गुरुवार 23 जुलाई 2026 की दैनिक मुरली

23-07-2026 praatahmurli om shanti "baapdaada"' madhuban

“meethe bachche - tumhein baap samaan sachcha-sachcha paigambar va messenger banna hai, sabko ghar chalne ka message dena hai''

prashn:- aajkal manushyon ki buddhi saara din kis taraph bhatakti hai?

uttar:- fashion ki taraph। manushyon ko kashish karne ke liye anek prakaar ke fashion karte hain। yeh fashion chitron se hi seekhe hain। samajhte hain paarvati bhi aise fashion karti thi, baal aadi banaati thi। baba kehte tum bachchon ko is patit duniya mein fashion nahin karna hai। tumhein to main aisi duniya mein le chalta hoon jahaan natural sundarta rehti hai। fashion ki darkaar nahin।

geet:- tumheen ho maata pita…

om shanti। bachchon ne geet suna। jab mahima gaate hain to buddhi oopar chali jaati hai। aatma hi baap ko kehti hai, vahi khivaiya hai, patit-paavan hai athva sachcha-sachcha messenger hai। baap aakar aatmaon ko message dete hain aur jisko messenger va paigambar kehte hain, koi chhote va bade hote hain। vaastav mein woh message va paigaam dete nahin hain। yeh to jhoothi mahima kar di hai। bachche samajhte hain sivaae ek ke is manushya srishti par aur kiski mahima nahin hai। sabse jaasti mahima in lakshmi-naaraayan ki hai kyonki yeh hain nai duniya ke maalik। so bhi bhaaratvaasi jaante hain। duniya vaale sirf itna jaante hain ki bhaarat praacheen desh hai। bhaarat mein hi god goddess ka raajya tha। shreekrishna ko bhi god kah dete hain। bhaaratvaasi inhon ko bhagwan-bhagavti kehte hain। parantu yeh kisko pata nahin hai ki yeh bhagwan-bhagavti satayug mein raajya karte hain। bhagwan ne god-goddess ka raajya sthaapan kiya। buddhi bhi kehti hai ham bhagwan ke bachche hain to ham bhi bhagwan-bhagavti hone chaahiye। sab ek ke bachche hain na। parantu bhagwan-bhagavti kah nahin sakte। unhon ko kehte hain devi-devtaayen। yeh sab baaten baap baith samjhaate hain। bhaaratvaasi kahenge ki ham bhaaratvaasi pahle nai duniya mein the। nai duniya ko to sab chaahte hain। baapu ji bhi nai duniya, naya raamraajya chaahte the। parantu raamraajya ka arth bilkul hi nahin samajhte। aajkal manushyon ko apna ahankaar kitna hai। kaliyug mein hain patthar-buddhi, satayug mein hain paarasbuddhi। parantu yeh kisko samajh nahin hai। bhaarat hi satayug mein paarasbuddhi tha। ab bhaarat kaliyug mein pattharbuddhi hai। manushya to inko hi svarga samajhte hain। kahenge svarga mein vimaan the, bade-bade mahal the, woh to sab abhi hain। science kitni vriddhi ko paai hui hai, kitna sukh hai। fashion aadi kitna hai। buddhi saara din fashion pichhaadi hi rehti hai। artificial sundar banne ke liye baal aadi kaise banaate hain! kitna kharcha karte hain। yeh sab fashion nikla hai chitron se। samajhte hain - paarvati misal ham baal aadi banaate hain। yeh sab kashish karne ke liye hi banaate hain। aage paarsi logon ki striyaan munh par kaali jaali pahanti thi ki koi dekhkar aashik na ho jaae। isko kaha jaata hai patit duniya।

gaate hain tumheen ho maata pita tumheen ho... parantu yeh kisko kehna chaahiye? maat-pita kaun hai - yeh bhi nahin jaante। maat-pita ne zaroor varsa diya hoga। baap ne tum bachchon ko sukh ka varsa diya tha। kehte bhi hain baba ham to aap bigar aur kisi se nahin sunenge। abhi tum jaante ho shivbaaba ki mahima gaai jaati hai। brahma ki aatma bhi khud kehti hai - ham so paavan the, ab patit bane hain। brahma ke bachche bhi aise kahenge, ham brahmaakumaar kumaariyaan so devi-devta phir 84 janmon ke ant mein patit bane hain। jo number one paavan, woh number one patit। jaise baap vaise bachche। yeh khud bhi kehte hain, shivbaaba bhi kehte hain main aata hoon - inke bahut janmon ke ant mein। jo pahle number mein poojya lakshmi-naaraayan ki dynasty mein the। ab hai sangam, tum kaliyug mein the, ab sangamayugi bane ho। baap sangam par hi aate hain, drama anusaar bachche bhi vriddhi ko paate hain। ab bachchon ko gyaan to mila hai। ham so devta the phir kshatriy, vaishya, shoodra bane hain। saare chakra ko achhi reeti tum jaante ho। yeh to bahut sahaj hai, hamne 84 janma liye। kaiyon ki buddhi mein yeh bhi nahin baithta hai। student mein nambarvaar to hote hi hain। right se lekar shuru karte hain first class, second class, third class, bachchiyaan khud bhi kehti hain hamaari third class buddhi hai। ham kisko samjha nahin sakti। dil to bahut hoti hai parantu bol nahin sakte, baba kya karen? yeh hua apne karmon ka hisaab-kitaab। ab baap kehte hain - main tumko karma-akarma-vikarma ki gati ka gyaan sunaata hoon। karma karna hai, yeh to tum bachche jaante ho। third class buddhi vaale in baaton ko samajh na saken। yeh hai hi raavan raajya, parantu yeh kisko pata nahin। raavan raajya mein manushya to vikarma hi karenge to neeche hi girenge। guru kiya hi jaata hai duhkh ki duniya mein। sadgati ke liye hi guru karte hain ki mukti mein le jaaye। woh hai nirvaandhaam - vaani se pare sthaan, manushya apne ko vaanaprasthi kehte hain। woh to kahne maatra hai। vaanaprasthiyon ki bhi sabha hoti hai। sab kuchh milkiyat aadi bachchon ko dekar guru ke paas jaakar baithte hain। khaan-paan aadi to zaroor bachche hi denge। parantu vaanaprastha ka arth koi bhi nahin samajhte hain। kisi ki buddhi mein yeh nahin aata ki hamko nirvaandhaam mein jaana hai। apne ghar mein jaana hai। woh koi ghar nahin samajhte hain। woh to samajhte hain - jyoti jyot mein sama jaayenge। nirvaandhaam to rahne ka sthaan hai। aage 60 varsha ke baad vaanaprastha lete the, yeh jaise ki kaayda tha। abhi bhi aise karte hain। ab tum samjha sakte ho ki vaani se pare to koi ja nahin sakte। iske liye to baap ko hi bulaate hain ki he patit-paavan baba aao, hamko paavan banaakar ghar le chalo। muktidhaam mein aatmaon ka ghar hai। tum bachchon ko satayug ke liye bhi samjhaaya hai - vahaan kaun rehte hain! kaise vriddhi hoti hai! aadamshumaari ka bhi kisko pata nahin hai। raamraajya mein aadamshumaari kitni hogi! bachche aadi kaise janma lenge! kuchh bhi nahin samajhte hain। koi bhi vidvaan, aachaarya, pandit nahin, jo is drama ke chakra ko koi samjha sake। 84 laakh ka chakra ho kaise sakta! kitni wrong baaten hain। bilkul soot hi moonjha hua hai। baap samjhaate hain abhi tum jaante ho baap ne karma-akarma-vikarma ka saara raaz samjhaaya hai। satayug mein tumhaare karma, akarma ho jaate hain। vahaan koi bura karma hota hi nahin, isliye karma, akarma ho jaate hain। yahaan manushya jo bhi karma karte hain woh vikarma ho jaate hain।

abhi tum bachche jaante ho ham chhote bade sabki, saari duniya ki vaanaprastha avastha hai। sab vaani se pare jaane vaale hain। kehte hain he patit-paavan aao, hamko aakar patit se paavan banaao। parantu jab tak paavan nai duniya nahin hai, yahaan patit duniya mein paavan to koi rah na sake। yeh jo bhi patit duniya hai, sab khatma ho jaani hai। tum jaante ho hamko phir nai duniya mein jaana hai। kaise jaayenge? yeh saari knowledge hai। yeh hai nai knowledge, nai duniya, amarlok va paavan duniya ke liye। tum abhi sangam par baithe ho। yeh bhi jaante ho doosre jo bhi manushya hain, brahman nahin hain, woh kaliyug mein hain। ham sab sangam par hain। ja rahe hain satayug mein, barobar yeh sangamayug hai। woh to hai hi svarga। unko sangam nahin kaha jaata। sangam hai abhi। yeh sangamayug sabse chhota hai। isko leap yug kaha jaata hai, jismen manushya paap aatma se dharma aatma bante hain isliye isko dharmaau yug kaha jaata hai। kaliyug mein sabhi manushya adharmi hain। vahaan to sabhi dharmaatma hote hain। bhakti maarga ka kitna bada prabhaav hai। aisi patthar ki moortiyaan banaate hain, jo dekhne se hi dil khush ho jaae। woh hai patthar pooja। shiv ke mandir mein kitna door-door jaate hain, pooja ke liye। shiv ka chitra to ghar mein bhi rakh sakte hain। phir itna door-door kyon bhatakna chaahiye। yeh gyaan ab buddhi mein aaya hai। ab tumhaari aankh khuli hai, buddhi ke kapaat khule hain। baap ne knowledge di hai। parampita paramatma is manushya srishti ka beejroop, gyaan ka saagar, knowledgeful hai। aatma bhi woh knowledge dhaaran karti hai। aatma hi president aadi banti hai। manushya to deh-abhimaani hone ke kaaran deh ki hi mahima karte rehte hain। abhi tum samajhte ho aatma hi sab kuchh karti hai। tum aatma 84 janmon ka chakra lagaae bilkul hi durgati ko paai hui ho। abhi ham aatma ne baap ko pahchaana hai। baap se varsa le rahe hain। aatma ko shareer to zaroor dhaaran karna pade। shareer bigar aatmaayen kaise bolen! kaise sunen! baap kehte hain - main niraakaar hoon। main bhi shareer ka aadhaar leta hoon। tum jaante ho shivbaaba is brahma tan se hamko sunaate hain। yeh baaten tum brahmaakumaar kumaariyaan hi samjhaate ho। tumko ab gyaan mila hai। brahma dvaara aadi sanaatan devi-devta dharma ki sthaapna hoti hai। vahi baap raajayog sikha rahe hain, ismen moonjhane ki baat hi nahin। shivbaaba hamko samjhaate hain phir ham auron ko samjhaate hain। hamko bhi sunaane vaala shivbaaba hi hai। abhi tum kahenge ham patit se paavan ban rahe hain। baap samjhaate hain yeh hai hi patit duniya, raavan ka raajya hai na। raavan paap aatma banaate hain। yeh aur koi bhi nahin jaante hain। bhal raavan ki effigy jalaate hain parantu kuchh bhi samajhte nahin hain। seeta ko raavan le gaya, yeh kiya..... kitni kathaayen baith likhi hain। jab baithkar sunte hain to ro lete hain। woh hain sab danta kathaayen। baba hamko vikarmaajeet banaane liye samjhaate hain। kehte hain maamekam yaad karo। kahaan bhi buddhi nahin lagaao। shivbaaba ne hamko apna parichay diya hai। patit-paavan baap aakar apna parichay dete hain। ab tum samajhte ho kitna meetha baba hai jo hamko svarga ka maalik bana rahe hain। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) karma-akarma aur vikarma ki gati ko jaan shreshtha karma karne hain। gyaan daan kar dharmaatma banna hai।

2) yeh vaanaprastha avastha hai - in antim ghadiyon mein paavan bankar paavan duniya mein jaana hai। paavan banne ka message sabko dena hai।

vardaan:- paas with honour banne ke liye sarva dvaara santushtata ka passport praapta karne vaale santushtamni bhav

jo bachche apne aapse, apne purushaartha va service se, brahman parivaar ke samparka se sada santushta rehte hain unhein hi santushtamni kaha jaata hai। sarva aatmaon ke samparka mein apne ko santushta rakhna va sarva ko santushta karna - ismen jo vijayi bante hain vahi vijaymaala mein aate hain। paas with honour banne ke liye sarva dvaara santushtata ka passport milna chaahiye। yeh passport lene ke sirf sahan karne va samaane ki shakti dhaaran karo।

slogan:- merciful ban seva dvaara niraash aur thaki hui aatmaon ko sahaara do।

ye avyakt ishaare - jvaalaasvaroop sthiti mein rah shaktishaali yaad ka anubhav karo

powerful yaad ke liye sachche dil ka pyaar chaahiye। sachchi dil vaale second mein bindu ban bindu swaroop baap ko yaad kar sakte hain। sachchi dil vaale sachche saaheb ko raazi karne ke kaaran, baap ki vishesh duaayen praapta karte hain, jisse sahaj hi ek sankalp mein sthit ho jvaala roop ki yaad ka anubhav kar sakte hain, powerful vibration phaila sakte hain। sachchaai ki shakti ke kaaran dimaag bhi samay par yuktiyukta, yathaartha kaarya karaata hai, koi bhi ulta kaarya ho nahin sakta।