मंगलवार 21 जुलाई 2026 की दैनिक मुरली

21-07-2026 praatahmurli om shanti "baapdaada"' madhuban

“meethe bachche - abhi tak tum suni sunaai baaton par chalte aaye, ab baap tumhein direct sunaakar aapasmaan knowledgeful banaate hain''

prashn:- achhe purushaarthi bachchon ki nishaani tatha unki avastha ka gaayan kya hai?

uttar:- achhe purushaarthi bachche - mother, father ko poora-poora follow karenge। apni jeevan par taras khaayenge। poora-poora attention rakhenge। thoda bhi samay nikaal baba ki yaad mein zaroor baithenge। unki avastha ka gaayan hai - achal, adol, sthir। unhein hi mahaaveer kaha jaata hai।

geet:- bholenaath se niraala…

om shanti। bhakti maarga mein duniya sirf gaati hai। tum bachche abhi samajhte ho - bhakti maarga mein ham bhi gaate the। ab vahi bholaanaath sammukh hai, bholaanaath akshar bhakti maarga ka hai। gyaan maarga ka akshar hai shivbaaba। tum samajhte ho anaadi bane banaaye drama-plan anusaar ab sangamayug par baap ko aakar hamse yeh purushaartha karaana hi hai। kalpa-kalpa purushaartha karaate aaye hain। kitna samay tum bachchon ne bhakti ki hai, yeh bhi siddhakar batlaate hain। jinhonne pahle-pahle bhakti shuru ki hai vahi aakar gyaan lenge aur phir sooryavanshi banenge। satayug mein sirf ek lakshmi-naaraayan to nahin aate। unki dynasty bhi hai na। usko kaha jaata hai daivi varna। bhaarat mein daivi varna tha। ab aasuri varna hai। yeh hai sangam। ab aasuri se daivi varna mein jaana hai। barobar yeh mahaabhaarat ladaai bhi vahi hai jo gaai hui hai। sirf naam shiv ke badle shreekrishna ka daal diya hai। ek geeta khandan hui to sab shaastra khandan ho jaate hain। mool baat geeta ki hai। geeta paathshaalaayen va geeta bhavan kitne hain! geeta gyaan sunne ki paathshaala। khud sunaane vaala hai nahin। jo hokar jaate hain woh phir gaayan chalta hai। bachchon ko to roz baap bahut pyaar se samjhaate hain। bachche jaante hain - baba pyaar ka saagar hai। sabko pyaar se sikhlaate hain। baba kabhi gussa nahin karte, sadaiv pyaar se samjhaate hain। bachche tum satopradhaan the phir punarjanma lete aaye ho। tum bhaaratvaasi hi asul devi-devta dharma ke ho। yeh bhi batlaate hain। pahle-pahle varsa lene kaun aayenge? jinhonne kalpa pahle liya hai, vahi kahenge baba aapke sivaae hamaara sahaayak aur koi nahin। baap kshama bhi tab karenge jab sangamayug hoga। yeh to bachche jaante hain ki raavan raajya aur raamraajya yahaan hi hota hai। raavanraajya hai tab to raamraajya chaahte hain। tum jab shivbaaba kehte ho to buddhi niraakaar taraph hi jaati hai। niraakaar hi yaad aata hai। aatma hi baap ko pukaarti hai। aise bhi nahin ki paramatma koi baith sunte hain। baap samjhaate hain drama plan anusaar patiton ko paavan banaane ke liye to main shareer mein aata hoon। aise nahin ki pukaar sunkar aata hoon। bhakti jab poori hoti hai tab mujhe aana hi hai। yeh samajhne ki baaten hain। woh samay aata hai, bachche pukaarne lagte hain। yeh to kahaan likha hua nahin hai ki kab aayenge? unhonne kalpa ki aayu wrong likh di hai। yeh chitra ghar-ghar mein hone chaahiye। jo roz dekhen aur yaad karen ki yeh baba, yeh daada, yeh varsa। baap kehte hain bachche satopradhaan banne ke liye mujhe yaad karo to khaad nikal jaayegi। yeh yukti baap hi samjhaate hain। yeh baap bhi kehte hain main bhi purushaartha karta hoon। bachche ek do ko saavdhaan kar unnati ko paana hai। yeh chitron ki samjhaani bahut achhi hai। shivbaaba brahma dvaara sthaapna kar rahe hain। saamne mahaabhaari mahaabhaarat ladaai khadi hai। itne anek dharma vinaash honge, uske liye ladaai zaroor chaahiye। yeh baaten bachchon ko bhoolni nahin chaahiye। barobar ab kaliyug ghor andhiyaara hai। kitne dher manushya hain, zaroor vinaash hona hai। satayug mein ek dharma hoga। zaroor 84 janma ka chakra bhi unhonne hi lagaaya hai। yeh to sahaj hai। baaki itne sab dharmon ka zaroor vinaash hoga। phir ek dharma ki sthaapna barobar ho rahi hai। sarva ka sadgati daata baap hai। baap se hi bachchon ko varsa milta hai। bachche jaante hain - ham jo yeh padhaai padhte hain woh bhavishya 21 janmon ke liye padhte hain। bhagvaanuvaach - main tumko padhaakar 21 janmon ke liye svarga ka maalik banaata hoon। sooryavanshi, chandravanshi gharaane ki barobar sthaapna hoti hai। jo jitna purushaartha karega, utna oonch pad paayega, to shivbaaba kehte hain in mother-father ko follow karo। inhon ko sookshm vatan, vaikuntha mein bhi dekhte ho। apne ko bhi dekhte ho, ham bhi mahaaraaja, mahaaraani bante hain। vaikuntha ka bhi saakshaatkaar hota hai। maante bhi hain barobar bhaarat vaikuntha tha, shreekrishnapuri thi। aaj kansapuri hai, kal krishnapuri hogi। raat badal din hona hai। yeh hai aadhaakalpa behad ka din aur aadhaakalpa behad ki raat। andhiyaare mein thokren hi khaate rehte hain। brahma ki raat so braahmanon ki raat। phir tum brahman se devta bante ho। satayug mein brahman hote nahin, devta hote hain।

yeh bhi bachche jaante hain bhaarat pavitra raajasthaan tha phir apvitra raajasthaan bana hai। bhaarat sadaiv raajasthaan raha hai। raajaai chalti aati hai aur dharma vaalon ki shuru se hi raajaai nahin chalti hai। bhagwan hi raajaai sthaapan karte hain। bhagwan hi aakar raajayog sikhlaate hain। woh hai niraakaar gyaan ka saagar, sukh ka saagar... tum jaante ho baba se hamko varsa mil raha hai। zaroor hamaare purushaartha ki deri hai। jitna jo purushaartha karenge, jitna raasta bataayenge। baap kehte hain - mujh baap ko yaad karo to tum patit se paavan ban paavan duniya ke maalik ban jaayenge, kitna sahaj hai। laukik maa baap gyaan mein agar hain to bachchon ko bhi aap samaan banaana pade। maa baap sachchi kamaai karte hain to bachchon ko sachchi kamaai karaani chaahiye। koi-koi bachche achhe hote hain। kehte hain ham roohaani padhaai padhkar ghar-ghar mein yeh paigaam dete rahenge। baap bhi kehte hain ki paigambar aur messenger main hoon, tumko message deta hoon ki ghar chalo aur dharma sthaapak to sirf aakar apna-apna dharma sthaapan karte hain। main sabko message deta hoon ki ab vaapis chalna hai। yeh duniya ab rahne ke laayak nahin hai। mujhe yaad karo to paavan ban jaayenge। tum paavan the phir raavan ne patit banaaya hai। main phir paavan banaane aaya hoon। thode samay mein hi yeh bombs aadi chalenge to samjhenge yeh vahi mahaabhaarat ladaai hai। to zaroor bhagwan bhi hoga। parantu woh samajhte hain geeta ka bhagwan shreekrishna hai। kitni moonjh hai। moonjhe nahin hote to bhagwan ko aane ki kya darkaar। bhakti maarga ko bhool-bhulaiya ka khel kaha jaata hai। ab baap kehte hain mujhe yaad karne se sab bhoolen khatma ho jaayengi। aage apne ko deh samajhte the। ab apne ko dehi samajhte ho। yeh saavdhaani baap hi dete hain ki bachchon dehi-abhimaani bano। yahaan tum baap ke sammukh baithe ho। vahaan centres par bachchiyaan baith samjhaayengi ki shivbaaba aise kehte hain। yahaan to direct baap kehte hain main aatmaon se baith baat karta hoon। tum bachche jaante ho baba in dvaara hamko samjha rahe hain। yeh bada kalyaankaari mela hai। baap kehte hain nirantar mujhe yaad karo। baba se hamko svarga ka varsa lena hai। baap aur svarga ko yaad karna hai। koi bhi vikarma nahin karna hai। agar vikarma karenge to sauguna ban jaayega। vikarma karaane vaali hai maaya, us par jeet paani hai isliye hanumaan mahaaveer ki katha hai। tum hanumaan mahaaveer ho na। ham to baba ke ban gaye। maaya se haar nahin sakte। to baba ko yaad karte-karte satopradhaan, vikarmaajeet ban jaayenge। nahin banenge to apna pad bhrashta karenge। purushaarthi bachche jo hote hain woh apni jeevan par taras khaate hain। kuchh bhi ho jaae, yaad ki yaatra mein rahenge, achal-adol-sthir rahenge। vinaash to hona hi hai। sabke kaaka, chaacha, maama, guru, gosaai aadi sab khatma ho jaate hain। satguru kehte hain main tumko saath le jaane vaala hoon। manushya to bilkul andhiyaare mein hai, tum jaante ho shivbaaba hamko saath le jaayenge। kehte hain na - kaal kha gaya। parantu main to tumko shantidham mein le jaata hoon। aatma shareer chhod chali jaati hai। kaal nahin le jaate hain, aatma ko nikalna hota hai। ab to main khud aaya hoon - tumko vaapis le jaane। baba koi maarne aaya hai kya? nahin। tumko puraana shareer chhodna hai। aatma tamopradhaan se satopradhaan honi hai। ab 5 tatva bhi tamopradhaan hain, isliye shareer bhi aise bante hain। vahaan satopradhaan tatvon se tumhaare shareer bhi gore banenge।

baap kehte hain main phir se satayugi aadi sanaatan devi-devta dharma sthaapan karta hoon। tumne hi 84 janma bhoge hain। tum apne dharma ko bhool gaye ho aur koi apne dharma ko bhoole nahin hain। tum abhi jaante ho ham asul mein devi-devta dharma vaale itne oonch se phir neech kaise bane hain। baap baith kalpa-kalpa tumko hi samjhaate hain। tum phir auron ko samjhaate rahenge। ab 84 ka chakra poora hota hai, vinaash saamne khada hai। svarga ka maalik banne ke liye apne ko laayak banaana hai। woh banna hai yaad se। subah ko uth baba ko yaad karo। baba wonder hai - aap kaise aate ho। kaise aap sammukh baat kar rahe ho। woh hai suni sunaai bhakti maarga ki baaten। ab to ham aatmaon ko aap baap mile ho, aatma ko baap milta hai to us pyaar mein aakar milte hain। bachche baap ke saath bahut pyaar se milte hain। yahaan to woh niraakaar baap hai gupta isliye baba hamesha kehte hain inse milte ho to shivbaaba ko yaad kar milo। manushya to kuchh bhi nahin jaante hain। tumhaare mein bhi jo koi jaante hain, mera bankar phir bhool jaate hain। deh-abhimaan mein aa jaate hain। pratigya bhi karte hain - baba main aapka ho chuka hoon। mel, chaahe female, donon ki aatma kehti hai। parantu shareer mein hai to mel kehta hai - aapka ban chuka hoon। phimel kahegi - main ban chuki hoon। baba ham aapse poora varsa lenge। poora yaad karenge। yaad bigar kat nikal nahin sakti, tamopradhaan se satopradhaan ban nahin sakte। satayug mein tumko akhanda atal, sukh-shanti, sampatti ka 21 janma raajya milta hai। svarga ka rachayita baap zaroor apna varsa denge। gaate bhi hain parvaah hai paar brahm mein rahne vaale parampita paramatma ki। woh to ek hi baar aate hain। yeh bhi samajhne ki baaten hain na। kai to samajhte hi nahin, aage chal aankh khulegi। thodi badi ladaai lage। vaastav mein yeh yagya racha hua hai। ladaai bhi hai। is yagya ka kisko pata hi nahin hai। roodra gyaan yagya racha hi tha ki vinaash ho। woh phir yagya rachte hain ki vinaash na ho, shanti ho jaae। yeh yagya phir bhi rachenge। unko yeh pata nahin hai ki vinaash hoga phir kya rahega? abhi tum bachche saare vishwa ke aadi-madhya-ant ko jaante ho। sabki behad ki janma kahaani ko jaante ho। aise koi nahin, jo kahe ki parampita paramatma ki ham jeevan kahaani bataate hain। paramatma ko hi sab bulaate hain na। ghadi-ghadi yaad karte hain। kehte hain na - bhagwan ne yeh bachcha diya, yeh kiya। koi-koi yeh samajhte hain - jiski vastu thi, usne le li। aise bhi koi samajhdaar purush hote hain। anek prakaar ke manushya hain। ab tumko baap mila hai to baap ko hi yaad karna hai। yaad se hi kamaai hoti hai। tum vishnupuri ke maalik ban jaayenge। tum satayug se lekar kaliyug ant tak saare chakra ko jaante ho। tumhaari buddhi mein hoobhu aisa hai, jaise baap ki buddhi mein hai isliye unko gyaan ka saagar, knowledgeful kaha jaata hai। abhi tum baap se varsa le rahe ho। tum bachchon ko achal sthir rehna chaahiye। aise nahin ki maaya ghadi-ghadi aakar dolaaymaan kare। sharmabooti (chhueemui) nahin banna chaahiye। baap ko yaad nahin karne se murjha jaate hain। baap ko yaad karne ka purushaartha tum kar rahe ho। samay najdeek aayega, phir tum dekhenge hamaara purushaartha ab poora hua। ant aa gai। achha!

meethe-meethe sikeeldhe bachchon prati maat-pita baapdaada ka yaadapyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) roohaani padhaai padhkar sachchi kamaai karni aur karaani hai। ghar chalne ka message sabko dena hai। ab koi bhi vikarma nahin karna hai।

2) savere uthkar pyaar se baap ko yaad karna hai। chhoti-moti baaton mein chhueemui nahin banna hai। avastha ko achal-adol banaana hai।

vardaan:- knowledge ki light-might dvaara apne luck ko jagaane vaale sada saphaltaamoorta bhav

jo bachche knowledge ki light aur might se aadi-madhya-ant ko jaankar purushaartha karte hain, unhein saphalta avashya praapta hoti hai। saphalta praapta hona bhi luck ki nishaani hai। knowledgeful banna hi luck ko jagaane ka saadhan hai। knowledge sirf rachayita aur rachna ki nahin lekin knowledgeful arthaat har sankalp, har shabd aur har karma mein gyaan swaroop ho tab saphaltaamoorta banenge। agar purushaartha sahi hote bhi saphalta nahin dikhaai deti hai to yahi samajhna chaahiye ki yeh asphalta nahin, paripakvata ka saadhan hai।

slogan:- nyaare bankar karmendriyon se karma karaao to karmaateet sthiti ka anubhav sahaj kar sakenge।

ye avyakt ishaare - jvaalaasvaroop sthiti mein rah shaktishaali yaad ka anubhav karo

jab yog mein baithte ho to samaane ki shakti second mein use karo। seva ke sankalp bhi sama jaaen itni shakti ho jo stop kaha aur stop ho jaae। full brake lage, dheeli brake nahin। agar ek second ke bajaae jyaada samay lag jaata hai to samaane ki shakti kamjor kahange।