शनिवार 10 जुलाई 1965 की साकार मुरली - 1

> >

10-07-1965 madhuban aabu praatah murli saakaar baba om shanti madhuban

helo, svadarshan chakradhaari brahman kulbhooshnon ko ham madhuban nivaasiyon ki namaste, aaj somvaar julaai ki das taarikh hai। praatah class mein baapdaada ki murli sunte hain।

record :-

om namah shivaay

om shaati!

geet bhi bajna yahaan shobhta hai, kyonki jiski mahima hai oonche te ooncha, unko hamesha kaha hi jaata hai- shivbaaba । rudra baba bhi nahin shobhta hai । nahin to baat ek hi hai ki shiv yagya ya rudra yagya, parantu phir bhi shivbaaba kahne se vo baba hi achha lagta hai । yahaan tum jaante ho ki bachche shivbaaba ke sanmukh baithe hue hain । shivbaaba bhi jisma liye baithe hain aur tum bhi jisma liye baithe ho । tumhaara apna jisma hai । shivbaaba kehte hain ki mainne doosre ka jisma liya hai, so tum bachche jaante ho ki abhi saamne shivbaaba phir brahma dvaara , kyonki aise to shivbaaba bol kaise sake । ye to samjhaaya gaya tha ki chaitanya hai, satya hai aur gyaan ka saagar hai । to zaroor gyaan sunaaenge । kaun-sa gyaan sunaate hain? apna parichay dena yeh bhi gyaan hai aur phir rachna ke aadi, madhya, ant ki jo samjhaani dete hain usko bhi gyaan kaha jaata hai । donon baaton ko gyaan kaha jaata hai, kyonki kisko samjhaana ye gyaan dena hai । so bhi kiska samjhaana gyaan hai? eeshvar ke liye samjhaana gyaan hai । eeshvar ke liye kaun samjhaate hain? jo eeshvar ka gyaan de sakte hain, eeshvar । angreji mein bhi pahaaka hai । kehte hain- father shows san । baap aa karke tum bachchon ko apna aur srishti ke aadi madhya ant ka parichay de rahe hain । tum jaante ho ki aage jab rishiyon-muniyon se poochha jaata tha ki rachta aur rachna ka gyaan hai? to na bol dete the ki nahin hai aur phir is samay mein jabki baap ne samjhaaya hai to ye samjha jaata hai ki ye knowledge ya gyaan aur koi de nahin sakte hai । vo jo gyaan aakar dete hain, jis gyaan se manushya phir oonch te oonch pad paate hai । to zaroor oonch te oonch pad hai hi devi-devtaaon ka aur usko hi kaha jaata hai ki eeshvareey janma siddha adhikaar । vo bhala tab kya hai? vo hai aasuri janma siddha adhikaar । abhi ek hi baar milta hai- eeshvareey janma siddha adhikaar । yahaan tum jaante ho ki barobar akhanda-atal aur pavitrata-sukh-sampattimay phir se ham eeshvareey janma siddha adhikaar le rahe hai aur aasuri janma siddha adhikaar ye duhkhadhaam hai, jisse ham patit bante hain । to vo gaate bhi hai, patit-paavan ko bulaate hain, zaroor paavan ko phir patit bhi banaane vaala hota hai । goya raavan se varsa milta hai, kya cheej ka? patit banne ka । jo patit banaane vaala raavan hai, barobar bhaaratvaasi baras-ba-baras uska chitra bana karke aur uske oopar bahut phaaltu aakhaaniyo banaai hai, parantu ye kisko maaloom nahin hai ye raavan bhaarat ka aadhaakalpa ka dushman hai । ye baap aa karke bataate hain । kehte bhi hain raamraajya chaahiye arthaat ye raavan raajya hai, parantu jo bhi ye raajya chalaane vaale hain vo apne ko aise raavan ya raakshas ya asur samajhte nahin hain । baap aa karke kehte hain ki dekho, abhi ye aasuri sampradaay badal karke daivi sampradaay ban rahi hai । yahaan tum aae bhi hue ho barobar aasuri avgunon se eeshvareey gun dhaaran karne, usko avgun kahenge, gun to nahin kahenge, kyonki eeshvareey gun dhaaran karaane vaala, aisa jaise devtaaon mein hain, so to baap hi hai । to tum jaante ho ki abhi ham yahaan aae hue hain behad ke baap se apna phir se janma siddha adhikaar, 21 janma ka svaraajya lene । tum yahaan aae hi ho, baithe hi ho ki baap se ham 21 janma ke liye sooryavanshi aur chadravshi svaraajya praapta karne, jo svaraajya tum kalpa-kalpa praapta karte aate ho aur phir unko bhi kahenge kalpa-kalpa tum gumaate aate ho । abhi ye to buddhi mein rehna hi hai na ki abhi ham baap se varsa lete hain । to varsa lene vaale bachchon ko baap ko yaad karna pade na । to dekho, tum varsa lene vaale bachche baithe ho । yahaan jo baithe ho abhi ye to buddhi mein aana chaahiye na ki ham maat-pita ke sammukh baithe hue hai । achha, maata ka bhi bhool jaao । chalo, ham shivbaaba ke sanmukh baithe hue hai unse varsa lene ke liye । vo brahma ke mukh se ye sunaate hain va brahma ke shareer mein dhaaran karte hain aur bachche god mein lete hain to zaroor brahman hi kahlaaenge । ye bhi to siddha karna hai na । baap ne samjhaaya hai ki ye gyaan yagya hai zaroor । peechhe yagya kaho ya paathshaala kaho, baat ek hi hai । donon hi kehna zaroori hai, kyonki yagya bhi hai to paathshaala bhi hai । bachchon ko samjhaaya gaya tha ki jab rudra gyaan yagya rachte hain to yagya ka yagya bhi hai aur paathshaala bhi bana dete hain, kyonki bahut shaastra hain, yahaan-vahaan chaaron taraph mein ved shaastra granth rakh dete hain aur manushya jinko raamaayan sunna hota hai vo raamaayan ke paas chale jaate hain, jisko geeta sunni vo geeta ke taraph, ved sunne hain to ved ki taraph । aise-aise vo log jab rudra yagya rachte hain to unmein donon. rudra gyaan yagya । to dekho, yahaan bhi baba jaante hain ki yagya hai । bachche bhi jaante hain ki yagya hai । inmen ye sab kuchh svaaha ho jaane vaala hai, kyonki ye hai ant ka yagya । srishti ka bhi ant aur ye jo yagya hai vo bhi ant, kyonki gyaan yagya to ek hi hota hai । baaki jo anek prakaar ke yagya hain, unko kaha hi jaata hai material yaani unmein ye jau-til vagairah ye । yahaan vo nahin hai । vahaan us kaathiyo, jau til vagairah ki badli mein jo bhi, jau-til to kya, par sabhi saamagri। usmein jau til anaaj vagairah, jhaad vagairah sab aa jaate hai, kyonki phir saari nai paidaaish hoti hai । aise koi bhi peechhe duhkh dene vaali cheej hoti hi nahin hai । ye chilli to vriddhi paati rehti hain na । beemaariyaan ye aage thode hi the । inka naam bhi nahin tha । jaise-jaise duhkhadhaam ki vriddhi hoti jaati hai vaise bhinna-bhinna prakaar ke duhkh, beemaariyon aur rog nikalte rehte hain va ye jo drama bana hua hai usmein ye sabhi noondh hai । jaise-jaise manushya aise-aise unke liye phir kisma-kisma ke du kh paida hote jaate hain । to iseelie isko kaha hi jaata hai duhkhadhaam । to barobar shok vaatika hua na । manushya dukhi hi rehte hain, kyonki raavan ka raajya hai । bachchon ko yeh nishchay hua ki barobar jabki raamraajya hai, to vahaan raavan raajya bhi hove to phir bhi ladaai lage । ye to bahut ladaai lag pade । isliye vahaan raavanraajya hota hi nahin hai । hai hi nahin, kyonki aadhaakalpa hai sukh, aadhaakalpa hai duhkh । aadhaakalpa hai, bhale unko raamraajya hi kaho, kyonki raam bhi to unko hi kaha jaae na। .manushya raam-raam japte hai to ek ko japte hai na । agar pyaar hoga to ''seeta-raam seeta-raam '' aise kahenge, parantu nahin, jab japte hai tab raam-raam bas unki dhun laga dete hain, seeta ko yaad nahin karte hain । isliye us raam ko phir bhi… kyonki maala uthaate hain, vo to hai hi rudramaal niraakaar ki । daane hai na । rudramaala to samjhaaya hai ki vo hai niraakaari aatmaon ki maala aur jab vishnu ki maala banti hai to tum jo yahaan purushaartha karte ho vo raajaai ki maala ban jaati hai । phir vishnupuri mein nambarvaar raajya karte ho । yeh to achhi tarah se samajhte ho na! abhi ye sabhi tum bachchon ko samajhna hai aur samjhaana hai । jitna-jitna samay beetta jaaega itna-itna ye gyaan short mein hota jaaega, kyonki baap abhi short mein samjhaate rehte hain । short samjhaane ke liye baba yuktiyaan rach rahe hain । ye to hai, ismen to koi.....। second mein jab inko vairaagya aaega, bahut ye vinaash ka samay ho jaaega, to inko vinaash ka samay yaad padega, to darenge aur samjhenge barobar ye mahaavinaash aur vahi mahaabhaari ladaai hai । ismen bhagwan zaroor hoga । bas, abhi koi samajhte honge krishna hoga । abhi law mujeeb krishna to ho bhi nahin sakta hai । zaroor niraakaar bhagwan hoga । kalhayug mein krishna to ho bhi nahin sakta hai na । zaroor niraakaar bhagwan hi hoga । usko to kaha hi jaata hai- sarva ka patit-paavan, sarva ka sadgati daata । ye taaeetal bhi to koi auron ko nahin de sakte hain na, kyonki baba ne samjhaaya hai ki jo asul devtaaen hain aur pavitra hain, unke patit duniya mein pair nahin dharte hain । isliye vo nishaani hai ki number one hain shri lakshmi-naaraayan vishnu । barobar tum lakshmi se dhan maangate ho । lakshmi dhan kahaan se le aaengi? dekho, yahaan bhi mama dhan kahaan se leti hai? baap se leti hai । to barobar vahaan bhi to baap hi unka saathi hoga । yahaan sarasvati bhi hai to brahma bhi hai । to phir vahaan bhi donon hona chaahiye, kyonki nishaani chaahiye ki inko dhan kahaan se milta hai । isliye dekho mahaalakshmi ki pooja hoti hai । unko maaloom nahin hota hai ki mahaalakshmi ko chaar bhujaaen kyon diya hai । nahin to hain barobar chaar bhujaae to do mukh bhi, parantu phir chaar taange nahin de sakte hai । dekho, raavan ko bhi itni bhujaaen dete hain, taange thode hi dete hain । isse siddha hota hai ki ye jhoothi baat hai । manushya ko koi itni bhujaaen hove to phir uski nishaani toge bhi hove । taange nahin dete hain । ye sirf aise hi samjhaane ke liye ki inko das sheesh to das baahen bhi de dete hain ya das sheesh ke liye shaayad bees baahen chaahiye hongi । vo kitna dete hai, main samajhta hoon ki paanch hi dete honge । paanch yahaan, paanch vahaan । das to bahut hi ho jaati hain, parantu aajkal to bahut hi baahen bhi de dete hai । to baap baithkar achhi tarah se samjhaate hain ki abhi tum jaante ho ki aaj somvaar ka bhi din hai । aaj guroovaar nahin hai, somvaar hai । aaj mama ko invite kiya hai । dekho, invite karte hain na jab koi ka pati marta hai, phalaana marta hai to unko invite kiya jaata hai ki aao, aa karke bhojan paao, parantu kaise aave? vo brahman ke tan mein aate hain aur bolte hain । bulvaaya jaata hai । ye ek teertha hota hai, jismen aatmaon ko bulvaaya jaata hai । ye bhi rasam-rivaaj drama mein noondh hai, pahle bhi aise hi hua tha । tumhaari buddhi mein baithega ki kalpa pahle bhi jo-jo past hoti hai bas vahi reality hai । vahi satya hai jo kalpa-kalpa hota hai । baaki shaastron mein jo likha hua hai vo to gapoda hai na । vo to hai hi nahin jo baap baith karke samjhaate hain aur samajhte ho ki barobar jo kuchh bhi abhi hota hai vo kalpa ke muaaphik hota hai । baap bhi kalpa ke muaaphik apni ekteeviti gyaan dene ki va yaad, yog sikhlaane ki karte hain । ismen jara bhi, ek richak pharka nahin pad sakta hai । abhi tumko maaloom hai ki ye ek drama hai । ham aate hai ghar se aur yeh manushya ka tan dhaaran kar naatak bajaate hain । hamne naatak ko samjha hai aur 84 janma ke chakra ko bhi samjha hai, kyonki dayooreshan itna samay yeh naatak chalta hai, yeh bhi to aur koi jaante nahin hain. । ham brahman khud hi nahin jaante the । kalpa pahle tum bachchon ne hi jaana tha, ab tum jaan rahe ho । barobar kalpa-kalpa ham baap dvaara rachta aur rachna ke aadi madhya ant ka gyaan lete hain । abhi tumhaari buddhi mein yeh saari nolej hai kyonki abhi phir bhi behad ka actor to ho gae na । tumhaari buddhi mein ye zaroor rehna hai ki barobar oonche te ooncha to baba hai jo varsa dete hain । phir neeche mein aao to teen hai-brahma vishnu shankar । brahma dvaara sthaapna hoti hai braahamnon dvaara aur vahi phir devi-devta ban karke, vishnupuri ke maalik ban karke paalna karte hain । vishnupuri kaho ya shri lakshmi-naaraayan ki puri kaho, baat to ek hi hai na । yeh bhi tum achhi tarah se jaante ho ki barobar ham sooryavanshi aur chandravanshi varsa baap se le rahe hain । brahman to hain hi । baaki jo sooryavshi-chadravanshi varsa hai so ham baap se ab le rahe hain aur 21 janma bhogenge । ye bada bhaari eeshvareey pad hai । isliye eeshvar ka zaroor banna padta hai । baap kehte hain ki tum hamaare the, hamne tumko bheja । kyon bheja? ki tum yahaan padh rahe ho, phir to tum zaroor vahaan svarga ka raajya karne aaenge । abhi bhejne ka question nahin uthta hai ya vahaan koi kisko kaha jaata hai ki abhi tum jaao, par tum bachche samajhte ho ki jo-jo achhi tarah se purushaartha karenge vo nambarvaar phir apne sukhdhaam mein aate rahenge, kyonki abhi tum yaad bhi sukhdhaam ko karte ho । ye jaante ho ki ye duhkhadhaam hai । to ye buddhi ka kaam hua na । ye barobar ham jaante hain, baithe bhi to hain na । baithe hue hain । yeh pichhaadi kalhayug ki, ant hai aur duhkhadhaam hai । abhi doosre koi ko buddhi mein yeh akshar bhi pata nahin hai ki yeh duhkhadhaam hai । yeh tab ho sake jabki unki buddhi mein phir sukhdhaam ki bhi yaatra ho । tab talak koi nahin samajhte hai । isko koi aise yathaartha reeti samjhe ki yeh duhkhadhaam hai- yeh koi bhi nahin jaante hain । tum bachchon ko jaanna hai । so bhi sadaiv, rojaana samajhna chaahiye । padhte ho, yeh buddhi mein baith jaana hai ki yeh duhkhadhaam hai । ham sukhdhaam ke liye, sukhdhaam sthaapan karne vaale baap se varsa pa rahe hain । ham unke bane hain । jeete ji unke bane hain । koi bhi raaja hai vo apne god mein lete hai .to vo samajhte hai ki hamaare vo bhi laukik hain aur ye doosre bhi laukik hain । yahaan to laukik aur paarlaukik ho jaate hain, parantu yaad to karte hain na । apne raajaai kul ko bhi yaad karte hai to us beggar kul ko bhi yaad karte hain । vaise hi tum jaante ho ki ham abhi raam ke bane hain । usne hamko god mein liya hai । yeh raavan kul hai । uske beech mein hi ham baithe hue hain । ek taraph mein vo hai, doosre taraph mein ham hain । yeh samajh sakte ho na । dekho, saara buddhi ka kaam hai । har ek baat mein buddhi ka kaam, yaani aatma achhi tarah se samajhti jaati hai barobar mainne hi 84 janma poora kiya hai । ab main aatma hi yeh shareer chhod karke naya daivi shareer lene ke liye purushaartha kar rahi hoon । kis dvaara? apne gyaan saagar, patit-paavan, sadgati daata paramatma dvaara, jo phir brahma dvaara hamko padhaate hain । yoon to sabhi aatmaaen shareer dvaara bairistari padhaate hain, ijeeniyri padhaate hain, par aatma padhaati hai na । ye sanskaar bhi to aatma mein rehte hain na । sunti-bolti bhi to aatma hai organs dvaara । vo jo aatma abhimaan hai vo nikal gaya hai । abhi tumko aatma abhimaani banne mein badi mehnat lagti hai । ghadi-ghadi dehaabhimaan mein aa jaate hain । aatma abhimaan mein kab baithen jo hamko ghadi-ghadi bhool na jaaen, tabhi baap raay dete hain ki bachche, amritvela bada mashhoor hai । to amritvele tum apan ko aatma samajh baap se yog lagaate, yaad karte raho । baap kehte hain jitna tum yaad karenge itna tumhaari jo kat lagi hui hai na। vo kat laga tin hota hai na, to ghaaslet mein ya koi mein daal dete hain । yeh to hai phir yaad mein daal dena । barobar ham aatmaon ko kat lagi hui hai । barobar aatma mein ye sabhi khaad pad gai hai । abhi ham mulmi ban gae hain । vo to ham pure sone se pure jevar bante hai aur ye hamaara sona impure ho gaya hai, jisko kat bhi kaha jaata hai । tin ko lagti hai na, kya kehte hain? (kisi behen ne kaha- junk) angreji mein junk, nahin to kat kehte hai । usko bhi koi mein daala jaata hai । to tumko bhi yaad mein daala jaata hai, parantu yeh saara kaam buddhi ka hai । ham baba ki yaad mein baithe rehte hain । baba hi hamko yeh srishti ka chakkar sunaate hain । abhi baba se raajya lena hai । abhi amritvele baithkar yeh yaad karna hai । abhi koi takleeph to nahin hai na । koi bhi hathayog ki bilkul baat nahin hai । bilkul hi sahaj । jaise bachche baap ko yaad karte hain, itna sahaj । isliye isko kaha jaata hai sahaj yaad । vo aatma laukik shareer ko yaad karti hai । abhi paramatma kehte hain laukik baap ko yaad na karo, mujh apne aatma ke baap ko yaad karo । main behad ka baap hoon behad ka sukh doonga, jo mainne kalpa pahle bhi tum bachchon ko diya tha । barobar the na । bhaarat vishwa ka maalik tha, koi dushman vagairah kuchh na tha । unko hi sukhdhaam kaha jaata hai । to sukhdhaam ke laayak tum ban rahe ho । abhi to ye samajhte ho na । baap. .khud kehte hai kitna besmajh ban gaye the । besmajh ko naalaayak bhi kaha jaata hai । to baap kah sakte hain na । are bachche bhaaratvaasiyon! tumne kya kiya hai! kitne naalaayak ban gae ho bilkul hi! tum svarga ke laayak the, abhi dekho tum narka ke laayak bankar ekdam kuchh bhi nahin bane ho । yeh tum bhool jaate ho ki are! ham bhaaratvaasi bilkul hi is vishwa ke maalik the । abhi hamaara kya haal hua hai! abhi hamko phir kaun yeh vishwa ka maalik banaaega? to zaroor vo banaaega । vahi aakar ke to banaaega na । vahaan to nahin baithkar banaaenge । agar vahaan baithkar banaate to kyon yahaan shivjayanti maante । maante to hain na bachche! to zaroor aate hain na । abhi duniya mein koi maante hi nahin inmen koi bhagwan aa sakte hain । abhi maante bhi hain.. shivjayanti aur niraakaar jayanti, vo ek hi hai । aur sabhi aakaar ya saakaar jayanti koi bhi maanenge। geeta jayanti bhi maante hain barobar । to zaroor jab shivbaaba aate hai tabhi to bhagvaanuvaach to geeta jayanti to phat se hui na । vo aate hi hain bachchon ko knowledge dene ke liye । to phat se aa karke apna parichay denge na । aise to nahin hai ki chhota bachcha hai, bada banenge tab parichay denge । ye to aane se hi parichay dete hain। to aane se hi jo sunaaya vo jaise ki aane se hi geeta sunaate hain । abhi geeta to nahin sunaate hain na । phir bhi kisko kahenge sachchi geeta, to bhi vo bolenge phir bhi geeta to hai na । phir vo jhoothi kaise? sachchi kaise? to abhi tum ye samajh gae ki ham jhoothi kyon kehte hain, kyonki shreekrishna bhagvaanuvaach hai । sabhi jhoothi to jo krishna ka charitra bhaagvat mein vo bhi jhootha ho jaata hai । ladaai bhi jhoothi ho jaati hai । har ek baat jhoothi ho jaati hai । duniya hi jhoothi ho jaati hai । isliye gaate bhi hain- jhoothi maaya jhooti kaaya jhootha ye sansaar । maaya jhoothi banaati hai na । sachkhanda ko ye raavan jhootha banaate hain । tabhi to inko jhooth khanda kehte hain na । dekho, gaate bhi to hain na । satayug mein to aise nahin gaaenge । kalhayug mein gaate hain- jhoothi maaya jhooti kaaya jhootha ye sansaar । maaya ka bhi arth chaahiye na । ye jhooth khanda kisne banaaya? maaya ne banaaya । maaya to yahi raavan ka khanda । yeh bhi to tum bachche jaante ho na ki maaya kisko kaha jaata hai । jhoothi maaya । sampatti to koi jhoothi nahin ho sakti hai na । sampatti to ya dhan hai ya ye makaan hain ya heere hain, moti hain । unko sampatti kaha jaata hai, maaya to nahin kaha jaata hai । ye to gaate hi hain ki jhoothi maaya, jhoothi kaaya । barobar yeh jhoothi, kyonki sachcha sona to jhootha ho gaya hai । kisne banaaya? maaya ne banaaya । kya kiya? jo sona sachcha tha usko jhootha bana diya aur poora jhootha bana diya । school mein to kaha hi jaata hai jhooth khanda mein । khanda jhootha to nahin hota hai । khanda mein rahne vaale manushya jhoothe honge । isliye manushya jhoothe hone kaaran phir khanda jhootha kah dete hain । aise jhoothe manushyon ke khanda ko bhi jhootha kah dete hain । barobar yahaan jhooth hi jhooth hai, sach ki ek ratti nahin, jabki satya aave nahin । to barobar satayug mein satya, to sach hi sach, jhooth ka naam-nishaan nahin । yahaan to jhooth ke bade gapode lagaate hai । usmein bhi sabse jaasti bade te bada gapoda yahi ki sarvavyaapi । jisko hi phir glaani kaha jaata hai । jisko hi to kehte hain- yada yada hi dharmasya । glaani kisko kaha jaata hai, vo bhi to koi vidvaan-aachaarya jaante nahin hain । baap aa karke samjhaate hain ki koi aise samajhte thode hi hai ki ham koi sarvavyaapi kah karke shivbaaba ki glaani karte hain । baap aakar samjhaate hai ki kitna tum moorkha buddhi ho gae ho । tumko moorkha buddhi kisne banaaya? raavan ne । usne tumko jhootha banaaya । tumko jo dete hain svarga ka maalik, unko tum bilkul hi itna neech le jaate ho । bahut bachche le jaate hain ekdam- vaaraah avtaar, phalaana avtaar, ye kachchha-machchha । achha, ye bhi to bhala chhodo phir bhi patthar-patthar tak mujhe tum le gae ho । to ye samajhte hain na barobar ham raavan mat par chal rahe the .tum aise kahenge na ki barobar drama anusaar phir raavan mat par chalte-chalte- dekho ham kitne patit, durbhaagyashaali aur durgati ko pahunch gae hai । jo phir devi-devta banne ke hain, raajya pad paate hain, vahi phir andar rehte hain । phir anapdhe padhon ke aage bhari dhoenge । to zaroor phir andar bhi to chaahiye, daas-daasiyaan vagairah- vagairah bahut kuchh chaahiye । samjha na । raajaai ke andar baahar se to nahin aaenge । zaroor sab kuchh andar hi chaahiye । to vo phir bhi raajaai gharaane mein aa jaate hai । palte hi jaise ki raajaaon ke ghar mein hain । khaana bhi wahin khaate hai । bhale unki sab sambhaal raajaaon ke ghar mein hai parantu phir naukar to zaroor rahenge na । yeh to baba bada achhi tarah se samjha rahe hain ki bachche saavdhaan ho karke padhaai ko achhi tarah se lagen । ghar mein baithkar course uthaate hai । bachche bahut hi grihasthi hain jo jaasti pad paane ke liye course uthaate hain, phir unko phursat kahaan se milti hai! ghar bhi sambhaalte hain, course bhi uthaate hain, double kaam । ye bhi aise hi hai । ghar bhi sambhaalo ye eeshvareey course bhi uthaao । ab ye to praaeevet ghar mein padhne ka bhi course hai । kuchh teacher se, kuchh ghar mein bhi padho । vo bhi to kitaab se padhte hain । murli to sabko mil sakti hai, aise nahin hai ki nahin mil sakti hai । saat roj samajhne vaala murli ko bada achha samajh sakenge । so bhi har ek ki apni buddhi anusaar । koi to achha-achha samajh jaaenge, murli se unko bilkul achhi tarah se aa jaaega aur koi hoga unko buddhi mein baithega hi nahin । achha, aaj thoda savel mein hi band karte hain । jaane vaale bhi hain । bhog bhi bahut time le leta hai, parantu baba kehte hain ki bachche, yahaan aate ho refresh hone ke liye । to refresh ho karke phir ja karke barasna । dekho, ye bhi to jaante ho ki koi jaakar baraste hai, phir koi thoda kam । main samjhaata hoon koi bhi ho, pakad karke ki bhagwan se kya parichay hai? pita hai na । to parampita paramatma se kya parichay hai? vo aise nahin kahega ki sarvavyaapi hai, jabki tum pita to kehte hi ho । to pita ke saath phir doosra pita prajaapita bhi to saath mein chaahiye na । vo to ho gaya sarvavyaapi, par yahaan doosra pita bhi zaroor chaahiye, baapdaada zaroor chaahiye । to un dvaara vo padhaave । to prajaapita bhi to barob chaahiye, sab jaante hain ki ham prajaapita ki aulaad hain aur aatma shivbaaba ki aulaad hai । yeh to bilkul samajhna... parantu ye bade-bade vidvaanon ki bhi buddhi par taala hai । baba, bhala aapne inko taala kyon lagaaya hai? mujhe gaali itni dete hain, mera disregard karte hai । mere ko kehte hain ki kutte mein, bille mein, phalaane mein । mujhe kutte ka bachcha, bille ka bachcha, patthar ka bachcha, himaalay ka bhi bachcha । himaalay mein patthar hote hain na । so bhi achha, himaalay ka bachcha kaho na । nahin, himaalay mein jo bhi patthar bhillar thikkar hain unka bhi bachcha । tum meri itni beijjati ki ho । to bhi tum apkaar kiya hai । main dekho tumhaara upkaar karta hoon ।.. abhi samajh gae na ki barobar ham raavan ki mat par ye apkaar karte rehte hain । to sabhi raavan ki mat par hain na । sabse jaasti raavan ki mat par ye vidvaan saadhu sanyaasi log hai । jinka phir naam aata hai । janak ko bhi, raajaaon ko bhi knowledge, to phir bheeshma pitaamah, dronaachaarya aise-aise digambar । bheeshma pitaamah hote hi hain shankaraachaarya vaale log । ve pakke hote hain । phir bhi tum bhrashtaachaar se paida hote hain na । to ye duniya hi bhrashtaachaari hai aur har ek ki jo bhi bhrashtaachaar ki vaartaalaap hai, jinka vo hai। bhrashtaachaari kyon bolte hain- sabke liye baith karke samjhaate hain । achha, raajaaon ke liye, bhrashtaachaari hain tab to shreshthaachaariyon ki pooja karte hain । to har ek baat ka baba baith karke samjhaate hain । ye to achhi tarah se samajhna chaahiye aur phir samjhaana hai । baaki to jo manushya hain vo to samajhte hain jaise bichchhu tindan kutte ,bille bachche paida karte hain, unki sambhaal karte hain, ye bhi aise hi bachche paida karte hain aur sambhaal karte hain । unmein abhi koi pharka to hai nahin । khaate hain ek - do ko, ek - do ko kaam-kataari par chadhaate hai । to vo ho gai raavan ki rasam-rivaaj, par is samay mein jab raamraajya shuru hota hai to aa karke raamraajya lena chaahiye ya puraani rasam par chalte jaana chaahiye? jabki samajhte hain ki barobar ham raam baap se varsa le sakte hain, sunte hue, dekhte hue bhi, yahaan bahut hain jo raajya le rahe hain, phir bhi unke saath na aay raajya leve to dekho... । kiska bahut bada satsang dekhte hain to usmein bahut hi chale jaate hain । jaho-jaho bada satsang dekhenge, vahaan bahut jaaenge aur vo satsang bada hota jaata hai । vahaan to milta kuchh bhi nahin hai, par bahut bada ho jaata hai । yeh to mehnat hai । achhi mehnat hai । to ye sabse jab pahle poochhenge ki kya parichay hai? bas, ham brahmaakumaar daade se varsa le rahe hain । lena hove to aao । phir aise ko jab vo samjhen ki haan, ye bilkul right kehte hain to likha kar lena chaahiye । to jitna tum yahaan likhaate rahenge vo tumhaare paas akshar rahege । to phir ye bhi court ke kaam mein peechhe kaam mein aaenge । dekho, kitne ko nishchay hai ki bhagwan ek hai । jabki ek hai to.. .ek thahra aur vahi svarga ka varsa dete hain । krishna de nahin sakta hai । manushya de nahin sakte hain । achha, le aao toli । praacheen bhaarat ka yog, to yog ka arth koi phir samajh hi nahin sakte hain ki kiske saath yog aur kaun sikhlaate hain? to yogeshvar, eeshvar yog sikhlaate hain । krishna ko bhi yogeshvar kah dete hain, par krishna yogeshvar hai hi nahin । na sikhlaane vaala hai, na seekhna hai, krishna jiska naam। ye kah sakte hain uski aatma phir antim janma mein aa karke yog ya yaad seekhti hai, raajayog seekhti hai tab aae । zaroor aage janma mein ye raajayog ki kamaai ki hogi । tab to koi ek thode hi hai, vo to phir raajaai hai । raajaai sthaapan ho rahi hai । achha, chalo bachchi! (record baja- chal ud ja re panchhi...........) jaise ki sampoorn ek ho jaaenge, peechhe do nahin rahenge । khatam hue din kaanton ke, babool tree ke । yeh bhi to sab raag hai na । inmen bahut wrong akshar hote hain, jo kabhi bhi baba kehte hain is wrong akshar ko nahin maanenge । jismen accurate kuchh theek likha ho। accurate saare mein to nahin hota hai na । kyonki shiv hua oonche te ooncha । baat hai bhi unko yaad karne ki । baaki to unhonne bahut hi kuchh likh diya hai । kam ho jaate hain । yeh bhi kaaran dekhte hai, parantu phir bhi sunaana to hai jo sun sake । (kisi ne kuchh kaha- pyaare baba, sair karte rehte hain aur saath-saath jo ananya bhakta hain unhon ke paas bhi jaate rehte hain aur aap vatson ki bhi roohaani seva karte rehte hain । jo yahaan ant samay prabhaav nikaalne ke liye bani hui vyaktiyo hain unka bhi in edvaas saakshaatkaar karte rehte hain aur.. antahvaahak shareer dvaara unki buddhiyon ko prerna ki service chalti rehti hai kyonki achhi tarah se jhat samajh lenge । to kahaan jaati hongi? bhakton ke paas । baba bhi kehte hain na- shiv ke mandir mein jaao, lakshmi-naaraayan ke mandir mein jaao, phalaane mandir me jaao । to ye jaati hai, tum nahin jaati ho? aage itna prem se nahin khilaate the । abhi aur jaasti prem se khilaate hain ।