मम्मा की मुरली - 012

> > mama murli madhuban

karmon ki gati

record:-

chhod bhi de aakaash sinhaasan is dharti par aaja re…

yeh geeton mein kis ko yaad karte hain, kis ko pukaarte hain ki aakar ke jyot jaga । paramatma ko hi to pukaarte hain na । to isse siddha hota hai ki hamaara andhakaar mitaane vaala ek hi hai iseelie unko yaad karte hain ki andhakaar mita aakar ke aur sarva shaastra shiromni geeta mein bhi bhagwan ke varshan hain yada yada hi dharmasya glaanirbhavti bhaarat ki jab jab adharma hota hai, tab tab main aakar ke adharma naash aur dharma ki sthaapna aur andhakaar naash aur aur roshni aa karke deta hoon, jisse manushya sada sukhi bane । to yeh bhagwan ne bhi daava rakha hai ki main aakar ke karta hoon aur manushya bhi to usko hi pukaarte hain ki tu aa abhi tera kaam hai, abhi manushya sab kuchh kar ke thak gae hain । manushya ke prayatna karte-karte uski jo result hai woh to aaj hamaari duniya mein ham dekh rahe hain । manushyon ke prayatna ne jo sansaar banaaya hai, koshish karte aae hain, koshish ki jo result hai, woh to apne anubhav mein hai, saamne hai, koi chhupi hui thodi hai, saamne hi hai ki manushya ne sansaar ko badalne ki koshish to rakhi hai । dekho sansaar mein kitne prayatna hai , chaahe sansaari padaarthon ke bhi anek prayatna hai, aaj dekho science, yeh sansaari padaarthon ki invention hai na, to dekho unmein bhi duniya kitni oonchi ja rahi hai aur kitna soorya, chaand tak pahuchne ki koshish karte hain ki manushya ki life ko kahaan kuchh sukh ki kuchh mil jaae, peechhe udhar jaakar ke plat le kar ke baithe, chaahe idhar unka kuchh mile । bichaare koshish karte hain ki kya hai, parantu in sabhi saansaarik padaarthon mein itni aage buddhi jaate bhi, aur eeshvareey maarga ke bhi anek maarga hain aur kai sab koshishen ved, shaastra, granth, puraan, guru, mahaatma, pandit, aachaarya aadi aadi mahaamandaleshvar, aadi aadi dekho kitne-kitne sab hain, yeh sab upasthit hain, lekin itne sab hote bhi aur sansaar ki itni speed, padaarthon ki baaten aage jaate bhi, lekin hamaari life to dekho, life ko agar aise kaheng ki ham neeche hi girte ja rahe hain, to yeh maaloom karta hai ki hamaare life ki jo cheej hai sampoorn sukh shanti ki woh koi aur dene vaala hai । woh kaun dene vaala hai iseelie dekho usko pukaarte hain ki abhi tu aa aur tu us cheej ki roshni de ki hamaare life ko, hamaare sukh ke jo saadhan hain, woh humein kaise praapta ho । aaj kya nahin manushya kar baithe hain, kitni invenshans hai dekho sab kuchh karte hain, lekin aaj phir bhi dekho, apna hi bhaarat aaj anna ke liye, sab cheejon ke liye mohtaaj hai na । yahaan dinon din dekho jitna bichaare koshish karte hain, idhar sankhya badhti jaati hai, idhar uske liye khaana, kapda, latta sab poora karna, sab kitni museebten khadi ho gai hai aaj duniya ke saamne aur yeh sab baaten hoti chali aai hai aur chalti ja rahi hain aur bhi aage । to dekho manushya ki koshish se hamaari life ki agar dekhen to life aur hi ashaant aur duhkh ke neeche chali ja rahi hai to aur cheejen bhale oonchi hoti ja rahi hai lekin life to neeche chali ja rahi hai na । hai sab life ke liye lekin life ko woh abhi lagta nahin hai to yeh sabhi samajhna hai ki aakhir hamaare life ke liye kya cheej hai । iseelie woh life ki cheej kehte hain na life daata, jeevandaata paramatma hai, to jo jeevan daata hai vahi to hamko apne jeevan ka poora-poora bhed bhi samjhaaega aur jeevan ke saadhan tumko kaise praapta hoven uska kya tarkeeb hai, woh samjha sakta hai isliye baap kehte hain in cheej ki dene vaala bhi main hoon, samjhaane vaala bhi main hoon, kyonki samajh se deta hoon, aise nahin ki aise-aise de doonga, nahin aisa nahin hai ki main sab kuchh aise hi maal- makaan sab banaakar aise hi doonga, nahin! samajh doonga, usi samajh se chalna hai tumko, phir chal karke apne karmon se bana karke, phir karmon ke bal se tum sab apna yeh cheejen praapta karenge । karma ke aadhaar par hai na । life ka aadhaar karmon ke oopar hain । to tumhaari banengi yeh sab cheejen karma ke aadhaar par । aaj karma bhrashta hai duniya to duniya ke result dekho, kaaran yahi hai ki duniya aaj karma bhrashta hai । karma ki shreshthata ka pata nahin hai duniya ko ki karma hamaare shreshtha kaise ho to aaj hamaara aachran aaj hamaara karma aaj hamaari jeevan ke bhrashta hone ke kaaran unka nateeja hamaare saamne hai iseelie hamaare mein ashaant aur duhkh badhta ja raha hai kyonki hamaare karma shreshtha nahin hai । bhale yeh karma karma karte hain oonche-oonche chaand mein soorya mein pahunchna, parantu isko thodi shreshtha karma kahenge yeh to khoj hai, yeh sab cheejen to khoob aage-aage chalti jaati hai, iseelie manushya samajhte hain ki aaj manushya ki buddhi bahut badi hai । to yeh sabhi cheejen hain jisko samajhna hai ki hamaari vo oonchaai jo hai na, jeevan ki woh to rahi nahin hai । to ismen to bahut kuchh pa rahe hain, lekin life mein aaj hamaare karmon ki giraavat hai to hamaare jeevan ki ashaanti aur duhkh ka kaaran hai hamaare karma । to karma ki humein knowledge chaahiye, to iski knowledge aur iski samajh, iski roshni iseelie paramatma ko yaad karte hain ki is ki roshni, yeh andhakaar, ki hamaare karmon mein kya andhakaar hai, kya ham galat karma karte hain, jiska nateeja ham chaahte to kuchh aur hai, lekin milta kuchh aur raha hai, yaani duhkh aur ashaanti, iseelie hamaare karmon mein kaun si galti hai, jis galti se ham duhkh bhog rahe hain, vo hamko pata hona chaahiye । iska pata hamaare ko aaj ved, shaastra, granth, puraan hai sab raushni ke liye bahut maal rakhe hue hain, parantu usse abhi tak bhi itne yagya, ved, shaastra aaj ke thode hi hain yeh to parampara se chale aae hain, bahut kaal se ye cheejen hain, koi aaj nahin bani hai, yeh to bahut kaal se hain cheejen hain, to yeh bahut kaal ki cheejen hain, parantu hamaari bahut kaal se jeevan aur hi girti chali ja rahi hai, to inka poora pata hona chaahiye na, to aakhir bhi hamaari jeet banaane ki kaun si cheej hai iseelie unko yaad karte hain ki tu hi banaane vaala woh cheej, tumhaare paas hi hai uski light, uski roshni, uski knowledge tumhaare paas hai, iseelie usko kehte hain knowledgeful । kyonki kaahe ka knowledge full hai woh, hamaare karma gati ka kaise banaao, uske liye tum ko mera knowledge chaahiye aur mera bal chaahiye । mere bal ke bina tumhaare karma jo hai na woh shreshtha nahin ho sakte hain, iseelie abhi tum kaise mere se bal lo, woh baith kar ke khud sikha raha hai । yeh college uski hai, jismen aae ho, parantu bechaare bahut nae hai na, woh jaante nahin hai ki ham kahaan aae hain, woh to samajhte hain ki jaise ki kai aur aashram hain, kai sansthaaen hain, woh sansthaaen aashram to bahut kaal se chali aai hai । yeh sanstha abhi paramatma ne kholi hai , isko sanstha naam na kahe to achha hai, kyonki sanstha rahne se samajhte hain ki jaise doosri bhi sanstha hai, yeh bhi aise hi koi doosri brahmaakumaari naam ki sanstha khuli hai, parantu nahin! ye unheen parampita paramatma ne, yeh college khola hai, inke bahut sthaan par shiksha ke kendra hain, jahaan baith kar ke yeh knowledge paramatma ki di ja rahi hai । woh baith karke abhi roshni de raha hai, vo kaha hai na yada-yada jab-jab adharma hota hai, tab main aata hoon, to abhi vo aae hain to aa kar ke yeh abhi roshni ham sab bachchon ko ham unki santaan hain na, to santaan ko de rahe hain aur dukhi ho gae hain to baap ko taras padega na to bhi kehte hain ki jab dukhi aise hote hain tab main aata hoon to abhi aae hain aur aakar ke yeh usne college khola hai । college kaho, vidyaalay kaho, university kaho, school kaho, jo kuchh kaho, hospital kaho isko jo bhi kaho yeh hospital hai na, nirogi banaane ki sada ke liye ever healthy । woh hospital nahin rogi ka ilaaj kar denge lekin rog to rah hi jaate hain na, ek rog jaaega, doosra aaega, doosra jaaega teesra aaega, aise thode hai ki aisa eelaaj ho, jisse hamaari duniya se rog hi nikal jaae । nahin! jitni invention, jitni davaaiyaan badhti ja rahi hain, utne rog bhi nae-nae nikalte ja rahe hain, bichaare doctors ka saara din dhoondhate nikal jaata hai yeh rog ka kya ilaaj hai, woh rog ka kya ilaaj hai । ek rog ka ilaaj nikaalte hain to doosra koi rog khada ho jaata hai, doosra karte to phir teesra koi khada ho jaata hai । abhi dekho unmein hi bichaaron ka maatha thak jaata hain, to abhi woh to kehte hain rogon ko nikaale lekin rogon ki jad nikal jaae na, jo hamaari duniya mein rog hi na ho । na rog hon, na doctors hon, na hospital hon, na chori hon, na chakaari hon, to phir hamaare liye na court hoga, na judge hoga, na vakeel hoga । kaahe ke liye honi chaahiye, chori hi na honi chaahiye, to yeh cheejen koi zaroori to nahin hai na, iseelie baap kehte hain ki main tumhaare liye aisi duniya rachta hoon, jismen tumko kaal bhi na kha sake । abhi dekho kaal bhi aa jaata hai na, akaale mrityu hoti hai, tumhaare paas kaal bhi na aave, woh bhi tumhaare duniya mein nahin aa sakta hai kyonki tumhaara shareer tumhaare control mein hoga yaani jab time ho baal, yuva, vriddha tumhaare paas bal ho , lekin aaj kahaan hai woh bal, maro to maro, rogi bano to rogi bano, manushya kuchh kar sakta hai? bebas hai na । to baap kehte hain ki dekho, life tumhaari, parantu tumhaari life tumhaare control mein nahin hai । life tumhaari lekin life mein tum bebas ho । jo kuchh hoe, tum kuchh nahin kar sakte ho, bhale koi dhanvaan hoga, beemaar padega karke thoda ilaaj karega na, phir bhi kuchh aisa karma ka hai, usse kuchh banta nahin hai to kya karega kahega haay! takdeer, haay! kismat, haay! karma, bas, aisa kah karke baithega aur kya kahega । parantu nahin, hamaari life ke karma ki jo power thi, jisko sprichual power kaha jaata tha aur jiske naam se yeh bhaarat mein praacheen naam hai na, praacheen yog ka aur praacheen gyaan ka bhaarat ka yeh naam mashhoor hai, bhaarat ka gyaan, bhaarat ka yog yeh baaten isi par mashhoor hai, kyonki paramatma ne aakar ke jo gyaan aur yog diya tha, usse bhaarat svarga bana tha । usse manushya ki life oonchi bani thi, iseelie gyaan aur yog ka naam hai jis naam ko lekar ke bahuton ne baith kar ke gyaan ke kai pustak banaae hain, shaastra banaae hain, granth banaae hain lekin woh to shaastra aur granth gyaan ke naam ke oopar banaae hain, bhaai gyaan bada ooncha, to bade-bade shaastra banaae hain, badi-badi cheejen, parantu woh practical cheej to ek hi ke paas hai na । naam to mashhoor ho gaya hai ki bhaai gyaan aur yog, parantu woh diya kisne, woh diya paramatma ne । orijinal gyaan, orijinal knowledge jo hai woh paramatma ke paas hai kyonki knowledgeful vo hain iseelie paramatma ne sunaaya woh knowledge jo orijinal hai manushya ke liye, poori roshni aur us roshni se unki poori life bane, to vo raushni to mainne aakar ke sikhaai hai na, iseelie meri shiksha ka dekho shaastra yaadgaar hai । parantu woh yaadgaar hai, lekin jo mainne orally samjhaaya aur jo orijinal aakar ke knowledge di woh to knowledge mere paas hai na, iseelie mainne kaha hai ki yada yada jab-jab adharma hota hai, tab-tab hi main aata hoon, main aakar ke sunaata hoon, aise nahin kaha ki main kisi ke dvaara sunaavaata hoon, nahin! main khud aata hoon, main aa karke yeh knowledge deta hoon, kyonki woh knowledge mein hi de sakta hoon । meri knowledge aur koi de nahin sakta hai । manushya ke dvaara woh knowledge samjhaai nahin ja sakti hai, iseelie usne apni darkaar dikhlaai, iseelie bhaarat mein gyaan ka aur yog ka yeh sab naam mashhoor hai, jisko foreign desh vaale bhi sunte hain to unko yog ki attraction hota hai ki woh yog bhaarat ka praacheen yog kaun sa hai, kyonki usi se bhaarat athva duniya svarga bani thi । jab bhaarat svarga tha, to duniya svarga thi, aaj bhaarat neeche hai to saari duniya neeche hai iseelie praacheen bhaarat ka jo naam hai usi kaaran naam hai, kyonki paramatma ne aakar ke is duniya ko svarga banaaya tha । to abhi phir se woh cheej banne ka yeh abhi college samjho, school samjho, yeh hai unka । woh sikha rahe hain । abhi usmein to aa karke seekhna pade na । samajhna pade in baaton ko । yeh to khaali lecture se ya bhaashnon se samajhne ki cheej nahin hai । yahaan to aa kar ke knowledge lena pade, jaise koi bhi school mein jaaega to aise thodi khaali lecture se padhega । usko achhi tarah se padhna hai, samajhna hai achhi tarah se study karna hai to har ek ke oopar dhyaan diya jaata hai, to yeh bhi isi tareeke se school hai । yeh aisa nahin hai ki bhaai hamaare bahut aae, bas sun kar chale gae, kisi ne suna, kya dhaaran kiya, pata hi nahin, nahin! yahaan ek-ek ka pata nikaalna padta hai ki har ek ne samjha, practical chalte hain us par, apne ghar grihastha mein rahkar ke vo dhaarna karte hain, apne karmon ko shreshtha rakhte hain to is cheej ke liye school ki tarah se chaahiye na । baaki to aise nahin hai na ki khaali bas aaya satsang suna, gaya, kaun aaya kaun gae, bas usi se to koi matlab nahin hota । to yeh koi common santsang nahin hai । yeh hai sat ka, sat jo hai na, god, usi ka abhi sang mil raha hai kyonki truth ko jaanne vaala ek hi hai iseelie god ko kehte hain god is truth । iska matlab baaki jo kuchh hai na, woh sab anatruth, yaani jhooth sunaane vaale iseelie kehte hain, truth ko vahi jaanta hai, yathaartha kya hai, what em aai yaani ham kya hain, god kya hai, yeh hamaari saari duniya ka chakkar kaise chalta hai, in sab baaton ki yathaartha knowledge jo hai, woh god ke paas hai । iseelie hi kaha jaata hai, god is truth, yaani truth ko god jaanta hai aur koi nahin jaan sakta hai । to jo jaanta hai vahi to sunaaenga na ki jaanega woh, sunaaenge manushya । nahin! jo jaanega vahi sunaaega, iseelie unko kehte hain ki main aata hoon, to abhi woh suna rahe hain to usko sunna hai aur usi yathaartha cheejon ko apne paas practical mein la karke aur apne ko practical mein aisa laayak banaana hai । to aisa banaane ke liye kya karna hai, kaise karna hai, to ye sabhi baaton ko phir detail se samajhna hai । uske liye chaahiye time, to woh to phir aaenge kyonki aaj kuchh nae bhi aae honge, sande hai to nae bhi aate hain, to yeh sabhi khyaal mein baaten di jaati hain ki yeh samajhne ka hai, baaki aise nahin hai ki khaali gaya, do vachan suna ya darshan kiya, usse kaam ho jaata hai , yeh to bahut kaal ki tev padi hui hai na । gaya , bles lena, aasheervaad lena, daya karo, kripa karo, aasheervaad karo, to aasheervaad daya kripa koi aise nahin hoti hai, khaali aise-aise kiya ho gaya bas usse kaam ho jaae । agar aisa eeji hai ki aise hone se kaam ho jaae to phir kya hai । bhale alpakaal ke liye kisi ne kuchh kah diya, chalo tumko putra hoga, phir kya, chalo putra bhi ho gaya, phir kya hua । putra vaale hain to kya sukh ho gaya? sukhi ho gaya kya ? putra vaale to bahut hain । dhanvaan hua, hamaare ko dhan mila, kehte hain na dhanvaan bhav, putravaan bhav, bhale alpakaal ke liye kuchh mil bhi jaae, vo to hai dekho dhanvaanon ka haal, achhi tarah se government bhi unke peechhe lagi hai, yeh to hai to sabhi baaten hain, dhan vaalon ka haal dekho, unka haal dekho, sabka haal dekho, to isse kya hai, bichaaron ka dhan hai to dhan sambhaalna hi mushkil ho gaya hai, to ye to sabhi dekh rahe hain na, to ismen to ashaanti hi ashaanti hai । yeh sab ashaanti ke kaaran ho gae hain na । woh hamaari jo ever healthy, ever wealthy ever heppi ki jo life thi woh kahaan hai to yeh sabhi cheejen samajhne ki hai ki inka humein abhi, yeh alpakaal ki putravaan bhav, aayushmaan bhav, nahin! hamko ever sab baaten ever ki chaahiye jismen ham sada sukhi bhi rahe । woh jo sukh ki cheej hai un sabhi baaton ko samajhna hai woh kaise । jo hamaare poojya devtaaen the, dekho us jamaane mein aise thodi tha । dhan tha to dhan se poora sukh tha । avinaashi dhan tha aur jo hamko life bhi thi to poori sukhi thi । jo cheej thi, uske saadhan sukh ke poore the na । aaj hai to bhi duhkh hai, na hai to bhi duhkh hai, duhkh hi duhkh hai । naam hi duhkh hai, doosri koi baat hi nahin hai । hai to bhi duhkh, na hai to bhi duhkh, matlab duhkh hi hai । kyon hai? to yeh kaaran samajhna hai ki aaj life ko kya chaahiye । kya kho gai hai cheej, kaun si cheej ki hamaare paas kami hai jiske aadhaar se hamaare ko aaj duhkh hi duhkh khada hai, to woh hai hamaara karma bhrashta । iseelie in sab ka ham sukh bhi tabhi pa sakte hain, jab hamaare paas karma ki shreshthata ho, tabhi bhog sakenge na । shreshthata hai nahin to kis bal se bhogenge । bhogenge nahin na aur ulta duhkh milega to yeh sabhi cheejen sab baaton ko samajhna hai aur usi shreshtha karma karne ke liye abhi kya karna hai, usi ka knowledge, usi ka gyaan lena hai iseelie gyaan ka naam mashhoor hai, kehte hain bhaai bhaarat ka praacheen yog, bhaarat ka gyaan । kai to samajhte hain ki kya bhaarat mein hi yeh baaten hain karma achha, doosre desh mein to sab khaate-peete, eet end drink, phalaane phalaane, usmein laga karke bas apna jeevan chalaaen । woh samajhte hain, parantu nahin, hamaara praacheen bhaarat hi jo hai na, iska naam kyon baala hai iseelie ki ismen woh praacheen shakti thi, bal tha, lekin aaj nahin hai । iseelie kyonki yeh bhaarat svarga tha, to duniya saari svarga thi, ismen power tha lekin aaj woh cheej nahin hai parantu iska matlab yeh nahin hai ki khaali bhaaratvaasi hi gyaan ka naam lete hain । khaali bhaaratvaasi hi yog ka naam lete hain । bhaaratvaasi khaali bhagwan ka naam lete hain, doosre desh to na bhagwan ko naam lete hain aur hi sukhi hain, kyonki unke paas dhan aur maal hai aur hi sukhi hain । bhaai America hai phalaane hain, vo kai aise hisaab lagaate hain, parantu nahin, bhale to bhi unke paas woh pees oph mind nahin hai । bhale dhan hain par unse poonchhon rog hai, beemaari hai, ye hai vo hai, kya yeh sab ashaanti ke kaaran nahin hai । to aisa nahin hai parantu yeh sab mein praacheen jo bal tha ever healthy, ever wealthy, ever happy, woh jo praacheen bal tha, woh to vahaan nahin hai na doosre desh mein । yeh bhaarat ki thi, lekin bhaarat mein bhi aaj nahin । tha zaroor, baaki aise nahin hai life koi hamaari aise hi hai iseelie bechaare kai samajhte hain bas, shareer mein aana hi duhkh hai, to shareer mein aave hi kyon, baith jaae vahaan, unke paas iseelie bechaare bahut poonchhate hai ki yahaan kyon aaven । unhonne bahut jenereshansa se dekha hai, aaj thodi hi dekhte hain, ek janma thodi dekha hai bahut jenreshans dekha hai, hamaare daada, pardaada, phalaane phalaane sab dukhi hote aae hain । iseelie kai samajhte hain ki ham life mein hi kyon aave । wahin baithe rahe unke paas iseelie kehte hain ki koi aur thikaana hai jo jyoti jyot mein samaay baithe rahen ya koi aisa koi kona ho jahaan baithe rahe, idhar utre hi nahin shareer mein kyonki utre ismen aur shareer mein duhkh paaen to achha hai shareer mein na aae, kyonki unhonne shareer dekha hi duhkh ka hai na । inko yeh pata nahin hai ki hamaara aatma bhi pavitra shareer bhi pavitra ke saath hamaara janreshans yahaan chali hui hai, aur usmein ham sada sukhi the । to yeh pata na hone ke kaaran ki hamaare life ki stage kaun si hai, hamaare life ki status kaun si hai, in sab baaton ki em end object ka poora pata na hone ke kaaran bichaare ne suna hai, woh bhi suna hai, kinhone mein suna diya hai, aisa koi vidvaan pandit aachaarya ne aisi baat suna rakhi hai ki bhaai ek aisa bhi kona hai, jahaan jaake vahaan sama jaaenge, jahaan jyoti jyot mein sama jaaenge, phir niklenge hi nahin, kisi ne suna rakha hai iseelie woh samajhte hain, vo achha hai, kyonki yahaan to duhkh hai na iseelie vahaan hi baithe rahen isliye uska kya koshish hai, uska kya prayatna hai, kya purushaartha hai to usmein jaakar bas baith jaae, parantu nahin hamaara hai ki hamko life mein aana hai aur aana hai parantu life mein hamaari stage hai, aise nahin hai ki aisi life hai, nahin, hamaari janreshans bahut sukh ki chali hui hai, lekin woh kaise chali hui hai, vo kisne banaai, uske liye to usko yaad karte hain iseelie ki abhi tu aa, vo roshni de, abhi ham bahut andhakaar mein aa gae hain । jitni ham roshni mein ja rahe hain dekho hamaari aaj buddhi khul gai hai parantu woh roshni aur hi andhakaar mein le jaati hai jitna jaate hain aur hi destruction ki cheejen banti jaati hain । haan aaj yeh atomic power aadi yeh sab itna manushya ke dvaara khoj ki gai, lekin woh manushya ka hi naash karne ke liye khadi ho gai hai । yeh cheejen, manushya sukh ke liye banaate jaate hain parantu, milta ulta unse duhkh hi hai, isko kaha jaata hai vinaash kaale vipreet buddhi, yeh kahaavat hai badi mashhoor to jabhi vinaash ka kaal aata hai na to buddhi se kaam ulta hi hota hai to hai sukh ki cheejen parantu uska upayog jo hai na ulta kiya hai, aaj yeh atomic power yeh sab cheejen jo hai, nahin to inko seedhe tareeke se kahaan lagaaen to yeh sukh ke saadhan ban sakte hain parantu uski buddhi us tareeke ka kaam nahin karegi abhi । unki buddhi kaam yeh karegi ki isse naash kaise karen kyonki yeh hai hi vinaash kaale vipreet buddhi na । vipreet buddhi ka matlab hai abhi paramatma ke saath preet nahin rahi hai usse vipreet hai usse kat of hain relation । uske vipreet buddhi hai vinaash ka kaal hai to usse vipreet buddhi hogi na, usse preet nahin hai । ab jab preet buddhi hai to phir dekho usse preet buddhi, iseelie kehte hain abhi mere se preet rakho, arthaat mere se yog rakho । preet kaho ya yog kaho baat ek hi hai to mere se preet rakho, mere se yog rakho to phir preet buddhi se kanstrashan, abhi dekho usse kanstrakshan ka kaam preet buddhi se kara rahe hain aur vipreet buddhi se destruction kaam kara rahe hain to donon chaahiye na kaam bhi donon hai na vinaash sthaapna to kanstrakshan aur destruction to abhi donon kehte hain preet rakho to nai duniya ka kanstrakshan hoga, vipreet buddhi se phir destruction tab to duniya ka yeh problem solva hoga na । agar destruction na ho to solva kaise ho sakega, yeh sab jo jansankhya badhti ja rahi hai, khaane ke liye nahin hai aaj sab museebten khadi ho jaati hain yeh badhta rahega kaisa hoga abhi isko kaun hal kare । manushya bichaare thak gae, bichaara gaandhi koshish karte karte gaandhi chala gaya, nehru koshish karte nehru chala gaya aur bhi aaenge chalte rahenge lekin aakar ke bhi kya karenge । hamaara khaana peena aur sab jaroorten badhti jaati hai, aakhir kya hoga to iseelie baap kehte hain ki bachche abhi is duniya ka haal abhi main aakar ke sambhaalta hoon । iski vaaghen abhi mainne haanth mein li hain control, abhi manushya ke control mein aane ki cheejen nahin hai yeh to lad jhagad kar aapas mein sab khatma iseelie abhi mainne pakda hai to main aakar ke abhi ye sepling kanstrakshan ki gupta reeti se laga raha hoon । vo kehte hain abhi ham ko control pakadna chaahiye, jab dekhte hai na ki bachche aapas mein ladte jhagadte aise ho jaate hai to phir bade khade ho jaate hain, abhi sabse bada woh hai na, to abhi vo aa karke, yada yada hi dharmasya, jab jab aisi adharma ka time aata hai, woh kehte main koi paramdham roop mein ya koi saje sajaae mein ya koi main aisa chamatkaar dikhaata hoon, aisa nahin hai main aata hoon gupta, mera kaam chalta hi gupta hai, yeh shaastron mein bhi hai gupta ka iseelie mahatva hai daan bhi gupta, kyon mahatva rakha hai iseelie kyonki paramatma gupta aaya hai na, usne jo kaam kiya hai patiton ko paavan banaana, bade gupta tareeke se to yeh abhi uska gupta kaam chal raha hai to aapko batlaate hain abhi uska poora phaayda lena aur laabh lena, yeh to phir aap logon ka kaam hai । achha abhi time hua hai, aaj aae bhi kuchh savel hain iseelie chhutti bhi thoda savel hi leni chaahiye । achha, do minute silence । silence ka matlab hai ham asal mein silence hai phir toki mein aae hain, ab phir apne silence desh ko yaad karo kyonki abhi vahaan chalna hai, peechhe phir talkie world mein aaenge parantu yeh pure world hogi, abhi impure hai, samjha । aana hai, parantu pure ban karke, phir shareer bhi pure, peechhe ham sada sukhi honge । achha । (record baja chhod bhi de aakaash sinhaasan) yeh jeevan ki naiya beech bhanvar mein aa gai hai na, knowledge is might vo dekho doktari knowledge, knowledge to bahut hai na, ek knowledge thodi hi hai, vaise to had ke knowledge bahut hai ,parantu yeh gyaan jiska naam hai gyaan, vaise common arth hai uska samajh, gyaan ka maana hi samajh, parantu samajh bahut prakaar ki hai, doktari injeeniyri bereestari har tarah ki samjhe hain, lekin gyaan jiske oopar hai ki bhaai gyaan bina gati nahin hai, woh kaun si samajh hai, woh yeh ki hamaare apne jeevan ka yeh poora samajh hona chaahiye arthaat hamko apne karmon ka poora knowledge hona chaahiye to karmon ki knowledge ka, usko kaha hua hai gyaan, karma ki gati paramatma hi samjha sakte hain aur koi manushya nahin kyonki manushya to karma ki gati ke chakkar mein hai na, woh nahin samjha sakte hain । karma ki gati ko jaanne vaala vahi hai jo hamaari durgati aur sadgati gati ki gati ko jaanta hai । yeh durgati mein kaise aae, ham to sab durgati mein aa gae hain na lekin ham durgati vaale kaise jaan sakenge apne ko ya hamaare karam gati ko । nahin, hamaari karma gati ko jo ham durgati mein aae hue hain usko jaanne vaala vo hi hoga jo gati durgati se oopar hai, vahi jaan sakta hai isliye unko aa karke samjhaana padta hai । usi ka naam gyaan hai is cheej ka ki jisse hamko apne karmon ka knowledge jisse ham apne karmon ko vo knowledge paakar ke oonche karma banaaen, jis knowledge ki phir might praapta rahegi karma shreshta ki, usse phir ham apna praalabdha use karen, jisse phir hamko sab sukh milega achha । abhi usi knowledge ki ye college hai samjha, manushya ko oonch status athva sada sukh praapta karne ki status kaise praapta ho, uska yeh college । abhi usmein jo padhega, woh status paaega । jo padhega nahin, woh kaise paaega, to padhna hai na aa karke yeh samjho ।