मम्मा की मुरली - 105

> >

mama murli madhuban

gyaan kya hai aur gyaandaata kaun hai

rikordah

raat bhar ka hai mehmaan andhera, kiske roke ruka hai savera……

om shanti । yeh roj andhera aur savera arthaat raat aur din hota hai woh to sab dekhte hain jaante hain । lekin is srishti chakra ka bhi, hamaare anek janmon ka bhi ek raat aur ek din ka chakra hai jenreshans ka to usko bhi samajhna chaahiye । hamaare anek janmon ka raat aur din ka, raat ka matlab hi hai hamaari duhkh ke jenreshans aur phir sukh ke jenreshans । yeh to geeta mein bhi hai ki shukla paksha aur krishna paksha, andhiyaara maarga aur roshni maarga yeh geeta ke varsans hain aur brahma ki raat, brahma ka din yeh geeta ke varsans hai । to yeh samajhna hai ki brahma ki raat aur brahma ka din jab poora hota hai ek raat ek din brahma ka to ek kalpa banta hai aur aise hi kahen ki yeh shukla paksha aur krishna paksha poora hota hai to usko ek kalpa kaha jaata hai to yeh sabhi baaten samajhne ki hai । jaise yeh chaar yug hain to yug kisko kaha jaata hai saadhe baarah sau varsha ek yug ka time hai aur isi tarah se chaar yug ko milaakar ke 5000 varsha ka ek kalpa hai to chaar yugon ko milaakar ke poora hone mein 5000 varsha lagte hain jiska ek kalpa banta hai । ismen do yug din mein do yug raat mein to sabhi yugon ka eekval time hai । aisa nahin kahenge ki satayug ka jyaada time hai, jaise kai shaastrakaar samajhte hain ki satayug ki aayu jyaada hai, treta ki kuchh usse kam, dvaapar ki usse kuchh kam aur phir kalayug ki usse kam, parantu aisa nahin hai । sabhi yugon ka jo time hai vo ek hi hai । to satayug bhi saadhe baarah sau varsha to treta bhi saadhe baarah sau varsha, chaaron yugon mein har ek yug saadhe baarah sau varsha ka hai । isi hisaab se 5000 varsha ka to dhaai hajaar varsha mein ek din aur dhaai hajaar varsha mein raat । abhi yeh jo time hai is samay prejent yeh kaun sa hai, isko kya kahenge । is ko kaha jaaega krishna paksha athva brahma ki raat । abhi brahma ki raat poori hoti hai abhi phir brahma ka din arthaat hamaari sukh ki jenreshans chalti hai । to inheen baaton ko samajhna hai ki yeh hamaare srishti chakra ka bhi kaisa niyam hai aur kis tarah se chalta hai to yeh raat aur din yaani do yug din mein do yug raat mein । abhi din bhi poora hua aur raat bhi abhi poore hone par hai phir raat ke baad phir din aana hai । aise nahin hai phir khatma pralay ho jaae, phir raat ke baad din din ke baad raat yeh phir chalne ka hai । to abhi raat poori ho karke abhi din aane ka hai । din maana hamaare sukh ka samay janma janmaantar hamaara sukh ka arthaat hamaari sukh ki jenreshans to abhi yeh hai sangam to abhi is prejent time ko sangam kahenge । ye sangam yug hai jisko paanchava yug bhi kaha jaata hai । is yug ka phir mahatva hai । iski aayu chhoti hai yeh saadhe baarah sau varsha nahin chalne ka hai । sangam ka peeriyad, time thoda hai । isko yug na kehna achha hai parantu vo geeta mein lagaaya hai na yuge yuge main aata hoon to kai shaayad yeh samajhte hain ki satayuge, tretaayuge, dvaaprayuge, kalayuge sabhi yugon mein aata hai paramatma parantu aisa nahin hai । yuge yuge aata hoon to matlab hai sabhi yugon mein aata hoon nahin, yuge yuge ka matlab hi hai yeh sangam ke time par yaani yeh sangam jab-jab aata hai kyonki yeh sangam ka time phir-phir repeat ho karke aata hai na iseelie yuge-yuge kaha । parantu yuge-yuge aisa do baar yuge kahne ka matlab yeh nahin hai ki sabhi yugon mein aata hai lekin sangamayuge yaani jab-jab ye kalpa poora hokar ke kalpa ka ant aur aadi ka time aata hai tab-tak main aata hoon to kahne mein to aaega na ki jab-jab, jaise kahen ki raat poori hokar ke din aata hai phir din poora hokar ke raat aati hai to kahne mein aaega na ki jab-jab raat aati hai kyonki phir-phir repeat hoti hai na to kahne mein to aaega na jab-jab raat aati hai tab-tab aisa hota hai kahne mein aata hai । isi tarah se phir-phir repeat ho karke yeh time aata hai iseelie usko kaha hua hai ki jab-jab yeh yug aata hai sangam ka, tab-tab usi sangam yuge-yuge aata hoon to inheen sabhi baaton ko bhi samajhna hai । to abhi yeh hai sangam । chaar yug to common sab bata bhi denge, kisi se agar poochha jaae ki kitne yug hai to bata bhi denge bhai satayug, treta, dvaapar, kalayug lekin yeh paanchava yug jisko sangam time kaha jaata hai, yeh koi nahin jaanta hai । isko paramatma aa karke apna khaas time batlaata hai ki mera time aane ka jo hai woh raat ka ant aur din ka aarambh hone ka jab time hai tabhi main aata hoon । to abhi yeh raat aur din ke sangam ka time hai ye time abhi jo prejent chal raha hai iseelie paramatma kehte hain is time par aakar ke abhi ye andhiyaare ka time khatma karta hoon aur phir din ka time aage jenreshans mein chalne ka hai । phir uske liye tumhaare karma shreshtha banen tabhi tum apne shreshtha karmon ki praalabdha abhi us din mein yaani sukh ke dinon mein praapta karo to uske liye phir aa karke yeh karma shreshtha ki sepling lagaate hain arthaat hamaare mein purity dhaaran karaate hai arthaat hamaare karma ko oonch karaate hain । hamaare karma ko oonch karaane ke liye hamko purity chaahiye । bina pyooriti ke hamaare karma jo hain na vo svachchha nahin ho sakte । svachchha ka matlab yeh nahin hai ki nahaaya dhoya athva sach bolte hain, jhooth nahin bolte hain isi se hamaari yeh svachchhata hai । hamko sach ka bhi knowledge chaahiye na । sach kya hai uska bhi gyaan chaahiye । sach yeh nahin hai ki haan bas ham jaante hain ki yeh paramatma hai, yeh sansaar hai yeh nahin । paramatma yathaartha kya hai, ham bhi yathaartha kya hai, hamaare karmon ka yeh chakra yathaartha kaise chalta hai to in yathaartha baaton ko jaanna jo jaisi cheej hai, usko yathaartha samajhna usko kaha jaata hai sach ko jaanna । jab tak manushya yathaartha baat ko nahin jaante hain to unko sach thode hi kahenge । to yeh sabhi cheejon ko samajhne ka hai iseelie yathaartha knowledge sach ki knowledge sivaay paramatma ke aur koi de nahin sakta hai iseelie to kehte hain na ki god is truth kyonki truth ko jaanne vaala woh hai । unke sivaay aur koi satyata jaan hi nahin sakta hai iseelie bataata bhi vahi hai ki satyata kya hai, main kaun hoon, tum manushya kya ho, tum manushyon ke karmon ka yeh chakra kaisa chalta hai to yeh sabhi cheejen samajhne ki hai iseelie abhi paramatma ke dvaara jin baaton ki roshni mili hai ki ham kaun hain, abhi hamaara yeh kaun sa time hai woh abhi ham samajh karke phir doosron ko apne anubhav ke aadhaar se samjhaate hain ki abhi yeh time kaun sa hai । is time ke mutaabik abhi kya karna chaahiye kyonki ham to yeh baaten bhool gae hain na । yahi hamaare se bhool hui hai । isi bhool ke kaaran hi ham duhkhi hue hain । ham nahin jaante hain, apne ko bhi nahin jaante hain, apne pita ko bhi nahin jaante hain aur hamaara yeh srishti ka chakra din aur raat ka kaise chalta hai isko bhi nahin jaante hain iseelie ham duhkhi hue hain । agar abhi jaante hain apne karmon ko achha banaate hain, jaanne se hi hamaare karma achhe bante hain na । nahin jaanne se hamaare karma achhe nahin the to yeh sabhi cheejon ko samajhna hai iseelie baap kehte hain ki inko jaanne se hi tumhaare karma achhe honge aur un achhe karmon ki phir praalabdha bhi zaroor hai ki achhi praapti rahegi । to abhi dekho yeh hai woh gyaan । baaki gyaan ka koi matlab yeh nahin hai ki uske liye ham baithkar ke chaar ved padhen, athaarah puraan padhen, ye sabhi shaastra, granth, ved padhe tabhi ham gyaani bane । nahin, gyaan ke liye koi shaastra padhkar ke gyaani banna nahin । gyaan jo cheej hai woh yeh hai ki hamko yathaartha apni aur apne pita ki aur apne saare karmagti in sabhi baaton ki knowledge chaahiye na to iski knowledge sivaay paramatma ke aur koi de nahin sakta hai aur woh baap dekho baap jo baith samjhaate hain badi simpal । vo thodi kehte hain itne shaastra padho, grantha padho tabhi tumko gyaan praapta hoga, vo to kehte hain gyaan kya hai- main baap hoon tum bachche ho ye khaali samajhna hai aur phir jaisa baap hai vaisa hi phir bachchon ko banna hai । mere dvaara tumko kya praapti karni hai, usko samajh karke usmein chalna hai ismen diphikalti kya hai, ya iske liye baith karke koi bahut shaastra ya grantha karna inki kya baat hai । to koi diphikalti nahin hai na, to yeh sabhi baithkar ke baap samjhaate hain ki gyaan koi lambi chaudi cheej nahin hai parantu bhoole ho na, bhool ho gai hai tumhaare se । tum mere se relation ko bhool gae ho, aur apne ko bhi bhula diya hai iseelie apne se jo bhool hui hai usko correct karo bas gyaan itna hi hai apni bhool ko correct karna । to bhool hui hai ek । ek hi bhool hui hai jisse ham saare dekho duhkhi ho gae hain aur bhool dekho hai kitni badi se badi । apne ko bhool jaae koi, what em aai, kisi se poochhe tum kaun ho, vo kahe hamko pata hi nahin hain to usko kya kaha jaae । vaise to kisi se bhi poochho bhaai tum kaun ho to kahenge haan dekhte nahin ho, manushya hain । ham kaun hain, to kya hain manushya hain parantu nahin, manushya kya ? manushya kisko kehte ho? kaun manushya, ye kehta kaun hai, to yeh sabhi cheejen yathaartha samajhni chaahiye na । aise to dekho manushya marta hai body padi hai phir kaun si cheej nikal gai, manushya kya hai manushya woh jo nikal gaya ya yeh jo body padi hai, kisko kahenge । to kaun hai kya hai in sabhi baaton ki yathaartha knowledge chaahiye na । baaki aise to sab kahenge ham manushya hai, dekhte nahin ho manushya hain, parantu manushya ka itna hi to parichay nahin hai na । parichay hamko apna yathaartha hona chaahiye ki ham kya cheej hain, ham kaun hain to apni cheej apne ko pata hone se ki main kaun hoon to hamko apne kartavya aur apne karmon ka bhi yathaartha knowledge aaega ki ham kaun hain । iseelie baap baithkar ke abhi samjhaate hain ki asool mein tum kaun si cheej ho aur tum jo cheej ho uski position kitni oonchi hai । first aatma pure hai na, to bhale aatma ho parantu first aatma pure hai, peechhe impure hui hai । aise nahin hai pahle impure hai peechhe pure hui hai nahin, pahle pure peechhe impure hui hai abhi phir impure se phir pure banne ka hai iseelie impyoriti uske oopar chadhi hai । orijinal aatma ki stage pure hai, ye impyoriti peechhe chadhi hai iseelie abhi us impyoriti ko nikaalo to phir pure bano । to pure banne se phir tum sukh ko praapta karenge । to yeh gyaan aane se hi to hamaare karmon mein parivartan aaega na । yeh knowledge se hoga na । abhi ham jaanenge hi nahin ki ham kaun hain hamaara kya kartavya hai to kaise pata rahega । abhi jis-jis ki jo duty hai ki bhai hamaara kya kaam hai, kya hai, uska bhi samajh hogi tabhi to karenge na । knowledge, ki bhai ham minister hain hamaara yeh duty hai । ham governor hain , hamaara kya kaam hai, hamko kaun sa kaam karna hai, hamko kya karna hai woh harek ko apna apna knowledge hota hai na । doctor hai usko pata hai main doctor hoon mujhe ye jisma ka kaatna kootna ya jo bhi kuchh hai usko banaana hai, uska ilaaj dena hai to vo sabka apna-apna kaam hai । to what em aai mera kya kartavya hai vo apne ka bhi to maaloom hona chaahiye na । woh maaloom hi na ho bas chalte hi raho to usse manushya kya kar sakega । manushya sirf itna hi to nahin hai na ki main doctor hoon bas ye manushya hai, main engineer hoon bas itna hi to manushya nahin hai na । nahin, vaastavikta mein ham kaun hain, yeh sabhi baaton ko jaanna chaahiye na, itna hi to parichay nahin hai na yeh to hua jismaani parichay, baahar ka ki bhaai main doctor, engineer barrister hoon । itna hi to occupation nahin hai na । hamaara pahla first parichay ki what em aai to self ki knowledge chaahiye na jisko self rilaaijeshan kaha jaata hai । to in sabhi baaton ki yathaartha knowledge bhi honi chaahiye aur usi ki knowledge ko hi kaha jaaega gyaan aur yahi gyaan na hone ke kaaran yahi bhool hai to yeh bhool saari duniya ki hai । sab isi baat ko bhoole hue hain । yathaartha reeti se koi jaanta nahin hai ki ham kaun hain to jab yeh nahin jaante ki ham kaun hain to karna kya hai yeh bhi nahin jaante iseelie sabki ronga ekshans hone ke kaaran manushya duhkhi aur ashaant hain । isi ka hi kaaran hai duhkh ashaanti । aaj hamaari duniya duhkh aur ashaanti mein hai yeh sirf ek bhool ke kaaran hai । sab bhoole hain, nahin jaante hain ki ham hain kya, humein karna kya hai । abhi aakar ke baap yathaartha reeti se samjha rahe hain aur usi bhool ko correct kara rahe hain ki kis tarah se is bhool ko correct karo aur samajh karke abhi usi par chalo । to abhi to sab jo roj aate ho in baaton ko sunte ho aur samajhte ho unhon ki to buddhi mein aati hai na ki ham kya hain, kaun hain, humein kya karna hai to abhi usi practice mein practical chalne ka hai tabhi hamaari practical practice se hi hamaare shreshtha karma banenge । aise nahin khaali sunne se hoga । nahin, aaenge practical ekshans ko apne mein parivartan mein laaenge arthaat purity ko practical mein laaenge baaki khaali sunne se athva hamaara time achha paas hua ya sunne se hamne kuchh saphalta paai, nahin, ham jab talak apne ekshans mein na laaen tab talak hamaare mein purity aa nahin sakegi । to yeh hai hi saara apne karmon ke oopar aadhaar rakhne ki cheej kyonki hamaara jo bhi bura achha banta hai aur jisse ham duhkh ashaanti paate hain woh sab karmon se hai to hamko phir laana bhi to karmon mein hai na achhi ko bhi hamko apne karmon mein laana hai । baaki hamne suna to bas ham achhe ho gae aise to nahin hai na ya koi dekhne se bas ham ab aise ho gae, koi doctor ko dekhne se doctor nahin ho jaaega ya sunne se to khaali nahin ho jaaega na । practical practice mein aaega tab doctor banega । khaali baithkar ke lectures sune to usse kya hoga । practical mein aaega tabhi to practical mein vo stage praapta kar sakega na to yeh bhi cheej aisi hai । isko bhi practical mein practice mein laana hota hai iseelie hi yahaan sabse poochha jaata hai ki haan yeh samajhte ho, practical mein le aate ho, unka prektikal ekshans apne mein dhaaran karte jaate ho । to dekho ye knowledge aur ye jo padhaai hai ismen to jaise padhaai hoti hai na school mein, har ek bachche ko dekha jaata hai ki barobar yeh padhta hai, iski buddhi mein baithta hai, yeh samajhta hai, practical mein dhaaran karta hai, to ek-ek student ko dekha jaata hai । aise nahin khaali aae sune, nahin iseelie isko school kaha jaata hai । isko common satsang nahin kaha jaata hai jaise kai aae, bas suna phir chale gae, kisi ne samjha ya na samjha, vo samjhenge achha hamne ghanta, aadha ghanta paas kiya, hamaara bhi achha ho gaya aur hamne darshan bhi kar liya । bas ho gaya । aisi baaten nahin hai । isse hota nahin hai kuchh bhi । ye ek bhaavna bahut kaal ki bani aai hai na iseelie manushya bichaare bahut andhashraddha mein chalte rehte hain । usko kahenge andhashraddha blaaind faith । parantu nahin, yahaan to koi blaaind faith mein nahin bithaana hai na ki bas itna hi tum faith rakho darshan kiya ya do vachan suna to kaam ho gaya nahin, blaaind faith ko nikaalna hai । abhi apne ko sach-sach jaankar ke, reality ko jaankar ke usi reality mein aana hai iseelie yahaan practical activity ke oopar saara madaar hai aur iseelie usi par hi jor diya jaata hai ki apne ekshans ko parivartan mein laao । dekho poochhte hain na iseelie poochhte hain ki pavitrata ko dhaaran karte ho, apne mein parivartan mahsoos karte ho । ye five vaaises jo hai, yeh samajhte ho ki usmein change aati jaati hai । agar nahin aati hai to phir uska ilaaj lena chaahiye । woh report karega bataaega tabhi to pata chalega na । aise nahin hai ki yahaan bas apne aap jaani jaananhaar hai jaante rahenge । nahin, yeh padhaai hai to jaise koi kisi subject mein kam hota hai to dekho teacher ko uska pata bhi rahega na । woh dekhega to har ek ke oopar aur aisa bhi hai students ka bhi kaam hai ki sabko apna report dena hai ki hamaari kya veeknes hai phir usko uske oopar saavdhaani milegi, shiksha milegi aur unheen shikshaaon mein phir aage badhte chalenge । to practically apne mein dekhna chaahiye ki hamaare mein change hai, nahin aai hai to samajhna chaahiye ki abhi tak ham kahaan bhoole hue hain to phir us bhool ko correct karna chaahiye, tabhi ham apna kuchh laabh jisko kahen aur practical life jisko banaana kahen bana saken to samjhen ki hamne kuchh paaya hai । nahin to baaki aise hi nahin ki bas haan baithne se kuchh ho jaaega । ye hoga practical mein aane se aur practical ekshans vaala koi chhip nahin sakta hai । jo ekshans mein hai achhe to uska saboot to baahar aata hai । uske ekshans koi chhipne vaali cheej to nahin hai na । koi bura karta hai to bhi pratyaksha ho jaata hai, achhe ka achha bhi pratyaksha ho hi jaata hai to iseelie apne saara practical ke oopar madaar hai iseelie us practical life ka poora attention rakhte aur apne karmon ko svachchha banaate chalna hai । baaki to abhi pata chala hai na bhool kaun si rahi, kis bhool ko correct karna hai woh to abhi buddhi mein baat aai hai । to jo roj aate hain unko to in baaton mein koi moonjhane ki baat nahin rahi hogi ki ham kaun hain, hamaara pita kaun hai humein baap se kya lena hai । em end object abhi buddhi mein poori hai aur honi chaahiye tab to purushaartha bhi chalega na । agar em nahin hogi ki hamko kya banna hai to kya purushaartha karenge to em chaahiye । jo common satsang hain usmein koi em nahin hai । vo samajhte hain khaali jaana hai, do vachan sunna hai, bas usi se hi kaam ho gaya । parantu nahin, ye padhaai hai, knowledge hai, jaise school mein jaate hain, bhaai hamko engineer banna hai, to em hai na to em par chal karke hamko vo status praapta karne ka hai । to satsang mein koi em nahin hai na, khaali samajhne hain isse ham mukta jeevanmukta ho jaaenge । aise sunte-sunte ya yeh shaastra grantha padhte-padhte bahut mukta ho gae hain yeh samajh baithe hain aur ham bhi ho jaaenge । hue ya na hue ya kya hone ka hai in sab baaton ka pata hona chaahiye na yathaartha । to yeh sabhi apni practical life mein parivartan laana hai aur practical hamaare mein vo practice aati jaati hai usse pata chalega na । ham apne jeevan se mahsoos karte hain na ki bhai hamaari aage kya jeevan thi, abhi kya jeevan hai pharka aata jaata hai to samajhte hain ki haan phaayda padta ja raha hai । baaki aise nahin ki haan ham jaake jyoti jyot samaaenge to ho jaaega bas, yahaan aise ke aise hi । nahin, ye sabhi practical life mein aana chaahiye । yahaan par hi parivartan aana chaahiye na tab phir usi ke aadhaar se ham samjhenge ki hamaara bhavishya bhi us aadhaar se ooncha banta jaata hai । to ye sabhi baaten achhi tarah se buddhi mein rakhne ki hai aur prektikal apni dhaarnaaon mein bhi aage badhne ka hai । achha do minute silence । lekin baap kahne se baap to common baat ho jaati hai naam bhi chaahiye na । to ek hi hai paramatma jis aatma ke oopar naam hai shiv । niraakaar ke oopar naam hai na koi shakla vaala manushya to nahin hai na । baaki aatmaon ke oopar jab shareer leti hain aatmaaen tabhi naam padta hai, dekho bhaai shivraaj, tolaaraam aadi ye sabhi naam to shareer lete hain phir naam hota hai । nahin to common to kahenge sab aatma । aatma ke oopar naam kya hai aatma । aatma hi kahenge । lekin vo hi ek paramatma hai, jiska naam hai shiv । to woh aatma ke oopar naam hai shiv । baaki ham shareerdhaariyon ke oopar shareer par naam hai । dekho shankar hai to bhi aakaari shareerdhaari hai brahma, vishnu, raam athva shri naaraayan to bhi shareerdhaari hai na । baaki ek hi hai niraakaar paramatma baap jiske aatma ke oopar naam hai baaki ham sab manushyon ka shareerdhaariyon ke oopar naam hai । to unka naam shiv hai । kai aise samajhte hain ki niraakaar paramatma to sabka pita hai na, to shiv naam to bhaaratvaasiyon ka hai to woh to sabka pita hai na । doosre desh vaale usko shiv naam se kaise samjhenge । aise kai kveshchans uthaate hain । parantu yeh bhi samajhne ki baat hai ki paramatma yahaan aae hain na । niraakaar paramatma kahaan aae hain bhaarat mein aae hain । vahaan aa karke unhonne knowledge diya hai, kartavya kiya hai iseelie naam bhi jo pada hai to bhaaratvaasiyon ka padega na । jaise shareer bhi bhaaratvaasiyon ka liya hai to naam bhi jo hai unke kartavya ke oopar to idhar hi pada hai na । to iseelie yahaan ka naam hai aur bhaarat mein uska janma sthaan hai yaani paramatma ka antaran bhaarat mein hua hai, aise nahin doosre deshon mein, iseelie kyonki ye bhaarat avinaashi khand hai । to yeh sabhi cheejen bhi samajhne ki hai isliye paramatma ko shiv naam daala hua hai to bhaaratvaasi daalenge na । bhaai shiv ka avatran bhaarat mein to bhaaratvaasiyon ka hi naam padega na । to abhi krishna paksha ka abhi last time hai abhi phir shukla paksha chalna hai to chalna hai na usmein । to abhi krishna paksha yaani andhiyaara maarga ka time abhi bahut thoda hai । ab lagaana to sepling usmein hi hai । to ye saari cheejon ko samajh karke abhi apna purushaartha rakho । achha time hua hai । abhi do minute silence । silence ka matlab aai em soul । first silence peechhe talkie mein aate hain ab baap kehte hain phir chalo silence world hamaara asool silence shanti apna svadharma hai aatma ka । ab phir silence mein chalne ke liye kehte hain is deh ka aur deh sahit deh ke sambandhon ka abhi attachment chhodo ise detach ho jaao aur apna man abhi mere mein lagaao aur tum ho san oph supreme soul । ab mujhe yaad karo aur mere dhaam mein aao । mera dhaam kaun sa hai? mera bhi vahi hai lekin tu bhool gaya hai isliye abhi apne dhaam ko yaad karo । to silence ka matlab yeh hai iseelie aisa silence mein baithne ka hai arthaat nirantar apne ko aisi avastha mein rakhna hai ki aai em soul parantu not only soul, saailensda soul athva first pure soul । to soul ke saath aai em first pure soul, woh bhi khyaal mein rakhne ka hai ki aai em first pure । note only soul but pure soul । aur pure soul first saailensda the peechhe phir talkie mein aae to pure soul bhi aur body bhi pure । abhi baap kehte hai abhi to tumko chalna hai vahaan, peechhe aaenge to abhi chalne ka dhyaan rakho । abhi aane ka nahin khyaal karo abhi bas chalne ka । to aane ka nahin abhi khayaal karna hai । peechhe aaenge to pure ho karke phir body bhi pure milegi tumko parantu abhi to chalne ka hai na to abhi to chalne ka khyaal karo to ant mate so gate to phir aisi gati ko paaenge to abhi chalne ka khyaal karo । iseelie chalna hai to detach hoke chalna hai । abhi koi bhi attachment nahin , vo pure soul aur body abhi uski bhi attachment nahin । abhi shareer ki attachment chhod do । abhi woh buddhi mein rakho to automatic hai ki tumko pure soul ko phir shareer bhi pure milega । samjha । to aisi apni dhaarna banaane ki hai । achha ab baitho silence mein । aisa nahin khaali thoda time, yeh phir practice har vaqta rakhne ki hai, chalte bhi silence mein, bolte bhi silence । bolte kaise silence hoti hai, maaloom hai? bolte bhi hamko buddhiyog apne usi aai em soul, first pure soul athva silence soul to yeh yaad rakhna । yeh maano dekho abhi ham aap se bol rahe hain na, lekin bolte bhi ham agar usi yaad mein hai to aai em saailent । aur bolte hain to hamaare mein yeh knowledge usi samay rehna chaahiye aai em soul, is organ se bolte hain talk karte hain nahin to first aai em silence । abhi chalo bolna hai inko samjhaana hai to bolo । organs ka aadhaar lekar ke ham bolte hain, nahin to first aai em silence । nahin bolte hain abhi to silence । abhi apne ko order karte hain ki mukh se bolo to bolte hain, sunte hain aur karte hain, nahin to bas achha, nahin to nahin bolte hain । to yeh apna practice honi chaahiye jaise ham iska aadhaar le kar ke bolte hain । na aadhaar len to chalo silence mein । achha kaan ka aadhaar khaali lete hain sunte hain, chalo aankhon ka aadhaar lete hain dekhte hain to jiski jaroorat hai uska aadhaar lekar ke kaam karte hain aur kya । aisa kaam rahne se khushi rahegi aur koi aisa bura kaam nahin hoga agar isi practice aur isi sabhi baaton mein rahenge to । achha ।