मम्मा की मुरली - 205

> >

mama murli madhuban

005. Amrut Vela Ka Mahatva

to abhi samajh aai hai na ki aai em soul, san oph supreme soul, usse humein phaayda bhi hai aur ham aise rahne se ham apna adhikaar lenge baap se to yeh to achhi baat hai na to khaali haibit badalne ki hai bas aur kuchh kya karna hai। kai poochhte hain kya purushaartha karen, bhala yeh to suna, ab ghar par jaakar phir kya karen। woh samajhte hain koi saadhan de de, koi mantra de den ya kuchh suna de ki jaakar ke karen। nahin, yahi nirantar mantra hai na। yeh mahaamantra, nirantar jaap rakhne ka matlab, jaap koi kahne ka nahin hai lekin dhyaan rakhna hai attention। to yeh har vakta attention rakhna aur isi practice mein rehna inheen ko kaha jaata hai yog aur inhi ko kaha jaata hai yeh yog ka jo gyaan, jo sun rahe hain baaki yog koi aisa thodi hi hai ki aasan lagaakar baitho ya yeh kar baitho ya baithkar ke koi diva jaga ke kaho ki bhaai aai em det aai em det, aai em det, what? baithkar bas maala simre ya raam raam raam raam raam raam kya, bas yeh aise aise raam-raam khaali mukh thodi hi chalaana hai, apni buddhi se yog rakhna hai jisse hamaara yog righteous rahega na। kaha na jab talak buddhi nahin hai jisse hamne detach hokar ke uske saath buddhi nahin jodi hai usmein to phir kitna bhi raam-raam raam-raam laakhon baar bhi kare na to kya hua, yeh to khaali mukh hi chalta hai na। usne to bechaare ne apni aisi ajpaajaap ki practice banaai thi uska apne aap raam-raam chalta tha। japne ki bhi darkaar nahin hai apne aap chalta tha usne aisa bana diya tha apni practice। to usse to phir sab aise bana deven phir to raam-raam automatic hi chalta rahega , automatic masheen। yeh to chalaana padta hai usne to bechaare ne automatic practice ki thi ki automatic chalta hi rehta tha। usne shaastron mein padha hai na, ajpaajaap yaani jape nahin, parantu jaap chalta hi rahe to usne baith karkeus baat isi tarah se banaaya। uska arth nikaala, dekho kaisa achha nikaala parantu phir munh se gaali dena, yeh karna, woh karna usse to apna vikarma bana na, yeh to right nahin hai na। to yeh sabhi cheejen samajhne ki hai bahut achhi tarah se iseelie baap kehte hain apne ko righteous, abhi usi tareeke se kaisa chalna hai useemen chal karke aur apna banaate rehna hai। to yeh hai apna status banaane ki athva apna practical life banaane ki yeh purushaartha, jisko bana karke aur aisi life se apne ko ooncha karna hai kyonki hamaara saara daaromdaar inheen karmon ke oopar hai na aur saara din hi ham karma mein hi to rehte hi hain kisi ke bolchaal mein, kisi ke kaam mein kisi ke rishte mein hamaara to kaantekta hai, useemen hamko saara din sambhal karke chalna hai। iske liye koi khaas thodi hi baith karke kuchh karna hai, bhaai khaas koi karma karen ya khaas koi pathan-paathan ya khaas koi poojan kuchh nahin, yahi hamaari pooja hai ham aatmaon ko dekhen, sabhi aatmaaen hain, unheen aatmaon se hamaara kaisa bartaav chalna chaahiye yahi hamaara jo practical hai unheen mein ham kaise bartaav mein rahe, isi mein hi hamko apna karma shreshtha banaana hai aur usi mein hamaara natural hai raasta deven to hamaari yeh service chalegi isko bhi samjhaaenge। koi milega to kya karenge, usko bhi baith ke yahi samjhaaenge। kaam hua, phir usko kahenge achha baitho, chalo ek baat sunaaen tumko, tum kaun hai, chalo aapko jara baap ka to parichay den aur woh bada khush ho jaaega। kisko woh nasha chadha den aur kisko baith karke yeh do baat bhi ishaare mein samjha de na woh to bada khush, kahega bada, yeh to bada koi pharishta hai, ekdam uske liye bhi record baithega। koi bhale ladne jhagadne vaale honge na, kisi se aise prem se baith karke baat karen woh unka bhi mitra ban jaaega। yeh apne me tepta chaahiye aur apne mein jara himmat aur power bhi chaahiye na to usse ham dushman ko apna surgeon bana sakte hain apne paas sabhi baaten chaahiye na। baaki aise hi thodi, bas aisa aisa baithkar kiya, woh to karte-karte to dekho duniya neeche hi pad gai na yeh to apna usi mein aana hai। yeh to riyal hai na, chaitanya ham aatma hai aur chaitanya pita ke saath, baaki koi jad dive ke saath ya jad moorti ke saath ya koi jad maala ke saath, uske saath koi yog ki baat to nahin hai na। yeh hamaara chaitanya, isse hamko chaitanya power milta hai। to hamko jab hain sat chit aanand swaroop kehte hain na to usi chaitanya paramatma ke saath ham chaitanya aatma ka sambandh chaahiye isko ham sambandh, sambandh kaho ya yog kaho baat ek hi hai। to hamaara relation uske saath, yog ka matlab hi kya hai, yog ka arth bhi aata hai ki do cheej honi hai na, kiska kiske saath yog। yog ka matlab hai sambandh, to sambandh mein to do cheej hongi na, sambandh vo akela sambandh kya, aur sambandh to do cheej hai, do chaahiye na to baap aur ham aatmaaen, to sambandh chaahiye, usse relation chaahiye । isko sambandh kaho ya yog kaho baat ek hi hai to hamaara yog usse baithe maana usse sambandh baithe to sambandh ke liye hamko knowledge chaahiye, parichay chaahiye tab to uske saath baithega na to baap baithkar ke samjhaate hain, iseelie yeh gyaan dete hain ki tera mere se yathaartha yog kaise baithe woh baith karke samjhaata hoon। to yeh saari baaton ko achhi tareeke se buddhi mein rakhna aur phir uske saath saara chakkar bhi baap samjhaate hain ki dekho abhi tumhaara yeh chakra kahaan tak aa karke pahuncha hai, abhi tumko ooncha kaise uthna hai, abhi time bhi hai। time ho tab baat bhi ho na, abhi time par baat hai। itna samay time nahin tha to jo baaten thi na woh sab bhakti maarga ki thi, woh sirf yaadgaar ki theen , woh yaadgaar ka sirf tumko bal milta tha, abhi yeh hai practical। woh thyoreekal, yeh practical, abhi main practical mein aaya hoon। woh to tum mere khaali yaadgaar ko poojte the, mainne jo kuchh abhi aa karke kaam kiya hai , uske peechhe phir dvaapar kaal mein bhakti maarga mein shaastra aadi chitra aadi yeh sab yaadgaaren banaai hai jiska phir tum yeh pathan-paathan, poojan karte aate ho। to woh baat alag hai, woh department alag, woh side alag aur yeh practical abhi main aaya hua hoon isliye practical tumko bana karke practical duniya banaata hoon yeh baat alag hai, inko kahenge practical woh ho gaya thyoreekal। to abhi to practical baat samajhni hai na, usse hamko poora varsa lena hai aur woh varse vaali duniya main banaata hoon to yeh sabhi cheejon ko hi samajhna hai। achha, time to hua hai aaj sande bhi hai chhutti ka thoda to phaayda lena chaahiye na aur yeh phaayda hai bada। yeh kamaai hai, yeh aisa nahin hai। bhale baithe ho, dekho yeh kamaai kaisi hai chup se, aise baitho kamaai, aisi koi kamaai dekhi? sab kamaai mein haath chalaana padega, yeh chalaana padega ismen to aise baithe raho chup, baap ki yaad mein aur kamaai hoti rehti hai, kaun si kamaai? hamaare paap naash, is yog agni se ham paapon ka naash karte hain aur isi se hamaara dekho paapnaash hua to ham purified hote hain aur us pureephikeshan se hi to hamko sab kuchh milta hai, health, wealth, everything to dekho yeh kamaai achhi nahin hai? aisi easy kamaai aur phir kyon kehte hain phursat nahin hai , yeh hai phir bahaane banaane dete hain। iske liye to phursat kaise bhi nikaalni chaahiye aur so bhi iska time aisa hai savel subah ka, jitna savere ho achha hai kyonki amritvela, savere ka vaise bhi dekho koi keertan karte hain pooja karte hain kuchh bhi aisa hota hai savere ka hota hai kyonki savere mein aisa time hota hai, dekho saara din ka time hai, time mein bhi stejij hain, subah ka amritvela kehte hain aur usko golden time kehte hain, peechhe dheere-dheere jaise din chadhta jaata hai dekho subah ke time koi bhi paath karenge pooja karenge subah ko karenge, sab subah ko uthenge to bhagwan ka naam lenge, koi bhi bura kaam subah nahin karenge, haan, raat ko koi chor chori bhi karega, raat ko log vikaar mein bhi jaaenge, to raat gandi iseelie raat ko chor ko chori bhi karna hai to vibration jo hai na aur saare vikaar mein jaate hain to dekho yeh vibration, haan baaki subah ka jo time hai do baje ke baad, teen baje is samay par savere ka jo time hai usko amritvela gina jaae to yeh sab usi samay koi na koi bhagwan ka naam lenge, raam ka, dekho musalmaan log hain na subah ko paanch baje uthenge, chaar paanch baje uthenge woh bhi khuda ki bandagi karenge sab। Christian log bhi hain woh bhi savere dekho charchij mein jaate hain kitne, to bahut karke jab subah ka time hota hai usmein world ka hi saara vibration pavitra rehta hai kyonki us samay koi dhandha dhori aur inka bhi hangaama buddhi mein nahin hota hai aur sabke andar mein bhagwan ka us samay, koi bhi uthega na kaisa bhi hoga ulta ki seedha pahle to bhagwan ko yaad karenge, phir din hota hai phir kaam dhandha usko phir rajoguni stage kahi jaaegi kyonki phir kaam dhandhe ke vibration, buddhi phir all-round chalte hain aur phir aisi stage ho jaati hai । raat ko to hai hi tamopradhaan chor ko chori karne ka time aaya hai uski vibration aur vikaaron ke vibration to woh gandagi ka iseelie vo time subah ka savel hai isliye hamaari jyaadaatar classes hai na panjaab aadi mein bahut subah chalti hain parantu yahaan to aap logon ko dikkat hai bas se aana jaana, bas nahin milti hai phir kabhi aisi dikkat hai aati hai aisi dikkaten aajkal jahaan tahaan hain parantu jo hai niymi to phir vo to chalte hain, kyonki vahaan centres hain das baarah dilli mein, aaju baaju ke jo hain apne apne centre par aate hain jaise aapka sentraumet hai, idhar hai to jo jahaan hai unko najdeek padta hai na to savere bhi aa sakte hain to yeh sabhi jo bhi dikkaten bhi sambhaalni padti hai । parantu hai subah ka time, apne ghar mein bhi to uth ke savere baithna, baap ko yaad karna, yeh sabhi hai, jitna jitna karenge utna utna apne ko bal milta hai । to yeh hona chaahiye yeh abhyaas apne mein banaana hai yaani ki jo ulti body ki practice ho gai hai to abhi usko ulta karna hai to woh practice daalni hai na apne mein to hamko yeh subah ka time to milta hi hai to thoda sa neend jo hai thoda kam karenge na , thoda usse aadha ek ghanta nikaal karke ham subah-subah apne mein yeh practice daalen । yahaan aate ko sunte ho hai, usmein rimaaind milta hai ki hamko kaise karna hai, uska dhang milta hai to jitna jitna vo dhang buddhi mein baithta jaaega practice mein madad hoti jaaegi । to yeh gyaan madad karta hai yog mein phir ham saara din kaam karte bhi aaste aaste phir woh practice bhi hoti jaaegi aur khushi bhi rahegi । yeh subah ki yaad, dekho school mein bachche bhi padhte hain na, savere uthkar padhte hain kyonki savere ki buddhi jo hoti hai neend karke uthte hain na fresh rehti hai to usmein jo bhi dhaarna banaani hoti hai na woh jaldi ho jaati hai to iseelie bachche bhi savere uthkar ke padhte hain । jo gyaan mein aur padhaai mein chusta hote hain bahut savere savere uthkar padhenge kyonki subah uthkar badhne mein woh yaaddaashta aa jaati hai, din ke idhar-udhar mein sab bhool jaata hai to iseelie savere ka mahatva hain । amritvela kehte hain isko kehte hain amritvela, to yeh amritvela ka apna laabh lena chaahiye । to ye sabhi cheejen hain, dekho har baat ki bhi stejis hai na, din mein bhi dekho time ka hai saara to abhi baap kehte hain dekho yeh to had roj ka amritvela subah subah ka, yeh hai behad ka । behad mein bhi abhi ham chakkar ghumte apni jenereshansh ka abhi yeh hamaara amritvela chal raha hai kyonki hamaara abhi new jenreshans ka phaaundeshan aur hamaari old jo jenreshans hai impyoriti ki uski end । abhi konflaens hain na to ye hamaara amritvela, dekho savere jab soorya chadhta hai, savere amrit pahla pahla jab soorya nikalta hai to dekho kaisa hota hai to isi tarah se abhi hamaara gyaan ka soorya chadhta hai । ab chadhti kala hoti jaaegi, abhi maano soorya uday hua hai to savere ka jo subah soorya uday hota hai to dekho kaisa hota hai to hamaara bhi aise hi abhi phaaundeshan hai kalam laga hai, yeh sepling laga hai । yeh maano abhi soorya ki sepling aur chandrama ki yaani raat ki abhi end hoti hai aur abhi woh soorya uday hota hai to vahaan kya new generation uday hoti hai to yeh hamaara behad ka amritvela hai । woh had ka hai roj ka aur yeh abhi behad ka to abhi yeh hamaara amritvela hai, to amritvele paramatma kehte hain main aata hoon, raat mein nahin aata hoon । woh hai na hiranyakashyap aur narsinh ki baat, to hiranyakashyap ne kaha tha, na main raat maroon na main din mein maru, na andar maru na baahar maru, usne var maanga tha, to woh baat kahaan ki hai yeh abhi ki hai iseelie kehte hain main aata hoon to jab vo amritvela hai, kaamphluens time hai raat ki end aur subah ki shuruaat ke andar ka samay, idhar na din mein na raat mein beech mein aa karke dekho yeh destruction aur kanstrakshan ka kaam karta hoon । to kehte hain na main raat mein aata hoon na main din mein aata hoon । raat aur din mein brahma ki raat na brahma ki raat mein aata hoon na brahma ke din mein aata hoon lekin kahaan aata hoon, jab raat poori hoti hai aur din chadhta hai usko kehte hain saipling, kaamphluens tab phir main aata hoon । to dekho narsinh nar tan mein sinh paramatma, jo shahanshaah hai woh abhi nar tan mein aakar ke isliye uska naam pada hai narsinh । hai to knowledgeful vahi na, woh aata hai is tan mein iseelie kehte hain narsinh to naam rakh diya hai narsinh । abhi narsinh aise nahin ki koi sher ki shakla ya nar ka shareer, aise kaise hoga jaisa dikhaaya hai aisa to na koi manushya hota hai, na aisa kabhi koi jaanvar hota hai to yeh sabhi cheejen samajhni hai, yeh sab naam rakhe hain baithkar ke jo ye banaae hain । to yeh sabhi cheejon ko samajhna hai aur samajhkar ke baap se apna aisa janmasiddha adhikaar paana hai to abhi buddhi mein aata hai na, paana kisse hai aur hamko kya banna hai । hamko yeh nar aur naari purified banna hai, hamko manushya tan mein aana zaroor hai, aise ham kahe nahin, udhar baith jaaen । nahin, baithne mein koi maja nahin hai, kya karenge vahaan baith kar kya karenge, woh to jaise raat ko neend mein chale jaate hain na, dekho detach ho jaati hai roj hote ho na detach, dekho neend karte ho body se detach ho jaate ho parantu woh neend ki hai aur yahaan ham chalte phirte detach rahe isse । aur udhar jaakar baithenge, bas baith gae udhar silence mein kya hua, woh maja nahin hai । ham aate hain, jaagte hain, jaagte hi to sab maja hai na, parantu usmein hamko life ki poorn sukh chaahiye, woh hamaara kaise bane usi ko banaana hai aur usi mein hamko sada sukh praapta karna hai samjha । to aisi baaton ko samajhte hain aur apna aisa purushaartha karte apni aisi praarabdha banaao, achha । dekho, yeh jo ham kehte hain, yeh jo banaate hain na, isko gora banaao, saanvara banaaya hai । ham abhi gore bante hain na, to yeh saanvara rang kar diya hai । sabmen hamko praveen banna hai na, soul bhi pyoreefaaid to everything banaane mein bhi hamko hoshiyaar hona hai na । to yeh saanvara thoda bana diya hai, lekin kya abhi saanvare hain na । abhi dekho saanvare hain phir gore banenge । aatma bhi gori, shareer bhi gore, yeh nahin gore, european gore nahin vo to dekho unki thandaaish mein rehte hain na thande mulkon mein iseelie unki chamdi aisi hoti hain parantu kya rog hai, beemaariyaan hain yeh hain to uska woh goraapan kya hai । gore ka matlab health aur wealth, natural beauty vahaan dekho satayug mein no lipastik, no powder, mekaap karne ki koi darkaar nahin kyonki woh natural beauty hai na । yahaan to mekaap karni padti hai aur un goron ko bhi mekaap karna padta hai vahaan kuchh bhi nahin, natural aur health wealth aur shareer chhodna, karna yeh sab bhi, aise nahin akaale baithe baithe mar jaae, heart fail ho jaae, yeh ho jaae, nahin, kabhi nahin, vahaan kabhi koi vidhva hoti nahin, kyonki vahaan sada suhaagin sada sukh ki sab baaten jo hain woh eeshvareey bal se praapta hai gaarenti hai, koi laavaaris ho hi nahin sakta, laavaaris samajhte ho? aisa ho ki vahaan koi kisi ko bachcha na ho ki he bhagwan bachcha do, na, bachcha hona hi hai, guarantee kyonki dhan ko nahin to kaun sambhaalega iseelie ye sab hamaari praalabdha jo hai na, woh praalabdha se hamko sab kuchh praapta hona hi hai, isko kaha jaata hai birth right, janmasiddha adhikaar , life ka jo sab kuchh saadhan hai woh poore milenge, uski koi phikraat hi nahin hai । khaane peene ke liye bhi sab bharpoor, aaj do din na kamaae to bechaare ko chinta rahegi ki are beemaar pad gaya hoon, abhi kaun kamaai karega, ghar ka kaun karega, bachchon ka kaun karega, phikraat hoti hai na, to vahaan koi aisi baat hi nahin, khaane peene ke liye sab aaraam se milta hi rehta hai । khaane ko to tum, tumhaare bachche, bachchon ke bachche, bachchon ke bachche khaate hi rahenge khutega nahin । yahaan to chinta rehti hai na, idhar chinta se kamaaya jaata hai to yeh sab baaten hain । baap kehte hain main tumko aisi life deta hoon phir baaki kya chaahiye । kabhi ladaai nahin kabhi jhagde nahin, abhi to dekho ladaai jhagde yeh sab dikkaten, earthquake hua, yeh natural calamities, aisi kuchh baaten vahaan nahin, sab order mein kyonki tum order mein aa jaate ho, tum god ko obe karte ho to sab cheejen tumko obe karti hain aur tum usko obe nahin karte ho, disaordar mein aae ho to sab cheej tumko disaordar mein work karengi, zaroor karenge peechhe vaale tumhaare, achha । aaj maalti bhi aai kyonki bachche to aise hi shuddh hote hain na bahut, aur ye phir bhi shivbaaba se prem hai । yaad karte ho na? bhoolti to nahin ho na? roti to nahin ho? achha! baba ko yaad kar karke phir khilaao, sabko do, shiv baba ko, khaane vaale lene vaale bhi yaad karen । dekho, yaad dilaao aankhon se, usko kaho, aise aankhon se ishaara karo, dekho dikhaao ki aatma, aai em soul, san oph supreme soul, drishti de karke do, toli ko drishti nahin khaali do, unko bhi do । koi baat nahin, gir gaya harja nahin । dekho prasaad girta hai na, utha lete hain, uska satkaar rakhte hain, yeh prasaad ki to baat hi nahin hai yahaan to koi woh bhakti maarga ki baat hi nahin hai, parantu phir bhi dekho yeh pavitra haathon se aur jiski yahaan koi aisa bhi sveekaar nahin kiya jaata hai koi apvitra ka dhan ya kuchh bhi, nahin, pet mein khaane ki cheej ki sambhaal rakhte hain । haan baaki kuchh aise hain, literature aadi ya koi aise baahar ka, kuchh bhi hai । khaane peene ki cheejon mein isliye karte hain kyonki jaisa anna vaisa man, woh automatic masheen chalti hai, jaaega hi pet mein jo aise pakke hain, majboot, uske andar jaaega hi bilkul pavitra isliye banaane vaala pure aur baap ko yaad karega iseelie hamaari khaane peene ki zara thodi parhej rakhte hain । jis kisi ka bana banaaya khaana ,nahin kyonki woh phir bhi vikaari to rehte hain na, pavitra to nahin rehte hain na । pavitrata yeh nahin bhaai mainne dhoya hai, nahaaya hai, chauka saaph kiya hai bartan vartan saaph kiya hai, ab to hamaara bahut shuddh ho gaya, yeh bartan kahaan saaph kiya? idhar, idhar purity chaahiye, ye soul, baaki woh chauka saaph kiya, yeh kiya, woh kiya, nahaaya dhoya to usmein kya hua । yeh nahaana, aatma ko nahaana hai, uske liye to gyaan paani chaahiye, gyaan ganga uske bina woh dhoi nahin ja sakti । paani mein kitne bhi gote lagaao, nadi mein nahaao phir triveni mein dubo, kismen bhi pado lekin usmein koi aatma thodi hi saaph hogi, nahin paavan hone ke liye gyaan aur yog । aatma ka grahan, aatma ka bataaya na junk utrega hi tabhi, usko utaarne ka ek hi upaay hai, so bhi paramatma ka yog । koi tatva ka yog, koi moorti ka yog, koi deeve ka yog, deeva bhi rakhte hain na, aage deeva rakh karke usse kaansanatret karte hain, meditation bahut kisma ka dikhlaate hain na, to bhale koi deeve ka yog, koi moorti ka ya koi kisi ka, inheen ka yog nahin, parantu direct paramatma ka yog usse power milegi iseelie kehte hain mujhe yaad karo । achha, tumne mehnat ki hai na to double dena chaahiye na । double ek mehnat ka, ek tumhaara achha hamko dengi। aap do । chhote ko kitna khilaaya jaata hai, isko bithaaenge to neshtha mein bhi, yaad mein achhi baithti hai, aaj bahut achha baithi mama । kisko yaad karti ho? shiv baba ko? kaisa hai shiv baba? achha hai? kyon nahin, jo itna beloved father hai, jo hamko itna pyaar karta hai ki hamaari life aisi bana deta hai, uske prati kya prem nahin ho,ga zaroor hoga । kabhi koi manushya manushya ke oopar koi ehsaan karta hai, koi dhan ki madad karta hai, koi samay par kuchh help karta hai to kitna uske liye dil mein hota hai, bhaai isne samay par hamko bahut madad ki । to jab manushya ke prati itna hota hai, woh to hamaara sada sukh, sarva sukh dene vaala hai lekin jab jaante hain na, tab usse lav baithta hai । nahin to nahin jaante hain to phir bichaare chal rahe hain to aise baap ko samajh karke chalna chaahiye । yeh kuchh maataaen aaj aai hai nai, to samajhti hain aap bhaasha samajhti hai hindi ? shyaam sundar ki hai, shyaam sundar ki haan vo to , vo aai hai gaanv vaali ? aur yeh aage jo baithi hai, yeh ? nae hai । haan, bahut achha, yeh koi laae hain ya apne aap aae hain? apne aap । apne aap, achha ye to apne aap aai hai, abhi inhon se poochho ki samajhti ho aur phir inhon ko samjhaao to time de karke aa karke samjhe । bahut achhi cheejen hain jisko samajhna chaahiye aur samajh karke apne ghar grihastha mein rah karke kuchh chhodna nahin hai, haan baaki chhodna kya hai paanch vikaas, bhaai vikaar to chhodenge ki kahenge vikaar bhi rakhe rahen? nahin, vikaar to hamko duhkh dene ki cheej hai na, unko chhodna hai iseelie use hi hamko ghar grihastha mein rehte sambhaal rakhni hai । ghar grihastha koi vikaar nahin hai, vikaar kaun si cheej hai paanch vikaar, to vikaar nikalne se koi hamaari grihasthi nahin chhoot jaaegi, nahin woh to devtaae bhi grihasthi mein the, baal bachche the, raajaai karte the lekin purity ke bal se, unhon ko yog bal tha । abhi bhog bal hai na । woh yog bal tha, yog bal se santaan powerful, abhi woh santaan paida karne ki taakat nahin hai iseelie sansaar duhkhi hai jaise santaan bichchhu tindan jaise nikaalte hain to vo kaatte hi hain na aur kya karenge, iseelie kehte hain yeh santaan aisi paida ki, unki buddhi dekho na । to aaj duniya ke naash ke liye taiyaariyaan ho gai hain, ab baap kehte hain aise sansaar ko nashta karke ab phir main achhi buddhi vaala sansaar banaata hoon, jismen svachchha rahne se kitna sukhi rahoge, phir kaatna, phaadna ek-do se ladna-jhagadna yeh sab baaten hoti nahin, samjha । achha baap daada aur maa ki meethe meethe sikilethe, sikeeldhe hop na ? sikeeldhe ka arth hai bahut kaal ke baad mile ho, kitne kaal ke baad? 5000 varsha, kyonki yeh chakra poora hone par, aise aage mile the vo geeta mein bhi hai na, kalpa pahle bhi mile the, aage bhi mile the, ab bhi mile hain phir bhi milenge to yeh hamaara chakra । aage mile the isi time par aisa hoobhu, aisa yeh bhoopaal baitha tha, yeh sab yeh 5000 varsha ki repetition hai parantu kahaan tak baithega chalega woh kah nahin sakte hain, woh aage chal kar ke dekhenge lekin aaj ki jo hai, aisa baitha tha । to haan aae the, mile the ham sab, aise aur phir milenge, haan phir yeh raaj bhaag lenge aur yeh ham praapta karenge phir ye chakra phir karke aise aaega to yeh to chalta hi rahne ka hai । to abhi hamaari chadhti kala hai iseelie hamko khyaal karna hai ki abhi hamaara chadhti kala ka time hai isliye ham chadh jaaen । kisko na khushi hogi abhi hamaara naya ghar banta hai to khushi nahin hogi, ham naae ghar mein jaaenge, aisa karenge, vaisa karenge, yeh sajaaenge, woh karenge, woh karenge, woh hota hai na । isliye hamko abhi to khushi ki baat hai , iska khyaal nahin karna hai abhi play karke phir yeh puraana hoga na, phir kaahe ke liye banaaen, aisa koi khyaal thodi hi karta hai । ek jeevan mein koi khyaal karta hai kal ko mar jaae iseelie kyon ham padhe, kyon ham likhen, kyon shaadi karen, kyon bachche paida karen,isse to baithe hi rahen । kal ko mar jaaen, kal ko mar jaaen, aisa kehte koi baith jaata hai? nahin, bhale jaante hain kal ko mar jaae ho sakta hai, posibal hai, to jo posibal baat hai usmein bhi manushya aise chalta hai jaise kisi ko sada ke liye baithna hi hai, padhoonga, likhoonga shaadi karoonga, bachche paida karoonga, doctor banoonga, engineer banoonga, kitna manushya soch kar chalta ha, usmein kyon nahin khyaal karta hai kal ko agar mar jaaoon kuchh na karoon, aisa karega ? kabhi nahin , aisa koi sochta hi nahin, to jo posibal baat hai usmein koi nahin sonche, yeh to guarantee hai ki hamko avashya milna hi hai to uske liye to kitna apna purushaartha karna chaahiye baap se । ismen aisa nahin hai ki kahin hamaara chala jaaega nahin, jo karta hai uska milega zaroor, jitna bhi karta hai । thoda karta hai to thodi ka bhi milega parantu milta to hai na, to bahut karenge to bahut ka bhi milega । to jo avinaashi si cheej hai uske liye purushaartha nahin karte hain aur vinaashi ke liye kitna karte hain । to yeh sabhi cheejon ko samajhna hai, to aise hi sikildhe aur sapoot aise bachchon prati yaad pyaar aur good morning।