hai?

uttar:- apne se vaayda karo ki koi bhi karmendriy kabhi bhi chalaaymaan ho nahin sakti। mujhe apni karmendriyaan vash mein karni hain। baba ne jo bhi direction diye hain, unhein amal mein laana hi hai। baba kahe - meethe bachche, karmaateet banna hai to koi bhi karmendriy se vikarma mat karo। maaya badi prabal hai। aankhen dhokhebaaj hain isliye apni sambhaal karo।

om shanti। bachche aatma-abhimaani hokar baithe ho? apne aapse poochho, har ek baat apne aapse poochhni padti hai। baap yukti bataate hain ki apne se poochho aatma-abhimaani ho baithe hain? baap ko yaad karte hain? kyonki yeh hai tumhaari roohaani sena। us sena mein to hamesha javaan hi bharti hote hain। is sena mein javaan 14-15 varsha ke bhi hain to 90 varsha ke boodhe bhi hain, to chhote bachche bhi hain। yeh sena hai maaya par jeet paane ke liye। har ek ko maaya par jeet pahan baap se behad ka varsa paana hai kyonki maaya bahut dushtar hai। bachche svayan bhi jaante hain ki maaya badi prabal hai। har ek karmendriy dhokha bahut deti hai। sabse pahle jaasti dhokha dene vaali kaun si karmendriy hai? aankhen hi sabse jaasti dhokha deti hain। apni stri hote hue bhi doosri koi khoobsoorat dekhenge to jhat woh kheechegi। aankhen bada dhokha deti hain। dil hoti hai unko haath lagaayen। bachchon ko samjhaaya jaata hai - sadaiv buddhi se yeh samjho ki ham brahmaakumaar-kumaariyaan bhaai-behen hain, ismen maaya bahut gupta dhokha deti hai isliye yeh chart mein bhi likhna chaahiye ki aaj saare din mein kaun-kaunsi karmendriy ne hamko dhokha diya? sabse jaasti dushman hain yeh aankhen। to yeh likhna chaahiye - phalaani ko dekha, hamaari drishti gai। soordaas ka bhi misaal hai na। apni aankhen nikaal di। apni jaanch karenge to aankhen dhokha jaasti deti hain। apni stri ko bhi chhod koi achhi dekhi to us par phida ho jaate hain। koi gaayan mein hoshiyaar hogi, shrringaar achha hoga to aankhen jhat chalaaymaan ho jaayengi isliye baba kehte hain yeh aankhen bahut dhokha deti hain। bhal service bhi karte hain parantu aankhen bahut dhokha deti hain। is dushman ki poori jaanch rakhni hai। nahin to samjho ham apne pad ko bhrashta kar lenge। jo samajhdaar bachche hain unko apne paas diary mein note karna chaahiye - phalaani ko dekha to hamaari drishti gai phir apne ko aapehi saza do। bhakti maarga mein bhi pooja ke time buddhi aur-aur taraph bhaagti hai, to apne ko chooti (chutki) se kaatte hain। to jab aisi koi stri aadi saamne aati hai to kinaara kar lena chaahiye। khade hokar dekhna nahin chaahiye। aankhen bahut dhokha dene vaali hain isliye sannyaasi log aankhen banda kar baithte hain। stri ko pichhaadi mein, purush ko aage mein bithaate hain। kai aise bhi hote hain jo stri ko bilkul dekhte nahin hain।

tum bachchon ko to bahut mehnat karni hai। vishwa ka raajya bhaagya lena koi kam baat thode hi hai। vo log to karke 10, 12, 20 hajaar, ek-do, laakh-karod ikattha karenge aur khalaas ho jaayenge। tum bachchon ko to avinaashi varsa milta hai। sab kuchh praapti ho jaati hai। aisi koi cheez nahin rehti jiski praapti ke liye maatha maarna pade। kaliyug ant aur satayug aadi mein raat-din ka farka hai। yahaan to kuchh bhi nahin hai।

abhi tumhaara yeh hai purushottam sangamayug। purushottam akshar zaroor likhna hai। manushya se devta kiye… tum abhi brahman bane ho। manushya to bilkul ghor andhiyaare mein hain। bahut hain jo svarga ko dekh na saken। baap kehte hain - bachche, tumhaara dharma bahut sukh dene vaala hai। manushyon ko thode hi kuchh pata hai। bhaaratvaasi bhi bhool gaye hain ki heaven kya cheez hai। Christian log bhi khud kehte hain heaven tha। in lakshmi-naaraayan ko god-goddess kehte hain na। to zaroor god hi aisa banaayenge। to baap samjhaate hain - mehnat bahut karni hai। roz apna potaamel dekho। kaun si karmendriy ne hamko dhokha diya? mukh bhi bahut dhokha deta hai। aage kachahri hoti thi। sab apni bhool bataate the। hamne phalaani cheez chhipaakar kha li। achhe-achhe bade ghar ki bachchiyaan batla deti hain, aise-aise maaya vaar karti hai। chhipaakar khaana bhi chori hai। so bhi shivbaaba ke yagya ki chori - yeh to bahut kharaab hai। kakh ka chor so lakh ka chor। maaya ekdam naak se pakadti hai। yeh aadat bahut buri hai। buri aadat hogi to ham kya banenge! svarga mein jaana koi badi baat nahin hai। parantu usmein phir martaba bhi to hai na। kahaan raaja kahaan praja। kitna pharka hai। to karmendriyaan bhi bahut dhokha dene vaali hain। unki sambhaal karna chaahiye। oonch pad paana hai to baap ke direction par poora chalna hai। baap direction denge maaya phir beech mein aakar vighna daalegi। baap kehte hain - bhoolo mat, nahin to ant mein bahut pachhtaayenge। naapaas hone ka phir saakshaatkaar bhi hoga। abhi tum kehte ho ham nar se naaraayan banenge। parantu apne se poochho, apna potaamel nikaalo। bahut hain, jo mushkil samajhkar amal mein laate hain। parantu baba kehte hain isse tumhaari unnati bahut hogi। saare din ka potaamel nikaalna chaahiye। yeh aankhen bahut dhokha deti hain। koi ko dekhenge to khyaal aayega, yeh to bahut achhi hai phir baat karenge। dil hogi - unko kuchh saugaat doon, yeh khilaaoon, vahi chintan chalta rahega। bachche samajhte hain ismen mehnat bahut badi hai। karmendriyaan bahut dhokha deti hain। raavan raajya hai na। baap kehte hain - vahaan chinta ki koi baat nahin hoti hai kyonki raavan raajya hi nahin। chinta ki baat hi nahin। vahaan bhi chinta ho to phir narka aur svarga mein farka hi kya rahe?

tum bachche bahut-bahut oonch pad paane ke liye bhagwan se padhte ho। baap samjhaate hain - maaya ninda karaati hai। tumne apkaar kiya, main upkaar karta hoon। bachche, tum agar kudrishti rakhenge to apna hi nuksaan karenge। bahut badi manzil hai isliye baba kehte hain - apna potaamel dekho। koi vikarma to nahin kiya? kisko dhokha to nahin diya? ab vikarmaajeet banna hai। vikarmaajeet ke sanvat ka kisko pata nahin hai sivaae tum bachchon ke। baap ne samjhaaya hai - vikarmaajeet ko 5 hajaar varsha hue, phir vikarma karte hain to vaam maarga mein jaate hain। karma, akarma, vikarma akshar to hain na। maaya ke raajya mein manushya jo bhi karma karte hain, woh vikarma hi banta hai। satayug mein vikaar hote nahin। to vikarma bhi koi banta nahin। yeh bhi tum jaante ho - kyonki tumko gyaan ka teesra netra mila hai। tum trinetri bane ho। to trikaaldarshi, trinetri banaane vaala hai baap। tum aastik bane ho tab trikaaldarshi bane ho। saare drama ka raaz buddhi mein hai। mool vatan, sookshm vatan, sthoolavtan, 84 ka chakra phir aur dharma vriddhi ko paate hain। woh koi sadgati nahin kar sakte। unko guru bhi nahin kah sakte hain। sarva ki sadgati karne vaala ek hi baap hai। abhi sabki sadgati honi hai। woh dharma sthaapak kahe jaate hain, guru nahin। dharma sthaapak dharma sthaapan karne ke nimitta bane hain। baaki sadgati thode hi karte hain। unko yaad karne se koi sadgati nahin ho sakti। vikarma vinaash nahin ho sakte। woh sab hai bhakti। to baap samjhaate hain maaya badi dushtar hai, is par hi ladaai hoti hai। tum ho shiv shakti paandav sena। tum sab pande ho। shantidham, sukhdhaam ka raasta bataate ho। guides tum ho। kehte ho - baap ko yaad karo to vikarma vinaash honge aur phir doosre taraph agar koi paap karma karenge to sau guna paap lag jaayega। jitna ho sake koi vikarma nahin karna chaahiye। karmendriyaan dhokha bahut deti hain। baap har ek ki chalan se samajh jaate hain। bachchon ko maaya ke toofaan aate hain। stri-purush samajhne se hi toofaan aate hain। to in aankhon par kitna kabja (adhikaar) rakhna chaahiye। ham to shivbaaba ke bachche hain। baap se anjaam kar raakhi bhi baandhate phir bhi maaya dhokha de deti hai, phir chhoot nahin sakte hain। karmendriyaan jab vash ho tab karmaateet avastha ho sake। kehna to sahaj hai ki ham lakshmi-naaraayan banenge parantu samajh bhi chaahiye na। baap kehte hain direction par amal karo। baba-baba karte raho। baba se ham poora varsa lenge। aisa teacher kabhi bhi kahaan bhi nahin milega। in sab baaton ko devtaayen bhi nahin jaante to pichhaadi ke dharma vaale phir kaise jaan sakte hain। baba kehte hain main kuchh kahoon to bhi samjho - yeh shivbaaba kehte hain। aise mat samjho ki yeh daada kehte hain। yeh to mera rath hai, yeh kya karta, tum bachchon ko raajaai main deta hoon। yeh rath thode hi deta hai। yeh to bilkul beggar hai। yeh bhi baba se varsa leta hai। jaise tum purushaartha karte ho vaise yeh bhi karta hai। yeh bhi student life mein hai। yeh rath loan par liya hua hai, tamopradhaan hai। tum poojya devta banne ke liye, manushya se devta banne ke liye padhte ho। koi ki takdeer mein nahin hai to kehte hain mujhe to sanshay hai, shivbaaba kaise aakar padhaate hain। mujhe to samajh mein nahin aata hai। baap ki yaad bigar vikarma vinaash ho na saken। poori saja khaani padegi। yeh raajaai sthaapan ho rahi hai। raajaaon ko kitni daasiyaan hoti hain। baba to raajaaon ke connection mein aaya hua hai। daasiyaan dahej mein dete hain। yahaan hi itni daasiyaan hain to satayug mein kitni hongi। yeh bhi raajdhaani sthaapan ho rahi hai।

baba jaante hain bachche kya-kya kar rahe hain। har ek ke potaamel se baba bata sakte hain। is samay mar jaaen to kya banenge! karmaateet avastha ko pichhaadi mein sab nambarvaar paate hain। to yeh kamaai hai। kamaai mein manushya kitna busy rehte hain। khaana khaate rahenge, telephone kaan par hoga। aise aadmi to gyaan utha na saken। yahaan gareeb saadhaaran hi aate hain। saahookaar log to kahenge, phursat kahaan। are, sirf baap ko yaad karo to vikarma vinaash ho jaaen। to baba meethe-meethe bachchon ko baar-baar samjhaate hain। har ek ko yeh paigaam dena hai jo aisa koi na kahe ki hamko kya pata shivbaaba aaya hua hai। bas saara din baba-baba hi kehte raho। kai bachchiyaan bahut yaad karti hain। shivbaaba kahne se hi kai bachchon ko prem ke aansu aa jaate hain। kab jaakar milenge! dekha nahin hai to bhi tadaphti rehti hain aur dekhe hue phir maante nahin। woh door baithe aansu bahaati rehti hain। wonder hai na। brahma ka bhi bahuton ko saakshaatkaar hota hai। aage chal bahuton ko saakshaatkaar hoga। manushya ko marne samay sab aakar kehte hain bhagwan ko yaad karo। tum bhi shivbaaba ko yaad karo। baap kehte hain - bachche, purushaartha mein make up karte raho। mauka milta hai to make up karo। kamaai kitni bhaari hai। koi-koi to aise hain jo kitna bhi samjhaao, to bhi buddhi mein nahin baithta। baap kehte hain aise nahin banna hai। apna kalyaan karo। baap ki shreemat par chalo। tumko baap purushon mein uttam banaate hain। yeh hai em object। baba service ke liye kitni yuktiyaan bataate rehte hain। sandesh to sabko dena hai, jo samjhen yeh to barobar sach kehte hain। is ladaai se hi khaas bhaarat mein, aam saare vishwa mein sukh-shanti hoti hai। aise-aise parche sabhi bhaashaaon mein chhapaane pade। bhaarat kitna bada hai। har ek ko pata hona chaahiye - jo aise koi na kahe ki hamko pata hi nahin pada। tum kahenge are, aeroplane se parche giraaye, akhbaar mein daala, tum jaage nahin। yeh bhi dikhaaya hua hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) svayan mein jo bhi buri aadten hain - unki jaanch kar unhein nikaalne ke liye mehnat karni hai। apna sachcha-sachcha potaamel rakhna hai। baap ke direction par chalna hai।

2) aisa koi karma nahin karna hai, jisse baap ka naam badnaam ho। apni unnati ka khyaal rakhna hai। jara bhi kudrishti nahin rakhni hai।

vardaan:- sthool va sookshm mein har pharmaan ko paalan karne vaale sampoorn pharmaanbardaar bhav

sthool pharmaan paalan karne ki shakti unheen bachchon mein aa sakti hai jo sookshm pharmaan paalan karte hain। sookshm aur mukhya pharmaan hai nirantar yaad mein raho va man-vachan-karma se pavitra bano। sankalp mein bhi apvitrata va ashuddhata na ho। yadi sankalp mein bhi puraane ashuddha sanskaar touch karte hain to sampoorn vaishnav va sampoorn pavitra nahin kahenge। isliye koi ek sankalp bhi pharmaan ke sivaae na chale tab kahenge sampoorn pharmaanbardaar।

slogan:- baap ko jaankar dil se baba kehna yeh sabse badi visheshta hai।

ye avyakt ishaare - sada achal, adol, ekras sthiti ka anubhav karo

ekras sthiti banaane ke liye karmayogi bano। karmayogi ke aage koi kaisa bhi aa jaae woh svayan sada nyaara aur pyaara rahega। knowledge dvaara jaanega - iska yeh part chal raha hai। woh achhe ko achha samajhkar saakshi hokar dekhega aur bure ko merciful ban raham ki nigaah se parivartan karne ki shubh bhaavna se saakshi hokar dekhega, yahi ekras sthiti banaane ka saadhan hai।