सोमवार 30 अगस्त 1965 की साकार मुरली

> >

30-08-1965 madhuban aabu raatri murli saakaar baba om shanti madhuban

helo, good evening, yeh 30 agasta ka raatri class hai

yeh 21 janma ka varsa hai baap dvaara । unko koi aisa varsa to nahin mil sakta hai । dharma hai vo, .sanyaasiyon ka dharma hai । bhale ye devi-devtaaon ka dharma hai, parantu in devi-devtaaon ko varsa milta hai baap se । ye to samajh sakte hai na ki satayug mein satayug sthaapan karne vaala baap, to zaroor jo satayug me devi-devtaaen raajya karte hain, zaroor koi behad ke baap se varsa milta hoga । ye tum jaante ho । duniya mein in baaton ka koi prachaar nahin, koi baat nahin। nahin to iske pahle, aage, lakshmi-naaraayan ke mandir me jaane se ye thode hi samajhte the ki inko bhagwan ne raajya diya । agar ye samajh mein aae ki unko bhagwan ne raajya diya, bhala diya kab? yeh bhi koi nahin samjhe, kyonki satayug ko laakhon varsha aage laga diya hai । isliye ye bhi kuchh samajh mein nahin aae । to satayug ko laakhon varsha, koi laakhon baras puraane ka to ye ho nahin sakta hai । agar ye satayugi vaale laakhon varsha puraane hon to yahaan to karodon ki karodon, arbon ki arbon manushya ho jaave, anginat manushya ho jaaen । buddhi aisi koi chat khaate mein ho jaati hai, koi vichaar nahin chalta hai ki jabki ye devi-devtaaen bhaarat mein raajya karte the । agar ye laakhon varsha ke hue… । inko to hua hi adhaai hajaar aur sava do, do hajaar । baaki jo laakhon varsha mein ye aadi sanaatan devi-devta dharma vaale, aur to koi ka chitra hai nahin, to ye to bahut hi ho jaave, anginat ho jaave । yeh bhi koi ke buddhi me nahin baithta hai । kyon? kaun bithaave? abhi to bachchon ki buddhi mein ye saara svadarshan chakra hi hai government ka bhi । yeh hai government ka chakra । unhonne likhaay diya hai… charkha । charkha phirta hai na, ye bhi phirta hai । to unhonne is world chakra ko na jaanne kaaran vo charkha de diya hai । dekho, tum baithe rehte ho na । abhi baba kahege- bachche, tum svadarshan chakradhaari ho na, to jhat tumhaari buddhi mein yeh chakra phirega । varna bhi phirega । sat, treta dvaapar, kalhayug phir sangamayug… । varna bhi tumhaari buddhi mein aaenge- devta, kshatriy, vaishya, shoodra braahyan । yeh jo viraat swaroop dikhlaate hai unmein braahyanon ka varna nahin dikhlaate hain । to braahyanon ka varna na hone ke kaaran shivbaaba bhi kahaan aave, brahma kahaan aave? aaj baba ko khyaal aaya ki inko vaani nahin khulti hai, haath uthaaven । main abhi poonchhata hoon । jo kehti hai na ki ham samjha nahin sakti hain, vo haath uthaao । jinhonne haath uthaaya hai, in bachchon ko aakar isko oopar khada karo, inko time de karke bithaao । pahle-pahle buddhi me bithaao । to kaho ki oonche te ooncha bhagvat, bhagwan, baba, kyonki rachta hai । phir bolo, jaise school mein bachchon ko padhaaya jaata hai- haanthi kaho, ghoda kaho, ye phalaana kaho । achha, vo to hua sabka baba । abhi varsa milna chaahiye । to zaroor yahaan varsa chaahiye । abhi aatmaon ko varsa chaahiye । aatmaon ko to varsa vahaan hai, par yahaan varsa chaahiye manushya ko । mel aur phimel ko baba ka svarga ka varsa chaahiye । vo kaise deve? baba ko yahaan aana pade । yahaan baba ko aana padta hi hai patit duniya mein, kyonki kalhayug hai । to zaroor jab ye kalhayug-satayug ke beech mein aave tabhi aa karke phir hamko pavitra banaave aur svarga ka varsa deve । to ye phir unko bataao, phir ek-ek ko bolo- ye kaho । likhkar jaane to bolo likho । phir thoda oopar mein samjha karke ki dekho… .yeh mama-baba vahaan satayug ke oopar mein tapasya mein baithe hai । dekho, baba-mama baithkar tapasya karte hai । oopar mein donon hai na । to dekho, ye brahya-sarasvati tapasya karte hai to unke bachche bhi to hoge na । to dekho, ye satayug ki sthaapna ho rahi hai brahma dvaara । ham braahma dvaara braahyan hai । satayug ka varsa hamko milna hai shivbaaba se brahma dvaara । satayug ka varsa milega to kalhayug ka khalaas hone ka hai । to gol chakkar par le aana । dekho, ye satayug aur treta, yeh dvaapar-kalhayug, yeh raavan raajya… । 5-7-8-10 dapha unko ghadi- ghadi kahlaate rahen to sirf unke buddhi mein baithe… barobar aadhaakalpa satayug-treta phir aadhaakalpa dvaapar-kalhayug, phir ye ho gaya sangam । ye dekho svarga, ye dekho narka ho gaya । satayug-treta svarga, dvaapar-kalhayug narka । narka kaun sthaapan karte hai? raavan । raavan ko to jaanti ho, jisne haath uthaaya? raavan dekha hai? das sheesh vaala raavan nahin hai! dekho, paanch vikaar stri mein, paanch vikaar purush mein । to ho gaya raavan ka raajya । isko kaha jaata hai raavan ka raajya yaani paanch vikaar roopi raavan ka raajya । paanch vikaar stri me, paanch vikaar purush mein । donon mein । jab raam raajya hai to donon mein vikaar nahin hai । to dekho, vishnu ki chaar bhujaaen hai । do bhujaaen stri keen, do bhujaaen purush ki । vo ho gae paanch vikaar, vo phir ho gaya do bhuja stri ki, do bhuja unko devta । to aise-aise unko ye buddhi me bithaae, jo na baat kare, mukh se bole । inko bhi bithaana pahle pahle ekdam । to yahaan se aise hoshiyaar ho jaave । baba kya kahe, inko koi sikhlaave to main saugaat doon । agar koi inko sikhlaakar de main chaandi ka glass doodh peene ke liye inaam doonga । (kisi ne kaha- main sikhlaaoongi ।) tum sikhlaao inko, jo ye samjhe, samajh jaave aur vo gaddi par baithkar ekdam achhi tarah se samjhaae । to main tumko chaandi ka glass inaam doonga । chalo koi bhi kisko bhi samjhaave, main unko inaam zaroor doonga aur chaandi ki bhi । tum bachchiyaan me se koi bhi baithe jinhonne haath uthaaya hai । unko hamko hoshiyaar karke do, jitna din ho । abhi teen- chaar roj to ho na । din mein padhaane se samajh jaaenge, doosre din bolne lag padenge । to baba unko inaam zaroor denge । usmein bhi jo sahaj ho, abhi ye to sahaj hai, inko to baras ho gaya hai, bahut puraani hai । inka mukh tumne khol diya to main gilaas ke saath aur bhi kuchh de doonga । samjhaati ho na । daily samjha deti ho । baaki inko samjha do ।. .kar sakegi bachchi । (kisi behen ne poochha- kaun hai ye?) ye queen hai । agar ye abhi ja karke thoda achhi tarah se samjhaane lag jaave to ye bahuton ka kalyaan kar sakti hai, kyonki bujurga hai aur bade ghar ki badi hai । (kisi ne poochha- kitne roj mein taiyaar karna hai?) abhi agar tum uthaati ho, jitna roj raho । do- teen din yahaan rahaay sakta hoon nahin to ravaana kar doonga! baba theek bolte hain na ki agar isne bade- bade ko aap samaan kiya to bade aadmi, ye to hai lakhapti log, karodapti log, inke paas to paai ke muaaphik paisa rehta hai । to bade- bade aadmiyon se connection hai na, badi badi maataaon se connection hai, bade- bade manushyon se, mitra-sambandhiyon se connection hai । agar is baari ja karke ye tuklu- tuklu karne lag padi to tumko to ham bahut kuchh de sakte hain aur jo party hai vo phir unko uthaao । to ek- ek jo uthaaengi, jo unko kahengi ki hi, hamne abhi samjha hai, ham samjhaay sakti hai, main unko inaam zaroor doonga aur doonga zaroor chaandi ki । (kisi ne kaha- aapke aage hi samjhaavege) । tabhi kya! taiyaar hain, chalo deedi ke aage । (kisi ne kaha- haan, deedi ke aage ।) mehnat karo inke oopar । inko shauk hona chaahiye । nahin to ye bolte hai ki jaakar kya karti hai, yeh kuchh mukh se hi nahin bolti hai । ye to jaise jangali tota thahra । gale mein maala hi nahin padti hai । ek tote hote hain, unmein kanthamaala padti hai aur doosre hote hain jisme kanthamaala nahin hoti hai । bachchon ko baba to yaad padta hai na । svarga ka varsa dete hain । ye baba thahra na । svarga ki sthaapna to baba karte hai na । abhi tha, parantu phir bhi to 84 janma lena pade na । jo bhi aave, manushya to hai na । to dekho, 84 janma le karke abhi ye narka ban gaya hai । 84 janma ke ant ke janma mein narka ban gaya । satopradhaan se sato rajo tamo ye thoda thoda akshar aur phir bhi to baba aaya hua hai । ke aata hi hai yaani aana hi pade । satayug aur kalhayug । kalhayug ke ant mein, satayug ke aadi mein aana hi pade । 5-5 hajaar varsha baad baba ko aana hi pade patit duniya ko paavan karne । abhi to aata hi hai । dekho, vinaash saamne khada hai । to kalhayug ke ant me aaya hai na । to baap phir kya kehte hai, nishaani kya hai baap ki ki bachche, mujhe yaad karo to tumhaare jo vikarma hai, yeh khaad padi hui hai, ke gal jaaegi, nikal jaaegi aur pakke sone ban jaaenge aur phir hamaare paas… aatmaaen vahaan to pakka sona hi rehti hai, pavitra hi rehti hai । usko mukti kaha jaata hai । phir ye chakkar satayug treta dvaapar kalhayug- yeh kaise phirta hai । bas vo svadarshan chakradhaari bana do । baithkar samjhaave, jo phir chakravarti raaja banta hai । bas, aise karke inko achhi tarah se bolti raho, bulaati raho । bolne ki her pad jaaegi na to bolti rahengi । phir tum sunaao, unke oopar aage bolo, phir ye inke aage bole, tumhaare aage bole । to ye bahut kaam karengi aur inko sachcha-sachcha khushi ka paara tab chadhega kyonki. .kalyaan karegi na to phir paara bada achha chadhega aur phir iske kaaran baba ko inke badon se aaphreen milegi ki isne kamaal ki hai, inko itna hoshiyaar kiya hai jo ye hamko samjha bhi sakti hai । phir bhale kahe ki main itna hi ishaare mein samjhaati hoon kintu hai to ek second ka jeevanmukti । baap ko yaad karna hai, varse ko yaad karna hai । baaki bahut samjhaana, vo to phir ek- do se hoshiyaar to hoti hi hain । phir tum chalo centre mein, vahaan tumko samjhaaenge aur svadarshan chakradhaari zaroor banaakar dikhlaaenge । bachchon ko seekhne ka hirsa hona chaahiye । kisko bhi pakadna chaahiye jo samjha sakti hai । dekho, ye samjha sakti hai, ye samjha sakti hai, ye bachchiyon bhi samjha sakti hain, ye bachchi bhi samjha sakti hai । jo samjha sakti hai unko pakdo । yahaan aae ho, ghar mein to kuchh kar nahin sakengi । vahaan tum logon ko phursat kahaan! vahaan ka vaayumandal hi tumko samjhaane nahin dega । vaayumandal hi kharaab । yahaan phir bhi vaayumandal achha hai, dhaarna hogi । peechhe ghadi- ghadi aape hi aakar, inke saamne khadi rahkar daudi karegi ki ham ye samjhaave । apne aap se baat karenge ।… har ek brahman ko svadarshanchakradhaari zaroor banna hai । chakravarti raaja banna hai na । ab naam hi chakravarti pada hai । chakra ko jaanne se chakravarti raaja । chakkar kaahe ka? srishti ka chakra aur kya! …inaam kaun lete hai!. …milega, naam bhi hoga, phir baba gaata rahega । ye tape mein bhi naam dete rahenge ki isne isko aaphreen diya ki isne inko aa karke samjhaaya । hoobhu jaise parampita paramatma ke saath baithi ho । baba, daada aur bachche sanmukh baithe hai । dekho, kitna ooncha kutumba ! yahaan tumko jo nishchay aur maja aaega, itna maja ghar mein nahin aaega । bhale centre mein jaaenge to bhi itna maja nahin aaega jitna yahaan kyonki sammukh baithe ho । sabhi bachche baba aur mama ke sanmukh baithe ho । jaante ho ki baba aur mama se hamko svarga ka varsa milne ka hai । jaise ki yahaan baba-mama ke saath ghar baithe ho । baba bhi aaya hua hai, jisko tvamev maataashcha pita kehte hai aur jaise eeshvareey ghar mein baithe ho । peechhe bhinna naam-roop se phir tum vahaan darbaar mein aapas me milege । jo rajvaada banenge vo phir … । ye to samajh sakte ho na ki vahaan phir darbaar hogi । phir tumhaara naata hi hoga rajvaadon ka rajvaadon ke saath yaani raajaaon ka raajaaon ke saath, praja ka praja ke saath । isliye raaja banna achha hai, raani banna achha hai bahut aur hai bhi nar se naaraayan banne ka gyaan, raajayog । prajaayog nahin hai, raajayog hai, parantu raaja ke peechhe praja to zaroor banegi । achha! (myujik baja) bachche, bhaktimaarga mein geet kavitaaen dialogue ye-vo bahut hi khitpit hai । baba in baaton ko nahin achha. … । yeh padhaai hai na । padhaai mein geet-kavitaaen ki to koi darkaar hi nahin hoti hai । isme to hai hi chup । haan, samjhaane ke liye zaroor samjhaana pade । chup kaise rah karke varsa pa sakte ho! hai to chup ke liye na । buddhi mein saara gyaan baith jaata hai । chup karke baithna hota hai aur vo gyaan bhi sunaana padta hai aur koi jhaanjh vagairah ki koi baat… । to skoolo mein koi jhaanjh nahin bajti hai, ye to mandiron mein bajti hai ।. .padhaai ek ghanta bhi bahut kaaphi hai । phir ghar mein baith karke unko ugaarna chaahiye । jaise gaiyaan hoti hain na, ghaas khaati hain to ugaarti rehti hai । taise hi ye gyaan aisa hai jo andar mein, subah-din jab bhi phursat mile ye gyaan ka chakkar andar phirta rahe, phirta rahe, tab khushi ka achha paara chadhega kyonki samjhaate bhi rahenge, chakkar bhi phirta rahega । so bhi samjhaana bahut sahaj hai- shantidham, sukhdhaam, ye duhkhadhaam । abhi shantidham chalna hai, sukhdhaam mein aana hai । duhkhadhaam khatam hone ka hai । abhi kisko bhi samjhaane me kitna sahaj hai । aise- aise inko bhi ye samjhaate rehna, totke bhi । abhi dekhenge, kaise inaam paakar jaati ho aur tumhaara naam bahut baala hoga । baba phir… karne lag padte hain na । ye ghadi- ghadi yaad aaega, jhat jiska naam niklega ekdam । jo- jo kuchh bhi karenge । achha, meethe- meethe sikeeldhe bachchon prati, jamuna! tumko bhi kah diya hai ki koi na koi ka kalyaan kar deve to vo aur ko kalyaan karne lag padegi । ye mukh khulna zaroor chaahiye । mukh nahin khulte hain । goonge ka bhi kuchh ishaara chalta hai । mukh kyon nahin khulna chaahiye! baby hai, unka bhi mukh kholte hain । baba- baba kaho to baba- baba kahne lagti hai, jo sikhlaao seekhne padti hai । ye sahaj baat nahin samjha sakte? shantidham, sukhdhaam, ye duhkhadhaam hai । paavan duniya hai, ye patit duniya hai । ye itna aadhaakalpa ye itna aadhaakalpa । vo raam raajya, yeh raavan raajya । aise- aise totka inke oopar yukti se samjha do to phir ye baithkar samjhaaengi । phir deedi paas karengi । deedi ka bhi naam hoga, kyonki…deedi abhi yahaan hai na । tumhaara bhi naam hoga aur shauk rakhna chaahiye samajhne ka, nahin to baap ka naam nahin nikaal sake । achha! meethe- meethe, sikeeldhe bachchon prati maat-pita, baapdaada ka yaadapyaar aur good night ।