सोमवार 21 सितंबर 1964 की साकार मुरली - 2

> >

21-09-1964 madhuban aabu praatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj somvaar septembar ki ikkees taareekh hai, praatah class mein baapdaada ki murli sunte hain।

record :-

bholenaath se niraala, gaureenaath se niraala koi aur nahin…

omshaanti! bachchon ne geet suna । kaun-se bachchon ne? prajaapita brahmaakumaar aur kumaariyon ne geet suna; kyonki baap to kehte hain ki main brahmaakumaar aur kumaariyon ke aage hi ye gyaan sunaata hoon, kyonki bachche jaante hain ki koi bhi shoodra kumaar va kumaari va raavan kumaar va kumaari yahaan nahin baith sakte hain । law nahin kehta hai, kyonki naam hi pada hua hai brahmaakumaar aur kumaari । brahmaakumaar aur kumaari maana hi prajaapita brahma ki santaan । brahmaakumaar aur kumaariyaan jaante hain ki hamaare brahma baba ka baba to shiv hai aur phir ham aatmaon ka baap to shivbaaba hai hi । baap baithkar samjhaate hain, jiske liye ye geet suna ki bhaarat ki bigdi ko banaane vaala hai । abhi bhaarat ki bigdi ko banaana hai । bhaarat ki bigdi kyon hai? bhaarat heere jaisa tha । bhaarat bahut hi praacheen sukhdhaam tha; kyonki nai duniya mein, nae bhaarat mein nae devi-devtaaon ka raajya tha aur barobar bhaarat heere jaisa tha । to bhaarat ki abhi bigdi hui hai । bhaarat ki bigdi banaane vaala, bigdi ko sudhaarne vaala aur bigaadne vaala ye sivaay tum braahmanon ke aur koi jaan nahin sakte hain । barobar bhaarat bahut oonch tha, ab bhaarat bahut neech hai । raajdhaani thi । aise koi bhi doosre dharma ke liye nahin kahenge ki ye bahut hi oonch tha । kya oonch tha? koi bhi baadshaahi to thi nahin । pahle-pahle hi satayug mein bhaarat ki baadshaahi thi । srishti ke aadi mein hi bhaarat ki baadshaahi thi; kyonki koi bhi dharma sthaapan karne vaale ki aadi mein koi baadshaahi hoti hi nahin hai । kabhi bhi koi sthaapna karne se koi ki baadshaahi nahin hoti hai । ye to baadshaahi sthaapan karte hain sagam mein, kyonki jo baadshaahi gumaai hui hai, phir sthaapan karte hain । isliye kaha jaata hai ki phir se bigdi banaane vaala baap aaya hai । satayug ke baad phir ye to zaroor hai ki treta-dvaapar aur kaliyug to aana hi hai । to sabki bigdi banni hi hai, kyonki bachchon ko samjhaaya gaya hai ki sab dharmo mein aapas mein hangaamen bahut hain । dekho, cheeniyon ka aapas mein, jo bhi buddha vaale hain – barma cheen jaapaan bhootaan sab taraph jahaan bhi bauddhi dharma hain, ye sab aapas mein ladte hain । Christian aapas mein ladte hain । islaami vaale kaale log aapas mein ladte hain । sab aapas mein ladte hi ladte hain aur anek dharma bhi hain । to abhi sabhi anek dharmo ki bhi bigdi hui hai । is samay mein kai tamopradhaan avastha mein hain, jadajdeebhoot avastha mein hai yaani koi bhi haalat mein sabko uthal khaana hi hai । is samay mein sabko tamopradhaan banna hi hai । jabki tamopradhaan raavan bana hi dete hain to phir raavan ki bigdi ko raam aa karke banaate hain । abhi tum bachche jaante ho ki raam kisko kaha jaata hai maana shiv ke gale ki maala । rudra aur shiv mein koi pharka nahin hai । iska naam hi hai rudra maala aur sab dharma vaale jaap zaroor karte hain । kyon? sabhi dharma vaalon ka sadgati daata rudra maana shiv hai; parantu ek ho gaya na । zaroor koi saathi bhi to honge । to phir rudra ki maala bahut service karti hai । yaad rakhna tum bachchon ko bahut service karni hai । tumhaari bahut pooja hoti hai । rudra yagya bhi rachte hain, parantu unse bhi jaasti tumhaari pooja hoti hai । vo to rachte hain bhaarat mein, parantu saari duniya mein; kyonki tum saari duniya ko paavan banaane mein sarvashaktivaan se madad lekar saari srishti ko paavan banaati ho । to phir saari srishti ko poojna chaahiye tum bachchon ko । baba ne us din samjhaaya ki…baap hai bada ।...rudra ka bada bhi banaate hain mitti ka aur chhote bhi banaate hain । use shiv ya rudra hi kahenge; kyonki naam hai rudra yagya । usko rudra gyaan yagya nahin kahenge, rudra yagya kahenge । inki pooja hoti hai; kyonki service karte hain । baap ne samjhaaya tha ki bhaarat mein to rudra yagya rachte hain aur mitti ke banaakar bahut pooja karte hain । laakhon ka pooja karte hain । achha, maala jo banti hai vo hai phir ananya ki । usmein to jitna bhi chaahe itna banaaven, parantu rudra maala phir gaai hui hai 8,108,16108 । inhonne madad ki thi । madad to bahuton ne ki; parantu jo bahut madad karenge vo hi to najdeek vaale honge na । tum achhi tarah se jaante ho ki ham purushaartha hi yeh karte hain ki rudra ki maala mein najdeek pahunche । kaise? yaad se, jisko phir yog kah dete hain । isko bahut sahaj bhi kehte hain, kyonki bachche ke liye baap ko yaad karna bada hi sahaj hota hai । dekho, janma se hi baba-mama vo seekhte hi jaate hain । automatically bhi vo log seekhte hi jaate hai । to dekho, baba-mama ke to aa karke bachche bane ho achhi tarah se । abhi kehte bhi ho tum maat-pita..... । vo to gaate rehte the, samajh nahin sakte the; parantu ye zaroor hai ki tum maat-pita zaroor niraakaar ko hi gaate the । tum jaante ho ki ham un maat-pita ke sammukh baithe hue hain । ek maat-pita ke tum sanmukh baithe hue ho aur tum jaante ho ki barobar vo maat-pita baithkar hamko raajaai praapta karne ke liye shiksha dete hain । yoon to raaja ko shiksha dena chaahiye raaja banaane ki, barrister ko shiksha dena hai barrister banaane ki, engineer ko shiksha deni hai engineer banaane ki, kyonki vo engineer khud hai, parantu yahaan to vandarphul baat hai । parampita paramatma, jo gyaan ka saagar hai, jisko hi sarvashaktivaan bhi kaha jaata hai । sarvashaktivaan to aur koi ko bhi nahin kahenge । usko angreji mein kehte hain world almighty authority । authority ke liye angreji samjhaaya hai ki vo gyaan ka saagar hai । sabhi vedo granthon, shaastron upnishdo vagairah-vagairah jo bhi hain na, un sabko vo jaante hain । hai niraakaar; parantu niraakaar ko hi kaha jaata hai gyaan ka saagar । angreji mein kaha jaata hai knowledgeful । phir uske pichhaadi mein kehte hain blissful merciful yaani sabke oopar sarvo daya karne vaala । raham bhi kehte hain, daya bhi kehte hain । sarva par daya karna । sarva par kahaan tak? saari srishti par; kyonki saari srishti tamopradhaan bani hai । paanch tatvon ke oopar bhi daya. kyonki paanch tatva bhi satopradhaan ban jaane vaale hain, jo abhi tamopradhaan hain । iske liye inko kaha jaata hai behad sarvo daya ka maalik । nahin to jo sarvodaya-sarvodaya kehte hain, vo bichaare in baat se kya jaanen ki tatva bhi satopradhaan banne hain । to drama mein ye noondh hai ki barobar jab baap aate hain to jo ye tamoguni ban gae hain vo satopradhaan bante hain । dekho, kitne...vagairah ye sab hote hain । nuksaan to hota hai na । to bolta hai ki sabke oopar daya karte hain, jo abhi bigadti hai । dekho, bhaarat ki kitni bigaadte hain । bahut toofaan, bahut barsaat ho karke kitnon ko dubaay dete hain, tang karte hain na । to bachche samajhte hain ki vahaan paani ke tatva bhi tamoguni nahin hote hain । satopradhaan hote hain । kabhi bhi vahaan mood vagairah nahin hoti hai । to ye bigdi ko banaane vaala kaun? ye to bachche abhi jaante hain ki world almighty kaha jaata hai । achha, jab world almighty baap hai to dekho world almighty raajya sthaapan karte hain । khud raaja-mahaaraaja nahin hai, khud to niraakaar hai । usko nahin kahenge ki koi mahaaraaja hai ya vishwa ka rachne vaala hai aur uske oopar raajya karne vaala hai । nahin, tumhaare se ye raajaai rachaate hain । karan-karaavanhaar hai na । tumhaare se phir ye svaraajya ki, devi-devta raajya ki sthaapna karaate hain । hamesha karaate hi rehte hain, karte hain nahin kahenge । tum jaante ho ki abhi almighty jo hai vo almighty raajya hi sthaapan karvaate hain । tum barobar kahlaaenge ki ham hain world almighty authority, vishwa ke maalik । tumhaare oopar aur koi ki bhi authority nahin chalti hai । koi bhi aa karke tumhaare oopar hukm nahin kar sakte hain । bhaarat mein koi ne aa karke hukm kiya na । musalmaan aae, angrej aae । satayug mein ye log hote hi nahin hain to peechhe kya hai! । abhi inko hi siddha karna hai ki sarva shaastra mai shiromni shreemad bhagvat geeta hai । angreji mein supreme kaha jaata hai । bhagvat geeta se bhagwan ne baith karke bachchon ko raajayog sikhlaaya hai । tumko ye siddha karna pade ki ye vishvavidyaalay staiblish karne vaala kaun hai । jab bhi tum vishwa vidyaalay likhte ho, english me ya hindi mein bhi likhte ho to tum neeche se bracket mein unka arth likh do ki world university, to tumko kabhi koi kuchh kah nahin sakega । tum bhale hindi me likh do vishvavidyaalay, ye hai hi barobar hindi ka akshar । vishwa vidyaalay hindi mein koi na samjhe to breket mein uska arth likh do world university । kabhi tumko koi kuchh kah nahin sakenge; kyonki aage kuchh likha hua tha; parantu vo kaaydesir na likhe hue hone ke kaaran tumko likhne nahin diya, kyonki tumko patthar to maarna hai na । bhale koi aakar kahe ki kyon likha hai? to tum samjhaaenge na । to usmein kya likhna chaahiye? hindi to aajkal common hai । hindi mein bhi likhna hai aur english mein bhi likhna hai; parantu vo jo eeshvareey vishvavidyaalay likhte ho to vishvavidyaalay ke ekdam aage bracket mein unka arth likh do - 'world university' ।........yuktiyaan chaahiye । baap tumko authority dete hain । yukti bataate hain । phir tumko koi kuchh kar nahin sakenge । likhna to zaroor pade na । phir likhna to tum bachchon ko hota hi hai ki world university kaun sthaapan kar sakenge । neeche likha hua hai staiblishda by world haivinli god father । world haivinli god father ka arth hi hai haivin sthaapan karne vaala । haivin svarga ko kaha jaata hai । ye bachchon ko samjhaate hain, bigdi to banti hai tum jaante ho ki ham manushya se devta bante hain । so to barobar manushya ki bigdi hai tab to unko devta banaate hain na । manushya ki bigdi hai maana asur hai; isliye devta bante hain । asur aur devta ki ladaai ki to baat nahin । tum asur so devta bante ho, ismen ladaai ka to prashn hi nahin uthta hai । ye jo aasuri sampradaay, jo begun hain, vo daiveegun dhaaran kar devta bante hain । baaki tum bachchon ki koi ladaai ki to baat hi nahin hai । to phir ye jo achhe-achchhepdhaane vaale hain vo phir ye vichaar-saagar-manthan karte hain । ye to tum jaante ho barobar saara madaar hai pavitrata ke oopar । ye likha bhi hua hai ki maataaon ke oopar, ablaaon ke oopar atyaachaar honge । kaahe ke atyaachaar honge? ye bhi to samajh ki baat hai na । kyon atyaachaar honge? tum dekhte ho ye ablaaon ke oopar atyaachaar hote hain, kyonki unko vikh nahin milta hai । kans jara sindhi shishupaal ye sabhi jo asur hain unko vikh nahin milta hai । gaaya hua hai ki barobar aakar amrit lete the, lete-lete phir bhi vo vikh ke shaukeen hone se phir bhi ja karke ablaaon ke oopar atyaachaar karte hain । abhi phir bhi aise hota hai । bahut bachchiyaan likhti hain- baba, kaise ham apan ko pavitra rakhen? baba ne kitni baar samjhaaya hai ki bachche, apne pati se yukti se chalo । triya charitra bhi gaaya hua hai, bahut hoshiyaari hoti hai । tum bachchon ne khel nahin dekha hai । ek triyaachritra kuchh gaaya hua hai, usmein ek khel hai, jismen raaja aur stri, vo apne ko bachaane ke liye charitra chalti hai । yaani vo to phitaarka hai, vo stri ko pasand nahin kiya, nikaal diya tha, phir stri unse baith karke aur pyaar se bachche paida karti hai, unko pata nahin padta hai । ek naatak hai । to dikhlaate hain ki triya mein charitra kitne hain । to tumko baap chaturaai bhi sikhlaate hain ki jab bhi koi maange to tum bahut bahaane kar sakti ho । phir bahut dhyaan mein, bhakti mein baith jaao । uph! mujhe baba saakshaatkaar karaate hain । kehte hain kaam shatru hai aur us par jeet pahno phir tum mahaaraani banengi । mujhe vaikuntha ka saakshaatkaar hota hai, mujhe vinaash ka saakshaatkaar hota hai । main dekhti hoon ki ye patit duniya vinaash ho rahi hai । main vaikuntha bhi dekhti hoon । dhyaan mein jaati hoon to baba kehte hain ki khabardaar! jab vikh piengi to jahannum mein chali jaaengi । main sthaapna kar raha hoon । mujhe vaikuntha bhi dikhte hain । pavitra banengi to vaikuntha ka maalik banengi । mainne to pratigya ki hai, jaise meera ne pratigya ki, vaise mujhe bhi to saakshaatkaar hota hai । aise to nahin hai ki dhindhora pitvaane ki baat hai । ye to pati aur stri ka aapas mein hai । vo baithkar unko achhi tarah se samjhaave ki main kabhi nahin kahoongi, main jahannum mein thode hi jaaoongi । tumko agar vikh chaahiye to bhale tum doosri shaadi karo । main yahaan baithi hoon । mujhe baap se apna varsa lene do । tumhaare geeta mein bhi hai na ki kaam mahaashatru hai, is par jeet pahno to tum mahaaraani banengi । mujhe svapna mein bahut bol dete hai; parantu vo kaun-si chaahiye? vo nashtomoha vaali chaahiye । aise nahin ki bas ham pavitra banengi aur sab bachchon mein moh hove aur agar vo nikaal deve to bhi unkoyaad karti rahe, bachchon ko yaad karti rahe । unka kaam nahin chalega, unki bigdi koi ban nahin sakegi । yahaan to bilkul ekdam saaph dil chaahiye; kyonki meera to kumaari thi । inke paas to bachhde bahut hain, bachche aur bachchiyaan, jinmen moh jaata hai । moh ki rag badhti hai na । nahin to dekho kanyaaen hain, sirf baap mein, bhaai mein moh hoga bhaai-bahnon mein moh hoga aur kismen moh ho sakta hai! baap mein, maa mein, behen mein, bhaai mein aur ke saath unka kya taaluk hai? ek taraph me lagta hai sirf maa-baap, bhaai-behen, jab shaadi karti hai to vo plus ho jaata hai yaani aur jaasti । badh gaya, double ho gaya । phir pati ki to aur hi baat mat poochho । phir pati mein, saasu mein, sasure mein, phir bachche paida hue to unmein kitna moh rehta hai । to vriddhi double ho jaati hai । kanyaaon mein single, to inmen double । usmein bhi number one to ho jaata hai pati ka । samjha na! to nashtomoha bhi hona chaahiye na । aise nahin hai ki phir vo nikaal deve ya chhod deve aur phir bole ki ham nahin jaaengi, phalaana nahin karengi । nahin, peechhe to svatantra ho ye samajh lenge । jaise raajaaai ghar chhodte hain to pahle guru ke paas jaate hain to dehaabhimaan todne ke liye vo saphaai aadi karaate hain, kaathi karaate hain । chaunka jalaate hain, khud to pakaate hain nahin; parantu aashram ko. .. saphaai rakhna ye karaate hain jisse unka dehaabhimaan toote । yahaan bhi to yahaan kaayda hai । kabhi bhi koi bade ghar ki aaegi to unka deh-abhimaan todne ke liye sab karaate hai । chhote ghar vaaliyon ka dehaabhimaan kya hai, vo potha to pahanti hi rehti hain, buhaari to pahanti hi rehti hain, bartan to maanjati rehti hain । jo deh-abhimaani bade gharvaaliyaan hoti hain kehti hain ham phalaane ki hain, hamne kabhi baasan nahin maaja hamne kabhi jhaad nahin lagaaya; isliye us sanyaas mein bhi ye hai, yahaan bhi yeh hai । yahaan bhi baba ne pareeksha li thi । bhale dhan to bahut hi tha, motor bhi theen; parantu dehaabhimaan todne ke liye tum sab kaam karte ho, kyonki jaise baba-mama karma karenge aise dekhkar aur bhi bachche karenge । dehaabhimaan todne ke liye tum sab karte the na - motor saaph karna, dhobi ka kapda dhona । to vo rasma chali aani chaahiye । koi bhi aave, bole ki ham yahaan rahengi to bolo ki pahle tumko ye kaam karna padega to tumhaara dehaabhimaan toote । pahle koi bhi aave, bhale hoshiyaar bhi hove; parantu dekhna hai ki seekhne ke samay bhi baali aadi sab pahanti hai । usmein koi bade ghar vaali to denge nahin, aaengi nahin । unke liye bada mushkil hai । gareeb ki aaengi, baap to hai hi gareeb nivaaj । tum dekhte ho barobar aati hai । to gareebon ke oopar bhi museebat hai maar khaane ki । saahookaar ke oopar hai to gareebon ke oopar bhi hai । to bachchiyon ko yukti rachna chaahiye- mujhe saakshaatkaar hote hain... .maar daalo, kuchh bhi karo । bhale tum bhaad mein jaao । kyon apni jaan ganvaave inke liye ।....jo karega so paaega, ye karega to ye paaega, main karoongi to main paaungi । inke liye mujhe thode hi jahannum mein jaana hai । to vo sabse nashtomoha ho jaata hai । aise nahin ki pati se moh nikla to bandari ki muaaphik bachchon ko ...bigdi to banaanevaala hai, ye to bachche jaante hain aur banaakar hi chhodna hai; parantu ye to beech mein hai to sahi na । ablaaon ke oopar atyaachaar, ye khitpit vagairah unke bigar thode hi koi vishwa ka raajya milta hai । nishchay buddhi ekdam pakka chaahiye achhi tarah se । baba bolte hain kabhi bhi hamaare paas chitthi likhte hain- baba, ye bahut maarte hain, ye sab karte hain । baba kehte hain maarte hain to khoob maar-maarkar maar den । tum baba ki yaad mein raho । bhale tumko maar daalen, aise agar tum yaad mein mar jaao to tumhaara beda paar hai । aise yaad mein marne ke liye to banaaras mein jaakar dekho shivkaashi-shivkaashi vishvanaath ganga bolte hi rehte hain । kislie? taaki ant mein mujhe shivbaaba yaad pade । yahaan to bahut hi achha hai, agar tumko koi maar bhi daale to kya hua । ladaai ke maidaan mein marte to bahut hi hain । tumko bhi agar is yuddha ke maidaan mein pati ne maar daala to unko bhi samjha do ki ham vikh nahin deti hain, mujhe kuchh bhi hua, ek-do dapha maara to main pulis ko likh doongi, tum pakde jaaoge । baba ne bahut dapha raay bhi di hai । dekho, tum hamko sataate ho na । achha, main raat ko government ko chitthi likh doongi ki government ko madad dene ke liye ki main pavitra rehti thi । yahaan bhaarat mein pavitra raajya sthaapan hota hai aur ye mujhe pavitra nahin rahne dete hain; isliye main apna aapghaat kar leti hoon । apvitra banna isse marna achha hai; kyonki main hukm to kabhi tod nahin sakti hoon । bhagvaanuvaach । kaam mahaashatru hai । un par jeet pahanne se hi ham-tum svarga ke maalik banenge । to aisi-aisi yukti rachni chaahiye; parantu yukti kaun chala sakti hai? jo mutthi nashtomoha ho aur baap se poora yaad ho । adhoori hogi, aadha us taraph, aadha us taraph mein । to ek taang is taraph mein, ek taang is taraph mein to latak marti hain, bahut duhkhi hoti hain । yahaan bahut duhkhi hoti hain । jab bhi dekho to unki avastha murjhaai hui hogi । avastha murjhaai kyon rehti hai? baap ko bhool jaati hai । unko bhoolne se ekdam, jaise chhueemui hoti hai na, ekdam saara khil jaati hai aur baap ko na yaad karne se ekdam murjha jaati hai । maasi ka ghar to hai nahin । nirantar baap ko yaad karne ke liye baap kitni yuktiyaan bataate hain । bigdi bachchon ki banegi hi tab jabki bigdi banaane vaale ko achhi tarah se nirantar yaad karen jo kehte hain mere ko yaad karne se vikarmaajeet ban jaaenge aur phir service karengi, jaise mama-baba ya jo doosri bachchiyaan service karti hain । baap ne mat di hai, kalpa-kalpa dete hi aae hai aur raajdhaani sthaapan zaroor hui hai । abhi honi to zaroor hai na । jo kalpa pahle muaaphik purushaartha karte hain vo koi chhipe thode hi rehte hain । jhat pata pad jaata hai । peechhe ye to zaroor hai ki zaroor bachche bhi aise hi bante hain । jo sampoorn nahin bante hain; isliye rudramaala ke neeche mein chale aate hain । phir unko daas-daasiyaan zaroor banti hain । yahaan rehte hue bhi jo hangaama karte hain unka bhi to pad hai na । kuchh bhi gale mein kanthi nahin padti hai to bhi raajdhaani me aa jaate hain; kyonki bachche to ban gae na । bahut kapoot bachche hain; par bachche to hain na ।..... ...... ..... 2500 varsha daasi-daasi nahin bante honge, to chalo 2000 varsha, na 500 varsha, 1000 varsha, 500 varsha, na। 100 varsha yaani ek - do janma lena to padta hai na । jaante ho barobar ki jo bachche bante hain, jo maa-baap ke paas rah jaate hain, unki phir laaeenej hai । pichhaadi mein aa karke koi na koi daas-daasi ban jaate hain । nahin to bhala daasi-daasiyaan kahaan se aayen? ye bhi to samajhne ki baat hai na ki praja ko alaau nahin hai । raajaai gharaane mein paas ho jaate hain yahaan se । bahut kehti hain ki hamko to krishna ki maa banna hai । to baba kehte hain achha bhaai, krishna ki maa nahin ban sako to krishna ki aaya bano । krishna ki aaya bhi to chaahiye na jo unko sambhaale । krishna to maa se bhi jaasti tumhaari god mein aaega । maa itna nahin sambhaalti jitna aaya sambhaalti hai । aajkal bhi bachche paida hote hain, jhat unko nurse mil jaati hai । unko doodh vagairah pilaana vagairah-vagairah sab karti hai । aajkal vo doodh bhi nahin nikaalte hain, doodh bhi nikalva dete hain । aisi koi yukti rachte hain jo nurse sambhaale । vo doodh pilaaye । bahut kisma ke nikle hain । jaise ki unka bachcha hai । vo sambhaalti hai । vahaan to krishna hai । unko sambhaalne ke liye to tum bilkul khush ho । are! kitni khushi hogi । krishna ki janma ashtami aati hai to sab maataaai ghar mein baithkar unko jhulaati hain । abhi doodh kahaan se pilaaengi? doodh bhi to vo pilaati hai na । jaise vahaan vo doodh pilaati hai, apna to nahin deti hongi na । kanyaaen bhi pyaar karti hain to maataaai bhi karti hain; par unko apna doodh to nahin pilaaaigi na । koi na koi chhota bachcha banaae deti hain ya krishna ki moorti rakh deti hain । khud nahin pilaati hain na, to barobar vahaan bhi khud thode hi pilaati hain । unko bhi ye nurse milti hai, le jaati hai, vo unko doodh pilaati rehti hai । doodh pilaati to maa hogi; parantu paalna to nurse bahut karti hai na । jaasti sukh to unko milta hai na । yahaan dekho, kitni maataaen krishna ko baithkar doodh pilaati hain, ye karti hai । are, vahaan to krishna tumhaari god mein rahega । jaise ki unka snaan-paani sab tum karti ho । vahaanbakri ka ya read aadi ka to nahin pilaate honge । yahaan to bahut pilaate hain । maa noondh pilaati hogi, nurse ka nahin peete honge । baba kehte hain ye wrong hai । nurse nahin pilaati hai, pilaati maa hai; parantu sambhaalti saara vo hai । baba ne hospital ka anubhav sunaaya tha - jab aankh kholi to dekha ki blood daal rahe the । pata nahin kahaan ka hai । kaha ki ye band kar do ekdam । ye hamko nahin do aur aadha mein chhuda diya; kyonki nasha bhi to apni taakat ka rehta hai na । to vo taakat ka rehna chaahiye, baahar vaale ka theek nahin । achha, koi brahman deve to doosri baat hai । hamjinsa brahman ka to phir bhi achha hua । vo to shoodra ka ho gaya । vo asar kar deve । ye to blood ekdam rag-rag mein chali jaave । ham log anna ke liye kitna kehte hain ki kiska anna bhi na jaave, aise koi shoodra ke haath se bhi na khaave । phir usmein inki bhi to power chaahiye na । usmein samajh, sayaanaapan, apni power chaahiye । agar kuchh bhi aisa hona hota hai ki maaloom padta ki hamko blood lena padega, to bata dena chaahiye ki hai koi ananya bachchi, jo blood dey? blood dene mein to koi manushya ko bilkul deri nahin lagti hai । tandarusta ko koi deri nahin lagti hai । agar tumhaari koi hove to tum kisko blood.....braahmanon ko brahman ka blood hona chaahiye, parantu brahman bhi achha ho । chalte-chalte sachchi class kamaai mein aisi grahchaari baith jaati hai jo baat mat poochho । ab ye to gud jaane, good ki gothri jaane । meetha good jaane aur unki gothri jismen vo baitha hai vo jaane yaani baapdaada jaanen । abhi samjha na! good to hai hi baba । meetha khanda to vo hi hai aur ye hai unki gothri jismen vo pada hai । to vo jaanen aur ye jaanen । to miyo mitlu bhi apan ko nahin samajhna hai । sab achhi tarah se saaph dil hona chaahiye । saaph dil tab hi oonchi muraad haasil hoti hai । andar kaala aur baahar mein gora vo bhi to nahin chal sakta hai । yahaan bade hi andar-baahar ke sachche chaahiye । tabhi sachchi dil par saahab raaji hote hain । saahab raaji hona chaahiye na । har ek ka saahab kaho ya memsaahab ka saahab kaho । memsaahab ho na । memsaahab bhi ho to bachche bhi ho ..bachchayaan samajhti hain ki barobar hamaari bigdi bane । ham kuchh bhi nahin hain । ham ek bandar aur bandari theen । abhi baba hamko mandir laayak banaata hai । to saara vishwa mandir (aur) unke ham baadshaah bante hain । jab vishwa mein baadshaah bante hain phir hamko yahaan kothri milti hai, jabki vo baithkar pooja karte hain । phir bhi mandir mein baithne laayak bante hain । pahla mandir to shivpuri, vishnupuri hai na । satayug hai na! usko hi to kaha jaata hai na sooryavanshi shivaalay । vo shivaalay nahin । pahle us shivaalay mein saare vishwa ke maalik bante hain, raajya karte hain । peechhe hamaare liye banaate hain, jismen ham pooje jaate hain aur pooja bhi khud apni karte hain, vo bhi jaan gae ki ham bhi karte hain aur doosre bhi karte hain । achha, bachchon ko toli khilaao । vo to hai world almighty authority । ham board banaay rahe hain, jismen saara achhi tarah se likhna chaahiye ki geeta ka bhagwan kaun hai? shreekrishna ko kabhi bhi koi sarvashaktivaan nahin kah sakte hain । kaise sarvashaktivaan kahen jabki us bechaare ki degree kamti hoti jaaegi kyonki phir jo din beetenge to kala kamti hoti jaaegi । sarvashaktivaan ki kala to hamesha kaayam rehti hai na । avinaashi rehti hai । tumhaari sarva shakti koi avinaashi thode hi chalti hai । phir girte-girte dekho shakti chali gai । phir vo shakti dete hain, isliye unka hi naam hai sarvashaktivaan । manushya ko kabhi nahin kaha jaata hai । ati meethe-meethe sikeeldhe gyaan sitaaron prati maat-pita, baapdaada ka nambarvaar purushaartha anusaar nabarvaar yaad-pyaar aur good morning । aaj somvaar hai na । somvaar ke din shiv ki hoti hai aur guruvaar ke din shivbaaba phir somnaath ke naam se padhaate hain । kaun-sa din achha? donon mein se somvaar achha? main kumaarka se poochhta hoon ki somvaar achha ya guruvaar achha? aaj sadguruvaar hai abhi guruvaar achha, somvaar achha nahin । hai to vo bhi achha bhai, shivbaaba na aae to padhaae kaise - to kya achha?