रविवार 21 जून 1964 की साकार मुरली

> >

21-06-1964 madhuban aabooraatri murli saakaar baba om shanti madhuban

helo, good night yeh ikkees joon ka raatri class hai

bachche raaji-khushi baithe hain । bachchon ko yeh to hai na ki ham baba ke hain । jo bachche hain vo khaate hai, peete hain, chalte hain, uthte hai, jaise ki baba ke hain ।… .bhale ghar mein rehte hain to bhi unko yeh samajhna chaahiye ki sab kuchh shivbaaba ka hai । dil se to yeh samajhna chaahiye na । baap kehte hain- jaise agyaan kaal mein, bhaktimaarga mein bhi tum bachche kehte ho ki sab kuchh eeshvar ka hai । eeshvar ka hai to jaise ham trustee hain । abhi vo eeshvar to yahaan nahin hai । vo baap oopar mein tha । abhi baap neeche aae hue hain । to baap khud kehte hain ki bachche, yeh to tum kehte the ki sab kuchh eeshvar ka diya hua hai । agar eeshvar ka diya hua hai to eeshvar ka hi hua । to tum bachche trustee ban gae, agar vichaar ki baat karen aur vahi baat baba ab bhi kehte hain ki aise hi samjho ki ham shivbaaba ke khajaane se khaate hain, pahante hain, ye karte hain । ab bhi baba yahi baat kehte hain na, koi doosri nai baat to nahin kehte hain aur phir kehte hain ki haan, abhi shivbaaba maujood hai aur sabhi kuchh unka hi hai, ham ab trustee hain । hai to sab baba ka na । to dekho, isse mamatva mit jaata hai । bhaktimaarga mein bhi kehte to hain na । kisko bachcha paida ho to bolega- haan, eeshvar ne kripa ki hai, bachcha diya hai । usi ki hi milkiyat hai । aage jaata tha to rote the, peette the । abhi to baap kehte hain ki tum trustee ho, tumko rone-peetne ki koi darkaar nahin hai । abhi amaanat samajh karke, trustee samajh karke ghar mein bhi aise hi samjho ham to shiv ke bhandaari se khaate hain । to sab kuchh shivbaaba ka hai । ham shivbaaba ke bhandaare se khaate hai । kabhi-kabhi? baba se sirf raay poochhte hain ki baba hamaare se koi bhool to nahin hui? hamaare se koi vikarma to nahin ho jaate hain? hai to sahaj na, kyonki baap kehte hain main to daata hoon na । main koi sanyaasi udaasi to nahin hoon । mujhe to yahaan koi ghar-ghaat nahin banaana hai । koi phlet-vlet mein rehna nahin, na koi yahaan baith karke jameendaari banaani hai ya makaan banaana hai । ye bachche bhi jaante hain ki barobar hamko bhi to jaana hai । ham ja rahe hain; kyonki vo to jhaad saamne hai । abhi bachchon ke liye to ek second ki baat hai; kyonki yahaan second mein jaate hain, dekhte hain । to jaise ki bada najdeek hai aur gyaan bhi aisa kehta hai ki bahut najdeek hai । to baap bachchon ko bahut hi achhi raay, shreemat dete hain ki ghar mein baithe bhi aise hi kaho ki ham to shivbaaba ke bhandaare se khaate hain na, sab kuchh baba ka hai na, to unmein tumhaari aasakti nahin rahegi aur phir ham jaante hain ki abhi hamko vaapas jaana hai । yahaan to kuchh chhodna hi nahin hai । jo kuchh bhi kakhpan hai ye sab unka hai to goya jaise ki ye mamatva mit jaate hai । ye yukti ham bataate hain । to aisa karne se tum vaaris banne ke adhikaari ban jaate ho aur yeh bhi bachche jaante hain ki apni raajdhaani sthaapan karne mein hamko koi bahut kharcha thode hi lagta hai । kuchh bhi nahin kya? haan, thoda kuchh yahaan ghar banaaega, koi militri ka kharcha hai kya? nahin । koi topon, bachchon ka kharcha hai kuchh? militri ka pata hai aajkal kitna kharcha hota hai । government ki jo aamadni hoti hai, half militri kha jaati hai । arbon hote hain aur uske evaj mein tumhaara kuchh bhi kharcha nahin hai, aise kahenge । unke bhent mein not A penny hain aur ham dekho, vishwa ki baadshaahi le lete hain । to bachchon ko andar ye vichaar-saagar-manthan karke aise-aise apan ko aape hi bahlaana hai । usko hi kaha jaata hai vichaar-saagar-manthan kar apan ko bahlaana hai- O ho! baba kitna raanjhu ramajhbaaj hai, bigar kuchh kharche, na koi militri, na kuchh baat-cheet aur paandav government badi eeshvareey government aur kitna yukti se bachchon ko vishwa ka maalik banaane ki raay dete hain, mat dete hain । wonderful hai na । abhi yeh mahsoosta koi geeta padhne ya sunne se thode hi aati hai । kuchh bhi nahin bilkul hi, jara bhi nahin aur yahaan to tum kitna jaan gae ho । tumko saare srishti ka chakra yaad hai- jisko paane ke liye aadhaakalpa se manushya abhi talak tumhaare saamne bahut dhakka khaate hain । dekho, kaho-kahaan jaate hain, banaaras jaate hain, badreenaath jaate hain, phalaana jaate hain aur baba yahaan baithe hue hain jiske paas jaate hain । abhi phir badreenaath bhi kaun hai? vahaan bhi to shiv ka ling hoga, aur kya hoga! vo bichaare kitna dhakka khaate rehte hain । ye baba kitna gupta yahaan baitha hua hai bachchon ke paas, isliye baba kehte hain koto mein kou, kou mein kou, kou mein kou pahchaante hain aur ye pahchaan karke bhi, maaya aisi hai jo munjhaay karke pher jaati hai । to bachchon ko baap ke milne ki badi khushi honi chaahiye । saamne dekhte hain vo dhakka khaate hain aur ham baap se baithe hain । baap ke saath khaate hain, peete hain, khelte hain, koodte hain । gaate bhi hain- tumheen se baithoon tumheen se khaaoon । tumheen se maana kisse? kiska naam lete ho? kya krishna se? krishna ke saath to raajdhaani mein jo devtaaen honge vo baithenge aur yahaan tum baap ke saath baithte ho । to dekho, tum parampita paramatma se baith karke khelte ho । dekho, baba khelte hain । isko bhi hirsa ho gaya hai ki bachchon se khelen, koode ye karen ।…barsaat ke samay mein aise hote hain । takleeph hogi to khatiya baahar nikaal kar so sakte hain aur najdeek mein bhi aise…par chadha, oopar mein soya, nahin to bhaag karke neeche aaya । baba khud bhi aise karte hain । abhi baba baahar mein sote hain । barsaat padi, ye kapde uthaaya, phir bhaaga andar । aise bahut dapha hote hain । baahar soenge, raat-raat ko do baje ye barsaat phat- ye phir bhaaga andar aur achha hi hota hai phir hamko jaagna hota hai, baba ko yaad karte hain । barsaat neend se utha diya to baith karke apne baba ko yaad karo । to kamaai hogi na । ismen kamaai hai, badi bhaari kamaai hai । yaad hi to badi kamaai hai । baba kehte hain na- baap ki yaad maana kamaai । aise nahin hota ki baap ko chhodkar koi kamaai ko yaad karte hain । tum sirf svarga ko nahin yaad kar sakte ho । baba aise kehte hain ki svarga ko yaad karo? pahle manamnaabhav mujhe yaad karo to svarga ka maalik banenge । to baap ko yaad karna hota hai aur hai sahaj bahut । dekho, budhdhiyo hain, mama hai, kya takleeph hai tum logon ko? yaani baba ko nahin yaad kar sakti ho? aise kaun bachche honge jo baap ko yaad na karte honge । kabhi suna? bachche kahen mujhe baap yaad nahin padte, kabhi suna koi se? yaani impossible hai । to abhi jab bachchon ko nishchay hai ki ham aatma hain, baap ko yaad karna hai, unse varsa lena hai to inmen moonjhate kyon hai? bhoolte kyon hain? parantu baba bhi kehte hain hi bachche, maaya badi shaitaan hai । gulabkaavli ka khel suna hai na? ye bhi aise hi hain । ham to pau baarah chaahte hain baba ko yaad karna, maaya jhat paasa pher deti hai, kyonki abhi is samay mein kahenge ye bhaarat chhah teen yaani haar mein hai ।… …usko poori haar kaha jaata hai । abhi aise hai ki haar ka tumhaara pau baarah banna hai । baba aa karke tumko maaya billi se jeet pahnaate hain । achha, abhi time bhi hua hai । salvation ki jaroorat hai vo to bolen, haan, braahamni risponsibul hai । le aate ho to inki khaan-paan vagairah ki poori sambhaal karna hai । bachche, lajja nahin karna koi bhi । brahma ko sirf bolna hai ki mujhe ye chaahiye, mujhe aipil chaahiye, mujhe aam chaahiye, mujhe phalaani cheej chaahiye, mujhe koko kola chaahiye । (kisi ne kaha- kulphi chaahiye) are haan, kulphi । kahaan gai hamaari bhandaari? bholi daadi kaha hai? bholi daadi, inko golgappe khilaaengi?? (bachchi ne kaha- haan baba) boondi- boondi le karke vo khilaao । tumne abhi kya bola (bachchi ne kaha- kulphi)…omaprakaash kahaan hai hamaara… bahut first class hai । omaprakaash dilli vaala, haath uthaao । kulphi banaana । kal kya hai somvaar hai na । achha din hai । kal kulphi banaana aur aam ka ras bhi daal denge, badi achhi hogi । (bachchon ne kaha- haan, achhi banegi) achhe hote hain, kyonki vahaan baajaari ka khaate the, abhi ghar ko vo hi cheej khaate hain । bahut aise bachche hain jo chhip-chhip bol karke chane vaalon se golgappa khaate honge । ek katha hai na ki krishna arjun ko baithaakar chakra mein gaya to chane vaala aa karke… peechhe yahaan dekha, abhi dekhega to nahin । akhaani hai na । baahar aakar bola- paisa? bola- paisa to hai nahin । bola- kasam uthaao । bola- achha, ham shri krishna ka kasam uthaate hain, tumko paisa zaroor denge । aise akhaani suni hai bachchon ne? shaastron mein bahut-bahut kathaaen hain । tum bachche to bahut hi kaha na kaha chhip karke khaate honge । kahaan bhi golgappa ka, kabhi chane ka, kabhi koi cheej ka । dekho, baahar mein vo kulphiyaan daanti mein daal karke dete hain । ye taara to zaroor khaati hogi । sach bataao । bhai, haath uthaao, jo baahar ke golgappe, chane ya phalaane cheej khaate hain । lajja nahin karo bachchi । baba to khush hote hain na । (myoojik baja) jitne bachche khush hote hain itne baap khush hote hain, kyonki baap to achhi tarah se jaante hain । kehte hain na mujhe kalpa-kalpa tum bachchon se milna to hota hi hai । abhi aise koi doosra manushya, sanyaasi-udaasi kah saken, bachche bhi jaante hain । dekho, sabse poochho- aage ham mile hain? haan, baba, kalpa pahle mile hue hain । inka arth kabhi koi samajh na saken । agar kalpa ki baat sunen to bolenge- unko to hajaar varsha hue । ye kya bolte hain! (myoojik baja) pankha kyon banda kiya? chalaao bachchi chalaao, pankha ko chalne do । thodi garmi hai । maat-pita aur baapdaada ka meethe-meethe sikeeldhe bachchon prati yaadapyaar aur good night ।