शनिवार 26 सितंबर 2026 की दैनिक मुरली

26-09-2026 praatahmurli om shanti "baapdaada"' madhuban

“meethe bachche - apna sachcha-sachcha chart rakho to avastha achhi rahegi, chart rakhne se kalyaan hota rahega''

prashn:- kaun si smriti puraani duniya se sahaj hi kinaara kara deti hai?

uttar:- agar yeh smriti rahe ki ham kalpa-kalpa baap se behad ka varsa lete hain। abhi phir se hamne shivbaaba ki god li hai - varsa lene ke liye। baba ne humein adopt kiya hai, ham sachche-sachche brahman bane hain। shivbaaba humein geeta suna rahe hain। yahi smriti puraani duniya se kinaara kara degi।

om shanti। tum bachche yahaan baithe ho shivbaaba ki yaad mein, to tum jaante ho woh hamko sukhdhaam ka maalik phir se bana rahe hain। bachchon ki buddhi mein andar kitni khushi honi chaahiye, yahaan baithe bachchon ko khajaana milta hai na। anek prakaar ke college mein, universities mein kisi ki bhi buddhi mein yeh baaten nahin rehti। tum hi jaante ho ki baba hamko svarga ka maalik bana rahe hain। yeh khushi rahni chaahiye na। is samay aur sabhi khyaalaat nikaalkar ek baap ko hi yaad karna hai। yahaan jab baithte ho to buddhi mein nasha rehna chaahiye ki ham abhi sukhdhaam ka maalik ban rahe hain। sukh aur shanti ka varsa ham kalpa-kalpa lete hain। manushya to kuchh nahin jaante। kalpa pahle bhi bahut manushya agyaan ke andhere mein kumbhakran ki neend mein soye khatma ho gaye the। phir bhi aise hi hoga। bachche samajhte hain hamko baap ne adopt kiya hai va hamne shivbaaba ki dharma god li hai। jo aadi sanaatan devi-devta dharma ki sthaapna kar rahe hain। abhi ham brahman hain। ham sachcha-sachcha geeta ka paath sun rahe hain। ham baba se phir se raajayog aur gyaan bal se varsa lete hain। aise-aise khyaalaat andar mein aane chaahiye na। baap bhi aakar khushi ki baaten batlaate hain na। baap jaante hain bachche kaam-chita par baith kaale bhasmeebhoot ho gaye hain isliye amarlok se mrityulok mein aata hoon। tum phir kehte ho ham mrityulok se amarlok jaate hain। baap kehte hain - ham mrityulok mein jaata hoon, jahaan sabki mrityu ho gai hai, unko phir se amarlok mein le jaata hoon। shaastron mein to kya-kya likh diya hai। woh sarvashaktimaan hai, jo chaahe so kar sakte hain। parantu bachche jaante hain, unko bulaaya hi jaata hai he patit-paavan baba aao, hamko aakar patit se paavan banaao। duhkh harkar sukh do, ismen jaadu ki koi baat nahin hai। baap aate hi hain kaanton se phool banaane।

tum jaante ho ham hi sukhdhaam ke devta the, satopradhaan the। har ek ko satopradhaan se tamopradhaan mein aana hi hai। bachchon ko yahaan baithne samay to aur hi maza aana chaahiye। yaad aana chaahiye। baap ko hi saari duniya yaad karti hai। he liberator, guide, he patit-paavan aao। bulaate tab hain jabki raavanraajya mein hain। satayug mein thode hi bulaate, yeh baaten badi sahaj samajhne ki hain। yeh kisne sunaai hain? baap ki bhi mahima karenge, teacher, satguru ki bhi mahima karenge - teenon ek hi hain। yeh tumhaari buddhi mein hai। yeh baap, teacher, satguru bhi hai। shivbaaba ka dhandha hi hai patiton ko paavan banaana। patit zaroor duhkhi honge। satopradhaan sukhi, tamopradhaan duhkhi hote hain। in devtaaon ka kitna satoguni svabhaav hai। yahaan manushyon ka kaliyugi tamoguni svabhaav hai। baaki haan, manushya nambarvaar achhe va bure hote hain। satayug mein aise kabhi nahin kahenge ki yeh kharaab hai। yeh aisa hai। vahaan bure lakshan koi hote nahin। woh hai hi daivi sampradaay। haan, saahookaar aur gareeb ho sakte hain। baaki achhe va bure gunon ki bhent vahaan hoti nahin, sabhi sukhi rehte hain। duhkh ki baat nahin, naam hi hai sukhdhaam। to bachchon ko baap se poora varsa lene ka purushaartha karna chaahiye। apna chitra aur lakshmi-naaraayan ka chitra bhi rakh sakte ho। kahenge koi to inhon ko sikhlaane vaala hoga। yeh to bhagvaanuvaach hai na। bhagwan ko apna shareer nahin hai। woh aakar loan lete hain। gaaya bhi hua hai bhaageerath, to zaroor rath par viraajmaan hai। bail par thode hi aayega। shiv aur shankar ikattha kar diya hai, tab bail de diya hai। to baap kehte hain - tumko kitna khush hona chaahiye, ham baap ke bane hain। baap bhi kehte hain - tum hamaare ho। baap ko pad paane ki khushi nahin hai। teacher to teacher hai, unko padhaana hai। baap kehte hain - bachche, main sukh ka saagar hoon। abhi tumko ateendriy sukh bhaasta hai, jab hamne tumko adopt kiya hai। adoption to kisam-kisam ki hoti hai। purush bhi kanya ko adopt karte hain। woh samajhti hain yeh hamaara pati hai, abhi tum samajhte ho - shivbaaba ne humein adopt kiya hai। duniya mein in baaton ko nahin samajhte। unhon ki woh adoption hai - ek do par kaam-kataari chalaane ki। samjho koi raaja bachche ko god mein leta hai, adopt karta hai sukh ke liye, parantu woh hai alpakaal ka sukh। sannyaasi bhi adopt karte hain na। woh kahenge yeh hamaara guru hai, woh kahega yeh hamaara followers hai। kitni adoption hai। baap bachche ko adopt karte hain। unko sukh to dete hain phir shaadi karaane se jaise duhkh ka varsa de dete hain। guru ki adoption kitni first class hai। yeh phir hai eeshvar ki adoption, aatmaon ko apna banaane ki। abhi tum bachchon ne sabki adoption ko dekh liya hai। sannyaasiyon ke hote hue phir bhi gaate rehte hain - he patit-paavan aao, aakar hamko adopt kar paavan banaao। sab brothers hain। parantu jabki aakar apna banaaye na। kehte hain baba ham duhkhi ho pade hain। raavan raajya ka bhi arth nahin samajhte hain। effigy banaakar jalaate rehte hain। jaise koi duhkh dete hain to samajhte hain in par case chalaana chaahiye। parantu yeh kab se dushman bana hai? aakhreen yeh dushman marega ya nahin? is dushman ka tumko hi maaloom hai, un par jeet paane ke liye tumko adopt kiya jaata hai। yeh bhi tum bachche jaante ho, vinaash hona hai, atomic bombs bhi bane hue hain। is gyaan yagya se hi vinaash jvaala nikli hai। abhi tum jaante ho raavan par vijay paakar phir nai srishti par raajya karenge। baaki to sab gudiyon ka khel hai। raavan ki guddi to bahut kharcha karaati hai। manushya bahut paise phaaltu ganvaate hain। kitna raat-din ka farka hai। woh bhatakte duhkhi hote, dhakke khaate rehte hain। aur ham abhi shreemat par shreshthaachaari, satayugi svaraajya pa rahe hain। shreshtha te shreshtha satayug sthaapan karne vaala shivbaaba hamko shreshtha devta vishwa ka maalik banaate hain। shri shri shivbaaba hamko shri banaate hain। shri shri sirf ek ko hi kaha jaata hai। devtaaon ko shri kaha jaata hai kyonki woh punarjanma mein aate hain na। vaastav mein shri vikaari raajaaon ko bhi nahin kah sakte hain।

abhi tumhaari kitni vishaalbuddhi honi chaahiye। tum jaante ho ki ham is padhaai se double sirtaaj bante hain। ham hi double sirtaaj the, abhi to single taaj bhi nahin hai। patit hain na। yahaan light ka taaj kisko laga nahin sakte। in chitron mein jahaan tum tapasya mein baithe ho vahaan light ka taaj nahin dena chaahiye। tumko double sirtaaj bhavishya mein banna hai। tum bachche jaante ho ham baba se double sirtaaj mahaaraaja-mahaaraani banne ke liye aaye hain। yeh khushi honi chaahiye। shivbaaba ko yaad karna chaahiye to patit se paavan ban svarga ke maalik ban jaayenge, ismen koi takleeph ki baat nahin hai। yahaan tum student baithe ho। vahaan baahar mitra-sambandhiyon aadi ke paas jaane se student life bhool jaati hai। phir mitra sambandhi yaad aa jaate hain। maaya ka force hai na। hostel mein rahne se padhte achha hai। baahar aane-jaane se sangadosh mein kharaab hote hain। yahaan se baahar jaate hain to phir student life ka nasha gum ho jaata hai। padhaane vaali braahmaniyon ko bhi vahaan baahar mein itna nasha nahin rahega, jitna yahaan rahega। yeh head office madhuban hai। student teacher ke saamne rehte hain। ulte dhandhe koi nahin hai। raat-din ka farka hai। koi to saare din mein shivbaaba ko yaad bhi nahin karte hain। shivbaaba ke madadgaar nahin bante hain। shivbaaba ke bachche bane ho to service karo। agar service nahin karte to goya woh kapoot bachche hain। baba to samajhte hain na। inka farja hai kehna - mujhe yaad karo। follow karo to bahut-bahut kalyaan hai। vikaari sambandh to bhrashtaachaari hain। unko chhodte jaao, unse sang nahin rakho। baap to samjhaate hain parantu kiski takdeer mein bhi ho na। baba kahe - chart rakhna hai, inse bhi bahut kalyaan hoga। koi ghanta bhi mushkil yaad mein rehta hoga। 8 ghanta to ant mein pahunchna hai। karma-yogi to ho na। koi-koi ko umang kabhi-kabhi aata hai to chart rakhte hain। yeh achha hai। jitna baap ko yaad karenge phaayda hi hai। gaaya hua hai - antakaal jo hari ko sumire… val-val ka arth kya hai? jo achhi reeti yaad nahin karte hain, to janma-janmaantar ka bojha jo hai, woh val-val (baar-baar) janma dekar saakshaatkaar karaae phir saja dete hain। jaise kaashi kalvat khaate hain to jhat paapon ka saakshaatkaar hota hai। mahsoos karte hain ham paapon ki saja khaate hain। bahut mochra khaane vaale hain। baba ki service mein jo vighna daalte hain, woh sajaaon ke laayak hain। baap ki service mein baadha daalte hain, jiska right hand dharmaraaj hai। baap kehte hain - apne saath pratigya karo kyonki baap ki yaad se hi tum paavan banenge। nahin to nahin। baap pratigya karaate hain, karo na karo, tumhaari marji। jo karega so paayega। bahut hain jo pratigya karte hain, phir bhi bure kaam karte rehte hain। bhakti maarga mein gaate rehte hain - mera to ek doosra na koi। parantu woh baat abhi buddhi mein aati hai ki aatma kyon aise gaati aai hai। saara din gaate rehte hain mera to ek girdhar gopaal... yeh to sangam par baap aaye tab apne ghar le jaae, krishnapuri mein jaane ke liye tum padhte ho na। princess college hote hain, jahaan prince-princess padhte hain। woh to hai had ki baat। kabhi beemaar padte, kabhi mar bhi jaate। yeh to hai prince-princess banne ki god fatherly university। raajayog hai na। tum nar se naaraayan bante ho। tum baap se varsa le satayug ka prince-princess bante ho।

baap tum bachchon ko kitni maze ki baaten baith sunaate hain। yaad rehna chaahiye na। koi to yahaan se baahar nikle to phans jaate hain। baap ko yaad bhi nambarvaar karte hain। jo jaasti yaad karte honge woh auron ko bhi yaad karaate honge। buddhi mein yahi rehna chaahiye ki kaise bahuton ka kalyaan karen। baahar vaale praja mein daas-daasi, yahaan vaale phir raajaaon mein daas-daasi banenge। aage chal sab saakshaatkaar hota jaayega। tum bhi feel karenge barobar hamne poora purushaartha nahin kiya hai, bahut chamatkaar dekhenge। jo achhi reeti padhenge vahi navaab banenge। baap kitna kehte rehte hain - centres ko pradarshani deta hoon to bachchon ko sikhaakar hoshiyaar banaayen। tab baba samjhenge bi.ke. service karna jaanti hain। service karenge to oonch pad paayenge, isliye baba pradarshani banaane par jor de rahe hain। yeh chitra banaana to bahut common cheez hai। himmat kar pradarshani ke chitra banaane mein madad karni chaahiye to samjhaane mein bachchon ko sahaj hoga। baba samajhte hain - teachers, managers thande hain। koi-koi braahmaniyaan manager banti hain to deh-abhimaan aa jaata hai। apne ko miya mitthu samajhti hain। ham bahut achhi chalti hain। doosron se poochho to 10 baaten sunaayenge। maaya bada chakkar mein daalti hai। bachchon ko to service aur service mein rehna chaahiye। baap merciful, duhkh harta sukh karta hai to bachchon ko bhi banna hai, sirf baap ka parichay dena hai। baap kehte hain - maamekam yaad karo to narkavaasi se svargavaasi ban jaayenge। kitna sahaj hai। baap kehte hain - mujhe yaad karo to patit se paavan ban tum shantidham, sukhdhaam mein aa jaayenge। nishchay ho to phir ekdam likhva lena chaahiye। likhte bhi hain barobar brahmaakumaar kumaariyaan shivbaaba se varsa lete hain, to samjhenge aise baap ka to zaroor banna chaahiye। sharan padna chaahiye। tum baap ki sharan pade ho na arthaat god mein aaye ho। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) baap samaan merciful, duhkh harta sukh karta banna hai।

2) sangadosh se apni bahut-bahut sambhaal karni hai। ek baap ko hi follow karna hai। bahuton ke kalyaan ki service karni hai। kabhi ahankaar mein aakar miya mitthu nahin banna hai

vardaan:- antarmukhi ban apne samay aur sankalpon ki bachat karne vaale vighna jeet bhav

koi bhi nai powerful invention karte hain to underground karte hain। aap bhi jitna antarmukhi arthaat underground rahenge utna vaayumandal se bachaav ho jaayega, manan shakti badhegi aur maaya ke vighnon se bhi safe ho jaayenge। baaharmukhta mein aate bhi antarmukh, harshitmukh, aakarshanmoorta raho, karma karte bhi yeh practice karo to samay ki bachat hogi aur saphalta bhi adhik anubhav karenge।

slogan:- beemaari se ghabraao nahin, use davaai roopi fruit khilaakar vidaai de do।

ye avyakt ishaare - ab apne daata swaroop ko pratyaksha karo

tum bachchon ko kisi bhi aatma se kuchh lena nahin hai। sirf ek baap se hi lena hai aur jo liya hai woh sabko dena hai। jahaan dena hai, vahaan lene ki ichchha nahin rakhna। agar aatma, aatma dvaara kuchh-bhi lene ki ichchha rakhti hai to unhein alpagya aatmaon se alpakaal ki hi praapti hogi। ek sarvagya baap se hi sadaakaal ki praapti hogi। kisi bhi prakaar ki lene ki ichchha apne svamaan se gira deti hai।