शुक्रवार 2 अक्टूबर 2026 की दैनिक मुरली

02-10-2026 praatahmurli om shanti "baapdaada"' madhuban

“meethe bachche - raavan ki mat par koi bhi vikarma mat karo, patiton ko paavan banne ka raasta bataao''

prashn:- sayaane sensible bachche kaun sa purushaartha karte hue ek shreemat ka dhyaan avashya rakhenge?

uttar:- sensible bachche oonch pad paane ke liye nirantar yaad mein rahne ka purushaartha karte hue sadaiv is shreemat ka dhyaan rakhenge ki hamko nimitta ban anek aatmaon ka kalyaan karna hai। jo bahuton ka kalyaan karte hain, unka kalyaan svatah hi ho jaata hai।

geet:- takdeer jagaakar aai hoon…

om shanti। bachchon ki buddhi mein abhi nai duniya aur puraani duniya donon hain kyonki bachche jaante hain puraani duniya ka vinaash abhi hone vaala hai aur nai duniya baap hi rachte hain। bachche jaante hain shiv ki jayanti bhi manaate hain, raatri bhi manaate hain। donon akshar ka arth duniya mein koi nahin jaante। shiv jayanti arthaat shiv ka janma। ab yeh to manushya ka janma manaate hain, shiv ka janma to hota hi nahin। samajhte nahin ki janma kaise lete hain। shreekrishna ka to gaaya hua hai ki unka janma hua hai। shiv jayanti ke liye koi varnan hi nahin hai। gaaya hua bhi hai parampita paramatma brahma dvaara sthaapna karte hain। kya oopar sookshm vatan mein baith kisko prerna karte hain? yeh to ho nahin sakta। yaad to karte hi hain patit-paavan baap ko। jab baap khud aakar samjhaaye tab manushyon ki buddhi mein baithe। yeh drama mein hone kaaran, baap ko aana hi hai sangam par। tum bachche jaante ho ki baap aaya hua hai, parantu abhi tak aisa koi mushkil hi samajhte hain, yeh opinion mein koi nahin likhte hain ki barobar paramatma brahma dvaara bhaarat ko phir se shreshthaachaari, satayugi duniya bana rahe hain। yathaartha reeti koi samajhte nahin hain ki baap aaya hua hai। svarga ki raajaai ka varsa de rahe hain। raajayog sikhla rahe hain। hajaaron aate hain phir koi thaharte hain, unse bhi aate-aate phir ghatte jaate hain। kitne tamopradhaan buddhi bane hain, jo itni sahaj baat samajh nahin sakte। baap kehte hain maamekam yaad karo to tumhaare vikarma vinaash ho jaaen। yeh yog agni hai, jisse tum satopradhaan ban jaayenge। koi bhi vikarma nahin karo। vikarma karaane vaala hai raavan, unki mat par nahin chalo। koi ko duhkh na do। baap aaya hai patiton ko paavan banaane। baba kehte hain tumhaara bhi yahi dhandha hai। raat-din yahi chintan karo। ham patiton ko paavan banne ka raasta kaise bataayen! raasta bahut sahaj hai। yogbal se hi ham satopradhaan banenge। yeh hai avinaashi surgeon ki davaai। yeh koi mantra aadi nahin hai। yeh to baap ko sirf yaad karna hai। kitna clear samjhaate hain। kalpa-kalpa yeh samjhaaya tha। gaate bhi hain gyaan, bhakti, vairaagya। vairaagya kiska? is puraani chhi-chhi duniya ka। puraani duniya mein bilkul paap aatma ban gaye hain। kehte bhi hain patit-paavan, liberator aao। liberate kisse karna hai? duhkh se। raavan raajya se। raavan ko angreji mein evil (shaitaan) kehte hain। to kehte hain shaitaan raajya se mukta kar ghar le chalo। hamaara guide ban saath le chalo। jaise koi jel se chhudaae bahut pyaar se ghar mein le jaate hain। behad ka baap sab bachchon ko khaatiri dete hain - tumko ham jel se chhudaane aaya hoon। mele, pradarshani mein bhi yeh model roop mein dikhaaya gaya hai। kaise sab jel mein pade hain phir bhi manushya kuchh samajhte thode hi hain। baap kitna sahaj reeti samjhaae vishwa ka maalik banaate hain। kehte hain mujhe yaad karo to tumhaare paap kat jaayenge। tum satayug ke maalik ban jaayenge। kitna sahaj hai। koi bhi dharma vaala samajh jaae। bataana chaahiye, phalaana dharma kab sthaapan hota hai! ant mein sabhi aatmaayen apne-apne section mein chali jaayengi। phir shuru hoga devi-devta dharma। brahma dvaara sthaapna, yeh likha hua hai। trimoorti ka chitra hai number one। trimoorti aur gola is chitra par bilkul clear samjhaaya ja sakta hai। yeh bhi samjhaaya hai ek hai shantidham, doosra hai sukhdhaam aur yeh hai duhkhadhaam। is duhkhadhaam se chaahiye vairaagya। ab bhakti ki raat poori hui, satayug treta ka din shuru hota hai।

baap kehte hain - ab puraani duniya khatma honi hai isliye isse vairaagya chaahiye। woh hai had ka vairaagya, yeh hai behad ka vairaagya। woh sannyaasi aadi koi nai duniya nahin rachte hain, creator baap hai na। unko kaha jaata hai heavenly god father, heaven sthaapan karne vaala। doosra koi to hai nahin। padhaai hai satayugi raajdhaani praapta karne ke liye। gyaan saagar aakar gyaan dete hain। gyaan saagar, patit-paavan unko hi kaha jaata hai। knowledge kaahe ka? kya barrister surgeon ka knowledge? paramatma ko srishti ke aadi-madhya-ant ka knowledge hai। usmein sab knowledge aa jaati hai - bairistari, injeeniyri aadi sabka mool maakhan hai godly knowledge। woh jismaani knowledge padhna, engineer aadi banna koi badi baat nahin hai। yeh to tum jaante ho, satayugi nai duniya ki jo rasam-rivaaj hogi, vahi vahaan chalegi। hamne jaise kalpa pahle mahal aadi banaaye the, vahi repeat karenge, usko kaha hi jaata hai satayug। vahaan ki rasam-rivaaj ko manushya nahin jaante। vahaan kaise heere javaahron ke mahal bante hain। woh gaaye hi jaate hain 16 kala sampoorn, sampoorn nirvikaari। jo rasam-rivaaj hogi us anusaar raajaai chalegi। woh drama mein noondh hai, aatmaayen apna part bajaayengi। makaan kaise banaayenge, kaise rahenge। woh sab noondh hai। jaise is puraani duniya ki chalti hai vaise us duniya ki chalegi। yahaan hain asur, vahaan hain devta। shaastron mein yeh baaten kuchh nahin hain। gyaan aur bhakti, gaate bhi rehte hain - brahma ka din, brahma ki raat। brahma ka hi naam lete hain, vishnu ka nahin। brahma hi vishnu ho jaate hain। brahma-sarasvati vishnu ke do roop lakshmi-naaraayan hain isliye baba ne samjhaaya hai ki lakshmi-naaraayan hi 84 janma baad yeh bante hain। raajayog ki tapasya karte hi yahaan hain, sookshm vatan mein nahin। yagya aadi bhi yahaan racha jaata hai। baap samjhaate hain yeh antim yagya hai phir satayug treta mein koi yagya nahin hota। kisam-kisam ke yagya rachte hain, barsaat nahin hui to yagya rachenge। koi bhi duhkh aata hai to yagya rachte hain, samajhte hain yagya se duhkh tal jaayenge। yeh to sabse bada yagya hai, jis gyaan yagya se saari srishti ke duhkh tal jaate hain। yeh hai raajasva ashvamedh avinaashi gyaan yagya। sab ismen svaaha ho jaayenge। kitni achhi reeti samjhaaya jaata hai।

dehli mein mandap banaae mela kiya hai, yeh bhi achha hai। mandap banaane mein koi deri thode hi lagti hai। yeh jo hall ke liye itna hairaan hona padta hai, isse to apna mandap le lo। chhote-chhote gaanv ke liye to chhota mandap bhi bana lo। gaanv aadi mein batti aadi na ho to din mein bhi pradarshani ho sakti hai। apna hi saamaan ho, loan par kyon leven! baap direction de rahe hain - pradarshani committee ko। waterproof mandap bana leve। bhal barsaat pade, harja nahin। baba jab dehli gaya tha to thandi mein bhi mandap mein jaakar bhaashan karte the। thandi ke liye to sabko garam kapde hain। pradarshani ke liye to kitne bhi mandap bana sakte ho। koi vighna na daale, achha insurance kar do। service to karni hoti hai na। samjhaana bhi hai, baap ka poora parichay dena hai। abhi to ham baap ke saath hain। gyaan saagar baap se humein gyaan mil raha hai। satayug mein gyaan ki darkaar nahin rehti। baap kehte hain - main sadgati ke liye aaya hoon phir raavan se durgati hoti hai। sadgati daata to ek baap hi hai। kitna clear samjhaaya jaata hai। parantu khud samajhte nahin sirf kah dete hain - yeh manushyon ke liye bahut achha hai। baaki khud samjhen uske liye phursat nahin। bade-bade logon ko bhi kitna jaae samjhaate hain। sirf yeh samjho ki baap kaise shreshthaachaari duniya banaate hain। shreshthaachaari banaana baap ka kaam hai, tab to baap ko pukaarte hain। gaate rehte hain duhkh haro, sukh do। yeh bhi samajhte hain baap aayega to ham balihaar jaayenge। shreemat par accurate chalenge। phir bhi baap ki shreemat par chalte nahin। manushyon ko to pata nahin bhagwan kya cheez hai। sarvavyaapi kah dete hain। are patit-paavan bhagwan to ek hai na। woh sarvavyaapi kaise hoga? phir to sab bhagwan kahlaayen। bhagwan koi chhota bada thode hi hota hai। pradarshani mein yeh bhi dikhaaya hai - koi maans khaate hain, koi ladte hain… kya yeh sab bhagwan karte hain? us samay manushya khush hokar chale jaate hain, baahar gaye phir vahaan ki vahaan rahi। sirf praja banti hai। raaja banne ke liye kitna maatha maarte hain। haath sab uthaate hain - raaja banne ke liye, phir 5-7 roz ke baad dekho to hain hi nahin। maaya kitni jabardasta hai, jhat phansa deti hai। raajdhaani sthaapan karna kitna difficult hai। dharma sthaapan karne mein difficulty nahin hai। vahaan koi asuron ke vighna thode hi padte hain। yahaan bachche kehte shaadi nahin karenge to baap kehta shaadi to zaroor karni hai। shaadi bigar duniya kaise chalegi। are shaadi na karna to achha hai na। shaadi nahin karenge to bachche bhi nahin honge। birth control ho jaayega। baap samjhaate hain, ab jo karega so paayega। aage chalkar bahut jaldi-jaldi banenge।

tum bachche jaante ho jaise kalpa pahle sthaapna hui thi vaise hi hogi। jo din beeta woh kalpa pahle muaaphik, raat ko sote hain, khyaal chalta hai - aaj saara din jo paas hua woh drama anusaar, phir kal jo hona hoga so drama anusaar hoga। sivaae tumhaare aur kisko bhi pata nahin ki yeh drama hai। uska aadi-madhya-ant kya hai! kuchh pata nahin। tumko maaloom hai - tum purushaartha karte ho aur to sab ghor andhiyaare mein hain। jo kuchh part chalta hai woh drama anusaar। aaj yahaan baithe ho aur kal beemaar ho jaate, woh bhi kahenge drama anusaar bhogna bhogni hai। kalpa-kalpa aise hoga। drama buddhi mein hai isliye koi phikraat nahin hoti hai। vighna padte hain, kaam mein deri padti hai - samajhte hain kalpa-kalpa deri padi hogi। aasaar aise maaloom padte hain। oonch pad paane ke liye purushaartha bahut karna hai। dekhna hai ki ham oopar chadh rahe hain? baba ki service karte hain ki ek jagah par khade hain? ham koi ka kalyaan karte hain? bahuton ka kalyaan karenge to hamaara bhi kalyaan hoga। imtahaan jab poora ho jaayega phir sab maaloom pad jaayega ki ham yeh pad paayenge। kalpa-kalpaantar ki baaji hai। phir pichhaadi mein bahut pachhtaayenge ki hamne itna samay purushaartha kyon nahin kiya? baba ki shreemat par kyon nahin chale? baba sirf kehte hain manamnaabhav, bas। kitne pyaar se kehte hain bachche mujhe yaad karo। auron ko bhi raasta bataane ki service karo। kyon nahi purushaartha kar oonch pad paana chaahiye! unko kahenge sayaane sensible bachche। padhaane vaala bhi samajhte hain ki yeh shreemat par nahin chalte hain, kiska kalyaan nahin karte hain to zaroor pad bhi kam milega। jitna bahuton ko raasta bataayenge, utna oonch pad paayenge। apne liye service karni hai, jo karega so paayega। to purushaartha karna chaahiye ki ham kyon nahin aisi service karen। kahaan pradarshani hoti hai to vahaan half pay par bhi jaakar service karte hain। koi to full pay bhi chhodkar service karte hain। baba kehte baal-bachchon ke liye kuchh chaahiye to bhej den। shareer nirvaah to chaahe hajaar se karen, chaahe 10 roopaye se karen। paisa koi ke paas bahut hai to laakhon roopaya bhi kharcha hota hai। baba to kehte bhal tum ghaas kaatte ho, sirf baap ko yaad karo to 21 janmon ke liye svarga ka maalik ban jaayenge। achha!

meethe-meethe sikeeldhe bachchon prati maat-pita baapdaada ka yaad-pyaar aur good morning। roohaani baap ki roohaani bachchon ki namaste।

dhaarna ke liye mukhya saar:-

1) sab phikraaton se chhootne ke liye drama ko buddhi mein yathaartha reeti rakhna hai। jo beeta kalpa pahle muaaphik।

2) raat-din yahi chintan karna hai ki ham patiton ko paavan banaane ka raasta kaise bataayen! shreemat par apna aur doosron ka kalyaan karna hai।

vardaan:- vishwa parivartan ke shreshtha kaarya ki jimmevaari nibhaate hue double light rahne vaale aadhaarmoorta bhav

jo aadhaarmoorta hote hain unke oopar hi saari jimmevaari rehti hai। abhi aap jis roop se, jahaan bhi kadam uthaayenge vaise anek aatmaayen aapko follow karengi, yeh jimmevaari hai। lekin yeh jimmevaari avastha ko banaane mein bahut madad karti hai kyonki isse anek aatmaon ki aasheervaad milti hai, jis kaaran jimmevaari halki ho jaati hai, yeh jimmevaari thakaavat mitaane vaali hai।

slogan:- dil aur dimaag donon ka balance rakh seva karne se saphalta milti hai।

ye avyakt ishaare - paropkaar ki bhaavna se sampanna ban apkaari par bhi upkaar karo

svayan ke sarva khajaanon ko anya aatmaon prati daan dena - yahi hai paropkaar karna। aise paropkaari svayan ko sarva khajaanon se sampanna begampur ka baadshaah anubhav karenge। unke sankalp mein bhi gam ke sanskaar emerge nahin ho sakte। jahaan service hai, vahaan kisi ke kamjor sanskaaron ko na dekh, unke prati merciful ki drishti rakh, apkaariyon par bhi upkaar karo।