शनिवार 5 जून 1965 की साकार मुरली

> >

05-06-1965 madhuban aabu praatah murli saakaar baba om shanti madhuban

helo, svadarshan chakradhaari brahman kul bhooshnon ko ham madhuban nivaasiyon ki namaste, aaj shaneecharvaar joon ki paanch taarikh hai praat class mein baapdaada ki murli sunte hain।

record:-

dheeraj dhar manua…………………

om shaati!

bachchon ne kya suna ? baap hi kah sakte hain na, koi sanyaasi-udaasi ya koi bhi laukik baap nahin kah sakte hain । yeh parlaukik baap bachchon ko kehte hain, kyonki aatma mein hi man-buddhi to kehte hain, he aatmaaen, abhi dheer dharo । abhi bachche jaante hain, ki yeh behad ka baap kah rahe hain, aur saari duniya ko kehte hain ki bachche, dheer dharo । abhi phir tumhaare shanti aur sukh ke din aa rahe hain । abhi sunte hain so hi to samjhenge na । yeh aavaaj koi baahar mein to nahin jaaegi । haan, ek din yeh ho sakta hai ki koi telivijan aadi niklenge, jo yahaan baith karke sunaaenge aur koi sunenge । to bhi aise kahenge na- he bachchon! dheer dharo । abhi yeh duhkhadhaam hai । duhkhadhaam ke peechhe sukhdhaam to zaroor aata hi hai । sukhdhaam ki sthaapna so to baap hi karenge aur baap hi bachchon ko yeh tasalli dete hain, dheer dete hain ki bachche, dheer dharo । pahle nishchay chaahiye na । nishchay hota hai phir braahmanon ko, jo brahma mukhvanshaavli bante hain । nahin to is samay mein brahman kahaan se aae? itne brahmaakumaar aur kumaariyaan kahaan se aae? kumaar-kumaariyaan ka arth hi hai bachche aur bachchiyaan, parantu jo patthar buddhi manushya hain vo yeh samajh nahin sakte hain । bhala poonchhate bhi nahin hain । tum itne sabhi jo kehte ho brahmaakumaar aur kumaariyaan, to un shaastra padhne vaalon ko buddhi mein lagna chaahiye ki zaroor prajaapita brahma hoga, jo itne sab kehte hain brahmaakumaar-kumaariyo aur ek ke liye hi sab… । inka ek hi maat-pita hai। ek maat-pita ke hi to brahman aur braahmaniyaan nahin hote hai na । sabke alag-alag hote hain। vo hain kukh ki vanshaavli aur yahaan ye sabhi hain nae brahman, jo brahman the hi nahin । tum log koi brahman ke mukh ke nahin the, jaise vo brahman hain । un braahmanon ki eejaat hai । vo hai kukhvanshaavli ki eejaat. .aur tum ho mukhvanshaavli । to baap baith karke samjhaate hain । abhi yeh nishchay ki baat hai na । har ek baat mein nishchay buddhi chaahiye ki kaun hamko yeh kehte hain । barobar kalpa pahle ki bhagwan ne hi kaha । abhi bhi bhagwan hi kehte hai, samjhaate hain ki barobar abhi yeh kalhayug ka ant hai । ladaai saamne khadi hai । vahi mahaabhaari mahaabhaarat ki ladaai hai । vahi yaadav kaurav paandav bhaai-bhaai । yaadav yooropvaasi, jinhonne ye bombas vagairah ki invention ki । vo bhi to gaaya hua hai, zaroor ki inke buddhi roopi pet se ye moosal niklenge, jo apne kul ka vinaash karenge । dekho, likha bhi hua hai aur barobar jaante ho ki vo kul ka vinaash karenge zaroor । dekhne mein aata hi hai । kehte bhi hain । hain to ek kul ke । vo unko kehte hain ki ek bomb se tumhaara vinaash karenge aur vo unko kehte hain dekh lena ham vinaash karenge । har ek baat mein kampeetishan ho rahi hai । barobar yeh bhi likhi hui hai । yeh laakhon varsha ki puraani baat to nahin hai na । baap abhi baith karke achhi tarah se samjhaate bhi hain ki bachche, abhi jaante ho na, dheer dharna hai na ki barobar yeh puraani duniya khatam ho jaane vaali hai । khatam hui hogi tab to bhaarat aisa bana tha na । satayug tabhi banega jab kalhayug khalaas hoga । jab anek aasuri sampradaay, anek raajdhaaniyaan khalaas hongi, to zaroor uske pahle hi ek ki sthaapna honi chaahiye । yeh to gaaya hi jaata hai ki brahma dvaara sthaapna, phir shankar dvaara vinaash । pahle vinaash bhi nahin kehna chaahiye, pahle sthaapna । jab sthaapna poori ho jaati hai… । dekho, sthaapna ho rahi hai na । hai to difficult maarga, ekdam naya maarga । koi bhi kuchh bhi nahin samajh sakte hain । sab koi samajhte hain ki pata nahin yeh kya hai, kya bolte hain । kabhi na koi ne kaan se suna, na koi ne kiya । inhonne kahaan se ye baaten laai hain! vo samajhte hain jaise aur math panth dharma sthaapan hote hain vaise yeh bhi koi brahmaakumaariyon ka naya dharma hai ya kya hai । barobar hai । unka dosh hai hi nahin, kyonki yeh kalpa pahle bhi aise hi tha । vighna daalte hi rehte the, kyonki pata nahin tha । abhi hai bhi barobar ki yeh rudra gyaan yagya hai । rudra kaha hi jaata hai shiv ko aur isko hi kaha jaata hai praacheen sahaj raajayog । abhi praacheen ka bhi to arth nahin samajhte hai na । koi satayug mein to nahin aakar ke sthaapan kiya । yeh hai sangamayug । baap kehte bhi hain ki bachche, bhala samajh to dharo- patit aur paavan, to sangam hua na । patit kaha jaata hai kalhayug ke ant ko, paavan kaha jaata hai satayug ke aadi ko । achha, satayug aadi mein hai daivi dharma aur yahaan hain anek aasuri dharma । aasuri dharma kisko kaha jaata hai? yeh raavan raajya hai, raakshas raajya hai । dekho, yeh kehte bhi hain । aage chalkar aur kahenge khud bhi ki yeh raakshas raajya hai । inke empi. vagairah bhi kah dete hain ki raakshas raajya hai । barobar dikhlaaya bhi hai asuron aur devtaaon ki yuddha । to baap aakar samjhaate hain kaurav aur paandav । vo aasuri sampradaay, tum daivi sampradaay । inki aapas mein koi yuddha thode hi lagi hai । yeh bhi bhool hai । baap kehte hai tumhaari yuddha dekhte ho na । ab usmein aisa to nahin likha hai ki yaadav aur kaurvon ki ya kaangres ki । ye hain musalmaan aur unki ladaai aapas mein । tum bhaai-bhaai aapas mein kaise ladenge? yeh to ho hi nahin sakta hai । kehte bhi hain ek hai dhritraashtra ki aulaad aur ek hai yudhishthir ki aulaad । do bhaai । ek kahaani baith karke banaai hai । so baap baith karke samjhaate hai । kaha bhi hai na ki brahma dvaara sabhi vedo,granth,shaastron vagairah ka saar baith karke samjhaate hain । yeh samjhaate hain ki sabhi ved shaastra granth inko un mein se, dharmashaastra kisko kehna chaahiye? to samjha diya ki mukhya dharma to chaar hain । usmein pahle mein pahla kaun-sa? aadi sanaatan devi-devta dharma । unka shaastra kaun-sa? sarvashaastramayi shiromni yaani jo peechhe hue hain un sabse yeh pahle number mein oonchi hai, shiromni hai । are bhai, vo kis dharma ka shaastra hai? bhaarat ka shaastra hai । abhi bhaarat ka shaastra kiska? us dharma se kya hua? us dharma se aadi sanaatan devi-devta dharma ki sthaapna hui । yaani satayug ke aadi sanaatan sooryavanshi-chadravanshi dharmo ki sthaapna hui । to dekho, sangamayug par hui hogi । aise to nahin kahenge ki satayug mein hui । nahin, konphlooensa mein yaani sangam par । isko phir kumbha bhi kaha jaata hai । abhi tum jaante ho, yeh kumbha ka mela hai । kaun-sa kumbha? yeh paani aur saagar ka nahin, gyaan saagar aur gyaan saagar ki santaan aatmaon ka । aatmaaen aur paramatma ka mela । use kaha jaata hai sangam, suhaavna sangam, kalyaankaari sangam । barobar kalhayug se satayug yeh to zaroor hona hi hai । to usko kalyaankaari yug, so bhi sangamayug kahenge । aur koi bhi yug ko kalyaankaari nahin kahenge, kyonki satayug se treta aata hai to 2 kala girna padta hai । vo koi kalyaankaari thode hi hua । akalyaankaari hua । phir 14 kala se chalo neeche, yeh bhi to akalyaankaari hua । phir chalte jaao, sabhi akalyaankaari । akalyaan hota hi jaata hai । achha, phir kalyaan chaahiye, kyonki jab poora akalyaan ho jaata hai tab baap aate hain phir sabka kalyaan karne । baap hi baithkar bachchon ko samjhaate hain ki abhi tumhaara kalyaan ho raha hai । isko kaha hi jaata hai suhaavna, kalyaankaari, ospishas । angreji naam bhi diya hua hai na । yeh kalyaankaari yug । buddhi se kaam lo ki barobar baap aaega bhi kalyaan karne so aaenge bhi to is sangamayug par, yuge-yuge thode hi aaenge । sarva ka sadgati daata । sarva maana is samay mein sarva ho jaaenge । sarva koi dvaapar mein to nahin kahenge । sarva koi treta mein to nahin kahenge । sarva koi satayug mein bhi nahin kahenge । sarva maana aaega hi ant mein jabki sabhi aatmaaen aati hain । pichhaadi mein aa hi jaaengi jo kuchh bhi rahi-kuhi hain । aap sunte ho ki baba hamko dheer dete hain । ham bhi jaante hain । ham jaante hain aur kehte hain- baba bhala jaldi aave na! yahaan badi khitpit hai, bada duhkh hai unmein । nahin bachche, yeh drama hai na । yeh drama to apne time par, jab tum sabhi bachche gyaan le karke, padh karke aur yeh poori phoolon ki baadshaahi… । tum kaanton se phool ban rahe ho na । abhi phat se to koi kaante se phool nahin banega na । jo bhrashtaachaari hain vo phat se koi shreshthaachaari thode hi banenge । haan, nishchay buddhi ho karke phir purushaartha karna hai । phat se koi nahin ban sakte hain । phat se jo kaha jaata hai second mein jeevanmukti । haan, yeh to theek hai- pahchaana aur varse ka adhikaari bana । varsa to theek hai । tum sabhi paavan duniya mein chalne vaale ho, jo-jo bhi phir aaenge, parantu vahaan bhi to pad hai na । status hai na । to unke liye purushaartha karna padega । padhaai mein purushaartha hota hai na । to padhaai padhna hai । aise to nahin hoga ki jhat se tum karmaateet avastha… agar karmaateet avastha phat se ho jaae to tumko shareer chhodna pade, phir rah nahin sako, parantu nahin, aisa law nahin kehta hai ki itna phat se tum karmaateet avastha ko praapta karo । nahin, maaya se bilkul hi achhi tarah se yuddha karni hai, aur badi yuddha । kya yuddha mein koi ek second mein haar-jeet ho jaati hai? unki aath-aath varsha, das-das varsha yuddha chalti hai । kabhi kabhi koi ki das-das pandrah-pandrah baras bhi yuddha chalti rehti hai । yeh to tumhaari yuddha hai maaya se । vo teksa time । jab talak baap hai tab talak tumhaari yuddha chalti hi rehti hai । pichhaadi mein aa karke result niklegi ki kisne maaya ko kitna jeeta, kitna karmaateet avastha ko pahunche । baba kehte rehte hain na- bachche, abhi apne baap ko, apne ghar ko yaad karo । ghar ko hi kaha jaata hai muktidhaam, nirvaandhaam । vo ghar hai na! unko shantidham kaha jaata hai । tum aise mat samjho ki satayug ko shantidham kaha jaata hai । na na, shanti maana hi nirvaan yaani shareer bhi nahin ho, aatma ho aur aatma to shareer bigar bol bhi nahin sakti hai । sachcha shantidham to usko kaha jaata hai । shantidham, nirvaandhaam, vaanaprastha yaani vaani se pare sthaan । vo to hamaara ghar hai । abhi tum bachchon ko yeh maaloom pada । khushi hai tumhaari buddhi mein jinko nishchay hai । barobar ham to rahne vaale hain aur barobar yeh drama hai । abhi drama tumhaari buddhi mein raha, shuru se le karke, oopar se le karke । oonche te ooncha se hua । oonche te ooncha bhagvat aur second number mein hain, teen lok- silence movie talkie । usko mool vatan sookshm vatan sthoolavtan kaha jaata hai । abhi yeh to common baat hai na । so bhi koi doosre ki buddhi mein nahin hai । yeh buddhi mein bhi tum bachchon ke hai । bhale kitne bhi koi shaastra padhe hue hon । baba to bahut hi shaastra padha hua tha । baba ki buddhi mein ye sab baaten thode hi theen । kuchh bhi nahin bilkul hi । jaise tote-dhendharo ke muaaphik padhte hain, yeh karte hain । dekho, geeta padhte the । likh diya hai kisko mahaatmya ka phal dena to unka uddhaar ho jaaega । chalo pitraay namah phalaane namah karke unko de diya । yeh to karte aae the । yeh to sabhi karte hi rehte hain । bahut hi kuchh karte hain । dabbe mein theekri koi yeh thode hi rehta hai ki barobar buddhi mein aaya- haan, ham door desh mein rahne vaale hain, paramdham mein rahne vaale hain । yeh thode hi koi buddhi… । peechhe vo to baba vahaan rehte hain । abhi yeh maaloom pada । nahin to baba kehna hi kisko nahin aata hai । koi bhi aise nahin samajhte hai ki hamaara sabka baba, jisko ham patit-paavan kehte hain, vo paramdham mein rehte hain, vo baba kab aaenge, aise kabhi to kisi ko maaloom hoga । abhi tum kehte ho ki baba aaya hua hai, jisko ye manushya dhoondhate rehte hain- patit-paavan aao- patit-paavan aao । unko pata bhi nahin hai aur na hi koi vaapas ja sakte hain । isliye uski nishaaniyaan hain । dekho, jaise baaraadri lakhnau mein hai । achha, aage jab egjibishansa karte the to mej banaate the । jismen vo banaate the, peechhe jaate the, beech mein ek rehta tha aur jaate the । achha, yahaan se ham jaaenge to darvaaja saamne aa jaata tha, phir lautte the, phir doosri jagah se jaao, darvaaja aa jaata hai । to aise karte thak jaate the ekdam, phir baith jaate the । peechhe unko radiyo karte the- are, hai koi! hamko rasta bataave । dekho, yahaan hai na barobar! kahaan bhi jaao, shaastra padho mattha phata, ved padho mattha phata । jahaan bhi jaao, teertho par jaao mattha phata । sangam par jaao mattha phata । koi bhi raasta maaloom hi nahin hai to jaaenge kahaan! to baap baithkar samjhaate hain ye gapode maarte hain ki jyoti jyot mein samaaya, budbuda tha so saagar mein leen ho gaya, brahm mahtatva mein jaakar leen ho gaya । ye sab gapode maarte rehte hain । baap aakar samjhaate hain- bachche, koi bhi nahin ja sakte hain । naatak jab poora hota hai to sab actors creator director stage par aa jaate hain । tum log jeeta-jaagta naatak ho । ye to peechhe baaiskop hue hain । vo jo manushyon ka naatak hota tha, usmein kaayda tha ki naatak poora hua to sab usi dreson mein aa karke khade rehte the । bas khade rah karke, munh dikhla karke, andar ja karke kapda utaarkar sab bhaage apne ghar । naatak poora hua । phir se aa karke vahi repeat karte the । to vo hai had ka naatak । baap phir baith karke samjhaate hain yeh hai behad ka naatak । abhi samjha kitna tumne part… are phir part kisne bataaya hai? vo to manushyon ko deh abhimaan hai- main raaja banta hoon main actor banta hoon । ye to kehte hain main aatma actor banta hoon । abhi yeh aatmik abhimaan ho gaya ki main aatma ek chola chhod karke doosra, doosra chhoda… । O ho! 84 chola hamne chhoda । 84 naam hamaare oopar pade hue hain । abhi tum bachchon ko yeh to hua ki hamne 84 naam dhaaran kie hain- ek chhoda, doosra chhoda । achha, abhi naatak puraana ho gaya । yeh sab jadajdeebhoot avastha ho gai । abhi vinaash hoga । phir se repeat karenge । world ki history and geography to sukh ki hogi na is going tu repeat । to sukh ki kahenge na । tum bachche jaante ho ki barobar abhi world ki sukh ki history and geography yaani satayug so phir se repeat hota hai । satayug mein to sukh hi hai । tumhaari buddhi mein yeh hai, ki abhi kahaan hamaara part poora hoga, kahaan ham baithkar apne baba ko yaad karen । baba kehte hain, pharmaan kiya na । ek aardinensa nikaala । kam thode hi hai । vo patit-paavan hai । vo baith karke kehte hain, ki main bahut sahaj upaay samjhaata hoon । dhakka khaate-khaate thake hue ho । isliye kya karo? uthte baithte chalte yeh dil mein rakho, yeh naatak poora hota hai, ham actor hain । hamne 84 part poora kiya hua hai । abhi baba aaya hua hai hamko gulgul banaane ke liye, manushya se devta banaane ke liye, patit se paavan banaane ke liye । abhi tum bachchon ko maaloom hai ki barobar patit-paavan ham patit ko paavan bana rahe hain, aise hi kalpa pahle muaaphik aur ham aise patit se paavan innumerable times bane hain, innumerable times banenge । theek hai na । history-geography phiregi to pahle phir devi-devta dharma ke aaenge । doosra to koi aa nahin sakta hai । abhi tum bachche jaante ho ki sampling lag rahi hai । vo to jangal ki sampling lagaate rehte hain । sampling ki ceremony karte hain । abhi ham kya ceremony karen? gupta vesh mein hain jaante hain । hamko knowledge hai । ceremony kya, andar mein khushi hoti hai ki barobar hamaare devi-devta dharma ke jhaad ke jo patte hain jo praayah dharma se bhrashta ho gae hain, karma se bhrashta ho gae hain, ham bhi to karma-dharma se bhrashta ho gae na । abhi aise to kahenge na ki bhaaratvaasi, jo karma shreshtha, dharma shreshtha the । kabhi bhi koi paap nahin karte the । punya aatmaon ki duniya thi । paap vahaan hota hi nahin hai, kyonki vahaan raavan raajya bilkul hai hi nahin । to paap kaise honge? to kya hota hai? karma akarma ho jaate hain, kyonki varsa mil raha hai । phir jab raavan raajya hota hai to karma, vikarma hona shuru ho jaate hain । phir sanshay nahin uthte hain, kyonki vahaan koi karma, vikarma ho nahin sakenge । vahaan koi patit ho hi nahin sakenge । vahaan koi bhrashtaachaari ho hi nahin sakte hain, kyonki tum jaante ho ki yogbal se tum vishwa ke maalik bante ho shreemat par । abhi vishwa ka maalik to koi baahubal se kabhi bhi nahin ban sakte hain । nahin to yeh to bachche jaante hain ki ye jo donon moosaldhaar vaale hai, ye jodi agar aapas mein mil jaave to vishwa ka maalik ban sakte hain, parantu nahin, yeh to gaayan gaaya hua hai ki do bandar ladte hain, billa makkhan kha jaata hai । dekho, shreekrishna ke mukh mein dikhlaaya hai na । achha, yeh bhi dikhlaate hain ki barobar maataaon ko saakshaatkaar hote the aur vo andar dekhte the ki krishna ke mukh mein makkhan । aise bahuton ko saakshaatkaar hota hai, hota tha, ab hoga bhi । maana makkhan roopi yeh srishti ka raajya unke haanth mein milta hai । barobar dikhlaaya bhi hai ki ye do ladenge । yeh to jaante hain ki ye do ladenge aur bhaarat ko apna raajbhaag mil raha hai । bhaarat ki ladaai vinaash par hai । ek ladaai hai yavnon ki aur inki । so to abhi dekhte ho ki ho rahi hai । tum dekhte ho akhbaar mein pada ki phalaani jagah kamyoonal klaish hua । aksar kamyoonal hota hi inka hai । bas, itna vo mare, itna vo mare । yeh pakka samjho ki vahaan klaish zaroor karenge । koi na koi das bees ko maar daalenge, kyonki vahaan bahut hain, yahaan phir thode hain । to peechhe ladaai lagni hai । dekho hain na, nahin to ye musalmaan the kya? yeh to bhaarat mein ek hi dharma tha na । phir ye doosre dharma ka raajya kahaan se aaya? dekhte ho na! abhi Christian dharma mein koi ne inved kiya kya? unka raajya liya kya? unhonne inved kiya, kyonki powerful the । yahaan bhi dekho musalmaan ki baadshaahi thode hi thi । is bhaarat mein unka aana to mahmood gajanvi se shuru hua hai । nahin to unki koi baaundari yahaan thode hi rakhi hai । unki baaundari to door taraph hai । gajni se aae yaani aphgaanistaan ki taraph se aae । to andar aae na, aa karke inved kiya na, kyonki yeh kamjor hota jaata hai, kamjor hota jaata hai, tah ki saari baadshaahi chat karaay di । saari baadshaahi un ek ke haath mein aa gai । musalmaanon ke haath mein saari baadshaahi nahin aai । ye foreigners jo powerful Christian log hain, unke haath mein saari bhaarat ki, bhaarat to kya baadshaahi le li । cheen se America ka raajya tha na । sab pakad liya tha । peechhe yeh apan ko chhudaaya hai । nahin to inved to kar diya na । abhi ye to dushman nahin hai । ab bhaarat ko kisne inved kiya hai? raavan ne । abhi vo gupta baat ho gai ki kisne inved kiya? hamaare svarga ke oopar kisne chadhaai ki? narka banaane ke liye yeh raavan ne । abhi yeh tumko maaloom hai । kya koi shaastra mein likha hua hai? kya koi pandit jaante hain in sab baaton ko? baap baith karke samjhaate hain ki ye raavan roopi paanch vikaar tumhaare aadhe kalpa ke dushman hain । tum aadi madhya ant duhkh paate aae hue ho । isliye sanyaasi bhi kehte hain yahaan koi sukh thode hi raha hai । yahaan grihastha mein to kaagvishtha samaan sukh hai । aise kehte hain na । to sabhi pravrittimaarga vaale grihasthi to hain na । to vo kahenge grihastha mein hai hi kaagvishtha samaan sukh । abhi inko thode hi maaloom hai । svarga mein sukh hi sukh hai, duhkh ka naam-nishaan nahin hai । kaun kahege kaagvishtha samaan! kaagvishtha samaan yahaan duhkhadhaam aur sada sukh so to hai hi barobar satayug mein । abhi yeh maaloom to hai bhaaratvaasiyon ko, svarga maaloom hai । koi marte hain, kehte hain- are bhai, kahaan gaya? svargadhaam padhaara । vaah! svarga ki dekho kitni mahima hai! kahaan gaya? vaikunthavaasi hua । kahaan gaya? left four heavenly abode । kehte hain na zaroor । to zaroor yeh hell ka abode hai । abhi kisko kaho are bhai, tum hell ke nivaasi ho, narka ke nivaasi ho to ekdam bigad pade, gaaliyaan dena shuru kar deve । dekho, kitni wonderful baat hai! mukh se kehte hain bhai svargavaasi hua । to zaroor narka se gaya na । achha, svargavaasi hua, svarga mein to baat mat poonchho, kya maal milte honge vahaan first class! phir tum bichaare ko yahaan ki narka ki cheejen kyon mangaakar khilaate ho? to nishchay nahin hai na । to dekho, unko phir narka ki cheejen khilaate hain । svarga aur narka mein pharka to dekha hai bachchiyon ne ki vahaan kya cheej hogi, kya cheej hoti hai kitne bade- bade phool hain, kya- kya hain ekdam । to dekho, yeh paai-paise ki baat bhi samajh mein nahin aati । koi bhi marta hai to kehte hain svargavaasi hua । are, svarga to satayug ko kaha jaata hai । to zaroor kaho barobar yeh narkavaasi tha, tum bhi to narkavaasi ho na । tum bhi jab shareer chhodenge tab tumhaare liye aur kahenge ki svarga mein gaya । to narka mein ho, bhala yeh to maano । barobar narkavaasi to ho na । so bhi kaun-sa narka? raurav narka, yaani ekdam uska bahut bura naam dete hain । jaise bichchhu-tindan raurav narka, nadiyaan dikhlaate hain, unmein usko vo kaatte hain, yeh karte hain, vo karte hain । barobar hai hi narka । yahaan koi narka ki nadi thode hi hoti hai । ye duniya aisi hai na । ab iske oopar bhaarat mein bhaaratvaasi radio mein geet bhi sunaate hain ki kaise yeh duniya ek ko khoon karti hai, kya karti hai- kya karti hai। yeh tumne yahaan suna hoga । haan, aaj ke insaan ko kya hua… । abhi ek taraph mein kehte hain aaj ke insaan ko kya hua aur phir kehte hain bhaarat hamaara sab desh se achha hai । are, bhaarat tumhaara achha tha । abhi is samay mein sabse bura hai । abhi achha nahin hai । praacheen bhaarat aisa achha tha । abhi to ekdam kangaal, bilkul hi chat khaate mein । samajh mein aata hai ki barobar ham bhi asur the । aise nahin kahenge ki nahin the । ham bhi aasuri sampradaay the । baba hamko daivi sampradaay banaane ke liye purushaartha karaay rahe hain । kaun-sa baba? baba । yeh nai baat nahin hai । kalpa-kalpa kalpa ke sangam par ham baap se phir se apna varsa lete hain । samjha na । var lete hain aur phir aadhaakalpa ke baad raavan se shraap lete hain । to baap hua var dene vaala, varsa dene vaala aur vo maaya phir apna shraap ka varsa deti hai । half and half । dekho, kitni samartha hai! tab baap bhi kehte hain- aho maaya! tum kitni samartha ho, dustar ho, hamaare achhe-achhe bachchon ko, jo apan ko bilkul mahaaveer kahlaate hain, unko bhi giraay deti ho । unko bhi tum haraay deti ho । badi ho । hote hain na । tum dekhte ho barobar achhe- achhe bachche, bahut mahaaveer kahlaane vaale, hanumaan kahlaane vaale ki ham aise hain । aaj kehte hain, kal maaya ek hi ghoonsa maarti hai । tum logon ne boxing engineer, kabhi boxing dekha hai? shaayad nahi dekha hai। are, akhbaaron mein pada rehta hai, baat mat poochho । unko to life ka nahin rehta hai । unko to laakh- laakh, do-do laakh ek-ek aapas mein ladne ka inaam mil jaata hai । koi kam nahin milta hai jo ekdam bade- bade, achhe- achhe hain, vo phir haar khaakar bhi, badi choten lagti hain, phir bhi achhe ho karke phir maidaan mein aate hain ki ham phir ladenge, kyonki unka hai hi vo dhandha, jisko propheshan kaha jaata hai । har ek ka propheshan alag hota hai na । yeh jo bhi khel hain phutbol vagairah yeh propheshan hai । seekhte hain । unko klabsa mein bahut bhaari pagaar milti hai । abhi tumhaara propheshan kya hai? dekho to, baap aakar kya sikhlaate hain! are, maaya ko jeetne ka hai । tumhaara naam hi hai shiv shakti sena । sab mel bhi to phimel bhi hain । shivbaaba se yog lagaay, shakti le karke । are bhai, yeh sena kisko jeet pahanti hai? are, maaya ko jeet pahanti hai । maaya ko jeet karke saare isko liberate karte hain । dekho, tumhaara kaam kitna bada bhaari hai! baap liberator hai kiske saath? apne bachchon ke saath । jinka hi naam hai shiv shakti sena । dekho, maataaon ko ooncha rakha hai । pravrittimaarga hai na । bachche bhi to hain na । sena vande maatram, yeh kisne aa karke kaha hai? baap ne aa karke kaha hai । kyon? tum hamaare oopar bali chadhte ho, ham tumhaare oopar bali chadhte hain । tum hamko vandana kehte ho shivaay namah । ham kehte hain shaktiyoyen namah । dekho, vandana aise kahi jaati hai na । to inko baala karte hain । bhale hai to ye bhi saath mein । pravrittimaarga hai । to baba khush hote hain jab dekhte hain ki badi achhi tarah se ye khade hain । inke paas bhale kitne bhi toofaan aate hain ye hilte nahin hain । to misaal dete hain ki raam ka hanumaan tha, jaise tum bachche ho । to unko koi bhi maaya roopi raavan hilaay na sake । abhi yeh hui ant ki baat ।… .seeta churaai gai, phalaana aur unko aag bhi lagi vo pichhaadi ki baat kehte hain । yeh aise bana jo raavan pair bhi na hilaay saka । abhi vo to peechhe avastha aane vaali hai na । pichhaadi mein aaegi na । aag bhi lagegi, khatam bhi honge । us samay ki tumhaari avastha aisi honi chaahiye khushi ki ekdam bahaar, kyonki tumhaare liye itna saara vinaash hota hai, kyonki jab talak vinaash na ho, yeh dharni pavitra na bane, inko yeh dhaan na mile, itna sab svaaha na ho jaae, tab talak tum devtaaen is patit srishti par aate nahin ho, kyonki patit manushya ye tatva bhi sabhi patit hi patit hain । law nahin kehta hai । tum abhi jaanti ho ki barobar is puraani srishti par ham nahin aa sakte hain । ham nai srishti par aaenge । yeh puraani khatam ho jaane vaali hai । is bhambhor ko aag lagni hai । holika banni hai ekdam । dikhlaate hain na ki holika me dhaaga daalkar banaate hain ki dekho aatma amar hai, baaki vo jal jaati hai । to barobar dekho, kitne shareer jalenge, khatam honge । aatmaaen shuddh ho karke, hisaab-kitaab chuktu karke sab vaapas machchharon ke muaaphik… । aisi jab badi ladaaiyaan lagti hain, kitne machchhar mare honge । karodon mare the us badi ladaai mein । jab jarman aur inki lagi thi । koi poora andaaj nahin kah sakte hain, parantu sabke ekdam karodon mare । dekho, jarman ke sabhi jo bhi ek do mein madadgaar the, cheen-jaapaan phalaana jin-jin ke the, kya bhaarat ke nahin mare? bhaarat ke bhi bahut mare, vahaan ladaai ke maidaan me gae the, kyonki government ka raajya tha । vo bhi yahaan se le gae madadgaar… । karodon mare । achha, partition mein bhi karodon mare, yaad rakh lena, parantu vo kuchh bhi bataate nahin hain । abhi to tum jaante ho ki kitne karod hain! bataao । ye sabhi to jaane ke hain na । isliye gaaya jaata hai raam gayo raavan bhi gayo । to raam aur raavan donon honge na । to dekho, yeh raam ka bhi raajya aur yeh raavan ka । vo aasuri sampradaay, yeh daivi sampradaay । vaapas to jaana hai na । phir aaenge tum nai duniya par । us samay bahut thode honge, chhota bageecha hoga । ye sabhi samajhne ki baaten hain aur yeh to nishchay ki baat hai na । nishchaybuddhi ki barobar baba hi yeh knowledge de sakte hain, baba hi sarva ka sadgati daata hai, baba hi vahi hai jo kehte hain main kaalon ka kaal hoon main machchharon (misal) sabko vaapas le jaaoonga । to kaalon ka kaal thode hi hua । yeh to patit-paavan hua । vo to achha hi karte hain, patit duniya se vaapas le jaate hain । jo manushya aadhaakalpa mein na kar sake । hamne bhagwan se milne ke liye aadhaakalpa bhakti ki hai, kuchh bhi na kar sake । abhi baba second mein le jaate hain । isko kaha jaata hai bhakti ka phal । bhakti to zaroor honi hai na । bhakti maana durgati । to durgati mein aae । ab bhakti se durgati mili, durgati se sadgati ka phal mila । abhi kitni achhi samjhaani dete hain aur bachchon ko sikhlaate hain ki tum bhi aise baithkar samjhaao jo samajhne aave, parantu yeh yaad rakh lena koto mein kou, kou mein kou, kou mein kou । tum itni pradarshani mein bolte ho- baba, pradarshani mein 20000 aae । are, unmein se do paanch bhi nikal pade । praja to bahut banegi, isme koi shak nahin । baaki race karne vaale nishchay buddhi ek , do bhi nikle to samjho ahobhaagya! niklega to nahin । aadha bhi nahin niklega । haan, koi chalega । achha, niklega bhi to chalte-chalte jab yuddha ke maidaan me aaega, tab aisa ulta-sulta ghoonsa khaaega, kahin naak par chot lagegi, phaan ho karke gir jaate hain । kitne bachche jaakar gir jaate hain । dekho, baap baith karke sab kuchh samjhaate to bahut achhi tarah se hain । koi bhi naya aaega to kuchh nahin samjhega, kyoki yeh university hai na । abhi university me koi bhi anpadh baithenge to kya samajh mein aaega? koi bhi dekhenge, jo principal hoga, bolega- are, yeh kahaan se aa karke baithe, yeh to kuchh bhi samjhega hi nahin । kabhi bhi alaau hi nahi hota hai । koi bhi koi college me jaakar baith jaavega, haan dekhne jaate hain । achha, dekho, kamra dekho, yeh dekho, bas aur kya! baaki roj thode hi us college mein aakar baithenge । tum kitna bhi samjhaate ho 7-8 roj, 10 roj ya 20 roj, aakar samjhaate hain phir maaya ka thappad laga, college hi chhod dete hain । vo samajhte hain god fatherly college hai । god fatherly college ke ham student hain ।… .are, god fatherly student god and goddess banne ke liye, kyonki god and goddess kehte hain na । phir bhi maaya ek hi thappad se god and goddess pet se nikaal deti hai । achha chalo bachchi, chhutti lete hain । jo guarantee kare ki ham kabhi roenge nahin, vo aakar kabhi kaisa, kabhi kaisa । kabhi bhi aansu nahin bahaaenge sadaiv harshit rahenge, kyonki jisko aisa behad ka baap mila, jinse hamko vishwa ka maalikapna milta hai । aisa baap to kisko nahin milta hoga na । vo to satayug mein milta hai, usmein koi shak nahin, kyonki abhi ka varsa hai । phir to nahin hota hai । jab aisa baap mila aur ham vishwa ka maalik ban rahe hain, unko rone ki to darkaar hi nahin hai । achha, agar sajni hai, saajan mila । are vaah! hamko saajan bhagwan mila, hamko rone ki darkaar nahin । baba kehte hain agar tum roengi to ham samjhenge ki tum vidhva ho gai ho । vidhva bahut roti hai na । maaloom hai tumko vidhvaaen bahut roti hain । baarah-baarah mahina ya husain, ya husain, ya husain karti rehti hain । pati thode hi ya husain karte hain । to dekho, hain na bahut rone vaali । to unko bahut hansaane ke liye baba khada kar rahe hain ki tum kabhi nahin rona । ismen bhi khaas tum bachchon ko kehte hain । rone ki aadat bhi inmen bahut hai । abhi inko nahi rone ke liye kehte hain । bhool jaate hain aur bhool jaane se to sab aapdaaen aa jaati hain । baba samajh sakte hain ki. .jara manzil hai, phir bhi pushti dene ke liye koi hai jo guarantee kare ki ham roenge nahin । agar roengi to ham kahenge vidhva hai । koi bhi aave । dilli mein sab jagah mein bol dena ki kabhi bhi rove to ek ghoonsa bhi lagaana aur baba ko bhi bol dena । jisko aadha kalpa yaad kiya vo milta hai aur tumko svaraajya dete hain 21 janma ka, phir tumko aur kya chaahiye! ek geet hai na- jab vo mila to baaki hamko kya chaahiye! jaante hain mushkil baat hai, to bhi purushaartha karaane ke liye himmat to dilaate rehte hain na । kabhi koi ro nahin sakte hain, rote nahin hain । jaate hain na, purush bhi jaate hain । koi ka marte hain to unko vo karne jaate hain । kya kehte hain? (kisi ne kaha- seeaapa) nahin, do aansu bhi bahaate hain, kyonki unke liye inko bhi bahut pyaar tha । aansu bhi bahaate hain । chhota tha to ek maansi mar gai thi to mere ko baap kahne laga tumko jaakar yeh karna chaahiye । haan, eeshvar ki bhaavi aisi thi, vo bechaara achha tha, aisa tha aur do aansu bhi bahaana । main bola aansu nahin aave to phir ham kya karenge? main khushmijaaj, mujhe aansu nahin aave to main kya karoonga? bola, baahar se kya karna thodi to vo dekhe ki bhai, aankhe bheegi hui hain । thoda baahar se paani se aisa-aisa daal kar jaise ki rona hi aata hai । to bhi mainne bahut mattha maara aur aaya hi nahin, phir kya karen । to phir hamne aakar bola- baba, mere ko to aaya hi nahi aur mein ye lagaaoon mujhe achha hi nahin lagta । 'meethe-meethe', dekho kaun kehte hain? behad ka baap । 'meethe-meethe' phir sikeeldhe, 5000 varsha ke baad phir se aa karke mile । phir se maana phir se milenge, phir se milege, phir-phir se milenge । yeh world ki history-geography repeat maana phir-phir se phirti hai । sat, treta dvaapar, kalhayug phir sat treta dvaapar kalhayug sangamayug । aur to koi duniya hai nahin । god is one । creation is one । manushya to kehte hain aakaash-paataal-star sabhi duniyaaen hain । ab aisi to koi baat hai nahin । duniya ek hi hai । god is one to creation bhi hai one । haan, yeh zaroor hai ki apni saari creation ko aakar shanti-sukh ka varsa dete hain । yeh kalpa- kalpa unka kaam hai aur phir jo duhkh dete hain, vo raavan ka raajya hai, jisko bhaarat mein hi jalaate hain, aur koi jagah mein thode hi jalaate hain । raavan ko koi doosri jagah mein nahin, kyonki yahaan hi hai । sukh aur duhkh ki aakhaani yahi hai, iske oopar । to abhi satayug mein jalaaenge? raavan nikaalege? raajya hi khatam ho jaaega peechhe kaahe ka.! peechhe to raamraajya hua na । raavan kahaan se aaega? jab talak raavan raajya hai itni buddhi nahin hai ki barobar abhi raavan raajya zaroor hai, kyonki raavan ko ham baras ba baras… । to jo cheej yahaan hoti hai vo vahaan baras ba baras manaate rehte hain । holi ek dapha hoti hai, bhambhor ko aag lagti hai, phir baras ba baras… । shivjayanti baras ba baras । krishna jayanti baras ba baras । yaani jo bhi yahaan ki baat hai vo phir bhaktimaarga mein baras ba baras manaate rehte hain । yahaan to ek baar hoti hai na । dekho, holika, bhambhor ko aag ek hi baar lagegi । to har ek cheej ko vo baras ba baras manaate rehte hain । tum abhi raakhi bandhan karte ho na ki 21 janma ke liye pavitra banaate hain । vo har baras rakhi bandhan manaate rehte hain, tyohaar manaate rehte hain । bahut karke hain sab is samay ka jo phir bhaktimaarga mein baras ba baras hota rehta hai । achha, aise 5000 varsha ke baad phir se mile hue sikeeldhe bachchon prati maat-pita, jisko kaha hi jaata, sukh ghanere to tum jaante ho ki abhi hamko us parlaukik maat-pita se sukh-ghanere mil rahe hain jiske liye ham gaate the । abhi to mil rahe hain । khalaas । aadha kalpa chup । phir tum baras ba baras manaate rahenge । shiv jayanti, to ye maat-pita hain na, jisse hamko varsa milta hai aur manushyon ko maaloom hi nahin rehta hai ki shivjayanti kya cheej hai, kyon manaate hain, kya hua tha । kuchh bhi pata nahi । to ye phir se aise hi hoga । abhi dekha na । bhaktimaarga me jo kuchh bhi hua so repeat hoga । satayug-treta mein jo kuchh bhi sukh ki raajdhaani thi so phir repeat karaai hai । bana hua hai na । isko angreji mein kehte hain preeordent imperishebal world drama yaani one drama । draamaaj nahin kehte hain । one drama । abhi inka tum bachchon ko maaloom hai, doosra koi bhi nahin jaante hain । vo to drama-drama pata nahin kya karte hain । koi aise satsang mein ye record nahin bajaae jaate hain । sikeeldhe bachchon prati maat-pita, baapdaada ka yaadapyaar aur good morning ।