सोमवार 31 मई 1965 की साकार मुरली

> >

31-05-1965 madhuban aabu praatah murli saakaar baba omshaantimdhuban\

svadarshan chakradhaari brahman kul bhooshnon ko ham madhuban nivaasiyon ki namaste, aaj somvaar mai ki 31 taarikh hai praatah class mein baapdaada ki murli sunte hain।

record :-

tumheen ho maata, pita tumheen ho…

omshaati ।

tumhein om ka arth to samjha hi diya hai । om ka arth koi eeshvar ya bhagwan nahin hai । om maana aham, aai, main । main kaun? main aatma aur mera shareer to alag ho jaata hai। ab yeh to bahut simple baat hai, jo bachchon ko samjhaai gai hai । nahin to om ka arth manushya bhagwan rakh dete hain । unka arth bada lamba-chauda karte hain । nahin! har ek baat sahaj hai, simple hai । baap bhi kehte hain 'om', main bhi aatma hoon parantu paramdham mein rahne kaaran mujhe paramatma kehte hain । bas, yeh pharka hai । yoon to tum bachche bhi paramdham mein rahne vaale ho, parantu phir bhi sabhi aatmaon ka baap to zaroor hai na । jaise sabhi manushyon ka laukik baap zaroor hai vaise hi sabhi aatmaon ka baap zaroor hai aur usko hi kaha jaata hai- parlaukik baap । aatma jaanti hai, kehti hai- he parampita paramatma । unko pahchaan hai । bhaktimaarga mein bas yahaan tak jaante hain ki baap paramdham mein rehte hai isliye unko aise hi pukaarte hain- he prabhu he parampita, he god father । laukik baap ko to aise nahin kahenge na! har ek (chaahe jo) koi bhi hain- O allaah!' aise kehte hai na । jab aashrure hote hai tab momin log pheri padhte hain- utho allaah hu yaad karo । yeh kisne kaha? aatma ne apne bhaaiyon ko kaha- utho allaah hu yaad karo । subah ko uthaane ke liye vo pheri pherte hai, yeh vela sone ki nahin hai । vaastav mein hai yeh samay । baap bachchon ko kehte hai- bachche uth, baap ko yaad karo । tum mujh apne baap ko yaad karo to tumhaara vikarma dagdha ho jaaega । bas, yeh ek hi yogaagni hai । kaun-si yogaagni? aatmaon ko baap ko yaad karne se…, kyonki sarvashaktivaan hai । patit-paavan to kehte hi hain । vo patit-paavan kaise hai? patit ko to kehte hain ki agar tum bachche mujhe yaad karenge to paavan hote jaaenge, kyonki mera naam hi patit-paavan hai । to paavan kaise honge? kitni sahaj baat sunaate hain ki barobar main aata bhi tab hoon jabki patit duniya ko badlaay karke paavan duniya banaata hoon । bachchon ko yukti bataata hoon jo aay bachche bante hai । sunenge to vahi na । koi baahar vaale to nahin sunenge । to bachchon ko kaha jaata hai । kaun kehte hain? shivbaaba kehte hain । phir bhagwan kaho । shiv ko bhagwan hi kehte hain, prabhu kehte hain, eeshvar kehte hain, god kehte hain । sab naam hain anek bhaashaaon mein । baap to ek hai na । to jo bachche bante hain unko baap kehte hai- bachche, ab mujhe yaad karo । is yaad agni va yogaagni, jo bahut hi naami-graami hai 'bhaarat ka praacheen yog, jisse bhaarat svarga bana, jisse bhaaratvaasiyon ne baap se behad sukh ka varsa liya, isliye isko puraana kaha jaata hai । praacheen yog kisne sikhlaaya? vo samajhte hain ki krishna ne sikhlaaya, kyonki geeta sabse praacheen hai । sarva shaastramai shiromni shreemat bhagvat geeta- yeh hai praacheen, sabse puraana, number one । usko kaha hi jaata hai- maai-baap । geeta maata kaha jaata hai na । koi bhi shaastron ko aise maata nahin kaha jaata hai । bhaarat ki praacheen samay ki ye mahima gaai jaati hai ki praacheen mein geeta ke bhagwan ne yeh raajayog sikhlaaya, usne hi kaha । bachchon ko samjhaaya gaya hai ki bhagwan sabka ek hai । krishna ko bhagwan phir kah nahin sakte hai । brahma, vishnu, shankar ko kah nahin sakte hain । manushya maatra ko va sookshm devta ko bhagwan nahin kaha jaata । oonche-te-ooncha bhagvat, kyonki ye jo teen lok hain, unko nirvaandhaam aur shantidham bhi kaha jaata hai, phir beech mein hai sukshmadhaam jismen brahma, vishnu rehte hai । tabke hain na । phir yahaan to hain hi manushya । satayug se lekar bhi manushya hain । satayug mein manushya hain daiveey gun vaale, kalhayug mein hain aasuri gun vaale । kalhayug mein koi bhi daivi gun vaala ho nahin sakta hai । kyon? satayug mein hi devi-devtaaen rehte hain, jinko kaha jaata hai satayug mein aadi sanaatan devi devta dharma tha aur raajya tha, dynasty thi । kiski dynasty thi? gharaana tha? devi-devtaaon ka । sooryavanshiyon ka gharaana tha । us gharaane ko arthaat bhaarat ki us raajdhaani ko svarga kaha jaata hai । abhi vahi svarga bhaarat ki raajdhaani ye narka bani hui hai । is naatak ke ham sab actors hai, parantu koi bhi actor is naatak ke rachta aur rachna ko nahin jaante hain, kyonki gaaya jaata hai ki jo bhi aage vaale rishi-muni the vo kehte the ham is rachta aur rachna ke aadi-madhya-ant ko nahin jaante hain -neti-neti arthaat koi bhi trikaaldarshi nahin hote hai । agar rishi-muni trikaaldarshi hote to phir unke aage jo rahne vaale hain vo bhi hote, uske aage rahne vaale devtaaen bhi trikaaldarshi hote । shri lakshmi-naaraayan bhi trikaaldarshi hote, unko bhi rachta aur rachna ka gyaan hota, parantu baap samjhaate hain ki jo ekdam pahle shri lakshmi naaraayan hain unko bhi gyaan nahin hai । to jo kaha jaay ki parampara se yeh gyaan chala aata hai vo ho nahin sakta hai, kyonki yeh gyaan praayah lop ho jaata hai । is gyaan ki peechhe jaroorat nahin rehti hai, kyonki gyaan hi hai manushya ko devta banaana । satayug mein sabhi hain hi devtaaen phir baaki kya banna hai! isliye gyaan bilkul hota hi nahin hai । baap aa karke bachchon ko bahut achhi tarah se samjhaate hain ki buddhi se kaam lo ki devi-devtaaon mein gyaan ki darkaar nahin hai । vahaan koi patit nahin hai jisko koi paavan banaave ya patit ko paavan banaane ke liye yeh sahaj raajayog sikhlaaya jaae । ye jo sooryavanshi aur chandravanshi baadshaahi hai, kingdom hai, isko dharma bhi kaha jaata hai । ye dharma yahaan sthaapan hote hai । dekho, braahman dharma । tum shoodra se braahman ban rahe ho । usko kshudra buddhi kaha jaata hai । tum abhi shreemat par devta banne ke liye purushaartha kar rahe ho aur tum ho bhi braahman । braahman to zaroor brahma ke mukhvanshaavli ho sakte hain na । nahin to itne braahman kahaan se aayen? to dekho, kitne braahman hai! hisaab karen to harek manushya shiv ki santaan to zaroor hai aur phir jabki prajaapita kaha jaata hai to zaroor prajaapita ki bhi santaan hua arthaat vo daada hua, vo baba hua । tum kahenge ki ham brahma ke bachche brahmaakumaar-kumaari hain । achha, phir brahma kiska bachcha hai? shivbaaba ka bachcha hai aur akela bachcha hai । aise kabhi nahin samajhna ki trimoorti hai isliye shivbaaba ko teen sookshmavtanvaasi bachche thahre । prajaapita brahma bas yahi bachcha hai, kyonki yahi brahma so phir vishnu bante hain । yeh vishnu maana lakshmi-naaraayan bante hain । phir vahi vishnu 84 janma le karke brahma-sarasvati bante hain । to yeh achhi kahaani hui na । isko katha kehte hain । isko satyanaaraayan ki katha bhi kaha jaata hai । manushyon ne baith karke kathaaen to bahut hi banaai hain । vo sabhi hai danta kathaaen । buddhi se baith karke kuchh kathaaen banaai hain । yeh to baap hai na । shreekrishna katha bilkul nahin jaante hain । vo to raajkumaar hai । unko is srishti ke chakra ka gyaan nahin hai । aise ho nahin sakta hai yaani pahli-pahli jo ekdam kade-te-kadi bhool hai ki geeta ko shreekrishna bhagvaanuvaach… । bas, is ek hi bhool ne bhaarat ko kangaal banaaya hai, balki sabko patit banaaya hai । jo bhi manushya yahaan hai, sabhi patit to hain na । aisa koi bhi saadhu sant mahaatma ho nahin sakta hai, kyonki vo bhi kehte hain- patit-paavan aao । saadhu log saadhna karte hain । kya saadhna karte hain? ki he patit paavan aao! to aa karke kehte hain ki main aata hoon । jiska naam saadhu log hai unka bhi uddhaar karta hoon paritraanaam karta hoon kyonki vo bhi patit hain, kyonki hai hi patit duniya । usmein paavan kahaan se aaya! paavan to donon chaahiye । pahle aatma paavan chaahiye tab unko prakriti paavan mile । yeh to kalhayug hai । yeh prakriti, jiska shareer banta hai, yahi patit hai । bhale saadhu-sanyaasi log hain, ismen koi sanshay nahin hai, parantu aise ho sakta hai ki unka jo shareer banta hai, vo patit prakriti se banta hai, moot se banta hai । gaaya bhi to jaata hai na- moot paleeti kapad dhoye । yeh bhi to kiska gaayan hai na! to bhrashtaachaari kaha hi kisko jaata hai? jo bhrashtaachaar se paida ho । abhi bataao, aisa koi manushya hai jo jiska bhrashtaachaar bigar yaani vikaar, vish bigar janma hua hoga? to sabka yeh jo chola hai, bhale aatma kitna bhi pavitra rakhen, parantu pavitra shareer kahaan milega? shareer pavitra na hone kaaran, bhale pavitra bhi ho, to bhi punarjanma kahaan se leve? vaapas to koi bhi nahin jaay sakte । ye to bahut gapode hain! vaapas koi nahin ja sakta hai jab talak punarjanma lete-lete sabhi patit ho jaaen, sab apna punarjanma lekar poora kar deven । so to hota hi hai ant mein। baap aa karke kehte hain- abhi yeh saara jhaad jadajdeebhoot patit ho gaya hai aur tum khud kehte ho ki patit-paavan ek hai । to sabhi patit thahra na । kalhayug-ant mein so to sabhi patit hain bilkul hi aur satayug mein phir paavan । usko kaha hi jaata hai viceless world । isko kaha jaata hai vishiyas world । yaani ye kaha jaata hai vaishyaalay mein rahne vaale ye manushya aur vo shivaalay mein rahne vaale yaani shiv ki sthaapna svarga mein rahne vaale ho gae pavitra devi-devtaaen । vahaan bilkul koi bhi patit hote hi nahin hain, kyonki nai prakriti ho gai na । to nai prakriti milti hai । aatma bhi yahaan se pavitra ho karke gai, to aaenge to nai pavitra prakriti milegi na । yeh shareer to prakriti ka banta hai, jisko paanch tatva ka kaha jaata hai । usmein moot ka beej padta hai । dekho, paanch tatva se putla taiyaar hota hai । kisse? moot se । svarga mein moot se paida nahin hote hain । agar moot se paida hue hote to usko bhi vishiyas world kahen, parantu yeh baat tum bachche samajhte ho, doosra koi bhi samajh nahin sakenge । vo samajhte the vikh bigar… .are bhai, isko kaha hi jaata hai viceless । vikh maaya ka pahla number ka bhoot hai । vahaan maaya to hai nahin । usko kaha jaata hai raamraajya, yeh hai raavan raajya । raavan raajya ko hi paanch vikaar kaha jaata hai । raamraajya mein bhi paanch… to saari srishti mein hi kahen ki maaya ka raajya hai, phir to sabhi patit hi patit to nahin, ek hota hai raamraajya, phir kaha jaata hai raavan raajya । yeh hai raavan raajya ka ant aur raamraajya ki aadi । ab raavan raajya ka ant aur aadi yeh to baap ka kaam hai na । yeh koi patit manushya ka kaam nahin hai, koi bhi ho । barobar patit siddha hote hain tabhi to paavan hone ke liye gangaaon mein, jamunaaon mein, kumbha ke mele par ye sabhi bahut… .tum jaante ho ki saadhu-sant mahaatma sab aa karke us triveni ke oopar yahaan saagar aur nadiyon ka mela… .ab unse poochha jaae ki tum yeh kyon karte ho? patit ho tab to paavan hone ke liye snaan karte ho na! yeh to bilkul dhoop? hai, abhi tum bachche, de sakte hain na । abhi tumko authority milti hai । kisse? world authority । baap ko aise kaha jaata hai na- world almighty authority । jinko pukaara jaata hai । saadhu log unko nahin jaante yaani koi jaante nahin hain । agar koi jaante hon to pahunch zaroor sake, parantu jab jaante hi nahin hain to pahunch kaise sakenge? jisko koi jaante hi nahin hain, phat se kah dete hain naam-roop se nyaara । naam-roop se nyaari koi cheej hoti hi nahin hai । yeh kehna bhi to wrong hai na, ki parampita paramatma naam-roop se nyaara hai । yeh koi ho sakta hai ki pita naam-roop se nyaara hai? to kya ham aatmaaen bhi naam-roop se nyaari hain? bhale aatma to kehte hi hai । kehte bhi hain ki bhrikuti ke beech mein chamakta hai vahi aatma aur bahut sookshm ati sookshm bilkul sookshm jaise ek bindi । jaise aatma bindi to unka baap kya hoga? vo bhi to bindi hoga । ab yeh to kisko bhi maaloom nahin hai, kyonki yeh aatma ki bindi vandar ki cheej hai na । zaroor yeh aatma ko hi to yeh shareer se part bajaana hai na । to dekho, us aatma roopi bindi mein 84 janma ka part noondh hai, koi shareer mein noondh nahin hai । shareer le karke part bajaati hai । ab yeh to koi ki buddhi mein nahin ho sakta hai ki jo aatma ki bindi hai unmein hamaara 84 janma ka part noondha hua hai । phir kiska 84, 80, 50… । vo part imperishebal hai, avinaashi hai । yeh kabhi bhi puraana hota hi nahin hai । bas, part poora hua phir shuru karenge ekdam । graamaaphon ke record to puraane ho jaate hain । ye aatma mein jo 84 janma ke part ka record hai vo kabhi puraana hone ka nahin hai । ab ye baaten to koi doosre jaante bhi nahin hain, na itni jaldi koi ki buddhi mein baithega । bachche poochhte hain- baba, kiski buddhi mein baithega? baba bolte hain- bachche, jisne 84 janma poora kiya hua hai aur koi-na-koi doosre dharma mein hain, hindu dharma… .uska hi sapling lagna hai । sampling samajhte ho? kalam । aajkal jhaadon ka kalam lagaate hai । baap aa karke devi-devtaaon ka kalam lagaate hain, ye jangali aadmi phir bhi jangal ka saimpalig lagaate rehte hain । ye forest hai na । kaanton ka jangal hai । ek taraph mein jagal ka sampling jangali log laga rahe hain, ek taraph se baap aa karke daiveekul ka sampling laga rahe hai । dekho, kitna raat-din ka pharka hai! unko kuchh bhi pata nahin hai । bas ekdam naastik, orphansa, kyonki jo baap ko na jaante hai unko kya kahenge? naastik, orphan । abhi vo un baap se itna ooncha mukti va jeevanmukti ka varsa le kaise saken jab talak baap na aae? to baap aate hain barobar । sabhi bachchon ke oopar inka moh hota hai । shivbaaba ko moh hua na ki main jaaoon in bachchon ko. … .kyonki ye meri glaani karte karte ekdam chat ho gae hai, ekdam jaise asur ho gae hain । isko kehte hain aasuri sampradaay yaani meri glaani। mere liye kehte hai ki sarvavyaapi, kutte mein, bille mein, machchha mein, kachchha mein । ye to badi kachchi gaali dete hai na । manushya mein bhi, phir patthar mein, thikkar mein, mittar mein eeshvar ko sarvavyaapi kehna । abhi manushya mein bhi koi paramatma thode hi viraajmaan hote hain । paramatma ki mahima dekho kitni badi hai! manushya-srishti ka beej-roop hai । tum bachchon ko baba ki poori complete… baba ne shaayad kal bhi ishaara diya tha ki parampita paramatma ki poori okyupeshan mahima harek baith karke likho, kitni lambi-chaudi hai । aisi mahima phir koi devtaaon ki thode hi hai । devtaaon ki to common hai, kyonki unko to jaante hai barobar ki shreekrishna sarvagun sampanna, solah kala sampoorn, sampoorn nirvikaari, ahinsa parmo daiveedharma maryaada purushottam, yeh unki mahima hai । achha, abhi zaroor jo parampita paramatma hai, unki to mahima badi bhaari hai na । unki tum mahima likho to bilkul nyaari hai- manushya srishti ka beej roop hai । patit-paavan to unko sabhi kehte hi hai barobar । unko gyaan ka saagar… । dekho, gyaan ka saagar unko kahenge, kabhi bhi inko gyaan ka saagar koi kahega hi nahin । kabhi suna? kabhi bhi nahin sunenge । sarvagun,… kahenge, baaki gyaan ka saagar na lakshmi ko, na naaraayan ko, na krishna ko, na raadhe ko… । ye bachche hain, vo bade hote hain । are, itni to bhrashta buddhi hui hai ki unko yeh maaloom nahin hai ki yeh chhoti jodi hai raadhe-krishna ki aur phir yahi svayanvar ke baad lakshmi-naaraayan bante hain । yeh bhi pata nahin hai । inka alag kar diya hai dvaapar mein, unko wahin kar diya hai । inko geeta ka bhagwan banaay diya hai । geeta ka bhagwan yeh thode hi hai । yahaan to kaha jaata hai bhagvaanuvaach । kaun-sa? baba kehte hain- main manushya srishti ka beej roop hoon । abhi inko koi kahenge kya beej roop hai ya god father sabhi dharma vaale inko kahenge? nahin । sabhi dharma vaale unko zaroor kahenge । yaad karte hai ki barobar vo liberator hai । inko kabhi bhi koi liberator nahin kahenge । lakshmi-naaraayan ko bhi liberator nahin kahenge । liberator maana duhkh se chhudaane vaala, duhkh harta sukh karta । yeh thode hi duhkh harta sukh karta hai । jab yeh nahin hai to doosra bhi koi nahin ho sakta hai । kahaan se ye hunar seekhe? baap aa karke samjhaate hai ki tum khud parampita paramatma ki mahima hi karte ho- sarva ka duhkh harta sarva ko duhkh se liberate kar de । duhkh se phir kahaan le jaaenge? yeh to jaante ho na ki kahaan le jaaenge । shantidham mein, ghar le jaaenge aur phir svarga mein bhej denge । to buddhi kaam karti hai ki barobar jab bhaarat mein aadi sanaatan devi devta dharma tha, usko svarga kaha jaata tha aur manushya thode । aur dharma vaale to the hi nahin sivaay sooryavanshi ke । chandravanshi bhi nahin the । gharaana hi sooryavanshi tha । ek hi dharma tha । phir chandravanshi bhi vahi bante hain । achha, tab aur sabhi aatmaaen kahaan theen? itni jo dher aatmaaen hain, kitne dharma hain- sanyaas dharma, islaami-bauddhi kitni kitni… inki aatmaaen kahaan theen? inki aatmaaen muktidhaam mein theen ।… .to ab aise satayug mein, aadi sanaatan devi devta dharma jisko sukhdhaam kaha jaata hai, jeevanmukta kaha jaata hai, aur baaki manushya kahaan gae? muktidhaam mein । to usko kaha jaae ya nahin? ek hi parampita paramatma sarva ka sadgati daata, sarva ka jeevanmukti daata । jeevan ko is raavan ke raajya se mukta karte hain, jahaan jhooth hi jhooth hai, sach ki ek ratti bhi nahin । dekho, number one jhooth phir kaun-si hai? parampita paramatma ko jhooth kahkar ki sarvavyaapi hai maana gaali dena । dekho, usmein sab aa jaata hai na । kutte mein hai yaani kutte ka bachcha hai yaani kutte ko bachcha bhi to hote honge na । phalaane mein hai, to dekho, glaani karte hain na । baap aakar ab yeh samjhaate hain ki maaya roopi raavan tumko rasaatal le jaate hain, adhogti ko le jaate hain । to dekho, bhaarat adhogti ko hai na । narka kehte hain, usko adhogti kahenge । aise nahin hai ki sabhi narka mein hain, hai hi narka । svarga hota hi satayug ko hai । usmein svargavaasi rehte hain । yeh narka hai to sab narkavaasi hi thahre na । drama ke anusaar raavan raajya mein manushya narkavaasi kaise bante hai? kitne sab jhooth bolte rehte hain । usmein sabse jaasti bade-te-badi jhooth vidvaan nikaalte hain । kahaan se nikaala? geeta se । jo geeta rachne vaale the, unhonne jo kuchh bhi aaya so baith karke geeta mein daal diya । dekha to kuchh bhi nahin, suna bhi kuchh nahin । kahaan se sunen, kahaan se dekhen? unhonne baith karke geeta banaai aur kah dete hain ki vyaas bhagwan ne geeta banaai । are! vyaas ko aur kuchh kaam nahin tha, usmein ye gapode daal die! pahla number one gapoda daala- shreekrishna bhagvaanuvaach । bas, khel khalaas ho gaya । saare shaastron ko khandan kar diya । aise hi jaise nehru ki biography mein agar moteelaal ki biography hove to manushya kya samjhenge? ya moteelaal ki biography mein nehru ki biography de do, to vo kitni moorkhata ho gai! baap ki biography mein bachchon ki biography dekar baap ko hi gum kar dene to kitni moorkhata… .kya kar diya hai? shreekrishna jo baap se varsa liya aur devta bane, unka geeta mein naam daal diya aur baap ko bilkul gum kar diya । baap ko gum kar diya to kaun unko dhoondhe? kahaan dhoodhe? jis cheej ka maaloom hota hai ki yeh phalaani cheej phalaani jagah mein hai, to aisi koi baat nahin jo koi unko dhoondh na le । ye to dekho, star ke bhi oopar jaana chaahte hain । kitna ooncha hai bilkul hi! to baap jo itna meetha hai, unko koi mujhe to kyon nahin dhoondhen! parantu unko kah hi diya hai ki naam-roop se nyaara to kisko dhoondhen? aur phir sarvavyaapi… .to phir kisko dhoondhen? dhoondhane ki baat hi nahin rahi yaani bhakti ko gum kar dete hain । unki buddhi hi kaam nahin karti hai । kyon? maaya ne ekdam jor se godrej ka taala laga diya । godrej ke taale bhi to nambarvaar hote hain na । to sabse jaasti vidvaanon ka buddhi ka taala banda kar diya, jinhonne yeh geeta padhi aur sab jhooth, bilkul hi saphed jhooth kaho, raamaayan bana diya । are! tumne kya kar diya! shri raamchandra va shri seeta ki itni glaani! ye jo Christian log aate hai, vo wonder khaate hain ki kya inka bhagwan, raamchandra ko bhagwan kehte hain, bhagwan ki phir jo bhagavti seeta hai, unko koi daitya churaay le gaya aur phir bhagwan ko manushya nahin the kya, jo bandar ki sena li? dekho, raamaayan to bahut padhte hain, aajkal to aur hi jaasti padhte hain । jaise fashion ho gaya hai । jaise ki koi tote padhte hain । dher tra-tra karte rehte hain । bade prem se padhte hai, achhi tarah se badi… uchchaarte hai aur jhooth to mirai jhooth, sach ki phir usmein ek ratti… । tum jaante ho ki brahma dvaara main tum bachchon ko bhaktimaarga ke sabhi vedon granthon shaastron ka raaj bataata hoon saar bataata hoon । inmen kuchh bhi saar nahin hai । samajhte ho na! kehte hain ki parampara se padhte-padhte tum to bilkul hi durgati ko pahunch gae ho । isko adhogti kaha jaata hai । is samay mein tum sab saadhu-sant mahaatma, rishi-muni jo rehte ho, abhi tum nahin rehte ho, kyonki tum sangamayug par rehte ho । kalhayug kumbhi paak narka । wahin se tum nikal sangamayug par aae ho, jahaan tumko baap milte hai । isko hi kaha jaata hai- ospishas yug yaani kalyaankaari yug mein sirf tum aae ho । doosre jo manushya hain vo koi sangamayug par nahin hain, vo ghor andhiyaare mein hain । vo samajhte hain ki sangamayug(kalhayug) ko abhi 40 hajaar aayu hai । to dekho, ghor andhiyaare mein pade hue hain na । kisne ghor andhiyaare mein daala? ye vidvaanon ne, jo apan ko eeshvar kehte hain, shivo5ham kehte hain aur pooja karaate hain । inko kaha hi jaata hai- hiranyakashyap-hirnaakash(hiranyaaksha) । jo apni pooja karaate hain, unko aise title mile । is samay mein ye aasuri title to sabko milte hain । kans jaraasindhi akaasur, bakaasur, pootna phalaana, yeh ek hi samay ki baat hai । to is samay ki vo baat hai jo baap baith karke samjhaate hain । isliye baap ne pahle hi kaha hai- bachche, ye kalhayugi guru hain । ye hain dubaane vaale aur ek hai sarva ki sadgati karne vaale, un guruon ki bhi sadgati karne vaala । vo saadhu log jo guru bane hain, unka bhi uddhaar karne mujhe aana padta hai । kis dvaara uddhaar karaata hoon? maataaon dvaara । maata guru bigar kabhi kiska uddhaar ho nahin sakta hai । isliye maata hi gaai hui hai । kaun maata? jagdamba । aise nahin kahenge ki shri lakshmi । vahi jagtaamba vahi jagat ki maalik shri lakshmi । baba ne bahut dapha samjhaaya ki lakshmi se sirf dhan maangenge kyonki us samay mein vo dhanvaan hai । is samay to jagat maata hai na । to jagat maata se is samay mein kya milta hai? sabhi kaamnaaen poorn hoti hain । kaun-si kaamna hai? jeevanmukti dhaam ki । mukti aur jeevanmukti ki । shri lakshmi se mukti-jeevanmukti nahin milti hai । jagat amba se jeevanmukti aur mukti milti hai । unko kaun dete hain? baba dete hain, jo mukti aur jeevanmukti daata hai । kalash maataaon ke oopar rakhte hai, yeh bhi to gaayan hai na । to ye sabhi yahaan samajhne ki baat hai । baaki jo kuchh bhi manushya karte hain ved granth jap-tap bilkul hi besmajh ban gae hain aur baba direct aakar kehte hain- dekho, tum sabhi bhaktimaarga mein poori durgati ko pahunche ho, kyonki raavan raajya hai na । koi bhi jo gapode maarte hai, bauddha nirvaandhaam gaya yaani vaanaprastha padhaara, phalaana । nahin, shri lakshmi naaraayan khud yahi hain । kalhayug mein patit the, abhi sangamayug mein aa gae hain । phir ye braahman bankar apna raajbhaag apni dinaayashti sahit le rahe hain । yahaan dekho, yahaan tum sabhi bachche le rahe hain । to yeh hai jeevanmuktidhaam ke liye tumhaara purushaartha yaani svaraajya । abhi to koi raajaai nahin hai na । isko kaha hi jaata hai- daivi svaraajya । so bhi kaun-sa daivi svaraajya? ahinsa parmodharma । ye log kehte hai ki non vaaylensa ho, par nonviolence sikhlaane vaala kaun? so to sivaay baap ke ahinsa koi sikhlaay nahin sakte hai । baaki sab hinsa hi sikhlaate hain । dekho, raavan raajya mein yeh kaam kataari ki hinsa । ye aakar kehte hai kaam mahaashatru hai । ye tumko yuktiyaan bataate hain । jabki tum brahmaakumaar aur kumaari ho tum sabko samjhaay sakte ho- are bhai, shivbaaba se parichay hai? vo to baba hai na । prajaapita pita bhi to baba hai na । to vo daada hai, vo baba hai aur ye brahmaakumaar-kumaariyaan hain । kisse varsa leti hain? baap se varsa leti hain । dukh mein pukaarti bhi hain- O god father ' । aise to nahin kehte, O brahma । kabhi koi kehte hain? bilkul nahin । sab kehte O god father O parampita paramatma । to phir vo kehte hain ki main prajaapita brahma dvaara tumko varsa deta hoon । koi brahma nahin dete, brahma bhi lete hain । to kitni sahaj baaten hain । samajhne ki baaten hui na, kyonki besmajh ban gae hain । barobar besmajh divaala maarte hai, samajhdaar to ekdam saahukaar ho jaate hai । to dekho, is samay mein bhaarat divaala maara hua hai, bilkul hi worth not A paini, kangaal, bhikhaari aur vahi bhaarat dekho kitna maalaamaal tha! bhaarat ko phir svarga banaana baba ka… ye shakti ki majority bahut hai na । hain to bachche bhi, kyonki pravrittimaarga hai । ismen koi gharbaar nahin chhodna hai । jo gharbaar chhodte hain vo to pahle hi paap karte hain । pahle to stri ko vidhva bana dete hain । jin bachchon ko create karte hain unki paalna nahin karte hain । ye to mahaapaap hua na । baap kehte hain- bachche, grihastha-vyavhaar mein rehte hue tum yeh knowledge padho । ismen koi takleeph nahin hai । ek ghadi, aadhi ghadi, aadhi ki punah aadh mere ko achhi tarah se yaad karte raho । seekho । jab pichhaadi hoti hai to bolte hain- bahut gai, thodi rahi, baaki thode ki bhi thodi samay rahi hai vinaash mein, isliye gallop karo । jaise koi bahut badi lambi race hoti hai to pahle thande hote hain, phir dekhte hain ki najdeek hai, bas ekdam full power mein, force mein mehnat karte hain ki ham pahle number mein jaaen । to yeh ek race hai । jo shivbaaba ko yaad karenge । vo pilar laga dete hai ki pillar ko haath lagaakar vaapis aao । to shivbaaba hai jaise pillar aur vo khud kehte hain ki jo mere ko jaldi aa karke haath lagaaenge unko main pahle bhej doonga yaani sooryavanshi ka pahla… । to dekho race hui na । achha, abhi time to poora hua । bachchon ko jaana bhi hai । bachchon ko to roj-roj nai-nai baaten sunaate hain । yahaan koi shaastron ki to baaten hain nahin । vo to samjhaate hain- ved granth shaastra vagairah jo-jo bhi hain, jo ye manushya samajhte hain in sabse bhagwan ko pahunchne ka raasta milta hai, are! raasta ghoor mile! jab kehte ho hai hi naam-roop se nyaara aur sarvavyaapi, phir na raste ki baat rahi, na dhoondhane ki baat rahi । dekho, buddhi itni tamopradhaan ban gai hai । saadhu saadhna karte hain । kiski? vo bolte hain- sarvavyaapi hai, naam-roop se nyaara hai । are, tab saadhna kiski karte ho? baba aakar poonchhate hain । itni tumhaari moodhamti ho gai hai । tum saadhna karte kiski ho? karte ho unke paas jaane ke liye, jisko muktidhaam kehte hain । muktidhaam, mukti dene vaale ko bilkul jaante nahin hai । muktidhaam se to tum sabhi aae ho । vahaan hi baap rehte hain jisko nirvaandhaam kehte hain । baap rehte hain naam-rup se nyaara aur tum jo aatmaaen ho, uska naam-roop hai aur kehte ho ki ham aatmaaen hain aur shareer mein hai aur baap ke liye kah dete ho ki sarvavyaapi hai, naam-roop se nyaara hai । sab kitne moorkha ho gae hain!. .behad ka baap kah sakte hai na । manushya, manushya ko to nahin kah sake । achha, toli do । aatma ko ye injection lag raha hai । ye toli hai shareer ka injection । hai ye bhi aatma ka injection parantu shareer hai to phir aatma ko taste aati hai na । shareer ko to taste nahin aati hai । aatma kehti hai ki yeh badi achhi cheej hai । aatma kehti hai ki main ye shareer chhod karke doosra leti hoon । aatma abhi padhti hai na । bhale college mein bhi koi padhte hain to aatma padhti hai, phir bolti hai ki mainne college mein phalaana imtahaan paas kiya । to abhi kehte hain ki aatmabhimaani bhav । jo bhi manushya maatra hai vo sabhi deh-abhimaani hai, isliye aatmaabhimaani banne ki thodi mehnat hai । ashareeri bhav aur maamekam yaad kar । sarvadharmaan parityajya yaani deh ke deh sahit sab bhool jaao, apan ko aatma samajh baap ko yaad karte raho । bas, tum bachchon ko yahi kade-te-kadi mehnat hai । kuchh to mehnat chaahiye na aur phir pavitrata । pavitrata mein ablaaon ke oopar atyaachaar hote hain, paap ka ghada bharta hai । ghada bhar bhar karke jab bahut bhar jaata hai tabhi phir vo phatta hai yaani ladaaiyaan lag jaati hain, unka maut aa jaata hai । isko paathshaala kaha jaata hai na । geeta paathshaala । yaani bhagvaanuvaach । dekho, kisko padhaate hai! phir kehte hain- main kisko padhaata hoon? ablaae kubjaaai bheelniaaen ajaamil jaise paapi । dekho, sab gareebon ka hi naam lete hain, kyonki main gareeb nivaaj hoon । saahukaar nahin padhte hain । lo kya kehta hai? saahukaar hain, parantu bali nahin chadh sakenge । ye ablaaen hain… .inke paas to kuchh hai nahin । ye bali chadh padti hain । ye bhavishya mein saahukaar aur gareeb phir gareeb aur saahukaar phir gareeb । yeh athal-paathal bahut hoti hai, kyonki saahukaar yahaan sukh bahut dekhte hai na । bolte hain hamko to yahin svarga hai । narka uske paas hai jo gareeb hai । to baba kehte hain- achha, ham unko saahukaar bana dete hain, tumko bhavishya mein gareeb bana denge । to saahukaar gareeb bante hain । aate hain pichhaadi ko, par kya kar sakte! yahaan baadshaahi sthaapan karne mein koi laakhon nahin chaahiye । yeh to yogbal ki baadshaahi hai । inko hi saahukaar banaana hai । so bhi in sabko apna grihastha-vyavhaar pahle sambhaalna hai । peechhe vo jo bolta hai na mutthi chaaval ki… .paana hai na । sikeeldhe…, bahut hua na dekho abhi tum jaante ho ki aatmaaen aur paramatma alag rahe bahukaal tumko 5000 varsha hua alag hue । samjha na । to bolte hain sikeeldhe bachchon prati, gyaan sitaaron prati maat-pita ka, zaroor vo bhi to gyaan ke jaanne vaale honge na, baapdaada ka yaadapyaar aur good morning ।