मम्मा की मुरली - 213

> >

mama murli madhuban

013. Gruhastha Me Rahte Kamalpushpa Samaan Jeevan

helo, aaj ravivaar hai, joon ki saat taareekh hai । praatah class mein mama ki murli sunte hain ।

rikordah

maata maata maata tu sabki bhaagya vidhaata

om shanti, jab apne param poojya baap ki mahima ko jaana hai to saath-saath apne bhi mahatva ko samjha hai, samjha hai na har ek ne apne apne mahatva ko? aise nahin hai ki jis baap ke abhi ham bane hain unki mahima aur saath-saath apne mahatva ko bhi ham unki mahima ke saath-saath jaante hain । to apna bhi nasha chadhna chaahiye ki ham bhi aise baap se apna hak lene vaale vanshaavli hain । unki vanshaavli hai to unki vanshaavli ko kam nasha hona chaahiye? to vanshaavli, ham kiski vanshaavli hain to ham vanshaavli ko bhi apna nasha rehna chaahiye ki ham us baap ke hain jiske dvaara sarva praaptiyaan abhi praapta karte hain phir koi bhi praapti ki aavashyakta nahin rehti hai । aisi koi bhi praapta vastu nahin rehti jisko phir praapta karne ke liye kuchh khvaahish bhi rahe । bhagwan ko bhi yaad karne ki jaroorat nahin rehti hai । to itna ham is baap se apna hak kahen, apna varsa kahen, pa karke aise ham oonch bante hain । to apna bhi nasha dimaag mein rehna chaahiye ki ham is baap ke dvaara apna itna ooncha hak paane vaali vanshaavli hai to kam nahin hai । sab jitne bhi vanshaavli aae hain, jitni bhi hoti aai hain unmein sabmen abhi ham oonche kyonki oonche te oonch bhagvan ki ham vanshaavli to ham bhi to oonch ho gae na । to oonche te oonch bhagvan sirf yeh baithkar mahima nahin gaani hai sunni hai lekin saath-saath apne bhi mahatva ko samajhna hai lekin mahattva samajhne ke pahle apne ko dekhna bhi hai ki barobar ham unke pharmaan aur aagyaaon ke oopar paalan karne vaale hain tabhi to nasha chadhega na । agar ham practically jo aapka pharmaan hai aur jo uski aagyaae hain unka paalan karte rehte honge to nasha baithega aur vanshaavli kahne ka bhi hak bhi tabhi rahega । baaki aise hi nahin hai ki khaali yahaan baithe to bas ho gae । nahin, practical chaahiye na । ham hain sachche baadshaah ke sachche bachche to hamaari phir practical jeevan bhi unke pharmaan aur aagya ke anusaar practical chaahiye । to practical jo honge unhon ko andar se lagega aur nasha bhi unko baithega ki sach-sach ham us baap ke abhi sachche hain, unke poore pharmaan aur aagyaaon ke oopar chal rahe hain । to yeh to har ek ke dil ki shaaydi har ek ko apne se aati hogi aur har ek ko apne se poochhna hai, lagti hai ki barobar jo baap ke pharmaan aur agyaaen hain unke oopar ham apna poora poora attention de karke apni pairvi karne ka poora prayatna rakh rahe hain aur rakhna chaahiye । aur aisa bhi nahin hai ki koi diphikalta hai, koi mushkil hai? bahut mushkil kya hai bataao । kya kehta hai koi museebat ki baaten thode hi kehta hai । unki mahima hi hai mushkil ko aasaan karne vaala aise gaate the na bhakti maarga mein । jabki woh mushkil ko aasaan karne vaala hai to phir woh kya hamko mushkil dega ki mushkil aise karo । koi mushkil baat nahin hai bilkul aasaan aur kamal phool samaan, yahi hai baap jo hamko bilkul ghar grihastha mein rahkar ke aur ham apna itna oonch status banaaen uski baithkar ke yukti batlaate hain । aisi kisi ne nahin batlaai, batlaai? jo bhi maarga batlaane vaale hain dekho sanyaas maarga hai to bhi gharbaar chhodne ki baat rahi lekin ismen to koi aisi baat nahin hai । ismen hamko kampleet bhi banaate hain baap aur phir sahaj hi sahaj, kuchh chhodne ka nahin hai । baaki chhodna, gandagi chhodna, koi chhodna thodi hi kaha jaata hai । paanchon vikaaron ko chhodna gandagi chhodna to gand kichda to ghar se baahar nikaala jaata hai na, roj saphaai nahin karte ho ghar ki? kichda nikaalte ho, ghar ka kichda gand jo hota hai saaph sooph karna unko thodi hi kahenge ki ye cheej hamne koi bahut achhi khoi ya hamne koi chhodi, usko chhodna to kahenge nahin, to yeh bhi to extra cheej hamaare mein gandagi aai hui hai na । to agar baap bhi kehte hain hamko nikaalne ke liye athva chhutkaara paane ke liye to hamaari koi kaam ki cheej ya hamaari koi aisi cheej hai jiske bina hamaara gujaara nahin ho sakta hai aisi to baaten hai hi nahin । yeh to extra aai, thi nahin । ham bade svachchha the aur yeh cheejen hamaare mein thi hi nahin । aise nahin kahenge ki yeh anaadi the, sada se chale aae hain aaj kaise chhootenge aise bhi nahin koi soche । kai sochte hain yeh to sada se hi, yeh to devtaaon mein bhi chali aai to aaj kaise chhootegi parantu yeh badi moorkhata ho jaaegi agar koi abhi bhi aise samajhte hain to aisa nahin tha । yeh hamaare jeevan mein, manushya jeevan mein jinhon ka naam devta tha, devta koi khaas to nahin the na, ham hi manushya the । koi teen aankhon vaale, ya athaarah bhujaaon vaale manushya nahin the jinhon ko devta kahne mein aata tha nahin, ham hi manushya devta kahlaate tab jab yeh vikaar nahin the, svachchha the ham । svachchha the to devta kahlaate the abhi svachchha nahin to asur kahlaate hain bas pharka hai na isi ka । to yeh to extra cheez aai na hamaare mein, to aai abhi usi ko nikaalna hai । to koi kaam ki cheej nahin nikaalte hain, koi kaam ki cheej chhodte nahin hai, na baap ka pharmaan koi kaam ki cheej ko chhodne ka hai । woh to kehte hain ghar grihastha, yeh to anaadi hain । ghar grihastha mein to devtaaen bhi the, vo to main chhudaata bhi nahin hoon । agar chhudaata hoon to usmein jo gand kichda aaya na uski main svachchhata le aane ke liye pharmaan karta hoon । yeh jo gand kichda extra hai isi se tumhaara ghar grihastha bigda hai, nahin to tumhaara ghar grihastha to bahut achha tha, unka naam hi grihastha tha । unka naam hi grihastha vyavhaar pravritti jiska naam tha to pravritti mein pavitrata thi tabhi pravritti naam tha । abhi pravritti thodi hi hai, aisi pravritti to janaavar bhi chalaate hain । bachche paida karna, usko khilaana pilaana, business dhandha karna, woh chidiya nahin karti hai, dekhi hai na । jaaegi, le aaegi, apne bachchon ko khilaaegi, sab karegi itna kaam dhandhe to woh bhi jaante hain । apne bachchon ki paalna karna, yeh karna, woh karna itna kaam to janaavar, pashu-pakshi bhi kar dete hain । to yahi pravritti samajhte ho ki bachche paida karna, unko khilaana-pilaana, unki paalan karke bas jeevan nibhaai, bas itna hi hamne kaam kiya to yeh pravritti ka pharja ada kiya । aise samajhte hain na ki yeh pharja hai । baap kehte hain bachche itna hi thodi hi pharja hai, itna pharka to pashu pakshi jaanvar bhi kar lete hain phir kyon unka gaaya nahin karte ho ki woh pharja ada karte hain, yeh to sab karte hain । yeh to har ek cheej ka chalta hi hai to tumne bhi itna hi kaam kiya to inhon ko hi thodi samajhna hai ki pharja ada । pharja ada tab the jab pravritti ki law mujeem jisko eeshvareey niyam kaha jaae aur pravritti ka jo aadarsha tha, usi ke law mujeem jo tum pharja ada karte the na woh pharja ada tha । jabhi to tum sada sukhi bhi the । abhi pharja ada poora nahin karte ho to dukhi ho, ashaant ho aur kai baaten jo hamaari pravritti mein honi chaahiye na hone ke kaaran duhkh aur ashaanti aata hai । to yeh sabhi kaaran hai iseelie baap kehte hain ki main tumhaari pravritti ko hi banaane ki yukti batlaata hoon aur pravritti ka hi aadarsha kya hai, vahi banaane ka mein lakshya deta hoon isliye main kuchh bigadta thodi hoon । kuchh bigaada hai? kuchh nahin, lekin vahi cheej hamaari laayak banaata hai jo hamaari abhi laayak nahin hai, gir chuki hui hai, usko baithkar ke baap abhi laayak banaata hai to aise baap ke dvaara apni pravritti ka aadarsha oonch banaana aur unki poori jo kuchh hai aagya ya pharmaan usi ko hi poora paalan karna । hamaari pravritti bigdi hai koi uski pravritti nahin bigdi hai । bigdi bhi hamaari hai, hamaari hi bigdi ko sanvaarne ke liye vo baith karke yeh yatna batlaate hain iseelie kehte hain aap apne banaane ke liye kyon nahin koshish rakhte ho । bigdi bhi aapki hi hai, main to aur aaya hua hoon tumhaari banaane ke liye, koi mera to kuchh nahin bigda hai । mere mein to koi pharka nahin padta hai । na main bigdi mein aata hoon na sanvari mein mujhe aana hai । bigda bhi tera hai, sanvarna bhi tera hi hai aur main hoon savaarne vaala iseelie tu hi jo bigdi hai jiski woh apne sanvaarne ke liye kyon nahin yeh oonch purushaartha karte ho to karna chaahiye na aur badi sahaj baaten hain iseelie aisi sahaj baaton ko achhi tarah se practical mein laane ke liye poora chalna chaahiye । baaki itna hi samajhna ki bas hamne bachche paida kiya, unko khilaaya pilaaya, laayak kiya, shaadi kiya phalaana kiya, unko laayak lagaaya bas yeh to sabke lag jaate hain । jaanvar, pashu-pakshi sab lag jaate hain to yeh koi pharja ada thode hi hai । ismen apna maan ya isi mein hi apna yeh samajhna ki hamne bahut kuchh kar liya, hamne sab kuchh ada kiya ya hamne sab kuchh grihastha ki paalna poori ki, inheen ko hi thodi kaha jaata hai । nahin, woh to tabhi thi jab unmein koi bhi aisi duhkh aur ashaanti ki ya koi bhi hamaari jo eeshvareey niyam ke mutaabik hamaare mein poorn hona chaahiye, unmein koi aisi baaten nahin hoti iseelie baap kehte hain abhi woh cheej banaane ke liye abhi main prayatna batlaata hoon । to mainne kampleet jo tumko banaaya, tumhaari pravritti athva tumhaara grihasthi vyavhaar jisko kaha jaata hai woh jo mainne aadarsha roop mein poorn banaaya tha, woh kaise banaaya tha uski baith karke abhi shiksha de rahe hain aur usko hi banaana hai, tabhi ham bhi apne pravritti mein poorn setisphaai rahenge । abhi setisphaai nahin hai na? hain ? koi na koi baaton ki ashaanti aur duhkh aata hi hai iseelie baap kehte hain ki kampleet yatha raaja raani tatha praja sab, saare sansaar ki tatva aadi bhi, jaanvar pashu-pakshi kiska bhi ham duhkh kabhi na sune, na dekhen aisa sansaar main banaata hoon aur aise sansaar mein hi tum sada sukhi kaise raho unheen ki hi main baith karke yeh yatna de raha hoon । to yeh lagta hai na, kuchh aata hai na khyaal mein achhi tarah se? bhoolte to nahin ho? aise to nahin ki abhi tak kinhon ko koi sanshay ho aisi baaton mein ki yeh imposibal hai, jaise kai samajhte hain ki yeh to kabhi aisa sansaar, duniya ho hi nahin sakti hai jismen poorn, sada ke liye sukh ho । aise kai samajhte hain ki yeh imposibal hai lekin imposibal agar hai to phir aisi aasha kyon rakhte aate hain ki ham sada sukhi hain । phir to samajhna chaahiye ye aas bhi phijool hai । jo cheej imposibal hai, kabhi hui nahin hai to phir aaj bhi ham hone ke liye aisi aas kyon rakhte hain । itne bichaare maatha khoti karte hain, duniya ke itne netaae, duniya ke itne bade-bade yeh sab, itni maatha khuti karte chale ja rahe hain to usi aas mein ja rahe hain na ki vishwa ki shanti ho, vishwa par sukh ho, vishwa par sab kuchh achhi tarah se ho, sab khaane-peene rahne, chalne mein sab mein sukh hi hon, yeh sab prayatna kaahe ke liye hain jiske hi prayatnon mein hi sab chale ja rahe hain lekin kabhi to kampleet bhi honi chaahiye na ki khaali karte-karte hi chale jaaenge yahi duniya hogi । kabhi duniya kampleet bhi honi chaahiye jismen phir hamko in baaton ke yatna karne ki aavashyakta hi na ho, aisi bhi kabhi duniya ki stage honi chaahiye na । to baap kehte hain ka hai, aise nahin kahenge nahin hai । inheen ka naam heaven, inheen ka naam svarga, sabhi bhaashaaon mein kehte hain na । heaven kehte hain, svarga kehte hain, vishwa kehte hain sabhi bhaasha vaale apne apne bhaasha mein kehte hain to cheej hai zaroor oi lekin kab, kaise, kisne banaai, kis tarah se banti hai, woh abhi apan jaante hain aur uska prektikal abhi anubhav karte ja rahe hain aur usi ke liye apna purushaartha rakhte hain । to nai baat hai na, bhale sab kehte aate hain usi ke bhent mein nai nahin hain lekin woh practical cheej kisi ne nahin banaai iseelie kehte hain abhi yeh banaane vaala svayan sarva samartha baap aaya hua hai iseelie kehte hain aisa kaam aur kisi nen nahin kiya iseelie uske bhent mein kehte hain ki ye alag hai । aise mat samjho jo duniya kaam karti aai hai ya jo duniya mein kai karte aae hain ye bhi unheen mein se hi ek hai, aisa khyaal na karen koi । yeh bilkul nai baat hai aur naya banaane vaala hai । woh aaya hi abhi hai banaane ke liye, aaya hi nahin tha aaj se pahle kabhi banaane ke liye । aaya tha to isi time par kalpa pahle hi aaya tha aur aise hi usne, jab aata hai tab aise banaata hai unka aur koi tareeka hai hi nahin । isliye kehte hain main jab-jab aata hoon, tab-tab aisa hi banaata hoon mere banaane ka tareeka yahi hai aur isi tareeke ke kaaran hi mera yeh tareeka gupta rehta hai । gupta hai na, abhi banaate practical bhi koi jaan nahin sakta hai । parantu main jab aata hoon tabhi aisa hi kaam karta hoon iseelie mera yeh kaam ka part hi gupta rehta hai isliye koi shaastrakaar bhi is cheej ko prektikal mein kaise rakhen aur kya karen unhein aati hi nahin hai to phir jo shaastra padhte hain na to woh bhi aise hi aise padhte aate hain । to practical to koi is cheej ko jaante hi nahin hai ki mainne kaise practical cheej banaai thi woh to mainne hi banaai mainne hi dekhi, mainne hi samjhi aur mere paas hi rehti hai iseelie aur koi is cheej ko jaante hi nahin hain । to aise hi banaate hain unka aur koi namoona nahin hai । unka aur kya namoona ho sakta hai । banaana manushya ko hai, unko khud apne ko nahin banaana hai, banaana hamko hai, hamaare liye hi unko itna tareeke yeh sab lene padte hain iseelie unko tareeka lena hai hamaare ko banaane ke liye to hamaare namoone se banaaenge na । apne namoone se, sarva samartha hai to apne shakti ya apne tareeke se thode hi banaaenge, banaaenge hamaare tareeke se kyonki hamko karmon se hi banna hai iseelie unko hamaare namoone se banaana padta hai ki kaise, manushya kaise banta hai to hamaare namoone se banaate hain kyonki ham to karma ke aadhaar par banne vaali cheej hai, ham doosre tareeke se ban hi nahin sakte hain । oopar se aise hi banke aaen ya kahaan se kaise hi ban jaae, nahin hamaara namoona hi aise banne ka hai karmon se kyonki ham karma kshetra par aane vaali aatmaaen jo jeev ke saath sambandh rakhti hai, jeevaatmaaen, vo banti hi karmon se hain । woh bigadti bhi karma se hain, banti bhi karma se hi hain, hamaara hai hi karma ka chakkar iseelie ham karma ke chakkar mein aane vaali aatmaon athva jeevaatmaaon ko banaane ke liye usko usi namoone se banaana padega aur koi to tareeka hai nahin । iseelie kehte hain ki yahi namoona hai mera aur yahi tareeka hai aur koi tareeka hai hi nahin aur usi mein hi jo jaante hain jo samajhte hain jo mere dvaara bante hain, vahi ban karke apna saubhaagya lete hain । to lene vaale ho na saubhaagya, bhoolte to nahin ho na ? dekhna, yahaan to haan haan karte ho, phir yahaan se baahar thoda joota pahnenge na, bas vahaan tak vo nasha girne lag jaaega, seedhi ki jitni- jitni vo utarte jaaenge, woh nasha bhi utna utna kam hota jaaega । aisa hota hai bahuton ka batlaate hain । aise nahin kehte hain khaas koi kisi ke liye lekin aisa hota hai ki haan baithte hain, sunte hain, tab to jara paara chadhta hai phir paara utarta bhi jaldi hi hai parantu aisa hona nahin chaahiye । hota hai, kyon hota hai kyonki ye maaya ka bhi thoda hai na abhi । abhi to maaya ke beech mein baithe hain iseelie maaya jara vo paara chadha rahne mein jara apojishan karti hai aur karna unka bhi pharja hai zaroor । woh na karen to phir yuddha kaisi gaai jaae hamaari bhi yuddha, ham kiske saath hain to bhi hamaari opposition to zaroor hogi, lekin iska matlab hogi to ham haarte hi rahe yeh bhi baat nahin hai na, hamko usse oopar abhi win bhi karni hai । yeh khyaal rakhna hai ki jitna bhi abhi hai, agar ham haar khaate rahenge to haare hi jaaenge iseelie jeetne ki baaji bhi abhi hi lagaani hai to apni jeet praapta karne ke liye poora poora purushaartha rakhna hai, samjha । isliye aisa yatna karte himmat rakhte kuchh bhi aae vighna unki koi parvaah na karte apna chalte chalna । ek bharosa ek bal gaaya hua hai na iseelie apna aisi raphtaar se chalte chalne mein hi kalyaan hai । achha, kalyaankaari baap ko yaad karte, sada aashik rehte ho na? khush aur raaji rehte ho na? bataao । sab raaji khushi mein ho na, khush sharaaphat poochhte hain । achha, mumbai ki phulvaari । yeh to hamaare lakhnau ke hain । achha, sab raaji khushi mein ho gop aur gopiyaan, nahin to gopiyaan kahengi kyon mama khaali ek taraph dekhti hai । nahin, aapse poochhte hain, hamjeens se, to dekho abhi behad baap se apna poora-poora hak lene ke liye poora purushaartha rakhte raho aur rakhte chalo । aisa baap phir nahin milega । ye praapti phir nahin hogi, hone ka time abhi hai iseelie apna lagaate chalo । nuksaan kya padta hai yeh to bataao bhala । nuksaan hi kya padta hai, phaayde ki hi baaten hi milti hain phir kyon apna usmein kyon apna vaham sanshay laate apna kyon time vesta karna chaahiye iseelie jab aaya hai baap to usse apna lene mein poora purushaartha rakhte raho । kahin bichaare moonjhate hain, pata nahin kehte hain paramatma aaya hai, kaise samjhe kya hai, shakla vakal kya hai, kya hai, shakla to manushya ki usmein aata bhi saadhaaran ati saadhaaran tan mein hai iseelie bechaare moonjhate hain, hamto unko kehte hain chalo samjho paramatma aaya hai nahin aaya hai, chalo vinaash hoga ya nahin hoga, chalo jo kuchh hone ka hai ya nahin hone ka hai lekin tumhaara bigadta kya hai? jo kuchh tumko milta hai usmein hi to bataao tumhaara bigadta kya hai? agar kuchh bigadti ho to khyaal karo ki pata nahin paramatma hai ya woh bolta hai ya nahin, phir ham maane uski ya na maane । vo itna vichaar bhi usmein kiya jaata hai jismen hamaara nuksaan bhi kuchh hota ho lekin hamaara bigadta kya hai । ham apne practical jeevan ko dekhen to hamaara bigda kya hai bataao koi । kisi ne bhi banaai hai, jiski bhi knowledge se bani hai, jisse bhi hamaari jeevan bani hai achhi bani hai na, phaayda hua hai na, achhi baaten mili hai na, life achhi rahi hai na, to nuksaan kya pada hai । kisi ne bhi banaai hai, chalo paramatma hai ya nahin hai, kisi ne bhi banaai hai hamaara bigda hi kya hai, to abhi is par tumhein moonjhane ki kya baat hai । isi mein hi moonjh karke hat jaana yeh to bada mahaamoorkha gina jaaega । bhaai tumhaara bigadta kya hai yeh to koi batlaae । ham apne jeevan ko dekhen to hamaara bigda hi kya hai to ham hate hi kyon । kaun bhi ho, chalo paramatma nahin hai, thode samay ke liye saara gyaan bhula do, na paramatma hai, na vinaash hoga, na kuchh hoga kuchh nahin hai, chalo thode samay ke liye sab gyaan bhool jaao phir dekho kya rehta hai, jo rehta hai woh khone ki cheej hai? jo baaki ja karke rehta hai, chalo paramatma nahin hai, vinaash nahin hoga, kuchh nahin, yeh sab baaten jhoothi hai, chalo thode samay ke liye ek sekand saara gyaan bhulaake phir bhi dekho to jyaada kya hai? milta hi hai, life kitni achhi ban gai hai, life mein kya mila hai, life hamaari zaroor isi jeevan mein agar itna hai aur isi jeevan mein hamko itna aadhaar aur sahaara mila hai jis cheej se to iska zaroor hai ki ham jo karte hain uska bhavishya bhi zaroor hoga । chalo ham bhavishya mein woh na maane ki devta honge, lakshmi honge, naaraayan honge na honge, kuchh nahin, chalo lekin jo karte hain uski result to zaroor hogi na । to bhi hamaara bigadta kya hai । humein to aashcharya lagta hai jab isi tarah ki chhoti-chhoti baaton mein ki pata nahin kaise samjhe, yeh hoga, vinaash hoga, paramatma hai ya nahin hai isi baaton se apne ko kyon hataate hain yeh mujhe aashcharya lagta hai । hamaara bigda hi kya hai? hamaara jaata hi kya hai? humein to aur hi milta hai na, to jo cheej milti hai jo practical life mein cheej aati hai usmein to hamko dridh rehna chaahiye na । usi ke kaaran ham hat jaae to usko kya kahenge mahaamoorkha । moorkha to pahle hi hain lekin phir bhi itna practical cheej dekhte, kehte hain kuchh aankhon se dekhen, kuchh practical dekhen to practical dekho na, practical jo jeevan mein cheej aati hai, aap harek apne anubhav se poochho, kuchh to jeevan mein samajhte ho na pahle kya kehte the abhi kya hain, dekh lo phalaane phalaane phalaane kiske naam kitne len to dekh lo jo jo jinhon ke jeevan mein parivartan aae hain aur sach sach aae hain vo apna dekhen, jinhonne sach paaya hai baaki to jo aate hain khaali aise hi thoda bahut uski to baat hi nahin hai lekin sach sach । ham to apne anubhav ke aadhaar se kahenge na to hamaara kya bigda hai, ham apne se poochhte hain ki hamaara gaya hi kya hai, hamaara bigda hi kya hai । bahut achhe hain, bahut achhe jeevan, bahut achhe jeevan mein roshni mili hai, achhi jeevan bani hai, uska asar aaya hai aur practical aaya hai to hamaara bigda hi kya hai । to kyon ham phir aisi baaton se phir hatne ki koi baat aati hai? chalo bhagwan ne na banaai kisi ne bhi banaai, banaai na? banaai na matlab banaai phir banaai to phir baaki kya hai । usi mein moonjhana ya phir usi mein hatna ya usi mein thakna ya usi purushaartha dheela karna aisi baaten kyon honi chaahiye । isi par aashcharya lagta hai jab kai aise hat jaate hain na chalte chalte tabhi usi ke oopar taras padta hai ki haay, aisi apni oonch mein oonch takdeer banaane ka yeh sab tareeka jo mil raha hai isse aise kyon hatte hain । kaun bhi ho banaane vaala, kuchh ho na ho lekin hamaari jeevan to banti ja rahi hai aur banti hai uska yeh to zaroor hai ki jo ham karte hain so paaenge bhi zaroor, ismen hamaara jaata hi kya hai । to bhi pata nahin kyon hat jaate hain, thande ho jaate hain, kabhi yeh ho jaate hain, haan, hote hain na? kaise? thande hone vaale jara soch lo, thakne vaale jara soch lo, sanshay mein aane vaale jara soch lo, moonjhane vaale jara soch lo to ismen kya bigadta hai iseelie jara saavdhaan ho jaao aur apne baap se poora-poora lene mein poora raho । achha, abhi time hua hai aap log bhi saver mein aate ho bahut baithte ho, thak jaate ho, jaane mein bhi teri padti hongi । agar koi aisi dikkat ho, time vaaeem kuchh ho to saver kar sakte ho, ham to savere aa sakte hain koi aisi baat nahin hai isliye jisko jis tarah se kyonki apna hai hi sahaj maarga aur ghar grihastha mein rehte sab, tu bhi sabki kyonki mejoriti hoti hai na in sab baat mein । ek do ki to baat ko to , so bhi jo sahaj sabki bane, aisa kuchh ho to bataao baaki yeh padhaai badi achhi hai । iski status badi achhi hai, isse bada bal yeh achha milta hai yeh to anubhav ke aadhaar se dekhte ja rahe hain । dekhne vaale aate hain dikhaai na? baabooraam naam hai na ? achha yeh baaburaam, yeh to hamaara phool raam hai ye jaypur ye lakhnau । bombe bhi aisa sthaan hai jahaan kahaan se kuchh na kuchh aate jaate rehte hain yeh bhi bada sthaan hai, aana jaana bahut karke hota hai । yeh bhi achha hai ek do ke bhaai bahnon se yeh devi parivaar ho gaya na, unhon ke dvaara ek do ka anubhav lena dena, yeh achha hai । isse aur bhi tarakki hoti hai phir aate ho kuchh sunte kuchh sunaate bhi hoge hai na? achha, ham bahut raaji khushi mein hai । khush, khairaaphat sunaane ke liye aate hain ki kahin intajaar na karen, ham bahut raaji khushi mein hain, apni nabja sabko dikhaane ke liye aate hain । dekhne bhi aate hain, dikhaane bhi aate hain ki ham bahut khushraaji mein hain koi phikra nahin aur aap sab raaji khushi mein rehte chalte apna kadam aage badhaate chalo । baaki to yeh sab khaata bhi to chuktu karte hi chalna hai kuchh yogbal se kuchh karma bhog se, kuchh kisi tareeke se kisi tareeke se kai janmon ka khaata hai iseelie unko chukaane mein har tarah se koshish karni hai iseelie koshish karte apna khaata chukaate kyonki aage khaata le na jaae । vo dandon se chukaana vo bada insalta ki baat hai iseelie yeh vichaar hai ki daando se na chukaaen , yeh bhogna bhi achhi hai bajaay dandon ke । danda to insalta hai na, insult se acha hai ye bhogen kyonki bhogne mein phir bhi sahaara bal usmein himmat aati hai bhogne mein to nahin aaegi na, sajaao se bhogne mein to jara kathin hota hai aur insalta feel to iseelie samajhte hain ki kuchh yog bal se kuchh purushaartha se matlab yahaan hi chukaaen to iseelie yahaan chukaane mein achha hai bajaay aage le jaane se । le jaane mein phir insalta, dandon se phir dande khaana aur maarpeet se achhi baaten thode hi hain iseelie insalta kabhi achhi thodi hi hoti hai । usko kahenge insult, yeh hai with honour, chalte apna chukaate rehna to aisa chukaate aage badhte rehna hai iseelie kuchh hai samjhaani to sab milti rehti hai । jitna jitna yog ko badhaate rahenge to yog ka bhi bal milta jaaega । gyaan ka bhi bal, yog ka bhi pal, practical dhaarnaaon ka bhi sab bal yeh sab jama hote phir jama karna hai । abhi jama karte raho, jama ka bhi khyaal achha rakho ki har taraph se jama hota jaata hai , khaali baitha hoon to bhi yaad se sahaj hai na tareeka, usse bhi kamaai hai jama karo । gyaan se bhi kisi ko dhan daan karte ho, ye seva karte ho, service karte ho to bhi kamaai, jitni kamaai kamaai kamaai aur kamaai abhi sahaj hai । apna khaali attention rakhna hai aur kuchh baat nahin hai achha