शनिवार 25 जुलाई 2026 की दैनिक मुरली

25-07-2026 praatahmurli om shanti "baapdaada"' madhuban

“meethe bachche - tum yahaan aaye ho apne sahit saari duniya ki kaaya-kalpatru banaane, yaad se hi kaaya-kalpatru hogi''

prashn:- narkavaasi se svargavaasi banne ki vidhi kaun si hai? abhi tum bachchon ko jeeydaan milta hai kaise?

uttar:- narkavaasi se svargavaasi banne ke liye zaroor marna pade। baba kehte main aaya hoon tum sabko maut dene। tumhaari is deh ko khatma karaae baaki aatmaon ko le jaaoonga। yahi sachcha jeeydaan hai। iske liye yeh mahaabhaarat ladaai hai, jismen sabka vinaash hoga। phir aatmaayen paavan ban vaapas ghar jaayengi। phir svarga mein aayengi।

geet:- maata O maata…

om shanti। meethe-meethe roohaani bachchon ne geet ki line suni। jagat amba ki mahima suni। jagat amba yahaan bhaarat mein hi gaai jaati hai। jagat amba hai to jagat pita bhi zaroor hoga। jagat amba sarasvati ko hi kehte hain। vaastav mein unka naam ek hi hona chaahiye। tumhaara bhi naam ek hi hai na। 2-3 to nahin hain। ab jagat amba ko barobar saakaar mein dikhaate hain, shareerdhaari hai। jagatpita bhi hai, jisko prajaapita bhi kaha jaata hai। jaise saare jagat ki amba hai, vaise saare jagat ka pita hai। zaroor donon hi yahaan honge। donon ka naam bhi sunaaya। donon hain prajaapita aur praja maata। ab doosra jagat pita kaha jaata hai niraakaar shivbaaba ko। joki sabke pita hain, unka naam hi hai parampita param aatma shiv। sirf eeshvar va paramatma nahin kehna hai। unka naam roop bhi hai na, unko god father kaha jaata hai। ek hai aatmaon ka baap, doosra hai saakaari manushya aatmaon ka baap aur mama। shiv hai aatmaon ka pita। aatma kehti hai woh hamaara baap hai। phir aatma ko yeh saakaar shareer milta hai to kehte hain brahma baba, to do baap ho gaye। ek shivbaaba, doosra prajaapita brahma। shivbaaba ka bachcha hai brahma। ek niraakaar pita ek saakaari pita। niraakaar pita ko kaha jaata hai patit-paavan। brahma va sarasvati ko patit-paavan nahin kaha jaata। patit-paavan to ek hai, yeh do ho gaye। sab pukaarte hain - patit-paavan aao to do baap ho gaye। shivbaaba hai rachayita। nai duniya rachte hain। to pahle brahma ko zaroor rachna hai। vishnu aur shankar ko kabhi prajaapita nahin kehte hain। brahma ko hi prajaapita kehte hain। to shivbaaba prajaapita brahma dvaara adopt karte hain। kehte hain ham shivbaaba ke bachche hain। shivbaaba ne ismen pravesh kar adopt kiya hai। vahi aatmaon ko paavan banaate hain, aatma hi patit bani hai। is kaaran shareer bhi patit milta hai। sone mein chaandi, taambe, lohe ki khaad daalte hain to aatma mein bhi khaad padti hai। asul mein aatma pavitra muktidhaam mein rahne vaali hai, jahaan shivbaaba bhi rehte hain। ab shivbaaba, prajaapita brahma - ek ko baap, ek ko daada kahenge। yeh to tum jaante ho sab manushya-maatra shiv ki santaan hain। shivvanshi phir hain brahmaakumaar kumaariyaan। shivbaaba aur daada ikatthe hain। shivbaaba ismen viraajmaan hain, hamko brahman banaae raajayog sikhaate hain, manushya ko devta banaane। devtaayen rehte hain satayug mein। devtaaon ko patit-paavan, gyaan ka saagar nahin kaha jaata। unko baba bhi nahin kaha ja sakta। ab tum vishnupuri ke maalik ban rahe ho। vishnu ke do roop lakshmi-naaraayan hain, yeh manushya nahin jaante। jo bhakti karte hain unko do baap zaroor hain। satayug mein ek baap hota hai। vahaan aise nahin kehte ki he parampita paramatma, duhkh harta sukh karta aao। vahaan to devi-devtaaon ka raajya tha। ve kabhi he god father, liberator nahin kahenge। vahaan koi patit duhkhi hote hi nahin, jo patit-paavan ko bulaayen। tum jaante ho bhaarat mein aaj se 5 hajaar varsha pahle devi-devtaaon ka raajya tha। peechhe phir 1250 varsha baad hota hai raam seeta ka raajya। baap siddha kar bataate hain - satayug treta mein tumne 21 janma liye। brahman, devta, kshatriy... sab bhaarat mein hi bante hain। baap aakar puraani duniya ko naya banaate hain। rejuvenate karte hain। kaaya-kalpatru banaate hain। amar banaate hain। tum bachchon ko baap aakar amarlok ka maalik banaate hain। jab bhaarat amarlok tha tab devtaaon ka raajya tha। seedhi utarte-utarte mrityulok ke aakar maalik bane hain। kehte hain na - hamaara bhaarat, to praja bhi maalik hui na। tum bhi kahenge hamaara bhaarat। ham bhaarat ke maalik the parantu narkavaasi। devtaayen kahenge ham svargavaasi hain। tum bhi svarga-vaasi the phir 84 janma bhog narkavaasi bane ho। yahaan bhaarat mein hi shivbaaba janma lete hain। shivraatri aur shiv jayanti gaai jaati hai। shreekrishna jayanti bhi manaate hain, unki to vela bhi bataate hain। phalaane samay maata ke garbha se janma hua। satayug mein janma to zaroor maata ke garbha se liya hoga। shreekrishna jayanti hoti hai satayug nai duniya mein, phir punarjanma mein aane laga। baba sirf ek ki baat nahin karte। krishnapuri so vishnupuri। raajaayen utarte hain to saari dynasty utarti hai। usmein raaja-raani praja sab aa jaate hain। jab chandravanshi ka raajya hota hai to sooryavanshi ka raajya past ho gaya। transfer hokar chandravanshiyon ko milta hai phir vaishyavanshiyon ko milta hai।

ab tum samajhte ho - ham brahman kul ke hain choti। choti ke oopar hai baap। ham pahle brahman the phir shoodra athva pair banen। pair se ekdam choti bante hain। pahle shivbaaba phir hai choti। baba ne tumko brahman banaaya hai। ab tum shivbaaba ko baba-baba kehte ho। is hisaab se potre-potriyaan ho gaye। tum jaante ho ki ham sab brahma ki santaan hain - brahman-braahmaniyaan। ek baap ke ham sab bachche hain। bhaai-behen kab criminal assault kar nahin sakte। kitne dher bachche sab kehte hain baba... to itne sab jhoothe thode hi ho sakte। sabka baap to vahi niraakaar shiv aur saakaar prajaapita brahma hai, bas। ek baap ke bachche bhaai-behen thahre। tumko pavitra zaroor banna hai। stri-purush pavitra kaise banen, isliye yeh yukti drama mein noondhi hui hai। yahaan sirf brahmaakumaar-kumaariyaan hain। koi shoodra kumaar-kumaari hai nahin। woh hai patit, shoodra, tuchchha buddhi kyonki baap ko nahin jaante hain। kehte hain O god father। achha, unka occupation pata hai? naam, roop, desh, kaal bataao। unki jeevan kahaani bataao। agar nahin jaante ho to naastik thahre। rachayita aur rachna ke aadi-madhya-ant ko nahin jaante। woh hai hi patit duniya। satayug paavan duniya, kaliyug ko patit duniya kaha jaata hai। is samay bilkul tamopradhaan hain, inko raurav narka kaha jaata hai। inki bhi stages hoti hain। dvaapar se narka banna shuru hota hai phir vriddhi ko paata hai। bhakti bhi pahle satopradhaan avyabhichaari thi phir sato rajo tamo hoti hai। tumne dekha hoga jahaan 3 raaste milte hain usko tivaata kehte hain। us par tel aadi chadhaate hain, maatha jhukaate hain। ab kahaan shivbaaba ki pooja kahaan tivaate ki। isko kaha jaata hai tamopradhaan bhakti। paani ki bhi pooja karte hain, patit-paavni ganga bahut gaate hain। ab patit-paavan kaun? paani ki ganga kaise patit-paavni ho sakti hai! woh to paani hai na। patit-paavan to baap hai। shiv jayanti bhi bhaarat mein hoti hai to zaroor bhaarat mein hi aata hoga - patiton ko paavan devta banaane। brahma tan mein aakar manushyon ko devta banaate hain। yahaan tum aate hi ho patit se paavan banne। jaise tumhaari do bhujaayen hain vaise unhon ki bhi do bhujaayen hain। 4-8 bhuja vaala koi manushya hota nahin। yeh alankaar de diye hain। chaturbhuj dikhaaya hai - pravritti dikhaane ke liye। vishnupuri, lakshmi-naaraayan ki puri ko kaha jaata hai। vaishnav akshar bhi vishnu se nikla hai। devtaayen vaishnav the। vallabhaachaari vaishnav hote hain vegetarian, woh koi nirvikaari nahin hote hain। unhon ki badi haveliyaan hoti hain। vaishnav ka arth hi nahin samajhte hain। vishnupuri mein rahne vaalon ko vaishnav kaha jaata hai। vaishnav pavitra ko kaha jaata hai। raadhe-krishna ka alag mandir। lakshmi-naaraayan ka alag mandir bana diya hai। bhaaratvaasi jaante hi nahin ki unhon mein kya farka hai। raadhe-krishna hi lakshmi-naaraayan bante hain, yeh kisko bhi pata nahin। woh hai bachpan ka roop। woh hai bade pan ka roop। lakshmi-naaraayan ke chhotepan ke chitra koi hain nahin। lakshmi-naaraayan ko satayug mein, raadhe-krishna ko dvaapar mein le gaye hain। abhi tum rachayita baap aur rachna ke aadi-madhya-ant ko jaan gaye ho। baba jhaad ka bhi raaz samjhaate hain। drama ka bhi raaz samjhaate hain। jhaad ko dekhne se samjhenge ki shankaraachaarya to kaliyug mein aate hain। sannyaasiyon ki dynasty satayug mein to ho nahin sakti। sab bhagwan ke bachche hain to svargavaasi hone chaahiye। parantu svargavaasi to sab hote nahin hain, sirf devtaayen hi hote hain। abhi tum brahman vanshi bane ho phir devta banenge। pavitra zaroor banna hai।

tum jaante ho chhote bade sab brahmaakumaar-kumaariyaan hain। donon kehte hain - baba ham aapke bachche hain, brahman hain। yeh hai baapdaada - aadi dev brahma aur shivbaaba। tum jaante ho ham brahma baba aur shivbaaba ke saamne baithe hain। baap kehte hain - mujhe yaad karo to patit se paavan ban jaayenge। ham varsa shivbaaba se lete hain। shivbaaba hamaara baap bhi hai, patit-paavan bhi hai, guru bhi hai। ab yeh hai sangamayug। patit se paavan banne ka mela। patit-paavan dvaara hi paavan bante hain। sangam par nadiyon aur saagar ka mela hai। nadiyon ka mela to hota nahin। ab gyaan saagar aur tum aatmaon (bachchon) ka mela lagta hai। tum aaye ho - gyaan saagar ke paas। gyaan gangaayen tum gyaan saagar se nikli hui ho। tum gyaan snaan karaae paavan banaate ho, yog sikhaate ho। saagar ka parichay de tum yahaan le aaye ho mele par। is samay tum jab brahman bante ho to tumko 3 baap hain। laukik pita bhi hai aur prajaapita bhi hai phir shivbaaba bhi hai। bhakti maarga mein do pita hote hain। satayug mein ek pita hoga। yeh samajhne ki baaten hain। abhi tumhaari aatma kehti hai mera to ek shivbaaba doosra na koi। mitra-sambandhi aadi hote hue bhi kehte hain mera to ek shivbaaba hai। unki yaad se hi patit se paavan banna hai। aatma jaanti hai woh hamaara baap bhi hai, teacher bhi hai, satguru bhi hai। hamaari aatma ko baap lene aaye hain। brahma tan mein pravesh kar paavan banaate hain। tumko le jaane ke liye baap aaye hain। tum sabko maut dene aaya hoon। narkavaasi se svargavaasi banne ke liye zaroor marna pade na। tumhaari is deh ko khatma karaae baaki aatmaon ko le jaaoonga। baap kehte hain - tumko jeeydaan deta hoon। yeh mahaabhaarat ladaai hai na। sabka vinaash hoga। nahin to kaise le jaaoonga। aatmaon ko pavitra banaae ghar le jaata hoon। woh to shantidham hai। satayug aayega to kaliyug zaroor vinaash hoga iske liye mahaabhaarat ladaai mashhoor hai। lagti bhi yeh sangam par hai jabki tum manushya se devta bante ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) gyaan saagar mein gyaan snaan kar svayan ko paavan banaana hai। mitra-sambandhiyon ke saath rehte buddhi mein rahe mera to ek shivbaaba doosra na koi।

2) vishnupuri mein chalne ke liye pakka vaishnav arthaat pavitra banna hai। narka se jeete ji markar buddhiyog svarga mein lagaana hai।

vardaan:- ek lagan, ek bharosa, ekras avastha dvaara sada nirvighna banne vaale nivaaran swaroop bhav

sada ek baap ki lagan, baap ke kartavya ki lagan mein aise magan raho jo sansaar mein koi bhi vastu ya vyakti hai bhi - yeh anubhav hi na ho। aise ek lagan, ek bharose mein, ekras avastha mein rahne vaale bachche sada nirvighna ban chadhti kala ka anubhav karte hain। ve kaaran ko parivartan kar nivaaran roop bana dete hain। kaaran ko dekh kamjor nahin bante, nivaaran swaroop ban jaate hain।

slogan:- prashansa ke aadhaar par prasannata alpakaal ki rehti hai।

ye avyakt ishaare - jvaalaasvaroop sthiti mein rah shaktishaali yaad ka anubhav karo

jvaala swaroop ki sthiti ka anubhav karne ke liye nirantar yaad ki jvaala prajvalit rahe। iski sahaj vidhi hai - sada apne ko “saarthi'' aur “saakshi'' samajhkar chalo। aatma is rath ki saarthi hai - yeh smriti svatah hi is rath (deh) se va kisi bhi prakaar ke dehbhaan se nyaara bana deti hai। svayan ko saarthi samajhne se sarva karmendriyaan apne control mein rehti hain। sookshm shaktiyaan “man-buddhi-sanskaar'' bhi order pramaan rehte hain।