शुक्रवार 17 मई 1963 की साकार मुरली

> >

17-05-1963 madhuban aabu praatah murli saakaar baba om shanti madhuban

helo, good morning ham madhuban se bol rahi hain, aaj shukravaar hai san 1963 mai ki satrah taarikh hai, praatahh kaal mein baapdaada ki murli sunte hain

record:-

nirbal se- ladaai balvaan ki, ye' kahaani hai. diye ki aur toofaan ki…

om shanti । baba ne samjhaay diya hai, jab aise-aise geet sunte ho, to har ek ko apne oopar hi vichaar-saagar-manthan karna hota hai । ab yeh to bachche jaante hain ki jab manushya marte hain to 12 roj deeva jalaate hain aur tum phir marne ke liye taiyaari kar rahe ho aur purushaartha karke apni jyot aape hi jagaay rahe ho । toofaan har ek ko aane hain । akhaani to ek ki kahi jaati hai na । yeh bhi to ek ki hi kahaani hai । satyanaaraayan ki bhi ek hi kahaani hai । aise nahin ki satyanaaraayan ki kahaani koi sirf ek ke liye hai । nahin, yahaan to ham jaante hain ki ye jo maala vaale daane hain in sabki jyot bahut hi ujhiyaani hui hai, kyonki purushaartha bhi ye maala vaale hi karte hain, vaaris bhi maala vaale bante hain । is maala mein praja nahin aati hai । yeh jo bhi maala vaale hon, usmein bhi khyaalaat to karni chaahiye ki ham vijaymaala mein pahle-pahle pahan jaaven । uske liye har ek ko purushaartha karna hai ki kaha maaya billi yeh toofaan lagaay karke aise vikarma na banaay deve, jo deeva jhakka ho jaae । abhi ismen yog ka bhi bal chaahiye, to gyaan ka bhi bal chaahiye । donon chaahiye । yeh kaise jaagta rahe? yog se । yog ke saath gyaan bhi to zaroor hai; kyonki bachchon ko yog aur varsa । apna bhi hai yog aur gyaan se varsa । to har ek ko apne-apne deeve ki sambhaal karni hai । dekho, kitni sambhaal karni hoti hai । tum jaante ho maaya kitna hairaan karti hai aur barobar purushaartha bhi ant tak chalna hai । chalna hi hai । aise nahin hai ki race ke ghode koi chalte-chalte destineshan ko pahunch jaate hain । destineshan ko yaani us lakshya ko pahunchna hi hai । to iski kitni sambhaal karni chaahiye । kahaan kamti bhi na ho jaave । bujh na jaave । iske liye inmen yog aur gyaan ka ghrit, donon hi daalna padta hai । ab bachche jaante hain ki barobar jo bahut chhota deeva hai, jinmen bilkul thodi chingaariyon rah jaati hain vo jaldi bujh jaata hai, kyonki unmein taakat hai nahi yog aur bal ki । to phir daud nahi sakte hain । jismen yog ka aur gyaan ka bal nahin hai, vo daudkar pahunch nahin sakte, pichhaadi mein rah jaate hain । to purushaartha to harek ko karna chaahiye । apne ko aise nahin samajhna chaahiye । school mein subjects hoti hain । to dekhte hain ki koi pahle-pahle padhaai mein teekhe nahin jaate hain to jor lagaate hain maithmaitiksa mein. । phir unko maithmaitiksa ki bhi 100 mark mil jaati hai । aise hi yahaan bhi jor dena chaahiye । achha, vo nahin to bhala ismen sabjektas to hain bahut hi service ki । sthool service ki to achhi subject hai; kyonki baba ne samjhaaya jo sthool service karte hain, bahuton ko sukh dete hain unka duaaon ka khaata bahut jama ho jaata hai । samjho ki yeh ratan bachchi hai, inko to service karni hai yog aur gyaan ki । achha, aahiste- aahista peechhe graahki to bahut ho jaaengi, tum jaante ho graahki jab bahut naami graami ho jaate hain jis jis ke bahut graahak bante jaate hain hain to unki kai kai braanches khulti jaati hain, hona to hai na bachche ek-ek dhani ke chhah chhah, aath-aath, das-das dukaan hote hain । main dekha hoon dilli mein ek dukaandaar hai, uske das? bees branches hain । yeh kapde, yeh silaai aadi ki to bahut branches hoti hain na aur sabhi branches ek jaisi nahin chalti hain । koi mein gaahki kam, koi mein jaasti । jab jaasti hoti hai to bade busy ho jaate hain । unko mathhe karne ki bhi phursat nahin hoti hai । tumhaara ek din vo samay aane vaala hai ki tumko raat ko bhi phursat nahin milegi, kyonki jab maaloom padega baba aaya hua hai aur akhoot khajaana dete hain arthaat gyaan saagar aaya hai to din-raat service mein busy ho jaavenge । baba ne bahut dapha samjhaaya hai- yeh gyaan saagar aa karke ratna dete hain, jholi bharte hain aur ye hain avinaashi gyaan ratna, jinse itna to pad milta hai । jab maaloom ho jaaega, naami-graami ho jaaenge, to dukaanon par kitni graahki hogi । tum samajhte ho kuchh achhi tarah se? are, baat mat poochho, kyonki bahut! bahut! aaenge । samjha na । jab koi bhi dukaan naami- graami ho jaati hai to ek-do ko bataate hain yahaan vastu bahut achhi milti hai, yahaan makkhan bahut achha milta hai, bada kiphaayti hai, bahut sasta bhi hai aur bahut first class hai । to yeh jaante ho ki barobar yahaan jo raajayog ki shiksha milti hai vo gaaranteed hai aur baahar mein dekho kya milta hai? gyaan ratnon ke peechhe jholi mein patthar daal dete hain । jab maaloom ho jaaega bahuton ko to tumse kuchh nahin poochhenge । phir us samay mein ye bichaari gyaan aur yog ki service karengi, phir doosre bhi to chaahiye na jo us behen ko sahaayta deve unko khilaave-pilaaven । to dekho, yeh bhi jab koi buddhi mein rehta hai ki main yog mein rah karke, baba ki yaad mein rahkar koi bahut kehte hain ki meri vaani nahin khulti hai, main bhaashan nahin kar sakta hoon phir kya karna chaahiye? doosri kya sabjektas hain- khaana pakaana hai, phalaana karna hai, bahut hi service padi hui hai । agar unmein lag jaaen to unmein bhi marks milti hain, kyonki sabki aasheervaad milti hai । dekho, baba udaahran to dete hi rehte hain । jaise bholi bachchi hai, kitna khaana pakaati hai । phir unke saath hi bhoori bhi hai । abhi vo donon to jaanti hain ki barobar ham yog aur gyaan ki service nahin kar sakengi । to phir kya kami hai? 100 marks kaise leve? to phir sthool service hai । unke bhi marks hain , kyonki sabki aasheervaad milti hai । inki bhi aasheervaad milti hai । yeh bhi kahenge thaikchu ki tum hamko roti pakaakar khilaati ho, mujhe phursat nahin milti hai । automatically aise ho hi jaata hai । to unko bhi to marks mil jaane ki hai na; kyonki yagya mein jo service karenge, to koi na koi ko sukh zaroor milna hai । to tumko , tumko to baat mat poonchho, kyonki bahut sasti khaan hai । is khaan ko koi jaante nahin hain । yeh hai hero-javaahron aur avinaashi ratnon ki khaan । manushya to in ratnon ko na jaan karke un aath ratnon (ki) agritiyaan banaate hain, maalaaen daalte hain, poojte rehte hain । unko yeh maaloom nahin hai ki yeh maala kis cheej ki bani hui hai । abhi tum bachche jaan chuke ho ki ham aise ye maala ke daane bante hain, ham hi yahaan pujaari bante hain । ham hi baith karke aise-aise karte hain aur pata nahi padta hai ham kya karte hain । dekho, ye knowledge kitni wonderful hai । baba bolte hain- is baat ko kya duniya mein koi jaan sakte hain agar maaloom hota to inko bhi to maaloom pad jaata na । guru to bahut hi kie, koi to guru nikalta nahin, jo hamko bata deta ki maala kiski aur kab bani । tum jaise ki barobar svarga ke vahi lucky stars ho, tum svayan maalik ban baithe ho । tum bachchon ko yeh nishchay hai ki barobar ham vahi svarga ke maalik the । ab dekho, phir narka ke maalik ban gae hain । so to hoga hi na । jo svarga mein rahne vaale honge, so svarga ke maalik punarjanma bhi vahaan lete honge । abhi ham phir narka ke maalik hain । patit duniya kaho ya narka kaho, baaten to ek hi hain na । tum abhi jaante ho । duniya mein aur koi bhi nahin hai, bilkul koi nahin hai jo jaante hain ki ham so svarga ke maalik the, abhi so narka ke maalik hain, ab ham phir so svarga ke maalik sangamayug par ban rahe hain; kyonki svarga ke maalik sirf sangamayugi brahman hi ban sakte hain jinko yeh maaloom rehta hai ki sangamayug hai । duniya ko thode hi maaloom hai ki sangamayug hai । konfluensa yug । tum bachchon ko sirf maaloom hai । braahamnon ko hi maaloom rehta hai ki yeh sangamayug hai । doosre kalhayug mein hain । saari duniya kalhayug mein hai । yug to alag-alag hote hain na । satayug mein, so punarjanma satayug mein lege । aise to kahenge na । bhale tum sangamayug mein ho, tumhaare mein jo shareer bhi chhodenge, so phir vo sanskaar le jaaenge । sangamayug mein aaenge, phir bhi aa karke, vo sanskaar le karke yahaan aa jaaenge kyonki tum braahman ho hi sangamayug ke aur ye shoodra hain kalhayug ke । yeh tum beech me ho zaroor । baba samjhaate hain- yeh knowledge bhi is sangamayug mein milti hai । sangamayug ko koi jaante nahin hain, isliye bichaare moonjh rahe hain । jab koi aaega aur knowledge lega tab vo samajh jaaega-barobar yeh sangamayug to beshak hai । ye jaise nadiyon ka aur saagar ka yug hota hai na, hoobhu so bhi nadiyaan practical mein hain, aise nahin ki vo koi shoodra koi nadiyo hain । nahin, tum braddamaakumaariyo gyaangangaaen abhi sangamayug par ho । abhi tum bachchon ko to achhi tarah se purushaartha karna hi hai, yeh race karni hai aur tumko dukaanen sambhaalne ke hain । jinmen yog aur gyaan nahin vo dukaan nahi sambhaalenge, dukaan mein chalaane vaalon ki sambhaal karenge । jaise dukaan hota hai to rasoiye bhi hote hain na, naukar-chaakar bhi to hote hain, sambhaal to karte hain na । unko bhi tanakhvaah milti hai, muphta mein to nahi karte hain । baba unko bhi to dene vaala hai na । vo bhi to braahman hain । braahman sab ekras to hote nahin । koi bhi yagya racha jaata hai to bahut kisma-kisma ke braahman athva pandit aa jaaenge । phir vo bhi variety hongi aur kinko dakshina bahut milegi, kinko thodi milegi । tum logon ne to rudra gyaan yagya ya ye jo yagya rache jaate hain usko kabhi dekha nahin hai । chaari parmal mandaas ne sindha mein rudrayagya bhi racha tha, jiski badi dharmashaala hai । abhi yeh to tum bachche jaan gae hain ki parampita paramatma ne yeh yagya racha hua hai । barobar ham braahman hain aur hamaara dhandha hi yeh hai manushya ko devta banaana । kisse manushya ko devta banaana? aise to koi yagya hota nahin hai, jismen koi bhi kah sake ki ham is yagya mein manushya se devta ban rahe hain । hoga? koi ko aaega bhi nahin । abhi so yagya bhi kaha jaata hai, roodra gyaan yagya bhi kaha jaata hai aur paathshaala bhi kaha jaata hai ki barobar yahaan yog aur gyaan se har ek bachcha itna ooncha devi-devta pad paay sakta hai । to bachche bahut purushaarthi hain aur baba raay bhi dete rehte hain ki bachche, tum paramdham se jaise aae hue ho baba ke saath; kyonki unke bachche ho na । abhi tumko yeh nishchay hua ki ham paramdham nivaasi hain, ham yahaan abhi is samay mein baba ki mat se svarga ki sthaapna kar rahe hain, shreemat se svarga ke maalik ban rahe hain । svarga ki sthaapna maana hi svarga ke maalik । jo sthaapna karega, vo maalik to zaroor banega na । tum bachche yeh jaante ho achhi tarah se ki is duniya mein ham hain most lakkeeesta gyaansoorya, gyaanchandrama gyaansitaare । inko banaane vaala kaun hai? gyaan saagar; kyonki yeh sthool mein hain na । soorya, chandrama aur sitaare sthool mein hai । unke saath hamaari bhent hai, to ham bhi sthool mein honge । phir ye bachche jaante hain, hamko aisa banaane vaala hai- gyaansoorya gyaanchandrama gyaan lucky sitaare, yeh gyaan ka saagar । naam to padega na, gyaan saagar ya gyaansoorya ke ham phir yahaan ke bachche । baba to yahaan ka rahvaasi nahi hai na । baba kehte hain- main to rahvaasi vahraan ka nahin, main aata hoon to phir tumko aap samaan banaata hoon । banna tumko yahaan hai gyaan saagar, gyaan sitaare, gyaansoorya gyaanchandrama । abhi tum yahaan baithe ho, tum jaante ho achhi tarah se ki barobar ham bhavishya mein phir yahin svarga ke maalik banenge । yeh saara madaar abhi hamaare purushaartha ke oopar hai । barobar ham voriyarsa hain । kaun-se voriyarsa? maaya par jeet pahanne ke voriyarsa hain । aise koi hai nahin jo kah sake; kyonki akshar hi badal gae । maaya usko kaha jaata hai, vo kah dete hain man jeete jagat jeet । to man ko aman karne ke liye ya man ko vash karne ke liye dekho to hath kitna hota hai! tumhaare se thode hi koi praanaayaam seekha ja sakta hai । bada difficult hai aur anek prakaar ke hain । tum nahin samajhna । yahaan se rassi daalte hain, neeche se nikaalte hain । yeh saaph karte hain, phalaana karte hain, teera karte hain । athaah hai inki kisma-kisma ki । baba kehte hain- bachchon, tumko koi takleeph deta hoon? sirf itna hi kah deta hoon ki bachche, mere paas aana hai । aise koi manushya nahi kahenge ki mere paas aana hai । kahaan mere paas? mujh apne parampita ke paas । main tum bachchon ko lene aaya hoon । abhi aise koi kah na sake । bhale apan ko koi eeshvar bhi kahen, parantu apan ko aise guide nahin kah saken । yeh baba to kehte hain main mukhya panda hoon । is pande ko kaalon ka kaal bhi kaha jaata hai । main kaalon ka kaal hoon । jaise satyavaan aur sati saavitri ki katha thi na । satyavaan ko ek kaal le ja raha tha, to saavitri unko boli- inko nahin le jaao । abhi tum to khush hoti ho na । agar main tumhaari aatmaon ko apne saath le jaaoonga, to ranj to nahin hongi na । vo to ranj ho padi thi; kyonki jismaani lav tha । abhi tumhaara hai roohaani lav । tum jaante ho ki hamaare baba aae hue hain hamko yahaan se le karke apne sweet home mein le jaane ke liye । jis sweet home ke liye , jisko muktidhaam bhi kaha jaata hai, nirvaandhaam kaha jaata hai, yeh itni mehnat karte hain । mehnat karte-karte, vo samajhte hain ki vo vaapas chala gaya nirvaandhaam mein; parantu baba ne samjhaaya, koi ja to nahin sakte hain । baba kehte hain- main aaya hua hoon tum bachchon ko lene । main koi ek kaal nahi hoon main in sab kaalon ka kaal hoon । vo to aa karke ek aatma ko le jaate hain na, main to dekho kitna bada guide hoon । sabko vaapas le jaata hoon aur nishaaniyaan sab kuchh bataate hain-5000 varsha pahle main guide ban karke aaya tha, phir sabko le jaate the; isliye main jo sabko yahaan aa karke le jaata hoon isliye mujhe saajan naam rakh diya hai ki aa kar karke sajniyon ko phir saajan vaapas le jaate hain । to piu bhi kehte hain, saajan bhi kehte hain । apne lakshya ko to yaad karna pade na ki ham padh rahe hain, phir yahaan aaenge । svarga koi oopar mein nahin hai । pahle ham oopar jaaenge sweet home mein, phir ham neeche aaenge; kyonki aae bhi oopar se the । oopar se aate hain, yeh to sab koi achhi tarah se jaante hain । abhi phir oopar se aa karke, drama poora karke ham phir vaapas jaaenge । to tum kaun hue yahaan? barobar svarga ke sitaare । devtaaon ko kya kahenge! aage jeev aatmaaen narka ke the । abhi lucky stars tumko kaha jaata hai na । stars kaha hi jaata hai bachchon ko । abhi to sabko purushaartha karna hai । hai daade ki milkiyat । baba ne raat ko ya subah ko bhi samjhaaya- khaan hai badi jabardasta aur ek hi dapha yeh khaan nikalti hai । vo khaane jo hoti hain, vo nahin nikalti hain phir unse nikaalte-3nikalte is samay mein bichaare mattha maarte rehte hain, nikalti hi rehti hain । samjha na! ek nahin to doosri jagah, doosri nahin to teesri jagah, khaan yahaan bahut hain । koi toote to jaise heere ki khaan yahaan hain, sone ki khaan yahaan hain, to aise nahin hai ki koi khatma ho gai hain । bahut hain । yeh dhoondhate rehte hain-dekho, aaj phalaane se tel nikla, aaj phalaane se vo nikla, aaj phalaane se taanba nikla, aise karte hi rehte hain । samjha na! yeh to hai ek khaan, ek hi dapha milti hai aur bas । yeh ek avinaashi gyaan ratnon ki khaan hai । are, vo kitaab to bahut hai, unko ratna thode hi kahenge । vo to anek hain । yeh vo hi khaan hai, dharti ki vo khaanen nahin hain । yeh to gyaan ratnon ki khaan hai, isko gyaan saagar kaha jaata hai । yeh avinaashi gyaan ratnon ki niraakaari khaan hai । khaan kahne se koi nahin samjhenge ki yeh koi paramatma ke liye kehte hain aur ham kehte to zaroor na-barobar yeh hai avinaashi gyaan ratno ki khaan aur us khaan se ham jholiyaan bharte rehte hain । isko phir knowledge kaha jaata hai । vastuon ka naam to bahut rakhte hain । tum bachchon ko to khushi rakhni chaahiye, khushi karni chaahiye । is khaan ka sabhi ko avinaashi gyaan ratna dene ke liye kitna purushaartha chal raha hai । har ek ko phakhur bhi to zaroor hota hai । jahaan dukaan par manager, bhaageedaar ya koi bhi rehte hain aur dhandha jaasti karte hain aur unka naamaachaar bhi nikalta hai, jaise ki vo apni badi baadshaahi sthaapan kar rahe hain, kyonki praja bhi bana rahe hain, to apne vaaris bhi banaay rahe hain । to itna phakhur hona chaahiye na । bade-bade centre mein ja karke bhale rah bhi sakte hain ki vahaan seekhen । dekho, yahaan kitne aate hain seekhne ke liye । yahaan kyon aate hain? yahaan jaise ki khaan par aate hain । vo khaan se nikle hue bachche hain । ye khaan par aate hain । to yahaan se jholi bhar-bharkar phir ja karke daan dena padta hai । dhaarna bahut mushkil to nahin hai । baba ne samjhaay diya hai ki parampita paramatma to gyaan ka saagar hai, avinaashi gyaan ratna se jholi bharte hain । baba ne aage samjhaay diya tha ki vo samudra nahin hai, jo dikhlaate hain ki aakar thaali bhar-bharkar devtaaon ko khaan dete hain । devtaaon ko vo saagar se to ratna nahin milte hoge na । ye gyaan ratna vahaan jaakar sthool ratna bante hain । vo jahaan se khaaniyaan toot-phoot gai hain vo phir nai-nai ho jaaengi । draamaanusaar phir unko yeh sab kuchh milega zaroor, vivek kehta hai, buddhi kehti hai । manushya to moonjh jaate hain । phir vo hi heere itne dher ke dher honge, jo phir jab bhi bhaktimaarga mein honge, tab baith karke itne banaaenge । bahut the, vo sab gum ho gae hain । koi aisi jagah me earthquakes aadi ho jaate hain to vo vastu phir kisko mil nahin sakti; kyonki devtaaon ki cheejen hai । vo asuron ke liye to hain nahin । goya jaise kahaan bhaari-bhaari earthquakes hote hain, kahaan khalaas ho jaate hain, gum ho jaate hain । bahut thode nikalte hain jo inko haath mein aate hain, nahin to khajaana to bahut hona chaahiye । yaani aisa ek to nahin hain jinke mahal bante hain । yahaan jo rajvaada raajya hote hain unki kampeetishan dekho । jaypur ki darbaar dekho, alvar ki dekho, beekraaner ki dekho । inke kitne achhe-achhe hain । vahaan bhi to shauk hota hoga na । sab koi apna-2 achha-achha karke banaaega । abhi yeh to bachche jaan gae hain ki barobar hoobhu jaise kalpa pahle hamne apne ye makaan banaae the, vo phir ja karke banaaenge । vahaan bante to bilkul sahaj hain kyonki science jisko kaha jaata hai, vahaan to yeh science naam nahin hoga । vo to aur hi naam hoga । yahaan to science- science karte rehte hain । science ka hindi ka akshar pata nahin kya hai? (kisi ne kaha vigyaan abhi vigyaan aur gyaan naam to isne science ka rakh diya hai । koi hai thode hi । vahaan gyaan-vagyaan to mahal ko bhi kehte hain- gyaan aur vigyaan mahal । vigyaan mahal banaate hain dilli mein । vigyaan bhavan । gyaan aur vigyaan ki baat to yahin hai । ham gyaan aur vigyaan kahenge । gyaan kahenge yeh, jo tumko knowledge milti hai, vigyaan kahenge yog ko । sachcha-sachcha yog aur gyaan to yahi hai । gyaan se hamko ratna milte hain, yog se ham ever healthy bante hain । sachcha-sachcha gyaan aur vigyaan to inko hi kaha jaae na । vo log to itne sab naam rakh karke kuchh na kuchh daal diya hai । koi bhavan to banne ka hai nahin । yog aur gyaan to knowledge hai । sahaj yog aur sahaj gyaan, jisse phir vaikuntha ke bhavan banenge, makaan banenge । bhavan makaan ko kah dete hain । so to is knowledge ko apan sab jaan chuke hain । doosra koi nahin jaante hain । tum yahaan baithe hue, tum jaante ho ki barobar ham is bhaarat ko svarga banaay rahe hain । tumhaara koi bhi mamatva is duniya se, is deh se bhi nahin hai । tumhaari aatma ab kah rahi hai ki ham aatmaaen svarga mein jaay karke, naya shareer le karke devta banenge, abhi aatma ki hi baat hui । poora aatma ka gyaan hi chalta rehta hai । vahaan bhi aatma ka gyaan poora rehta hai, paramatma ka gyaan nahin । aatmaon ko gyaan rehta hai-ham yeh shareer chhod karke phir doosra first class chhota shareer lenge । itna gyaan vahaan rehta hai । isliye duhkh-shok nahin hota hai; kyonki samajhte hain yeh to achha hi hai, kyonki takleeph to hoti nahin hai । haan, itna zaroor samajhte hain ki yeh shareer budhdha ho gaya, doosra achha lena hai । duhkh to koi hai nahin । na vahaan, na vahaan, na garbhajel mein, kahaan bhi nahi । abhi yeh gyaan to tum sab bachchon ko hai ki baba hamko aise banaay rahe hain, jaise ham kalpa pahle bhi bane the । yeh to gyaan hai na ki barobar ham vahi manushya se phir devta ban rahe hain । vo koi badi baat to nahin hui । kalpa pahle bhi yahi anek dharma the । geeta mein to nahin likha hua hai ki anek dharma kaun-kaun se the? kya geeta mein likha hua hai? likha hoga kahin islaami, bauddhi Christian, ityaadi-ityaadi dharma the? aise bhi likh dete tab bhi manushyon ki aankhen khul jaati ki barobar vo to abhi hain; parantu geeta mein yeh kuchh bhi baaten hain nahin । gaaya jaata hai ki barobar aadi sanaatan devi-devta dharma ki sthaapna brahma dvaara aur anek dharmo ka vinaash । abhi yeh to tum samjhaay sakte ho na is samay mein aadi sanaatan devi-devta dharma ki sthaapna ho rahi hai । tum dekhte ho geeta mein kahaan likha hai-kaun-kaun se dharma the, koi islaami ya bauddhi kuchh likha hai? bas itna likhte hain ki barobar ek dharma ki sthaapna, anek dharmon ka vinaash । yeh to clear hua na । tum samjhaay to sakte ho na । baba aaya hi tab tha, jab vo devi-devta dharma praayahlop ho gaya tha । jab lop ho gaya tha to unse knowledge kahaan se aae? phir vo gyaan jab lop ho gaya, to parampara kiske mukh mein gaya? vo gyaan kisne sunaaya? yeh to bahut sahaj hai । to samjhe bachche ye sab kuchh, chain to hai na- sthaapna, vinaash । vinaash kiska? anek dharma ka । sabhi dharma abhi hain । math-panth vagairah-vagairah sabhi hain । and hai is samay me । kya aur nae naami-graami dharma aaenge- aate honge to yahi bichaare aate honge, jinki ye daaliyaan, unme patte-patte bahut ban jaate hain । yeh saara gyaan buddhi mein rehta hai na achhi tarah se? aise to nahin samajhte ho ki yeh saara gyaan baba bataate hain aur yeh kuchh jaante hi nahin hain? roj baba bataate hain, yeh kuchh nahin bataate hain, aise to nahin samajhte ho? agar ham kah de-ham hi bataate hain, hamne kalpa pahle is samay mein yeh gyaan tumko nahin diya tha- to inka kuchh gyaan to hoga na zaroor, kyonki inka bhi to drama mein part hai na knowledge ka । brahma ka bhi to hai na । shreemat brahma ki hai na । to bhala kyon unki shreemat gum ho gai hai? bhala brahma ki kyon rah gai hai- brahma ke naam par to kehte hain, krishna ke naam par to koi shreemat kehte hi nahin hain, kyonki vahaan to shreemat ki darkaar nahin, sab shri-shri hain । yahaan to shri ek bhi nahin hai । vahaan shreemat hai to zaroor shreshtha mat hogi । unke oopar naam kyo pada hai shri-shri raam shri-shri sab shreemat । yatha raaja-raani tatha praja shreemat maana shreshtha mat । sabko shreshtha mat kisne di hogi? zaroor koi ne diya hoga । to devtaae sab shreemat । yahaan sab phir aasuri mat । ‘aa’ inme mil jaati hai । ye sabhi hain aasuri mat । vo sab hain shreemat । shreemat se svarga aaya, aasuri mat se narka hai । akshar kitna jara sa hai- shreemat aur aasuri mat । ham to aasuri mat so shreemat ban rahe hain । ham the aasuri mat, phir shreemat ban rahe hain । phir vahaan shreemat hogi, aasuri mat hogi hi nahin । aasuri mat raavan ki mat, shreemat shiv ki mat । sab baaten kitni sahaj hain samajhne ki aur phir purushaartha karna chaahiye । yeh sab baba ki dukaan hain na । isko kaha hi jaata hai ek ke ye sabhi dukaan । shivbaaba ke sabhi dukaan hain । ham bachche un dukaanon ko chalaane vaale hain । phir jo sthaapan karte hain, bade-bade dukaan achhe chalaate hain । unka naam hota hi hai । phir heads bhi hain, assistant bhi hain, manager bhi hai, asistaint manager bhi hai । aise hote hain na । hubhu jaisi dukaandaari hoti hai vaisa staaph aur khi bhi jaati hai yeh mahima parantu yeh mahima koi virla kare, koto mein koi kare, so bhi achhi tarah se kare । mahima to sabko karna hai । harek ki mahima hai na । jo bhi chhote bachche hain yog aur gyaan, yeh mahima । koi jaasti baat thode hi hai । sirf yog mein rehna aur gyaan ka thoda sa manthan karna aur so bhi samajhna hai ki barobar yeh chakra chalta hi rehta hai- shantidham sukhdhaam, duhkhadhaam shantidham sukhdhaam, duhkhadhaam । yeh chakra buddhi mein yaad karna hai । abhi duhkhadhaam ko bhoolna hai । shantidham sukhdhaam, shantidham sukhdhaam । bas । yeh buddhi mein andar japta hai raam-raam । yahaan phir kya hai? shantidham aur sukhdhaam । manamnaabhav madyaajeebhav । achha, yeh bhi to kahne mein bahut aata hai na, buddhi kuchh bole nahin । dekho, shivpuri, vishnupuri, buddhi mein aa gaya । koi kaam hai? bolne se to yeh bahut sahaj ho jaata hai । bolne mein takleeph hoti hai na । ismen koi takleeph nahin । chup raho aur do baat ko yaad karo । vahaan bhi to raam-raam kehte hain na । yeh buddhi mein dekho, shivpuri yaad aai, phir vishnupuri yaad aai । unse to aur hi sahaj hai । raam-raam se bhi yeh bahut sahaj hai । buddhi mein sweet home bhi yaad aaya, sweet baadshaahi bhi yaad aai । vo sabse sthool mantra hai, yeh sookshm mantra hai । bilkul ati sookshm yaad । koi bhi takleeph nahin dete hain । dekho, makkhan se vahaan nikal jaate hain । ham svarga ke maalik ban jaate hain । kya karne mein se? yaad se । sukhdhaam aur shantidham aur sukhdhaam । buddhi kehti hai yeh duhkhadhaam hai । pahle shantidham mein jaana । sabse simple mantra kaho to bhi chal sakta hai । aavaaj bhi nahin karna padta hai । yeh gupta baap se gupta varsa milta hai aur chup rahne se । abhi in jaisa sasta sauda denge kaun? bas, do baat ko yaad karna, kehna nahin aur baap se varsa le lena, koi kam baat hai। agar yahi japte shareer chhod to bahut achha । bas, yahi hai aur to koi takleeph hai nahin । to purushaartha karke inko pakdo achhi tarah se । jinko bahut samay yeh yaad nahin padti hai, vo apna abhyaas karo । aur kuchh bhi nahin karo । sabko aise hi kaho-baba ne kaha hai, mujhe yaad karo, phir main tujhko svarga mein bhej doonga, vishnupuri mein bhej doonga । baba ko yaad karo, unko yaad karo । yeh bata diya to bhi bahut samajh jaaenge । yeh unko lagega, bhuchchega । phir vistaar mein koi poochhe to pahle yeh baat samjhaana- hamko baap ka hukm hai, mere paas aana hai, main aaya hoon tumko kehta hoon- mere ko yaad karo, ant mate so gat main tumko svarga mein bhej doonga, yeh narka ka vinaash ho raha hai । yeh koi kah nahin sakega । saadhu-santa-mahaatma kabhi koi kah nahin saken । bahut tik karne se, yeh bhi bataane se to bhi kinko teer lag jaaega । chalo, geeta ka naam bhi nahin lo । kaun kehta hai geeta ka naam lo? kaho hamko parampita paramatma, jahaan se ham aae hain yahaan part bajaane, usne aa karke kaha hai- mujhe yaad karo । aa karke kaha hai to kismen to aaenge na? phir tum chaaho to krishna ko samjho । ham kehte- nahin, saadhaaran boodhe tan mein aate hain । vo hamko kehte hain- manamnaabhav mujhe yaad karo to tumhaara sab vikarma vinaash ho jaaega, main tumko svarga mein bhej doonga । abhi tumko maanna hai to maano, nahin to jahannum mein jaao, pade raho । jaakar jahannum mein phans jaaenge, yahaan aaenge nahin, kyonki yeh hai vaatika bahishta mein jaane ki । agar yahaan gir jaaenge to phir jahannum mein jaana padega । jahannum bhi to yahin hai na । unke liye jahannum hai, hamaare liye sut । unke liye kalhayug hai, hamaare liye sangamayug hai । achha, takleeph to bahut nahin hai । itni sahaj hone se bhi kyon na is yaad mein rah karke aur phir yahaan apne shareer se kaam karte rahen, buddhi ka yog shivbaaba mein rakh deven । takleeph nahin milti hai । bahut-bahut sahaj anubhav hota hai । baap ko yaad karo aur apna varsa lo । baap ka varsa hai hi svarga । itna bhi tum kisko samjhaaenge to bhi bahut achha aur phir parhejen to karni hain । baba bolte hain- svarga ka maalik banna hai, to yahaan parhej karni hai । vahaan to parhej nahin seekhenge । yahin tumko parhej karni hai । bhojan aadi sabhi saatviki; kyonki satayugi bante ho na, satopradhaan bante ho na । yahaan ho tum tamopradhaan to sab taamsi, satopradhaan to sab saatviki । chalan saatviki, bolna saatviki । yeh hua apne se baat karna aur baat karke samjhaane ki baaten । achha, chalo toli le aao bachche । tumhaare ko baba ne kaha hai- tum ho roop basant । baba roop bhi hai, basant bhi hai । aatma hai roopabsant । sirf unko shareer chaahiye jo basanti ho yaani varsa barsaay । baap ko bhi to varsa barsaana hai, unko gyaansaagar kaha jaata hai, patiton ko paavan karne vaala, to zaroor aa karke gyaan sunaaega na । aur to koi cheej nahin hai । to roopabsant hai na barobar, sirf organs nahin hain । hai zaroor । gaaya jaata hai ki barobar gyaan ka saagar hai, patit-paavan hai, parantu unko shareer chaahiye na । baba bolte hain- main ek baar aa karke yeh loan leta hoon aur saari duniya ko paavan karaay deta hoon । yeh kya kam jaadoogri hui! achhi tarah se samjhaate hain na । bolte hain-barobar mere ko organs nahin hain । so aa karke organs leta hoon aur tumko yeh saari knowledge achhi tarah se samjha deta hoon । tum harek abhi jaise ki roopabsant ho; kyonki is samay mein bhi baba hai roopabsant par baras nahin sakte hain, basanti nahin, to yeh shareer le liya hai । to jaise vo baba yeh shareer le karke basanti, vaise tum । ham punarjanma mein aate hain, vo nahin aate hain । pharka itna hi, bas aur kya pharka hai । meethe-meethe bachchon ko namaste, good morning ।