शनिवार 29 अगस्त 2026 की दैनिक मुरली

29-08-2026 praatahmurli om shanti "baapdaada"' madhuban

“meethe bachche - sab baaton mein sahansheel bano, ninda-stuti, jay-paraajay sabmen samaan raho, suni sunaai baaton mein vishvaas nahin karo''

prashn:- aatma sada chadhti kala mein aage badhti rahe uski sahaj yukti sunaao?

uttar:- ek baap se hi suno, doosre se nahin। phaaltu parchintan mein, vaahyaat baaton mein apna samay barbaad na karo, to aatma sada chadhti kala mein rahegi। ulti-sulti baaten sunne se, un par vishvaas karne se achhe bachche bhi gir padte hain, isliye bahut sambhaal karni hai।

om shanti। meethe-meethe bachchon ko ab smriti aai hai ki barobar aadhaakalpa hamne baap ko yaad kiya hai, jab se raavan raajya shuru hua hai। aise bhi nahin koi poore aadhaakalpa yaad kiya hai, nahin। jab-jab duhkh jaasti aaya hai, tab-tab yaad kiya hai। abhi tumko pata pada hai ki bhakti maarga se ham utarte aaye hain। drama ka raaz buddhi mein hai। mukh se kuchh kahne ka bhi nahin hai, ham unke ho gaye isliye jaasti gyaan ki darkaar nahin। baap ke bane to baap ki jaaydaad ke maalik ho gaye। kuchh karmendriyon se karne ka nahin rehta। bhakti maarga mein bhagwan se milne ke liye kitne yagya-tap daan-punya karte hain। jahaan bhi jaao sab jagah teertha, mandir athaah hain। aisa koi manushya nahin jo saare bhaarat ke teertha aur athaah mandir aadi ghoom sake। agar ghoome bhi to kuchh milta nahin। vahaan ghanta ghadiyaal aadi kitna ghamsaan hai। yahaan to ghamsaan ki baat nahin। na geet gaane, na taaliyaan bajaane ki baat hai। manushya to kya-kya nahin karte hain, athaah karmakaanda hain। yahaan to tum bachchon ko sirf yaad karna hai aur kuchh bhi nahin। ghar mein rehte sab kuchh karte sirf baap ko yaad karna hai। tum jaante ho abhi ham devta bante hain। yahaan hi daiveegun dhaaran karna hai। khaanpaan bhi shuddh hona chaahiye। 36 prakaar ke bhojan to vahaan milenge। yahaan saadhaaran rehna hai। na bahut oonch, na bahut neech। sab baaton mein sahansheelta chaahiye। ninda-stuti, jay-paraajay, sardi-garmi, yeh sab kuchh sahan karna padta hai। samay hi aisa hai। paani nahin milega, yeh nahin milega, soorya bhi apni tapat dikhaayega। har cheez tamopradhaan banti hai। yeh srishti hi tamopradhaan hai। tatva bhi tamopradhaan hain। to yeh duhkh dete hain। ninda-stuti mein bhi nahin jaana hai। bahut hain jo jhat bigad padte hain। kisne ulta-sulta kuchh kisko sunaaya kyonki aajkal baaton ki banaavat to bahut hai na। koi ne kuchh kaha - tumhaare liye baba yeh kehte hain ki inko deh-abhimaan hai, baahar ka show bahut hai, yeh kisi ne sunaaya, bas bukhaar chadh jaayega। neend bhi fit jaayegi। aadhaakalpa ke manushya aise hain, koi ko bhi jhat bukhaar chadha den, jhat peele ho jaayenge। to baap kehte hain koi bhi aisi vaahyaat baaten nahin suno। baap kabhi bhi kiski ninda nahin karte hain। baap to samjhaane liye hi kehte hain। ulti-sulti baaten ek-do ko sunaane se achhe-achhe bachche bhi bigad padte hain। to traitor ban vaahyaat baaten jaakar ek-do ko sunaayenge। bhakti maarga mein bhi kaisi-kaisi kahaaniyaan banaai hain। abhi tumko gyaan mila hai to tum kabhi bhi he raam va haay bhagwan bhi nahin kah sakte, yeh akshar bhi bhakti maarga ke hain। tumhaare mukh se aise akshar nahin nikalne chaahiye।

baap sirf kehte hain meethe laadle bachchon aatma-abhimaani bano। kitna pyaar se samjhaate hain। kiski bhi baat nahin suno, phaaltu parchintan nahin karo। ek baat pakki kar lo - ham aatma hain। aatma avinaashi hai, shareer vinaashi hai। aatma hi sanskaar dhaaran karti hai। ab tum bachchon ko aatma-abhimaani banna hai। dvaapar se tum raavan raajya mein deh-abhimaani bante ho isliye ab dehi-abhimaani banne mein mehnat lagti hai। ghadi-ghadi buddhi mein yeh aana chaahiye ki hamko behad ka baap mila hai। kalpa-kalpa baap varsa dete hain। ab unki mat par chalna hai। unke liye hi gaayan hai - tum maat-pita… woh sab sambandhon ka sukh dene vaala hai, unmein sab mithaas hai। baaki aur mitra-sambandhi aadi duhkh dene vaale hi hain। ek hi baap hai jo sabko sukh dene vaala hai। raasta bhi bilkul sahaj bataate hain ki apne ko aatma samajh mujh baap ko yaad karo। baap samjhaate hain yeh koi nai baat nahin hai। tum jaante ho har 5 hajaar varsha baad ham aise baap ke paas aate hain, yeh koi saadhu-santa nahin hai। tum koi saadhu santa aadi ke paas nahin rehte, baaki haan baap kehte hain - pravritti maarga ke sambandh se tod nibhaana hai। nahin to aur hi khit-khit ho jaati hai, yukti se chalo। pyaar se har ek ko samjhaana hai ki dekho abhi vinaash ka samay najdeek hai, yeh aasuri duniya khatma honi hai। ab devta banna hai, daiveegun yahaan dhaaran karna hai। pyaar se samjhaana chaahiye। devtaayen bhi pyaaz lahsun aadi to khaate nahin। ham bhi manushya se devta bante hain to ham yeh kaise kha sakte hain। tumko bhi raay dete hain - yeh chhod do। aisi cheejen ham khaate nahin। abhi tumko behad ka baap daiveegun sikhlaane vaala mila hai to sarvagun sampanna..... yahaan hi banna hai। yahaan banenge tab phir bhavishya nai duniya aayegi। yeh aise hi hota hai jaise raat ke baad phir din hota hai। ab raat ki ant mein hi daiveegun dhaaran karne hain to phir subah ho jaayegi। apni pareeksha harek ko aapehi leni hai। aise nahin ki baap to sab kuchh jaante hain। tum apne ko dekho na। student aise kabhi nahin kahenge ki teacher to sab kuchh jaante hain। imtahaan ke din najdeek aate hain to bachche khud bhi samajhte hain ham kitna paas honge, kis subject mein ham dheele hain। marks kam lenge phir sab milaakar paas ho jaayenge। yeh samajhte hain to ismen bhi apni jaanch rakhni hai। hamaare mein kya kami hai? main bahut meetha bana hoon? sabko pyaar se samjhaana hai - ham aatmaon ka baap parampita paramatma hai। manushya ki baat nahin। ham niraakaar ko bhagwan kehte hain, bhagwan rachta ek hi hai, baaki sab hain rachna। rachna se kisko varsa nahin mil sakta, kaayda nahin hai। ab sarva rachna ka sadgati daata ek hi rachta baap hai, usmein saadhu-santa sab aa gaye। hain to sab aatmaayen na। haan manushya achhe-bure to hote hi hain, position ooncha-neecha hota hai। sannyaasiyon mein bhi nambarvaar hain। koi to dekho bheekh maangate rehte, koi ko sab paanv padte hain। tum bachchon ko bhi oonch banna hai, bahut meetha bano। kabhi bhi krodh se baat nahin karni chaahiye, jitna ho sake pyaar se kaam lo। kehte hain bachche bahut tang karte hain so to aajkal ke bachche hain hi aise। pyaar se unko samjhaao। dikhaate hain krishna chanchalta karta tha to unko rassi se baandhate the। jitna ho sake pyaar se samjhaana hai ya to halki saja। bichaare abodh (anjaan) hain। samay bhi aisa hai। baahar ka sangadosh bahut kharaab hai।

abhi behad ka baap kehte hain tumhein moorti aadi rakhne ki koi darkaar nahin hai। kuchh bhi mehnat karne ki darkaar nahin hai। shiv ka chitra bhi kyon rakhen! woh to tumhaara baap hai na। ghar mein bachche baap ka chitra kyon rakhenge? baap to haazira-hazoor hai na। baap kehte hain - main abhi haazir naazir hoon na। phir chitron ki to darkaar nahin। main bachchon ko baith samjhaata hoon। kehte hain baapdaada ko dekhen। ab baap to hai niraakaar, unko dekh na saken। buddhi se samajh sakte hain। baap kehte hain - main inmen pravesh kar tumko knowledge baith deta hoon। nahin to kaise aaoon। shreekrishna ke tan mein kaise aayega। sannyaasiyon mein bhi nahin aa sakta hoon। main aata hi unmein hoon jo pahle number mein tha। vahi ab last number mein hai। tumko bhi abhi padhkar phir pahle number mein jaana hai। padhaane vaala to ek hi hai, jisko gyaan ka saagar kaha jaata hai। tumko gyaan bahut achha milta hai। tum jaante ho - shantidham hamaara ghar hai, sukhdhaam hamaari raajdhaani hai। duhkhadhaam raavan ki baadshaahi hai। ab baap kehte hain meethe-meethe bachchon - apne ghar shantidham ko yaad karo, sukhdhaam ko yaad karo। duhkhadhaam ke bandhan ko bhoolte jaao। aise aur koi kah na sake। na woh ja sakte hain। drama ke beech se vaapas koi bhi ja na sake। yeh jo kehte hain phalaana jyoti jyot samaaya va paar nirvaan gaya, ek bhi jaata nahin hai। sabka baap athva maalik ek hi parampita paramatma hai, woh sab aashikon ka ek hi maashook hai। woh jismaani aashik maashook ek-do ko yaad karte hain, buddhi mein chitra aa jaata hai। phir ek-do ko yaad karte rahenge। khaana khaate rahenge, yaad karte rahenge। woh to hain ek janma ke aashik maashook। tum janma-janmaantar ke aashik ho, ek maashook ke। tumko aur kuchh bhi nahin karna hai, sirf ek baap ko yaad karna hai। un aashik maashook ke saamne chitra aa jaata hai। bas unko dekhte-dekhte kaam bhi thahar jaata phir unka chehra gum ho jaata hai aur kaam karne lag padte hain। ismen to aise nahin hai। aatma bhi bindi, paramatma bhi bindi hai। apne ko aatma samajh baap ko yaad karna hai, ismen hi mehnat hai, koi bhi aisi practice karte nahi hain। aatma ka gyaan mila arthaat aatma ko realise kiya, baaki raha paramatma। woh bhi tum jaante ho। baba aakar yahaan (bhrikuti mein) baithte hain। inki jagah bhi yahaan hai। aatma kahaan se bhi chali jaati hai, maaloom nahin padta hai। unka mukhya sthaan bhrikuti hai। baap kehte hain - main bhi bindi hoon, ismen aakar baitha hoon। tumko pata bhi nahin padta hai। baap tum bachchon ko baith sunaate hain, tumko jo sunaate hain woh ham bhi sunte hain। samjhaani to bilkul right hai। daivi dharma vaale jo honge woh jhat samajh jaayenge - yeh raajdhaani sthaapan ho rahi hai। pahle sthaapna aur phir vinaash bhi hoga aur koi dharma sthaapak aise nahin karte hain। woh sirf apna dharma sthaapan karte hain phir vriddhi ko paate, yahaan to jo jitna-jitna purushaartha karte hain, utna bhavishya mein oonch pad paate hain। tum bhavishya 21 janmon ke liye praalabdha banaate ho to kitna purushaartha karna chaahiye aur hai bahut sahaj, yog bhi sahaj jisse tumhaare vikarma vinaash hote hain।

baap kehte hain - main guarantee karta hoon, kalpa-kalpa main hi aakar tum bachchon ko paavan banaata hoon। vahaan patit ek bhi hota nahin। gyaan bhi kitna sahaj hai, 84 janmon ka chakra kaise lagaate hain, woh bhi buddhi mein knowledge hai। hamne 84 ka chakra lagaaya hai, yeh nishchay rakhna hai। nishchay mein hi vijay hai। aise nahin ki pata nahin ham 84 janma lete hain va kuchh kam। jabki tum brahman ho to tumko nishchay hona chaahiye barobar hamne 84 ka chakra poora bhoga hai। yeh to bahut sahaj samjhaani hai। bachchon ko samjhaaya hai yeh chitra sab divya drishti se baap ne banvaaye hain। correct bhi karaaye hain। shuru mein jab banaaras mein baba ekaanta mein rehte the to aise chakra deevaaron par baith nikaalte the। samajhte kuchh nahin the ki yeh kya hai। khushi hoti thi। saakshaatkaar hone se jaise ud jaate the। yeh kya hota hai, samajh mein nahin aata tha। tum jaante ho jo chitra pahle bane the woh phir badalkar naye-naye banaate gaye hain। abhi naye-naye chitra kalpa pahle muaaphik bante jaate hain। seedhi ka chitra dekho kitna achha hai। is par samjhaana sahaj hai। deri se aane vaalon ko aur hi sahaj samjhaani milti hai। abhi naye-naye jo aate hain, 7 din mein saara knowledge samajh lete hain। puraanon se bhi aage ja rahe hain। koi kehte hain pahle aate the to achha tha। are yeh bhi phikar mat karo। aage aate the aur bhaaganti ho jaate the to? deri se aane vaalon ko to sahaj takhta milta hai। pahle jo the dekho ve phir ab hain bhi nahin। khatma ho gaye। pichhaadi mein result ka maaloom padta hai - kaun paas hua। naye-naye nikalte hain aur jhat service par lag padte hain। puraane itna nahin lagte। nai-nai bachchiyaan service se dil par chadhi rehti hain। puraane kitne to khatma ho gaye isliye baba kehte hain - jinko sarvottam brahman kul bhooshan kaha jaata hai, unmein bhi koi aashcharyavat sunanti, bhaaganti ho jaate hain। jo gaaya hua hai woh ab practical ho raha hai। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) apni jaanch aapehi karni hai। dekhna hai main bahut-bahut meetha bana hoon? hamaare mein kya-kya kami hai? sab daiveegun dhaaran hue hain! apni chalan devtaaon jaisi banaani hai। aasuri khaan-paan tyaag dena hai।

2) koi bhi vaahyaat baaten na sunni hai aur na bolni hai। sahansheel banna hai।

vardaan:- apni smriti, vritti aur drishti ko alaukik banaane vaale sarva aakarshanon se mukta bhav

kaha jaata hai -“jaise sankalp vaisi srishti'' jo nai srishti rachne ke nimitta vishesh aatmaayen hain unka ek-ek sankalp shreshtha arthaat alaukik hona chaahiye। jab smriti-vritti aur drishti sab alaukik ho jaati hai to is lok ka koi bhi vyakti va koi bhi vastu apni or aakarshit nahin kar sakti। agar aakarshit karti hai to zaroor alaukikta mein kami hai। alaukik aatmaayen sarva aakarshanon se mukta hongi।

slogan:- dil mein parmaatma pyaar va shaktiyaan samaai hui hon to man mein uljhan aa nahin sakti।

ye avyakt ishaare - apvitrata ke beej ko bhi samaapta kar sampoorn svachchha (pavitra) bano

sampoorn satyata bhi pavitrata ke aadhaar par hoti hai। pavitrata nahin to sada satyata rah nahin sakti hai। sirf kaam vikaar apvitrata nahin hai, lekin uske aur bhi saathi hain। to mahaan pavitra arthaat apvitrata ka naam-nishaan na ho।