बुधवार 1 सितंबर 1965 की साकार मुरली - 1

> >

01-09-1965 madhuban aabu praatah murli saakaar baba omshaantimdhuban

helo, svadarshan chakradhaari brahman kul bhooshnon ko chandrahaas bhaai ki namaste, aaj budhvaar sitambar ki pahli taarikh hai। praatah class mein baapdaada ki murli sunte hain।

record :-

mahphil mein jal uthi shama parvaane ke liye…

om shaati ।

behad ke sachche baba ki behad ki mahphil । dekho, abhi behad hai na । dekho, mahphil mein kitne manushya hain! karodon manushya hain na! baba bahut aahiste karke samjhaate hain ki hamaari meethi-meethi laadli mammaaen kuchh na kuchh achhi tarah se dhaaran karen jo koi ko samjhaay saken । abhi ye mahphil hai saadhe paanch sau karod ki aur aate bhi hain bahut badi mahphil mein । jab satayug mein chhoti mahphil hoti hai tab to baba aata nahin hai । jab poori mahphil ban jaati hai, sabhi aatmaaen yahaan aa chukti hain, bhale thodi-bahut rahi-khahi hon to bhi sab aa jaaengi, kyonki jab vaapas jaaenge to phir vo khaali rahegi । maataaen samajhti ho na? baba sahaj samjhaate hain, buddhi se kaam lena hai । baba ke hote-hote... abhi pahle baba kaun hai, ye to bachchon ko samjhaaya gaya hai ki pahle-pahle hamesha baba ki mahima- sachcha behad ka baba hai, shiksha dene vaala sachcha behad ka teacher bhi hai । dekho, ye yaad rakh do, kyonki aur koi ko bhi nahin kaha jaata hai, ek ko kaha jaata hai। ye to pakka yaad karna hai । apna naam bhi lo- shivbaaba । phir unka naam to bahut hi rakh diya hai । rudra, somnaath phalaana bahut anek naam rakh die hain, parantu sachcha-sachcha pakka naam shiv । manushya jab ginte hain tab puri jab kehte hain, to aise shiv puri lagaate hain na, aise usko shiv bhi kehte hain । shiv maana puri । to ye pakka dhyaan mein rakho । to sachcha behad ka baba shiv । to dekho, hamaara baba bhi hai phir vo hamaara behad ka shikshak । kya karte hai? hamko is srishti ke aadi madhya ant teenon kaalon ki samjhaani sikhlaate hain । yeh hua teechrapna । history aur geography- ye akshar to bachchiyaan yaad kar sakengi na । aadi madhya ant ki history-geography yaani satayug mein kaun raajya karte the, kitne ilaake mein raajya karte the । ab bachche jaante ho ki satayug mein devi-devtaaai raajya karte the, saare vishwa par raajya karte the । ye history hui na- kaun raajya karte the, kahaan raajya karte the, kitni dharti par raajya karte the । ye to thode- thode par, badauda vaala badaude par raajya karega aur maisoor vaala maisoor । to ye gaanv ka tukda-tukda hai । vahaan aise nahin hai । vahaan bhale vrindaavan ka, saare vishwa ka, kyonki doosra koi raaja hota nahin hai, kyonki gaanv ka tukda- tukda to sabko milega na, to unka banega । us samay mein aur koi raaja nahin hote hain, aur koi dharma nahin hote hai । baaki raajaaai kyon nahin honge? har ek ko apna varsa milega । dekho, raadhe ka bhi baap raaja tha, krishna ka bhi baap mahaaraaja tha, vo bhi mahaaraaja tha । jab sagaai hui to daas-daasiyaan vagairah, jaise hota hai na, ek gaanv se doosre gaanv mein jaana, vo badi praja aur haathiyon par baith karke, vo doli mein bitha karke ye aate hain na, doosre gaanv ka doosre gaanv । to phir vahaan aa karke inki shaadi hoti hai । shreekrishna ke ghar mein shaadi hoti hai । vahaan itne log koi kahen bhai, shreekrishna gaya raadhe ke paas unko le aane ke liye । to vo jaaega, shaadi karega, phir vo apne saath jevar gaanv bhi saath mein dete hain । to rivaaj hai na । ye to samajhti ho na kuchh na kuchh aisi baaten hoti hain । pahle-pahle to ham kiske paas padhte hain? oonche te ooncha shivbaaba jo sachcha behad ka baba, sachcha behad ka shiksha dene vaala, kyonki vo poochhenge- behad ki shiksha kaun de rahe hain bolo, ye hamko srishti ke aadi madhya ant ki knowledge-gyaan samjhaae trikaaldarshi banaate hain । abhi trikaaldarshi duniya mein koi bhi hota nahin hai । jo rachta aur rachna ke aadi madhya ant ko jaane aisa koi manushya hota hi nahin hai । vo to kah dete hain- beanta hain, uski rachna bhi beant hai, aprampaar hai । bas, aise kah dete hain । usko sanskrit mein neti neti kah dete hain- ham nahin jaante hain, nahin jaante hain । phir behad ka satguru, phir sabka sadgati daata, phir sabko saath mein le jaane vaala panda isliye tumhaara naam paandav sena pada hua hai । panda akshar yahi mashhoor hai । vo jismaani panda, ye roohaani panda । geet suna na- chaaron dhaam kie । ek janma mein to chaar dhaam nahin kie na । janma-janmaantar chaar dhaam chakkar lagaae । teertha jo bahut karte hain unko bolte hain chaaron dhaamo ka chakkar । chaar hi taraph mein, kyonki teertha koi amarnaath mein hai, koi badreenaath mein hai, koi is taraph mein hai, dvaarka hai, shreenaath dvaara hai, raameshvaram hai । dekho, chaaron taraph hain na! to bola- chaaron taraph chakkar lagaae, baba se na mil sake, bhagat bhagwan se na mil sake । bhagwan kaise milte hain? dekho, abhi baba aate hain, bhagwan aate hain । usko hi kaha jaata hai patit-paavan yaani patit srishti ko, jab kalhayug ho jaati hai, to unko satayug banaane ke liye hamaara baba aata hai । bhaarat mein aata hai, phir bhaaratvaasiyon ko phir se so heere jaisa svarga ka maalik banaata hai । aise baba, jo svarga ka maalik banaane vaala hai, unko na jaanne ke kaaran ye jo bhi saadhu sant mahaatma hain vo bolte hain- thikkar mein hai, bhittar mein hai, kutte mein hai, billi mein hai, machchha avtaar hai, kachchha avtaar hai, vaaraah avtaar hai । ab dekho, vo kitna gaaliyaan dete hain! to baba aa karke phir kehte bhi hain ki dekho, jab-jab ye meri bahut hi glaani karne lag padte hain, mujhko aise- aise kehte hain, phir kehte hain shankar paarvati ke oopar phida hua, brahma apni beti sarasvati ke oopar, kyonki brahma ki bachchiyaan hoti hain na । brahma ki phir stri nahin rehti hai । jab brahma baap ka bachcha banta hai to phir stri nahin hoti hai, bachche hote hain, kyonki vo hote hain mukhvanshaavli kyonki shivbaaba ki brahma jaise khud stri ban jaati hai । ye thodi guhya baaten hain, parantu samajhte to ho na । bhale tum bachchon ko samjhaane mein.. । to phir brahma ke mukh dvaara hamko apna banaate hain । sab brahmaakumaari aur kumaar ban jaate hain aur ham jaise ki eeshvar ke kutumba ke ho jaate hain । daada hua na । bade daade ka kutumba hua । to tum bachche hue shiv ke bachche । jab shareer mein ho to behen-bhaai ho । to brahma dvaara tum behen-bhaai bante ho, brahmaakumaari aur kumaar aur shivbaaba ke tum santaan ho hi । usko kaha jaata hai avinaashi santaan । aatma bhi avinaashi aur parampita paramatma bhi avinaashi । shareer to phir vinaashi hote hain । peechhe shareer to ek chhoda doosra, doosra chhoda teesra । to dekho, barobar 84 janma ham bhaaratvaasi lete hain । jo devi-devta bhaarat mein pahle aate hai vahi phir aakar pichhaadi mein daivi varna se nikal karke shoodra varna tak aa jaate hain yaani satopradhaan se aatma tamopradhaan mein aa jaati hai । abhi ye to samajh gae na ham satopradhaan aatmaaen devi-devtaaen so tamopradhaan mein aa jaate hain । satopradhaan se sato phir rajo tamo tamopradhaan mein aa jaate hain । kya hota hai? ismen khaad pad jaati hai, vikaaron ki khaad, to tamopradhaan ban jaate hain । abhi tamopradhaan jo aatma sachcha sona, so phir jo jhootha ban gai, sachcha kaise banen? kyonki pahle aatma ko pavitra hona hai na । aatma pavitra ho, sona pavitra ho, sachcha ho, to jevar bhi sachche banen । vo saadhu vidvaan log aise samjhaate hain ki aatma nirlep hai, parantu nahin, aatma mein hi khaad padti hai । patit aatma, paavan aatma- aise kehte hain na । punya aatma, pavitra aatma- aise aatma ke liye kehte hain । to aatma nirlep kaise rahi? to dekho, ye log jhooth bolte hain na ।.. phir unko samjhaana hai । ye bahut meethi samjhaani aahiste-aaraam se denge na... । bolo, hamaari suno । hamko koi ki sunni nahin hai । hamko ek ki sunni hai । aur sang sabka chhod ham ek se sunte hain, kyonki vo kehte hain ki ab doosre koi ka nahin suno । to ham ek ki sunte hain । tumhaari ham sunenge nahin । tum kuchh bhi bolenge, nahin sunenge, kyonki jo tum bolenge vo sabhi ved grantha shaastra vagairah ki baaten sunaaenge, vo hamaane janma-janmaantar suni hain । bahut suni hain, bahut chaaron dhaam chakkar khaaya hai, dhakka khaaya hai, parantu bhagwan ko to yahin aana hota hai । aakar hamko.. । kisko aana hota hai? jiske liye ham kehti hain, abhi jaan gai hain ki baba behad ka baba hai । to usne sunaaya na, usne samjhaaya na aur nishchay karti ho na ki hamaara shivbaaba aisa hai । abhi aise baba ko ham sunenge ya tumko sunenge! isliye tum kuchh bhi bolenge, nahin sunenge । isliye koi se vaad-vivaad nahin hoga । chaahe suno, chaahe na suno, chale jaao । baaki ham sunaane vaale hain, sunne vaale nahin hain । brahmaakumaar aur kumaariyaan kiski sunne vaale nahin hain । tum bolenge ved mein hi aisa... । ham nahin sunna chaahte hain, ham band karte hain । ham bol dete hai sab jhooth hai । sunna hai to suno, nahin to chale jaao । vo log phir bahut tang karte hain, gaaliyaan dene mein deri nahin karengi ।.. .ye bahkaae hue hain, jaadu laga hua hai, ye hai, ye gharbaar phitaate hain, bhaai-behen banaate hain । bhai, bhaai-behen honge to zaroor behad ke bachche honge tab to bhaai-behen honge na । so bhi itne bhaai-behen hai brahmaakumaar-kumaariyaan to zaroor koi baap bhi to hoga na । unse varsa to milta hoga na । to dekho, brahmaakumaar-kumaariyaan brahma dvaara । daade ka varsa beech mein baap na ho to milega? ho hi nahin sakta hai । bachche kahaan se aaenge jo daade ka varsa lenge! kabhi- kabhi bahut kehte hain ki nahin, ham to seedhe daada se varsa lenge । abhi seedhe daada se varsa milega kaise? yaani beech mein baap thahra hi nahin, brahmaakumaar-kumaari thahre hi nahin, daade se varsa kaise le sakenge? ye to koi kaayda hi nahin hai । kabhi ho sakta hai! daada hove, achha, daade se varsa kisko milega? pautra ko milega, putra ko milega । zaroor putra hoga, usse pautra milenge to pautron ko bhi hak milega, to putra ko bhi hak milega । nahin to daada.. kahaan se bachcha paida karega? abhi tum bachchon ne ye samajh gae ki pahle mahima baba ki, kyonki koi nahin jaante hain । are, vo hai geeta ka bhagwan । bhagwan unko kaha jaata hai । bhagwan ka parichay to pahle dene ke liye samjha diya hua hai, phir bhi ye doosra parichay ki vo sachcha behad ka baap hai, sachcha behad ka shiksha dene vaala hai, kyonki vo hamko trikaaldarshi banaate hain । dekho, trikaal akshar inko pakka karaay do yaani teenon kaalon aadi madhya ant । aadi madhya ant kisko kaha jaata hai? aadi hui satayug.. phir madhya ka sangam chaahiye na, to barobar treta aur dvaapar ka madhya hua । do kalpa poora hua na, peechhe hai do kalpa, to madhya hua na, aadha । ye bhi achhi tarah se yaad karo । bachchi note karti jaao, ye phir in bachchiyon ko samjhaana । aadi madhya phir ant- yahaan tak tum jaanti ho. .kya hone ka hai । mukhya point hai hi ant ki, sangam ki, jo baap baith karke patiton ko, patit duniya ko phir paavan duniya banaate hain । patit duniya ko narka kehte hain, so bhi kumbheepaak narka । bachchiyaan! koi ne garood puraan suna hai? haanth uthaao, jisne garud puraan suna ho । to garood puraan mein usko kumbheepaak narka kehte hain । jo dikhlaate hain nadiyon mein manushya janaavar bichchhu phalaane ek- do ko khaate hain । vo nadi to nahin hai na । nadi mein thode hi manushya bhi honge, sher bhi honge, bakri bhi hogi । koi aise kabhi dekha? kabhi koi nadi mein nahin । to ye saari duniya vishay vaitarni nadi hai । usmein dekho, ye sabhi ek-do ko khaate hain, maarte hai, peette hain । achha hai jo garud puraan bhi suna hai । baba to suna hua hai tab to poonchhate hain aur bataate hain na । padha hua hai, suna hua hai । to koi nadi nahin hai । vo to nadi dikhla dete hain, par ye saari badi vishay vaitarni nadi hai । isko vishay saagar bhi kaha jaata hai, kyonki vishay saagar se, vo jo paanch vikaar roopi raavan, usko vishay saagar kaho । vo gyaan saagar to vo vishay saagar । unmein se phir dekho vishay ki nadi, vikaaron ki nadiyaan hain । to is samay mein sabhi jo bhi hai raavan sampradaay, aasuri sampradaay, vo vishay saagar mein gota kha rahi hai । duhkh hi duhkh hai । bhale koi samjhe ki hamaare paas khushi mein hain । sab to nahin sunenge na । dekho, kotan mein kou kou mein kou । ye bhi tum achhi tarah se samajhte ho ki bahut achhe bachche ban karke phir bhi, aage bhi likha hua hai ki aashcharyavat baba ka bananti sunanti auron ko sunaavanti aur ye kahanti ki ham abhi svarga ke maalik ban rahe hain, phir bhaaganti । aho maaya! tum kitni dustar ho, in bachchon ko jeet leti ho । to yeh beech mein yuddha hua na । bachchon ka aur maaya ka hua yuddha । yuddha ke maidaan mein sabhi jeette to nahin hain na । kabhi sabhi ki jeet nahin hoti hai । dekho, abhi musalmaan-hindu ki ladaai lagti hai । tum sunti ho- bhai, hamne itne musalmaan maare, vo kahenge- hamne itne hindu maare । to aise nahin hota hai ki sirf ek daphe maarkar.. bhale kitna bhi koi ho, marenge donon ke । haan, jo pahalvaan hoga unke thode marenge । jo kam pahalvaan honge uske bahut marenge । abhi ladaaiyaan lag rahi hai na phir bhi । dekho, vahaan ke taraph mein ladaaiyaan lag rahi hai । to phir jo kamjor hain vo jaasti marte hai aur jo bahaadur hain vo thoda kam । yahaan bhi aise hi hai । jo kamjor hain vo thoda jaasti marte bhi hain jhat, bahaadur kuchh thahar sakte hai achhi tarah se । to ye tumhaari hai is raavan se ladaai । usmein kya hua? achha, kaam se haara । chalo badi-badi haar khaai, badi chot lagi । usko kaha jaata hai boxing ki । tum bachchon ne jisne boxing ka yuddha hua dekha hai vo haath uthaao । dekho, ye 1,2,3,4,5 ne dekha hai । baba ne to dekhi hai । tum bachchon ne to kuchh dekha nahin hai na । vo bahut pahalvaan hote hain । vo unko lagaaenge । koi vakta mein .koi ne jor se lagaaya, aise gir jaaega, behosh ho jaaega । peechhe vo log aath aavaaj karte hain । aath aavaaj mein na utha to haraaya । agar uth gaya to uth karke phir ladte hain । yahaan bhi hoobhu aise hi hai । ekdam kaam ki chot khaai, khaaya paadrapna jor se । phir baba bhi kehte hain- muttha, tumhaara kaala munh ho gaya । vo vikaar mein jaaega to bolenge, muttha kaala munh ho gaya । krodh mein itna nahin kahenge, aur doosri baat mein itna nahin kahenge, kaam ke liye phat kahenge, kyonki baap bhi kehte hain- bachche, ye kaam roopi jo tumhaara shatru hai, ye hai tumhaara bada dushman । ye tumko bahut duhkh dene vaala hai, kyonki kaam-kataari se tum duhkhi hote ho । ye kada vikaar hai, kyonki patit banaate hain na । aise kabhi nahin sunna ki koi krodh karte hain to patit bante hain । patit bante hi hain jabki ye bhaar khaate hain । bhaar kaho, moot piyo aur jo kaho, isko bahut hi gande labja kehte hain । dekho, gande labja naanak ne bhi kaha hai na । granth to bahuton ne suna hoga । granth to bahut sunti hai । usmein naanak bhi kehte hain- moot paleeti kapad dhoye yaani ye jo moot paleeti hai, moot se paida hue kapde hain, tan moot se paida hote hain na । ye baap ne aa karke dhoe the ।.. .abhi dhote kaise hain so baap ne samjhaaya hai tumhaara kapda kaise dhoega- he aatma, tum bhi dhup(jhuk) jaaengi aur phir tumko kapda milega । abhi tum dhup dab jaaengi, jab tum is puraane shareer mein rehte-rehte paavan ban jaaengi, phir ye tumhaara puraana vastra yahin utar padega, chhod denge, sab jal jaaenge, khatam ho jaaenge । phir tumhaara sona pakka hua phir chale jaaenge । vahaan koi bhi patit aatma thode hi ja sakti hai । dekho, kitni badi aag lagti hai, usmein sab jal padte hain । phir vahaan ki vahaan sajaaen bhi khaate rehte hain aur pavitra bhi ho jaate hain, parantu ye tum bachche samajhte hain sab aatmaon ko part mila hua hai, ek na mile doosre se aur drama hai na, koi bhi din ek samaan nahin hota hai । ye geet gaate hain na- sab din hot na ek samaan । sab din kitne? 5000 baras । 5000 baras mein kitne din hote hain? varsha mein kitne hote hain din? 365 । dekho, ye hisaab hua na । maithmetik hisaab karna hua । ismen jarab karo ki itne din hote hain 5000 baras mein, ek din bhi ek jaisa nahin hota hai, kyonki drama bana hua hai । ye dekho, bas phir ye gujra, ye drama mein shoot ho gaya । phir 5000 baras ke baad aisa hoga । ye bhi gaate hain na- sab din hot na ek samaan । abhi duniya to jaanti nahin hai । kalhayug hai laakh baras ka kaun baithkar gine? arab-kharab ho jaaenge । unka koi kaise hisaab sambhaal sakenge! tum logon ki buddhi mein baithta hai ki barobar 5000 baras ke itne din hote hain । vo sab din kabhi bhi ek samaan nahin hote hain, kyonki part bajta jaata hai । second baae second part bajta jaata hai । vo part jo bajta jaata hai vo phir 5-5 hajaar varsha baad phir se repeat hoga । dekho, ek din mein bhi, 24 ghante mein sab apna- apna part alag bajaate hai । isko kaha jaata hai sabhi din... । abhi sabhi din to ga liya, kitne din koi bhi nahin jaante hai । tum bachche ye bhi jaante ho ki kitne din hot na ek samaan । kahaan dekho satayug, kahaan ye kalhayug! usmein kya hota hai, usmein kya hota hai! to baap baithkar bachchon ko samjhaate hai ki ye sabhi tum bachchon ko roshni mili ki jo din satayug ke hai, bade achhe hai, vahaan khushi hoti hai, 16 kala । yahaan se tum sabhi chadhti kala yaani 16 kala mein chale jaate ho । vikaar se kaale ho gae ho na । to baba kehte hain- bachche, abhi de daan paanch vikaaron ka to tumhaara yeh grahan chhoot jaaega । ye to theek hai, seedhi- seedhi baaten । to baba tumhaara ye puraana vikaar bhi lete hain.. .baaki tumhaare paas kya hai aur baap ko kehte hain saudaagar, ratnaagar । ye sauda karte hain । kya cheej dete hain uske badli mein? bolte hain- vaah! tum do kaudiya de dete ho, main tumko gyaan ke ratan deta hoon । vo ek- ek ratan laakh- laakh rupaye ke hain । to baba ke liye baba ne samjhaaya ki baap roop bhi hai aatma ka, dekho kitna chhota-sa roop hai aur basanta bhi hai, vo gyaan ka saagar hai । dekho, vichaar to karo aatma mein andar kitni taakat hai । ek chhoti-si mein kitna gyaan hai! kitna gyaan samjhaate aate rehte hain, samjhaate aate rehte hain, to ye aatma mein gyaan ki noondh hai na । dekho, abhi aatma kitni thodi hai, phir jo noondh hai yeh gyaan dene ki, vo bhi phir avinaashi hai । phir kalpa ke baad phir aa karke tumko vahi gyaan denge jo abhi de rahe hain । ek chhoti-si aur so bhi avinaashi, kabhi vinaash hone vaala nahin । dekho, ye bhi wonder hai na! ye bhi kudrat hai na! chhoti-si bindi aur chhoti-si bindi aatma bhi dhaaran karti hai । agar baba ki bindi mein itna gyaan dhaaran hai to tum bachche bhi aatma mein yeh gyaan dhaaran karte ho, kyonki aatma mein ye 84 janma ka, jo kuchh bhi tumko part hai, chhoti-si bindi mein avinaashi bhara hua hai, record । dekho, ye bahut guhay baaten hain! shaayad bachchon ki buddhi mein itna na bhi baithe, parantu pahli baat jo bataai 'baba ka parichay' ki baba hamaara baba bhi hai, teacher bhi hai, sachcha-sachcha-sachcha guru bhi hai । unka phir doosra koi baap teacher guru nahin hai । manushya jo bhi hote hain unka baap teacher guru zaroor hote hain । inka koi bhi nahin hota hai । abhi ye to pakki baat hui samjhaane ki । to unko paramatma kaha jaata hai ki sarva paramatma? manushya samajhte hain main bhi paramatma ka roop hoon main bhi phalaane ka roop hoon । roop to sabka apna-apna hai na । baba ko kaha jaata hai roop bhi hai, basanta bhi hai । dekho, aatma mein gyaan hai । achha, aatma gyaan kaise sunaaegi, mukh se sunaaegi । tumhaari bhi aatma baithi hai bhrikuti ke beech mein, mukh se gyaan sunaaegi । kaanon se sunegi, mukh se sunaaegi । to baba ko bhi zaroor, gyaan ka saagar jo kaha jaata hai, kaise aakar sunaave? achha, brahma ke mukh se sunaani pade, kyonki vishnu to hai satayug ka paalan karne vaala । brahma phir vishnu ban jaate hain । shankar ko to gyaan dena hi nahin hai । bolte hain ki vo to aankh kholte hain to vinaash ho jaata hai । usko gyaan ka saagar kaha nahin jaata hai । vishnu ko gyaan ka saagar kaha hi nahin jaata hai । brahma ko gyaan ka saagar kaha nahin jaata hai । gyaan ka saagar kaha hi jaata hai ek ko । haan, ye zaroor hai phir vo aa karke brahma dvaara gyaan dete hai । tum abhi gyaan ki ganga ban jaati ho, kyonki bahut ho na isliye gangaaen, par saagar to ek hai na । tum bachchon ko maaloom hai ki saagar ek hai, phir vo baanta gaya hai । koi ne apna naam rakh diya hai, koi ne apna naam rakh diya hai, koi kya rakh diya hai । koi hindustaan ka saagar, koi vilaayat ka saagar । inke oopar kisma-kisma ke bahut naam rakhe hue hain । jo angreji padhe hue honge, vo naam maaloom hoga । Arabian si arebiya ka, mediteriyan si vilaayat ka, indian si india ka, ye atlaantik si America ka । padhi ho kuchh? shaayad tum bachchiyaan angreji nahin padhi ho । abhi ye naam to in bichaariyon ko aaega nahin, isliye bachchon ko itna door nahin le jaate hain । phir budidhayo ko jab samjhaao. aaj vo patti tum padhaate aao jo abhi padh rahi hain । phir inko bada majboot karo ki hamaara shivbaaba baba bhi hai aur shikshak bhi hai । vo samjhaao ki hamko saare srishti ke aadi madhya ant ka knowledge sunaate hain । drama kaho, srishti kaho । abhi dekho ham bataate hai na, satayug mein sooryavanshi raajaaen 8 baadshaahi chali, ye to abhi samjhaate bhi hain, phir chandravanshi ki baat । vahi sooryavanshi so chandravanshi bante hain, vahi chandravanshi so vaishyavanshi bante hain, vahi vaishyavanshi so shoodravanshi bante hai, vahi shoodravanshi so brahman bante hain । to jo sooryavanshi bante hain vahi chandravanshi banenge, vahi vaishyavanshi banenge, vahi shoodravanshi banenge, vahi phir ja karke brahman vanshi banenge । yeh part unka hai, kyonki abhi to ek bhi brahman nahin tha । vo brahman to vikaari । vo kukhvanshaavli, tum ho mukhvanshaavli । mukhvanshaavli to tumheen banenge brahma ke mukh prajaapita brahma dvaara । un sabka to baap anek hain na । tumhaara to abhi ek ho gaya । yeh bhi to pharka samajhti ho na ki vo braahman, ham braahman । sirf ye tumhaari buddhi mein baithe ki vo brahman kukhvanshaavli, ham mukhvanshaavli । vo jismaani yaatra, ham ek hi roohaani yaatra। vo anek jismaani yaatra, chaaron dhaamon ki yaatra, ye ek hi dhaam ki yaatra । vo yaatra karke phir bhi ghar aa jaate hain, phir doosre janma mein ek yaatra, do yaatra, teen yaatra । ye to bahut bachchiyaan hongi jinko yaatra ka bhi shauk hota hai । do-do, teen-teen, chaar-chaar dapha bhi yaatraaen karti hain । ye ek hi yaatra hai, bas । ye kahaan ki yaatra hai? amarlok ki । vo mrityulok mein yaatra karte rehte hai । tumko baba amarlok ki yaatra karaate hain, jahaan se mrityulok mein nahin aaenge, phir amarlok mein rahenge । amarlok svarga ko kaha jaata hai । svarga ki svarga mein rahenge । vahaan to koi yaatra hoti nahin hai । vahaan bhaktimaarga hi nahin hai । vahaan yaatraaen ki darkaar hi nahin hai । bhaktimaarga nahin hai । vo kahin dhakka nahin khaate hain । yeh dhakka raat ko khaata. । ye brahma ki raat hai । ismen itna bhaktimaarga ka dhakka hai । in dhakke se tum abhi chhoot jaati ho । chaaron taraph phera lagaane ka abhi chhoot jaati ho aur phir bhi phera lagaaya aur har vakta door rahi । tumne geet ka akshar suna na- chaaron taraph lagaae phere, hardam door rahe । hamko behad ka baap, jo svarga yaani krishnapuri ka maalik banaane vaala hai vo na mile । vo bolta hai, vo to mujhe aana pade । tum mujhe pukaarti ho- he patit-paavan, aao । jab kehte ho- he patit-paavan aao, aakar ham logon ko paavan banaao, phir tum yahaan gaga aur ye-ye bhala kyon karte ho? savaal uthta hai na । jab tum yaad karte ho patit-paavan ko ki he patit-paavan aa karke hamko paavan banaao, to phir ganga tumko kaise paavan banaaegi, ye bataao । tumko achhi buddhi hai to sahi na ki vo patit-paavan ko bulaate ho, to agar ganga mein tum paavan ban sakte ho to patit-paavan ko kyon bulaate ho? so bhi kitne bulaate hain! sabhi jaate hai ganga mein snaan karne । dekho, abhi kumbha ka mela lagega, laakhon jaaenge । bees-bees laakh, das-das laakh, pata nahin kitni-kitni bheed hoti hai! phir kitne marte hain.. .gande hote hain । to tumhaare dil mein ye to savaal uthta hai na jabki patit-paavan ek hai, jo sarva ka sadgati daata vaala ek hai, to phir ye kya karte hain! isko kaha jaata hai bhaktimaarga ke dhakke, teertha yaatra jap tap nem ye sabhi । ye to sahaj baat hai na kisse poonchhana, kyonki ye akshar bhi jab tum poonchhengi to kahenge- yeh badi samajhdaar hai, ye badi vidvaan dekhne mein aati hai jo akshar bade kaayde se poonchhati hai ki jab patit-paavan baap ko bulaate ho, phir tum yahaan kahaan jaate ho gaga jal mein? kyon ye guru log tumko sabhi ko dhakka khilaate hain? satguru to vo hai na । jo sarva ka sadgati daata, sadguru sarva ka । phir ye dekho, ye koi sarva ke sab thode hi hain । ek-ek ke paas, koi ke paas 100 chele kiske paas 500 chele kiske 5000 chele kiske paas 5 laakh chele kiske paas 5 karod chele । dekho, jaise aagaakhaan hai । dekho, inko kitne musalmaan log hain! karodon nahin honge, laakhon honge । phir dekho, vo kya karte hain? sharaab peete hain aur race khelte hain । abhi aise guru log karte hain kya? vaise yahaan bhi bahut hi aise gande log hain । abhi ye to hai hi niraakaar । inko apna shareer hi nahin hai, gad kaahe se karenge! shareer vaale gand karte hain । shareer vaale hi pavitra bhi rehte hain, phir gande bhi hote hain । baba bolte hain mujhe to shareer hi nahin hai । main aata hoon tum bachchon ko paavan banaane ke liye aur phir svarga ka maalik banaakar । to tumko khushi honi chaahiye na । khushi yahaan is alpakaal ke liye thode hi honi chaahiye । patit-paavan baba hamko paavan banaay apna svarga ka varsa de rahe hain । barobar buddhi mein baithta hai ki shri lakshmi aur naaraayan svarga ke maalik, inko baap se hi varsa mila hoga, jo svarga ki sthaapna karte hain । kaise mila, ye abhi tum jaante ho । duniya mein doosra koi nahin jaanega । tum poonchh sakti ho- bhala ek baat to bataao, shri lakshmi aur naaraayan hain, ye to svarga ke maalik hai । barobar mahaaraaja-mahaaraani, praja bhi to zaroor hogi, nahin to mahaaraaja bhi kaahe ka hoga! barobar ye bhaarat mein satayug kaha jaata hai । aur koi doosra dharma hota hi nahin hai bilkul hi । sirf ye shri lakshmi-naaraayan ka raajya rehta hai aur satayug ki aadi se । abhi satayug ki aadi mein aur kalhayug ke ant mein, kalhayug ka ant dekhti ho na ki kya hai aur satayug ki aadi mein kya hai । ye to abhi dekhte ho na, tum sangam par baithe ho na । bolo, bhala ye to bataao, yahaan to raaja bhi nahin hai, ye to praja ka praja par raajya hai aur ye vinaash saamne khade hain । bhala inhonne kahaan se ye varsa liya ya kya purushaartha kiya, kya karma kiya jo ye itna bana? to tum meethi bachchiyaan samjha sakti ho ki sangamayug mein, kalpa- kalpa ke sangamayug baap aate hai । baap hi aaenge na । krishna to phir bhi manushya hai na । to baap aate hain, vo aa karke bachchon ko varsa dete hain । jab ye raajya karte hain to kalhayug mein jo itni aatmaaen hain vo sabhi muktidhaam mein chali jaati hain । ye jeevanmukti mein aa jaate hain । vo shantidham mein chale jaate hain । ye sukhdhaam mein aa jaate hai । to dekho, satayug mein sukhdhaam aur vahaan oopar mein shantidham । duhkhadhaam ka naam-nishaan nahin । to dekho, bhaarat aisa tha na । abhi duhkhadhaam bhi hai aur dekho, kitne dharma hain aur ye devi-devta dharma gum ho gaya hai । to jo cheej gum ho gai hai, phir se sthaapna hogi । dekho, abhi hai koi lakshmi-naaraayan ka raajya? kahaan hai? lakshmi-naaraayan kahaan hai? peechhe dekho tum padhaai se ban rahe ho । raajayog ki shiksha se tum bachche abhi apna raajya le rahe ho arthaat raajaai yahaan sthaapan ho rahi hai । abhi tum kaanton se phool ban rahe ho । vo phoolo ka bageecha, ye kaanton ka । isko forest yaani jangal kaha jaata hai । kaante lagte rehte hai । so bhi kaanton ka ekdam । har ek kaanta hai । ek -do ko kaanta lagaate hi rehte hai । vahaan to ek- do ko kaanta nahin lagaate hain na । kaanta maana kaam-kataari । to ye buddhi mein baithna chaahiye, khushi bhi karni chaahiye aur shreemat par bhi chalna chaahiye । pavitra bhi zaroor banna hai । ye kaanta lagaana chhod dena hai । bhale kaante lagaane ke liye tumhaare se ladenge-jhagdenge parantu baba ne samjha diya hai ki ladna-jhagadna zaroor hai । abhi tum bachchon ko himmat nahin hai na । jisme himmat majboot aa jaati hai, vo khade ho jaate hain । phir jismen himmat hoti hai, khadi ho jaati hai to baba bhi samajhte hai ye himmat vaali hai, ye phir kabhi bhi latkegi-satkegi nahin, giregi nahin । to aisi himmat vaali ko baap sharan de sakte hain । aise nahin ki us samay mein himmat dikhlaave jabki sharan deve । phir unko stri ya baap, pati yaad pade, bachchiyaan yaad pade, bachcha yaad pade aur roti rahe kunda mein । vo to aa karke aur hi nuksaan kar deve । aise to nahin chaahiye na । baba jab dekhte hain ki koi bahut himmat vaali hai, samajhte hai ye maar-maar khaakar ekdam pakki hui hai, ekdam ghrina aai hai, tab dekhenge ki haan, abhi inko rakhne mein harja nahin hai, nashtomoha hui hai । to bhi, dekho, baba ko anubhav hai, aisi-aisi bachchiyaan aati hai, abhi bhi hamaare paas hain, bas moh ke keede hai kyonki kutumba sahit aai । pati mar gaya, koi bachcha chala gaya, koi kya hua, baaki unmein moh pad jaata hai । phir jaise bandari । aise bhi hamaare paas hai abhi talak ।. ..vo to hua shuruaat । bhatthi thi na । to kaayda hai ki bhatthi mein sabhi eent nahin pakti hain । sabhi eet pakti hai, kahin bhatthi dekhi hai? jisne eet ki bhatthi dekhi hai, haanth uthaao । jab bhatthi pakti hai to sab thode hi pakti hai । koi kachchi, koi tukda- tukda ho jaati hai, kya hoti hai । to baba ke paas bhi aise ho gaya । koi achhi tarah se nambarvaar purushaartha anusaar pakki । abhi eent to nahin hain na, manushya hai । to jo na paki, ab bhala kachchi hokar mattha khapa kar gai । achha, abhi time to ho gaya hai । aise-aise naapharmaanbardaar bhi aakar baba ko mile the । baba ke paas bahut naapharmaanbardaar bhi hain । baba ek kahenge, maanenge nahin, rooth bhi jaaenge । abhi baba se roothenge to unka haal kya hoga, ye bataao । takdeer se roothe phir takdeer unki chadhti hi nahin hain । aise bhi bahut hote hain, dher ke dher hai, kam nahin hai । koi lobh mein pad jaate hai, koi krodh mein pad jaate rehte hai aur sabhi padte hain dehaabhimaan ke kaaran । phir dehaabhimaani ko shivbaaba kitna bhi samjhaave, par samjhe nahin । apni mat par chale । to sab samajhne ki baaten hain na । baap baithkar sab achhi tarah se samjhaate hain । shreemat par to kadam-kadam par chalna chaahiye । abhi shreemat dete hi hain brahma dvaara । koi kahe mujhe prerna dvaara deta hai, haan mutthi ya muttha gapode maarte hain ki prerna se mat dete hain । prerna se mat deta hota to phir ismen pravesh karne ki, brahma dvaara itne sab bachche paida karne ki kahaan se rahi! baba ke paas aise bhi bahut gapode hai । achhe-achhe puraane-puraane bachche aur bachchiyaan, haan kuchh do baar baba koi baat ke oopar samjhaate hain to vo phir kehte hain- haan, ham to shivbaaba ke hain na, ham shivbaaba se seedhe hi lenge । chalo, seedhe hi lo । seedhe hi lo to yahaan bhi nahin aa saken । yahaan aate hain baapdaada ke paas । ham bole- jaao, seedha vahaan se lena ho to, seedha tumko denge, jaao । bahut samajhne ki baat hai na । kismen dehaabhimaan ho jaata hai to bahut hi bakna shuru kar dete hai । achha, abhi aaj in budidhayon ko kya samjhaaenge! ye pakka karaao ekdam ki vo hamaara baba hai sachcha, sachcha shikshak hai । saadhu sant mahaatma koi bhi nahin hai jo hamko ye srishti ki history-geography sunaave, kyonki behad ki history-geography sunni pade na । ham naatak ke actors thahre । abhi behad ke naatak ka pata na pade to ham actors andhe hue na । buddhiheen aur andhe thahre । phir baba sabka sadgati daata hai । ye koi bhi guru log to khud ki bhi gati nahin karte hai to doosre ki bhi nahin kar sakte । to ye guru hai bhaktimaarga me dhakka khilaane vaale, samajh lo । vo hai dhakka chhudaane vaala, vo hai dhakka khilaane vaala । abhi to samjha na! to dhakka khilaane vaala anek aur phir sabse dhakke chhudaane vaala ek । achha, chalo bhai, toli le aao । hai koi bachchi? aaj vo bhi samjhaati raho abhi talak । sabka mukh to zaroor khule । achha, sabko ye mukh kholna to sahaj hai na- hamaara baba behad ka, sachcha baba behad ka, behad ka varsa dene vaala । behad ka varsa maana hi hamko behad ka nar se naaraayan banaane vaala yaani manushya se devta banaane vaala । devtaaon ko behad ka sukh hai । yahaan had ka paai-paise ka bhi sukh mushkil hai । vahaan health bhi hai yaani nirogi kaaya bhi hai, dhan bhi hai । to baba ne samjhaaya na- jab nirogi kaaya bhi hai aur dhan hai to peechhe to khushi। agar bahut dhan hai । baba ne bahut raajaaai dekhe hain । dekho, udaypur ka raaja tha, unki ye jo taang thi na, aadha ang tha, patli-patli ekdam । to unko koolhe par chadhaate the, paalki par baithaate the । abhi raaja! abhi un bichaare ko kitna duhkh! peechhe paisa kya karenge, kyoki kaaya rogi । satayug mein koi bhi rogi kaaya hoti hi nahin hai, kabhi beemaari hoti hi nahin hai । to ho gaya jaise ki nirogi kaaya । usko kaha jaata hai angreji mein health । ever healthy usko kaha jaata hai । peechhe ever wealthy । yahaan to aaj gareeb hai, kal saahookaar bhi ho sakte hai । satta lagte hai, dhandha mattha ho gaya । aaj laakh kamaate hai, kal kakhapti pad jaate hain, devaala maar dete hain, ye hota hai, ye hota hai । aise hota hai na! bahut jhagda ho jaata hai bachchon ka, inka-inka aur yahaan inko bachcha na paida kare to doosre ka lena pade । vahaan aise bhi nahin hota । bachcha zaroor hoga, jo doosre ka lena na pade । to baba ki mahima karo । doosra koi mahima ko jaante nahin hain । baba, sachcha baba, unko angreji mein truth kehte hain, satya kehte hain । vo satya baba hai, satya shikshak hai, kyoki ye jo behad ki duniya ke hain, satayug ke, mool vatan sookshm vatan sthoolavtan ke ye jo srishti hai, uske aadi madhya ant ka raaj samjhaate hai । vahaan ja karke dekho chakkar kaise phirta hai aur phir sabki sadgati karta hai, kyonki jab inka raajya hai to sukhdhaam hai । baaki itni aatmaaen, jo duhkhadhaam mein theen, kahaan gai? ye duhkhadhaam hai na । itni aatmaaen kahaan gai? vo shantidham mein gai । abhi yaad pada na । shantidham, ham aatmaon ka rahne ka sthaan । sukhdhaam, hamaare sukh jo baba varsa dete hain । peechhe raavan se shraap milta hai, duhkhadhaam । bhala ye to samajh sakte hai na । ye sabhi jo mukhya-mukhya baaten hain, inko aaj thoda-thoda ye bhi buddhi mein daalo, parantu aise nahin ki phir ek daalo, doosri pichhaadi mein bhool jaave । ismen se bhi thoda mukhya uthaao, usmein se bhi thoda mukhya uthaao । jo do-teen baaten samajh gai na, phir dekho ye naam bahut baala karengi । usmein bhi sabse naam baala to hamaari yeh queen karegi । dekho, vo kaha jaata hai na- andhi ke to seekhe nu । are bhaai, tumne ye pahaaka suna hai? ye panjaabi me kya bataate hain । dhi ko thoda samjhaao to jo peechhe aane vaali hai vo bhi samajh jaaegi । vo nahin aati hai । to unko shiksha dene se vo bhi mutthi samajh jaaegi, shiksha pa legi । isko kaha jaata hai- anddhi ke to seekhe noon । to sunna padega । aksar karke budidhayo bahut hai । panjaabi mein kya kehte hain? bada । ye kya kehti hai? to ye jo meethe ki cheejen banaate hain jaise tirki banaate hai aur kaaju ki, bahut cheej ki banaate hain na yahaan phir mukh meetha kiya jaata hai, kaan bhi meetha kiya jaata hai, kyonki amrit gyaan to kaan se suna jaata hai na, to phir mukh bhi meetha kaha jaata hai । aatma kaan se avinaashi gyaan dhan sunti hai aur phir aatma mukh se khaati hai to unko svaad aata hai । bahut meetha hai, kisne kaha? aatma ne kaha । (kisi ne kaha- naino ne dekha) to aatma ke naino ne dekha, aise । to abhi aatma-abhimaani bahut banna padta hai । phir kabhi kubja nahin banengi ।. bade-bade pahalvaan hote hai jabki aasan par baith karke shareer chhodkar aise hi chale jaate hai । jaise dekho sarpa ne khal chhodi thi na, parantu iski kharaab ho gai thi । ye khal seedhi-seedhi chhodte । inko thoda dhak-vak bhi lag gaya tha । achha, meethe-meethe 5000 varsha ke baad mile hue, phir abhi inko gyaan sitaare kahenge । vo to vo roshni dete hain, ye gyaan ki roshni dete hai, jisse ghor andhiyaara... । kuchh bhi nahin jaante hain, na baap ko jaanna yaani actor ho karke, baap ka bachcha ho karke, gyaan saagar ke bachche ho karke aur phir kuchh bhi nahin jaanna । yahaan to ye saadhu log kah deve ki ye sansaar bana hi nahin hai । yeh kalpana ka sansaar hai । jaise- jaise jo kalpana hai unko vahi bhaasta hai । aise-aise anek prakaar ki mat । baba to bilkul sab kuchh baith karke samjhaate hain ki tum kaise janma lete ho, kaun kitne janma lete hain । ye koi thode hi jaante hai । ye jo kehte hain ye sansaar bana hi nahin hai, vo kya ye sab baaten jaanen! to tum ho gae gyaan sitaare manushya ko roshni dene, ghor andhiyaare se ghor sojhra dene । vo maandave ke, tum manushya ko andar ka sojhra dene vaale । aise gyaan sitaaron prati maat-pita, baapdaada ka yaadapyaar good morning ।