मंगलवार 29 सितंबर 2026 की दैनिक मुरली

29-09-2026 praatahmurli om shanti "baapdaada"' madhuban

“meethe bachche - behad ka baap is behad ki mahphil mein gareeb bachchon ko god lene ke liye aaye hain, unhein devtaaon ki mahphil mein aane ki jaroorat nahin''

prashn:- bachchon ko kaun sa din bade hi dhoomdhaam se manaana chaahiye?

uttar:- jis din marjeeva janma hua, baap mein nishchay hua… woh din bade hi dhoomdhaam se manaana chaahiye। vahi tumhaare liye janmaashtami hai। agar apna marjeeva janma din manaayenge to buddhi mein yaad rahega ki hamne puraani duniya se kinaara kar liya। ham baba ke ban gaye arthaat varse ke adhikaari ban gaye।

geet:- mahphil mein jal uthi shama...

om shanti। geet-kavitaayen, bhajan, ved-shaastra, upnishad, devtaaon ki mahima aadi tum bhaaratvaasi bachche bahut hi sunte aaye ho। abhi tumko samajh mili hai ki yeh srishti ka chakra kaise phirta hai। past ko bhi bachchon ne jaana hai। present duniya ka kya hai, woh bhi dekh rahe ho। woh bhi practical mein anubhav kiya hai। baaki jo kuchh hona hai - so abhi practical mein anubhav nahin kiya hai। past mein jo hua hai uska anubhav kiya hai। baap ne hi samjhaaya hai, baap bigar koi samjha na sake। athaah manushya hain parantu vo kuchh bhi nahin jaante hain। rachayita aur rachna ke aadi-madhya-ant ko kuchh nahin jaante। abhi kaliyug ka ant hai, yeh bhi manushya nahin jaante। haan aage chal ant ko jaanenge। mool ko jaanenge। baaki saari knowledge ko nahin jaanenge। padhne vaale student hi jaan sakte hain। yeh hai manushya se raajaaon ka raaja banna। so bhi na aasuri raajaayen parantu daivi raajaayen, jinhon ko aasuri raajaayen poojte hain। yeh sab baaten tum bachche hi jaante ho। vidvaan, aachaarya aadi jara bhi nahin jaante। bhagwan, jisko shama kah pukaarte hain usko jaante nahin। geet gaane vaale bhi kuchh nahin jaante। mahima sirf gaate hain। bhagwan bhi koi samay is duniya ki mahphil mein aaya tha। mahphil arthaat jahaan bahut ikatthe hon। mahphil mein khaana-peena, sharaab aadi milta hai। abhi is mahphil mein tumko baap se avinaashi gyaan ratnon ka khajaana mil raha hai athva aise kahen hamko vaikuntha ki baadshaahi baap se mil rahi hai। is saari mahphil mein bachche hi baap ko jaante hain ki baap hamko saugaat dene aaye hain। baap mahphil mein kya dete hain, manushya mahphil mein ek-do ko kya dete hain, raat-din ka farka hai। baap jaise halua khilaate hain aur woh saste mein sasti vastu chane khilaate hain। halua aur chana - donon mein kitna farka hai। ek-do ko chane khilaate rehte hain। koi kamaata nahin hai to kaha jaata hai - yeh to chane chaba rahe hain।

abhi tum bachche jaante ho behad ka baap hamko svarga ki raajaai ka vardaan de rahe hain। shivbaaba is mahphil mein aate hain na। shiv jayanti bhi to manaate hain na। parantu woh kya aakar karte hain - yeh kisko bhi pata nahin hai। woh baap hai। baap zaroor kuchh khilaate hain, dete hain। maat-pita jeevan ki paalna to karte hain na। tum bhi jaante ho woh maat-pita aakarke jeevan ki sambhaal karte hain। adopt karte hain। bachche khud kehte hain baba ham aapke 10 din ke bachche hain arthaat 10 din se aapke bane hain। to samajhna chaahiye ki ham aapse svarga ki baadshaahi lene ka hakdaar ban chuke hain। god li hai। jeete ji kisi ki god li jaati hai to andhashraddha se to nahin lete hain। maat-pita bhi bachche ko god mein dete hain। samajhte hain hamaara bachcha unke paas jaasti sukhi rahega aur hi pyaar se sambhaalenge। tum bhi laukik baap ke bachche yahaan behad ke baap ki god lete ho। behad ka baap kitna ruchi se god lete hain। bachche bhi likhte hain baba ham aapka ho gaya। sirf door se to nahin kahenge। practical mein god li jaati hai to ceremony bhi ki jaati hai। jaise janma din manaate hain na। to yeh bhi bachche bante hain, kehte hain ham aapke hain to 6-7 din baad naamakran bhi manaana chaahiye na। parantu koi bhi manaate nahin। apni janmaashtami to bade dhoomdhaam se manaani chaahiye। parantu manaate hi nahin। gyaan bhi nahin hai ki hamko jayanti manaani hai। 12 maas hote hain to manaate hain। are pahle manaaya nahin, 12 maas ke baad kyon manaate ho। gyaan hi nahin, nishchay nahin hoga। ek baar janma din manaaya woh to pakke ho gaye phir agar janma din manaate hue bhaaganti ho gaye to samjha jaayega yeh mar gaya। janma bhi koi to bahut dhoomdhaam se manaate hain। koi gareeb hoga to gud chane bhi baant sakte hain। jaasti nahin। bachchon ko poori reeti samajh mein nahin aata hai isliye khushi nahin hoti hai। janma din manaayen to yaad bhi pakka pade। parantu woh buddhi nahin hai। aaj phir bhi baap samjhaate hain jo-jo naye bachche bane, unko nishchay hota hai to janma din manaayen। phalaane din hamko nishchay hua, jisse janmaashtami shuru hoti hai। to bachche ko baap aur varse ko poora yaad karna chaahiye। bachcha kabhi bhi bhoolta thode hi hai ki main phalaane ka bachcha hoon। yahaan kehte hain ki baba aap hamko yaad nahin padte ho। aise agyaankaal mein to kabhi nahin kahenge। yaad na padne ka savaal bhi nahin uthta। tum baap ko yaad karte ho, baap to sabko yaad karte hi hain। sab hamaare bachche kaam-chita par jalkar bhasma ho gaye hain। aise aur koi guru va mahaatma aadi nahin kahenge। yeh bhagvaanuvaach hi hai ki mere sab bachche hain। bhagwan ke to sab bachche hain na। sab aatmaayen paramatma baap ke bachche hain। baap bhi jab shareer mein aate hain tab kehte hain - yeh sab aatmaayen hamaare bachche hain। kaam-chita par chadh bhasmeebhoot tamopradhaan ho pade hain। bhaaratvaasi kitne iron aged ho gaye hain। kaam-chita par baith sab saanvare ban pade hain। jo poojya number one gora tha, so ab pujaari saanvara ban gaya hai। sundar so shyaam hai। yeh kaam-chita par chadhna goya saamp par chadhna hai। vaikuntha mein saamp aadi nahin hote hain jo kisko dasen। aisi baat ho na sake।

baap kehte hain - 5 vikaaron ki praveshta hone se tum to jaise jangali kaante ban gaye ho। kehte hain baba ham maante hain yeh hai hi kaanton ka jangal। ek-do ko daskar sab bhasmeebhoot ho gaye hain। bhagvaanuvaach mujh gyaan saagar ke bachche jinko mainne kalpa pahle bhi aakar svachchha banaaya tha woh ab patit kaale ho gaye hain। bachche jaante hain ham gore se saanvare kaise bante hain। saare 84 janmon ki history-geography nutshell mein buddhi mein hai। is samay tum jaante ho koi 5-6 varsha se lekar apni biography jaante hain - nambarvaar buddhi anusaar। har ek apne past biography ko bhi jaante hain - hamne kya-kya bura kaam kiya। moti-moti baaten to bataai jaati hain - hamne kya-kya kiya। aage janma ki to bata hi nahin sakte। janma-janmaantar ki biography koi bata na sake। baaki 84 janma kaise liye hain so baap baith unhon ko samjhaate hain, jinhonne poore 84 janma liye hain, unki hi smriti mein aayega। ghar jaane ke liye main tumko mat deta hoon isliye baap kehte hain yeh knowledge sab dharma vaalon ke liye hai। agar muktidhaam ghar jaane chaahte ho to baap hi le ja sakte hain। sivaae baap ke aur koi bhi apne ghar ja nahin sakte। koi ke paas yeh yukti hai nahin jo baap ko yaad kar aur vahaan pahunche। punarjanma to sabko lena hai। baap bigar to koi le ja nahin sakte। moksha ka khyaal to kabhi bhi nahin karna hai। yeh to ho nahin sakta। yeh to anaadi bana-banaaya drama hai, isse koi bhi nikal nahin sakte। sabka ek baap hi liberator, guide hai। vahi aakar yukti batlaate hain ki mujhe yaad karo to tumhaare vikarma vinaash honge। nahin to sajaayen khaani padengi। purushaartha nahin karte hain to samajhte hain yahaan ka nahin hai। mukti-jeevanmukti ka raasta tum bachche nambarvaar purushaartha anusaar jaante ho। har ek ke samjhaane ki raphtaar apni-apni hai। tum bhi to kah sakte ho - is samay patit duniya hai। kitna maaraamaari aadi hoti hai। satayug mein yeh nahin hoga। abhi kaliyug hai। yeh to sab manushya maanenge। satayug treta... golden ej, silver ej... aur-aur bhaashaaon mein bhi koi naam kehte zaroor honge। english to sab jaante hain। dictionary bhi hoti hai - english hindi ki। angrej log bahut samay raajya karke gaye to unhon ki english kaam mein aati hai।

manushya is samay yeh to maante hain ki hamaare mein koi gun nahin hai, baba aap aakar raham karo phir se hamko pavitra banaao, ham patit hain। abhi tum bachche samajhte ho ki patit aatmaayen ek bhi vaapis ja nahin sakti। sabko sato-rajo-tamo mein aana hi hai। ab baap is patit mahphil mein aate hain, kitni badi mahphil hai। main devtaaon ki mahphil mein kabhi aata hi nahin hoon। jahaan maal-thaal, 36 prakaar ke bhojan mil sake, vahaan main aata hi nahin hoon। jahaan bachchon ko roti bhi nahin milti, unhon ke paas aakar god mein lekar bachcha banaae varsa deta hoon। saahookaaron ko god mein nahin leta hoon, ve to apne hi nashe mein choor rehte hain। khud kehte hai ki hamaare liye to svarga yahaan hi hai phir koi marta hai to kehte hain ki svargavaasi hua। to zaroor yeh narka hua na। tum kyon nahin samjhaate ho। abhi akhbaar mein bhi yuktiyukta koi ne daala nahin hai। bachche bhi jaante hain hamko drama purushaartha karaata hai, ham jo purushaartha karte hain - woh drama mein noondh hai। purushaartha karna bhi zaroor hai। drama par baith nahin jaana hai। har baat mein purushaartha zaroor karna hi hai। karma yogi, raajayogi hain na। woh hain karma sannyaasi, hathayogi। tum to sab kuchh karte ho। ghar mein rehte, baal-bachchon ko sambhaalte ho। woh to bhaag jaate hain। achha nahin lagta hai। parantu woh pavitrata bhi bhaarat mein chaahiye na। phir bhi achha hai। abhi to pavitra bhi nahin rehte hain। aise nahin ki woh koi pavitra duniya mein ja sakte hain। sivaae baap ke koi le nahin ja sakte। abhi tum jaante ho - shantidham to hamaara ghar hai। parantu jaayen kaise? bahut paap kiye hue hain। eeshvar ko sarvavyaapi kah dete hain। yeh ijjat kiski ganvaate hain? shivbaaba ki। kutte billi, kan-kan mein paramatma kah dete hain। ab report kisko karen! baap kehte hain main hi samartha hoon। mere saath dharmaraaj bhi hai। yeh sabke liye kayaamat ka samay hai। sab sajaayen aadi bhog kar vaapis chale jaayenge। drama ki banaavat hi aisi hai। sajaayen khaani hi hain zaroor। yeh to saakshaatkaar bhi hota hai। garbhajel mein bhi saakshaatkaar hota hai। tumne yeh-yeh kaam kiye hain phir unki saja milti hai, tab to kehte hain ki ab is jel se nikaalo। ham phir aise paap nahin karenge। baap yahaan sammukh aakar yeh sab baaten tumhein samjhaate hain। garbha mein sajaayen khaate hain। woh bhi jel hai, duhkh feel hota hai। vahaan satayug mein donon jel nahin hoti, jahaan saja khaayen।

ab baap samjhaate hain bachche mujhe yaad karo to khaad nikal jaayegi। yeh tumhaare akshar bahut maanenge। bhagwan ka naam to hai। sirf bhool ki hai jo shreekrishna ka naam daal diya hai। ab baap bhi bachchon ko samjhaate hain - yeh jo sunte ho, sunkar akhbaar mein daalo। shivbaaba is samay sabko kehte hain - 84 janma bhog tamo-pradhaan bane ho। abhi phir main raay deta hoon - mujhe yaad karo to vikarma vinaash honge phir tum mukti-jeevan-mukti dhaam mein chale jaayenge। baap ka yeh pharmaan hai - mujhe yaad karo to khaad nikal jaayegi। achha- bachche kitna samjhaae kitna samjhaayen। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ko namaste।

dhaarna ke liye mukhya saar:-

1) har baat ke liye purushaartha zaroor karna hai। drama kahkar baith nahin jaana hai। karmayogi, raajayogi banna hai। karma sannyaasi, hathayogi nahin।

2) bigar saja khaaye baap ke saath ghar chalne ke liye yaad mein rahkar aatma ko satopradhaan banaana hai। saanvare se gora banna hai।

vardaan:- sarva roopon se, sarva sambandhon se apna sab kuchh baap ke aage arpan karne vaale sachche snehi bhav

jisse ati sneh hota hai, to us sneh ke liye sabhi ko kinaare kar sab kuchh unke aage arpan kar dete hain, jaise baap ka bachchon se sneh hai isliye sadaakaal ke sukhon ki praapti snehi bachchon ko karaate hain, baaki sabko muktidhaam mein bitha dete hain, aise bachchon ke sneh ka saboot hai sarva roopon, sarva sambandhon se apna sab kuchh baap ke aage arpan karna। jahaan sneh hai vahaan yog hai aur yog hai to sahayog hai। ek bhi khajaane ko manmat se vyartha nahin ganva sakte।

slogan:- saakaar karma mein brahma baap ko aur ashareeri banne mein niraakaar baap ko follow karo।

ye avyakt ishaare - ab apne daata swaroop ko pratyaksha karo

aap bachchon ke paas anubhootiyon ka khajaana sampanna hai, to aap sampanna moortiyaan master daata ban sabko anubhooti karaate chalo। daata arthaat sevaadhaari। daata dene ke bina rah nahin sakte। ve apne merciful ke gun se kisi ko himmat denge to kisi nirbal aatma ko bal denge। woh master sukhdaata honge।