रविवार 16 मई 1965 की साकार मुरली

> >

16-05-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshnon ko ham madhuban nivaasiyon ki namaste, yeh solah mai ki praatah class hai, baapdaada ki murli sunte hain।

abhi aatmaon ko achha nishchay hai ki baba aaya hua hai, baba padha rahe hain, bhagwan padha rahe hain । are, bhagwan to niraakaar ko hi kaha jaata hai । bachchon ko to bahut khushi honi chaahiye । sammukh aane se aatma kehti hai, samajhti hai ki baba aaya hua hai । kya karne? sabki sadgati karne । gaate to hain barobar- sarva ka sadgati daata aur sarva ka jeevanmukti daata । abhi hai jeevanbandh । bachche achhi tarah se jaante hain aur nishchay hai । bhale ghadi ghadi bhool jaate hain, maaya bhulaay deti hai, parantu abhi yeh to samajhte hain na intajaar mein sammukh baithe hain ki niraakaar baba is rath par savaar ho aae hue hain । jaise musalmaanon ka hota hai, mohammad ka patka ghode ke oopar rakh dete hain । phir kya kahenge? is ghode par mohammad ki savaari ki nishaani patka rakh dete hain-tarban । abhi ghode ki bhi baat nahin rahi, tarban ki bhi baat nahin rahi, kyonki tarban to kuchh hai nahin, yahaan to hai niraakaar baba ki praveshta । bachchon ko bahut-bahut khushi honi chaahiye ki svarga ka maalik banaane vaala, satayug ka maalik banaane vaala ya vishwa ka maalik banaane vaala baba aa gaya hai । aise nahin hai ki sirf sanmukh hai । usi samay mein jab bataate hain, abhi tum sab bachchon ko bataate rehte hain । badi khushi aaegi ki vishwa ka maalik baba, geeta ka sachva-sachcha bhagwan hai । aise kahenge, kyoki vo jhootha ho jaata hai । yeh hamaara sachva-sachcha baba, jo is jhooth khanda ko sachkhanda banaate hain । to aatma ki buddhi baba ke saath chali jaaegi । yeh hai aatma ka paramatma ke saath lav । so jab baap mile tab lav baandhe na । ek hi dapha yeh lav ki connection hoti hai jab aatmaaen aur paramatma milte hain । kisko milte hain? yeh khushi kisko chadhti hai? jo bahut kaal se alag hain । aatmaaen samajhti hain ki barobar ham bahut kaal se alag hain । baba khud bhi kehte hain ki mainne shuruaat mein tumko sukh ke sambandh mein bheja tha । abhi aa karke tumko duhkh ke bandhan mein dekhta hoon aur phir tumko sukh ke sambandh mein baandhata hoon । dekho, bachchon ko kehte hain ki tumhi the, tum apne janmon ko bhool gae ho ki barobar ham hi 84 janma lete hain । abhi tum bachchon ko sartenti hoti hai । sabko nahin, sab 84 janma nahin lete hain । yahaan to aise hi bol dete hain ki manushya ka 84 janma ya 84 ka chakkar ya 84 laakh ka chakkar chalta hai , par 84 laakh ka chakkar to kiski buddhi me baithega bhi nahin aur samjha bhi nahin sakenge । yeh to bachche samajhte hain ki barobar 84 ka hisaab baba ne bilkul theek bataaya hai ki ham baba ke bachche 84 janma lete hain aur lete hi rehte hain । abhi saamne, sammukh baithe ho aur kaun sunti hai? jaante ho ki ham aatmaaen in organs dvaara ya kaanon dvaara sunti hain aur baba iske mukh dvaara suna rahe hain । khud kehte hain ki mujhe aadhaar to lena pade na । mujhe aadhaar bhi unheen ka lena pade jisko mujhe brahma ka naam dena pade kyonki sookshm vatan mein bhi brahma, so bhi prajaapita brahma । abhi prajaapita brahma to zaroor manushya chaahiye na । sookshm vatan mein thode hi koi kah sakenge । nahin । sthoolavtan mein aa karke phir khud kehte hain ki main brahma ke tan mein pravesh karta hoon । tumhaare me pravesh nahin karta hoon । brahma ke tan mein pravesh hoon । uska aadhaar lekar tumko adopt yaani god mein leta hoon । iske tan mein baith karke tumko god mein leta hoon । tum jaante ho ki ab ham aatmaaen eeshvar ki god me jaati hain, kyonki shareer hai। nahi to shareer bigar to god ho nahin sakti hai । jaise koi kanya ki aatma hai aur koi bachche ki aatma hai । to aatma kehti hai ki main shareer dvaara inki banti hoonh parantu aatma ka gyaan na hone ke kaaran kuchh samajhte nahin hain । bas, deh-abhimaan hone ke kaaran kehti hain main inki banti hoon main inki banti hoon, parantu vaastav mein to aisa kahen na ki main aatma is shareer dvaara iski banti hoon । so ho gaya jeevaaatma । main jeev-aatma shareer sahit inki banti hoon । yahaan bhi to baap aakar abhi jeevaaatma bana hai । jaise baithkar loan liya hai । jeev inka nahin hai । inki aatma ka jeev chhota nahin hota hai, garbha mein nahin hota hai । yeh aakar bolte hain ki main inmen pravesh karta hoon । jaise aatmaaen tumhaare mein bhi pravesh hain na । phir ek, do me pravesh ho karke ek do mein shareer ko pyaar karte hain । is samay mein baba bolte hain ki main bhi is aatma mein hoon aur main to jaadoogar hoon । main bachcha bhi ban jaata hoon । main mama bhi ban jaata hoon । isliye mujhe jaadoogar kehte hai । mama ki drishti unko de karke, mama banaay karke phir mama khud ban jaata se । bolte hain inme to hoon na । main inmen mama ban jaata hoon । isko mama dekhte hain । bahut bachche jab god mein aate hai to mama dekh karke dekhte hain । saakshaatkaar hua na । us samay saakshaatkaaron mein jaate the ki yeh mama hai । phir yahaan baith karke vo pakadte hain, bachche samajh karke inko pakadte hain, peete hain bahut । kyon? ye sabhi to aatmaaen so paramatma aatma ka roop dhaaran karke barobar yeh mama ki bhaasna dete hain, nahin to mama ki bhaasna kaise aave! ab yeh jaadoogri to bahut hai, parantu kya karen vo jaadoogri jaasti nahin dikhlaate hain । pahle dikhlaate the, parantu dekha ki ye jaadoogar kehte hain, pata nahin kya hai, ye to bichaare glaani karne lagte hain । to baba ne yeh chaturaai dikhlaai ki main tumhaari mama ban jaata hoon tumhaara saajan ban jaata hoon । jhat roop badalte hain, koi deri nahin karte hain । sajni ban jaate hain । inko sajni dekhte hain, khud ko saajan dekhte hain aur koshish karte hain ki ham inse khelen । vo saara samay saakshaatkaar ki baat hai । us samay me vo koi apni deh mein nahin hai, vo divyadrishti mein hai, parantu vo khel-paal abhi band kar diya hai, kyonki is khelpaal ko ya jaadoogri ko vo samajhte nahin hain । phir unko kya ka kya kar dete hain, kyonki duniya mein jhooth to bahut hai । jhoothi riddhiyaan-siddhiyaan bahut hain, dher ke dher hain । bahut bachche riddhi-siddhi karke naam lete hain । ekdam krishna ban jaate hain । jinka krishna mein bhaav hoga, unko jhat divya drishti mil jaati hai, sachmuch unko krishna dekh lete hain । abhi vo to hua, barobar yeh krishna hai, maan lete hain aur unke followers ban jaate hain । aise bahut hain । haridvaar mein ek hai jo krishna maankar nikle the, phir government ne pakad liya tha ya kuchh aisi baat hui thi । haridvaar mein the । ab vo to hui mismairijma(sammohit karna ya aakarshit karna) ki baat, par yahaan to saari gyaan ki baat hai na । yahaan to tum abhi jaante ho ki baba aaya hua hai । buddhi hai । yahaan koi saakshaatkaar ki ya deh-abhimaan ki baat hi nahin hai । yahaan bachche jaante hain ki baba aaya hua hai । pahle-pahle yeh nishchay chaahiye, pakka nishchay chaahiye ki ham aatmaaen hain । baba khud aakar kehte hain ki main tumhaara baap hoon aur tum jo meri mahima karte ho- gyaan ka saagar hai, shanti ka saagar hai, sukh ka saagar hai, phalaane ka saagar hai to dekho, tum bachcho ko aa karke is saare srishti-chakra ka gyaan deta hoon । tumko trikaaldarshi banaata hoon । abhi aisi knowledge koi bhi de nahin sakte hain । yeh to baap dete hain na ।… .baba, jisko bhaktimaarga mein sab pukaarte hain, yaad karte hain, parantu bhaktimaarga ke ant mein hi aana hai । aise nahin hai ki koi bhi vakta mein koi bhagat ko mil jaaega । bhale shiv ka saakshaatkaar bhi hota ho । shiv ka kya saakshaatkaar hoga? kisi ko ling ka saakshaatkaar hoga । vo jo gaaya jaata hai ki akhanda jyotisvaroop hai to unko akhanda jyoti swaroop ka saakshaatkaar hoga । jaisi jaisi jo bhaavna rakhte hain to unki bhaavna alpakaal kshanbhangur sukh ke liye poori kar dete hain । bahuton ko hanumaan ka, ganesh ka, soond vaale ka saakshaatkaar hota hai । jis jis ki jo jo bhaavna rakhte hain bas uski bhaavna usmein dridh nishchay rakhne se poori ho jaati hai । baaki baap phir kah dete hain ki divya drishti main deta hoon, parantu vo sab jo bhi saakshaatkaar karte hain, koi mere se nahi milte hain । mere ko pahchaante bhi nahi hain । bhale main saakshaatkaar bhi karaata hoon । chalo, shivling ka karaaoonga । koi star ka to kara nahin sakta hoon kyoki pooja shiv ki karte hain । abhi to gyaan ka kitna pharka ho gaya ki ham bhi stars hain aur baba bhi aise hi star hai । hamaari aatmaon mein bhi to ye knowledge hai, baba ki aatma mein bhi knowledge hai । hain to donon chhote । to yeh nai baat ho gai na । yeh koi kisko maaloom nahi hai, na shaastron me hai । kismen bhi kuchh nahi hai । aatma chhoti hai, unmein 84 janma ka part bhara hua hai- yeh kisko bhi buddhi mein maaloom nahin hai । itni chhoti hai । baap bhi kehte hain main bhi to itna hi chhota hooonga koi bada thode hi hounga । mujhe tum kehte bhi ho param aatma yaani paramdham mein rahne vaali aatma, isliye unko kaha jaata hai param aatma, pare te pare aatma ya supreme aatma, so ho jaata hai- paramatma । supreme soul maana supreme aatma । soul kaha jaata hai aatma ko । english mein aur to koi naam hi nahin hai । jab tum saamne baithte ho us samay mein tumhaara ekdam romaanch khada ho jaana chaahiye । uph! duniya mein koi nahin jaante hain ki behad ka baba, jo gyaan saagar hai, vo shareer mein pravesh karke gyaan dete hain । abhi krishna ki to koi baat hi nahin hai । ismen gop aur gopiyaan, kapda haran karna, phalaana koi bhi baat nahin hai । na yahaan hai, na phir satayug mein hai । har ek prince va princess apne mahal mein rehte hain । woh kaahe ka haran? dekho to kitni jhoothi baaten hain! abhi manushya kaise samjhe? itna parampara se jo padhte aae hain aur unko pakka kara diya hai vo kaise samjhen? samajhte vahi hain jo aa karke phir varsa lete hain । abhi yahaan baithe hue hain । dekho, khushi honi chaahiye na । achha, bhala vo khushi kaayam rahni chaahiye । raajdhaani mein jo bachche hote hain, to maat-pita mahaaraani-mahaaraaja jiske bachche bante hain, yaad to rehte honge । abhi kehte bhi hain- tum maat-pita… । maat-pita ka arth koi samajhte to nahi hain । achha, 'tum pita kehna to theek hai, phir maata kisko kaha jaae? to kitna guhya raaj hai । bhale maata abhi us jagdamba ko kaha jaata hai, par vaastav mein to usko nahin kaha jaata hai na । badi maata to yeh ban jaati hai, kyonki maata ki maata zaroor chaahiye । is maata ki phir maata koi nahin hai । is maata ki koi maata ho nahin sakti hai । yeh raaj, bahut samajhne ki baaten hain । kiske buddhi mein achhi tarah se baithe, baap ko yaad kare aur yeh jaanna hai ki hamko baba kehte hain ki bachche, tumhaare mein koi bhi avgun nahin hona chaahiye, kyonki tum khud bulaate ho ki main nirgun haare mein ko gun naaheen । nirgun baalkon ki bhi ek sanstha hai । nirgun ka arth to koi samajhte nahin hain । nahin to jab bachche jaakar kehte hain ki main nirgun haare mein koi gun naaheen, aape taras paroi । achha, abhi gunvaan banna pade । kitna meetha banna pade achhi tarah se! gun kya? kaam nahin, koi krodh nahin, koi lobh nahi, koi moh nahi, na abhi is samay me deh ka ahankaar chaahiye, kyonki is samay mein aatmaon ko padhaate hain, phir kabhi paramatma aa karke aatma ko nahin padhaate hain । bas, is samay mein ek hi dapha padhaate hain । jabki vo khud aakar padhaate hain padhne vaale ko, abhi yeh part shaastro me kaise aa sakta hai! aa hi nahi sakta hai । saara hi bilkul badal jaata hai । jab yahaan baithe ho, ye to jaante ho, ho to chuke ho na । to kyon tum bachchon ko murjhaavat aa jaati hai? phalaana aa jaati hai? yeh kyon hona chaahiye? parantu baba kehte hai ki drama mein yeh yaad rakhna, nishchay aur us khushi mein rehna jara mushkil hai । yeh hoga, parantu ant mein । nambarvaar purushaartha anusaar ant mein yeh phaainailiti hogi । jo kaha gaya hai ki atendriy sukh ki avastha poochho to gop-gopiyon ko jabki yeh final ho jaaega । abhi nahin, kyonki abhi ho nahin sakta hai, kyonki padhte rehte ho, padhte rehte ho । baba ko koi kah nahin sakte hain ki ham 75 percent ateendriy sukh mein rehte hain । ateendriy sukh me rahege tab jabki phaainailiti hogi । peechhe final bata sakenge । abhi final koi nahin bataaega । yahaan, sab purushaarthi hain । dekho, ye jo tumhaare saakaar mama-baba hain, vo bhi purushaarthi hain, kyonki bachchon ke oopar janma-janmaatar ka vikarma ka bojha bada bhaari hai । yeh koi samajhte nahin hain, kyonki jo paap kiya vo kata to bilkul nahin । kya ganga snaan mein kata? guru ki kripa se kata? koi bhi nahin, kiska bhi nahi kata hai । guru apne oopar hi kripa nahin kar sakte hain, kyonki pichhaadi mein guru bhi aa karke knowledge lete hain । jaise kehte hain bheeshmapitaamah, dronaachaarya phalaane ko bhi kanya dvaara gyaan baan maare hai । aise nahin hai ki vo mare hain, phir usne teer maara hai to ganga nikal aai hai । vahaan bhi in bachchiyon ka naam nikaalkar neeche se ganga nikaal dete hain । samajhte ho? jab vo baith karke gyaan diya hai to us samay me vo jaise gira hai, kyonki baan ki baat nikaalte hain na । to phir us samay mein pichhaadi mein, jaise yahaan manushya marte hain to unko ganga jal mukh mein daalte hain । vo jo katha banaakar rakhi hai ki baan maara hai aur phir kehte hain vo jaise ki mar gae hain । pichhaadi me marte samay geeta ka paani chaahiye na । to arjun ne vahi baan maara hai, paani nikaala, unke mukh mein daala hai, jaise aajkal karte hain । yeh akhaani baith karke banaai hai । abhi vo gangaajal ki baat to kuchh hai nahin । yeh to tum jaante ho ki behosh hote ho to tumko shivbaaba ki yaad dilaate hain । abhi vo yaad dilaani nahin chaahiye, abhi tumko hir jaana chaahiye । jabki baba hi tumko kah dete hain ki maamekam yaad karte raho, to phir pichhaadi mein tumko koi aakar kahenge bhi ki shiv ko yaad karo to itna phaayda nahin hoga, kyonki tumko phir pichhaadi mein koi kahne vaala nahin chaahiye । itna purushaartha karo jo pichhaadi mein tum shareer chhodo to aape hi yaad aave । koi kahne vaala ho, to phir vo to theek nahin raha । madad leni pade na । bigar madad tumko baap ko yaad karna hai । aise nahin ki tumko us samay mein koi madad ke, phir to vo common baat ho gai- raam kaho-raam kaho, shiv kaho- shiv kaho । us samay mein yeh hona nahin chaahiye aur hona hi nahin hai, kyonki maara-maari ho jaati hai । tum pata nahin kahaan kahaan bhinna bhinna jagah mein rehte ho । haan, koi yahaan bhi bahut honge । yahaan bhi koi tumko us samay mein nahin kahenge ki shiv kaho- shiv kaho । vo common baat ho jaati hai, jaise ki abhi koi marta hai to unko kahege raam kaho raam kaho, phalaana kaho phalaana kaho ।.us pichhaadi samay mein vo nahi hoga । vo to apni poori yaad chaahiye । bachchon ka itna lav hona chaahiye । tab tum apne nambarvaar itna ooncha pad paaenge । yeh to tum bhi samajhte ho ki number one sadgati yeh hai oopar mein । ham jaante hain ki inki dynasty bhi hai, jisne sadgati paai hai, jo inke peechhe aaenge । abhi tum samajhte ho, baba samjhaate hain ki pahle pahle number mein shri lakshmi-naaraayan honge, praja bhi to zaroor hogi, shahjaade bhi honge । phir bhi pahle number mein raajaaon me bhi raajaaai jo honge, samjho 8 hain, to bhi number one to yahi gine jaaenge na, kyonki inhonne achhi tarah se purooshaartha kiya hai) । vo yaad karte hi rehte hain, kyonki doosron ko yaad dilaakar, tum bachchon ko kehte rehte hain na । achha chalo, baba bhi kehte hain, ye bhi kehte honge ki baba ko yaad karo । baba kahenge- he bachche! mujhe yaad karo । to donon ka pharka hota hai na । akshar mein kitna pharka hota hai । shivbaaba kehte hain- he mere bachche aatmaaen! mujhe yaad karo । ye kahenge- he mere bhaai aatmaaen! tum baba ko yaad karo । kitna pharka ho jaata hai! to baap abhi kehte rehte hain aur ye kahenge bhaai, parantu ye hir hi baba gaya hai । isko koi bhaai kahkar kahne ka rehta hi nahi hai । ye baba hi aa karke ghadi ghadi bolte hain- bachche, abhi pahchaante ho na ki main tumhaara baap hoon aur barobar abhi tumko lene aaya hua hoon । yaad karte ho, kalpa pahle bhi aae the, tum bachchon ko gulgul bana karke, phool bana karke le gae the । aise to nahin ki vahaan phool banege । kaante se phool banne ki yeh hai sangam ki season, kyonki yeh badalta hai । isko kaha hi jaata hai barobar yeh saari duniya kaanton ka jangal hai । jaante hain ki baap zaroor paradise sthaapan karte hain, par us paradise me kaun nivaas karte hain, yeh un bichaaron ko pata nahin hai । bhaaratvaasi jaante hain ki yeh bhaarat paradise tha, svarga tha । phir bhi shaastron mein jo kachadpatti likhi hui hai unki baaton se bhool jaate hain । naam barobar lete hain ki svarga tha । shri lakshmi-naaraayan ka raajya tha । sarvagun sampanna, solah kala sampoorn the । yatha raaja-raani tatha praja thi । phir bhi unmein bata dete hain ki kans tha, hiranyakashyap-hirnaakash(hiranyaaksha) tha, phalaana tha । bas । to dekho, shaastron mein kitna gapoda hai । baap baith karke yeh samjhaate hain । abhi samajhte ho ki shaastron mein kya hai! main saar samjhaata hoon na । meethe bachche, ye sabhi bhaktimaarga ki saamagri hai । yeh bhi jaise ek seedhi hai । ekdam oopar chadhna hai, peechhe ekdam neeche aana hai । baap abhi kya kehte hain? jinna bano । main tumko kaam deta hoon ki mujhe yaad karo, alpa aur be ko yaad karte raho । agar yaad karne se thak jaaenge to phir maaya khaaegi । ye aakhaaniyo bhi to banaate hain na । ek tha, usko jinna ne bola ki hamko kaam nahin denge to ham tumko kha jaaenge । aisi-aisi aakhaaniyo bahut banaate hain । baba kehte hain ki vo to hui aakhaaniyaan । agar tum baba ko yaad na karenge to yeh maaya roopi jinna tumko kha jaate hain । dekho, yaad karne se tum yahi baithe ho । khushi chadhti hai na ki baba hamko abhi phir vishwa ka maalik banaate hain । aadha ghanta ghanta saamne baitha rahe । bas, isi baat mein baithe, main kuchh bhi na boloon । tumko yahi bolta rahoon ki bachche, yeh to jaante ho na- baba tumhaare saamne baithe hain aur tum bachche aatmaaen sunte ho । he meethe laadle bachche, tum jaante ho ki aaya hoon tumko phir muktidhaam le chalne ke liye, jis muktidhaam mein ya nirvaandhaam mein jaane ke liye kitni mehnat karte hain, parantu koi bhi ja nahin sakte hai । raasta koi ko bhi pata nahin hai, kyonki sarva mein sarva aa jaate hain । bachche jaante bhi hain barobar ki abhi-abhi kalhayug ke peechhe satayug to aaega । raat ke peechhe din to zaroor aaega । phir dekho kitne thode hain! tum thode bach jaate ho । tum jaante ho ki satayug mein ham hi rahenge, kyonki hamko hi baba baithkar apna raajya bhaagya phir se dilaate hain । barobar aaj ham yahaan hain, kal vahaan honge, raajya karenge । to khushi honi chaahiye na, parantu yeh khushi ka paara chadhte-padhte jab pichhaadi hogi tabhi final result ho jaaegi । jo gaaya hua hai ki atendriy sukh poochho to inse, phaainailiti mein । ab school hai ek । aise nahin hai ki aaj beee. padhi, phir aage chalkar doosri padho । yeh ek school hai, usmein bachche se buddhe tak sab padhne vaale hain । buddhe mel-phimel, jinki ekdam aakar ke vaanaprastha avastha hui hai । unse koi poonchhe kahaan jaate ho? kahenge ham college mein jaate hain । donon haath-haath mein lekar ikatthe jaate hain । wonder to dekho! college mein is avastha mein? haan, is avastha mein ye college mein jaate hain । bhai, vahaan kya hai? vahaan padhaane vaala kaun hai? vahaan manushya se devta banne ka hai aur raajayog seekhne ka hai । raajayog ki baat kabhi suni hai? bhagvaanuvaach! main tujhe raajaaon ka raaja banaata hoon- yeh akshar kabhi suna hai? kyonki geeta ke akshar bahut prasiddha hain । sirf bhagvaanuvaach! yeh bhagwan kaun hove? kah dete hain krishna । tum kahege- nahin, bhagwan vo jo vishwa ko rachne vaala hai, jo svarga rachte hain । krishna svarga thode hi rachta hai । krishna svarga mein janma lete hain । unko rachta koi nahin kahega । rachta phir bhi baap ko kahenge, jo rachta hai । knowledgeful bhi unko kaha jaata hai । krishna ko kabhi koi knowledgeful nahin kahenge । jaani-jaananhaar jisko ye log kah dete hain, krishna ko nahin kahenge । phir bhi antaryaami yaani paramatma, phir vo kah dete hain andar mein rahne vaala phalaana, par unke liye kahenge, krishna ke liye thode hi kahenge । gyaan ka saagar, shanti ka saagar kuchh bhi nahin kahenge । abhi manushyon ko ye pata nahin hai ki krishna number one bachcha hai, jiske liye hi kaha jaata hai ki yeh peepal ke patte par agoontha choos karke aata hai । yeh pahla hi bachcha hai jo garam mahal me pahle aata hai । peechhe sabhi follow karte hain ki garbha mahal mein bilkul aaraam se baithen । koi jel to phir hai nahin, sajaaen to hain nahin । isliye ye phir pralay kar dete hain, kyonki mahaabhaarat ki ladaai hai । abhi ekdam pralay to hoti nahi hai ।