शनिवार 27 जून 2026 की दैनिक मुरली

27-06-2026 praatahmurli om shanti "baapdaada"' madhuban

“meethe bachche - yaad se aatma ka kichda nikaalte jaao, aatma jab bilkul paavan banen tab ghar chal sake''

prashn:- is antim janma mein baap ke kis direction ko paalan karne mein hi bachchon ka kalyaan hai?

uttar:- baba kehte meethe bachche - is antim janma mein baap se poora varsa le lo। buddhi ko baahar mein bhatkaao mat, vish ko chhod amrit piyo। is antim janma mein hi tumhein 63 janmon ki aadat mitaani hai isliye raat-din mehnat kar dehi-abhimaani bano।

om shanti। shantidham vishraampuri hai। is duniya se sab thake hue hain। chaahte hain ki ham apne sukhdhaam mein jaayen। yeh duniya achhi nahin lagti। svarga ko dekhte hain to narka se dil kaise lage। kehte hain baba jaldi karo, is duhkhadhaam se le chalo। baap bhi samjhaate hain - yeh to chhi-chhi duniya hai, inka naam hi hai devil world, narka। yeh koi achha akshar hai kya? kahaan deity world, kahaan devil world, is devil world mein sab tang ho gaye hain। parantu vaapis koi ja nahin sakte। tamopradhaanta ki khaad padi hui hai। woh khaad aatma se nikle, uske liye purushaartha kar rahe hain। jo achhe purushaarthi hain, unki avastha pichhaadi mein achhi ho jaayegi। yeh puraani duniya khalaas ho jaayegi, ab to baaki thode roz hain। jab tak baap aakar vaapis na le jaaye tab tak koi vaapis ja nahin sakte। duniya mein duhkh hai na। ghar mein bhi koi na koi duhkh rehta hai। tum bachchon ki dil mein hai baba ab humein duhkhon se chhudaane aaye hain। jo achhe nishchaybuddhi hain woh baap ki yaad ko kabhi bhoolte nahin। unko kaha hi jaata hai sarva ka duhkh harta। bachche hi pahchaante hain। agar sab pahchaan len to phir itne sab manushya kahaan aakar baithen, yeh ho na sake isliye drama mein yukti bhi aisi rachi hui hai। jo shreemat par chalte hain vahi oonch pad pa sakte hain, woh to theek hai। sajaayen khaakar bhi shantidham athva paavan duniya mein jaayenge। parantu oonch pad paane ke liye to purushaartha karna pade na। doosra paavan banne bigar paavan duniya mein koi ja na sake। yeh jo kehte hain ki phalaana jyoti jyot samaaya, vaapis gaya - yeh ho nahin sakta। jo pahle-pahle srishti par aaye hain, lakshmi-naaraayan, woh bhi vaapis ja nahin sakte to aur koi kaise ja sakte hain। inke bhi ab 84 janma poore hue। ab jaane ke liye tapasya kar rahe hain। sab pukaarte hi hain ek baap ko। O god father, O liberator, woh god father hai duhkh harta, sukh karta। krishna aadi aur kisko thode hi pukaarte hain। Christian ho, musalmaan ho, sab O god father kah bulaate hain। aatma bulaati hai - apne father ko। father kehte tab hain jab samajhte hain ham aatma hain। aatma bhi koi cheez hai na। aatma koi badi cheez nahin hai, woh to ek star hai aur ati sookshm hai। jaise baba hai vaise hi aatma ka swaroop hai। ab tum baap ki mahima karte ho - woh sat-chit hai, gyaan ka saagar, aanand ka saagar hai। tumhaari aatma bhi unke samaan banti hai। tumhaari buddhi mein ab saare srishti ke aadi-madhya-ant ka gyaan aa gaya hai, aur koi manushya maatra mein yeh gyaan nahin hai। saara bhaarat, saari vilaayat dhoondh lo, koi ko bhi pata nahin। aatma 84 janmon ka part bajaati hai। 84 laakh to impossible hai। 84 laakh janmon ka to koi varnan hi na kar sake। baap kehte hain tum apne janmon ko nahin jaante ho, ham sunaate hain। woh sab sunte hue bhi pattharbuddhi samajhte nahin ki 84 laakh janma ho to koi suna hi kaise sakte।

abhi tum jaante ho ham brahman hain, hamne 84 janma liye hain। brahma ne bhi 84 janma liye hain, vishnu ne bhi 84 janma liye hain। brahma so vishnu, vishnu so brahma। lakshmi-naaraayan hi 84 janma le phir brahma-sarasvati bante hain। yeh bhi samajhne ki baat hai na। baap kehte hain har 5 hajaar varsha baad aakar samjhaata hoon। 5 hajaar varsha ka chakra hai। abhi tumne varno ka raaz bhi samjha hai। ham so ka arth bhi samjha hai, ham aatma so devta bante hain phir ham so kshatriy, ham so vaishya shoodra bante hain। itne-itne janma lete hain phir ham so brahman bante hain। braahmanon ka yeh ek janma hai। yeh hai hi tumhaara heere jaisa janma।

baap kehte hain - yeh tumhaara uttam shareer hai, isse tum svarga ka varsa pa sakte ho isliye ab aur koi taraph bhatko mat। gyaan amrit piyo। samajh mein bhi aata hai barobar 84 janma lete hain। tum pahle satayug mein satopradhaan the। phir sato banen। phir chaandi ki khaad padi, ekdam poora hisaab bataate hain। ab government bhi kehti hai sone mein khaad (alloy) milaao। 14 carat sona pahno। sone mein khaad daalna - yeh bhaaratvaasi apsugan samajhte hain। shaadi karaate hain to ekdam sachcha sona pahante hain। sone par bhi bhaaratvaasiyon ka bahut pyaar hai। kyon? bhaarat ki baat mat poochho। satayug mein to sone ke mahal the, sone ki eeten thi। jaise yahaan eeton ki dheri lagi rehti hai। vahaan sone-chaandi ki dheri rehti hai। maaya machchhandar ka khel dikhaate hain। usne sone ki eeten dekhi, socha le jaata hoon। neeche utra to dekha to kuchh bhi nahin hai। kuchh na kuchh baat lagti hai। bachchiyaan samajhti hain, abhi ham phir se svarga mein jaate hain phir agar pati aadi tang karte hain to bichaari andar mein roti hain। kab ham sukhdhaam mein jaayenge? baba ab jaldi karo। baap kehte hain - bachche jaldi kaise karoon, pahle tum yogbal se apna kichda to nikaalo। yog ki yaatra par raho। baap dheeraj dete hain। pukaarte bhi ho he patit-paavan aao। gaate bhi hain - sarva ka sadgati daata ek। yahaan ki hi baat hai। akaasur bakaasur yeh sab baaten is sangam samay ki hain। yeh hai hi aasuri duniya। to baap samjhaate hain, main kalpa-kalpa sangam par aata hoon, jab saara jhaad jadajdeebhoot avastha ko paata hai।

tum jaante ho, satayug mein har cheez satopradhaan hoti hai। yahaan itne panchhi jaanvar aadi hain, yeh sab itne vahaan nahin honge। bade aadmiyon ke paas achhi saphaai rehti hai। unhon ke rahne ka sthaan, furniture aadi bahut achha hota hai। tum bhi itne oonch devtaayen bante ho। vahaan aisi koi chhi-chhi cheez rah na sake। yahaan to machchhar aadi anek prakaar ki beemaariyaan, kitni gandagi rehti hai। gaanvadon mein itna ganda nahi rehta। bade-bade shahron mein bahut gandagi rehti hai kyonki bahut manushya ho gaye hain। rahne ki jagah nahin hai। tum saare vishwa ke maalik bante ho। manushya gaate hain ghat hi mein brahma, ghat hi mein vishnu… ghat hi mein 9 lakh taare। brahma so vishnu ban jaate hain। vishnu ke saath sitaare bhi hain। satayug mein yeh devta bante hain to itne thode hi hote hain, jhaad pahle chhota hota hai phir vriddhi ko paata hai। satayug mein to bahut thode honge। meethi nadiyon ke oopar rehte honge। yahaan nadiyon se bahut canals nikaalte hain। vahaan canals aadi thode hi hote hain। mutthi jitne to manushya hote hain। itne ke liye ganga jamuna to hai hi। un nadiyon ke hi aas-paas rehte hain। 5 tatva bhi devtaaon ke gulaam ban jaate hain। kabhi bhi bekaayde barsaat nahin padti। kabhi nadi uchhal nahin khaati। naam hi hai svarga to phir kya? ab kehte hain svarga ki aayu itne laakh varsha hai। achha bhala vahaan kaun raajya karte the, yeh to bataao। kitne gapode lagaate rehte hain।

tum jaante ho, ham kalpa pahle muaaphik ye part baja rahe hain। roodra gyaan yagya mein anek prakaaron ke asuron ke vighna padenge phir manushya samajhte hain, asur log oopar se ganda, gobar aadi daalte the। parantu nahin, tum dekhte ho - kitne vighna padte hain। ablaaon par atyaachaar hote hain tab to paap ka ghada bharega। baap kehte hain - thoda sahan karna padega। tum apne baap aur varse ko yaad karte raho। maar khaane samay bhi buddhi mein yaad karo - shivbaaba। tumko to buddhi mein gyaan hai, kisko phaansi par chadhaate hain to paadri log kehte hain god father ko yaad karo। aise nahin kahenge Christ ko yaad karo। ishaara god ke liye karte hain। woh itna lovely hai, sab unko pukaarte hain। aatma hi pukaarti hai। ab dehi-abhimaani banne mein hi mehnat hai। 63 janma tum deh-abhimaan mein rahe ho। abhi is ek janma mein woh aadhaakalpa ki aadat mitaani hai। tum jaante ho, dehi-abhimaani banne se ham svarga ke maalik ban jaayenge। kitni oonch praapti hai। to raat-din isi koshish mein rehna pade। manushya dhandhe aadi ke liye bhi mehnat karte hain। aamadni mein manushya ko kabhi jhutka ya ubaasi nahin aayegi kyonki aamadni hai। paise ki khushi rehti hai। thakne ki baat hi nahin rehti। baba bhi anubhvi hai na। raat ko steamers aate the to aakar maal khareed karte the। jab tak graahak ki jeb khaali na karen tab tak unko chhode nahin। baba ne rath bhi poora anubhvi liya hai। isne sab anubhav kiya hai। gaanvade ka chhora bhi tha। 10 aane man anaaj bechta tha। abhi to dekho vishwa ka maalik bante hain। ekdam gaanvade ka tha। phir chadh gaya to ekdam javaahraat ke dhandhe mein lag gaya। bas javaahraat ki baat। yeh phir hain sachche javaahraat। yeh hota hai royal vyaapaar। baba bahut anubhvi hai। baba viceroy aadi ke ghar mein aise jaate the jaise apna ghar। inko phir kaha jaata hai avinaashi gyaan ratna। jitna yeh buddhi mein dhaaran karenge, isse tum padmapti banenge। shivbaaba ko kaha jaata hai saudaagar, ratnaagar। unki mahima bhi gaate hain phir kah dete sarvavyaapi। mahima ke saath phir itni glaani। kaisi haalat ho gai hai bhakti maarga ki। baap kehte hain - jab bhakti poori hoti hai, tab bhakton ka rakshak baap aate hain। bahut bhakti kaun karte hain, yeh bhi siddha ho jaata hai। sabse jaasti bhakti tum karte ho। vahi yahaan aakar pahle-pahle brahman bante hain aur baap se varsa lete hain phir se poojya banne ka। raavan ne pujaari banaaya hai, baap poojya banaate hain। yeh hai bhagvaanuvaach। bhagwan ek hai। 2-3 bhagwan hote nahin। geeta bhagwan ki gaai hui hai। shiv bhagvaanuvaach ke badle shreekrishna ka naam daal diya hai to kitna pharka ho gaya hai। drama anusaar phir bhi geeta ka naam aise badalna hi hai। phir bulaate hain he patit-paavan aao। baap paavan banaate hain, raavan patit banaate hain। to samajhne ki kitni buddhi chaahiye। shreemat, shreshtha te shreshtha mat hai hi ek baap ki। yeh lakshmi-naaraayan svarga ke maalik baap ki mat se hi bane hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) is ek janma mein 63 janmon ke puraane deh-abhimaan ki aadat mitaane ki mehnat karni hai। dehi-abhimaani ban svarga ka maalik banna hai।

2) is heere tulya uttam janma mein is buddhi ko bhatkaana nahin hai, satopradhaan banna hai। atyaachaaron ko sahan kar baap se poora varsa lena hai।

vardaan:- saakaar baap samaan apne har karma ko yaadgaar banaane vaale aadhaarmoorta aur uddhaarmoorta bhav

jaise saakaar baap ne apna har karma yaadgaar banaaya aise aap sabhi ka har karma yaadgaar tab banega jab svayan ko aadhaarmoorta aur uddhaarmoorta samajhkar chalenge। jo apne ko vishwa parivartan ke aadhaarmoorta samajhte hain, unka har karma ooncha hota hai aur vritti-drishti mein jab sarva ke kalyaan ki bhaavna rehti hai to har karma shreshtha ho jaata hai। aise shreshtha karma hi yaadgaar bante hain।

slogan:- satyata ki shakti ko dhaaran karne ke liye sahansheel bano।

ye avyakt ishaare - sada harshit rahne ke liye apni nature ko saral banaao, sahansheel bano।

is sahajyogi jeevan mein agar mushkilaaton ka anubhav hota hai to sahaj raajya kaise karenge। yahaan ke sanskaar hi vahaan le jaayenge। dekho, aapke yaadgaar jo devtaaon ke chitra banaate hain unki soorat mein saralta zaroor dikhaate hain, to jo jitna sahaj purushaarthi hoga woh mansa mein bhi saral, vaacha mein bhi saral, karma mein bhi saral hoga। usko hi pharishta kehte hain।