शनिवार 15 मई 1965 की साकार मुरली - 2

> >

15-05-1965 madhuban aabu praatah murli saakaar baba om shanti madhuban

helo, good evening, yeh pandrah mai ka raatri class hai

zaroor koi ek va aadha ya do samajhne vaale honge, doosre na samajhne vaale honge । vivek kehta hai ki har ek alag-alag hove to behtar hota hai, kyonki har ek ki mat apni hoti hai । bhale baap ke teen bachche honge to teen ki mat alag hogi । amul kaayda karaanchi me ye tha ki ek-ek ko alag-alag karte the. kyonki ek baitha hoga unko tum yog mein bitaaengi aur doosra yog mein ya yaad mein na rahega to us samay mein vo vaayumandal ko kharaab karenge, parantu yahaan itni jagah to hai nahin, yahaan to jhunda aate hain, kyonki yaatra ka sthaan hai । baaki agar do hon aur unse jab form bharaaya jaata hai, kuchh pharka hota hai to samjhaane ke liye alag kar dena chaahiye, nahin to ek ki buddhi kaha daudti rahegi । jaise yeh kabhi-kabhi aate hain, nae ko alaau karte hain, to jinka yog baap ke saath theek nahin hoga unki kya haalat hogi ki baba bolte rahenge aur vo aise-aise karte rahenge । nayon ki sambhaal ki jaati hai । jo nae aaen hain, unmein do ya teen hon, to kaun ka attention jaata hai aur kaun ka attention nahin jaata hai, kaun laayak hai aur kaun naalaayak hai ye avinaashi gyaan khajaana lene ka । to laayak aur naalaayak । naalaayak ko kaho ki tum na laayak ho is cheej ke- yeh kehna achha hai aur agar unko naalaayak kah do to vo bigad padega । baat ek hi hoti hai- na laayak ya naalaayak । jo laayak hoga to attention se sunta rahega, kyonki baap dekhte rehte hain ki kiska attention jaata hai aur kiska nahin jaata hai । jiska na jaata hoga to unki munh, shakla ki chalan aisi hogi ki yahaan dekhta rahega, yahaan dekhta rahega, attention nahin rahega । nahin to bachchon ka attention to baap ki taraph rahega ki direct kya bolte hain । sunne vaala na hoga to unki buddhi yahaan-vahaan phirti rahegi । kaandh bhi phirta rahega । okhe bhi phirti rahengi । itna samjha ja sakta hai ki yeh avinaashi gyaan ratnon ka khajaana lene ka laayak hai ya nahin, kyonki yeh badi uttam vastu, khajaana hai । is khajaane ka shauk koton mein kou phir kotan mein kou ko hota hai । itni achhi tarah se dhaarna karna chaahiye jo bas suna aur inko phir jaakar revise karke likh diya । phir unko 5,7 dapha achhi tarah se jaancha । unmein jo bhi tat ho vo dhaaran kar dena (lena) chaahiye । jo poora purushaarthi hoga vo itni mehnat karenge tab service laayak ban sakte hain । haan, kai kai bahut achhe buddhivaan hote hain jinki buddhi mein jhat baith jaata hai । phir samjha jaata hai ki yeh brahman kulbhooshan koi najdeek ka hai । ya to brahman kulbhooshan najdeek ka hua ya devtaaon mein najdeek ka hua । aise hote hain । jo samjhaane vaale hote hain vo parakh sakte hain ki yeh achha samajhte hain, inki buddhi mein kuchh baitha hi nahin । tum avdhoot ke saath baithe the? (kisi behen ne kaha- kal thoda time baithe the) aaj to shaayad nahin aaya hai । (behen ne kaha- vo phir doosra sanyaasi lekar aaya tha, unse thoda time baithi thi, jo kehta tha mujhe sanyaas kiye 10 varsha hua, matric padha tha । mera chhotepan se hi sanskaar) । sanyaasiyon ka bhi sanskaar hota hai na । jab janma lenge aur thoda hi bade honge to unka sanskaar aise hi niklega kahin bhaagne ka । dil nahin lagegi । padhaai par bhi bahuton ki dil nahin lagti hai । aatma ka kahega na, baap to kahega bachchon ka, ghadi-ghadi bachche kehte rahenge । duniya mein bachche to sab kehte hain chaahe baap ho ya kaaka ya chaacha । yeh to bachche samajhte hain ki shivbaaba ham bachchon ko kehte hain । tumko tev pad jaani chaahiye ki ham aatmaon ko parampita paramatma ye sab samjhaate rehte hain । hamaari aatma ki buddhi mein dhaaran hoti hai । yeh bhi ghadi-ghadi bhool jaate hain । ham aatma hain aur aatma hi in shareer se kartavya karaati hai, yeh ghadi-ghadi bhool jaate hain । is practice mein paas hona bada kathin hai, kyonki jo baat aadha kalpa mein kabhi dhyaan mein hi nahin aai hai ki main aatma hoon aur is shareer se sab kaarya kar raha hoon part baja raha hoon । yeh kiski buddhi mein poora aadha kalpa nahi thaharti hai । baap ne samjhaaya hai ki satayug mein un logon ki buddhi mein hai ki main aatma hoon is shareer dvaara part bajaata hoon । jab buddhe honge, hamko phir shareer chhodna hoga, phir naya shareer lena hoga । baaki part ka phir bhi koi pata nahin hai । part ke liye to yahaan bhi bahut kehte hain ki ham yahaan paartadhaari hain । har ek apna apna part bajaane karmakshetra par aae hain । kaun-sa part bajaane? yeh bhi kehte hain ki sukh-duhkh ke khel ka, parantu kaise? koi bhi nahin jaante hain । jaise koi bahre hote hain to aise karke sunte hain । aatma vaastav mein in kaanon se attention se sunti hai । aatma haanth rakhegi ki ham in kaanon se kya sun rahi hain । abhi tumko khyaal hai ki ham aatmaaen in kaanon se parampita paramatma se kya sun rahi hain । aise to koi bhi paathshaala, school ya satsang nahin hai jismen sunne vaale bachche aise samjhen aur sunaane vaala bhi aise hi kahe ki main is shareer dvaara, organs dvaara tum aatmaon ko samjha raha hoon, kyonki isko hi kaha jaata hai aatmaon aur paramatma ka sammukh mela, kyoki bhagwan raajayog padhaaenge to bhi sammukh padhaaenge na aur bahut hi time padhaaenge । gaaya jaata hai- jahaan jeey tahaan padho । tumhaara bhi aise hai । jahaan tumko jeena hai, tahaan padhna hai । dekho, kitne buddhe bhi hain! koi poochhe kya buddhe padhte hain? kehna chaahiye- haan, buddhe padhte hain । jab vaanaprastha avastha mein jaate hain tab sanyaasiyon ke paas jaakar shaastra padhte hain, sunte hain । vo bhi to paathshaala hui na । vo hai shaastron ki paathshaala, kyonki abhi marne ka hai, vaanaprastha avastha hai, isliye sat ka sang chaahiye । saadhu-sant ka satsang kyon chaahiye? kyonki vo raasta bataaenge । kahaan ka raasta bataaenge? bhagwan se milne ka raasta, parantu vahaan milne jaana to nahin hai na, kyonki punarjanma to zaroor yahaan lena hai । is samay me tum bachchon ko samjhaaya jaata hai ki is mrityulok mein tumko punarjanma nahin lena hai । saadhu sant mahaatma koi aise kah nahin sakenge ki abhi tumko is mrityulok mein punarjanma nahi lena hai । aisa koi jaante hi nahi hain । bachchon ko yahaan kehte hain ki abhi is mrityulok mein janma nahin lene ka hai । abhi amarlok chalna hai arthaat svarga chalna hai va shreekrishnapuri chalna hai । jabki shreekrishnapuri chalna hai to aise gun dhaaran karne hain, kyonki vahaan yatha raaja-raani tatha praja । bhale yeh to prince hai to yatha prince aur princess tatha bachchon ko yahaan banna hai, aise bhi kah sakte ho । tum bachche to dekhte ho ki barobar jo prince and princess banne vaale hain, shivbaaba dvaara ham bhi to prince and princess banne vaale hain । jo jitna purushaartha karega vo itna prince va princess banega । to buddhi mein yeh rehna pade ki abhi yahaan padhte hain prince va princess banne ke liye । baba kabhi poochhte hain ki mahaaraani banenge ya mahaaraaja banenge? to koi kah dete hain mahaaraani banege, koi kah dete hain mahaaraaja banenge । purush honge to aksar karke kahenge ki ham mahaaraaja banenge aur phimel hogi to aksar kahengi ki ham mahaaraani banenge । to bachchon ko buddhi mein rehna hai ki ham kya padhte hain । ham god father dvaara padhte hain god aur goddess banne ke liye । jaise barrister ke saamne padhte hain to barrister aur bairistres banenge । to yeh bhi ek imtahaan hai । bhagvaanuvaach! tum so raajaaon ka raaja yaani nar se naaraayan banenge । to unko god hi kehte hain, parantu god and goddess kehna kuchh wrong hai, kyonki yahaan bhaarat khanda mein god and goddess to nahin hain । jabki sookshm vatan mein devi aur devta hain, to phir sthoolavtan mein god and goddess kaise ho sakte hain? god to devtaaon aur manushyon se ooncha raha । isliye yahaan god and goddess kisko nahi kaha ja sakta hai । jabki inse oonche tabakke par devi-devta hain । unko devta kehte hain । unke oopar mein phir god hai । vahaan jab ham rehte hain to us samay sab bachche hi bachche hain । vahaan goddess yaani phimel to hain nahin, sabhi bachche hi bachche hain । sabhi aatmaaen hi hain aur paramatma hai । tumhaari care, sambhaal abhi kaun karte hain? shivbaaba । kisse sambhaal karte hain? are, baat mat poochho । yeh bada dushman hai । ab is dushman se bachaane ke liye care tekar hua na । to poochhte rehte hain ki bachche, ye dushman kaha tumko tang to nahi karte hain? kis baat mein tang karte hain mujhe bataao to phir main yukti bataaoon । to dekho, kitne bachche ka care tekar kehte hain । sabhi bulaate hain- he patit-paavan, aao! aa karke is raavan se hamaari thodi care karo, raksha karo । bahut gaate hain- raksha karo, raksha karo । abhi tum bachchon ki kisse raksha karne vaala? paanch bhooton se । ye bade kade bhoot hain । kiske shareer mein ghost aate hain, vo itna duhkh nahin dete hain jitna ye maaya roopi ghost duhkh dete hain । yeh bahut kharaab hai । agar kiske ghar me koi ek bhi krodhi hoga to kaha jaata hai ghar ka matka bhi sukha denge । agar ek mein bhi hota hai to saare ghar ko dhamchakkar bana denge । krodh bhi ghar ko bada hairaan karta hai । kaam mein privacy hai । krodh to saamne .hai । phat ekdam gaaliyaan dena, dhakka-mukkal machaana । moh aur lobh ye jaise thode gupta hain । inko kaha hi jaata hai- bhoot । inko lobh ka bhoot hai, inko krodh ka bhoot hai, inko kaam ka bhoot hai । to ye puraane bhoot hain aur phir sabmen bhoot hain । ghost koi sabmen nahin hote hain । ashuddha soul koi mein aakar pravesh karti hai । ye to aatma hi hai khud jise ye raavan ashuddha kar dete hain । ye paanchon bhoot hain, jinko bhagaane ke liye kitni mehnat lagti hai । achha ye hain vichitra ki chaturaai ki baaten । vichitra sabse jaasti chatur hai । shivbaaba me chaturaai bahut hai na । usko kaha jaata hai- chatur saajan । inmen chaturaai bahut hai । is shareer mein rah karke kaise pyaar se chaturaai se apna banaate hain! paraaye shareer mein rah karke apna kaise banaate hain, to bahut chaturaai hui na! nahin to apna shareer hai nahin, vichitra hai aur paraaye shareer dvaara kaise kitnon ko apna bana diya hai । dher ke dher hain, kyonki yeh nai baat ho gai na । vo jo shreekrishna bhagvaanuvaach hai, unko to apna shareer hai । unka to bahut jaldi ban jaave । jaise ambedkar ne ek hi baat se 70 thaaujend ko bauddhi bana diya । agar krishna ho aur aa karke samjhaae to ek-ek ghante mein laakhon aa jaaven, karodon aa jaave, kyonki krishna ka roop hi mohini hai samjhaane ke liye, bachcha banaane ke liye । samajh gae hain ki yaad mein baithna hai । ismen koi aankhe vaankhe band nahin karni hai । bahut manushya okhe bhi band karke baithte hain । saadhu log okhe band karte hain । khaas karke aise bhi saadhu log hote hain jo maataaon ke aage aankhen nahin kholte hain । aise bhi saadhu hain jo maataaen pichhaadi baithti hain aur purush aage baithte hain ki maataaon ko dekhne na paaven । meethe-meethe sikeeldhe bachche, samajh gae hain ki baap ham aatmaon ko kehte hain- meethe-meethe bachche । to tum bachchon ko tev pad jaave । meethe-meethe sikeeldhe bachche, maat-pita, baapdaada, maat-pita, baapdaada ka arth samajhti ho? maata to vahaan bombe mein baithi hain । unke evaj mein kehta hoon ।… .maat-pita, baapdaada ka meethe-meethe sikeeldhe bachchon prati dil va jaan, sik va prem se yaadapyaar aur good night । sabko diya । roj yaadapyaar dete hain aur bachche sunte-padhte hain । bachche to roj nahin dete hain । bachche yaad karte hain । agar yaad-pyaar bhejna hota hai to chitthi mein bhejte hain । yeh bhi chitthi mein jaaegi na । ye bhi jaanch karte hain ki kinka achha lav hai, jo baap ko kam se kam haphte, 10 roj, 15 roj mein chitthi likhte hain । laachaari nahin hai, kyonki baba kehte hain chitthi likhni chaahiye aur phir kaashi kalvat khaakar bhi chitthi likhni pade, nahi । lav ki lahar aani chaahiye । jaise stri aur purush ko bade pyaar ki lahar aati hai । saamne chitra aakar khada rehta hai । uph! yeh mera praan pyaara pati hai, unko ham chitthi likh rahi hain । jab bahut pyaar hoga to prem ke aansu bhi bahenge aur vo chitthi par tapkenge aur jo purush hain jinka bahut lav hota hai vo bhi aise hi chitthi likhte hain, parantu osu bahut mushkil girenge, kyonki stri ka prem aur pyaar jaasti hai, unka itna nahin hai । bahut pharka rehta hai । sada sukhi banaate hain । yaad me hi tumhaara khaata jama hota jaata hai ।