शनिवार 19 सितंबर 1964 की साकार मुरली - 1

> >

19-09-1964 madhuban aabu praatah murli saakaar baba om shanti madhuban

svadarshan chakradhaari brahman kulbhooshnon ko ham madhuban nivaasiyon ki namaste aaj shanicharvaar sitambar ki unnees taareekh hai, praatah kaal mein baapdaada ki murli sunte hain।

record :-

humein un raahon par chalna hai…

omshaanti! kehna padta hai । us hisaab se achha kehna om shanti । ye bhi bachchon ko bataana hai । aatma ko apna svadharma bataana hota hai । baap bhi bataate hain ki ham bhi shant hain, shant desh ke rahne vaale aur tum bhi shant ho । tumhaara oreejinal arthaat asal swaroop tum aatma ho aur tumhaara svadharma shant hai । ye bhool gae ho । dekho, saari duniya shanti chaahti hai । abhi shanti kisko kaha jaata hai, bichaare koi nahin samajhte hain । vo samajhte hain ki ye jo itna saara hangaama hai, aapas mein ladna-jhagadna, vo shant ho jaae । unke ladne-jhagadne se shanti...... । vo to koi kaam ke nahin hain । ghar mein koi bachche-bachchiyaan ya stri-purush aapas mein ladte-jhagadte hain, ashaant hote hain । achha, agar nahin ladte-jhagadte hain to koi shanti hui kya? na । shanti to hai hi ek aur cheej, jo hai hi aatma ka svadharma aur vaise hi baap ka bhi svadharma । koi se bhi poochho ki aatma ka baap kaun hai? kahenge phalaana hai । unka dharma kya hai? to kahenge unka dharma hai hi shant, kyonki parampita paramatma to shanti desh mein rahne vaale hain । ham bhi shant desh mein rahne vaale hain; parantu kisne is svadharma aatma ko bhi ye bhulaaya? nahin to abhi bhi koi bhi aave to unko bolo ki bachche, tumhaara svadharma to shant hai na । tum asul vahaan shant desh mein rahne vaale yahaan aae ho ye part bajaane । shareer dvaara apne karma ka part bajaane; isliye unko part to bajaana hai na । to phir shant to nahin rah sakte hain । in karmendriyon dvaara bolna hai, chalna hai, uthna hai, baithna hai aur shanti ke liye koi jangal mein jaane ki bhi to darkaar nahin hai । baba ne to bahut achha samjhaaya hai ki aatma ko apne svadharma ka pata hai achhi tarah se aur jab aatma thak jaati hai raat ko to ashareeri ho jaati hai yaani automatically vo shant ho jaati hai । dekho, raat ko kitni shanti hogi । raat ko koi baahar to nikle, sannaata rehta hai । bhale bombe bhi ho ya kitna bhi bada shahar ho, subah hote hi kitni jhrilmil hone lagti hai । 3 baje 4 baje se aavaaj ho jaati hai । koi 1 baje se 2 baje dekhe to sab dukaan band, sab soe pade hain, shaat । tum bachchon ko samjhaaya gaya hai ki kya hota hai । aatma apna part bajaate-bajaate thak jaati hai, phir raat ko so jaati hai । ab vo to hui raat aur din । ab to raat aur din ham behad ko kehte hain । aatma 84 janma ka part bajaay-bajaay abhi thak gai hai । abhi thak jaane ke kaaran, part bhi poora ho jaane ke kaaran vaapas jaana hai । kahaan jaana hai? shantidham । tum bachchon ko bhi kaha jaata hai shantidham ko yaad karo, sukhdhaam ko yaad karo । baap to aisi raay dete hain । yaad kahaan karenge? sukhdhaam aur shantidham mein baith karke yaad kiya jaata hai kya? yaad kiya jaata hai duhkhadhaam mein, ashaantidhaam mein । to zaroor kahenge na ki apne shantidham aur sukhdhaam ko yaad karo, kyonki ashaant hain yahaan । aise thode hi ki shantidham mein koi kahne vaala rahega ya sukhdhaam ko koi kahne vaala rahega । is samay mein kahne vaala hota hai ki bachche, abhi tumhaara naatak poora hua hai aur abhi tumko apne ghar chalna hai । peechhe to tumhaare liye shanti bhi hai to sukh bhi hai । ashaanti aur duhkh kaun phailaata hai? ye raavan hai ।to baap kehte hain ki girna hai, sambhalna hai is samay mein । is samay ki baaten baap bataate hain ki jitna baap ko yaad karenge itna maaya tumko giraaegi nahin aur agar koi na koi sangadosh mein ya aape hi baap ki yaad bhooli to zaroor maaya koi na koi bhoot ke roop mein giraaegi zaroor । to ye hai sambhalne ki aur phat khade hone ki । to kaise ham khade rahen, kaise sambhale? kadam-kadam par jo chief panda baba hai, mukhya panda hai na, usse shreemat lete rahe । isliye tumhaara naam hi pinda paandav rakha gaya hai । tum pande ho । tumhaari pandon ki sena hai । phir naam rakh diya hai paandav; par ho pande । vo jismaani pande tum roohaani pande । manushyon ne baithkar shaastra to bahut banaae hain । vo to paandav kaurav yaadav ye ladaai ke roop mein le gae । tum vaastav mein ho hi pande । baap bhi panda । baap kehte hain, main panda hoon । aaya hoon tumko vaapas sachchi yaatra par le jaane ke liye । kahaan? tumhaare shantidham mein le jaane ke liye । shantidham ka panda to ek hi banta hai । vahaan unke bachche banenge । panda ek hai । phir ek se to kaam nahin hoga na । to dekho, kitni sena hoti jaati hai । to tum pande tum bachchon ka rookh abhi kahaan hai? apne shantidham ke taraph । kitna? pare te pare । badreenaath jaana, amarnaath jaana, phalaani jagah par jaana, vo koi pare te pare thode hi hai । ye to yahaan baaju mein baithe hue hain । vo to sahaj hai । achha, bhala vo sahaj hai ya ye sahaj hai? door jaana apne sukshmavtan phir phat mool vatan - abhi vo najdeek hai ya ye amarnaath aur badreenaath najdeek hai? bataao । dekhne mein to aata hai ki ye to pare te pare hai aur vo to yahaan saamne najdeek mein rail mein ya kismen jaate hain, parantu nahin, ye aise time lag jaata hai । yahaan sukshmavtan mein jaana, mool vatan mein jaana, vaikuntha vatan mein jaana, ye to second ki baat hai । hai bahut door, pare te pare isko kah dete hain aur hai bilkul najdeek aur vo aur hi pare hai । to baba samjhaate hain ki bahut najdeek bhi hai । tum kitna teji se pahunch jaate ho, tumko time thode hi lagta hai । tum sirf buddhi se yaad karo । abhi tumko vahaan yaatra yaad aati hai । vo yaatra koi tumhaare liye nai nahin hai । ye bhi jo yaatraaai karte hain vo koi nai nahin hai । kalpa-kalpaantar tum ye yaatraaen aadhaakalpa karte aae ho aur phir ek yaatra tumhaari baap aakar karaate hain । aur koi vo yaatra karaay hi nahin sake । baap ya baap ke sikeeldhe bachche \hi kara sakte hain, unmein bhi nambarvaar purushaartha anusaar; kyonki tum bachchon ko to har ek ko jaho-taho raasta dikhlaana hai na । baap bhi kehte hain ki tum mandiron mein jaakar samjhaao na । ye chitra to dekho । ab ye yahaan kab raajya karte the, unko samjhaana pade । tum jab lakshmi-naaraayan ke mandir mein jaate ho usko to bahut najdeek rakh diya hai, baaki amarnaath kitna door rakh diya hai, kyonki amarnaath door rahne vaale hain na । vo lakshmi-naaraayan shahar mein rahne vaale, raajya karne vaale aur vo to paramdham se, shantidham se aane vaale । to. ye bahut door jaakar rakha hai । najdeek bhi rakha hai, door bhi rakha hai । dar-dar par unka chitra bana diya hai; kyonki dher banaae na ye chitra, mandir kitne dher banaae hain । ek ka mandir dekho kitne bante hain । to kiska mandir banaate hain baap ne samjhaaya ki mandir bana hai, jo patit-paavan hai vohai sabse number one । baaki ka mandir banaane se kya phaayda? vo to koi sukh dete nahin hain । achha, tum pujaari ban jaate ho to pujaari kya sukh ke liye bante ho? pooja karte-karte, bilkul hi dhakke khaate-khaate, thak karke, abhi baap aaya hai tumko pujaari se poojya banaane ke liye । jabki gaaya bhi jaata hai aape hi poojya aape hi pujaari । ye tum bachchon ke liye hai na । baap to pujaari nahin ban sakenge । phir pujaari ko poojya kaun banaave? to bachche hi jaante hain ab pahle ham poojya the. ab pujaari ban pade hain । to pujaari ka darja to bilkul hi kam ho gaya na । poojya ka darja bada ya pujaari ka? poojya ka darja bada na । to jab ham pujaari hain to poojya ka darja ooncha hai na । to phir vahaan darja kaun dilaave? baap aa karke samjhaate hain- bachche, tum poojya the, devi-devta the phir tum pujaari bankar girte, dhakka khaate aae । bhale vahaan tum kitna bhi kuchh sambhalo yahaan to pujaari hi banna hai । yahaan ab pujaari ko chhod, pooja ko chhod karke poojya banna hai । poojya banne mein maaya ka vighna hai aur koi maaya ka vighna thode hi padta hai । maaya ka vidhva abhi padta hai jabki tum ablaaon par atyaachaar hote hain । dekho, tum us yaatra ki taiyaari karte ho to kitne vighna padte hain । aur yaatraaen dekho, satsang dekho, mandir dekho, kahaan bhi tumko koi rok nahin sakta hai । yahaan to dekho pujaari se poojya banne mein maaya tumko kitna hairaan karti hai । ghadi- ghadi gir padte hain । koi na koi baat mein gir jaate hain । sabse jaasti girte hain kaam ke khadde mein । baap kahe - bachche, abhi moot paleeti mat bano । ham tumko saaph karne aae hain । phir dekho, ghadi-ghadi sambhaalna hai, girna hai aur dekhte ho kitne girte hain । hisaab to karo । usmein bhi sabse ganda girna hai kaam ki chita mein jalna ya phir vishay saagar mein gota khaana । baap bhi kehte hain kaam mahaashatru hai, usmein mat girna । gutter ki taraph jaane ka kabhi bhi khyaal nahin karna । baap to bahut hi samjhaaenge na - bachche, gande nahin banna hai । koi ke peechhe nahin... । kumaariyon ko bhi samjhaaenge kumaaron ko bhi samjhaaenge ।.......barobar khud likhte hain - are baba! maaya ne hamko gutter mein gira diya । to baap kya kahenge? mua kaala munh kiya apna । ham tumhaara saaph munh karte hain, gora banaate hain, tum apna phir kaala muh karte ho । to dekho gira na! sambhalna bhi hai aur girna bhi hai । tum barobar dekhte ho, sunte ho ki kitni sambhalne ki aur girne ki chata-bheti yahaan rehti hain । baba samjhaate - are! pha ho jaate hain । koi to achhe bachche nikalte hain aur koi..........tum log jo centre par rahne vaale hain, yahaan ya kahaan bhi, dekha tha na hamaare paas baithe-baithe bhi pha ho jaate hai । abhi nahin dekhti hongi । tumne dekha tha na raajabhaadur । kitna achha sarvisebul bachcha tha aur kitna vaphaadaar, aagyaakaari aur dekho ek hi taraph chamaat maari aur ekdam pha ho gaya । so gaya bilkul hi । mar gaya maana so gaya । baap ke paas jo janma liya aur ek hi thappad lagaaya aur mar gaya । dekho phir kul ko kalank lagaate hain na, parantu ye drama । ekdam shuru se dekho, bahut hi kul ko kalank lagaate hi aae hain । kitne gae hain, kitne ja karke gande bane hain । baba kehte hain giraane vaali maaya hai na । itna aadha kalpa duhkh dene vaali kaun hai? baap to nahin dete hain । baap to kehte hain mere oopar to ye dosh rakhte hain ki eeshvar hi sukh dete hain, eeshvar hi duhkh dete hain, parantu eeshvar ko baap na samajh, so bhi kaun sa baap? jisko paramatma kaha jaata hai । bhai, paramatma kabhi kisko duhkh kaise denge? parampita paramatma agar duhkh dete hain to phir baaki jo manushya hain, ek - do mein bade hi duhkh denge ekdam । jaise baap taise se bachche ho pade, parantu baap aa karke bachchon ko samjhaate hain ki bachche, tum apne liye aape hi aisa karma banaate ho । sang dosh mein bhi aakar achhe-achhe bachche bade ulte karma kar dete hain । phir unko.....nahin rehti hai yaani baap ko bhi bhool jaate hain, kyonki ye saadhaaran hai na । to manushya samajhte hain, manushya ki to baat hi....bachche samajhte hain, ghadi-ghadi bhool jaate hain । inmen jo bhi hai ye vahaan hai । vo jo shiksha dete hain, vo achhi hi denge । vo koi kharaab shiksha nahin denge । to bhi dekho vo unko bhool jaate hain; kyonki jinka yog poora nahin hai । ye to baap samajhte hain ki yog poora nahin hai । sirf aise mat samjho ki koi bhaashan karne vaale hain । tumko sunaai thi na ki ek kathak tha । katha karte the ki raam-raam kahne se saagar bhi tara ja sakta hai । abhi ki baat hai na । to nadiyaan kya baat hai । to dekho, ye kathan kiya na । kathak bana । bahut dikhlaaya । jab unko kaha - achha, tum chalo raam-raam kahkar ek paani ka tukda to .... to bola boat le aao । to dekho, katha karne vaala hoshiyaar to bahut tha; parantu jo kehta tha vo kar nahin saka । to sirf kathan ka nahin hai । kathni, karni aur rahni in sabmen paas hona padta hai । isliye baap kehte hain ki bhool karte ho maana gira । koi na koi bhool to hoti rehti hai na । bhool aur abhool ki to ladaai hai । baba ek taraph mein abhool banaate hain, maaya doosre taraph mein achhe-achhe mahaarthiyon ko bhi naak se pakad leti hai । unko pata bhi nahin padta hai ki ham koi bhool karte hain । baba baithkar bachchon ko kehte hain ki kabhi bhi kahaan bhi ho, koi bhi bhool karo to maaphi maango । koi bhool karte hain to angreji mein kehte hain - aai beg your paardan । jiski bhool karte hain, abhi samjho shivbaaba ki koi bhool karte hain aur shivbaaba kehte hain ki tumhaari bhool hai, bhool bataate hain na । phir kya kehna chaahiye? aai em sorry । aai beg your paardan । yaani ham tumhaari kshama chaahte hain । to unko bhi vo phajeelat nahin rehti hai ki ham koi bhool karte hain, kadi-kadi bhool karte hain to ham phir shivbaaba ko kahen ki aai em sorry baba, hamaare se bhool ho gai, aai beg your paardan ।.....vo bhi abhi talak bahut achhe-achhe bachchon mein phajeelat na rahi hai । apan ko miyaan mitthu hi samajhte rehte hain । baap bhool dikhlaave to bhi nahin samjhe । to dekho vo bhi to chadh jaata hai । phir baap kehte hain punya aatma banna hai na । paap karte ho to kshama le lo, nahin to multiplication hoti jaaegi aur phir hoti rehti bhi hai । isliye baba kehte hain ek to buddhi ka yog baap ke saath bilkul achha chaahiye । murli chalaane vaale, bhaashan karne vaale koi kam hain kya! bahut achhe-achhe bhaashan karte hain; parantu aise bhi to nahin hai ki koi sampoorn ya paripoorna ban gaya hai । ham ant tak girte-sambhalte rahenge । samjho ki inse bhi bhool hoti hai, ye to jhat kahenge - baba, mere se ye bhool ho gai, aap kshama karo । kshama to sab mogte hi rehte hain । baap se kshama kehte rahtehain na ki merciful । hamko kshama karo, mere se paap ho gaya hai । saara din bhaktimaarga mein kshama-kshama karte hi rehte hain । kshama karo baba, hamaare se paap bahut hote hain । kisko kehte hain kshama karo? baap ko kehte hain ki baba, kshama karo । kya kshama karo? phir hamko dharmaraaj dvaara danda nahin khilaana । aai beg your paardan, ham kshama chaahte hain । to isliye khabardaari bahut chaahiye । yeh mat koi samjhe ki ham koi 16 kala sampoorn ban gae hain । na meethe bachche, abhi to time hai; kyonki ye bhi khud kehte hain na ki bahut bhoolen aati hain । bachche aa karke report karte hain baba, hamko sapna laga tha । dekho, girne ki kitni baat hai । svapna aate hain, phalaana aate hain, baithe-baithe; aapko yaad karte hain to mujhe yaad nahin aati hai । baba, jo kabhi bhi hamko ashuddha sapne nahin aae, vo aate rehte hain । to bachchon ko kah deta hoon sabse number one main hoon kyonki toofaan ke aage number one ye hai । shivbaaba bhi kehte hain bachche, aage to ye number one hai na । chaahe to inse poochho ki inka maaya kitna saamna karti hai । to baap bataaenge - oph! kabhi-kabhi aise-aise svapna, phalaane khayaalaat aate hain, chaar-chaar, paanch-paanch ghanta neend nahin aati hai, na yaad bhi aati hai । dekho, baba apna anubhav bhi bataate rehte hain na । jaagte ho phir wonder khaate hain - haan, ye to maaya ka pharja hai । zaroor hamaare bachchon ko bhi aise pachhaadti hogi । phir bachche likhte hain to baba kehte hain ki tum poochho mere se to main tumko sab raay doonga; kyonki baba to ye karma karte hain na । baba to hai hi karmaateet avastha vaala, vo sikhlaate rehte hain phir kya karo । ye to aaenge, tum kitna bhi bolenge, jitna roostam banenge itna toofaan aaenge । roostam jo banega vo bataaenge to sahi na । koi bhi aakar mere se poochho, main boloonga - jo tumko hota hai main paas karta hoon । jo kuchh bhi tumhaare ko poochhna hai mere se aakar poochho, main to bataane vaala hoon na । main koi chhipta nahin hoon na । chhipaakar nahin rakhte hain; kyonki sabko sach bataana to hai na, apan ko miyaan mitthu to nahin samajhna hai ki ham koi paripoorna 16 kala ho gae । baba kehte hain ham 16 kala sampoorn banenge । are, abhi to samay hai । abhi to bahut grahan laga hua hai । bahut hi aise aate hain jinka sang lagta hai । kitne gande-gande bhi manushya aate hain । yahaan to jab samay aa jaaega na to tum yahaan baithe-baithe pata nahin kahaan aape hi udte jaaenge । phir yahaan se tumko utaarna padega । dekhenge ki sweet hom jaate hain । aatma ko khainch hoti hai na । vaapas jaana hai na । to aatur hain bahut । aadha kalpa ka thaka hua kitne aatur hain - jaaoon-jaaoon । are, par laayak bano to jaau na । naalaayak kaise pad pa saken! koi naalaayak mahaaraani banengi? akhaani bhi hai ek raaja gaya, ek....le aaya, unko kapda pahnaaya । vo mutthi ko achha bhi nahin laga । vo raaja ko hi tang kar diya । bola - chalo, main phir tumko tumhaare ghar mein chhod aau । vo bichaari gai to sukhi ho gai । aise yahaan bhi hota hai na । dekho, yahaan vaikuntha ki baadshaahi mil rahi hai, vo chhod karke phir vahaan ja karke sukh anubhav karte hain । yahaan to mujhe bahut sukh hai, vahaan to kuchh nahin hai । kya hai vahaan? vahaan dekho, vikh to number one mein milta hai na । phir vilaayat mein jaana hai, jevar pahanna hai, ye karna hai, vo karna hai, dekho unko vo sukh samajh rahe hain । ye to dekhte ho ki ye hona hai zaroor । barobar jaate hain unse poochho । haan, koi vahaan duhkhi hoti hai, bolti hai - mainne naahak chhoda । to baba kehte hain - achha! ....phir bhi aa jaao । baba thode hi kehte hain ki nahin । bhale tumne kaala munh kiya, naam badnaam kiya, achha phir bhi kuchh himmat rakho, kuchh seekho । baba kehte hain, jo apkaar karte hain unke oopar bhi upkaar karo; parantu samajh rakh karke, aise nahin ki upkaar kare to phir aur hi aa karke mattha kharaab kar deve । aise bhi bahut hain, jinke oopar upkaar karo to aur hi tang kar dete hain; kyonki jo gire hain na, jo gande bane hain vo gandaapna bada mushkil phir dhoya jaata hai । to ye bachche samajh gae hain barobar ki maaya giraati hai, baba uthaate rehte hain kadam-kadam par, ghadi-ghadi, kyonki manzil hai badi oonchi aur hai saari buddhiyog ki yaatra । koi paidal jaane ki to nahin hai, hai bhi badi najdeek । purushaartha bahut time leta hai । najdeek to theek hai । em-object jisko lakshya kaha jaata hai, vo lakshya to bilkul sahaj hai na । lakshya to kehta hai ki tum ek second mein jeevanmukti ke adhikaari ban jaate ho । jab mar karke ek dapha baba kaha phir us baba ko bhoolte kyon ho? baba jisko kaha ki baba, ham aapse svarga ka varsa lete hain, phir girte hi kyon ho? sambhalti kyon nahin ho yaani yaad kyon nahin karti ho? bhoolti kyon ho? to bhool jaate hain sab baba ko । achhe-achhe, bade-bade bhool jaate hain । phir dekho, unse aur hi disservice bhi hoti hai, kyonki ye sabhi gupta hai na । service bhi gupta hai to disservice bhi gupta hai । manushyon bichaaron ko ya duniya kya jaanti hain ki ye kya kar rahe hain, ye to ham bachche hi jaanen । dekhte ho, bahut bachchiyaan centre mein jaati hain to service bhi karti hain । koi-koi mein bhoot ka pravesh hoga । phir koi bhi- kaam ka, krodh ka, lobh ka, moh ka ya ashuddha soul ka, sab aate hain । phir dekho, vo kitna nuksaan kar deti hai । ashuddha soul bhi aati hai । vo bhi nahin chhodti hai । ashuddha soul samajhte ho na! bhatki hui maayaavi aatma । phir pravesh kar leti hai । vo bhi bahut hi mattha kharaab kar deti hai । bahuton mein aa jaati hai, parantu sabmen to nahin kahenge na । bahut hi dhyaan mein jaane vaali bachchiyaan hain । badi achhi rehti hain । dhyaan mein bhi jaati hai । unmein gyaan bhi hai । phir bhi aise thode hi kahenge ki vo paripoorna hai । koi na koi phir khaamiyaan rehti hai । maaya chhodti nahin hai, kahaan-kahaan giraati zaroor hai aur bachchon ko baap ko yaad karke sambhalna hai aur dar rakhna hai - ham baba ke hain, baba ne kah diya hai ki bachche, agar tumne hamaari shreemat ke viruddha koi bhi bhrashta kaam kiya....to phir tumhaara pad bhi bhrashta hoga aur sajaaen bhi bahut khaaenge । aise mat samjho ki koi yahaan bhi saja nahin mil sakti hai । yahaan bhi karma ka kada phal bhog sakte hain । isliye yahaan ke liye ya phir vahaan ke liye karmaateet avastha mein rahne ka purushaartha karna hai aur baap ke saath bada sachcha rehna hai । har ek baat mein sachcha rehna hai; kyonki tumhaara sabka hai hi connection shivbaaba se । ye sabhi shivbaaba ke centres hain na । koi kah dete hain ye centre mera hai । are, tumhaara centre kahaan se aaya! tum hi saara ho shivbaaba ka । tumne apna tan-man-dhan sab kuchh baba ko de diya hai । jab kehte ho ki baba mera hai aur ye baba ke centre hain, sabhi ke oopar baba ka naam hai । ye shivbaaba ka vishvavidyaalay hai । kiska vishvavidyaalay? vishvavidyaalay ka to baap hi rehta hai na । eeshvareey vishvavidyaalay ye shivbaaba ka vidyaalay hai । mera hai aisa kaha ye mara । shivbaaba ke liye kahkar phir kehte ho mera । mera-mera kahkar usmein bhi kitne bachche gir padte hain । jabki kehte hain evri thing shivbaaba ka । tum to abhi kehte ho ki baba, hamaara abhi ka tanmandhan tumhaara hai । phir baba kehte hain - bachche, meri 21 janma ki svarga ki raajdhaani phir tumhaari hai । dekho, kitna evja milta hai! do mutthi chane ka aur mahal lo । tum dete kya ho! is samay mein tum marne vaale ho na । tum sab marte ho । jo achhe samajh hote hain, marne ke pahle hi unse karneeghor ko daan kara dete hain । mar gaya, peechhe daan karega to vo kya kaam ka! to jeete ji, asul rivaaj tha ki jab dekhte the ki ye hopeless case hai to usi samay uski thaali se nikaal dete the । bhale koi ji uthe, aise to ji bhi uthte hain na, usi samay mein thaali le karke unko sab kuchh karaay dete hain । jeete ji kare na । peechhe unko kya milega? to baap yahaan kehte hain - bachche, jeete ji jo tumhaara thikkar-thaur, paai-paisa hai sab svaaha kar do । kya hai tumhaara? shareer to dekho baas aati hai, challiyo lagi padi hui hain । yog lagaati hain । vahaan to ganga mein jaate hain to vahaan thode hi koi gyaan rakha hai । vo sanyaasi khud kehte hain ham shareer ko saaph karne jaate hain, shuddh karte hain । baap to kehte hain, dekho tumhaara shuddh kaise hota hai- tum mere ko yaad karte ho to tumhaari aatma aur shareer, donon shuddh hote jaate hai । dono ikatthe dhote rehte hain । vo bhi shuddh hota jaata hai to vo bhi shuddh hota jaata hai । shuddh karna hai aatma ko । aatma apvitra ban gai hai na usko pavitra banaana hai । part bajaate-bajaate aatma patit ban gai hai unko paavan banaana hai - seedhi-seedhi baat । kaise banegi? mere saath yog rakho । yog na rakhenge to girenge । yog rakhenge to chadhti kala hai, girte rahenge to utarti kala । yahaan bhi tum apni kala ko sambhaalte raho । apna chart rakho aur achhi tarah se service karo । bachchon ko service ka shauk chaahiye । service ke liye tum poochhegi kya ki baba, ham service par jaave? buddhu ho tum । ham kahenge ki nahin jaao ! phir poochhte kyon ho? ye to tumhaara svadharma hai ki hamko service par jaana hai । jo poochhta hai na to baba jhat samajh jaate hain ki unko service ka shauk nahin hai । isme poochhne ki koi baat hi nahin rehti hai । to service ka bhi shauk hona chaahiye har baat mein । peechhe mansa vaacha karmana । man se yaad nahin kar sakte hain to phir vaacha, vaacha nahin kar sakte hain to bhala karmana, koi bhi service ko lag jaana chaahiye । tab service ka ujoora milega, nahin to thode hi mil sakta hai । hamaare paas kai achhe-achhe bachche hain, bachchon ko dekh karke badi khushi hoti hai । bas aape hi karte rehte hain । kisko kaho to bhi kabhi nahin karenge, yahaan-vahaan pata karke idhar se chale jaaenge । aise bhi to bachche hain na । agyaan kaal mein bhi aise hote hain । koi to mo-baap ke sapoot bachche hote hain । unko kaho to jhat kahenge - haan mama haan baba, ye le aae aur koi ko kaho to yahaan se niklega aur doosre darvaaje se khelne chale jaaenge । yahaan bhi to baba ke paas hain na । jo aape hi kare vo devta hai, kahne se kare vo manushya, jo kahne se bhi na kare unko kya kahenge? baba ne samjha diya usko kahenge bhook-basar । basar ka bhook, jo phenka jaata hai । aisa gaayan hai । bachchon ko to aape hi service karneechaahie । samajhte hain ham jitni baba ki service karenge itna hamko bahut kuchh milna hai । inmen koi poochhne ki hai nahin । jo mile, mansa hai to mansa vaacha hai to vaacha, karmana hai to karmana, jo kuchh kar sako so aape hi karo to devta । nahin to ye kitne bachchon ko kahaan tak kehte rahenge । har ek ko apna kalyaan aape hi karna hai । direction milte rehte hain । kismen koi bhool-chook hoti hai ya mattha kharaab hota hai ya koi raay poochhni hai to shivbaaba care brahma । bas, tum likhengi aur jhat chitthi padhegi aur jhat shivbaaba ke oopar । ham thode hi intarphiyar karenge । ye to shivbaaba ke naam par hai । to shivbaaba jhat aakar unko chitthi likh denge ki ye karo, ye karo । likhte to hain na । shivbaaba kehte hain, mere ko haath hain? is samay mein ye kiske haath hain? baithe hue hain na । haan, par aise thode hi hai ki bail par koi saara din savaari hogi । saare din savaari ho to bail ki....aakhon se....... । tumne bail dekha hai na, bahut mehnat karta hai to aankhommen jal dekhengi । ghodaagaadi jo bhi bahut hote hain na, to bichaare thakte honge । jaise ki bichaare hairaan hote hain, rote hai, parantu inko to rona nahin hai, inko to service karni hai baba ke arth । bhale aave, bachchon ko samjhaave । to ye samjha rahe hain na । ye kehte hain na maamekam mujh apne baap ko yaad karo । ab iski aatma to nahin kahegi ki mujh apne baap ko yaad karo । baap kehte hain ki inki bhi aatma sunti hai ki mujh apne baap ko yaad karo, tum sab bhi unko yaad karo aur jo main dhaarna karaata hoon koi difficult nahin hai । bilkul hi sahaj hai । har ek manushya samajh sakte hain । behad ka baap hai hi nai duniya svarga ka rachne vaala । vo hai hi svarga । to baba jab aate hain to barobar zaroor svarga ki sthaapnaaen, narka ka vinaash karaate hain । mahaamaari mahaabhaarat ladaai lagi thi to barobar raajayog seekh rahe the । to raajayog seekhne ke liye phir anek dharmon ki saphaai to chaahiye na । barobar mahaabhaari mahaabhaarat ladaai mein yaadav kaurav paandav kya karat bhae? yaadav mar gae, kaurav mar gae, paandavon ko svaraajya mila । ye to bilkul sahaj baat hai samajhne ki । to barobar baap jab aate hain jabki mahaabhaarat ki ladaai saamne hai aur baithkar koi samjhaate hain ki ye yaadav, ye kaurav aur ye paandav baithe hain । apne ko koi paandav kehte hain, buddhi mein bhi nahin aaega ki paandav naam kiska hota hai । tum pande bachche jaante ho aur jaante ho ki hamko jaana hai vaapas, abhi khel poora hua । baba aaya hai lene ke liye । abhi to hamko baba ko yaad karna hai । vikarma bahut hain । agar ham baba ko yaad na karenge to vikarma chhootega nahin, ham mahaaraani ban nahin sakengi । baba to kehte hain - chalo, ham tumko mahaaraani banaaoon । raajayog hai, inko prajaayog to nahin kaha jaata hai, parantu raajayog ke saath praja hai zaroor । yog nahin hai praja ka । yog poora na rakhe to praja ban jaati hai । dekho, hai raajayog । baba bolte hain ki main tumko mahaaraani-mahaaraaja hi naam rakhta hoon । chhota kyon? so bhi sooryavanshi । dekho, sabhi haath bhi uthaate hain - baba, ham poora varsa lenge । poora varsa lena ho to apni service ka shauk dikhlaao । baba se bhale poochhte raho shivbaaba kear brahma । chitthi likhkar poochho mera kya pad hoga is samay agar mar jaaoon to? baba bataae denge । vo to samajh lena chaahiye paripoorna to nahin bana hai । paripoorna to ant mein banenge । karmaateet avastha to ant mein aaegi । tum abhi poochhte ho । poochhne ki darkaar hi kya hai? apoorna to zaroor ho । isme poochhne ki darkaar hi nahin rehti hai । apni avastha ko jaanch karte raho ki ham kitni baba ki service mein hai? kitna ham beloved most baba ko yaad karte hain? kitne unke aagyaakaari hain? kitne vaphaadaar hain? kitni service ka shauk hai? bas, tadapta hai ki koi ko jaakar jeey daan deve । bachchon ko to tadapna chaahiye na ki ham jaave, bichaare bahut duhkhi hain । ham to jaise ki sukhi ban gae, auron ko bhi raasta dikhaaven । ye bichaare bahut andhe hain । ye bhaktimaarga vaale guruon ne inki to satyaanaash kar di hai । bichaare bas andhashraddha mein samajhte hain ki ye guru hamko sadgati ko pahuchaaenge । dekhte ho ki mujhe saath mein le jaane ke badle khud chala gaya, jaakar doosra janma liya । phir kya karen? guru to mar gaya । abhi chalo, guru ka jo phir gaddi vaala hai vahi guru sahi । achha, vo bhi agar koi kaaran se mar gaya । bahut bigadte bhi hain, aapas mein ladte bhi hain । peechhe guru bhi do-teen ekdo ka ho jaate hain । dekho, shankaraachaarya abhi kitne hain । kitne vo aapas mein lade hain । to koi ko kya tukda mila, koi ko kya mila । hissa ho gaya । to gurooon ka ye haal hai na । ye to ek hi guru । ye to aaye hai vaapas shantidham aur sukhdhaam le jaane ke liye । aise to kabhi koi kahenge? nahin । vo to kahne maatra guru hain । .............. parantu vo log apne ko jagatpita kahenge? nahin । jagatshikshak kahenge? vo bhi nahin kahenge । sirf jagatguru apne ko samajhte hain । ye to dekho, jagat ka baba, jagat ka shikshak, jagat ka guru ek hai । ye to wonder hai na । ye samjhaao sab bachchon ko । kitni achhi-achhi baat hai, manushya nahin ho sakte hain । koi bhi guru ho ya koi bhi bada aadmi ho, ho nahin sakte hain । tum jaante ho ki ye hamaara baba bhi, tvamev maataashcha pitaashcha bandhu vo to zaroor kabhi aaya hoga na jo hamko aise roop mein phir milega । tabhi to gaate hain na । to abhi mila hai barobar । ham aadha kalpa bhaktimaarga mein jisko yaad karte the - tvamev maataashcha pita, tum maat-pita ham baalak tere, O parampita paramatma! aao raham karo, duhkh bahut hai । to vo aae hai na । abhi jaante ho na, na jaante ho to tumhaare oopar.......jaante hue phir unse poora varsa lo । gaphalte bahut achhi nahin hai । deh-abhimaan bahut achha nahin hai । dehi-abhimaani ban karke aur nirantar baap ko yaad karo । yaad karne se dekho, kitni shanti milti hai aur nirogi kaaya banti hai । sirf shanti se kya hota hai? nirogi kaaya, shant । abhi aise nahin ki vahaan koi dhamchakkar hota hai, jo manushya koi ashaant ho, na vahaan hai hi shant । pavitrata bhi hai, to shanti bhi hai, to sukh bhi hai, to sampatti bhi hai । yahaan kuchh bhi nahin hai । sampatti vahaan dekho kitni hai! athaah hai । yahaan to dekho kya ho raha hai abhi! anna ke liye maara-maari, pet ke liye maara-maari, vikh ke liye maara-maari, sab in baaton ke liye maaraamaari । krodh ke liye maara-maari । moh ke liye maara-maari । baap aae hain, bolte hain abhi moh chhodo । ant kaal me jojo simregi vo phir tumko janma zaroor lena padega । maante hi nahin hain, phir bhi maama ko, kaaka ko, baba ko, potre ko, dhotre ko, phalaane ko, koi na koi bandari ke muaaphik apna bandar nahin hai to doosre ka le lete hain aur ye bolte hain are, ek hi shivbaaba tumhaare liye kalyaankaari hai । vo to tumhaari itni seva karenge tumko vahaan ekdam 21 janma ke liye abhi se var de denge । shivbaalak var de dega ki tum 21 janma ke liye......to baap bhi var dete hain aur bachcha bhi var dete hain । hai to yahaan var ki baat na, parantu hai samajhne ki aur gareebo ke liye to ek season hai । usmein bhi maataaon ke liye to badi season hai । maataaon ke liye to bahut hi sahaj hai । baap aae hi hain maataaon ko uthaane ke liye । to maataaon ko service par achhi tarah se chalna chaahiye । aise kehte hain na ki jaise main service karungi, mujhe dekhkar aur bhi karne lag padenge । jo service nahin karenge vo mere koi sapoot bachche thode hi hain । vo to chhi:-chheeh hain । haan, baahar se unko jeey daan rahne ke liye dete rehte hain । nahin to koi service na kare to vo kya karenge! shakti sena agar shankh na bajaave to kya kaam ki? to bachchon ko shankh dhvani karni hai । baba shankh dhvani karne ke liye maataaon ke liye bahut samjhaae hain । dekho, mathura mein ek kaali maata hai । kya naam hai? mathura mein ek devi thi na, jo dilli mein bhandaare mein thi । raajkumaari । dekho, achhi-achhi jinmen ummeed hai ye service karengi, vo ja karke kahaan na kahaan khitpit me pad jaati hain aur vo bichaari badi service kar rahi hai । bada unka naam baala hai । to dekho, unko service ka kitna shauk hai । aur itni badi service na kar sake । to tum bachchon ko service ka bahut shauk chaahiye aur kuchh bhi sahan karke । baba purushon ko likhte hain na - are bhaai, tum koi rakh karke in apni yugal ko chhod do, thodi service karke aave । agar in bigar tumko koi takleeph hoti hai to ham tumko khud bhi kehte hain, tumko 50-60 rupaye naukar ke liye de dete hain, aap inko do-teen maheene ke liye chhutti de do । abhi inko bhejo ye ja karke maataaon ki jeevan banaaengi, ye kaudi se heera banaaegi, kaanton se phool banaaengi । abhi ye bahut eeshvar ki service mein hain । agar tumko koi takleeph na ho to koi aaya rakh do, koi maai rakh do, koi buddhi rakh do, koi chaachi maami naani mangaakar rakh do, inko chhutti de do । jitna tumko takleeph ho ham paisa dene ke liye taiyaar hain । baba aise karte hain na । ....abhi maataaon ko uthaana hai na । purushon ko kya karna hai? inke saamne graahak le aana hai ki sveekaar karo । kaali maata ke oopar sabhi le jaate hain na ki maai, inko sveekaar karo । brahman kya karte hain? braahman jigyaasu ko le aa karke kehte hain - jaao, kaali maata ke aage jaao । to inko bhi ye karna hai । ye sabhi kaali maataaai hain na । ek thode hi hain । shakti sena hai na । tum sabhi ho to kaali maataaen na । tumhaara phir ye head hai mukhya, jisko mama kehte ho । baaki ho to tum bhi kaali ke bachche kaali, bali lene vaale । to dekho, kaaliyon ka, maataaon ka martaba hai na । phir vo jagdamba se aur kaali se poora samajhte nahin hain । jagdamba ko kya diya hai aur unko kya । dekho kitna pharka kar diya hai । hai koi samajh! tum aise samjhengi ki kya hai । ye vidvaan aachaarya pandit, in shaastron mein paai ki bhi samajh nahin hai bilkul, isliye peneeles hain । kaudi tulya ho gae hain । kuchh bhi akla nahin ki kaali kya hai, durga kya hai, jagdamba kya hai, ye shiv kya cheej hai? dekho, manushya hokar bhi kuchh pata nahin hai । jaanvar hove to bole, bhai achha theek hai । itna moorkha buddhi banne se ekdam kangaal ban gae hai । jo moorkha manushya hote hain na vo divaala hi nikaalte hain । abhi bhaarat ka jo bhi aasuri sampradaay hai, badi moorkha hai, devaala nikaal diya hai bilkul hi ekdam । achha, toli khilaao bachchon ko । ....ghadi-ghadi sambhalna hai । maaya ki chot lagti rahegi khoob achhi tarah se ।aise mat samjho ki koi ko na lagti hogi । baba to khud kehte hain ki mere ko to bahut lagti hai । tum sabse mere ko chot bahut lagti hai, parantu sambhaalta rehta hoon । bachchon ko bataata hoon ।....ham to janma-janmaantar maama kaaka baba chaacha.. bahut yaad kiya । baba kehte hain, in sabko bhoolte jaao, mere ko yaad karo to main tumko bahut ooncha var doonga । agar mere ko chhod karke sabko yaad karte rahenge to phir main tumhaara nahin hoon tumhaare doosre hain । tum jaano aur tumhaare doosre mitra-sambandhi jaanen । saaph kah dete hain ki jabki tum mere nahin ho to main tumhaara kaise ban sakta hoon? tumhaare kaaka maama chaacha baba hain । mujhe to tumne guarantee ki thi ki baba, mera to ek aap, doosra na koi yaani doosra koi bhi maama chaacha baba nahin, sirf aap । phir dekho, maaya kitni hai, vahaan se buddhiyog jutaay karke thonk deti hai to pad bhrashta ho jaata hai । baap to bahut achhi raay dete hain, parantu unki takdeer mein na hoga to phir baap kare so kare kya? baap bhi shreemat denge, koi laathi to nahin maarenge । baap\ kehte hain, samajhte ho shivbaaba ki baaten hai? 5000 varsha ke baad phir se aakar mile ho aur aaya hua hoon tumko gulgul karke.....kaise? meri yaad mein raho to tum gulgul ho jaaengi aur laayak banengi । agar doosre ke saath buddhiyog hoga to phir gulgul nahin hongi, laayak nahin banengi, mahaaraani nahin banengi । main aaya hoon tumko mahaaraani banaane ke liye । phir tumko jo chaahiye so bano । aaya hua hoon tumko raajayog sikhlaane । aise nahin kehta hoon ki tum prajaayog seekho । raajayog seekho । phir na yaad karengi to jaakar praja banengi । seedhi-seedhi baat । tumne janma-janmaantar, 63 janma guarantee ki hai ki aap jab aaenge to ham vaari jaaenge । mere to aap banenge, doosra koi nahin aur barobar jab tum mere paas the tumhaara koi nahin tha, tum mere the । peechhe ja karke ke bane.... । abhi phir main kehta hoon ki tumko lene aaya hoon phir mere bano, to main tumko saath mein le jaaooga, kyonki mere ko yaad karne se tum pavitra banenge । doosre ko yaad karenge to apvitra banenge । abhi seedhi baat kehta hoon na ki mere ko yaad karte rahne se tum pavitra bante jaaenge, tumhaara vikarma vinaash hoga । doosre ko yaad karne se tumhaara vikarma...hoga, kyonki guarantee karke ki baba, tera hoon aur phir doosre ko yaad karte ho, to aur sau guna vikarma banega । baapdaada ka meethe-meethe sikeeldhe bachchon prati yaadapyaar aur good morning ।

..phir doosre ko to nahin yaad karna pade । jitna ho sake itna, kam se kam ek ghadi to yaad karni hogi । so bhi unko bahut mushkil hai । phir usko purushaartha karte-karte, ye bhi purushaartha karte-karte, ant mein aa karke sachchi yaad rah jaati hai । dekho kitna ka munh dekhna padta hai । aage to ek do point bachi hai । abhi tum bachche kitne ho, ghadi-ghadi bolte ho ki baba chitthi likho । main tumko chitthi liye ya main baba ke saath yog lagaau? tumko chitthi likhoonga to hamko tum yaad rahenge । phir hamko kya karna padta hai? baba ban karke chitthi likhaaoonga ।......