शुक्रवार 25 जून 1965 की साकार मुरली - 2

> >

25-06-1965 madhuban aabu praatah murli saakaar baba om shanti madhuban

good evening yeh pachchees joon ka raatri class hai ।

padhe-likhe bachche ho to tum । tumhaare jaisa educated is duniya mein doosra koi ho nahin sakta hai । zaroor oonche te ooncha education hai to oonche te ooncha pad bhi hoga । tum bachchon ko yahi nishchay hai ki ham behad ke baap dvaara varsa pa rahe hain । peechhe behad ka baap akela to nahin hoga na । zaroor bachche honge । unko phir madadgaar banna hai, padhaana hai । to kya karna hai? bas, padhna hai aur padhaana hai । apan ko manushya se devta banna hai aur banaana hai, aur koi bhi taat nahin, kyonki aatmaon ka kanemaan hi hai paramatma ke saath । koi ka bhi deh ke saath kanemaan nahin hai । duniya mein aisa koi bhi bachcha ya manushya maatra nahin hai, jinka behad ke baap se buddhiyog juta hua ho, kyonki behad ke baap ko mile bhi tum ho । isliye tum bachchon ko hamesha baap ka aur baap ke varse ka phakhur rehna chaahiye, aur sab baaton ke oopar dhyaan nahin dena padta hai । bilkul sahaj te sahaj, kyonki connection hi hai rooh se । jisma se tumhaara hai nahin । agar jisma se rakhte ho to phir kahenge ki dehaabhimaani hai yaani baap se bemukh hai । tumhaara raat aur din uthte-baithte yahi khushi ki ham baba ke the, baba dvaara varsa liya tha, phir hamne varsa gumaaya । abhi phir varsa le rahe hain aur abhi phir sukhdhaam ki baadshaahi ham khud apne liye sthaapan kar rahe hain । koi aur ke liye nahin, tum apne liye… । tumhaari jaise ki roohaani sena hai । roohaani sena sabhi jismaani senaaon ke oopar vijay pahanti hai, kyonki sab aapas mein lad mar jhagad khatam ho jaaenge aur phir tumheen rahenge । abhi yeh bhi koi nai baat to nahin hai na । bas, khaas isi padhaai mein hai । vaastav mein tumhaara shareeron ke saath koi sambandh hai nahin । baap ne samjhaaya hai na ki is dvaara bhi main tumko padhaata hu । main ismen na hota to yeh koi kaam ka nahin hai, kuchh bhi nahin hai । vo khud bhi kehte hain- worth not A paini । to jo sabko worth pound banaane vaala hai, heere jaisa banaane vaala hai, bas unheen ki hi yaad... aur phir drama ko jaante ho ki barobar jiska jis samay mein jo part hai vo unko zaroor bajaana hai । shareer chhodte hain to unko kuchh na kuchh part bajaana hai । tum bachche jo shareer chhodte ho, sanskaar le jaate ho to tumhaara oocha pad vahaan bhi milta hai, jahaan bhi jaaenge, kyonki eeshvar ki padhaai bachche ke buddhi mein rehti hai, sanskaar rehte hain । to tum ye jaante ho ki in sanskaaron se, jo sanskaar baap mein hain, vo baap tumhaare mein sanskaar bhar rahe hain । vo jaante ho ki barobar ham baap ke saamne baithe hue hain aur daada dvaara hamko baba aap samaan bana rahe hain । balki tum bachchon ko aap se bhi do ratti jaasti nasha rehna chaahiye ki hamaare baap jaisa baap to koi ho nahin sakta hai, jo hamko baadshaahi dete hain, khud nahin bhogte hain । yeh to nishchay hai na । to in baaton mein raman karna chaahiye । baaki gyaan mein koi behen ka behen mein pyaar hai, bhaai ka bhaai mein pyaar hai to vo baaten to koi kaam mein nahin aati hain । tum bachchon ko kaam mein aana hi hai padhaai aur sachchi padhaai, sachchi kamaai । vo jhoothi padhaai, jhoothi kamaai alpakaal kshanbhangur ke liye । abhi sachchi padhaai sachkhanda ke liye । tumko bahut khushi hogi jab dekhenge ki vinaash kaise hota hai । aaya ki aaya । manushya duhkhi kaise hote hai aur tum baba ki khushi mein, varse ki khushi mein badi khushi mein rahenge । tabhi gaaya hua hai ki ateendriy sukh poochhna ho to gopeevallabh ke gop aur gopiyon se poochho । poochhte hain na । bhale hai ant ki baat, parantu yeh to jaante ho ki abhi bhi poochhe- are, kiski santaan ho? tumko kaun padhaate hain? are, hamaara shivbaaba padhaate hain svarga ka varsa dene ke liye । are, aise stoodentas to kahi gaaya hua hi nahin hai । vo bhi jo aage padhaai ki banaai hui hai, usmein agdam-bagdam daal diya hai । kuchh bhi samajh mein nahin aata । ab yeh to bachchon mein magroori chaahiye ki hamko padhaane vaala knowledgeful god father । dekho to, aur kya chaahiye bataao । to jabki aise hai ki hamko god father padhaate hain aur jo padhaate hain unko barobar god and goddess banna hai । banaane ke liye padhaate hain । yeh tumhaari em-object bilkul hi clear । to ye barobar .. knowledge hai, baap to vishwa ka maalik nahin bante hain na । nahin, lakshmi-naaraayan bante hain । tum kabhi kahenge ki shiv bante hain? na । shiv bhi shiv hai na... । bhale kehte hai- maat-pita ham baalak tere, tumhari kripa te phir bhi svarga ke sukh ghanere । yeh to samajhte ho, kyonki maa chaahiye jisse adopt kare । to dekho, yeh maa bhi to ho gai na । baba ne is baat mein achhi tarah se samjhaaya na ki mel hai, isliye bhale maa hai, parantu nahin, phir diya jaata hai ki jo koi inko sambhaalne vaala ho । to vo bhi padhne vaali, ye bhi padhne vaala । jo bhi ho, sab padhne vaale । abhi jitna jo achhi tarah se padhega । koi shareer chhod dete hain (to ham jaante hain ki yeh ja karke koi ka kalyaan hi karenge । manushya jo shareer chhodte hain, ja karke koi ka akalyaan hi karenge । dekhte ho na, manushya janma lete jaate hain, akalyaan karte jaate hain, tahaan ki sabka akalyaan ho gaya hai । chaahe daan karte hain, punya karte hain, kuchh bhi karte hain, har ek baat mein apna akalyaan hi karte aate hain, kyonki girna hi hota hai । kuchh na kuchh girna hi padta hai, kyonki daan-punya vagairah jo karte hain, kisko karte hain? bhrashtaachaari ko karte hain yaani bhrashtaachaar se paida hua । so to koi daan nahin hua na । tum abhi bhrashtaachaar se to paida nahin hue । tum bachche to edopted hue ho । to dekho, yeh hai edopshan । vo hai yogbal aur vo hai vikaar bal । abhi vikaar ko bal kya kahenge! vikaar bal thode hi hai । unmein to girte hain । to ye baaten badi achhi tarah se samjhaai jaati hain, koi bhi baat ho jaae- drama । kalpa pahle bhi aisa hua tha, kalpa-kalpa aise hi rahenge । us baat ko hata karke phir bhi padhaai ko lag jaana chaahiye । padhaai hai tumhaari mukhya । kitni gaai hui hai । raajayog ki padhaai bhagvaanuvaach । so bhi jaante ho ki phir se ham apna baap se padhaai se varsa lete hain । to ismen sab baat aa jaati hain । baap bhi aa gaya, shiksha dene vaala bhi ho gaya aur saath mein bhi le jaane vaala ho gaya aur guarantee ki barobar ham jaaenge.. .aur barobar yeh bhi guarantee hai ki puraani duniya mein to tumko aana hi nahin hai । to khushi honi chaahiye ki barobar most beloved baba hamaare liye ye nai duniya sthaapan kar rahe hain aur aajkal gaaya bhi jaata hai ki duniya badal rahi hai । duniya kab badalti hai? duniya badalti hai nai se puraani । aise nahin hai ki satayug se treta koi duniya badalti hai । yeh satayug se treta duniya thodi puraani hoti hai, phir thodi puraani hoti hai । yeh puraani hokar jab tamopradhaan.. tabhi kaha jaata hai. .puraani duniya badalti hai nai mein । so tum nai duniya ke liye padh rahe ho । nai duniya sthaapan karne vaala tumko padha rahe hain । to jinke bhaagya mein poori padhaai hai so padhaai padhte hain । jinke bhaagya mein itni nahin hai so kam padhte hain । dekhte ho kam padhte hai । koi bilkul thoda padhte hain, paai-paisa padhte hain । to jo abhi padhte hain, dekho raajaai bhi to badi hai na । buddhi samajhti hai na । barobar sooryavanshi raajaai mein raajaaai bhi honge to praja bhi hogi saahookaar gareeb naukar-chaakar vagairah । saari baadshaahi sthaapan ho rahi hai । yeh bhi jaante ho ki aur koi bhi dharma sthaapak koi baadshaahi sthaapan karte hi nahin hai । so bhi baadshaahi kiske liye hai? paroor ke liye । tum jaante ho ki paroor to satayug hai । satayug hoga to kalhayug past ho jaaega । satayug ke baad treta to satayug past ho jaaega । to ye sabhi baaten tum bachchon ki buddhi mein hain । tumko padhaai se kaam, aur koi baat se kaam nahin । tum bachche bane hi ho baap se padhne ke liye । to sabhi padhte hain । dekho, baba kehte hain yeh bhi padhte hain । ham stoodentas hain । dekho, yeh baba kya kahega?.. ye kahenge, ki vi aar all stoodentas oph one god father, teacher, knowledgeful । barobar aise hai na । ismen jo achhi tarah se padhe so ooncha pad paae ।. .vo jo incorporeal father hai, unko to yoon hi yaad karo to unke paas jaaenge, parantu ekteeviti mein, padhaai mein father ko follow karo । dekho, kaise padhte hain aur phir padhaate kaise hain! ye to bahut khushi ka... । tum school mein baithe ho, bhale raajkumaar college ho ya koi bhi ho । tum to baithe ho, jaante ho ki ham bhavishya raajkumaar va kumaari banenge svarga ke । agar tum bachchon ko yeh nishchay nahin hai to yahi baithe ho jaise ki koi ilitret(anpadh) aakar aise hi ghus karke baitha hua hai । nahin to tum padhaai vaalon ko to padhaai ka nasha chadhta hai na । yahaan hai hi nar se naaraayan banne ka nasha । zaroor tum bachche abhi ye jaan gae । jo lakhapti-karodapti lakshmi-naaraayan ka madir banaate hain, unko thode hi maaloom hai ki inko yeh baadshaahi kaise mili, kab mili ।