रविवार 13 दिसंबर 1964 की साकार मुरली - 2

> >

13-12-1964 madhuban aabu praatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj ravivaar disambar ki terah taareekh hai, praatah class mein baapdaada ki murli sunte hain।

record –

nai umar ki kaliyaan………

baap baithkar bachchon ko samjhaate hain - tum bachchon ko har ek ki jyoti jagaani hai । boojhaani nahin hai na । ye tumhaari buddhi mein hai aur phir bhi behad ka khyaal hai । baap ko bhi behad ka khyaal rehta hai ki ye jo bhi manushyamaatra hain in sabko muktidhaam ka raasta bataaven, kyonki aate hi hain guide bankar । iska naam hi rehta hai guide । guide maana panda । ye bachchon ko buddhi mein achhi tarah se baithna hai aur service mein lagna hai, kyonki baap bhi to yahaan service karne aate hain na । kaun-si service karne aate hain? baap merciful to hai । gaaya bhi to jaata hai - raham karo, raham karo, raham karo । abhi tum bachche jaante ho ki ye manushya nahin jaante hain ki ham koi duhkhi hain; kyonki unko sukh ka pata nahin hai, sukh dene vaala ka pata nahin hai । ye to tum samajh gae na ki ye drama ki bhaavi hai । is samay mein manushya ko ye maaloom hi nahin hai ki sachcha sukh kisko kaha jaata hai aur duhkh kisko kehte hain । ye sukh aur duhkh kyon? vo to kah dete hain eeshvar hi sukh dete hain, eeshvar hi duhkh dete hain । goya unke oopar kalank lagaay diya । achha, agar kehte hain ki eeshvar hi sukh-duhkh dete hain to eeshvar ko jaanna chaahiye na ki sukh bhala kaise dete hain? unse poochhna to pade । eeshvar hai kahaan jisse poochhen? yaad kaise karen? duhkh bhala kyon dete ho? bhala eeshvar ho to unse poochhen bhi na । to eeshvar jisko baap kehte ho vo jaante hi nahin hain । baap to jaante hain ki main in bachchon ko sukh hi deta hoon । ye bichaare jaante nahin hain ki duhkh kab se, kyon, kahaan se shuru hota hai । dena vaala kaun hai, vo jaante nahin hain । tum bachche to jaante ho ki barobar baap aaya hua hai patit ko paavan karne । achha, aatmaaen patit hain । bhala unko paavan kar kaha le jaaenge? kahaan bithaaenge? bolte hain - main aa karke saath mein le jaaoonga na; kyonki sweet home nirvaandhaam bhi to paavan hi hai । vahaan koi patit aatma to hoti hi nahin hai, rehti hi nahin hai । us thikaane ko manushya to kuchh bhi nahin jaante hain ki vo koi apna sweet home hai, jinko nirvaandhaam kehte hain, paar nirvaana kehte hain । paar nirvaan gaya, nirvaandhaam mein gaya - ye bhi nahin samajh sakte hain । buddha ke liye kehte hain ki paar nirvaana gaya yaani vaani se pare sthaan mein gaya । to zaroor yahaan ka rahne vaala tha, jo yaho se yahaan gaya । vo to gaya । abhi kya karna hai? baaki ye doosre sabhi kaise jaaven? saath mein to le nahin gae । na vo gaya, na ye log saath mein koi ko le jaate hain । saath mein le jaane ke liye to is patit duniya mein patit-paavan ko yaad hi karte hain । do paavan duniyaaai hain । kaun-si do paavan duniya hain? ek hai muktidhaam, ek jeevanmuktidhaam । naam bhi dete hain na - ek shivpuri aur ek vishnupuri । isko kehte bhi hain raavanpuri । to jisko vishnu puri kehte hain unko raampuri bhi kehte hain, kyonki parampita paramatma ko bahut se manushya raam bhi kehte hain; parantu bhool manushyon ne seeta haran vaale manushya ko raam kar diya । nahin to raam akshar jab kaha jaata hai to zaroor buddhi paramatma ke taraph jaaegi, koi manushya ke taraph nahin jaaegi । manushya ko to sabhi paramatma nahin maanenge । ek ko to zaroor sabhi maanenge । to tum bachchon ki buddhi mein taras hai ki kaise bhi karke, bhale takleeph bhi sahan karni pade । takleephen to sahan karni padti hai na । baba ne to kah hi diya hai ki is gyaan yagya mein manushyon ko manushya se devta banaane mein vighna bahut padenge । bahut gaaliyaan khaani padegi । dekho, geeta ke bhagwan ne gaali khaai thi na। aise to kehte hain na । kyon gaali khaai thi so to tum bachche samajh gae । vo bichaare samajhte nahin hain, gaaliyaan to milti hain, tumko bhi milti hain to inko bhi milti hain । sirf ek ko thode hi milti hain । aise bhi kaha jaata hai jis manushya ko bahut gaaliyaan milti hain unko kehte hain - tumne shaayad chauth ka chandrama dekha hoga, isliye tumko gaaliyaan milti hain । krishna ko gaali nahin mili thi । ye sabhi hain dant-kathaaai phaaltu baaten । abhi tum bachchon ki buddhi mein baith gaya ki is duniya mein jo kuchh bhi gyaan vagairah hai, kitne manushya kya khaate hain, gand khaate hain, bail khaate hain, machhliyaan khaate hain, ek-do ko maarte hain, kya-kya upaay karte hain, kya-kya prabandh rachte hain, kya-kya steamer… baba ne aakar in sab baaton se chhuda diya hai । bola - in sab baaton ka kuchh bhi khyaal na karo । dekhte to ho na bahut maaraamaari, ladaaiyaan, jhagda duniya mein kya laga hua hai baat mat poochho! abhi tumhaare liye kitna sahaj kar diya hai । bolte hain - tum bachchon ko kuchh bhi nahin karna hai । tum bachche sirf mujhe yaad karo to tumhaara vikarma vinaash hota rahega aur sabko sirf ek hi baat samjhaao ki are bhai, bhagwan to hai na, zaroor rachta baap to hai na । vo baap kehte hain - father shows san । shows maana ye kehte hain - bachche, abhi tum apne shantidham ko yaad karo aur sukhdhaam ko yaad karo । shivpuri yaani niraakaari shivpuri ko yaad karo । tum to vahaan ke rahne vaale ho na । to tumko is duhkh se chhuda kar kahaan to le jaaenge na । to tum bachche kya karo? sirf apne ghar ko yaad karo । vahaan jaana chaahte ho na । ye bhakti kiske liye hai? ye bhakti hai hi mukti ke liye । ye sanyaasi log jo bhi raasta bataate hain nirvaandhaam mein jaane ke liye, agar ek chala jaave, jaise buddha chala gaya, doosron ko kaise saath mein le jaave? kyonki guru thahra । shareer to yahaan hi chhod diya । aatma gai । achha, phir auron ko kaun le jaaenge? khud chala gaya aur jo inke followers hain unko chhod gaya । bauddhi to bahut baithe hue hain । vo jab aae, akele aae the phir vaapis gae to baaki jo buddha dharma ke bane unko bhi to vaapis le jaayen na । to dekho, vo khud bhi phir nahin ja sakte hain । ye gaate bhi hain ki maisenjarsa paigambar, in sabka laash abhi yahaan hai aur vivek bhi kehta hai, buddhi bhi kehti hai laash mein hain yaani shareer mein hain, yahaan sab hain । to vo khaggiyaan maarte rehte hain, unki mahima karte rehte hain । vo aaya, kya dekar gaya? achha, bhala vo dharma sthaapan karne aaya, khud to chala gaya । baaki kya hai? jaane ke liye to ye bichaare mattha maarte rehte hain - jap tap daan punya teertha vagairah-vagairah । usne to yeh nahin sikhlaaya । agar usne sikhlaaya hota to phir saath mein le jaate । baap kehte hain main tum bachchon ko sikhlaata hoon to main sabko vaapas le jaata hoon । aaya hua hoon aata hi hoon sabko sadgati dene, gati dene । aisa koi doosra to hai nahin jo sabko deve aur phir nishaaniyaan bataate hain, proof dete hain ki dekho, satayug jab hota hai tab to barobar jeevanmukta hai, ek hi dharma hai aur usko svarga kaha jaata hai । baaki in sabhi aatmaon ko vaapas kaun le gaya? koi to guide hoga na! to bolte hain - dekho, ham duhkh se liberator bhi hain aur guide bhi hain । bachchon ko ye samjhaana to hai, kyonki ye bhi to jo achhi tarah se samjhenge unka jhaad sthaapan hota hai ।......beej to lagte rehte hain । ismen koi shak nahin hai । bachchiyaan purushaartha bahut karti hain । beej lagaate rehte hain । jaise ki tum maali ho gae । sab beej lagaate hain na! mama-baba, bachche, sab beej lagaate hain; kyonki sikhlaane vaala bada maali hai । to beej kaise lagaao? unko to kaha jaata hai baagvaan । vo aa karke sikhlaate hain । jaante hain tabhi to sikhlaate hain na । tum bhi sikhlaate ho ki beej kaise lagaate hain । barobar tum gyaan de karke beej bote ho । phir vo barobar badhte bhi hote hain, thoda bade bhi hote hain, phir toofaan bhi to lagte hain; achhe-achhe, bade-bade, kabhi halka toofaan, kabhi bhaari toofaan har ek ko indivijyuali lagta hai । vo toofaan to sabko lag padta hai । ye aise nahin hota hai । indivijyuali har ek ko apna-apna kisi na kisi prakaar ka maaya ka toofaan lagta hai । kisi na kisi prakaar ka jo toofaan lagta hai to toofaan se bachaane vaale ko poochhna chaahiye, kyonki vighna padenge । usko hi toofaan kaha jaata hai । hain sab maaya ke vighna । usko hi apan toofaan kehte hain । achha, toofaan lagta hai to bhi phir baap se poochhna chaahiye ki baba, ye jo toofaan lagte hain unke liye bhala hamko kya karna chaahiye; kyonki surgeon bhi hua, raay dene vaala bhi, shreemat bhi dene vaala hua । to phat se poochhna chaahiye । to unko samjhaay denge ki bhai, toofaan to zaroor lagenge । bhala kuchh to zaroor hoga na । aise thode hi sab chhod denge । hai vikaaron ka toofaan । usmein pahle number mein toofaan hai- deh-abhimaan । deh-amimaan ki tumme bahut samay se her pad gai hai na । kyon nahin apan ko aatma samajhte ho ki main aatma to avinaashi hoon aur ye shareer to vinaashi hai? main to abhi baba se varsa lene vaala hoon baap ko yaad karooga, unse varsa loonga । deh-abhimaan mein jaasti kyon aate ho? kyon nahin aise samajhte ho, jabki baap samjhaate hain ki bhai, 84 janma poora hua aur aatma ne hi 84 janma liya । punarjanma kaun leti hai? aatma । ghadi-ghadi doosra shareer lena, ye hua aatma ka kaam । abhi jabki baap samjhaate hain ki abhi tumhaara antim janma hai, tumko is duniya mein doosra janma nahin lene ka hai, kyonki ekdam chhi:-chheeh duniya hai । na janma lena hai, na kisko janma dena hai । bahut bachchon se poochhte hain phir srishti ki vriddhi kaise hogi? is samay mein jo bhi bachche paida hote hain vo to hote hi hain paapaatmaaen bhrashtaachaari; kyonki bhrashtaachaar kaha hi jaata hai vikaar mein jaane ko । jab se bhrashtaachaari vikaar mein bane hain tab se to ye girte aae hain na । to ye bhrashtaachaari banne ki rasam-rivaaj kahaan se aai? ye raavan se aai । 5 vikaar roopi raavan se bhrashtaachaari ki rasam-rivaaj aai । to bhrashtaachaari duniya ko banaane vaala raavan thahra na । unhonne sabko bhrashtaachaari banaay diya hai aur raam aa karke shreshthaachaari banaate hain । dekho, tum shreshthaachaari ban rahe ho, parantu shreshthachaari banne mein bhi tum logon ko kitni mehnat karni padti hai । ghadi-ghadi; deh-abhimaan mein aa jaate ho kyonki bade te bada rog hai hi deh-abhimaan mein । agar deh-abhimaan mein na jaaen aur apan ko aatma samjhen, bhale dhandha-dhori karte ye to samajhte hain na । jaise vahaan bhi aatma ka gyaan to hai na ki abhi hamaara shareer baalak hai, abhi yuva hai, abhi vriddha hoga, ham phir doosra chhota shareer loonga । aatma ka to gyaan hai na । yahaan to bilkul aatma ka bhi gyaan nahin hai । deh-abhimaan hai, apan ko deh samajh baithti hai । kuchh to vahaan hai na । bhale trikaaldarshi nahin hain । ye samajhte hain barobar ki hamko aana hai, jaane ka nahin hai; kyonki sukh hai na । jaane ki dil hoti hai unko jinko duhkh hota hai । unko to jaane ki dil nahin hoti hai । jabki samjhaaya jaata hai ki ye jab budhdhe bante hain to bolte hain- abhi to hamko chhota shareer lena hai । phir chhote se vo baalak banega, yuva banega, budhdha banega । ye jaise ki unko woh gyaan rehta hai । isliye unko koi bhi duhkh hota nahin hai aur phir yahaan ki sukh ki praalabgha hai । baaki aatma ka gyaan zaroor hoga na, nahin to bhala chhod kaise! achha, yahaan bhi to aatma ka gyaan sabhi ko hai । ye jo bhi sabhi rishi-muni hain vo bhale apan ko aatma ke badle mein paramatma kah dete hain ki main aatma so jaakar paramatma mein leen hota hoon । bhale unmein ye gyaan hai । to bhi main aatma hoon ye gyaan to rehta hai na । to usko deh-abhimaan to nahin kahenge । vo bhi to gyaan hai phir chaahe aatma apan ko kahen, chaahe .... । baaki haan, itna zaroor hai ki unko ye maaloom nahin hai ki ham vaapas ja nahin sakte hain । ham yahaan phir bhi janma zaroor lenge aur ye bhi to gyaan sabko hota hai ki shareer chhod karke bachcha zaroor banna hai । phir javaan chhode, chaahe budhdha chhote, chaahe ekdam thoda chhota bachcha bhi chhode । ye to sab koi samajhte hain ki ye shareer chhod jaakar doosra janma liya । punarjanma to sabhi maanenge । aur phir jab chhodte hain tab bhi kah dete hain bhai, ye karma ka hisaab-kitaab hai । samjha na । yahaan sabhi karma to kootte hain na । to jab raavan ka raajya hota hai to phir maaya ka raajya, to karma bante hain jiske vikarma bante hain । karma jo vikarma rehta hai, unko kootte rehte hain, bolte rehte hain । bachche to jaante hain ki vahaan karma kabhi vikarma hota hi nahin jo kootna pade । to bachchon ko bhala ye to nishchay hove ki barobar abhi ham chhote-bade jo bhi hain, sabhi machchharon ke muaaphik vaapis jaane vaale hain । dekhte ho ki jab bombsa ya calamities aati hai, bedi doobti hai, rail...hai, phalaana jo bhi accident hote hain, chhote bachche, bade bachche, sab khatam ho jaate hain । achha, ye bhi to bachchon ko maaloom hai ki ye jo bombsa hain unki trial bhi hui hai aur hogi, abhi aur bhi hoegi ki jab kahaan inko gussa lagega na to ek - do thok denge । phir bhale ye log jhandi dikhla dete hain । jaise us ladaai mein bhi dekhte hain ki nahin pahunchte hain to jhandi dikhla dete hain । to ismen bhi jab dekhenge ki inki bolda powerful hai, to jhandi dikhlaay denge । jaise jaapaan ne jhandi dikhlaay di thi । jhandi dikhlaana to bahut sahaj hai aur ye log aapas mein samajhte bhi hain ki Christian ki badi power hai । aur koi ki thode hi hai । cheen ke paas to abhi kuchh hai nahin । gaayan bhi hai yooropvaasi yaadvon ka । phir bhale ham sab kahenge yooropvaasi । jo bhi sabhi dharma vaale hain unko yooropvaasi hi kahenge । to dekho, yooropvaasi phir bhi banaate rehte hain ।......yeh bhaarat ek jagah mein hai, baaki teen taraph jo khanda hain, jisko sab log eshiya khanda kehte hain । ......in sabko milaakar ek kar diya ki ye kaale log hain । vo apne khanda ko Europe kehte hain । apne khanda ke liye to unko bahut hi pyaar hai । aise thode hi hai ki unko pyaar nahin hai; parantu kiska pyaar ya taakat bhaavi ko kya karega! ye saari taakat to baba tumhaare paas de rahe hain na । tum yogbal se apna raajya lete ho । phir raajya kahaan karenge ? isliye vinaash likha hua hai aur ye bhi badi samajh ki baat hai । bachchon ko chitron mein to bada achha samjhaane ka hai । bachchi, tumko to koi bhi takleephen hi nahin dete hain, bolte hain sirf mujhe yaad karo । jaise manushya raam ko yaad karte hain, krishna ko yaad karte hain, phalaane ko yaad karte hain । sabhi karte to hain na । jaise abhi kehte hain tum mujhe yaad ne karo । apne shareer ka deh-abhimaan chhodo, tumko to shareer ka deh-abhimaan rehta hai na । vo main main main koi aatma ko thode hi samajhte hain, main apne naam-roop ko le lete hain । usko kaha jaata hai deh-abhimaan । abhi kisko yaad karte ho? main raam ko yaad karta hoon । main krishna ko yaad karta hoon, guru ko yaad karta hoon । to main-main jab kehte hain to koi aise thode hi kehte hain ki main aatma unko yaad karta hoon । to unko samjhaaya jaae tum aatma ho to apne aatma ke baap ko kyon nahin yaad karte ho? doosri aatmaon ko kyon yaad karte ho? baap to kehte hain ki tum aatmaon ko yaad nahin karo, mujh parampita paramatma ko yaad karo । aatma yaani jeev-aatma । aatma ko to nahin yaad karte, jeev aatma ko yaad karte ho । to bolte hain tum jeev aatma ko yaad kyon karte ho? sirf mujh supreme aatma ko, parampita paramatma ko kyon nahin yaad karte ho? tum unko kyon yaad karte ho? to vo deh-abhimaan mein yaad karte hain na । tumhaara hai dehi-abhimaan । main aatma hoon aur baap ko yaad karta hoon । kyon baap ko yaad karta hoon? baba ne pharmaan kiya hai - mujhe yaad karne se tumhaara vikarma vinaash hota jaaega । baap ko yaad karne se unki jaaydaad zaroor buddhi mein aa jaati hai । aise nahin ki jaaydaad ko yaad karne se baap yaad aate hain । nahin, ye ulta ho jaata hai । to baap maana hi jaaydaad hai । parampita paramatma baap ko yaad karo to ye jaaydaad muktidhaam, nirvaandhaam....... । ye badi jaaydaad hai । is badi jaaydaad ke liye to yagya, tap, daan, punya, teertha ye dhakka khaate hi rehte hain ekdam । dekho, pope vagairah aate hain to unse aasheervaad lene jaate hain । kiske liye? aasheervaad se kya hoga? koi ka aasheervaad lete hain paisa milne ke liye, phalaane milne ke liye । yahaan to dekho, baap sirf do akshar hi samjhaate hain - bachche, deh-abhimaan chhodo, apan ko aatma nishchay karo aur ye saath mein karo ki yeh naatak poora hota hai । ye hamaara puraana shareer hai । hamaara 84 janma poora hua । dekho, ye sivaay baap ke aur to koi samjhaay na sake aur sahaj te sahaj karke bataate hain; parantu vo shreemat par chalte nahin hain । bolte hain tum kyon deh-abhimaan mein aate ho? abhi tumhaara poora hota hai na । to yahaan grihastha vyavhaar mein rehte hue ye buddhi mein rakho ki mera ye shareer puraana hai, hamko vaapas jaana hai ।......jaise, naatak poora hota hai to na 5 minute, aadha ghanta thodi pichhaadi ki scene hoti hai na । jab 15 minute bach jaata hai tab sabhi actors ki buddhi mein aata hai baaki 15 minute hai । ghadi rakhi rehti hai na! unko maaloom bhi padta hai ki ye jo pichhaadi ki drama ki scene hai ye poori ho karke aur ham apna ye shareer roopi kapda chhod karke ghar chale jaaenge । tum bachchon ko bhi yeh maaloom hai ki baaki ghadi kitni hai । tumko yeh shareer chhod karke vaapas jaana hai na aur sabko jaana hai, kyonki ghar to sabko jaana hoga । koi naatak mein thode hi baith jaate hain । sab ghar chale jaate hain । baap bhi bolte hain - main bhi to phir ghar jaata hoon na । yahaan service karne ke liye aata hoon । to aise-aise! apne saath baithkar baat karni chaahiye - main to abhi ghar jaata hoon abhi to naatak poora hua na । ham ye bhi jaan gae ki hamne sukh kitna dekha aur duhkh kitna dekha । abhi to khushi ki baat hai na । baba aaya hua hai । baba kehte hain abhi mujhe yaad karo aur deh sahit sab jo bhi duniya mein kya-kya ho raha hai, in sabko bhool jaao । puraani duniya mein kya-kya hai vo bhi to samajhte ho । ye sabhi khatma ho jaane vaala hai । hamaara shareer bhi khatma ho jaane vaala hai । abhi to vaapis jaana hai, naatak poora hua na । ham sabko samjhaave । ye bichaare jaante nahin hain ki naatak poora hona hai । ye to bolte hain abhi to kalhayug ka yeh scene 40 hajaar varsha chalegi । isko kaha jaata hai ghor andhiyaare mein । ghor andhiyaare mein kyon hain? baap ka parichay nahin hai । gyaan-agyaan । gyaan maana hi baap ka parichay । agyaan maana hi no parichay । bas, do baat rehti hai । baap ne aa karke apna parichay diya, usko kaha jaata hai gyaan । jisko parichay nahin hai, usko kehte hain agyaan । to agyaan vaale, jinko parichay nahin hai vo bilkul hi ghor andhiyaare me pade hue hain aur jab tumko parichay mila hai to tum nambarvaar purushaartha anusaar ghor sojhre mein ho । bhala sojhra to hai na । satayug ko sojhra din kaha jaata hai । phir raaja ho, praja ho, daas ho, daasiyon ho, par vo honge to din mein na । ye to sab samajhte hain ki raat poori hone vaali hai । jab raat poori hoti hai to ham vaapas chale jaate hain । phir yahaan din hota hai । kehte hain na aaj abhi brahma ki raat, kal brahma ka din । kal hone mein time to lagega na । tum jaante ho barobar । ab kehte bhi aise hain - aaj raat hai, kal din hai । aaj ham is mrityulok mein hain, kal amarlok mein honge । yeh ham jaante hain ki pahle hamko vaapas jaana padega, phir ham aaenge । aise ye srishti ka chakkar phirta hai aur bachchon ka 84 ka phera bhi kabhi banda nahin hota hai । tabhi to baba kehte hain - bachche, kitne baar tum mere se mile honge । bachche kehte hain - baba, innumerable times (anginat baar) mile honge । ye phera khaate hi rahenge । isko kaha jaata hai 84 ka phera khaate hi rehna padega । kisko? ye to tum bachchon ko baithkar samjhaate hain jo poora 84 khaate hain । aur to koi ko nahin samjhaate hai na । vo phir hisaab bataate hain ki barobar 84 phera tum khaate ho । jab tumhaara 84 phera poora hota hai tab sabka phera poora ho jaata hai । ismen aisa nahin hai ki sabka 84 phera hai । isko kaha jaata hai gyaan । tum bachchon ko sojhra mila hai । ghor andhiyaare mein the, is baat ka koi gyaan nahin tha । samjha na। to usko kahenge agyaan tha, abhi gyaan hai । gyaan dene vaala, sojhre mein le jaane vaala kaun? gyaan ka saagar, parampita paramatma, patit-paavan । unke liye gaaya hi jaata hai patit-paavan aur poochh bhi sakte ho ki patit-paavan kisko kaha jaata hai? kabhi koi krishna ke liye nahin kahenge - patit-paavan raam । phir raam kaun-sa? to zaroor kahenge ye raam, bhagwan jisko kaha jaata hai, niraakaar kaha jaata hai । phir kyon kehte ho - raghupti raaghav seeta-raam? phir raghupti ka aur phalaane ka naam kyon lete ho? to phir sabhi aatmaon ka baap hua na । to ye samjhaane ki yukti rehti hai । anek prakaar se baap samjhaate rehte hain । are, baba samjhaane ke liye dher yuktiyaan bataate hain - mandir mein jaao, phalaani jagah jaao, koi ambaala me jaae । dher ki dher baaten samjhaate hain । isliye ye sab likhte rehte hain । achha, bhala likhat mein to unko deven padhen to sahi, kyonki likhat me to tum sabko de sakti ho । samjhaane mein to harek ki apni jubaan hai, meethi, chaturaai, yaad । likhat mein to hai hi, jo tum samjhaao so ye samjhaave । likh diya inme, phir unko samjhaana unke oopar hai । baaki ye jo likhten ham de rahe hain, din-pratidin unnati to hoti rahegi na । samjhaane ke liye gyaan to achha-achha guhya hi milta rahega na । hai samajhne ki baat । alaph ko samjhaane ki baat । kitna mattha maarna padta hai । alaph ko bhoole hain isliye usko naastik ya nidhanke ya angreji mein orphan kaha jaata hai । bas, ek baat । tab dekho, duhkhi hote rehte hain । bas, un ek dvaara jab ham ek ko jaan jaate hain to dekho 21 janma kitna sukhi rehte hain । baat kitni hai? ek । usko kaha jaat hai gyaan aur vo agyaan । gyaan kiska? parampita paramatma ka । unko gyaan hai ki paramatma kahaan hai? sarvavyaapi । .....baba kehte hain, sarvavyaapi bhoot hai tumhaare andar me । bhagwan nahin, bhoot । raam nahin, raavan । vo buddhu log us bade raavan ko samajh lenge । ye nahin samjhenge ki 5 vikaar ko kaha jaata hai । to ye sabhi baate samjhaani padti hain । kiske liye sunte hain ? koi ko samjhaane ke liye । agar na samjhaate rahen to sunne se kya phaayda? ek to, ham eeshvar ki god mein hain - ye bada maari nasha chadhna chaahiye । abhi ye baithe hain, samajhte hain ki ham log.... kiski god me aae hai? ye koi inki god mein to nahin hain na । ye to eeshvar ki god mein aae hain । kislie? phir bhavishya ham sabhi devtaao ki god me aaven । phir devtaaon ki god hi shuru hui na । asuron ki god yaani inmen praveshta hai 5 vikaaron ki aur phir daivi god milenge, unmein 5 vikaaron ki praveshta nahin hai to vahaan sukh hai । abhi milti hai eeshvar ki god । bhala ye bhi to nasha hona chaahiye na ki mere ko shivbaaba ne adopt kiya hai । kisko? meri aatma ko । kehte hain - abhi tumko mujhe yaad karna hai, isliye yaad ki yaatra par tatpar raho । tab tumhaara vikarma vinaash hoga । phir tum jaante to ho na ki mere se kya varsa milega । bachche kehte hain - haan baba, kyon nahin! vaah! svarga ka sukh milega । baba kehte hain svarga ka sukh zaroor milega । jitna tum yaad karenge, auron ko karaaenge, sunenge aur sunaaenge itna oonch pad paaenge । tumhaare geet mein guarantee bhi hai sunoongi aur sunaaoongi, kyonki doosre ka bhi to kalyaan karna hai na । tab to raajaai milegi na । doosre ko bhi aap samaan banaate ho goya tumko raajaai milegi । yeh to achhi samajh ki baat hai । to ja karke auron ko bhi yahaan samjhaave - shivbaaba hai niraakaar, ham bhi to aatmaaen hain na, ham bhi vahaan nange rehte the, jaise baba sadaiv nanga hai । samjha na! baba kabhi bhi kapda pahan karke punarjanma nahin lete hain । baba kapda ek dapha aa karke lete hain, ek hi avtaar । avatran ko kaha jaata hai reincarnation । yaani phir se reeinkaar karte hain । kismen? are, brahma sivaay aur kismen kaise karenge jabki pahle braahman rachne hain? so bhi braahamnon ko unko adopt karna pade na । apna banaay karke naam rakhna pade, nahin to brahma aae kahaan se? brahma koi kiska naam vaala nahin chaahiye । nahin, yeh to woh chaahiye jinhone 84 janma poora liya hai । to dekho, shuru bhi badi achhi samajh mein aati hai, bigning tu and barobar । gora so saanvara । shyaam so sundar । ye srishti ke oopar bhi naam aa sakta hai - ye bhaarat shyaam-sundar । bhaarat ka naam ham shyaam-sundar rakh sakte hain, kyonki bhaarat iron and aur bhaarat hi golden aged । bhaarat hi pavitra, bhaarat hi apvitra । bhaarat hi gyaanchita par gora ban jaata hai । bhaaratvaasi to hain hi । saari kahaani bhaarat ke oopar hai । to isliye bhaaratvaasiyon ko hi mattha maarna padta hai, parantu kya karen, jo devaatmaao ko mattha maarkar theek kiya vo bhale convert ho gae hain । koi kya, koi kahaan se nikalna pade । kai bachche eglo idiyan ban gae hain । aajkal soorte aisi ho gai hain jo european aur indiyan me pharka nahin padta hai, kyonki kaale aur saphed ki aapas mein malteeplikeshan hui hai na । to koi-koi bachche bhi aise ho gae hain । koi mem se shaadi kare, to bachchon ko mem jaise features nikal aate hain । to vo Christian kahlaay dete hain । vo kaala ho to ham kahenge yeh to is kisma ka hai । vilaayat mein bhi bahut hi Christian hain, kabhi kaali se, kabhi jaapaani se, kabhi kisne shaadi kar lete hain । gore African se bhi shaadi karte hain । samjha na! ye kaale-kaale aphreeka vaale jo dekhte ho na to vahaan kabhi-kabhi koi gore bhi । phir janma bhi to koi ka kaisa । to dekho, mixture ho gaya hai na! to baap baithkar samjhaate hain, kyonki vishaal buddhi (knowledge) deti hai - saare srishti ke chakra ko samajhne ki, sabhi dharmon ko samajhne ki, kya ho gaya hai, duniya ko ye sab samjhaane ki । to zaroor 'kya ho gaya hai', vo bhi to samajhna chaahiye na aur samjhaana hai । ye bhi samajhte hain, ye likha hua hai ki vinaash kaale vipreet buddhi । barobar yaadvon ne bhi preet nahin rakhi, kaurav ne bhi preet nahin rakhi । baaki jinhonne preet rakhi unki vijay ho gai । vinaash kaale preet aur vipreet ।......vipreet kaha jaata hai kiska dushman । bolte hain - haan ye sab hamaare dushman hai, kyonki vo mujhe gadhe mein, kutte mein, bille mein sarvavyaapi ki gaaliyaan dene lag padte hain । baap aakar khud kehte hain tum mujhe gaali dete ho । mujhe ya to kah dete ho ki ham jaante hi nahin hain । jo aage rishi-muni hokar gae hain kehte the ham rachta aur rachna ko nahin jaante hain । achha, phir kehte ho ki janma-maran rahit hai, unka koi naam-roop, desh-kaal kuchh hai hi nahin । kyon kehte ho O god father? to zaroor hamaara desh bhi hai, hamaara naam bhi hai । yeh bhi jaante ho ki barobar saakshaatkaar bhi hota hai । aise nahin ki saakshaatkaar nahin hote hain । aatma ka, paramatma ka jabki school ka hi saakshaatkaar hota hai to mukhya ka bhi saakshaatkaar hota hai, jo likha hua hai । jinhonne geeta mein likh diya ki vo bahut tejomay hai, phalaana hai, kyonki vo samajhte hain bhagwan braham hai to unko saakshaatkaar bhi braham ka hota tha । vo to hai nahin । vo bhi to aatma hai । paramatma ka saakshaatkaar hua, aatma ka saakshaatkaar hua । kuchh bhi pharka nahin rehta hai । baaki haan ... . ye koi manushya paai-paisa kamaane vaala, koi manushya president । to ye kya hai? ye buddhi mein akla hai । to zaroor bhagwan ki buddhi mein sabse jaasti akla hogi na; kyonki chaitanya hai, knowledgeful hai । manushya ko to knowledgeful nahin kahen ।... .bhagwan mein vo kaun-si knowledge hai jisko gyaan kaha jaata hai? to barobar kaha jaata hai sivaay us sadguru ke sadgati ho nahin sakti । us knowledgeful gyaaneshvar se yaani gyaan dene vaale eeshvar se sadgati hoti hai । maali achha hai na । manushyon ne bhi apne oopar naam rakh diya hai bahut hi - 'gyaaneshvar' maana eeshvar mein gyaan hai, barobar eeshvar mein knowledge hai । kaun-si knowledge so bhi jab eeshvar bataaega tab milegi । nahin to thode hi milegi ।.. .....- gyaaneshvar vo hi thahra na । eeshvar mein hi gyaan hai, knowledgeful hai । to bas, usmein hi knowledge hai । vo jab sunaaega tab to doosre ko knowledge milegi na । to unko aana pade na । to dekho, tumko knowledge de rahe hain । tum jaise master gyaaneshvar, eeshvar ke bachche bane ho aur baap se tum gyaan le rahe ho । to tumko kaha jaaega master gyaaneshvar yaani eeshvar ke bachche । unmein gyaan kisne diya? gyaan saagar ne diya । to barobar bachche ho na । kahlaate to ho na - eeshvar jo gyaan dene vaala hai, unke bachche hain । ye to samajhte ho, parantu yeh to nasha hona chaahiye । are, hamko abhi eeshvar padhaate hain । eeshvar hamaara baap hai.. baat hi mat poochho । unko nitya yaad karne se hi phir khush rah sakte ho; parantu maaya nitya yaad karne to nahin degi । ant mein aa karke tumhaara avastha banegi । kehte-kehte, bolte-bolte unmein aur so bhi baba ne kah diya......... । simar simar - sukh paao । ye amritvele ka hi saara madaar hai । so bhi baba to kehte hain na, bhale lete hue bhi, parantu aise nahin ki lete hue neend aa jaave । us samay mein tumko maaya ke bahut hi toofaan aaenge, tumko buddhiyog tudaaenge to bhi apna hath karke baith jaana hai aur bahut mehnat karni hai । ismen mehnat bahut hai । usmein bhi amritvele ki, jaise davaai dete hain na to hamesha subah ko savel mein dete hain ki ye kuchh lagegi । to yeh bhi baba ki davaai hai । ye unko lagegi jo subah ko baith karke vichaar-saagar-manthan karenge ki ham kin-kin ko kaise samjhaaven । to bas, samjhaate-samjhaate vo aape hi samjhaane ke liye chal padenge । busy ho gaya na, peechhe chhodna nahin । lagta rahega । usmein bhi baap ne badi yukti bataai hai ki lakshmi naaraayan ke mandir mein jaao, shiv ke mandir mein jaao aur chandravanshi ke mandir mein jaao । tum jaante ho barobar ki sooryavanshi hi phir chandravanshi bante hain । unko samjhaao inko ye raajbhaag kisne diya? kahaan se mila? to zaroor yeh kah to sakenge na ki chandravanshiyon ko sooryavanshi se mila । sooryavanshiyon ko kahaan se mila? vo to hai vaishyavansh peechhe hai sooryavansh । vaishyavansh mein to kuchh hai nahin । sooryavansh ko ye sooryavansh raajya kisne diya? zaroor rachta ne diya hoga na । kaise diya? doosra koi jaante hi nahin hain, tum bahut achhi tarah se jaante ho । kitni-kitni achhi points di jaati hain । pakadna chaahiye na। chandravanshi se tum pakdenge na । inko raajya kahaan se mila? vo nahin jaanenge । unko bolo sooryavanshi se mila hoga zaroor । satayug mein sooryavanshi the । peechhe chandravanshi raajya unko unse mila hua hoga । vo sooryavanshi bhi chandravanshi bane honge zaroor, kyonki phir to chandravanshi hi hote hain । phir chandravanshi nahin hote, phir to hote hi hain vaishyavanshi । vaishyavanshiyon ke baad phir sabhi shoodravanshi hi hote hain । to kisko samjhaane ke samay ye sab achhi tarah se buddhi mein dhaaran karna hai । achha, sooryavanshiyon ko ye raajya kisne diya? vo to barobar bhagwan hi denge aur kaun denge? kaise diya? raajayog to likha hua hai, geeta ke bhagwan ne kaha - main tumko raajayog sikhlaata hoon । vo kaise aate hain? are, vo kehte hain na ham pahle brahma dvaara braahman rachte hain aur phir braahamnon ko padhaata hoon kyonki yagya rachta hoon to braahman chaahiye na! braahman kahaan se laaoon? to dekho, prajaapita brahma ko adopt kar unke mukhaarvind se ye sabhi braahman aur braahamniyaan rachta hai । dekho, hai to sahi na । samjhaani to bahut milti hai । achha bhai, toli le aao । prasaad botte hain na! vo log to gurunaanak ko lagaate hain । vo koi bhagwan ko nahin lagaate hain । tumhaare buddhi mein hai ki ham sab kuchh jo bhi bhog lagaate hain vo hai hi shivbaaba ka । ham lagaate bhi unko hain, hamko dene vaala bhi vo hi hai । to unka dene ka cheej, unka bhi achha hai । unka bhi achha kab lagega? jab baba ki yaad mein, baba ke bhandaare se hamko ye milta hai aise samjhenge । vo gurunaanak ka bhandaara Christian log ka bhandaara, phalaane ka bhandaara, sabka bhandaara hota hai । dekho, kaali ka mandir, sanyaasiyon ka bhandaara । ye hai shivbaaba ka bhandaara । are, unki to har ek cheej bahut khushi se le jaani chaahiye । ye nahin samajhna chaahiye main kha nahin sakta hoon । nahin, main pahle khaaoon bahut achhi tarah se ।......baba samajhte hain ki inko agar ye chhutti hoti to pata nahin kha-khaakar apne shareer ko kya kar deta । achha hai, jo inko ye hua hai । tumhaare shareer ko saaph to rakhte hain । nahin to garam mircha phalaana kha jaaenge । garam mircha ka masaala, chauda phalaana ham kha jaaoon । kha jaau to baba bolega, ham aise shareer mein, ye khaate rehte ho । to achha kiya hai jo ye sugar ki khitkhit diya hai । isko kuchh hove to karne lag pade, achha hi hai । jis shareer mein baba ne loan liya unko to bahut achha rakhna chaahiye na । mehmaan koi kam thode hi hai aur ye mehmaan wonder । khud kehte hain main aa karke ye loan leta hoon is prakriti ka aadhaar leta hoon । jaise baba gaya, kahaan jaakar raha? barobar mainne rahne ke liye us ghar ka aadhaar liya hai । aadhaar se to sabhi aatmaaen part baja rahi hain । baap ko bhi to aadhaar lena pade ।. ....janma-maran mein nahin aate hain । baaki sabko apna shareer hai aur sab shareer ka naam badalta rehta hai । mera naam badal hi nahin sakta hai, kyonki main shareer leta hi nahin hoon jo mera naam badle । kitni clear baat hai ।........ tum raay bataao bachche ki ham tumko gyaan kaise sikhlaaoon? gyaaneshvar to kehte ho, patit-paavan bhi kehte ho । to raay nikaalo, ham kaise aaoon? mujhe aana bhi usmein hai jo gyaan pahle sune aur phir vo naaraayan bane, jo tha । abhi naaraayan nahin bana hai, abhi unko banna hai । to uske shareer mein baithna pade na । naam bhi hai barobar brahma prajaapita । ek to hua aatma pita, doosra hua prajaapita । vishnu ko prajaapita nahin kehte, shankar ko prajaapita nahin kehte hain । praja maana ghani bahut praja, ye saari itni praja । nikaalo, koi raay hai? achha, meethe meethe bachchon prati yaadapyaar aur good morning ।